Karakoram International University Unofficial GB

11/10/2023

گلگت(پ ر) قراقرم انٹرنیشنل یونیورسٹی کے وائس چانسلر پروفیسر ڈاکٹر عطااللہ شاہ کے زیر صدارت رواں ماہ کے آخر ی ہفتے یونیورسٹی میں منعقد موسمیاتی تبدیلی پر ہونے والے انٹرنیشنل کانفرنس کے سلسلے میں اجلاس منعقد ہوا۔اجلاس میں یو نیورسٹی کے سینئر افسران سمیت یو این ڈی پی گلاف ٹو پراجیکٹ کے ذمہ داران موجود تھے۔ اجلاس میں اظہار خیال کرتے ہوئے وائس چانسلر پروفیسر ڈاکٹر عطا اللہ شاہ نے کہا کہ قراقرم انٹرنیشنل یونیورسٹی کے ادارہ جاتی وقار کو بلند کرنے میں یو این ڈی پی باالخصوص گلاف ٹو پراجیکٹ کا کردار لائق تحسین ہے۔ گلاف ٹو پراجیکٹ کے ساتھ ہونے والے معاہدے کے تحت یونیورسٹی نے گلیشئرز کے پگھلاؤ، گلیشئرز کی پیوند کاری اور پانی کے متبادل ذخائر کی پیداواری اور تحقیق کے سلسلے میں متعدد منصوبے پایہ تکمیل تک پہنچائے جن سے نہ صرف قراقرم انٹر نیشنل یونیورسٹی بلکہ قدرتی آفات کے خطرات اور آبی بحران سے دوچار علاقوں کے عوام کو بھی خاطرخواہ فوائد حاصل ہوئے۔ انہوں نے قراقرم انٹرنیشنل یونیورسٹی کے زیر اہتمام رواں ماہ منعقد ہونے والے بین الاقوامی کانفرنس میں یو این ڈی پی گلاف ٹو پراجیکٹ کے مالی تعاون کی یقین دہانی پر اطمینان کا اظہار کرتے ہوئے کانفرنس کو موسمیاتی تبدیلیوں سے نمٹنے کے حوالے سے ایک اہم سنگ میل قرار دیا۔وائس چانسلر نے کہا کہ یونیورسٹی میں ایک سٹیٹ آف دی ارٹ ڈیٹا سنٹر کے قیام،قدرتی آفات کے خطرات سے دوچار علاقوں کی جی آئی ایس میپنگ اور ممکنہ خطرات کی نشاندہی کے سلسلے میں یو این ڈی پی کا تعاون درکار ہے تاکہ ایک مشترکہ حکمت عملی کے ذریعے موسمیاتی تبدیلی کے اثرات سے نمٹا جاسکے۔ اس موقع پر اظہار خیال کرتے ہوئے یو این ڈی پی گلاف ٹو کے صوبائی کوارڈنیٹر عبدالباسط نے وائس چانسلر کو یقین دلایا کہ ان کا ادارہ موسمیاتی تبدیلی سے نمٹنے کے حوالے سے یونیورسٹی کی جانب سے اٹھائے جانے والے اقدامات میں بھرپور تعاون کرے گا اور دونوں اداروں کی مشترکہ کوششوں سے انٹرنیشنل کانفرنس کو مثالی انداز میں پایہ تکمیل تک پہنچایا جائیگا۔
جاری کردہ
قراقرم۔انٹر نیشنل یونیورسٹی گلگت بلتستان ۔
تاریخ:11اکتوبر2023

10/10/2023

Official Documentary of KIU | Directorate of Public Relations KIU.
Courtesy TV

07/10/2023

قراقرم یونیورسٹی کے ڈائریکٹر پبلک ریلیشنز میر تعظیم اختر سینئر انتظامی و تدریسی افسران کے ہمراہ پریس کانفرنس کر رہے ہیں۔

07/10/2023

کے آئی یو: بی اے، اے ڈی اے ،اے ڈی ایس سپلیمنٹری امتحانات کا شیڈول جاری ہوا

05/10/2023

ڈائیریکٹر پبلک ریلیشنز کے آئی یو میر تعظیم اختر کے آئی یو ٹی وی سی گفتگو کررہے ہیں

26/09/2023

سیکریٹری امور کشمیرو گلگت بلتستان بابر حیات تارڑ نے قراقرم انٹرنیشنل یونیورسٹی کا دورہ کیا۔

شعبہ تعلقات عامہ قراقرم انٹرنیشنل یونیورسٹی کے مطابق یونیورسٹی پہنچنے پر یونیورسٹی کے سینئر انتظامی و تدریسی افسران نے استقبال کیا۔جس کے بعد یونیورسٹی کے سینٹ ہال میں یونیورسٹی کے سینئرانتظامی وتدریسی افسران سے ملاقات کی ملاقات میں یونیورسٹی کے رجسٹرار ڈاکٹر عبد الحمید لون نے یونیورسٹی کو درپیش مالی مشکلات سمیت جامعہ جاری تعلیم،تحقیق سمیت دیگر امور سے متعلق تفصیلی پریزینٹیشن پیش کی۔

ملاقات میں سیکریٹری امور کشمیر و گلگت بلتستان بابر حیات تارڑ نے یونیورسٹی میں جانب سے خطے میں اعلیٰ تعلیم وتحقیق کے فروغ کے لیے دی جانے والی اقدامات کی تعریف کرتے ہوئے کہا کہ یونیورسٹی کو درپیش مالی بحران سمیت دیگر تمام مشکلات سے نکالیں گے اور مل کران تمام مالی بحران سے بچنے کے لئے بہتر حل تلاش کرنے کی کوشش کریں گے۔

انہوں نے کہا کہ گلگت بلتستان میں بے روزگاری کی شرح میں اضافہ ہورہاہے۔جس کے لیے منصوبہ بندی کی جارہی ہے۔بے روزگاری کو ختم کرتے ہوئے انہیں روز گار کے بہتر مواقع فراہم کریں گے۔ملاقات کے آخر میں یونیورسٹی کے قائم مقام وائس چانسلر پروفیسر ڈاکٹر خلیل احمد نے یونیورسٹی کی طرف سے سیکریٹری کشمیر افیئرز وگلگت بلتستان کویونیورسٹی سوینئر بھی پیش کی۔
جاری کردہ۔

قراقر م انٹر نیشنل یونیورسٹی گلگت بلتستان
شعبہ تعلقات عامہ
26ستمبر2023

16/09/2023

کے آئی یو ہنزہ کیمپس
ین الاقوامی سی پیک کانفرنس

13/09/2023

قراقرم انٹرنیشنل یونیورسٹی کے وائس چانسلر پروفیسر ڈاکٹر عطاء اللہ شاہ نے اپنی نوعیت کے حامل جدید سمارٹ کلاس روم کا افتتاح کرلیا۔شعبہ تعلقات عامہ کے مطابق اس موقع پر وائس چانسلر کے ہمراہ یونیورسٹی کے سینئرانتظامی وتدریسی افسران بھی موجود تھے۔سمارٹ کلاس روم کے افتتاح کے موقع پر وائس چانسلر قراقرم انٹرنیشنل یونیورسٹی پروفیسر ڈاکٹر عطاء اللہ شاہ نے اظہار خیال کرتے ہوئے کہاکہ یونیورسٹی تعلیم وتعلم میں رونما ہونے والے جدید تقاضوں سے ہم آہنگ سمیت اپنے طلبا کے لیے جدید تقاضوں سے لیسز سہولیات فراہم کرنے کی بھرپور کوشش کررہے ہیں۔جس کی واضح مثال جدید کلاس روم کے قیام سے لیا جاسکتاہے۔وائس چانسلر نے کہاکہ سمارٹ کلاس روم کا قیام عمل میں لانے کا مقصدعصرحاضر کے تقاضوں کے مطابق جدید ترین سہولیات سے مزین سمارٹ کلاس روم کے ذریعے ڈیجیٹل دور سے ہم آہنگ ہونا ہے۔ جس سے نہ صرف طلبا بلکہ اساتذہ کو بھی سیکھنے کے بہترین مواقع میسر آئیں گے۔ ڈیجیٹل دور کے تقاضوں کو مدنظر رکھتے ہوئے جامعہ نے اپنے طلبا کے لئے ہمیشہ بڑھ چڑھ کر ہر درست قدم کو اپنایا ہے۔ جس کا ایک ثبوت آج کا سمارٹ کلاس روم ہے۔اس سے قبل وائس چانسلر سے انسٹیٹیوٹ آف انجینئرنگ پاکستان کے وفد نے ملاقات کی۔ملاقات میں انجینئر نگ اینڈ ٹیکنالوجی کی ترقی سمیت دیگر امور سے متعلق تبادلہ خیال کیاگیا۔وفد نے جامعہ قراقرم میں بہترین انداز میں انجینئرنگ اینڈ ٹیکنالوجی سہولیات کی فراہمی سے متعلق وائس چانسلر اور ان کی ٹیم کی کاوشوں کو سراہا۔
جاری کردہ۔
شعبہ تعلقات عامہ
قراقرم انٹرنیشنل یونیورسٹی،گلگت بلتستان۔
تاریخ:13ستمبر 2023

09/09/2023

نئے داخلوں کی پہلی میرٹ لسٹ ویب سائٹ پر دی گئ ہے
لنک

https://admissions.kiu.edu.pk/merit-list

06/09/2023

گلگت(پ ر) قراقرم انٹرنیشنل یونیورسٹی میں 6ستمبر یوم دفاع پاکستان کو روایتی جوش و جذبے سے منا یا گیا۔قراقرم انٹرنیشنل یونیورسٹی شعبہ تعلقات عامہ کے مطابق یوم دفاع پاکستان کے حوالے سے شاندار تقریب کا اہتمام کیا۔تقریب کے مہمان خصوصی شیخ الجامعہ پروفیسر ڈاکٹر عطاء اللہ شاہ تھے۔ان کے ہمراہ یونیورسٹی کے سینئرانتظامی وتدریسی افسران اور طلبہ وطالبات کی کثیرتعداد نے شرکت کی۔تقریب میں قراقرم یونیورسٹی ای سی ڈی کے بچوں سمیت جامعہ کے مختلف شعبہ جات کے طلبہ وطالبات نے شاندار انداز میں تقاریر اور ملی نغمے پڑھ کر 1965کے معرکے میں بہادری کے ساتھ دشمن کے ارادوں کو خاک میں ملانے والے شہداء اور غازیوں کی قربانیوں کو خراج تحسین پیش کرنے سمیت حب الوطنی کا اظہار کیا۔تقریب سے بطور مہمان خصوصی خطاب کرتے ہوئے شیخ الجامعہ پروفیسر ڈاکٹر عطاء اللہ شاہ نے کہاکہ باوقار اور خود دار قومیں اپنے ہیروز کو ہمیشہ یاد رکھتی ہیں۔ آج کی یہ تقریب بھی اسی عزم کا اظہار کرنے کے لیے رکھا گیاہے کہ ہم اپنے ہیروز کو ہمیشہ یاد رکھیں گے۔انہوں نے کہاکہ ہم جس آزاد ماحول میں سانس لے رہے ہیں وہ ہمارے بہادر افواج کی بدولت ہے۔جو اس مملکت خداداد کی تحفظ کے لیے ہمہ وقت تیارہیں۔آج کے دن ہی ہمارے نڈر و بہادر افواج نے دشمن بھارت کے غرور کو خاک میں ملایااور ہندوستان کے دانت کھٹے کردئیے اور ناقابل تسخیرکامیابی حاصل کرلی۔اس سے قبل پرووسٹ ڈاکٹر قمر عباس و دیگر نے خطاب کرتے ہوئے ملک عزیز کے لیے ہر قسم کی قربانی دینے کا عزم کا اظہار کیااور شہداء و غازیوں کی قربانیوں کو سلام پیش کی۔یوم دفا ع پاکستان کے حوالے سے طلبہ وطالبات کے مابین ملی نغموں کامقابلہ بھی ہوا۔جس میں طالبہ ایمان علی نے پہلی،کمیل سلطان نے دوسری جبکہ مشاہد حسین نے تیسری پوزیشن اپنے نام کیا۔تقریب کے اختتام پر شیخ جامعہ نے پوزیشن ہولڈر ز اور منتظمین کے درمیان تعارفی اسناد تقسیم کئے۔
جاری کردہ۔
قراقر م انٹر نیشنل یونیورسٹی گلگت بلتستان
شعبہ تعلقات عامہ
06ستمبر2023

04/09/2023

BS Fall Admissions 2023 Interview\Documents verification

https://admissions.kiu.edu.pk/interview-list

31/08/2023

Rebuttle from KIU. in the wake of negative propaganda against KIU and Armed Forces.
1. All students their parents and general public are informed that some people with vested interests to damage the peace of GB in general and KIU in particular are circulating some pictures of security personnel. These pictures relate to 2018 when mock exercise of security personnels was done to deal with any terrorists attack at KIU.
2. Alhumdulillah there is complete peace and tranquility at KIU. The classes of students are being held regularly.
3. Few handful students who have no interest in classes are creating troubles and disruptions in the University for their nefarious designs to damage the peaceful environments of KIU.
4. Using any incorrect information to damage the integrity and image of KIU through false representation at social media is a cyber crime. KIU has reported such voilations of social media to book the culprits under Cyber Crime Act which can lead to removal of such students from University, Imprisonment and heavy fines
5. All individuals and students involved in such negative activities on social media are hereby warned to refrain from sharing false fabricated and falsified information, pictures, clips etc leafing to create unrest in KIU and damaging its integrity and image.
6. This notice is issued without prejudice and in the best interest of peace in the region and KIU. All students, their parents and knowledge loving people are requested to support KIU in this matter.

31/08/2023

گلگت(پ ر) قراقرم انٹرنیشنل یونیورسٹی کے ڈائریکٹر پبلک ریلیشنز میر تعظیم اختر نے فیسوں میں اضافہ کرنے سے متعلق اپنے وضاحتی بیان میں کہاہے کہ یونیورسٹی نے سیشن 2020اور 2021 کے فیسوں میں 25فیصد اضافہ کیاہے باقی سیشن کے طلبا کو یونیورسٹی قوانین کے مطابق سالانہ دس فیصد کے حساب سے سمسٹر فیسوں میں اضافہ کیاگیاہے۔اس حساب سے اس وقت یونیورسٹی کے80فیصد طلبا کی فیسیں فی سمسٹر 32ہزار،15فیصد طلبا کی 44ہزار فیس فی سمسٹر کے حساب سے جبکہ 5فیصد طلبا کی فیسیں 55ہزار فی سمسٹر ہیں۔پانچ فیصد میں شعبہ کمپیوٹر اور انجینئرنگ کے طلبہ وطالبات شامل ہیں۔ ڈائریکٹر پبلک ریلیشنز قراقرم انٹرنیشنل یونیورسٹی نے کہاہے کہ موجودہ فیسوں میں اضافے کے فیس کے سٹریکچر کو ملک بھر کی پبلک سیکٹر جامعہ کے فیسوں سے موازنہ کرایا جائے تو پھر بھی قراقرم انٹرنیشنل یونیورسٹی کی فیسیں بہت ہی کم ہیں۔لہذا یونیورسٹی فیسوں میں کمی کی متحمل نہیں ہوسکتی ہے۔یونیورسٹی ترجمان نے کہاکہ یونیورسٹی اس وقت 300ملین روپے مالی خسارے سے دوچار ہے۔اس خسارے کوکم کرنے کے لیے طلباکی فیسوں میں اضافے کیا گیاہے۔یونیورسٹی انتظامیہ نے یونیورسٹی کو درپیش مالی مسائل سے متعلق صوبائی حکومت،وفاقی حکومت،ہائیرایجوکیشن کمیشن آف پاکستان سمیت دیگر تمام زمہ دارافراد سے ملاقاتیں کرنے سمیت بذریعہ خط آگاہ بھی کیاہے۔ ڈائریکٹر پبلک ریلیشنز قراقرم انٹرنیشنل یونیورسٹی نے کہاکہ ہائیرایجوکیشن کمیشن آف پاکستان کی جانب سے یونیورسٹی بجٹ میں گزشتہ تین سالوں سے کوئی اضافہ نہیں کیاگیاہے۔تین سالوں میں مہنگائی آسمان پرپہنچی ہے،ملازمین کی تنخواہوں میں اضافہ ہوا،یونیورسٹی کے دیگر اخراجات بڑھ گئے ہیں۔ اس کے علاوہ ایچ ای سی نے یونیورسٹی کے تحت منعقد کئے جانے والے پرائیویٹ دوسالہ پروگرامات جن میں بی اے،بی ایس سی،ماسٹر پروگرامات،بی ایڈ ایک سالہ کے پروگرامات بھی ختم کئے۔ ان پروگرامات کا پرائیویٹ امتحانات یونیورسٹی منعقد کرتی تھی۔پروگرامات کوختم کرتے ہوئے اسی حساب سے جامعہ کو کسی طرح کا اضافی گرانٹ مختص بھی نہیں کیا اور ساتھ ہی صوبائی حکومت کی جانب سے گلگت بلتستان کے کالجوں اور سکولوں کا فیڈرل بورڈ سے الحاق کے باعث مزید مالی بحران سے دوچا ر ہونا پڑاہے۔بورڑ منتقلی کے بعد صوبائی حکومت کی جانب سے جامعہ کو کوئی خصوصی بجٹ بھی مختص نہیں کیاگیاہے۔جس کی بدولت قراقرم انٹرنیشنل یونیورسٹی کواس وقت اخراجات ودیگر امور چلانے کے لیے بڑی پریشانی کا سامنا کرنا پڑرہاہے۔یونیورسٹی کے پاس ان مسائل کوکم کرنے کے لیے واحد راستہ فیسوں میں اضافہ رہتاتھا۔مجبوری میں یونیورسٹی نے سمسٹر فیسوں میں اضافہ کیاہے۔ڈائریکٹر پبلک ریلیشنز کے مطابق 2018سے ابھی تک یونیورسٹی کے آپریشنل بجٹ 75کروڑ سے ڈیڑھ ارب روپے تک پہنچا ہے۔جس میں تنخواہوں اور دیگر الاؤنسز کا بجٹ 50کروڑ سے ایک ارب دس کرور روپے ہواہے۔مگر بدقسمتی سے اسی اثنا میں ہائیرایجوکیشن کمیشن آف پاکستان نے 11کروڑ روپے کا اضافہ کیاہے۔جس کی وجہ سے یونیورسٹی کو شدید مالی بحران سے دوچار ہونا پڑا۔رواں سال ڈیڑھ ارب روپے یونیورسٹی کے امور چلانے کے لیے درکار ہیں۔ہائیرایجوکیشن کی طرف سے 42کروڑ روپے دینے کا وعدہ کیاہے۔مگر یونیورسٹی کواپنے اپنے وسائل سے کم از کم ایک ارب روپے پیدا کرنے ہوں گے۔جس کے لیے جامعہ اپنے تمام اخراجات کو کم سے کم کرنے کی کوشش کررہی ہے۔یونیورسٹی کی آمدنی کا بڑھاحصہ طلبا کی فیسوں سے حاصل ہوتاہے۔لہذا فیسوں کو بڑھانے کے علاوہ اور کوئی چارہ نہیں ہے۔

جاری کردہ۔
ڈائریکٹرریٹ آف پبلک ریلیشنز
قراقرم انٹرنیشنل یونیورسٹی، گلگت بلتستان
مورخہ:31اگست 2023

25/08/2023

ڈائریکٹرریٹ آف پبلک ریلیشنز
قراقرم انٹرنیشنل یونیورسٹی، گلگت بلتستان
مورخہ25اگست2023
قراقرم انٹرنیشنل یونیورسٹی میں "ملک عزیز کو قائد اعظم محمد علی جناح کے افکار کی روشنی میں استوار کرنے "کے عنوان پر ایک روزہ شاندار سیمینار کا انعقادکیاگیا۔
تعلیم و ہ کنجی ہے جس کے ذریعے ملکی تعمیروترقی ممکن ہے۔انجینئرامتیاز ایچ گیلانی،طلبا معاشرے میں مثبت چیزوں کو پروان چڑھائیں۔ ڈاکٹر عطاء اللہ شاہ
گلگت (پ ر)قراقرم انٹرنیشنل یونیورسٹی میں "ملک عزیز کو قائد اعظم محمد علی جناح کے افکار کی روشنی میں استوار کرنے "کے عنوان پر ایک روزہ سیمینار کا انعقاد کیاگیا۔ڈائریکٹرریٹ آف پبلک ریلیشنز کے مطابق سیمینار میں نیشنل ٹیکنالوجی کونسل کے چیئرمین انجینئرنگ امتیاز ایچ گیلانی،وائس چانسلر قراقرم انٹرنیشنل یونیورسٹی پروفیسر ڈاکٹر عطاء اللہ شاہ،یونیورسٹی کے سینئرانتظامی وتدریسی افسران،مختلف اداروں کے زمہ داران، شہید کرنل مجیب الرحمن پبلک سکول اینڈ کالج جوٹیال گلگت،آرمی پبلک سکول اینڈ کالج جوٹیال گلگت کے طلبہ وطالبات کی کثیرتعداد نے شرکت کی۔سیمینار کا انعقاد قراقرم انٹرنیشنل یونیورسٹی کی تعاون سے فارآرٹ سیک،پاکستان نیشنل کونسل آف دی آرٹ(پی این سی اے) نے کیاتھا۔سیمینار سے خطاب کرتے ہوئے نیشنل ٹیکنالوجی کونسل کے چیئرمین انجینئرنگ امتیاز ایچ گیلانی نے کہاکہ تعلیم و ہ کنجی ہے جس کے ذریعے ملکی تعمیروترقی ممکن ہے۔لہذا نوجوان موجودہ دور کے تقاضوں اور قائد اعظم محمد علی جناح کے افکار اور وژن کے مطابق تعلیم کے حصول پر توجہ مرکوز کرے۔ان سے قبل سیمینار سے خطاب کرتے ہوئے وائس چانسلر قراقرم انٹرنیشنل یونیورسٹی پروفیسر ڈاکٹر عطاء اللہ شاہ نے کہاکہ ہمیں سوچنا چاہیے کہ ملک عزیز کی تعمیروترقی کے لیے کیاکردار ادا کررہے ہیں۔یہی سوچ ہی ہمیں ملک کی تعمیروترقی اور فلاح بہبود کے لیے کچھ کرنے کا جذبہ پیدا کرے گی۔وائس چانسلر نے کہاکہ تعلیمی اداروں میں زیر تعلیم طلبہ وطالبات کے اوپر سب سے زیادہ زمہ داری عائد ہوتی ہے کہ وہ معاشرے میں مثبت چیزوں کو پروان چڑھائیں۔تاکہ معاشرہ ترقی کی طرف گامزن ہو۔قائد اعظم کے فرامین اور خطبات میں بھی سب سے زیادہ انہیں چیزوں کی طرف توجہ مبذول کرنے پر زور دیاگیاہے۔اس سے قبل دیگر مقررین جن میں آمنہ آئی پٹودی،ڈاکٹر راحت نوید مسعود نے خطاب کرتے ہوئے ملکی تعمیروترقی کے لیے افکاراور وژن قائد اعظم محمد علی جناح کو عام کرنے پر زور دیتے ہوئے کہاکہ جامعہ قراقرم سمیت ملک بھر میں اس طرح کے سیمینار و نمائش منعقدہ کرنے کا مقصد جہاں نوجوان نسل کو وژن اور مشن قائد اعظم محمد علی جناح سے روشناس کرانا ہے وہی پر نوجوان نسل میں بتدرئج ختم ہونے والے فنون کی اہمیت کو اجاگر کرنے اور نئے آرٹسٹوں کو پلیٹ فارم مہیا کرنا ہے۔ سیمینار کے بعد مختلف اداروں کے زمہ داران سمیت شہید کرنل مجیب الرحمن پبلک سکول اینڈ کالج جوٹیال گلگت،آرمی پبلک سکول اینڈ کالج جوٹیال گلگت کے طلبہ وطالبات نے ملک عزیز کے معروف آرٹسٹ علی عظمت کی جانب سے یوم پاکستان کے حوالے سے مرتب کردہ بابائے قوم قائد اعظم محمد علی جناح کی تصاویرکے فن پاروں کی نمائش کا دورہ کیا۔انہوں نے معروف آرٹسٹ کے فن پاروں کی خوب تعریف کی۔ سیمینار کے اختتام پر کامیاب انداز میں سیمینار کے انعقاد پر نیشنل ٹیکنالوجی کونسل کے چیئرمین انجینئرنگ امتیاز ایچ گیلانی اوروائس چانسلر قراقرم انٹرنیشنل یونیورسٹی پروفیسر ڈاکٹر عطاء اللہ شاہ نے ڈائریکٹر پبلک ریلیشنز میرتعظیم اختر و دیگر منتظمین اور رضاکاروں میں تعارفی اسناد بھی تقسیم کئے۔اس سے قبل وائس چانسلر پروفیسر ڈاکٹر عطاء اللہ شاہ کے زیر صدارت یونیورسٹی کے ڈینز،شعبہ جاتی سربراہان کی اہم اجلاس منعقد ہوئی۔اجلاس میں سمسٹر پلان،سمسٹرکی فیس ریکوری،سمسٹر امتحانات سمیت دیگر امور پر تبادلہ خیال کیاگیا۔اجلاس میں وائس چانسلر نے تمام ڈینز وشعبہ جاتی سربراہان کو سمسٹر پلان،سمسٹر کی فیس ریکوری،سمسٹر امتحانات کے حوالے سے طے شدہ پالیسی پر سختی کے ساتھ عمل درآمد کو یقینی بنانے پر زور دیااور طلبہ وطالبات کو معیاری تعلیم وتحقیق کی فراہمی پر مزید توجہ مرکوز کرنے کی تلقین کی۔

24/08/2023

کے آئی یو ۔
بی ایس ایڈمیشن کی تاریخ میں یکم ستمبر تک توسیع کیا گیا

10/08/2023

کے آئی یو ۔ وائس چانسلر انجینئر پروفیسر ڈاکٹر عطا اللہ شاہ پریس کانفرنس کررہے ہیں

08/08/2023

کے آئی یو ۔ ایگزام سیکشن نے ایم اے انگلش ، اردو، اکنامکس اور پولیٹیکل سائنس کی supply سپلیمنٹری امتحانات کا شیڈول جاری کیا ، جبکہ دوسری سائیڈ SS-II کا دوسرا سالانہ امتحانات برائے 2023 کے فارمز جاری کردئے گئے ہیں۔
مزید معلومات کے لئے دفتری اوقات میں قراقرم بورڈ تشریف لے جائیں۔

06/08/2023

محدود وسائل میں تعلیمی ترقی کے لیے کوشاں ہیں ۔

وائس چانسلر قراقرم یونیورسٹی انجینئر پروفیسر ڈاکٹر عطا اللہ شاہ

05/08/2023

قراقرم انٹرنیشنل یونیورسٹی کی مالی بحران کی وجوہات اور انجینئرنگ ٹیکنالوجی کیمپس کے حوالے سے وائس چانسلر قراقرم انٹرنیشنل یونیورسٹی انجینئر پروفیسر ڈاکٹر عطاء اللہ شاہ کا سکردو ٹی وی کو دیا گیا انٹرویو۔

01/08/2023

Government of Gilgit Baltistan (GB) takes another stride towards improving its education system by signing a groundbreaking agreement with Aga Khan University (AKU) LUMS, Karakoram International University (KIU), and Knowledge Platform. The collaborative project, "1000 Education Fellows" spans three years and is valued at 2.19 billion rupees.

Under this initiative, AKU and its partners will recruit, train, and deploy 1000 Education Fellows to government schools in GB. The Vice Provost of AKU, Dr. Anjum Hailai, expressed confidence that this project will significantly impact the government education system, with all parties dedicated to transforming the educational landscape.
Vice Chancellor of KIU, Dr. Atta Ullah, emphasized the university's commitment to utilizing all resources to support the education department in GB. Additionally, Prof. Dr. Gulab Khan from LUMS and Mr. Issa Salahuddin from Knowledge Platform shared their optimism and commitment to contributing their best to this commendable endeavor.

This landmark collaboration aims to elevate the quality of education in GB and create a brighter future for the region's students.

28/07/2023

کے آئی یو ۔ وائس چانسلر انجینئر پروفیسر ڈاکٹر عطا اللہ شاہ کا محرم الحرام کے حوالے سے کے آئی یو کے فیکلٹی اسٹاف اور طلباء کے لئے خصوصی پیغام۔

26/07/2023

وائس چانسلر کے آئی یو انجینئر پروفیسر ڈاکٹر عطا اللہ شاہ کی مسلسل کوششوں کی بدولت درج ذیل کامیابیاں حاصل ہوئی ہیں۔
1. طلباء کے اندراج 4000 سے بڑھ کر 9000 ہو گئے۔
2. مارکیٹ پر مبنی پروگرام شروع ہوئے۔
3. کے آئی یو گریجویٹ اسکول قائم کیا گیا جس نے 17 MS اور 7 PhD پروگرام شروع کیے ۔ اس سے تحقیق کی پیداواری صلاحیت میں اضافے کے علاوہ ہر سال 20 ملین کی آمدنی ہوتی ہے۔ فیکلٹی کے ذریعہ 100 سے زیادہ تحقیقی منصوبے حاصل کیے گئے اور تقریباً 200 طلباء نے 4 سالوں میں ایم ایس/پی ایچ ڈی کی ڈگریاں حاصل کیں۔
4. فیکلٹی اور ملازمین کو میرٹ پر ترقی دی گئی۔
5. فیس ریونیو 180 ملین سے بڑھ کر 450 ملین ہو گئی۔
6. اندرونی اور بیرونی وسائل سے ریسرچ فنڈنگ 200 ملین تک بڑھ گئی۔
7. فیکلٹی آف انجینئرنگ اینڈ ٹیک پہلی بار جی بی میں قائم کیا جہاں 200 سے زائد طلباء بی ایس انجینئرنگ اور ٹیک کی تعلیم حاصل کرتے ہیں۔
8. بی ایس مائننگ، اردو، جنگلات، جی آئی ایس ریموٹ سینسنگ، مائیکروبائیولوجی، لیب ٹیک وغیرہ مارکیٹ پر مبنی پروگرام شروع ہوئے۔9. KIU انڈومنٹ فنڈ قائم کیا جو اس سال 300 ملین تک پہنچ جائے گا۔
ان تمام اقدامات سے مالی استحکام آیا۔
کے آئی یو کو درج ذیل بڑے چیلنجز کا سامنا ہے۔
1. یونیوٹسٹی کا آپریشنل بجٹ 2018 میں 750 ملین سے بڑھ کر 1300 ملین روپے ہو گیا جس کی وجہ طلباء کے آپریشن میں اضافہ اور یکے بعد دیگرے حکومتوں کی تنخواہوں میں اضافہ ہے۔
2 ایچ ای سی بجٹ کا صرف 30% ادا کرتا ہے اور بقیہ 70% یونیورسٹی اپنے وسائل سے پیدا کرتی ہے، جس کا مطلب ہے 900 ملین روپے طلباء کی فیس میں مقررہ حد سے زیادہ اضافہ نہیں کیا جا سکتا۔
3. ملازمین سے متعلقہ اخراجات 5 سالوں میں 550 ملین سے بڑھ کر 990 ملین ہو گئے جس میں 440 ملین کا اضافہ ظاہر ہوا لیکن HEC نے اپنے حصے میں صرف 110 ملین کا اضافہ کیا اور KIU نے 330 ملین پیدا کرنے ہیں۔
4. بدنام زمانہ فیصلہ اگر میٹرک اور انٹر کے طلباء کو KIU بورڈ سے فیڈرل بورڈ میں شفٹ کرنے سے110 ملین روپے کا نقصان ہوا۔
5. جی بی حکومت کے ہنزہ غذر اور چلاس میں تین نئے سب کیمپس کھولنے کے فیصلے سے 60 ملین کا اضافی بوجھ پڑا
6. 2 سالہ بی ایس پروگراموں کی بندش سے 30 ملین کا نقصان ہوا۔
7. صوبائی حکومت کی طرف سے کوئی بجٹ سپورٹ نہیں کی جاتی ہے، جب کہ دوسرے صوبوں میں یونیورسٹیوں کو اپنے بجٹ کا 10-15% سپورٹ کیا جاتا ہے
8. تنخواہ میں تازہ ترین اضافے سے 150 ملین کا اضافی بوجھ پڑا جبکہ HEC نے کوئی اضافی رقم مختص نہیں کی۔
ان حالات میں وی سی کے آئی یو اور اسکی ٹیم کی انتھک محنت سے یونیورسٹی نے تعلیمی, تحقیقی اور جدیدیت کے منازل کامیابی کے منازل طے کیے
موجودہ صورتحال میں مندرجہ ذیل اقدامات کرنے کی اشد ضرورت ہے
1. وفاقی حکومت KIU کو بجٹ میں اعلان کردہ تنخواہوں میں اضافے کے برابر گرانٹ دے ۔
2. صوبائی حکومت باقاعدہ بجٹ مختص کرتی ہے اگر ہر سال 200 ملین روپے، تاکہ طویل مدتی مالی استحکام کا منصوبہ بنایا جائے۔
3. سرکاری سکولوں اور کالجوں پر سے پابندی ہٹائی جا سکتی ہے اور انہیں یہ اختیار دیا جا سکتا ہے کہ وہ اپنی ترجیح اور مفاد کے مطابق دونوں بورڈز میں سے کسی ایک کو منتخب کر لیں۔
4. ایچ ای سی تین سب کیمپسز کے لیے اضافی فنڈز مختص کر سکتا ہے اور نئے سب کیمپس پر پابندی لگائی جا سکتی ہے۔

26/07/2023

گلگت۔قراقرم انٹرنیشنل یونیورسٹی نے جماعت دہم کے سالانہ امتحانی نتائج جاری کردیا ۔۔۔ٹاپ پوزیشن حاصل کرنے والے 4 طلباء وطالبات کا تعلق دیامر گوہرآباد سے ہے۔۔۔.
زبردست شاندار نتائج پر قراقرم بورڈ مبارک باد کا مستحق ہے

26/07/2023

کے آئی یو ۔ ایگزامنیشن سیکشن نے نہم دہم کا سالانہ امتحانات برائے 2023کے نتائج کا اعلان کردی
https://examinations.kiu.edu.pk/results

22/07/2023

حسین بانٹ رہے ہیں نجات لے جاؤ
کچھ آنسوں کے عوض کائنات لے جاو
رضہ اللہ

17/07/2023

یونیورسٹی میں ادب کے محافلِ، محفل کے مشاعروں سے اردو زبان کے فروغ میں مدد ملے گی ۔
وائس چانسلرقراقرم انٹرنیشنل یونیورسٹی انجینئر پروفیسر ڈاکٹر عطا اللہ شاہ

14/07/2023

کے آئی یو میں محفل مشاعرہ ، کے آئی یو کے فیکلٹی شعراء ،طلباء شعراء ،اور گلگت سے حلقہ اربابِ ذوق ،انجمن فکر سخن ،انجمن ترقی پسند مصنفین کے سینئر شعراء اپنا کلام پیش کررہے ہیں

14/07/2023

کے آئی یو۔ وائس چانسلر انجینئر پروفیسر ڈاکٹر عطا اللہ شاہ پرووسٹ آفس کے زیر اہتمام منعقدہ محفل مشاعرہ کی تقریب میں شرکاء سے خطاب کررہے ہیں

14/07/2023

کے آئی یو ۔ محفل مشاعرہ کی مختصر جھلکیاں

13/07/2023

Chancellor Karakoram International University Dr Atta Ullah Shah Visit Institute of professional development KIU ( IPD)

13/07/2023

کے آئی یو ۔ وائس چانسلر انجینئر پروفیسر ڈاکٹر عطا اللہ شاہ چائنہ اسٹڈی سینٹر و انٹرنیشنل آفس کے ساتھ اجلاس کی صدارت کررہے ہیں ۔

13/07/2023

کے آئی یو ۔ وائس چانسلر انجینئر پروفیسر ڈاکٹر عطا اللہ شاہ کے جی ایس کے اساتذہ کے ساتھ اعلی سطحی اجلاس کی صدارت کررہے ہیں

12/07/2023

قراقرم انٹرنیشنل یونیورسٹی مین کیمپس میں نیا سال 2023 فال سمیسٹر میں BS کے لئے نئے داخلوں کا اعلان کیا گیا ۔
www.kiu.edu.pk

11/07/2023

کے آئی یو ۔ وائس چانسلر انجینئر پروفیسر ڈاکٹر عطا اللہ شاہ کا پاکستان انجینئرنگ کونسل کے زیر اہتمام ایک روزہ کانفرنس میں شرکت ۔

11/07/2023

وائس چانسلر پروفیسر ڈاکٹر عطاء اللہ شاہ کو ڈائریکٹر بپلک ریلیشنز اینڈ ٹرانسپورٹ میر تعظیم اختر شعبے کے حوالے سے بریفنگ دے رہے ہیں۔
بعد ازاں وائس چانسلر کو پرووسٹ آفس ایڈمیشن سیکشن اور ورکس ڈیپارٹمنٹ کے زمہ داران نے بھی اپنے شعبے کے حوالے سے تفصیلی بریفنگ دی

11/07/2023

کے آئی یو وائس چانسلر انجینئر پروفیسر ڈاکٹر عطا اللہ شاہ یونیورسٹی کے مختلف لیبارٹریز کا جائزہ لے رہے ہیں

10/07/2023

ڈائریکٹرریٹ آف پبلک ریلیشنز
قراقرم انٹرنیشنل یونیورسٹی، گلگت بلتستان
مورخہ10جولائی 2023
قراقرم انٹرنیشنل یونیورسٹی کے وائس چانسلرکے زیر صدارت ORICاور IPDکے جائزہ اجلاس منعقد،وائس چانسلر کامعاشرے کو درکار ضروریات کے تحت مزید کام کرنے پر زور۔
گلگت(پ ر) قراقرم انٹرنیشنل یونیورسٹی کے وائس چانسلر پروفسیر ڈاکٹر عطاء اللہ شاہ کے زیر صدارت ORICاور IPDکے جائزہ اجلاس منعقد ہوئی۔ڈائریکٹرریٹ آف پبلک ریلیشنز کے مطابق اجلاس میں وائس چانسلر کے ہمراہ ORICاور IPDکے زمہ داران نے شرکت کی۔اجلاس میں ORICاور IPDکی جانب سے تفصیلی پریذنٹیشن دی گئی۔پریذنٹیشن کے ذریعے دونوں شعبہ جات کی مجموعی کارکردگی سمیت مستقبل قریب کے منصوبوں سے متعلق وائس چانسلر کو آگاہ کیاگیا۔وائس چانسلر نے اجلاس میں دونوں شعبہ جات کو مارکیٹ کو درکار ضروریات کے تحت مزید کام کرنے پر زور دیا۔اس سے قبل وائس چانسلر سے جیوٹیکنکل اینڈ انوائرمنٹل مینجمنٹ سروسز کے عرفان اور ان کی ٹیم نے ملاقات کی۔ملاقات میں انہوں نے وائس چانسلر کو جیوٹیکنکل اینڈ انوائرمنٹل مینجمنٹ سروسز کے بارے میں آگاہ کیااور قراقرم انٹرنیشنل یونیورسٹی کے ساتھ مل کر کام کرنے کی خواہش کااظہار کیا۔

10/07/2023

04/11/2022

ڈائریکٹرریٹ آف پبلک ریلیشنز
قراقرم انٹرنیشنل یونیورسٹی، گلگت بلتستان
مورخہ04 نومبر2022

فیڈریشن آف پاکستان چیمبر آف کامرس اینڈ انڈسٹری نے قراقرم انٹرنیشنل یونیورسٹی کو بزنس انکیوبیشن اور فری لانسنگ میں بہترین کارکردگی کا مظاہرہ کرنے پر ہائی اچیومنٹ ایوارڈ دے دیا۔

ہائی اچیومنٹ ایوارڈ سے نوازنے پر وائس چانسلر کا بزنس انکیوبیشن سنٹر کی پوری ٹیم کو مبارک باد پیش،یونیورسٹی کے تمام سب کیمپسز میں بزنس انکیوبیشن اور فری لائنسنگ کے مواقع فراہم کرنے کے عزم کا اظہار۔

لاہور(پ ر) فیڈریشن آف پاکستان چیمبر آف کامرس اینڈ انڈسٹری کی جانب سے قراقرم انٹرنیشنل یونیورسٹی کو بزنس انکیوبیشن اور فری لانسنگ کے ذریعے خواتین کو بااختیار بنانے کے حوالے پورے پاکستان میں بہترین کارکردگی کا مظاہرہ کرنے پر ہائی اچیومنٹ ایوارڈ دے دیا۔ڈائریکٹر ریٹ آف پبلک ریلیشنز کے مطابق ایوارڈ دینے کے حوالے سے پنجاب گورنر ہاؤس میں فیڈریشن آف پاکستان چیمبر آف کامرس اینڈ انڈسٹری کی طرف سے 10ویں ایوارڈکی تقریب منعقد کیاگیا۔تقریب میں سینٹ کے چیئرمین صادق سنجرانی،گورنر پنجاب محمد بلیغ الرحمان،قراقرم انٹرنیشنل یونیورسٹی کے وائس چانسلر کی جانب سے ڈائریکٹر اوریک و بزنس انکیوبیشن سنٹر قراقرم انٹرنیشنل یونیورسٹی ڈاکٹر محفوظ اللہ ڈار نے شرکت کی۔تقریب میں مختلف شعبہ جات کے زمہ داران بھی موجود تھے۔ہائی اچیومنٹ ایوارڈ کی تقریب میں گورنر پنجاب اور چیئرمین سینیٹ نے وائس چانسلر قراقرم یونیورسٹی کی جانب سے ڈائریکٹر اوریک و بزنس انکیوبیشن سنٹر قراقرم انٹرنیشنل یونیورسٹی ڈاکٹر محفوظ اللہ ڈار نے ہائی اچیومنٹ ایوارڈ پیش کیا۔ ڈائریکٹر ریٹ آف پبلک ریلیشنز کے مطابق گورنر پنجاب اور چیئرمین سینیٹ نے قراقرم انٹرنیشنل یونیورسٹی کی جانب سے گلگت بلتستان کے دور دراز علاقوں میں بزنس انکیوبیشن اور فری لائنسنگ کے حوالے سے نوجوانوں کو بااختیار بنانے کے لیے اٹھائے جانے والے اقدامات کو سراہتے ہوئے اس بات پر زور دیا کہ پاکستان کے دیگر جامعات بھی اسی طرح طلبہ وطالبات کو بہترین فری لائنسنگ اور بزنس انکیوبیشن کے مواقع فراہم کرے۔ہائی اچیومنٹ ایوارڈ دینیپر وائس چانسلر قراقرم انٹرنیشنل یونیورسٹی پروفیسر ڈاکٹر عطاء اللہ شاہ نے قراقرم یونیورسٹی بزنس انکیوبیشن سنٹر کی پوری ٹیم کو مبارکباد دیتے ہوئے کہاکہ SCO، وفاقی وزارت اطلاعات و مواصلات اور پنجاب آئی ٹی بورڈ کیتعاون سے مین کیمپس میں نیشنل انکیوبیشن سنٹر اور نیشنل فری لائنسنگ سنٹر کا قیام عمل میں لایا ہے۔جس کا بنیادی مقصد طلبا کو خود روزگاری کے مواقع فراہم کرتے ہوئے قومی و بین الاقوامی دھارے میں لانا ہے۔اس سنٹر کی بہترین کارکردگی کو سامنے رکھتے ہوئے فیڈریشن آف پاکستان چیمبر آف کامرس اینڈ انڈسٹری نے ہائی اچیومنٹ ایوارڈ سے نوازا۔وائس چانسلر نے اپنے شراکت دار ادارے جن میں SCO، وفاقی وزارت اطلاعات و مواصلات اور پنجاب آئی ٹی بورڈ کی بھرپور تعاون کا شکریہ ادا کیا۔جن کی تعاون سے گلگت بلتستان میں فری لائنسنگ اور بزنس انکیوبیشن کی سہولیات فراہم کی جارہی ہیں۔وائس چانسلر نے اس عزم کا اظہار بھی کیاکہ اپنے شراکت دار اداروں کے تعاون سے اپنے تمام سب کیمپسز میں بھی فری لائنسنگ اور بزنس انکیوبیشن کے مواقع فراہم کرینگے۔

04/11/2022