Aziz Shahid

14/01/2025

اساں تاں دھاگے گُنجیئے مُنجیے توں ہک ریشم شال!
اپنی تند ہتھیں نئیں آندی ریشم آپ سنبھال

ویڑھ گئی چودھار بدن کوں اندھی کالی شام!
تلویں تہ وچ سانبھیے لاتھن اج وی لال رومال

شیئت اونکوں وَل یاد آ گئی اے خوشبو دی خیرات
اینویں کون بھجیندے کہیں دو خط اِچ سر دا وال

ستویں سانون ستویں امب تے خالی ستویں پینگھ
ست پینگھاں ست سانون وی ہِن ست سانون ست سال

لُرکدیاں آندین مست ہوائیں من دیاں مینڈھیاں کھول
گم سم پل دے گھنگرو پا کے رج کے کھیڈ دھمال

اساں کہیں کوں کیا ڈس سگدوں ساڈے کتنے رُوپ
اساں تاں شاہدؔ اپنے در تیں اج وی آپ سوال

ع ش

10/01/2025

ڈیرہ آرٹ کونسل 🌿💙
👇
https://youtube.com/

https://www.tiktok.com/?_t=8lyhQ7kPiH1&_r=1

09/01/2025

ڈھل گئے سایا دیوار کُولوں
کوئی یاد آگئے ۔۔۔۔🌿

فاروق محرم سئیں سانجھ💙
👇
https://youtube.com/

https://www.tiktok.com/?_t=8lyhQ7kPiH1&_r=1

07/01/2025

لُرکدیاں آندین مست ہوائیں من دیاں مینڈھیاں کھول

گُم سُم پل دے گُھنگرو پا کے رج کے کھیڈ دھمال

04/01/2025

چندر چُمدے پچھانوے تیڈے۔۔۔🌿
میڈا بیٹا ۔۔۔ندیم طاہر🌿🥀

30/12/2024

میڈے کمرے دی ہک 'چنڈ دے وچ
ہک آلھنڑاں ہے
جتھ وسدا پۓ
ہک وسدا جوڑا _چڑیاں دا

نت _چلکدے ہوۓ
چلکار سنڑیندیاں رہ ویندین
تیڈیں ونگیں دے
چھنڑکار سنڑیندیاں رہ ویندین

کڈی ہک بۓ توں 'لک ویندیاں ہن ول آپ گولیندیاں رہ ویندین
_مل پوون تاں
رل چوگ وٹیندیاں رہ ویندین

کہیں پاسے 'رلنڑ وی نئیں ڈیندیاں
میکوں تیکوں 'بھلنڑ وی نئیں ڈیندیاں
تیڈی یاد ڈیویندیاں رہ ویندین

اساں سندھڑی جندڑی چڑیاں دی
ساہ سہہ نئیں سگدے
جان ! وچھوڑا چڑیاں دا
شالا وسدا رہے
نت وسدا جوڑا چڑیاں دا

ع ش

30/12/2024

ہِک خواب وَل ݙیکھیجے
رُل ڳئیں کوں رَل ݙیکھیجے

ہِک ٻانہہ ملوک ہووے
ول اپݨا ڳل ݙیکھیجے

ڳل نال لاکے تیکوں
ٻاہیں دا ٻل ݙیکھیجے

ہِک چندر نال ہووے
لیّے دا تھل ݙیکھیجے

سسی دے نال رُل کے
رُل ڳیا پُنل ݙیکھیجے

ہِک وار تیݙی اَکھ کوں
پا کے کجل ݙیکھیجے

کہیں رات اپݨے دَر تیں
جھولی کوں جھل ݙیکھیجے

سانوݨ دی چاندݨی وچ
تونسے دا تل ݙیکھیجے

ٻس ݙیکھݨے تاں ٹُر پو
کیا اَڄ تے کل ݙیکھیجے

سِک اے سلوک ساہ دا
کیا کوئی سمل ݙیکھیجے

کہیں شام اَپݨے اندر
سجھ نال ڈھل ݙیکھیجے

عزیز شاہد

26/12/2024

شمی دے ناں ...🌿

اُوہے ساریاں گالھیں جو ہُنڑ یاد آندین
تاں رڄ پیاری لگدی ہے ہر
بد تمیزی

میڈا اونکوں آکھنڑ جو شمی نکمی
اوندا ول _چِڑھانونڑ عزیزی گزیزی

اساں صرف ہِک رات رل کے مِلیوسے
نہ ول مِل سگیوسے نہ اُو رات دھمی
اُونویں اُوندی کؤ ہے عزیزی گزیزی
اونویں اپنڑیں اندر ہے شمی نکمی

زمانے گذر گۓ ہِکے پَل دی ' پُل تیں
گذر گئین کیا کیا زمانے وی بُھل گۓ
پتہ نئیں کِتھاں ہے اُو شمی نکمی
عزیزی وی رُل گۓ گزیزی وی رُل گۓ

¤ درشن
👇
https://youtube.com/

https://www.tiktok.com/?_t=8lyhQ7kPiH1&_r=1

25/12/2024

سُدھ نئیں کون کتھاں رُل ڳئے
کہیں دا پیرا نئیں ملدا

25/12/2024

یار تاں اکثر مل پوندن

کہیں دا چہرہ نئیں ملدا

22/12/2024

اکھ وی خالی ہے اتے پپلی وی تر کوئی نہیں
زندگی! اے زندگی اعبتار کر کوئی نہیں

سر تے کالی رات دی میَّت کوں چا کے کن تے ونجاں
میڈے ہمسائیاں دا وی تاں اپنا گھر کوئی نہیں

اے تاں پاگل چاندنی پھِردی ودی ہے دربدر
اَے میڈی دھڑکن سنبھِل اے دل نہ مَر کوئی نہیں

رتو رت تیشہ قلم دا میڈیاں انگلیں لہو لہان
ایں کنوں ودھ تاں میڈے ہتھ وِچ ہُنر کئی نہیں

بے وطن میں بے زمیں میں بے خصر میں بے سُنجان
کیا کلہیپا ہے جو سَاہ دا ہم سفر کوئی نہیں

’’سنگِ مر مر دا محل‘‘ بن گئے علامت پیار دی
شہجہاں دے شَہر وِچ وی شیشہ گر کوئی نہیں

ہر کوئی اپے پچھانویں کوں بدن ویڑھی ودے
میں وی ہاں موجود توں وی ہَیں مَگر کوئی نہیں

زندگی بے خواب اَکھ دی بے کَسی دا وین ہے
اے او بیوہ ہے جو شاہدؔ جیندا وَر کوئی نہیں

ع ش

12/12/2024

لگ جا گلے۔۔۔کہ پھر یہ حسیں رات ہو نہ ہو۔۔۔🌿🥀

12/12/2024

پیار بھرے دو شرمیلے نین۔۔۔🌿🥀

12/12/2024

10/12/2024

لفظیں کوں وِسر گئین تیڈے پیار دے لہجے

گونگا میکوں ایں چپ دی اسیری توں رِہا کر

05/12/2024

تیڈے کجلے نیناں کوں
ڈیکھ اینویں لگدا ہے

جیویں جھوک 'جھوری تیں
شام ڈھلدی پئ ھووے

جیویں اپنڑیں لعلنڑ دو
کونج ولدی پئ ھووے

جیویں بہوں پریں روہ تیں
مونجھ بلدی پئ ھووے

ع ش

02/12/2024

اکھ دے کاسے کوں ہنج ضرورت ہے
ہجر دی رات کوئی سخاوت کر

مَیں ہا مصروف خود کلامی وچ
بے کسی! بہر کھڑ حفاظت کر

ع ش