31/10/2024
گزشتہ 10 سالوں سے تمبو کے عوام اور کاشتکاروں کا جینا محال کرنے والے اب انتقامی کاررواٸیوں کا رونا رو رہے ہیں
تمبو نصیر آباد میں اب کسی کے خلاف انتقامی کاررواٸی نہیں کی جا رہی ہے
اب غریب عوام کے ساتھ کوٸی زیادتی برداشت نہیں کی جاٸے گی
امسال تمام چھوٹے بڑے زمینداروں کو زرعی پانی کی منصفانہ تقسیم کو یقینی بنایا گیا
سردار بابا غلام رسول عمرانی کی مشرق نیوز سے بات چیت
ڈیرہ مرادجمالی۔عبدالرزاق بنگلزئی۔31 اکتوبر 2024
صوبائی مشیر برائے لیبر اینڈ مین پاور چیف سردار غلام رسول عمرانی نے مشرق نیوز سے ٹیلیفون گفتگو کرتے ہوئے کہا ہے کہ گزشتہ دس سالوں سے تمبو کے عوام اور کاشتکاروں کا جینا محال کرنے والوں کو اب انتقامی کارروائیاں یاد آرہی ہے اب تو کسی کے ساتھ کوئی سیاسی انتقامی کارروائیاں نہیں ہورہی ہے حلقہ انتخاب تمبو کے عوام کو زندگی کی تمام بنیادی سہولیات فراہم کرینگے امسال تمام چھوٹے بڑے زمینداروں اور کسانوں کو زرعی پانی کی منصفانہ تقسیم کو یقینی بنایا گیا تمام نہروں کو ٹیل کرکے زرعی پانی فراہم کی گئی کوئی بھی کسان یا زمیندار نے زرعی پانی کی کمی کے خلاف روڈ یا دفتر یا قرآن پاک اٹھاکر احتجاج نہیں کیا گیا جو ماضی میں احتجاج کیا کرتے تھے۔ کیونکہ اب کسی کے ساتھ کوئی سیاسی انتقامی کارروائیاں نہیں کی گئی ہے نہ کسی کا زرعی پانی بند کیا گیا ماضی میں سیاسی مخالفین نے اقتدار کے نشے میں حلقہ انتخاب سمیت نصیرآباد کے عوام کا جینا حرام کردیا گیا تھا بلاوجہ غریبوں کے زمینوں کا زرعی پانی بند کرکے انہیں نان شبینہ کا محتاج بنایا گیا لیکن اب وہ وقت گزر چکا اب کسی کو اجازت یا جرئت نہیں ہوگا۔ وہ عوام کے ساتھ زیادتی کریں۔اب عوام کے ساتھ کوئی ناانصافی برداشت نہیں کریں گے عوام کےلیے ہر فورم پر آواز اٹھائیں گے اور ان کے حقوق کا تحفظ و دفاع کرینگے۔
