Ang Bantayog

24/12/2024

PASKOntento

Sa tuwing sumasapit ang buwan ng Disyembre, hindi maikakailang bumabalot sa bawat sulok ng ating paligid ang kakaibang diwa ng Pasko. Sa bawat bahay na nadaraanan, nagliliwanag ang gabi sa iba't ibang kulay ng pailaw. May simpleng parol na nag-aalab sa isang sulok, may mga bombilyang animo'y mga bituin na kumukutitap sa bawat sanga ng punong nakatayo sa harap ng bahay, at mayroon ding mga tahanang tila isinugal na ang lahat sa kuryente— para bang may kumpetisyon kung sino ang may pinakamagarang dekorasyon.

Mapapatanong ka tuloy, “Magkano kaya ang babayaran nila sa Meralco?” Ngunit kasabay nito, napapangiti rin ako; para bang sinasabi ng kanilang mga palamuti, “Ito ang Pasko. Ito ang kaligayahan.”

Ngunit ang tanong: iyon nga ba ang tunay na diwa ng Pasko? Ang mga kumukuti-kutitap bang ilaw, ang marangyang handaan, o ang mga regalong pinaghahandaan mula pa Oktubre? Hindi ba’t ang Pasko ay higit pa rito? Ito’y tungkol sa pagmamahalan ng bawat pamilya— ang pagtitipon sa isang hapag, kahit simpleng pagkain lang ang nakahain, ngunit puno naman ng tawanan at yakapan. Ito’y ang samahan na nagiging matibay, kahit pa sa gitna ng mga pagsubok, at ang pananampalatayang muling pinapalakas sa bawat taimtim na pagdarasal.

Ang tunay na Pasko ay hindi kailangang magarbo. Hindi kailangang maging marangya ang dekorasyon o maging sagana ang hapag-kainan. Ang Pasko ay ang pagiging masaya sa piling ng pamilya’t mga kaibigan. Ito ang pagbibigayan, hindi lamang ng mga materyal na bagay kundi pati na rin ng pag-ibig, oras, at malasakit. Ito ang pananalig na hindi tayo nag-iisa, sapagkat sa bawat liwanag na nakikita natin sa dilim, may paalala na may liwanag ding dumarating sa ating mga puso.

Huwag nating kalimutan ang diwa nito—ang pagmamahal, pananampalataya, at pagbibigayan. Higit sa lahat, ito’y ang paggunita sa kapanganakan ng Tagapagligtas, ang pinakamahalagang biyaya na natanggap ng mundo.

Tunay nga, ang Pasko ay hindi lamang tungkol sa mga palamuti at regalo. Ang Pasko ay ikaw, ako, tayo, na nagiging liwanag sa isa’t isa, kahit sa mga panahong madilim.

Maligayang Pasko, KNHSians!❤️

✍️: Aynsberg Sahagon
💻: Sheena Mae Manumbali
Sinuri nina: Andrea Dawn Fernandez, Punong Patnugot at Gng. Jacqueline D. Reyes, G**ong Tagapayo

22/12/2024

KARAGDAGANG LARAWAN: General Year-End Party ng KNHS

📸: Andrea Dawn Fernandez at Gian Karloz Jovero

https://www.facebook.com/share/dv29xza9VyeF7AtZ/?mibextid=WC7FNe

22/12/2024

General Year-End Party sa KNHS, pinangunahan ng SSLG

Nagsagawa ng Year-End Party na may temang "ChristMASAYA: Pasko ng Pagkakaisa, Saya, at Pagtutulungan," para sa lahat ng mag-aaral ng Kalayaan National High School (KNHS) ang Supreme Secondary Learner Government (SSLG) noong ika-20 ng Disyembre sa quadrangle ng paaralan.

Nagsimula sa oras na 6:30 ng umaga ang para sa mga baitang 7 (STE), 8, 10, at 12, samantalang sa baitang 7, 9, at 11 naman ay sinimulan sa ganap na 1:30 ng hapon.

Binuksan ang palatuntunan sa panalangin na pinangunahan ni Bb. Jesamher Junio (Ingat-yaman ng SSLG), sinundan ng pag-awit ng Lupang Hinirang at Pasay Hymn na pinamunuan naman ng Euphonious.

Ipinaliwanag ni G. Aynsberg Sahagon (Pinuno ng SSLG) ang layunin ng nasabing gawain, binati rin niya ang mga mag-aaral na nakiisa sa araw na iyon.

Sumunod, isang Nativity Play ang ipinamalas ng Teatro Señores sa patnubay ni G. Micael Martin Salazar (Tagapayo ng Teatro Señores).

Nagbigay ng mensahe si G. Romar Amador (G**o sa Filipino) para sa mga mag-aaral sa umagang sesyon, habang si Gng. Jemmalyn De Leon (G**o sa Araling Panlipunan) naman sa panghapon.

Ginabayan at ipinaliwanag ni G. Lorenzo Salazar III (Tagapayo ng SSLG) ang mga laro katuwang ang ilang bahagi ng SSLG.

Nagtanghal si Regina Mae Guiral ng 7 - Chrysanthemum ng isang awitin bilang pampasigla.

Kabilang sa programa ang pagbibigay-parangal sa mga nagwagi sa Parol Making Contest na inorganisa ng Teatro Señores. Nakamit ng pangkat Fisher ang ikalawang pwesto, Carnegie sa unang pwesto, at tinaguriang kampeon ang Pythagoras.

Pinasalamatan nina Bb. Sheena Mae Manumbali (Ikalawang Pinuno ng SSLG) at G. Salazar ang mga nakibahagi sa selebrasyon.

Nagsilbing mga tagapagdaloy sina G. Kobe Fernandez at Bb. Hizel Cale (Mga kinatawan ng ikasiyam na baitang ng SSLG) sa umaga at sina Bb. Maria Marinelle Pawa at G. Clark Cedric Lamprea sa hapon.

✍️: Andrea Dawn Fernandez
📸: Andrea Dawn Fernandez at Gian Karloz Jovero
Sinuri ni: Gng. Jacqueline D. Reyes, G**ong Tagapayo

Para sa iba pang balita at anunsyo, mangyaring i-like ang page ng Kalayaan National High School: https://www.facebook.com/KNHSPasayOfficial?mibextid=b06tZ0 at ang opisyal na Pampaaralang Pahayagan: https://www.facebook.com/AngBantayogKNHS?mibextid=b06tZ0

22/12/2024

J15 Rocks, BKD, nagsagawa ng patimpalak sa pag-awit

Idinaos ang kumpetisyon sa pag-awit na inorganisa ng Kalayaan National High School (KNHS) John 15 Rocks (J15 Rocks) katuwang ang Barkada Kontra Droga (BKD) na "The Carol of our Hearts" sa Audio-Visual Room (AVR), ganap na ikaapat ng hapon sa ika-18 ng Disyembre.

Pinakitaan ng galing sa pag-awit ng bawat grupo na kalahok sa nasabing patimpalak na nagbigay saya sa mga manonood.

Pagkatapos ng pagtatanghal ay inanunsyo at pinarangalan ang mga nanalo. Ang mga nagwagi sa nasabing paluntunan ay ang sumusunod:

Kampyon: Pysher
Unang Pwesto: Brownies
Ikalawang Pwesto: BMW²
Ikatlong Pwesto: Block Blasters

Special Awards:
Best Vocal Harmony Award: Pysher
Most Energetic Performance Award: Sesuj
Best in Costume and Props: Presence in Our Hearts

Bilang pagtatapos ng programa, nagbahagi sina Bb. Iya Sevilla (Grade 11 Representative ng BKD) at Bb. Roshanel Aenna Lucy (Internal Vice President ng J15 Rocks) ng pampinid na mensahe.

Nagsilbing mga tagapagdaloy ng programa sina Sevilla at Lucy.

✍️: Debie Amor Reyes
📸: Irish Cuachon
Sinuri nina: Andrea Dawn Fernandez, Punong Patnugot at Gng. Jacqueline D. Reyes, G**ong Tagapayo

Para sa iba pang balita at anunsyo, mangyaring i-like ang page ng Kalayaan National High School: https://www.facebook.com/KNHSPasayOfficial?mibextid=b06tZ0 at ang opisyal na Pampaaralang Pahayagan: https://www.facebook.com/AngBantayogKNHS?mibextid=b06tZ0

19/12/2024

Mabubuo na niya ang kakayahan sa MAPEH dahil bukod sa pagguhit, siya ay mahusay sa larangan ng isports!🙌

Kamakailan ay nakamit ng KNHS Sepak Takraw Team ang Ikalawang Pwesto sa Division Palaro Meet kung saan kabilang ang isa sa mga tagaguhit ng Ang Bantayog na si Kobe Fernandez.

Pagbati, Kobe!🥈

✍️: Andrea Dawn Fernandez
💻: Debie Amor Reyes
Sinuri ni: Gng. Jacqueline D. Reyes, G**ong Tagapayo

19/12/2024

Hindi lamang nakibahagi, nagtamo rin ng iba't ibang karangalan ang ilang mga tagapagsanay ng Ang Bantayog at The Ivory of Democracy sa naganap na Division Trainer's Training noong Disyembre 12 hanggang 14.

Mga nagwagi bilang "Best Output"

Unang Pwesto sa Pagsulat ng Editoryal: ng
G. Patrick Jay Monteo

Unang Pwesto sa Pag-uulo at Pagwawasto:
Gng. Jessa Kristine Alegado

Ikatlong Pwesto sa Science and Technology Writing:
Bb. Alexandria Andrada

Ikatlong Pwesto sa Column Writing:
G. Ray April Bravo

Ikatlong Pwesto sa Pagsulat ng Kolum
G. Joeric R. Cubio

Kabilang ang mga g**o na sina Gng. Jacqueline Reyes, G**ong Tagapayo ng Ang Bantayog, at G. Jesus Valencia Jr., Tagapagsanay bilang Technical Working Group (TWG) ng nasabing gawain.

Pagbati sa ating mahuhusay na kaguruan!❤️

✍️: Andrea Dawn Fernandez
💻: Jillianne About
Sinuri nina: Andrea Dawn Fernandez, Punong Patnugot at Gng. Jacqueline D. Reyes, G**ong Tagapayo

15/12/2024

KNHS Sepak Takraw Team Nagbulsa ng Silver Medal

Nagkamit ng silver medal ang KNHS Sepak Takraw Team matapos magtala ng 4-1 record sa ginanap na Division Meet - Sepak Takraw na isinagawa ang pagpaparangal sa Philippine School for the Deaf nooong ika-11 ng Disyembre.

Pumangalawa ang KNHS sa standings sa likod ng PCWHS na naglista ng 5-0 record.

Nagkaroon ng dalawang laro ang KNHS noong ika-9 ng Disyembre laban sa PCSHS AT PCNHS na parehong pinatumba ng KNHS sa set na, 2-1.

Noong ika-10 ng Disyembre, sumabak ulit ang KNHS Sepak Takraw Team kontra sa PCWHS at PCCANHS.

Kinapos ang KNHS laban sa PCWHS na naging resulta ng pagkabigo, 0-2.

Bumawi naman ang KNHS matapos pabagsakin ang PCCANHS, 2-1.

Inilampaso naman ng KNHS ang PCEHS noong ika-11 ng Disyembre at itanan ang panalo, 2-0.

Ang matagumpay na kampanya ng koponan ay pinangunahan nina Bb. Marivic Marcelino, G. Victor Tamayo, at G. John Paul Coral bilang kanilang mga tagapagsanay.

✍️: Donjie Santillan
📸: Bb. Marivic Marcelino
Sinuri nina: G. Lorenzo Salazar III, Tagapagsanay at Gng. Jacqueline D. Reyes, G**ong Tagapayo

Para sa iba pang balita at anunsyo, mangyaring i-like ang page ng Kalayaan National High School: https://www.facebook.com/KNHSPasayOfficial?mibextid=b06tZ0 at ang opisyal na Pampaaralang Pahayagan: https://www.facebook.com/AngBantayogKNHS?mibextid=b06tZ0

15/12/2024

KNHS Volleyball Girls, itinanghal na kampeon sa SDO Division Palaro

Tagumpay na naiuwi KNHS Volleyball girls ang kampeonato matapos itong sumabak sa SDO Pasay Division Palaro 2024-2025 noong ika-18 hanggang ika-22 ng Nobyembre, 2024.

Idinaos ang naunang tatlong laro sa Padre Zamora Elementary School at sa Pasay City East High School naman para sa quarter finals at championship.

Sa tulong ng kanilang tagapagsanay na si G. Romar Daganato ay naitaguyod nilang ibulsa ang gintong medalya.

Narito ang talaan ng mga puntos para sa KNHS Volleyball Girls:

Nobyembre 18, 2024:
KNHS vs. PCNatHS [22-25, 21-25]

Nobyembre 19, 2024:
KNHS vs. PCCCANHS [25-14, 25-14]

Nobyembre 20, 2024:
KNHS vs. AU-JAS [25-15, 26-24]

Sa quarter finals at championship ng paligsahan ay nanatili pa ring nangunguna ang KNHS Volleyball Girls.

Hindi rin nagpahuli ang KNHS Volleyball Boys nang mag-uwi ito ng bronze medal mula sa parehong kompetisyon.

Narito ang talaan ng mga puntos para sa KNHS Volleyball Boys:

Nobyembre 18, 2024:
KNHS vs. SJDEFI [25-15, 25-19]

Nobyembre 19, 2024:
KNHS vs. AU MABINI [25-24, 26-24]

Sa pamamagitan ng dedikasyon at paghihirap ng mga atletang ito, pinaboran sila ng bola na nagbigay daan sa pag-uwi ng panibagong karangalan para sa KNHS.

Pagbati sa lahat ng nagwagi!

✍️: Jerlyn Mary Cuntapay
📸: Ana Gabrielle Francisco at Keith Marvin Carausos
Sinuri nina: Andrea Dawn Fernandez, Punong Patnugot at Gng. Jacqueline D. Reyes, G**ong Tagapayo

Para sa iba pang balita at anunsyo, mangyaring i-like ang page ng Kalayaan National High School: https://www.facebook.com/KNHSPasayOfficial?mibextid=b06tZ0 at ang opisyal na Pampaaralang Pahayagan: https://www.facebook.com/AngBantayogKNHS?mibextid=b06tZ0

13/12/2024

Pagbati, Atty. Dingal!❤️👏

CONGRATULATIONS!
ATTY. WINONA N. DINGAL
TEACHER I

FOR PASSING THE 2024 BAR EXAMINATION

Your KNHS Family is immensely proud of your achievement!

13/12/2024

KARAGDAGANG LARAWAN: 21st Class-Themed Literary Character Activity

📸: G. Lorenzo Salazar III, The KNHS Photography Club, at Baitang 11
Sinuri: Gng Jacqueline D. Reyes, G**ong Tagapayo

12/12/2024

VAW Seminar, inilunsad ng KGAD at CIC

Isinagawa ang pangangampanya ng mga mag-aaral ng KNHS Gender and Development (KGAD) Advocates at KNHS Campus Integrity Crusaders (CIC) tungkol sa Violence Against Women (VAW) na may temang "VAW bigyang wakas, Ngayon na ang Oras!"

Ginanap ang programa sa Audio-Visual Room (AVR), ngayong araw, ganap na ika-10 ng umaga.

Sinimulan ang palatuntunan sa panalangin at pag-awit ng pambansang awit na sinundan naman ng Himno ng Pasay.

Nagbigay ng pambungad na pananalita si Bb. Mary Jane Blanco, tagapagpayo ng KGAD. Nagbahagi rin ng inspirasyonal na mensahe si G. Reynaldo Alex Cordova.

Ipinakilala ni Alexander Mortem Pamatmat ang panauhing tagapagsalita sa nasabing seminar.

Tinalakay ni G. Kenneth Camyr Mindajao, Assistant Professor IV, ang mga usaping may kaugnayan sa VAW.

Nagkaroon ng tanungan sa pagitan ng tagapagsalita at mga mag-aaral na siyang nagpalawak sa diskusyon.

Layunin ng kampanya na magbigay ng kaalaman at impormasyon kaugnay sa mga kababaihan at kabataan na nakararanas at nakaranas ng pang-aabuso.

Ginawaran ng sertipiko ang tagapagsalita sa pangunguna ni Gng. Evelyn Callapag, g**ong tagapayo ng CIC.

Nagbigay ng pangwakas na pananalita si Gng. Marites D. Cagampang, HT III -Filipino.

✍️: Mariah Andrea Gimena
📸: Caithylyn Puig at Rizea Francisco
Sinuri nina: Andrea Dawn Fernandez (Punong Patnugot) at Gng. Jacqueline D. Reyes (G**ong Tagapayo)

Para sa iba pang balita at anunsyo, mangyaring i-like ang page ng Kalayaan National High School: https://www.facebook.com/KNHSPasayOfficial?mibextid=b06tZ0 at ang opisyal na Pampaaralang Pahayagan: https://www.facebook.com/AngBantayogKNHS?mibextid=b06tZ0

12/12/2024

Baitang 11, nagdaos ng 21st Century Class-Themed Literary Character Activity

Nagdaos ng aktibidad ang mga mag-aaral sa ika-11 baitang na pinamagatang "21st Class-Themed Literary Character Activity" kung saan, nagsuot at nanggaya sila ng iba't ibang karakter na may kaugnayan sa 21st Century.

Ginanap noong ika-10 ng Disyembre, ikaapat ng hapon sa Kalayaan National High School (KNHS) Gymnasium.

Inorganisa ni G. Aldrich Peter Palma, g**o sa 21st Century Literature from the Philippines and the World, ang nasabing gawain na may layuning mas kilalanin at mahalin ang mundo ng literatura, gayundin upang maipakita ng mga mag-aaral ang kanilang pagkamalikhain sa paggawa ng kasuotan at pag-arte.

Bahagi ng programa ang pagbibigay ng parangal sa mga nagwagi sa nasabing gawain.

Pinakamahusay na Babaeng Karakter:

ABM
– Carnegie: Diane Juzgaya bilang "Wednesday Addams"
– Jack Ma: Kyla Angeli Mamaradlo bilang "Smurf"
– Rockefeller: Diana Batisan, Armia Domingo, Daniella Abarquez, at Ladhine Stefhanie Evangelista bilang "Pompom Girls"

HumSS
– Durkheim: Serene Veronika Inalisan bilang "Moana"
– Erikson: Ana Gabrielle Francisco bilang "Player 212, Ha Mi-nyeo"

STEM
– Fisher: Maria Marinelle Pawa bilang "Zombie"
– Pythagoras: Jezalin Castillo bilang "Tamara"

Pinakamahusay na Lalaking Karakter:

ABM
– Carnegie: Samaru Iggy Xander Manalo bilang "Uncle Fester"
– Jack Ma: Mark Lawrence Yabut bilang "Smurf"
– Rockefeller: Joshua Talaboc bilang "Kevin"

HumSS
– Durkheim: Carl Gutierrez bilang "Felix Fixer"
– Erikson: Thierrence Ponciano bilang "Player 456, Seong Gi-hun"

STEM
– Fisher: Shaine Francia at Yukito Nonato bilang "Zombie"
– Pythagoras: Cyrille Yulo bilang "Mr. Gibbs"

Binigyang-pagkilala rin ang mga tagapayo na pinakamahusay na babae at lalaking karakter, ito ay sina Bb. Alexandria Andrada (Rockefeller) at G. Teodoro Calimbas (Fisher).

Sumunod, inanunsyo ang mga nagwaging pangkat.

Kampeon: Erikson (Squid Game)
Unang Pwesto: Fisher (The Walking Dead)
Ikalawang Pwesto: Carnegie (The Addams Family)

Si Bb. Sheena Mae Manumbali ang nagsilbing tagapagdaloy ng palatuntunan.

✍️: Andrea Dawn Fernandez
📸: The KNHS Photography Club
Sinuri ni: Gng. Jacqueline D. Reyes (G**ong Tagapayo)

Para sa iba pang balita at anunsyo, mangyaring i-like ang page ng Kalayaan National High School: https://www.facebook.com/KNHSPasayOfficial?mibextid=b06tZ0 at ang opisyal na Pampaaralang Pahayagan: https://www.facebook.com/AngBantayogKNHS?mibextid=b06tZ0

12/12/2024

Pampinid na Palatuntunan ng Filipino Values Month, isinagawa

Bilang pagtatapos ng selebrasyon ng Filipino Values Month, nagdaos ng Pampinid na Palatuntunan ang Kalayaan National High School (KNHS) Values Club noong ika-10 ng Disyembre sa Audio-Visual Room (AVR).

Binati ni Gng. Anna Jane Binarao (Puno ng Kagawaran - Values) ang mga dumalo sa kaniyang pambungad na mensahe. Sinundan ito ng inspirasyonal na pananalita mula kay Gng. Yolanda Marinay (Puno ng Kagawaran - Ingles).

Pinangunahan ni Andey Reyes (Pangulo ng Values Club) ang pagbabalik-tanaw sa mga naging aktibidad at karangalan ng paaralan sa naganap na Filipino Values Month Celebration.

Pinarangalan ang mga nagwagi sa pampaaralan at pandibisyon na patimpalak, ipinakilala rin ni Ptr. Domingo Solangon ang mga mag-aaral na nagwagi sa Traditional at Digital Poster Making para sa Men's Mental Health Awareness.

Traditional Poster Making:
Kampeon: Rien Cedrick Pagmanoja, 12 - Einstein
Unang Pwesto: Ralph Andrew Mangoil, 12-Newton
Ikalawang Pwesto: Kylashen Molina, 12 - Einstein
Ikatlong Pwesto: Debie Amor Reyes, 11-Fisher
Ikaapat na Pwesto: Erich Ramirez, 12-Lincoln
Ikalimang Pwesto: Sam Sino, 11 - Erickson

Digital Poster Making:
Kampeon: Hanna Mangareth Balatbat, 12 - Lincoln
Unang Pwesto: Hanna Loraine Barrera, 11 - Erickson
Ikalawang Pwesto: Allayssa Nava Maniquiz, 11 - Rockefeller
Ikatlong Pwesto: Kyrie Allyson Chico, 10 - Aquino
Ikaapat na Pwesto: Mark Gerard Osit, 11 - Pythagoras

Itinanghal ni Kirstein Elorta (Ikalawang Pangulo ng Values Club) ang awiting "The Only Exception" bilang pampasigla.

Sumunod, pinanood ng mga dumalo ang Tiktok Skit na inihanda ng kinatawan ng paaralan sa Division Contest.

Nagbigay si Gng. Binarao ng pampinid na pananalita sa huling bahagi ng programa.

Nagsilbing mga tagapagdaloy sina Xyra Margaux Boysillo at Elorta.

✍️: Debie Amor Reyes at Andrea Dawn Fernandez
📸: Ariane Buyco
Sinuri ni: Gng. Jacqueline D. Reyes (G**ong Tagapayo)

Para sa iba pang balita at anunsyo, mangyaring i-like ang page ng Kalayaan National High School: https://www.facebook.com/KNHSPasayOfficial?mibextid=b06tZ0 at ang opisyal na Pampaaralang Pahayagan: https://www.facebook.com/AngBantayogKNHS?mibextid=b06tZ0

12/12/2024

Climate Change Seminar, pinangunahan ng KNHS CIC

Nagdaos ng isang seminar ang Kalayaan National High School (KNHS) Campus Integrity Crusaders (CIC) tungkol sa Climate Change na may temang "A Greener Tomorrow: A Visionary Solution for Climate Change." Ginanap noong Disyembre 9, mula ika-11 ng umaga hanggang ika-12 ng tanghali, Audio-Visual Room (AVR).

Nagsimula ang nasabing seminar sa pangbungad na mensahe ni Gng. Analyn Limpiada na sinundan ni Gng. Yolanda Marinay na nagbigay naman ng inspirasyonal na mensahe.

Pinangunahan ni Arnie Hope Laas ang panawagan, sumunod ang pagbabahagi ng mga kaalaman ang espesyal na tagapagsalita na si Bb. Anne Marielle Limpiada na naglalayong alagaan at tulungan ang kapaligiran upang mapabagal ang pagbabago ng klima.

Nagsilbing mga tagapagdaloy sina Ronnie Lopez at Kurt Harley Dela Cruz.

✍️: Brianna Jazzmine Deniega
📸: Jasmine Kate Pandez
Sinuri nina: Andrea Dawn Fernandez (Punong Patnugot) at Gng. Jacqueline D. Reyes (G**ong Tagapayo)

Para sa iba pang balita at anunsyo, mangyaring i-like ang page ng Kalayaan National High School: https://www.facebook.com/KNHSPasayOfficial?mibextid=b06tZ0 at ang opisyal na Pampaaralang Pahayagan: https://www.facebook.com/AngBantayogKNHS?mibextid=b06tZ0

11/12/2024

Proyektong TeleRadio ng 12 - Academic Track, idinaos

Nagpakitang-gilas sa pag-uulat ang mga mag-aaral ng Kalayaan National High School (KNHS) na mula sa ika-12 baitang noong ikasiyam ng Disyembre. Pinamagatan itong "Broadcast Battle 2024" na may temang, "News: Nurturing and Engaging Well-equipped Students a Collaborative and Integrative Performance Task Across Core and Applied Subjects."

Pinangunahan ng Euphonious ang panimulang panalangin, kasunod ng pambansang awit ng Pilipinas at himno ng paaralan.

Matapos ang pambungad na pananalita ni G. Micael Martin A. Salazar, ipinakilala ni Gng. Mary Jane Z. Blanco ang mga hurado at ang mga pamantayan ng paligsahan, habang si G. Joel Torres naman sa presentasyon ng parangal.

Narito ang listahan ng mga nagwagi.

Pinakamahusay na TeleRadio at Direktor:
Unang Pwesto sa: 12 - Cicero
Ikalawang Pwesto: 12 - Newton

Pinakamahusay sa Digital Poster: 12 - Morgan

Pangkalahatang Kampeon: 12 - Einstein
– Pinakamahusay na Aktor at Aktres
– Pinakamahusay na Babae at Lalaking Anchor
– Pinakamahusay sa Panimulang Billboard
– Pinakamahusay sa Teknikal
– Pinakamahusay sa Pagsulat ng Iskrip
– Pinakamahusay na Direktor

Nagbigay ng pangwakas na pananalita sina G. Alejandro S. Aniban at Gng. Merly B. Nazareno, matapos bigyang-pagkilala ang mga g**o ng ika-12 baitang.

✍️: Hyes Abijah Dayoja
📸: Yaminah Kently De Guzman at Gian Karlos Jovero
Sinuri nina: Andrea Dawn Fernandez (Punong Patnugot) at Gng. Jacqueline D. Reyes (G**ong Tagapayo)

Para sa iba pang balita at anunsyo, mangyaring i-like ang page ng Kalayaan National High School: https://www.facebook.com/KNHSPasayOfficial?mibextid=b06tZ0 at ang opisyal na Pampaaralang Pahayagan: https://www.facebook.com/AngBantayogKNHS?mibextid=b06tZ0

08/12/2024

Hindi lamang sa pamamahayag ✨kumakana✨ bagkus ay sa ibang larangan din!🙌

Pagbati sa ating mga mamamahayag na sina Donjie Santillian, Ariane Buyco, at Brianna Jazzmine Deniega na nagkamit ng karangalan sa naganap na Filipino Values Month Celebration!👏🏅

Ipagpatuloy ang inyong kahusayan sa loob o labas man ng pamamahayag!🫡

✍️&💻: Andrea Dawn Fernandez
Sinuri ni: Gng. Jacqueline D. Reyes (G**ong Tagapayo)

08/12/2024

KNHS, nasungkit ng ikalawang pwesto sa Division Filipino Values Month Contest

Nagsagawa ng mga patimpalak ang Dibisyon ng Pasay noong Nobyembre upang ipagdiwang ang Buwan ng Filipino Values, kasunod nito, nagkaroon ng parangal noong ikaapat ng Disyembre na ginanap sa Philippine School for the Deaf, ikawalo ng umaga.

Mga nagwagi sa iba't ibang patimpalak:

OUIZ BEE
• Unang Pwesto: Donjie Santillan, ikasiyam na baitang
Tagapagsanay: Gng. Mary Rose Quioyo
• Ikalawang Pwesto: Jennilyn Louise Gambong, ikapitong baitang
Tagapagsanay: Gng. Mary Jane Rado
• Ikatlong Pwesto: Trixie Dairren Cabillo,
ikawalong baitang
Tagapagsanay: Gng. Jazper Ablay

PAGGAWA NG SLOGAN
• Unang Pwesto: Xyra Boysillo, ika-10 baitang
Tagapagsanay: G. David Litao at Gng. Rado

Ikatlong pwesto ang paaralan sa TikTok Skit Making na binubuo nina Andey Jane Reyes, Hannah Nicole Mabeza, Brianna Jazzmine Deniega, Liam Hallel Liena, Chaz Dylan Fernandez, Daisy Mae Banaag, Tamara Nicole Manibale, Ariane Buyco, Winnie Trisha Planas, Ellen Dela Peña, at Mary Luna Leona. Sina Gng. Rado at Gng. Quioyo ang kanilang mga tagapagsanay.

Pagbati sa mga nagwagi!

✍️: Debie Amor Reyes
📸: KNHS Values Club
Sinuri nina: Andrea Dawn Fernandez (Punong Patnugot) at Gng. Jacqueline D. Reyes (G**ong Tagapayo)

Para sa iba pang balita at anunsyo, mangyaring i-like ang page ng Kalayaan National High School: https://www.facebook.com/KNHSPasayOfficial?mibextid=b06tZ0 at ang opisyal na Pampaaralang Pahayagan: https://www.facebook.com/AngBantayogKNHS?mibextid=b06tZ0

08/12/2024

Tuwing sasapit ang Disyembre 8, sa Pilipinas ay isa itong mahalagang araw. Pagkilala ito sa kabutihan at kapurihan ni Birheng Maria. Siya ang napili at inihanda upang magdala kay Hesus dahil hindi siya kailanman nagkasala.

Tayo'y magnilay at ating palawakin ang kaalaman tungkol dito. Muli nating alalahanin ngayong araw ang Kabanalan ng Birheng Maria na siyang ina ng ating Tagapagligtas.

✍️: Andrea Dawn Fernandez
💻: Debie Amor Reyes
Sinuri ni: Gng. Jacqueline D. Reyes (G**ong Tagapayo)