https://www.facebook.com/291541044033850/

Central Press Club Regd Chichawatni, Government Boys College Road Near Rahat Park, Chichawatni (2024)

09/10/2024

بھارتی خاتون ریسلر نے ریاستی انتخابات میں بی جے پی کو شکست دے دی
ممبئی(آئی آئی پی) پیرس اولمپکس کے فائنل سے ڈس کوالیفائی ہونیوالی سابق بھارتی خاتون ریسلر اور کانگریس رہنما ونیش پھوگاٹ نے بھارتی ریاستی انتخابات میں بھارتیہ جنتا پارٹی کے امیدوار کو شکست دے دی۔بھارت میں مقبوضہ جموں وکشمیر اور ہریانہ کے ریاستی انتخابات کے نتائج سامنے آگئے ہیں۔بھارتی میڈیا کے مطابق مقبوضہ و جموں کشمیر میں انڈین نیشنل کانگریس اور ہریانہ میں حکمران جماعت بھارتیہ جنتا پارٹی (بی جے پی) کو واضح برتری حاصل ہے۔پیرس اولمپکس 2024 سے وزن کے باعث ڈس کوالیفائی ہونے والی سابق بھارتی ریسلر ونیش پھوگاٹ نیہریانہ میں ہونے والے ریاستی انتخابات میں بی جے پی کے یوگیش کمار کو 6015 ووٹوں سے شکست دے دی۔ ونیش پھوگاٹ نے ہریانہ کے ضلع جولانہ کی سیٹ جیتی اور اس کامیابی کو سچائی کی جیت قرار دے دیا۔

09/10/2024

چنگان کا اپنی مشہور زمانہ گاڑی اوشان X7 کی قیمت میں بڑی کمی کا اعلان ،اوشان X7 کی بکنگ کروا کر 2 لاکھ روپے کی بڑی بچت حاصل کی جا سکتی ہے
لاہور(آئی آئی پی) چنگان پاکستان نے گاڑیوں کے شوقین افراد کے لیے ایک زبردست محدود مدت کیلئے پیشکش کا اعلان کیا ہے۔ اب آپ اوشان X7 کی بکنگ کروا کر 2 لاکھ روپے کی بڑی بچت حاصل کر سکتے ہیں! یہ بچت اوشان X7 کے تینوں ویرینٹس پر دستیاب ہے۔کمپنی کے مطابق، "فیوچر سینس" ویرینٹ سب سے جدید ہے۔یہ پریمیئم ایس یو وی، جو اپنے خوبصورت ڈیزائن، جدید حفاظتی فیچرز، اور کشادہ انٹیریئر کے لیے مشہور ہے، خاندانوں اور ایڈونچر پسندوں کے لیے بہترین گاڑی ہے۔اوشان X7 کی ابتدائی قیمت صرف 8,099,000 روپے ہے، جو جدید ترین ٹیکنالوجی سے لیس ہے۔ اس کی طاقتور انجن آپ کو شہر کی سڑکوں یا ہائی وے پر ایک آرام دہ اور ہموار ڈرائیونگ کا تجربہ فراہم کرتا ہے۔لیکن زیادہ دیر نہ کریںیہ پیشکش 31 اکتوبر 2024 تک دستیاب ہے

09/10/2024

اسامہ بن لادن کے بیٹے کو فرانس میں داخلے سے روک دیا گیا
پیرس(آئی آئی پی) اسامہ بن لادن کے بیٹے کو فرانس میں داخلے سے روک دیا گیا،فرانسیسی حکام کا کہنا ہے کہ القاعدہ کے سربراہ اسامہ بن لادن کے بیٹے عمر بن لادن کے فرانس میں داخل ہونے پر پابندی لگادی گئی ہے، عمر بن لادن اب کسی بھی وجہ سے فرانس میں داخل نہیں ہوسکتے۔بین الاقوامی خبر رساں ادارے کی رپورٹ کے مطابق عمر بن لادن کئی برس سے اپنی برطانوی بیوی کے ہمراہ فرانس کے گاؤں نارمنڈی میں رہ رہے تھے، جہاں وہ بطور آرٹسٹ کام کرتے تھے۔اسامہ بن لادن کے بیٹے عمر بن لادن کو گزشتہ برس فرانس چھوڑنے کا حکم دیا گیا تھا اور دو سال کیلیے فرانس آنے پر پابندی لگائی گئی تھی

08/10/2024

پیر محل میں 17 سالہ لڑکی سرجری کے بعد لڑکا بن گئی
پیر محل (آئی آئی پی) پیر محل کے گاؤں میں 17 سالہ لڑکی اقرا سرجری کے بعد لڑکا بن گئی۔ تفصیلات کے مطابق 17 سالہ اقرا کو طبی مسائل کے باعث ڈاکٹر کو چیک کروایا گیا، جہاں ڈاکٹروں نے اس کاآپریشن کرکے اسے لڑکا قرار دے دیا۔ ڈاکٹروں کاکہنا ہے کہ مذکورہ لڑکی پیدائش کے وقت لڑکا ہی تھی تاہم طبی مسائل کے باعث والدین کو علم نہیں ہوسکا لہذا اب سرجری کرکے طبی مسائل کا خاتمہ کردیا گیا ہے ۔خیال رہے کہ اقرار نے مقامی گرلز سکول سے میٹرک تک تعلیم حاصل کی ہے۔ اقرا کا نام تبدیل کرکے ہمدان رکھ دیا گیا ہے۔ہمدان کے والدین کا کہنا ہے کہ پہلے ان کے 2 بیٹے تھے لیکن اللہ نے انہیں ایک اور بیٹے کی نعمت سے نواز دیا ہے۔

02/10/2024

چیچہ وطنی(ایم جمیل ملک سے) ریلوے انتظامیہ نے لاہور سے کراچی جانیوالی پاک بزنس ایکسپریس کا چیچہ وطنی میں سٹاپ منظور کرلیا،نوٹیفکیشن کے مطابق 33،اپ اور34،ڈاؤن بزنس ایکسپریس آج2،اکتوبر سے چیچہ وطنی ریلوے سٹیشن پر 2منٹ کیلئے رکا کریگی ، ٹرین کا سٹاپ تین ماہ کی آزمائشی مدت کیلئے منظور کیا گیا ہے، ریلوے انتظامیہ نے پاک بزنس ایکسپریس کے چیچہ وطنی میں سٹاپ کی منظوری چیئرمین سٹینڈنگ کمیٹی ریلوے رائے حسن نواز خان کی سفارش پر دی ہے ،شہر بھر کی کاروباری،تجارتی،صحافتی ،سیاسی اور دیگر تنظیموں نے پاک بزنس ایکسپریس کے سٹاپ کی منظور ی پرعلاقہ کے ایم این اے رائے حسن نواز خان ،ایم پی او رائے مرتضیٰ اقبال خان اور ریلوے انتظامیہ کا شکریہ ادا کیا ہے۔

02/10/2024

اسلام آباد،گرمیاں ختم نہیں ہوئیں، محکمہ موسمیات کی اکتوبر میں مزید گرمی کی پیش گوئی
اسلام آباد(آئی آئی پی) محکمہ موسمیات نے اکتوبر میں مزید گرمی پڑنے کی پیش گوئی کردی۔ چیف میٹرولوجسٹ سردار سرفراز نے کہاہے کہ اکتوبر کا مہینہ گرم رہے گا،9اور10اکتوبر سے گرمی اور بڑھے گی۔چیف میٹرولوجسٹ کا کہناتھا کہ 6اور 7اکتوبر کو اسلام آباد ،کے پی ،فیصل آباد اور لاہور میں بارش ہو سکتی ہے ،ان کاکہناتھا کہ سکردو،کالام میں درجہ حرارت گرکر 6سے 7ڈگری پر آ گیا ہے۔

28/09/2024

پنجاب کابینہ کاصوبہ بھر کے کالجز میں 7354 ٹیچنگ انٹرنیز کی بھرتی کا فیصلہ خوش آئندہے،سابق ایم این اے چودھری محمد منیر ازہر
چیچہ وطنی(آئی آئی پی) پاکستان مسلم لیگ(ن) کے سینئر رہنما،معروف قانون دان اور قومی اسمبلی کے سابق رکن چودھری محمد منیر ازہر نے پنجاب کابینہ کی جانب سے صوبہ بھر کے کالجز میں 7354 ٹیچنگ انٹرنیز کی بھرتی کے فیصلے کو خوش آئند قرار دیتے ہوئے کہا ہے کہ وزیر اعلیٰ پنجاب مریم نواز کی قیادت میںصوبائی کابینہ کا یہ فیصلہ حکومت کی تعلیم دوستی کی واضح مثال ہے جسے ایجوکیشن سیکٹر میں پذیرائی مل رہی ہے،،آج یہاں ایک بیان میں انہوں نے کہا طلبا، طالبات اور انکے والدین اساتذہ کے بغیر پورا تعلیمی سال ضائع ہونے کے خدشات میں مبتلا اور دل گرفتہ تھے ، یہ فیصلہ کروڑوں لوگوں کے زخموں پرمرہم ثابت ہوگا جووزیراعلیٰ پنجاب کے زریں کارناموں میں ایک درخشاں اضافہ اور وزیر تعلیم پنجاب رانا سکندرحیات کے ایفائے عہد اور کاوش کا منہ بولتا ثبوت ہے،ہم امید کرتے ہیں کہ پنجاب حکومت اس فیصلہ سے پورے صوبہ کو مستفید کیلئے جلدازجلد مناسب حکمت عملی وضع کریگی۔

19/09/2024

ساہیوال چیمبر آف کامرس اینڈ انڈسٹری کے انتخابات کے حوالے سے ہم خیال گروپ کا اہم اجلاس
چیچہ وطنی(آئی آئی پی) ساہیوال چیمبر آف کامرس اینڈ انڈسٹری کے 23،ستمبرکو ہونیوالے انتخابات کے سلسلہ میں ہم خیال گروپ کا ایک اہم اجلاس چیچہ وطنی میں منعقد ہوا جس میں شہر کی اہم کاروباری شخصیات ،غلہ منڈی کے آڑھتیوں اورانجمن تاجران کے نمائندوں نے بھی شرکت کی،سٹیج سیکرٹری کے فرائض جنرل سیکرٹری انجمن تاجران آصف سعید نے ادا کئے، ساہیوال چیمبر آف کامرس کے صدر کاشف ریاض و سینئر ممبران تقریب کے مہمان خصوصی تھے، کارپوریٹ کلاس کے عبدالغفار رحمانی،مرزا شاہد لطیف، رانا جاوید اقبال ایسوسی ایٹ کلاس کے امیدواران ظفر رحمانی ، محبوب عالم،شفیق چوہان،مرزا منصور احمد،قیصر محمود،عبدالقادر،شاہدغفور،حسیب شوکت،غلام مصطفی اور محمدساجد، بھی شریک ہوئے ۔صدر ساہیوال چیمبر اف کامرس کاشف ریاض ،صدر مرکزی انجمن تاجران تحصیل چیچہ وطنی حافظ ساجد محمود اور بانی چیئرمین ہم خیال گروپ چیچہ وطنی زبیر بٹ نے اپنے خطاب میں مکمل حمایت کا اعلان کیا، ممبران ووٹر ایسوسی ایشن اینڈ کارپوریٹ کلاس ساہیوال چیمبر اف کامرس حافظ عبدالسلام ، صدر انجمن آڑھتیان چوہدری حفیظ احمد،رانا محمد عمران، چوہدری محمد رضوان ، چوہدری محمد زمان جٹ ، احمد رضا اولکھ،رانا محمد عرفان ، رانا محمد طارق سعید ،سید عابد رضا گیلانی،ڈاکٹر مسعود عثمان،اعجاز خان ترین، محمد شاہد ،رائے صدف ،چوہدری عبدالوحید،عاصم علی گیلانی، بشیر رحمانی ،میاں تعظیم اشرف ،میاں انصر ، ملک مقصود اسلم ،نواز بٹ ،چوہدری عبدالحسیب ،عامر اقبال نمبردار، نذ یر رحمانی ،رانا احسان منظور،میاں عبدالباسط ، میاں جاوید رحمانی، میاں جبار رحمانی ، ظہیر احمد ملانہ ، عمران جٹ ،ذیشان عابد سہو،صدر صرافہ ایسوسی ایشن رانا فیصل مون، جنرل سیکرٹری رانا محمد عمران نے امیدواروں کو ہار پہنائے اور نیک خواہشات کا اظہار کیا ۔اس موقع پر ممبران ساہیوال چیمبر اف کامرس اور شہر کی مختلف تنظیموں اور بازاروں کے سٹیک ہولڈر نے بھی شرکت کی ،اس موقع پر شرکا کے اعزاز میں عشائیہ بھی دیا گیا،آخر میں صرافہ ایسوسی ایشن کے سرپرست اعلی حافظ محمد بلال نے دعا کروائی۔

12/09/2024

ڈھاکہ پریس کلب میں قائد اعظم کی 76ویں برسی کے موقع پرسیمینار، بانی پاکستان کی حیات پر لکھی گئی کتاب کی رونمائی
ڈھاکہ(آئی آئی پی) ڈھاکہ پریس کلب میں قائد اعظم کی 76ویں برسی کے موقع پر ایک سیمینار منعقد کیا گیا، اس سیمینار کی مناسبت سے بنگلہ دیش مسلم لیگ کے جنرل سیکریٹری نے قائد اعظم کی حیات پر لکھی گئی کتاب رونمائی کی ۔ کانفرنس میں بنگلہ دیش کے صحافی حضرات، وکلا اور سول سوسائٹی کے معزز شخصیات نے قائد اعظم محمد علی جناح کو خراج عقیدت پیش کرتے ہوئے اظہار خیال کیا کہ ہمارے اول معمار اور محسن قائد اعظم ہیں جن کی بدولت آج بنگلہ دیش بھی قائم ہے ورنہ ہم بھی مقبوضہ کشمیر کی طرح بھارت کے زیر تسلط ہوتے ، قائد اعظم کی دور اندیشی نے برصغیر کے مسلمانوں کو ایک آزاد خود مختار ملک عطا کیا۔ پاکستانی طلبا نے قائداعظم سے متعلق ملی نغمات پیش کیے۔ پاکستانی ڈپٹی ہائی کمشنر کامران نے کانفرنس کی صدارت کی اور پروگرام کے اختتام پر شیلڈ تقسیم کیے۔

12/09/2024

چیچہ وطنی،بانی پاکستان قائداعظم محمد علی جناح کی یاد میں 76واں سالانہ عرس آج 12ستمبر جمعرات سے چیچہ وطنی میں شروع ہوگیا
چیچہ وطنی(آئی آئی پی) بانی پاکستان حضرت قائداعظم محمد علی جناح کی یاد میں 76واں سالانہ عرس آج 12ستمبر جمعرات سے چیچہ وطنی میں شروع ہوگیا، تین روزہ عرس ہر سال چیچہ وطنی کے دیہی علاقہ34،بارہ ایل پر واقع معروف روحانی شخصیت سائیں جیون شاہ المعروف مرجانے شاہ قادری مرحوم کی درگاہ پر منعقد ہوتاہے جسکی تقریبات 14ستمبر کی شام 8بجے تک جاری رہتی ہیں،خیال رہے سائیں جیون شاہ نے ہندوستان میں اپنے قیام کے دوران ملت اسلامیہ کے عظیم لیڈر قائداعظم محمد علی جناح کی نہ صرف مکمل حمایت کی بلکہ تحریک پاکستان میں بھی بڑھ چڑھ کر حصہ لیا،قیام پاکستان کے بعد انہوں نے چیچہ وطنی کو اپنا مستقل مسکن بنالیا،11ستمبر 1948کوقائداعظم کی رحلت کے بعد12ستمبر1948 کو اہلسنت رہنما نے انکے ایصال ثواب کیلئے قرآن خوانی اور حمدونعت کی جس محفل کاانعقاد کرایاوہ ایک میلے میں تبدیل ہوگئی،یوں یہ عرس آج تک جاری ہے،تینوں روز قرآن خوانی،حمد نعت اور قوالی کے محافل منعقد ہوتی ہیں اور غربا میں کھانا تقسیم کیا جاتا ہے، مختلف علاقائی ٹیموں کے مابین کبڈی میچز بھی اس قدیم میلے کاحصہ بن چکے ہیں۔

11/09/2024

بانی پاکستان قائداعظم محمد علی جناح کی یاد میں تین روزہ سالانہ عرس کل 12ستمبر سے چیچہ وطنی میں شروع ہوگا
چیچہ وطنی(آئی آئی پی) بانی پاکستان حضرت قائداعظم محمد علی جناح کی یاد میں تین روزہ سالانہ عرس آج 12ستمبر جمعرات سے چیچہ وطنی کی معروف روحانی شخصیت سائیں جیون شاہ المعروف مرجانے شاہ قادری کی درگاہ پر شروع ہورہاہے ،گدی نشین سائیں محمد الیاس قادری کے مطابق عرس کی تقریبات حسب روایت 14ستمبرکی شام تک جاری رہیں گی،تینوں روز قرآن خوانی،حمد نعت اور محافل سماع منعقد ہونگی،خلیفہ ڈاکٹر محمد طفیل قادری نے بتایا کہ عرس کے موقع پر حسب سابق کبڈی کے3 میچ منعقد ہونگے جن میں علاقے کی مختلف ٹیمیں حصہ لیں گی، انتظامیہ کمیٹی کے رکن چودھری محمد اکرام گل کے مطابق تینوں روز لنگر بھی عام ہوگا، خیال رہے سائیں جیون شاہ قادری مرحوم ملت اسلامیہ کے عظیم قائدمحمد علی جناح سے بے پناہ لگاؤرکھتے تھے ، ایک عمر رسیدہ مرید کے مطابق مرحوم کو قائداعظم کیساتھ ایک چھوٹی سی ملاقات کاشرف بھی حاصل تھا، مرحوم نے قائداعظم کی وفات کے بعد بوریوالہ روڈ پر واقع اپنے دینی مدرسہ پرانکی یاد میں تین روزہ عرس کاآغاز کیا جو75سال سے جاری ہے،عرس میں ملک کے طول وعرض کے علاوہ بیرون ملک سے بھی مریدین شرکت کرتے تھے،ملک کے نامور فوک گلوکارمحمد عالم لوہار،عنایت حسین بھٹی،بالی جٹی وغیرہ بھی مختلف تھیٹرز میں اپنے فن کامظاہرہ پیش کرچکے ہیں۔

11/09/2024

ٹیوٹا نے اپنی مشہور زمانہ گاڑی کی قیمت میں بڑی کمی کا اعلان کر دیا
لاہور(آئی آئی پی) انڈس موٹرز نے اپنی مشہور گاڑی کرولا کراس کی پہلی سالگرہ کے موقع پر صارفین کیلئے قیمت میں بڑی کمی کا اعلان کر دیاہے جو کہ محدود محدت کیلئے ہو گی ۔تفصیلات کے مطابق ٹیوٹا پاکستان نے فیس بک کے آفیشل پیج پر جاری پیغام میں کہا کہ گاڑی کی قیمت میں 8لاکھ روپے سے 9 لاکھ روپے تک کمی کر دی گئی ہے ، قیمت میں کمی گاڑیوں کی محدود تعداد پر کی گئی ہے ۔کمپنی کی جانب سے کرولا کراس ایچ وی ہائی (Corolla Cross HV High) کی قیمت 98 لاکھ 49 ہزار روپے سے کم کر کے 89 لاکھ 99 ہزار روپے کر دی گئی ہے ، اس گاڑی کی قیمت میں 8 لاکھ 50 ہزار روپے کمی کی گئی ہے ۔عوام نے مہنگائی کم ہونے کے دعوے کو جھوٹا قرار دیدیا،ٹیوٹا نے کرولا کراس ایچ وی ایم آئی ڈی (Corolla Cross HV MID) کی قیمت میں 8 لاکھ روپے کمی کرتے ہوئے قیمت 85 لاکھ 99 ہزار روپے مقرر کر دی گئی ہے جبکہ اس سے قبل یہ گاڑی 93 لاکھ 99 ہزار روپے میں فروخت کی جارہی تھی ۔انڈس موٹرز نے کرولا کراس پیٹرول ہائی (Corolla Cross Petrol High) کی قیمت میں 9 لاکھ روپے کی کمی کر دی ہے جس کے بعد قیمت 88 لاکھ 99 ہزار روپے سے کم ہو کر 79 لاکھ 99 ہزار روپے ہو گئی ہے ۔کمپنی نے کرولا کراس پیٹرول لو (Corolla Cross Petrol Low) کی قیمت 9 لاکھ کم کرتے ہوئے 72 لاکھ 99 ہزار روپے کر دی ہے جبکہ اس سے قبل یہ گاڑی 81 لاکھ 99 ہزار روپے میں فروخت ہو رہی تھی ۔

11/09/2024

پنشن ایک بم کی شکل اختیار کرچکی اسے روکنا ہوگا، وزیر خزانہ
اسلام آباد(آئی آئی پی) وزیر خزانہ سینیٹر محمد اورنگزیب کا کہنا ہے کہ پنشن ایک بم کی شکل اختیار کر چکی ہے اسے ہر صورت روکنا ہو گا۔سینیٹ میں وقفہ سوالات کے دوران وزیر خزانہ محمد اوررنگزیب نے کہاہے کہ پنشن اصلاحات پر جلد قانون سازی لائیں گے، زراعت کے شعبے کا معیشت میں بہت اہم کردار ہے، زراعت فنانس کو بڑھانا ہے، لائیو سٹاک اور ڈیری میں بھی فوکس کریں گے، لائیو سٹاک اور ڈیری کی بھی فنانسنگ کی ضرورت ہے۔محمد اورنگزیب کا کہنا تھا کہ ہماری گزشتہ سال بچت زراعت کے شعبے سے ہوئی جس کی گروتھ 6 فیصد تھی، ٹیکسٹائل کے علاوہ دیگر شعبوں میں برآمدات بڑھانا پڑیں گی، ایکسپورٹس بڑھانے کی پالیسی دی ہے اس پر کام بھی کررہے ہیں۔وزیر خزانہ کا کہنا تھا کہ جو ادارے نقصان میں چل رہے ہیں، وہاں سے اربوں روپے بچا سکتے ہیں۔

27/08/2024

گھوٹکی میں مسلح حملہ آوروں نے فائرنگ کرکے صحافی کو قتل کردیا
گھوٹکی(آئی آئی پی) گھوٹکی کے علاقے رونتی میں مسلح حملہ آوروں نے صحافی بچل گھنیو کو فائرنگ کرکے قتل کر دیا اور فرار ہوگئے۔اس حوالے سے اہلِ علاقہ کا کہنا ہے کہ صحافی بچل گھنیو کو ڈاکوؤں نے قتل کیا ہے، مقتول کی لاش اوباڑو اسپتال منتقل کر دی گئی ہے۔پولیس کے مطابق حملے کے وقت صحافی بچل گھنیو اپنے کھیتیوں میں گیا تھا،مقتول کے بیٹے نے بتایا کہ والد کی برادری کے کچھ افراد سے دشمنی تھی۔انہوں نے بتایا کہ دشمنی پر فیصلہ ہو چکا تھا لیکن پھر بھی والد کو قتل کر دیا گیا، کچھ سال پہلے بھی مخالفین نے حملہ کیا تھا۔مراد علی شاہ کا کہنا ہے کہ شہید صحافی بچل گھنیو کے قاتلوں کو فوری گرفتار کیا جائے، کچے کے ڈاکوؤں کے خلاف آپریشن تیز کیا جائے۔

27/08/2024

سرگودھا میں آٹھویں کلاس کے طالبعلم نے اپنے ہم جماعت کو گھر میں گھس کر قتل کردیا،ملزم فرار
سرگودہا(آئی آئی پی) سرگودھا میں آٹھویں کلاس کے طالبِ علم نے اپنے ہم جماعت کو گھر میں گھس کر قتل کر دیا۔پولیس کے مطابق قتل کی وجہ انٹر نیٹ پر دونوں دوستوں کے درمیان ہوئی تلخ کلامی بنی، مقتول بچے کے والد کی درخواست پر قتل کا مقدمہ درج کر لیا گیا ہے۔پولیس کے مطابق واقعہ ظفر کالونی میں پیش آیا جہاں اب ملزم کے گھر پر تالا لگا ہوا ہے جبکہ اہلِ خانہ کے ساتھ ملزم روپوش ہے۔پولیس کی جانب سے واقعے میں ملوث 13 سالہ ملزم کی تلاش جاری ہے۔پولیس کا کہنا ہے کہ دونوں طالب علم آپس میں گہرے دوست تھے، طالب علم نے دوست کو اس کے گھر جا کر فائرنگ کر کے قتل کیا ہے۔

27/08/2024

تہران، ایران میں وکیل کے قاتل کو سرِعام پھانسی دے دی گئی
تہران(آئی آئی پی) ایران میں وکیل کو قتل کرنے کے جرم میں ایک شخص کو سرِعام پھانسی دے دی گئی ۔ ارنا کے مطابق عدلیہ کی میزان آن لائن ویب سائٹ نے بتایا کہ شمالی صوبے سمنان کے شہر شاہرود میں ایک وکیل کو 2سال قبل قتل کرنے والے شخص کو عوام کے سامنے سزائے موت دی گئی۔آئی آر این اے نے تفصیلات فراہم کیے بغیر بتایا کہ مذکورہ 20 سالہ شخص نے وکیل کو قتل کرنے کے لیے ایک گینگ کی خدمات حاصل کرنے کا اعتراف کیا، اس کی پھانسی اسلامی قانون "قصاص کے مطابق عمل میں لائی گئی۔

27/08/2024

سعودی عرب میں ججوں کیلئے کریمنل لا ڈپلومہ شروع،مقصد حقوق، انصاف اور شفافیت کو برقرار رکھنا ہے،وزیر قانون
ریاض (آئی آئی پی) سعودی عرب کی وزارت برائے انصاف نے فوجداری عدالتوں کے ججوں کے لیے ہائر ڈپلومہ ان کریمنل لا پروگرام کے پہلے مرحلے کا آغاز کردیا۔ایس پی اے کے مطابق وزیر برائے انصاف ولید الصمعانی نے اس موقعے پر کہا کہ یہ پروگرام ولی عہد شہزادہ محمد بن سلمان کی قیادت میں مملکت میں جاری قانون سازی سے مطابقت رکھتا ہے، اس کا مقصد حقوق، انصاف اور شفافیت کو برقرار رکھنا اور قانونی فیصلوں کی توقعات کو بڑھانا ہے۔انہوں نے زور دیا کہ یہ پروگرام ججوں کو بنیادی اصولوں اور کریمنل لا کے عمومی اصولوں سے لیس کرنے کے ساتھ ان کی قانونی صلاحیتوں کو بہتر بنانے کے لیے ڈیزائن کیا گیا ہے۔

25/08/2024

سعودی عرب دنیا کے 10 طاقتور ترین ممالک کی فہرست میں شامل
نیوجرسی (آئی آئی پی) سعودی عرب دنیا کی 10 طاقتور ترین ریاستوں میں شامل ہوگیا۔ اس کے ساتھ متحدہ عرب امارات بھی موجود ہے۔ فوربز نے دنیا کے 10 طاقتور ترین ممالک کی فہرست جاری کردی، جس میں پہلا نمبر امریکہ کا ہے۔ اس فہرست میں پہلی مرتبہ سعودی عرب بھی جگہ بنانے میں کامیاب ہوگیا ہے جس کو 9واں نمبر دیا گیا ہے۔ چین کو دنیا کی دوسری طاقتور ترین ریاست قرار دیا گیا ہے جبکہ روس کا تیسرا نمبر ہے۔ اسی طرح جرمنی چوتھے، برطانیہ پانچویں، جنوبی کوریا چھٹے، فرانس ساتویں، جاپان آٹھویں اور متحدہ عرب امارات 10ویں نمبر پر ہے۔ ان ممالک کی درجہ بندی معاشی و سیاسی اثر و رسوخ، مضبوط بین الاقوامی اتحاد اور مضبوط دفاعی صلاحیتوں کے اعتبار سے کی گئی ہے۔

24/08/2024

گھریلو ناچاقی پرچچی نے پانچ سالہ کمسن بچے کو بالٹی میں ڈبو کر مار ڈالا،ملزمہ کا بچے کی والدہ کے ساتھ جھگڑا ہوا تھا
مریدکے(آئی آئی پی) گھریلو ناچاقی پرچچی نے پانچ سالہ کمسن بچے کو بالٹی میں ڈبو کر مار ڈالا، پولیس نے ملزمہ کو گرفتار کرلیا۔مریدکے کے نواحی گاں شامکے میں ملزمہ چچی ملائکہ کی مقتول بچے کی والدہ کے ساتھ جھگڑا ہوا تھا جس کے باعث ملزمہ چچی پانچ سالہ بھتیجے حسن کو بہانے سے اپنے کمرے کے واش روم میں لے گئی اور پانی سے بھری بالٹی میں اسکا سر ڈبو کر مار ڈالا۔پولیس نے موقع پر پہنچ کر قانونی کارروائی کے بعد ملزمہ کو گرفتار کر لیا ،بچے کی لاش ورثا کے حوالے کر دی گئی۔

24/08/2024

اسرائیل ایک سال میں ختم ہوجائے گا، سابق اسرائیلی میجر کی پیش گوئی
تل ابیب(آئی آئی پی) اسرائیلی فوج کے سابق میجر نے غزہ میں حماس کے ہاتھوں اپنی ناکامی کو تسلیم کرتے ہوئے کہا ہے کہ ہم ایک ایسی دلدل میں پھنس چکے ہیں جہاں سے باہر نکلنا ناممکن ہے۔عالمی خبر رساں ادارے کے مطابق اسرائیل کے سابق میجر جنرل یزہاک برک نے کہا ہے کہ ہم ایسی جگہ پھنس چکے ہیں جہاں ایک طرف حماس کے ساتھ جنگ جاری ہے تو دوسری جانب ایران کے ساتھ بڑھتی ہوئی کشیدگی ہے۔سابق میجر جنرل نے خبردار کیا کہ اگر غزہ جنگ بندی مذاکرات ناکام ہوجاتے ہیں تو خطے میں نہ ختم ہونے والی جنگ چھیڑ سکتی ہے اور اسرائیل ہر جانب سے شدید خطرات میں گھیر جائے گا۔اسرائیلی سابق میجر جنرل یزہاک برک نے مزید کہا کہ وزیر دفاع نے غزہ کے حوالے سے جو اہداف مقرر کیے تھے ان میں سے کوئی بھی پورا نہیں ہوسکا، اگر یہی صورت حال رہی اور اسرائیلی وزیراعظم اور ان کے اتحادی تبدیل نہ ہوئے تو اسرائیل آئندہ ایک سال میں صفحہ ہستی سے مٹ جائے گا۔

24/08/2024

چہلم حضرت امام حسین پر 26،اگست کو سکولوں میں تعطیل کا اعلان
لاہور(آئی آئی پی) حکومت نے چہلم حضرت امام حسین پر سکولوں میں تعطیل کا اعلان کردیا۔سکولوں میں تعطیل صوبائی محکمہ تعلیم کی سٹیئرنگ کمیٹی کے فیصلے کی روشنی میں کی گئی ہے،صوبائی محکمہ تعلیم نے چہلم حضرت امام حسین کے موقع پر پیر 26 اگست کو صوبے کے تمام سرکاری و پرائیویٹ سکولوں میں تعطیل دی ہے۔واضح رہے کہ چہلم امام حسین کے موقع پر ملک بھر میں مختلف مقامات پر جلوس و مجالس کا اہتمام کیا جاتا ہے۔

24/08/2024

لاہور کے سکولوں میں 26 اگست کو تعطیل کا اعلان
لاہور(آئی آئی پی) حضرت داتا گنج بخش کے عرس کی مناسبت سے 26 اگست کو لاہورکے سکولوں میں تعطیل کا اعلان۔اس حوالے سے جاری ہونے والے نوٹیفکیشن کے مطابق پیر کے روز ضلع لاہور کے تمام نجی و سرکاری اسکولوں میں تعطیل ہوگی۔خیال رہے کہ برصغیر کے معروف صوفی بزرگ حضرت علی بن عثمان الہجویری المعروف حضرت داتا گنج بخش کے 981 ویں سالانہ عرس کی 3 روزہ تقریبات کل سے شروع ہوں گی۔

23/08/2024

جاپان میں گھر میں صفائی کے دوران نوجوان کو 10 سال سے لاپتہ اپنی ماں کی لاش مل گئی
ٹوکیو(آئی آئی پی) جاپان میں گھر کی صفائی کے دوران 10 سال قبل لاپتہ ہونے والی خاتون کی باقیات مل گئیں ۔غیر ملکی میڈیا رپورٹ کے مطابق جاپانی شخص نے اپنے گھر کی صفائی ستھرائی کیلئے تجربہ کار کلینرز کی خدمات حاصل کیں۔کلینرز صفائی ستھرائی کے کام میں مصروف تھے کہ اچانک انہیں کچرے میں انسانی ڈھا نچہ نظر آیا جسے دیکھ کر وہ چونک گئے، جو بعد میں اس جاپانی شخص کی ماں ثابت ہوئی جو 10 سال سے گمشدہ تھی

23/08/2024

گیراج میں کھڑی گاڑی کے ٹرنک سے بچے کی لاش بر آمد
کراچی (آئی آئی پی) کراچی کے علاقے بلدیہ ٹاون میں بند گیراج میں کھڑی گاڑی کے ٹرنک سے لاپتا ہونے والے ایک نابالغ لڑکے کی لاش برآمد ہوئی ہے جبکہ دوسرے بچے کو تشویشناک حالت میں بچا لیا گیا۔میڈیا رپورٹس کے مطابق اتحاد ٹاؤن کے ایس ایچ او ایاز خان نے بتایا کہ خیبر چوک کے قریب ایک گیراج پر کھڑی کار کے ٹرنک سے دو کمسن لڑکے تشویشناک حالت میں پائے گئے جنہیں علاج کے لئے قریبی مرشد ہسپتال منتقل کیا گیا، تاہم ہسپتال میں 3 سالہ عثمان عبداللہ کو مردہ قرار دے دیا گیا۔پولیس کا کہنا ہے کہ دونوں بچے آپس میں رشتہ دار تھے اور ایک ہی گھر میں رہتے تھے، دونوں بچے منگل کو لاپتا ہوئے تھے۔ایس ایچ او نے بتایا کہ لڑکوں کے گھر کے قریب واقع گیراج کے مالک نے انہیں کار کے ٹرنک میں پڑا ہوا پایا۔

23/08/2024

کچے کے ڈاکوؤں کا پولیس قافلے پر راکٹ حملہ، 11 اہلکار شہید
رحیم یار خان(آئی آئی پی) کچے کے علاقے میں پولیس قافلے پر ڈاکوں کے حملے میں 11 اہلکار شہید ہوگئے۔پولیس حکام کا کہنا ہے کہ اس واقعے میں 7 پولیس اہلکار زخمی بھی ہوئے ہیں۔ پولیس کے مطابق رحیم یار خان کے کچے کے علاقے ماچھکہ میں دو گاڑیوں پر ڈاکوں نے حملہ کیا۔ دونوں پولیس موبائل میں 20 سے زائد اہلکار موجود تھے۔ حکام نے بتایا کہ دونوں پولیس موبائل بارش کے پانی میں پھنس گئی تھیں۔ ڈاکوؤں نے گاڑیوں پر راکٹ سے حملہ کیا۔