𝑲𝑷𝑵 𝑯𝑫

23/05/2024

23/05/2024

رپورٹ :
(محمد ثناألحق)بیورو چیف آزاد کشمیر
ویمن یونیورسٹی آف آزاد جموں وکشمیر باغ کی تعمیر کے لیے سی۔ ڈی۔ڈبلیو۔ پی پلاننگ کمیشن آف پاکستان سے خطیر رقم کاریوائزڈ پراجیکٹ منظور کر لیا گیا ہے. وائس چانسلر میریٹوریس پروفیسر ڈاکٹر عبد الحمید کی بہترین حکمت عملی، بروقت فیصلہ سازی اور شبانہ روز محنت بارآور ثابت ھوئی اور ان مشکل حالات میں پلاننگ کمیشن آف پاکستان سے ایک خطیر رقم کی منظوری باالخصوص اہلیانِ باغ اور بالعموم اہلیان کشمیر کے لئیے باعث مسرت ہے. جس پر حکومت پاکستان کا دل کی عمیق گہرائیوں سے شکریہ ادا کرتے ہیں کہ ہر مشکل وقت میں آزاد کشمیر کے مسائل ترجیحی بنیادوں پر حل کیے. ویمن یونیورسٹی باغ کی تعمیر پاکستان انجنیئرنگ کونسل کے مقرر کردہ معیار کے مطابق ھو رہی ہے اور جامعہ خواتین باغ نے دیرینہ حل طلب مسائل اور محرومیوں کے ازالے کے لیے کوشاں ہے۔ چانسلر جامعات و صدر ریاست بیرسٹر سلطان محمود چوہدری اور حکومت آزاد کشمیر کا ریاست کی خواتین کو اعلی تعلیم کی سہولیات کی فراہمی کے ویثرن کو عملی جامعہ پہنانے کی کاوشیں جاری رہیں گی اور ویمن یونیورسٹی باغ کو ایک معیاری تعلیمی ادارہ بنایا جائے گا۔ جامعہ خواتین باغ کی جاری تعمیر کے لیے اسلام آباد پلاننگ کمیشن آف پاکستان میں سی۔ ڈی۔ ڈبلیو۔ پی کے منعقدہ اجلاس جس کی صدارت ڈپٹی چیئرمین جہانزیب خان پلاننگ کمیشن کر رہے تھے. اجلاس میں فیڈرل سیکرٹریز کے علاوہ جائنٹ چیف اکانومسٹ،ممبران،چیف صاحبان،ہائر ایجوکیشن کمیشن آف پاکستان کی طرف سے چیئرمین ہائر ایجوکیشن کمیشن پروفیسر ڈاکٹر مختار احمد،ایگزیکٹو ڈائریکٹر پروفیسر ڈاکٹر ضیاء القیوم،ڈائریکٹر مانیٹرنگ نوید شاہ اور ویمن یونیورسٹی باغ کی طرف سے وائس چانسلر پروفیسر ڈاکٹر عبد الحمید نے اپنی ٹیم ڈائریکٹر پلاننگ،ڈائریکٹر ورکس اور ڈپٹی ڈائریکٹر پلاننگ کے ہمراہ شرکت کی۔ ویمن یونیورسٹی باغ کی تعمیر کے لیے ایک ارب 80کروڑ کی خطیر رقم کی منظوری ہوئی جس سے ایک اکیڈمک بلاک،لائبریری، کیفے ٹیریاکی تعمیر جاری ہے، ایک سٹوڈنٹس ہاسٹل،ملٹی پرپزہال اور میڈیکل سنٹر کی تعمیر ہو گی اس کے علاوہ ایک ارب 20کروڑ روپے کی لاگت سے ایڈمنسٹریٹو بلاک،سٹوڈنٹ ہاسٹل،اکیڈمک بلاک اور دیگر ضروریات پر ایک الگ سے پی۔ایس۔ڈی۔پی کے منظور شدہ پراجیکٹ پر کام تیزی سے جاری ہے حکومت آزاد کشمیر کی طرف سے 18کروڑ کی منظور شدہ گرانٹ سے باونڈری وال بنی پساری اور ساہلیاں پر کام تیزی سے جاری ہے۔ ساہلیاں ملدیالاں میں طالبات کی سپورٹس سرگرمیوں کے لیے 50کنال زمین خرید کی جا چکی ہے۔ وائس چانسلر میریٹوریس پروفیسر ڈاکٹر عبد الحمید نے اس امر کا اظہار کیا کہ انشا اللہ چانسلر جامعہ و صدر ریاست بیرسٹر سلطان محمود چوہدری کی لیڈرشپ میں بہت جلد یونیورسٹی کی تعمیر مکمل کی جائے گی اور تعمیر کے معیار پر کسی قسم کا سمجھوتہ نہ ہو گا۔ رئیس جامعہ نے چیئرمین ہائر ایجوکیشن کمیشن آف پاکستان پروفیسر ڈاکٹر مختار احمد ستارہ امتیاز و ہلال امتیاز اور ان کی ٹیم کا جامعہ کے لیے فنڈز مختص کرنے اور منظوری پر شکریہ ادا کیا. جامعہ کی پلاننگ اینڈ ورکس کی ٹیم صاحبزادہ محمد زاہد ڈائریکٹرپلاننگ و خزانہ دار،سید طیب گردیزی ڈائریکٹر ورکس اور بشارت حسین ڈپٹی ڈائریکٹر پلاننگ کی کارکردگی کو سراہا۔بالخصوص سابق ڈپٹی ڈائریکٹر پلاننگ جامعہ خواتین اور موجودہ ڈپٹی پلاننگ چیف پلاننگ کمیشن آف پاکستان محمد ظہیر کی جامعہ خواتین باغ کے حوالہ سے خدمات کو سراہااور ان کا شکریہ ادا کیا۔ وائس چانسلر نے کہا کہ یہ باغ کے عوام کی خوش قسمتی ہے کہ حکومت پاکستان کی طرف سے اتنی خطیر رقم خواتین کے لیے قائم اعلیٰ تعلیمی ادارہ کے لیے مختص اور منظور کی گئی، ان کا کہنا تھا کہ پاکستان نے ہمیشہ بڑے بھائی کا کردار ادا کیا اور اپنے مسائل کے باوجود آزاد کشمیر کے معاملات کو اولین ترجیحات پر رکھا. پراجیکٹ کی منظوری سے نہ صرف ضلع باغ بلکہ آزاد کشمیر کے دیگر علاقوں کی خوتین زیور تعلیم سے آراستہ ہوں گی اور حکومت آزاد کشمیر کی ویمن ایجوکیشن اور ایمپاورمنٹ کے ویثرن کی تکمیل ہو گی۔ ضرورت اس امر کی ہے باغ اور دیگر علاقوں کے والدین بچیوں کو حصول تعلیم کے لیے خواتین کے لیے قائم کردہ اس ادارے میں داخل کروائیں اور مستفید ہوں۔ادارے میں بہترین تعلیمی ماحول قائم کیا گیا ہے اور انتہائی قابل اور اعلی تعلیم یافتہ ٹیچنگ فیکلٹی ہائر کرنے کے ساتھ ساتھ معیاری تجربہ گاہیں قائم کی گئی ہیں۔ والدین کو بچیوں کے بہتر کیرئیر کے لیے ایسی درسگاہ کا انتخاب کرنا چاہیے جہاں اچھی ریسرچ لیبارٹریز کے ساتھ پی۔ ایچ۔ڈی اساتذہ موجود ہوں اور ایسے اداروں سے گریز کرنا چاہیے جہا ں اچھی فیکلٹی اور تجربہ گاہوں کی سہولیات نہ ہوں تا کہ بچیوں کے مستقبل پر سمجھوتہ نہ کیا جائے۔ رئیس جامعہ نے ویمن یونیورسٹی کی تعمیر کے حوالے سے سول سوسائٹی کے مثبت کردار کو سراہا اور تعمیر میں حائل رکاوٹوں کو دور کرنے کے لیے عدلیہ اور ڈسٹرکٹ منیجمنٹ کا شکریہ ادا کیااور اس امر کا اظہار کیاکہ سول سوسائٹی اس منفرد ادارے کی تعمیر میں معاونت جاری رکھے گی تا کہ تعمیر کے تمام مراحل کی بروقت تکمیل کو یقینی بنایا جا سکے۔

23/05/2024

کشمیر ایٹمی فلیش پوائنٹ بن چکا ہے کشمیر بنے گا پاکستان
کشمیر پاکستان کا رشتہ کیا لَا إِلٰهَ إِلَّا اللّٰهُ مُحَمَّدٌ رَسُولُ اللّٰهِ‎
کالم نگار : محمد ثناألحق
؎ اے عرشؔ تِرے خواب کی تعبیر یہی ہے فردوسِ زمیں، جنّتِ کشمیر یہی ہے گل پوش مکاں اور گل اندام مکیں بھی کم یاب نہیں حُسن زمانے میں کہیں بھی دنیا میں بہت نقش ہیں دل کش بھی حسیں بھی جو خامہ قدرت کی ہے، تحریر یہی ہے فردوسِ زمیں، جنّتِ کشمیر یہی ہے۔
کشمیر جنت نظیر وادی جنوبی ایشیا کی حسین ترین وادیوں میں سے ایک ہے۔ پاکستان کی شہ رگ کی حیثیت رکھنے والی یہ وادی کرہ ارض پر گویا جنّت کا ایک ٹکڑا ہے۔کشمیر جنت نظیر وادی اللّہ تعالیٰ کی حسین ترین شاہ کار ہے۔ مگر یہ جنّت گزشتہ سات دہائیوں سے ظلم و جبر کی آگ میں جل رہی ہے، اس کے مکیں بھارت کے ظلم و ستم سہہ سہہ کر جیسے سیسہ پلائی دیوار بن چکے ہیں۔لاکھوں نہتّے، بے گناہ، معصوم کشمیری سات تقسیمِ ہند سے لے کر آج تک اپنی قیمتی جانوں کی قربانیاں دے رہے ہیں، مگر اُس پار کشمیریوں کے عزم و ہمّت، جوش و ولولے کو سلام جو آج بھی جابر ظالم قابض دشمن بھارت کے ساتھ جدوجہد آزادی جاری رکھے ہوئے ہیں۔ اگرچہ مقبوضہ کشمیر کی صورتِ حال سے پوری دنیا واقف ہے،مگر افسوس اس دیرینہ مسئلے پر کسی بڑی طاقت کی طرف سے کوئی ٹھوس قدم نہیں اٹھایا جاتا۔ صرف پاکستان ہی ہے، جو اسے اپنا شہ رگ قرار دے کر پوری دنیا میں ہر فورم پر نہ صرف آواز بلند کرتا ہے، بلکہ کشمیریوں کی ہر طرح کی اخلاقی و سماجی حمایت بھی کرتا ہے۔خطّہ ارض کشمیر کے حوالے سےبابائے قوم، حضرت قائد اعظم محمد علی جناح کا یہ فرمان تاریخ کا حصّہ ہے، ’’کشمیر کا مسئلہ نہایت نازک ہے، لیکن اس حقیقت کو کوئی انصاف پسند قوم نظر انداز نہیں کرسکتی کہ کشمیر تمدّنی، ثقافتی، جغرافیائی، معاشرتی اور سیاسی طور پر پاکستان کا حصّہ ہے۔ جب بھی اور جس نقطۂٔ نظر سے بھی نقشے پر نظر ڈالی جائے گی، یہ حقیقت واضح ہوتی جائے گی کہ کشمیر سیاسی اور دفاعی حیثیت سے پاکستان کی شہہ رگ ہے اور کوئی ملک اور قوم یہ برداشت نہیں کرسکتی کہ اپنی شہ رگ کو دشمن کی تلوار کے نیچے دے دے۔کشمیر پاکستان کا حصّہ ہے، ایک ایسا حصّہ، جسے پاکستان سے الگ نہیں کیا جاسکتا۔ مجھے یہ کہتے ہوئے قطعاً ہچکچاہٹ محسوس نہیں ہوتی کہ ریڈکلف ایوارڈ نےمسلمانوں کے ساتھ فراڈ کیا گیا۔ گورداس پور کے ایک حصّے کو، جو آبادی کے لحاظ سے مسلم اکثریت کا علاقہ تھا، محض اس لیے بھارت کے حوالے کردیا گیا کہ بھارت کو کشمیر کے معاملات میں مداخلت کی آزادی مل سکے۔ پاکستان نے ریڈ کلف کو دیانت داری سے تسلیم کرلیا تھا، لیکن بھارت کے دل میں فتور تھا اوریہ مسئلہ کشمیر اسی فتور کا مظہر ہے۔
پاکستانیوں نے ہر پلیٹ فارم پر دشمن بھارت کو خبردار کیا کہ مسئلہ کشمیر پر پاکستان اور بھارت تین بڑی جنگیں کرچکے ہیں اور کنٹرول لائن اور سیاچن پر دونوں ممالک کی افواج ایک دوسرے کی آنکھوں میں آنکھیں ڈال کر بیٹھی ہیں۔اس وقت بھارت نے ذرابھی بے احتیاطی سے کام لیااورکسی مہم جوئی کا ارادہ کیا اور سرجیکل اسٹرائیکس کا ڈرامہ کا سوچا تو یاد رکھیں کہ پاکستان بھارت کے سامنے سرنڈر نہیں کرۓ گااورآخری دم تک اپنے دفاع کیلئے لڑے گا۔دنیا مت بھولے کہ یہ لڑائی دو ایٹمی طاقتوں کے درمیان ہوگی اور تباہی کا دائرہ خطے کی حدود سے بہت باہر تک پھیل جائے گا۔ یو این او مسئلہ کشمیر کے حل میں تاخیری حربوں سے کام نہ لے۔پاکستان کی مسلسل سفارت کاری کے نتیجے میں کشمیر آج دنیاکی نظر میں ایٹمی فلیش پوائنٹ کی حیثیت اختیار کرچکا ہے ۔ یہ چند لاکھ کشمیریوں کا مسئلہ نہیں نہ ہی چند لاکھ مربع میل پر محیط جغرافیے کا مسئلہ ہے، بلکہ یہ امن عالم کیلئے خطرے کی گھنٹی کی حیثیت رکھتا ہے ۔

19/05/2024

عوامی ایکشن کمیٹی کے مرکزی ممبران سعد انصاری ایڈوکیٹ اور راجہ دانش ایڈوکیٹ جو 11 مٸی کو میرپور سے ایک ریلی کی قیادت کرتے مظفرآباد کی طرف جا رہے تھے اسلام گڑھ کے مقام پر انھیں روکا گیا دونوں رہنما بات چیت کے لیے پولیس کے پاس گٸے جہاں ان سے بات کرنے کے بجاٸے انھیں گرفتار کر لیا گیا اسکے بعد وہاں کے حالات خراب ہوٸے ۔۔۔۔۔۔
ابھی تازہ اطلاعات ہیں سعدانصاری ایڈوکیٹ جو کمیٹی کے ممبر کے ساتھ JKLF کے زونل ترجمان بھی ہیں اور راجہ دانش ایڈوکیٹ جو کمیٹی کے ممبر کے ساتھ JKSLF کے چٸیرمین بھی ہیں ان پر پولیس نے بدترین تشدد بھی کیا ہواہے اور 14 دن کے پولیس ریمانڈر پر انھیں تھانہ منگلا بھیجا جا رہا ہے
اسکی کیا وجہ ہیں کیسے مذاکرات ہیں کے اتنے سینئر ممبرز پر مقدمہ بنایا جا رہا ہے اور ایک انسپکٹر کی موت کا ذمہ دار ٹھہرانے کی کوشش کی جا رہی جبکہ تمام عینی شاہدین جانتے ہیں وڈیو موجود ہیں دونوں احباب کو پہلے ہی گرفتار کر لیا گیا تھا اور حالات اسکے بعد خراب ہوٸے اس پر فالفور ایکشن کی ضرورت ہے
تمام احباب توجہ دیں

18/05/2024

نسرین فاروق پر قتل اور دہشت گردی کے مقدمات درج کروا کر اسلام گڑھ اور سماہنی ٹارچر سیل میں اے سی کے حُکم پر بے انتہا تشدد کیا گیا ہے

اور نسرین کو خون کی اُلٹیاں اور سارا جسم لہولہان ہونے پر سخت جسمانی تشدد کا سامنہ کرنا پڑا ہے

بیہوش ہو کر گرنے پر اُسکی باڈی کو تمام پولیس نے ٹُھڈے مارے ہیں
حالت خراب ہونے پر خود ہی اسکا علاج کر رہے ہیں

ہسپتال یا میڈیکل کئیر سے محروم ہے

17/05/2024

عوامی حقوق کی پُر امن تحریک میں شامل تمام لوگ نہتے تھے نہتے مظاہرین پر انتظامیہ کی جانب سے فائرنگ شیل کی گئی ۔جموں کشمیر جوائنٹ عوامی ایکشن کمیٹی کے ایکٹیو ممبرزراجہ دانش ایڈوکیٹ اور سعد انصاری کے خلاف سازش کے تحت ایف آئی آر کاٹی گئی جسکی ہم بھرپور مزاحمت کرتے ہیں حکومت اپنے اوچے ہتھکنڈوں سے باز آ جائے ورنہ اگلے مارچ کی منزل میرپور ہو گی_
منجانب۔مرزا فیصل سینر رہنما جموں کشمیر سٹوڈنٹس لبریشن فرنٹ

17/05/2024

کار سرکار میں مداخلت شوکت نواز میر سمیت 55 افراد کے خلاف ایف آئی آر درج ایک ایف آئی آر تھانہ سٹی اور دوسری تھانہ صدر میں درج کی گئی ایف آئی آرز 10مئی کی پولیس کی مدعیت میں درج کی گئیں ہیں۔

16/05/2024

اسلام آباد: (کے پی این نیوز) سپریم کورٹ آف پاکستان نے سینیٹر فیصل واوڈا کی پریس کانفرنس کا ازخود نوٹس لے لیا ہے، از خود نوٹس پر سماعت کل ہو گی۔

فیصل واوڈا نے گذشتہ روز پریس کانفرنس کر کے اسلام آباد ہائی کورٹ کے ججز کو تنقید کا نشانہ بنایا تھا۔ نیب ترامیم کیس کی سماعت کے دوران بھی فیصل واڈا کی پریس کانفرنس کا ذکر ہوا تھا۔

فیصل واوڈا نے کہا تھا کہ بتایا جائے کس نے آپ کے کام میں مداخلت کی، آپ کو شواہد دینے پڑیں گے کہ کس نے مداخلت کی ؟ سیاستدانوں کی دہری شہریت جائز نہیں، تو پھر جج کیوں؟

سینیٹر فیصل واوڈا نے اسلام آباد میں پریس کانفرنس کرتے ہوئے کہا تھاکہ 28 مارچ کو جسٹس بابر ستار سے متعلق ایک پریس ریلیز جاری ہوئی، پریس ریلیز میں لکھا گیا جسٹس بابر ستار پاکستانی ہیں، 30 اپریل کو اسلام آباد ہائیکورٹ کے ججز کو خط لکھا، 15 روز گزر گئے، خط میں تفصیلات طلب کی مگر جواب نہیں آیا۔

فیصل واوڈا کا کہنا تھا کہ اب الزامات کے شواہد بھی دینا پڑیں گے۔ میں سینیٹر ہوں، مجھے جواب نہیں مل رہا تو عام آدمی کو کیا ملے گا۔ کسی پر الزام لگانے سے کام نہیں چلے گا، آپ کو شواہد دینے پڑیں گے کہ کس نے مداخلت کی ؟ بتایا جائے کس نے آپ کے کام میں مداخلت کی، مداخلت کے شواہد لے آئیں ہم آپ کے ساتھ کھڑے ہیں۔

انہوں نے کہا تھاکہ آرٹیکل 2 کے تحت ججز کے بارے میں کہا گیا، اللہ سے ڈرنے والا ہونا چاہیے، الزامات سے دور دور تک اس کا کوئی تعلق نہیں، کوئی پیپر ورک ہے تو وہ فراہم کیا جانا چاہیے، اگر شواہد نہیں ہیں تو مسائل ہیں،2 دن پہلے جو زیادتی کا واقعہ ہوا ہے اس پر کوئی نوٹس لے لیتا، میری ماں سے متعلق سوشل میڈیا پر بیان بازی ہو رہی تھی، اس پر کوئی نوٹس لے لیتا۔

یہ بھی پڑھیں:

اسلام آباد ہائیکورٹ نے فیصل واؤڈا کے خط کا جواب دیدیا

ان کا کہنا تھا کہ نسلہ ٹاور گرایا گیا لوگ سڑکوں پر آگئے، کوئی شنوائی نہیں ہوئی، 46 سال بعد آپ بتا رہے ہیں بھٹو صاحب کا عدالتی قتل ہوا، جسٹس بابر ستار نے جو الزامات لگائے ان کا ثبوت چاہیے، مجھے اس سے کوئی مسئلہ نہیں کہ وہ ٹی وی پر تجزیہ کریں یا انٹرویو دیں۔

فیصل واوڈا نے کہا تھا کہ قانون ہم دونوں کے لیے ایک جیسا ہونا چاہئے، انٹیلیجنس اداروں پر الزام لگائے ہیں اس کے ثبوت دینا ہونگے، جسٹس منصور علی شاہ، جسٹس عائشہ، چیف جسٹس بندیال کے سامنے پیش ہوا ہوں، ان لوگوں کے قلم میں اتنی طاقت ہے کہ وہ آپ کی زندگی کے فیصلے کر سکتے ہیں، وہ نا بکتے ہیں، نا رات میں کسی سے ملتے ہیں نا اپنی ذات کے لئے کام نہیں کرتے۔

انہوں نے کہا کہ سب چیزوں کو پلیز واضع کریں، مجھے ان تمام چیزوں کا جواب 19 اے کے تحت چاہئے، قانون حفاظت دینے کے لئے بنا ہے، کسی کی پرائیویسی میں مداخلت کرنے کی کسی کو اجازت نہیں، آپ پر بات آئی تو ایکشن لیا، کسی اور پر بات ہو تو چپ ہو جاتے ہیں۔

سینیٹر فیصل واوڈا نے مزید کہا کہ کوئی میری پگڑی اچھالے گا تو میں اس کی پگڑی کا فٹبال بنا دوں گا، کوئی پیار کرے گا میں پیار کروں گا، میں یہاں کسی کی ترجمانی نہیں کر رہا۔

ان کا کہنا تھا کہ وہ کون سا انتشاری ٹولا ہے جو پاکستان کو پیچھے دھکیل رہا ہے، اگر کسی کی ماں بہن پر بات ہوگی تو کوئی میرا مخالف بھی ہوگا تو میں اس کے ساتھ کھڑا ہوں گا، جب تک انصاف پٹری پر نہیں آئے گا تب تک ملک پٹری پر نہیں آئے گا۔

انہوں نے کہا کہ میں نے اپنی پریس کانفرنس بابر ستار اور اطہر من اللہ کے لیے کی ہے، 15 دن ہو گئے جواب نہیں آیا، مجھے جواب چاہئے، ریکارڈ پیش کر دیں۔

دوسری جانب اسلام آباد ہائیکورٹ کے رجسٹرار آفس نے فیصل واوڈا کے خط کا جواب دے دیا ہے۔ جس میں کہا گیا کہ آئین پاکستان میں جج بننے کے لیے کسی اور ملک کی شہریت یا رہائش رکھنا نااہلیت نہیں ہے۔

اسلام آباد ہائیکورٹ کے رجسٹرار آفس کی جانب سے دیئے گئے جواب میں کہا گیا کہ کسی بھی وکیل سے ہائیکورٹ کا جج بنتے وقت اس سے دہری شہریت کی معلومات نہیں مانگی جاتیں۔

جواب میں کہا گیا کہ جسٹس اطہر من اللہ نے 6 ججز کے خط پر از خود کیس کی کارروائی میں اس بات کو واضح کیا، جسٹس اطہر من اللہ نے بتایا کہ جسٹس بابر ستار کے گرین کارڈ کا معاملہ سپریم جوڈیشل کونسل میں ڈسکس ہوا، سپریم جوڈیشل کونسل نے ڈسکشن کے بعد جسٹس بابر ستار کو بطور جج مقرر کرنے کی منظوری دی۔

اسلام آباد ہائیکورٹ کے رجسٹرار آفس کے جواب میں مزید کہا گیا کہ یہ عدالت جوڈیشل کمیشن میں ہونے والی ڈسکشن کا ریکارڈ نہیں رکھتی۔

یاد رہے ہائیکورٹ کی پریس ریلیز میں وضاحت کی گئی تھی کہ جسٹس بابر ستار نے اس وقت کے چیف جسٹس کو بتایا تھا کہ وہ گرین کارڈ رکھتے ہیں۔

فیصل واوڈا نے جسٹس بابر ستار کی جانب سے تعیناتی سے قبل گرین کارڈ ہولڈر ہونے کی انفارمیشن فراہم کرنے کا ریکارڈ مانگا تھا۔

16/05/2024

سینٹرری ورکرز باغ کی ہڑتال آج 5 دن بھی جاری

15/05/2024

پیٹرول کی قیمت میں فی لیٹر 15 روپے سے زائد کمی کا امکان
وفاقی حکومت کا پٹرولیم مصنوعات کی قیمتوں میں کمی کا فیصلہ

پٹرول کی قیمت میں 15 روپے 39 پیسے فی لیٹر کمی کا فیصلہ، نوٹیفیکیشن

ڈیزل کی قیمت میں 7 روپے 88 پیسے فی لیٹر کمی کا فیصلہ، نوٹیفیکیشن

مٹی کے تیل کی قیمت میں 9 روپے 86 پیسے فی لیٹر کمی کا فیصلہ، نوٹیفیکیشن

پٹرولیم مصنوعات کی نئی قیمتوں کا اطلاق آج رات 12 بجے سے ہوگا۔

14/05/2024

چڑھوئی سے یوسف راجہ کی قیادت میں قافلہ دھیرکوٹ پہنچنے پر بڑا استقبال کیا گیا

12/05/2024

مزاکرات ناکام آزاد کشمیر میں موبائل اور انٹرنیٹ سروس دو دن کیلئے بند کرنے کا فیصلہ

12/05/2024

باغ :
شدید بارش کے باوجود ہزاروں افراد مظفرآباد لانگ مارچ میں شرکت کے لیے روانہ
گیاری چوک باغ کے لائیو مناظر

10/05/2024

شرقی باغ ایل اے 16معلمین القرآن میں خلاف میرٹ تقرریاں کرنا میرٹ کا قتل کھلا قتل ہے۔
شعبہ معلمین القرآن میں خلاف میرٹ تقرریاں کر کے اسلام و قرآن کی عظمت کو بھی نقصان پہنچایا گیا ہے۔
حلقہ شرقی میں معلمین القرآن کی تقریوں میں اُن لوگوں کو سیاسی حمایت پر تقرر کیا گیا جو قرآن کو قرات کے ساتھ پڑھنا تو دور جعلی اسناد سے میرٹ کو پامال کرکے معلمین القرآن کے عہدۓ پر فائز کیے گئے ہیں۔اس نیچ حرکت سے فرقہ علمائے کرام سمیت سیاسی سماجی تمام لوگوں میں مایوسی پیدا ہوئی ہے۔
اس سلسلہ میں مسلم لیگ ن کے سئنیر نائب صدر حافظ سردار مراد انور ایڈوکیٹ کو اس معاملے کا کوآرڈینٹر بنایا گیا۔حافظ سردار مراد انور ایڈوکیٹ نے ضلعی سطح پر معلمین قرآن کو اکٹھا کیا اور میرٹ پر آنے والے تمام افراد کے کوائف جمع کیے اور میرٹ کی پامالی پر احتجاج ریکارڈ کروایا۔
معلمین القرآن کے جمع شدہ کوائف میں قاری اعجازالحق قاری راشد قادری اور قاری فضل کریم کے ہمراہ مظفرآباد میں خلاف ضابطہ تقرریوں کے خلاف رٹ دائر کرواتے ہوۓ فریقین کو نوٹسز جاری کر دیے گئے ہیں۔
متاثرہ معلمین القرآن کی طرف سے سئنیر نائب صدر مسلم لیگ ن حافظ سردار مراد انور ایڈوکیٹ کا شکریہ ادا کیا۔میرٹ کی بحالی والے حلقوں سے بھی حافظ سردار مراد انور ایڈوکیٹ کو میرٹ کی پامالی کے خلاف آواز بلند کرنے پر بھی مبارک باد پیش کی گئی۔
سئنیر نائب صدر مسلم لیگ ن حافظ سردار مراد انور ایڈوکیٹ نے کہا کے حلقہ شرقی میں بڑی تعداد میں کرپٹ نالائق لوگوں کو رشوت اقربا پروری اور سیاسی مفادات پر تقرر کیا گیا ہے۔اس تمام تر ناانصافیوں سے باخوبی آگاہ ہیں۔جس کے لیے جلد کاروائی بھی عمل میں لائی جائے گئی۔
قرآن کی تعلیم ہی اصل تعلیم ہے معلمین القرآن کے تقدس کو برقرار رکھتے ہوۓ میرٹ پر تقرریاں ہونے تک سکون سے نہیں بیٹھے گئے۔

10/05/2024

باغ(ہاڑی گہل)
نو منتخب لوکل کونسلر راولے سیکوٹ رابعہ حیات لوکل کونسل وارڈ نے عوامی ایکشن کمیٹی کی حمایت کرتے ہوۓ حکومت وقت سے مطالبہ کیا کہ حکومت ہوش کے ناخن لے اور آزاد کشمیر پرُامن ماحول کو خراب نہ کرۓ۔گیارہ مئی کو آزاد کشمیر بھر میں عوامی ایکشن کمیٹی کے زیر اہتمام احتجاج کو عوام کے وسیع تر مفاد میں قرار دیتی ہوں اور چیرمین بلدیاتی نمائندگان سمیت سب عوامی نمائندؤں سے مطالبہ کرتی ہوں کے عوامی حقوق کے لیے اس احتجاج کی بھرپور حمایت کرۓ اور کے ہر سطح سے عوامی ایکشن کمیٹی کی مدد کی جاۓ۔رابعہ حیات نے عوامی ایکشن کمیٹی کی جد وجہد کو سراہتے ہوئے کہا کہ حکومت آزاد کشمیر کی طرف سے پرامن ماحول کو سبوتاژ کرنے کی حکومتی سوچ کو عوامی مفادات کے منافی قرار دیتی ہوں اور حکومت آزاد کشمیر سے مطالبہ ہے کہ عوامی ایکشن کمیٹی کے ساتھ برابری کی بنیاد پر مذاکرات کرکے جو وعدے کیے ان پر فوری عمل کرکے آزاد کشمیر میں کشیدگی کے ماحول کو ختم کیا جاۓ۔لوکل کونسل رابعہ حیات نے مزید کہا کہ آزاد کشمیر کی مقامی سیاسی جماعتوں کو عوامی مسائل پر بھی عوام کی نمائندگی کرنی چاہیے۔ آزاد کشمیر کی ریاستی جماعتوں کی منفی سوچ سے تحریک آزادی کشمیر پر منفی اثرات مرتب ہورہے ہیں۔
عوامی ایکشن کمیٹی کے مطالبات کو پرامن طور پر مذاکرات کے ذریعے حل نہ کیا گیا تو عوامی حقوق میں خواتین مردوں کے شانہ بشانہ کھڑی ہوں گئی اور عوامی مسائل کے حل تک یہ تحریک جاری رہے گئی۔

09/05/2024

قومی اتحاد پارٹی آزاد کشمیر کے مرکزی سیکرٹری جنرل فیصل ماگرے نے 11- مئی کو آزاد کشمیر بھر میں عوامی ایکشن کمیٹی کے زیر اہتمام احتجاج کو عوام کے وسیع تر مفاد میں قرار دیتے ہوئے بھرپور حمایت کا اعلان کیا اور قومی اتحاد پارٹی کے ہر سطح کے عہدیداروں اور ممبران پارٹی کو بھرپور حصہ لینے کا کہا فیصل اکبر ماگرے کی طرف سے جاری کردہ بیان میں پارٹی کے فیصلے کی روشنی میں اور پارٹی کے منشور کو عملی جامہ پہنانے کے لیے پارٹی کی مرکزی قیادت نے عوامی ایکشن کمیٹی کی جد وجہد کو سراہا مرکزی سیکرٹری جنرل نے حکومت آزاد کشمیر کی طرف سے پر امن ماحول کو سبوتاژ کرنے کی حکومتی سوچ کو عوامی مفادات کے منافی قرار دیا اور کہا کہ حکومت آزاد کشمیر نے عوامی ایکشن کمیٹی کے ساتھ برابری کی بنیاد پر مذاکرات کرکے جو وعدے کیے ان پر فوری عمل کرکے آزاد کشمیر میں کشیدگی کے ماحول کو ختم کرے غیر ریاستی اداروں کی آزادی میں کسی طرح کی مداخلت قبول نہیں راجہ فیصل ماگرے نے کہا کہ آزاد کشمیر کی مقامی سیاسی جماعتوں کے ساتھ قومی اتحاد پارٹی رابط میں ہے انہوں نے پاکستان کی سیاسی جماعتوں کی فرنچائز سیاسی جماعتوں کے عوام آزاد کشمیر کے لیے منفی سوچ سے تحریک آزادی کشمیر پر منفی اثرات مرتب ہورہے ہیں ۔