https://www.facebook.com/104164514941865/

Hazara news, Abbottabad (2024)

14/12/2024

پنجابی / دیسی مہینوں کا تعارف اور وجہ تسمیہ :
1- چیت/چیتر (بہار کا موسم)
2- بیساکھ/ویساکھ/وسیوک (گرم سرد، ملا جلا)
3- جیٹھ (گرم اور لُو چلنے کا مہینہ)
4- ہاڑ/اساڑھ/آؤڑ (گرم مرطوب، مون سون کا آغاز)
5- ساون/ساؤن/وأسا (حبس زدہ، گرم، مکمل مون سون)
6۔ بھادوں/بھادروں/بھادری (معتدل، ہلکی مون سون بارشیں)
7- اسُو/اسوج/آسی (معتدل)
8- کاتک/کَتا/کاتئے (ہلکی سردی)
9۔ مگھر/منگر (سرد)
10۔ پوہ (سخت سردی)
11- ماگھ/مانہہ/کُؤنزلہ (سخت سردی، دھند)
12- پھاگن/پھگن/اربشہ (کم سردی، سرد خشک ہوائیں، بہار کی آمد)

برِصغیر پاک و ہند کو یہ اعزاز حاصل ہے کہ اس خطے کا دیسی کیلنڈر دنیا کے چند قدیم ترین کیلنڈرز میں سے ایک ہے۔ اس قدیمی کیلنڈر کا آغاز 100 سال قبل مسیح میں ہوا۔ اس کیلنڈر کو پنجابی کیلنڈر، دیسی کیلنڈر اور جنتری کے ناموں سے بھی جانا جاتا ہے۔

تین سو پینسٹھ (365 ) دنوں کے اس کیلینڈر کے 9 مہینے تیس (30) تیس دنوں کے ہوتے ہیں، اور ایک مہینا وساکھ اکتیس (31) دن کا ہوتا ہے، اور دو مہینے جیٹھ اور ہاڑ بتیس (32) بتیس دن کے ہوتے ہیں۔

1: 14 جنوری۔۔۔۔۔۔۔ یکم ماگھ
2: 13 فروری۔۔۔۔۔۔۔ یکم پھاگن
3: 14 مارچ۔۔۔۔۔۔۔۔۔۔ یکم چیت
4: 14 اپریل۔۔۔۔۔۔۔۔۔۔ یکم بیساکھ
5: 14 مئی۔۔۔۔۔۔۔۔۔۔۔۔ یکم جیٹھ
6: 15 جون۔۔۔۔۔۔۔۔۔۔۔۔ یکم ہاڑ
7: 17 جولائی۔۔۔۔۔۔۔۔۔ یکم ساون
8: 16 اگست۔۔۔۔۔۔۔۔۔۔۔ یکم بھادروں
9 : 16 ستمبر۔۔۔۔۔۔۔۔۔۔ یکم اسوج
10: 17 اکتوبر۔۔۔۔۔۔۔۔۔ یکم کاتک
11: 16 نومبر۔۔۔۔۔۔۔۔۔۔ یکم مگھر
12: 16 دسمبر۔۔۔۔۔۔۔۔۔۔ یکم پوہ

پنجابی دیسی کیلنڈر میں ایک دن کے آٹھ پہر ہوتے ہیں، ایک پہر جدید گھڑی کے مطابق تین گھنٹوں کا ہوتا ہے. ان پہروں کے نام درج ذیل ہیں ۔
1۔ دھمی/نور پیر دا ویلا:
صبح 6 بجے سے 9 بجے تک کا وقت

2۔ دوپہر/چھاہ ویلا:
صبح کے 9 بچے سے دوپہر 12 بجے تک کا وقت

3۔ پیشی ویلا: دوپہر 12 سے سہ پہر 3 بجے تک کا وقت

4۔ دیگر/ڈیگر ویلا:
سہ پہر 3 بجے سے شام 6 بجے تک کا وقت

5۔ نماشاں/شاماں ویلا:
شام 6 بجے سے لے کر رات 9 بجے تک کا وقت

6۔ کفتاں ویلا:
رات 9۔بجے سے رات 12 بجے تک کا وقت

7۔ ادھ رات ویلا:
رات 12 بجے سے سحر کے 3 بجے تک کا وقت

8۔ سرگی/اسور ویلا:
صبح کے 3 بجے سے صبح 6 بجے تک کا وقت ۔۔۔

Ten Unknown Facts About

1. Founding and History: BMW, Bayerische Motoren Werke AG, was founded in 1916 in Munich,

10/12/2024

ایبٹ آباد(نمائندہ خصوصی)جماعت اسلامی پاکستان کے سابق امیر سراج الحق نے کہا ہے کہ شہریوں کو صحت کی بنیادی سہولیات کی فراہمی اورادارے قائم کرنا ریاست اور حکومت کا کام ہے۔نجی سطح پر قائم اداروں کی سرپرستی کرنا حکومت کی اولین ترجیحات ہونی چائیے ۔بیت المال پاکستان موذی بیماریوں سے متاثر مستحق نادار اور غریب شہریوں کی مالی معاونت کا زریعہ ہے جس کے ایم ڈی کی سیاسی اختلاف پر تعیناتی نہ ہونے سےہزاروں مستحق مریضوں کو مشکلات درپیش ہیں ۔اہم ادارے میں سیاسی اختلاف پر تقرری نہ ہونا لوگوں کی زندگیوں سے کھیلنے کے مترادف ہے۔ان خیالات کا اظہار انہوں نے یہاں حاجرہ حمزہ تھیلسیمیا سنٹر کالا پل میں متاثرہ بچوں کے لئے دانتوں کے مسائل پر مفت میڈیکل کیمپ کے افتتاح پر میڈیا سے گفتگو کرتے ہوئے کیا۔اس موقع پر میجر جنرل ریٹائرڈ عابد لطیف ،ریجنل ڈائریکٹر ہیلتھ ڈاکٹر عامر سواتی نے بھی گفتگو کی ۔اس موقع پر جماعت اسلامی ہزارہ کے امیر عبدالرزاق عباسی ،الخدمت فاؤنڈیشن کے صدر ملک تنویر ،سیو لائف تھیلیسیمیا کے چیئرمین طارق خان تنولی ،پراجیکٹ منیجر جواد اقبال تنولی بھی موجود تھے۔سابق امیر سراج الحق کا کہنا تھا مخیر افراد کے تعاون سے فلاحی اداروں کو چلایا جاتا ہے جس پر وہ خراج تحسین کے مستحق ہیں۔انہوں نے کہا ہے کہ معصوم بچے اور بچیاں تھیلیسیمیا کے مریض کی وجہ سے بڑی آزمائش سے دوچار ہیں۔انہوں نے فاؤنڈیشن کے منتظمین کو بھی ادارے کے قیام پر خراج تحسین پیش کیا جن کی دلچسپی سے متاثرہ بچوں کے چہروں پر مسکراہٹ بکھیری جا رہی ہے۔سراج الحق کا مذید کہناتھا تھیلسیمیا کے مریضوں کے علاج معالجہ کے لئے حکومت اضلاع کی سطح پر سہولیات کو یقینی بنائے ۔قبل ازیں حاجرہ حمزہ تھیلسیمیا سنٹر کے سربراہ میجر جنرل ریٹائرڈ عابد لطیف کا کہنا تھا یہاں متاثرہ 250 بچے بچیوں کی رجسٹریشن ہوچکی ہے۔جن کو خون لگانے اور سیو لائف تھیلیسیمیا چلڈرن کےتعاون سے ادویات کی مفت فراہمی کی جا رہی ہے۔انہوں نے کہا ہے کہ مل کر سہولیات دے رہے ہیں ۔ا سے پہلے ہزارہ کے لوگ متاثرہ بچوں کو اسلام آباد اور پشاور لے کے جاتے تھے ۔انہوں نے مذید کہا ہے کہ اس سنٹر کو وومن اینڈ چلڈرن ہسپتال میں منتقلی کی جا رہی ہے یہ ایک ہزارہ میں پہلا پبلک پرائیویٹ ونچر ہوگا جس کی باضابطہ کوشش جاری ہے۔انہوں نے میڈیکل کیمپ کے حوالہ سے بتایا کہ تھیلیسیمیا سے متاثرہ مریضوں کو دیگر امر

10/12/2024

ویلج کونسل سیالکوٹ میں اپنی مدد آپ کے تحت اھم رفاعی منصوبہ کا افتتاح
سینئر رہنما جان محمد قریشی اور چئیرمین زولفقار قریشی نے اھل محلہ، نگرانی کمیٹی اور معززین علاقہ کی موجودگی میں منصوبے کا افتتاح کیا، حافظ عامر نے دعائیہ کلمات میں منصوبے کے تمام ڈونرز اور انکے لواحقین کے لئے صدقہ جاریہ کے حوالے سے خصوصی دعا کی،حاجی جان محمد قریشی صاحب نے اور زوالقار قریشی نے ایثار اور اخوت کے تحت اھلیان علاقہ کی پر خلوص انداز میں عطیات اور فنڈ ریزنگ کے جزبے کو سراہتے ہوئے اس عمل کو جاری رکھنے پر زور دیا، نگران کمیٹی کا قیام عمل میں لایا گیا اور خصوصی توجہ سے بہترین روڈ بنانے کے عزم کا اظہار کیا گیا، یاد رھے کہ یہ روڈ لوئر ریالہ کی آبادیوں کو مستفید کرتے ھوئے پلدراں نا نلے سے ویلج کونسل اندرسیری، ترھٹ سے ھوتے ھوئے گلی کوٹلہ سے کوٹلہ بسالی سے منسلک ھو جائے گا اور پوری ویلج کونسل کو ایک دوسرے سے منسلک کر دے گا، دوسرے فیز میں ڈسپنسری تا مین روڈ سیالکوٹ کا کام شروع کیا جائے گا انشاءاللہ
اور اس سے پورا گاؤں ایک نئے سرکلر روڈ کے ساتھ منسلک ھو جائے گا 🌹🌹🌹

10/12/2024

ایبٹ آباد(نمائندہ خصوصی)آل ٹریڈرز فیڈریشن ایبٹ آباد کے صدر اور جنرل سیکرٹری کی نااہلی کے لئے درخواستیں واپس ،الیکشن کمیشن نے محفوظ فیصلہ سنا کر فریقین میں تصفیہ کروا دیا ۔دونوں قریقین نے آئین میں سقم ختم کرنے کی اصلاحات پر اتفاق کیا ہے۔اس حوالہ سے آل ٹریڈرز فیڈریشن کے وائس چیئرمین بنارس عباسی نے میڈیا کو بتایا کہ صدر ملک نعیم اعوان اور جنرل سیکرٹری حاجی ممتاز خان کو جنرل باڈی اجلاس نہ کرنے کے جواز پر انجمن تاجران کچہری بازار کے جنرل سیکرٹری سمیع اللہ اور آرام باغ یونین کے صدر مجاہد خان نے درخواست دی تھی ۔جس پر الیکشن کمیشن کےچیئرمین سید فرمان شاہ کی سرپرستی میں اجلاس ہوا جس میں دونوں فریقین کی باہمی رضا مندی اور آل ٹریڈرز فیڈریشن کے آئین میں بحران کے سقم دور کرنے کے لئے اصلاحات لانے کا فیصلہ ہوا ہے ۔جس کے تحت صدر ملک نعیم اعوان اور سمیع اللہ خان نے اپنی اپنی درخواستیں واپس لی ہیں ۔بنارس عباسی کا کہنا تھا اس عمل میں وکلاء ،صحافیوں سمیت دیگر کی مشاورت سے شہر کے وسیع تر مفاد میں فیصلہ کیا گیا جو دونوں فریقین کی موجودگی میں ہوا ہے۔انہوں نے مذید کہا ہے کہ آئین میں تبدیلی اور بہتری کا اختیار جنرل باڈی کے پاس ہے۔وقت کے ساتھ اس میں سقم کو دور کرنا جنرل باڈی کے دائرہ اختیار میں ہے۔اگران خامیوں کو دور کرکے آئین میں اصلاحات نہ ہوئیں تو ایبٹ آباد ہزارہ اور خیبر پختونخوا میں تاجروں کی جگ ہنسائی ہو گی۔انہوں نے آل ٹریڈرز فیڈریشن کے مستقبل کے حوالہ سے بتایا کہ گزشتہ دو الیکشن میں تمام بکھرے ہوئے تاجروں کو ایک پلیٹ فارم مہیا ہوا جس پر انہوں نے شفاف انداز میں بیلٹ کے زریعے اپنی قیادت کا انتخاب کیا۔انہوں نے گروہ بندی کرنے والوں کو بھی تاجروں کے وسیع تر مفاد کے لئے متحد ہونے کی اپیل کی ہے۔تاکہ ایسی قیادت سامنے آئے جو تاجروں کے وسیع تر مفاد کے لئے کام کرے۔وائس چیئرمین بنارس عباسی نے شہر میں ٹی ایم اے کے تجاوزات آپریشن سے متاثر ہونیوالے ریڑھی بانوں اور تھڑہ فروشوں کے لئے بھی متبادل جگہ فراہم کرنے کی بھی اپیل کی ہے۔

10/12/2024

ایبٹ آباد (نامہ نگار)انسداد بدعنوانی کے عالمی دن کے موقع پر ڈسٹرکٹ پاپولیشن ویلفیئر آفیسر سہیل عمران نے کہا ہے کہ عالمی سطح پر اس دن کو منانے کا مقصد بدعنوانی کے خلاف آگہی پیدا کرنا ہے، بدعنوانی ایک معاشرتی برائی ہے جو قومی ترقی و خوشحالی کی راہ میں بڑی رکاوٹ ہے،
بدعنوانی کا تدارک سب کی اجتماعی ذمہ داری ہے جس کے لئے مربوط کوششوں کی ضرورت ہے،
ملک سے بدعنوانی کا خاتمہ موجودہ حکومت کی سب سے اہم ترجیح ہے،
بدعنوانی کے خاتمے اور بے لاگ احتساب پر مبنی ہے،
بلاتفریق احتساب کے بغیر کوئی بھی قوم ترقی نہیں کر سکتی،
برعنوانی کے خاتمے کے لئے میرٹ کی بالادستی، قانون کی عملداری، شفافیت اور بنیادی اہمیت کے حامل ہیں،
ملک کو بدعنوانی کے ناسور پاک کرنے کے لئے انفرادی اور اجتماعی سطح پر کوششوں کی اشد ضرورت ہے،
ملک میں بدعنوانی کے خاتمے کے لئے متعلقہ اداروں کی کاوشیں قابل تعریف ہیں،سہیل عمران ڈسٹرکٹ پاپولیشن ویلفیئر آفیسر۔سیمنار میں ڈسٹرکٹ پاپولیشن ویلفیئر آفیسر۔ڈپٹی ڈیمو گرافر سدرہ ملک۔ڈسٹرکٹ سپروائرز نزیرصاحب اور باقی سٹاف نے شرکت کی

04/12/2024

🚨‏پشاور ہائیکورٹ میں پی ٹی آئی رہنماء فیصل امین گنڈا پور، سہیل آفریدی، آفتاب عالم، شہریار آفریدی اور انور زیب کی حفاظتی ضمانت کے لیے درخواستیں بھی آج سماعت کے لیے مقرر

04/12/2024

🚨‏پی ٹی آئی رہنماء زرتاج گل بھی پشاور ہائیکورٹ پہنچ گئی، راہداری اور حفاظتی کے لیے درخواستیں دائر کردی، آج ہی سماعت کا امکان

03/12/2024

تربیلاغازی(بیورو رپورٹ)
موٹرسائیکل نہ دلانے اور ماں کی ڈانٹ ڈپٹ سے دلبرداشتہ18 سالہ ضدی نوجوان نےپھندا ڈال کر اپنی زندگی کا خاتمہ کردیا، متوفی نوجوان کی نماز جنازہ گذشتہ روز اس کے آبائی گاؤں پکی بن میں ادا کردی گئی، پولیس تھانہ غازی میں درج کروائی جانے والی ابتدائی اطلاعی رپورٹ کے مطابق عاصم علی ولد شوکت علی سکنہ پکی بن حال گاؤں عیسی نے گزشتہ رات زیر تعمیر مکان کی چھت سے نکلے ہوئےسریا راڈ کےساتھ پھندا لگا کر خودکشی کی،متوفی اپنے دیگر بہن بھائیوں میں سب سے بڑا ہے،اس کا والد ذہنی معذور ہے اور کئی کئی ماہ گھر سے غائب رہتا ہے،گھر کی واحد کفیل متوفی کی والدہ ہے، متوفی کی والدہ نے چند ماہ قبل اسے موٹر سائیکل لے کر دیا تھا، لیکن بار بار روڈ حادثات کرنے پر اس کی والدہ نے موٹر سائیکل فروخت کردیا،جس کا متوفی کو شدید رنج تھا،موٹر سائیکل دوبارہ نہ دلانے اور والدہ کے ڈانٹنے پر متوفی عاصم علی نے گزشتہ روز گلے میں پھندا لگا کر خودکشی کرلی۔

03/12/2024

ایبٹ آباد ( ) ال ٹریڈ فیڈریشن کے سپرست اعلی ملک سیلم خان نعیم اعوان صدر جنرل سیکرٹری حاجی ممتاز خان وقاص حیسن اور ملک اشتیاق احمد نائب صدرو نے یتیم خانہ ایبٹ آباد کا دروہ کیا پچاس سے زائد بچوں میں گرم سلے ہوئے کپڑے تقسیم کئیے موقع پر کہا کہ ان بچوں کی حدمت کا سلسلہ جاری رہیگا ایبٹ آباد کے تاجر ان بچوں کو اپنے بچوں کی طرح حدمت کرینگے ملک اشتیاق احمد نے بچوں کے کپڑے سلا کر دئیے اسی طرح ہر ایک تاجر ان بچوں کی حدمت میں پیش پیش ہوگا ادارے کے احراجات کو ہورا کرنے کے لئیے تمام شہری اور تاجر اپن کر دار ادا کرینگے ایک بات پر کہ کہ 13 نومبر کو ہائ کورٹ بار ایسوسی ایشن کی طرف سے جاری کردہ پریس ریلیز کو حقائق کے برعکس تھی جس میں کی شحص اور ادارہ کی تضحیک کا پہلو نکلتا ہے خبر کے اس حصے سے سے ال ٹریڈ فیڈریشن کا کوئ تعلق نہیں ہے ہم پہلے بھی یتیم بچوں کی حدمت میں پیش پیش تھے اور مزید بھی انشاء اللہ ال ٹریڈ فیڈریشن ان سپیشل ہیروز کی حدمت کا سفر جاری رکھے گی

03/12/2024

ایبٹ آباد(نمائندہ خصوصی)ایوب میڈیکل کمپلیکس سے بڑے شہروں میں مریضوں کو منتقلی کے لئے ایمبولینس کو پولیس پروٹوکول فراہم کیا جائے۔کمپلیکس سے ایبٹ آباد تک ٹریفک کے ہجوم میں پھنس کر ایمبولینس میں موجود مریضوں کی زندگیوں کو خطرات لاحق رہتے ہیں۔ٹریفک پولیس ایمبولینس کو فوری راستہ دینے کے لئے طریقہ کار متعین کرے ۔شہریوں نے میڈیا کو بتایا کہ شہر میں ایمبولینس کا سائرن بجنے کے باوجود اس کو راستہ ملنے میں دشواری پیش رہتی ہے جب کہ ٹریفک پولیس ایمبولینس کو راستہ دینے کے لئے کوئی کردار ادا کرتی نظر نہیں آتی ۔ایوب میڈیکل کمپلیکس سے مریضوں کو لے کر جانیوالی ایمبولینس کا ٹریفک پولیس کے ساتھ لیزان بنایا جائے اور وائرلیس کے زریعے مختلف مقامات پر ٹریفک کے ہجوم سے بچانے کے لئے وائرلیس رابطہ سے سہولت مل سکتی ہے ۔تاکہ ایمبولینس گاڑی بغیر کسی دقت کے حویلیاں انٹر چینج تک پہنچ جائے ۔شہریوں نے ڈی آئی جی ہزارہ اور ایس ایس پی ٹریفک سے اس معاملے میں طریقہ کار متعین کرنے کا مطالبہ کیا ہے۔

03/12/2024

ایبٹ آباد(نمائندہ خصوصی)ایبٹ آباد میں خواتین کی دوسری قومی لیکروس چمپئن شپ 12 دسمبر سے شروع ہو رہی جس میں ملک کی نو ٹیمیں حصہ لے رہی ہیں ۔چمپئن شپ میں غیر ملکی مندوبین بھی شرکت کر رہے ہیں اس سلسلہ میں کمشنر ہزارہ ریجن سید ظہیر السلام نے کہا ہے کہ کھیل مایوسی کو ختم کرنے میں اہم کردار ادا کرتے ہیں ۔ایبٹ آباد قدرتی نظاروں سے مالا مال خطہ ہے یہاں ملک بھر سے سیاحوں کی طرح کھیل سے وابستہ کھلاڑی بھی رخ کرتے ہیں ۔کھیل انسان کی شخصیت میں زہنی تسکین ،تفریح کے ساتھ اعلی اقدار بھی اجاگر کرتے ہیں۔لیکروس کلینگ پاکستان میں ایک نیا کھیل ہے اس کی شناخت کے لئے ضلعی انتظامیہ مکمل تعاون کرے گی ۔ان خیالات کا اظہار انہوں نے یہاں ایبٹ آباد پریس کلب میں دوسری قومی لیکروس کلینگ وویمن چمپئین شپ کی افتتاحی تقریب میں خطاب کرتے ہوئے کیا ۔اس موقع پر ریجنل سپورٹس آفیسر احمد زمان بھی موجود تھے۔سید ظہیر السلام کا کہناتھا ایبٹ آباد کے عوام تعلیم یافتہ اور مہذب شہری ہیں خواتین کھلاڑیوں کو ایک محفوظ اور پرامن ماحول فراہم ہوگا ۔انہوں نے کہا ہے کہ ایبٹ آباد کے سکولز کالجز کی طالبات کو ا کھیل سے متعارف کروانے کے لئے دعوت دی جائے گی ۔انہوں نے یقین دلایا کہ انتظامیہ مکمل سرپرستی کریگی ملک بھر سے آنے والی خواتین کھلاڑیوں کو سہولیات فراہمی یقینی بنائیں گے ۔قبل ازیں بانی پاکستان لیکروس فیڈریشن طیفور زرین کا کہنا تھا یہ امریکن کھیل ہے۔جو کنیڈا کا قومی کھیل ہے اس گیم میں قومی ٹیم کا انتخاب کرکے 2028 اولمپکس میں ہدف مقرر کیا ہے ۔جو ملک کے لئے میڈل لے کر آئیں ۔سعودی عرب میں بھی اس کے مقابلے ہوں گے۔اور جاپان میں بھی کھلاڑیوں کو تربیت دی جائے گی ۔انہوں نے کہا ہے کہ ایبٹ آباد میں منعقد ہونے والے مقابلہ میں پورے پاکستان سے نو سندھ ،بلوچستان ،پنجاب ،
گلگت بلتستان ،خیبر پختون خوا ،فاٹا ،اسلام آباد ،ازاد جموں کشمیر اور ہزارہ کی ٹیمیں شریک ہوں گی۔اس میں سکسز،مین فیلڈ کے مقابلے
12 سے 15 دسمبر تک ہوں گے۔مقابلوں کے دوران بین الاقوامی وفد بھی آئے گا ۔یہ ایبٹ آباد کو اعزاز حاصل ہے دوسرا سالانہ مقابلہ بھی یہاں ہو رہا ہے۔اس موقع پر لیکروس کلینگ ورکشاپ میں تربیت پر خواتین کھلاڑیوں میں تعریفی اسناد بھی تقسیم کی گئیں۔

20/11/2024

*واٹس ایپ گروپ کا ایڈمن بننے کیلئے حکومت سے لائسنس لینا ہوگا، فیس کتنی ہے؟*
*کرائم نیوز*
*زمبابوے کی حکومت نے سوشل میڈیا سے متعلق نئے قواعد و ضوابط کا اعلان کیا ہے جس کے تحت واٹس ایپ گروپ کا ایڈمنسٹریٹر بننے کے لیے اب 50 ڈالر فیس ادا کرنا پڑے گی۔*

واٹس ایپ گروپ کو پوسٹ اینڈ ٹیلی کمیونیشن ریگیولیٹری اتھارٹی سے رجسٹر بھی کروانا پڑے گا۔ یہ ادارہ واٹس ایپ گروپ چلانے کا باضابطہ لائسنس بھی جاری رکے گا۔

واٹس ایپ گروپ اور دیگر سوشل میڈیا کو ریگیولیٹ کرنے سے متعلق اقدامات کا اعلان زمبابوے کے وزیرِاطلاعات و نشریات ٹیٹینڈا ماویٹیرا نے کیا۔

واٹس ایپ سے متعلق ریگیولیٹری اقدامات کا بنیادی مقصد گمراہ کن معلومات کا پھیلاؤ روکنا ہے کیونکہ اس کے نتیجے میں معاشرے میں انتشار بڑھتا ہے اور بعض اوقات غلط بیانی کے نتیجے میں فسادات بھی ہو جاتے ہیں۔

اس اقدام کا مقصد ڈیٹا پروٹیکشن ایکٹ سے مطابقت پیدا کرنا بھی ہے۔ اس قانون کے تحت پرسنل انفارمیشن وہ انفارمیشن ہے جس کے ذریعے کسی بھی شخص کی شناخت کا تعین ہوتا ہو۔

واٹس ایپ گروپ کے ایڈمنسٹریٹرز گروپ کے ارکان کے ٹیلی فون نمبرز تک رسائی رکھتے ہیں اس لیے یہ معاملہ ڈیٹا پروٹیکشن ایکٹ کے تحت آتا ہے۔ اس قانون کے تحت اب بزنس مارکیٹنگ اور کسٹمر کمیونی کیشن کے نام پر کی جانے والی دھوکا دہی کے مرتکب افراد کے خلاف موزوں قانونی کارروائی کی جاسکے گی۔

20/11/2024

‏

*اپیکس کمیٹی میٹنگ میں آرمی چیف جنرل عاصم منیر کا خطاب*

دہشت گردی کی جنگ میں ہر پاکستانی سپاہی ہے، کوئی یونیفارم میں اور کوئی یونیفارم کے بغیر، آرمی چیف

ہم سب نے ملکر دہشت گردی کے ناسور سے لڑنا ہے، آرمی چیف

ہم سب پر آئین پاکستان مقدم ہے- آئین ہم پر پاکستان کی اندرونی اور بیرونی سیکورٹی کی ذمہ داری عائد کرتا ہے، آرمی چیف

جو کوئی بھی پاکستان کی سیکورٹی میں رکاوٹ بنے گا اور ہمیں اپنا کام کرنے سے روکے گا اسے نتائج بھگتنا ہونگے، آرمی چیف

پاکستان آرمی اور قانون نافذ کرنے والے ادارے گورننس میں موجود خامیوں کو روزانہ کی بنیاد پر اپنے شہیدوں کی قربانی دے کر پورا کر رہے ہیں، آرمی چیف
بلوچستان میں دہشتگرد تنظیموں کیخلاف فوجی آپریشن شروع کرنے کی منظوری دے دی گئی
اپیکس کمیٹی کا اعلامیہ

20/11/2024

*اضافی معلومات*

*صوبیدار عمران احمد فاروقی شہید* کا تعلق ضلع گوجرانوالہ سے ہے

*صوبیدار عمران احمد فاروقی شہید* کی عمر 44 سال ہے

*صوبیدار عمران احمد فاروقی شہید* نے 25 سال پاک فوج میں رہتے ہوئے دفاع وطن کا فریضہ سرانجام دیا

*صوبیدار عمران احمد فاروقی شہید* نے سوگواران میں اہلیہ، بیٹا اور بیٹی چھوڑے

29 سالہ *حوالدار محمد جاوید اقبال شہید* کا تعلق ضلع سرگودھا سے ہے

*حوالدار محمد جاوید اقبال* نے 14 سال پاک فوج میں رہتے ہوئے دفاع وطن کا فریضہ سرانجام دیا

*حوالدار محمد جاوید اقبال* کے سوگواران میں اہلیہ ، چار بیٹے اور ایک بیٹی شامل ہیں

34 سالہ *نائیک طہماس احمد شہید* کا تعلق ضلع ایبٹ آباد سے ہے

*نائیک طہماس احمد شہید* نے 15 سال پاک فوج میں گزارے

*نائیک طہماس احمد شہید* کے سوگواران میں والدین، اہلیہ اور ایک بیٹی شامل ہیں

39 سالہ *نائیک باسط فرید شہید* کا تعلق ضلع ہری پور سے ہے

*نائیک باسط فریدشہید* نے 17 سال تک دفاع وطن کا مقدس فریضہ سرانجام دیا

*نائیک باسط فرید شہید* کے سوگواران میں والد، اہلیہ اور بیٹا شامل ہیں

33 سالہ *سپاہی صفدر علی شہید* کا تعلق ضلع بارکھان سے ہے

*سپاہی صفدر علی شہید* نے 13 سال پاک فوج میں گزارے

*سپاہی صفدر علی شہید* کے سوگواران میں اہلیہ ، بیٹا اور بیٹی شامل ہیں

32 سالہ *سپاہی اسد بشیرشہید* کا تعلق ضلع کوہلو سے ہے

*سپاہی اسد بشیر شہید* نے 13 سال تک وطن عزیز کا دفاع کیا

*سپاہی اسد بشیر شہید* کے سوگواران میں والدین اور اہلیہ شامل ہیں

38 سالہ *سپاہی اعجاز حسین شہید * کا تعلق ضلع ڈیرہ غازی خان سے ہے

*سپاہی اعجاز حسین شہید* نے 13 سال پاک فوج میں گزارے

*سپاہی اعجاز حسین شہید* کے سوگواران میں اہلیہ، دو بیٹیاں اور ایک بیٹا شامل ہیں

23 سالہ *سپاہی عاطف خان شہید* کا تعلق ضلع میانوالی سے ہے

*سپاہی عاطف خان شہید* نے ایک سال پاک فوج میں گزارا

*سپاہی عاطف خان شہید* کے سوگواران میں والدین شامل ہیں

30 سالہ *سپاہی امان اللہ شہید* کا تعلق ضلع کرک سے ہے

*سپاہی امان اللہ شہید* نے 8 سال تک وطن عزیز کا دفاع کیا

*سپاہی امان اللہ شہید* کے سوگواران میں اہلیہ، تین بیٹے اور ایک بیٹی شامل ہیں

22 سالہ *سپاہی شاہ زمان شہید* کا تعلق ضلع لوئر دیر سے ہے

*سپاہی شاہ زمان شہید* نے پاک فوج میں ایک سال گزارا

*سپاہی شاہ زمان شہید* کے سوگواران میں والدین ش

18/11/2024

ایبٹ آباد(نمائندہ خصوصی)ایبٹ آباد کرکٹ کلب آف دی بلائنڈ کی انتظامیہ بلا مقابلہ منتخب ہوگئی ۔تفصیل کے مطابق ایبٹ آباد کرکٹ کلب آف دی بلائنڈ کی انتظامیہ کے انتخاب اباسین آرٹس کونسل ہال جلال بابا آڈیٹوریم میں ہوئے۔پاکستان بلائنڈ کرکٹ کونسل کی جانب سے منتخب کیے گئے الیکشن کمشنر پروفیسر محمد بلال ستی کی زیر نگرانی انتخاب ہوئے۔انتخاب میں تجمل حسین دانش صدر، سہیل عزیز نائب صدر، پروفیسر شمس الرحمن جنرل سیکرٹری ،محمد بلال سیکرٹری فائنانس ،ظہیر گل سیکرٹری انفارمیشن جبکہ محمد مشتاق اور محمد رمیز خان ایگزیکٹو ممبر منتخب ہوئے ۔انتخاب میں ایبٹ آباد کرکٹ کلب آف دی بلائنڈ کی انتظامیہ تین سال کے لیے منتخب ہوئی ۔اس موقع پر دوبارہ منتخب ہونے والی انتظامیہ کے جنرل سیکرٹری پروفیسر شمس الرحمن نے کلب کے تمام کھلاڑیوں کا ایک بار پھر تمام انتظامیہ کو بلا مقابلہ منتخب کرنے پر شکریہ ادا کیا اور اس عزم کا اظہار کیا کہ میں اپنی تمام ٹیم کے ساتھ مل کر اپنی سابقہ کارکردگی کو مد نظر رکھتے ہوئے تمام نابینہ کھلاڑیوں کو مزید کھیل کی بہتر سہولیات فراہم کرنے کے لیے اپنے تمام تر صلاحیتوں کو بروئے کار لا کر کام کروں گا اور تمام کھلاڑیوں سے امید رکھتا ہوں کہ وہ اپنے کھیل پر اور فٹنس پر بھرپور توجہ دیں گے۔ اور آنے والے وقت میں پاکستان کی قومی ٹیم میں اپنی جگہ بنانے کے لیے بھرپور کوشش کریں گے اور پاکستان کا نام روشن کریں گے ۔اس موقع پر بات کرتے ہوئے صدر تجمل حسین دانش اور محمد بلال نے کہا کہ ہم کلب کے تمام تر کھلاڑیوں کو بہترین کھیل کا ماحول فراہم کریں گے نہ صرف کھیل بلکہ ان کے علاج معالجہ، تعلیم، روزگار کی فراہمی اور دیگر مسائل کے حل کے لیے بھی بھرپور اقدامات کریں گے۔ آخر میں الیکشن کمشنر پروفیسر محمد بلال ستی نے انتخاب کا نوٹیفکیشن جاری کرتے ہوئے تمام تر انتظامیہ کو مبارکباد دی۔

18/11/2024

ایبٹ آباد ( )
کامسیٹس یونیورسٹی اسلام آباد، ایبٹ آباد کیمپس میں کانووکیشن کی تقریب کا انعقاد کیا گیا۔ جس میں 1296طلباء و طالبات کو ڈگریاں دی گئی جبکہ 58طلباء و طالبات کو نمایاں پوزیشنز حاصل کرنے پر گولڈ،سلوراور براؤنزمیڈل اور 39طلباء و طالبات کو PhDکی ڈگریاں دی گئیں۔۔ جن میں سیشن فال 2024انسٹی ٹیویٹ گولڈ میڈل 3، انسٹی ٹیویٹ سلور میڈل 2 اور انسٹی ٹیویٹ براؤز 1دیا گیا۔ جبکہ کیمپس گولڈ میڈلز5، کیمپس سلور میڈل 3 اور کیمپس براؤز 1میڈل سے نوازا گیا ہے۔مزید سیشن سپرنگ 2024میں انسٹی ٹیویٹ گولڈ میڈل 7، انسٹی ٹیویٹ سلور میڈل 3 اور انسٹی ٹیویٹ براؤز 1دیا گیا۔ جبکہ کیمپس گولڈ میڈلز12، کیمپس سلور میڈل 11 اور کیمپس براؤز 9میڈل بھی دئے گئے۔ڈاکٹر ایس ایم جنید زیدی مہمان خصوصی تھے۔تقریب میں ممبر آف سینٹ، ممبر آف سینڈیکیٹ، ممبر آف ایکڈمک کونسل، مختلف کیمپسز کے ڈائریکٹرز، بورڈ آف فیکلٹی،ڈینز آف فیکلٹی اور پروفیسر صاحبان نے شرکت کی۔ اس موقع پر فارغ التحصیل طلباء و طالبات کے والدین،رشتے داروں اور علاقہ بھر کی نمایاں شخصیات بھی موجود تھیں۔ آج کے کانووکیشن فال 2023اور سپرنگ 2024کا انعقاد کیا گیا ہے۔۔ آج کے دِن مجموعی طور پر 1296طلباء و طالبات کو ڈگریاں دی گئی۔ جن میں 954بی ایس،303ایم ایس آج کی تقریب کی خصوصی بات 39طلباء و طالبات کو PhDکی ڈگریز دی گئیں۔
تقریب کے مہمان خصوصی رڈاکٹر ایس ایم جنید زیدی طلباء و طالبات اور اُن کے والدین کو مبارکباد دی اور اس بات پر زور دیا کہ اب اُن کے لئے عملی میدان میں چیلنجز سے نمٹنے کیلئے آپ جدید ٹیکنالوجی سے لیس ہونا چاہے۔ اُنہوں نے اس اُمید کا اظہار کیا کہ کامسیٹس نے اُن کو علمی دُنیا میں جو بنیاد فراہم کی ہے اُس کے بل بوتے پر ترقی کی اعلیٰ منازل حاصل کریں گے۔ اس موقع پر اُنہوں نے کہا کہ صرف حصول علم ہی کافی نہیں جب تک اس کے ساتھ اخلاق کی بلندی اور نظم کی پاسداری نہ ہو۔ اپنے خطاب میں اُنہوں نے واضح کیا کہ پاکستان سے مشکل وقت بیت گیا ہے اب آپ کے لئے ترقی کے نئی راہیں ہموار ہورہی ہیں۔ اُنہوں نے طلباء و طالبات کو ہدایت کی کہ اپنی آئندہ زندگی کی بنیاد اعلیٰ اخلاقی اقدار، دیانت، وفاداری اور کام میں لگن پر استوار کرکے پاکستان کی فلاح اور ترقی کے لئے کام کریں۔مہمان خصوصی نے افواج پاکستان کا خصوصی شکریہ ادا کیا کہ جنہوں نے ہر موقع پر کامسیٹس یونیورسٹی کی مدد

17/11/2024

ایبٹ آباد سابق امیر جماعت اسلامی سراج الحق نے کہا کہ اس وقت ملک سب سے بڑا مسلہ امن وامان کی بگڑتی ہوئی صورتحال ہےحکومت فوری طور پر اس مسئلے تدارک کیلئے آل پارٹیز کانفرنس بولائے اور اس کا حل نکالے نہیں تو حکومت فوری طور پر استعفی دے دے امن وامان کی بگڑتی صورتحال پر جماعت اسلامی آج ملک بھر میں یوم سوگ منارہی ہے دو صوبوں بلوچستان اور خیبر پختون خواہ میں شدید بد امنی ہے ملک بھر میں مہنگاہی کا شدید طوفان ہے لوگ فاقوں کے باعث خودکشی کرنے پر مجبور ہیں مزید کہا کے ملک اندر 26ویں ترمیم صرف اور صرف اشرفاء اور حکمرانوں کیلے کی گی ہے جماعت اسلامی اس ترمیم کی روز اول سے مخالف ہے اور سپریم کورٹ میں چیلنج کر دیا ہے مزید کا کے احتجاج اور دھرنا تحریک انصاف کا آہینی حق ہے اور اس حق سے اس روکنا نہیں چاہیے دو دن قبل وانا کے اندر ہمارے رہنماء کو شہید کیا گیا ہے جب تک ملک کے اندر امن بحال نہیں ہو گا اس وقت تک حالات بہتر نہیں ہونگے اس وقت پورے ملک کی عوام نظریں جماعت اسلامی پر ہیں جس کا ماضی اور قیادت دونوں بے داغ ہیں عوام جماعت اسلامی پاکستان کا ساتھ دیں ان خیالات کا اظہار انہوں نے اتوار کے روز ایبٹ آباد میں مرکز اسلامی میڈیاء سے بات چیت کرتے ہوئے کیا اس موقع پر نائب امیر جماعت اسلامی پاکستان پروفیسر ابراھیم ہزارہ زون کے امیر عبدالرزاق عباسی اور امیر ضلع عبیدالرحمان عباسی و دیگر مقامی قائدین بھی موجود تھے اس موقع سابق امیر جماعت اسلامی پاکستان سراج الحق نے مرکز اسلامی میں قرآن مجید فرقان حمید حفظ کرنے والے بارہ طلباء کی دستار بندی بھی کی اور اتنی بڑی سعادت حاصل کرنے پر انہیں ان کے والدین اور اساتذہ کو مبارک پیش کی اور ان کاوشوں و کوششوں اور محنت کو شاندار الفاظ میں خراج تحسین پیش کیا