DJ ANDY, Writer & Broadcaster

20/11/2025

𝐏𝐀𝐒𝐎𝐊 𝐒𝐀 𝐊𝐋𝐀𝐒𝐄 𝐒𝐀 𝐈𝐋𝐀𝐍𝐆 𝐁𝐀𝐘𝐀𝐍 𝐍𝐆 𝐂𝐀𝐆𝐀𝐘𝐀𝐍, 𝐒𝐔𝐒𝐏𝐄𝐍𝐃𝐈𝐃𝐎

CAGAYAN – Suspendido ang klase sa ilang bayan sa Cagayan bukas, Biyernes, Nobyembre 21, 2025, dahil sa malakas at tuloy-tuloy na pag-ulan na dulot ng Amihan.

Ayon sa lokal na pamahalaan, Kindergarten hanggang Grade 12 sa pampubliko at pribadong paaralan sa Tuguegarao (face-to-face classes) at Solana ay walang pasok.

Samantala, lahat ng antas ng paaralan sa mga bayan ng Aparri, Allacapan, Amulung, Camalaniugan, Lal-lo, Santa Teresita, Peñablanca, Gonzaga, at Iguig ay suspendido rin.

Pinaalalahanan ang publiko na ito ay isang “running list” at hinihikayat na i-refresh ang mga update para sa karagdagang impormasyon.

20/11/2025

𝐌𝐀𝐘𝐎𝐑 𝐌𝐀𝐈𝐋𝐀, 𝐍𝐀𝐆-𝐀𝐏𝐄𝐋𝐀: 𝐇𝐔𝐖𝐀𝐆 𝐀𝐋𝐈𝐒𝐈𝐍 𝐀𝐍𝐆 𝐁𝐀𝐑𝐈𝐊𝐀𝐃𝐀 𝐒𝐀 𝐌𝐆𝐀 𝐈𝐒𝐈𝐍𝐀𝐑𝐀𝐃𝐎𝐍𝐆 𝐊𝐀𝐋𝐒𝐀𝐃𝐀

Umapela si Mayor Maila Ting-Que sa mga motorista at residente na huwag tanggalin ang mga barikadang nakalagay sa mga pansamantalang isinaradong kalsada, kasunod ng patuloy na pagbaha na dulot ng shearline.

Ayon sa alkalde, ang mga barikada ay hindi simpleng harang lamang kundi pangunahing proteksyon laban sa posibleng aksidente, lalo na sa gabi kung kailan limitado ang visibility.

“Pakiusap po — huwag pong tatanggalin ang mga barikada. Gabi na, maaaring madisgrasya ang mga taong susunod sa inyo,” ani Mayor Ting-Que sa kanyang Facebook post.

Dagdag pa niya, mayroong mga pagkakataong inaalis ang barikada para makadaan ngunit hindi naibabalik sa tamang puwesto. “They are placed there for the safety of the public — hindi lamang ng mga nakatira sa barangay na iyon.”

Sa kasalukuyan, ilan sa mga pangunahing kalsada sa lungsod ng Tuguegarao ang pansamantalang isinara matapos tumaas ang tubig at maging delikado para sa mga motorista.

Hinihiling ng lokal na pamahalaan ang mas mahigpit na kooperasyon ng publiko upang maiwasan ang anumang insidente at mapanatili ang kaayusan habang patuloy na inaapektuhan ng masamang panahon ang nasabing lungsod.

source:TCIO

📷 Tuguegarao City Information Office

20/11/2025

Nakapanlulumo at nakababahala ang larawan ng ating mga kababayan sa Bayan ng Sta. Maria Isabela na pilit tumatawid sa gitna ng rumaragasang tubig—isang tanawing hindi dapat maging “normal” sa isang lipunang may gobyernong dapat nagtitiyak ng kaligtasan ng mamamayan. Ang tulay ay deklaradong passable, ngunit bakit may mga taong kailangang sumugal ng buhay sa gitna ng tubig na umapaw?

Sa gitna ng rumaragasang tubig, mayroong mga taong hindi dapat nandiyan—mga amang kailangang pumasok para may maiuwing pagkain, mga inang kailangang makauwi sa mga anak, at mga kabataang umaasa pa ring makarating sa eskwela. Sa bawat hakbang nilang nilulubog ang paa sa tubig, hindi lang putik ang tinatahak nila—kundi panganib na hindi nila ginusto.

Habang pinapanood natin ang mga taong pilit tumatawid, ramdam ang takot at pangambang baka isang maling hakbang lang ay may mawala na naman. Hindi nila ito ginagawa dahil gusto nila, kundi dahil wala silang pagpipilian. Sa mundong dapat may tulay na ligtas, sila mismo ang nagiging tulay ng pag-asa para sa kanilang pamilya.

Mas masakit isipin na nangyayari ito pagkatapos bumagsak ang tulay sa Sta. Maria—isang trahedyang dapat nagbukas ng mata sa lahat. Pero heto tayo, nanonood na naman ng mga taong inuuna ang pangangailangan kaysa sariling kaligtasan, dahil hindi sapat ang imprastrakturang dapat nagpoprotekta sa kanila.

Nakakapagod na ang paulit-ulit na eksenang ganito. Hindi dapat trabaho ng ordinaryong tao ang maging matapang sa harap ng kapalpakan. Hindi sila dapat lumusong sa panganib para lang makarating sa kabilang panig ng buhay.

Sana, sa susunod na makita natin ang ganitong tanawin, hindi dahil may lumulusong na naman sa baha, kundi dahil may tulay nang matatag, ligtas, at pinagtuunan ng pansin. Sapagkat ang bawat Pilipino, ano man ang estado sa buhay, ay karapat-dapat sa daang hindi kailangang ipagpalit ang sariling buhay.

📷ctto.

19/11/2025

𝐑𝐎𝐁𝐑𝐄𝐃𝐎, 𝐈𝐍𝐈𝐋𝐔𝐍𝐒𝐀𝐃 𝐀𝐍𝐆 𝐁𝐀𝐆𝐎𝐍𝐆 𝐀𝐍𝐓𝐈-𝐂𝐎𝐑𝐑𝐔𝐏𝐓𝐈𝐎𝐍 𝐏𝐎𝐋𝐈𝐂𝐈𝐄𝐒 𝐒𝐀 𝐍𝐀𝐆𝐀 𝐂𝐈𝐓𝐘

Ipinakilala ni Naga City Mayor Leni Robredo ang mga bagong polisiya at executive order ng lokal na pamahalaan na naglalayong labanan ang korapsyon.

Kabilang sa mga inilunsad ng alkalde ang “Zero Tolerance Policy Against Corruption,” na naglalayong panatilihin ang integridad, transparency, at pananagutan sa buong Pamahalaang Lungsod ng Naga. Ayon kay Mayor Robredo, layunin ng polisiya na masiguro na ang bawat opisyal at empleyado ay sumusunod sa tamang pamantayan ng serbisyo publiko.

Kasabay nito, ipinatupad din ang “No Gift Policy,” na mahigpit na nagbabawal sa mga opisyal at empleyado ng lungsod na humingi o tumanggap ng anumang regalo, pabor, pautang, solicitation, serbisyo, o anumang bagay na may katumbas na halaga. Layunin ng polisiya na patatagin ang kultura ng malinis at tapat na serbisyo publiko sa Naga City.

Source: DWIZ

19/11/2025

𝐏𝐚𝐠𝐥𝐚𝐥𝐚𝐛𝐚𝐬 𝐧𝐠 𝐒𝐀𝐋𝐍 𝐧𝐢 𝐏𝐁𝐁𝐌, 𝐁𝐚𝐡𝐚𝐠𝐢 𝐧𝐠 𝐏𝐚𝐭𝐮𝐥𝐨𝐲 𝐧𝐚 𝐏𝐚𝐠𝐭𝐮𝐩𝐚𝐝 𝐬𝐚 𝐓𝐫𝐚𝐧𝐬𝐩𝐚𝐫𝐞𝐧𝐜𝐲 𝐑𝐞𝐪𝐮𝐢𝐫𝐞𝐦𝐞𝐧𝐭𝐬

Inilabas ni Pangulong Ferdinand “Bongbong” Marcos Jr. ang kanyang Statement of Assets, Liabilities, and Net Worth (SALN) para sa taong 2024, bilang bahagi ng patuloy na pagsunod sa mandatory disclosure requirements sa ilalim ng Republic Act 6713 o Code of Conduct and Ethical Standards for Public Officials and Employees.

Batay sa dokumento, nasa P389 milyon ang kabuuang yaman ng Pangulo, na binubuo ng P142.026 milyon sa real properties at P247.332 milyon sa personal properties tulad ng cash, investments, alahas, sasakyan, at mga paintings. Muli ring hindi nagdeklara ng anumang liabilities si Marcos Jr., gaya ng nakasaad sa kaniyang mga SALN mula 2022.

Kabilang sa kalakip ng isinumiteng papeles ang appraisal mula sa Cuervo Appraiser Inc., na nagsasaad na maaaring umabot sa P1.375 bilyon ang fair market value ng kanyang mga ari-arian.

Ayon sa ilang observers, ang regular na pagsusumite at paglalabas ng SALN ng pinakamataas na opisyal ng bansa ay mahalagang mekanismo ng pamahalaan upang mapanatili ang transparency at maitaguyod ang public accountability, lalo na sa gitna ng mataas na interes ng publiko sa usaping pinansyal at integridad sa serbisyo.

Ang taunang paghahain ng SALN ay itinatakda upang maitala ang mga pagbabago sa assets at interests ng mga opisyal habang sila ay nasa posisyon.

17/11/2025

𝗣𝗖𝗜𝗖-𝗥𝗢𝟮, 𝗣𝗚𝗖 𝗙𝗼𝗿𝗴𝗲 𝗦𝘁𝗿𝗼𝗻𝗴𝗲𝗿 𝗣𝗮𝗿𝘁𝗻𝗲𝗿𝘀𝗵𝗶𝗽 𝘁𝗼 𝗣𝗿𝗼𝘁𝗲𝗰𝘁 𝗙𝗮𝗿𝗺𝗲𝗿𝘀 𝗮𝗻𝗱 𝗙𝗶𝘀𝗵𝗲𝗿𝘀

The Philippine Crop Insurance Corporation- Regional Office No. 02 (PCIC-RO2) has strengthened its collaboration with the Provincial Government of Cagayan (PGC) through the signing of a Memorandum of Agreement (MOA) on November 17, 2025, aimed to institutionalize and expand agricultural insurance coverage for the province’s qualified farmers, fishers, and other agricultural stakeholders.

PCIC-RO2 Manager Mario G. Lumibao and Cagayan Governor Edgar “Egay” B. Aglipay, formalized the agreement in a brief ceremony that highlighted their shared commitment to safeguarding the province’s agricultural sector—considered the backbone of Cagayan’s local economy.

Governor Aglipay underscored the importance of the initiative, calling it a fulfillment of his administration’s promise to prioritize the welfare of farmers and fishers.

“Hangga’t maari, lahat ng kailangan ng ating mangingisda’t magsasaka ay ibibigay natin,” he affirmed, emphasizing the provincial government’s dedication to providing essential support to agricultural workers.

Under the signed agreement, the PGC will provide subsidies for the insurance premiums under PCIC’s Accident and Dismemberment Security Scheme (ADSS). This will allow eligible farmworkers to access insurance benefits in cases of accidents, injuries, or loss of life—helping reduce financial vulnerability among rural families.

Moreover, Manager Lumibao expressed gratitude to the provincial government for its strong support, noting that the partnership bolsters ongoing efforts to improve farmer protection in the region. He commended the initiative for prioritizing not only agricultural productivity but also the safety and well-being of every Cagayano farmworker.

The strengthened collaboration between PCIC- RO2 and the PGC represents a major step toward building a more resilient agricultural landscape. By easing the cost of insurance and providing essential risk coverage, the program ensures that the province’s farmers and fishers are better equipped to face the daily challenges of their work.

📷 PCIC Region 02

14/11/2025

Nagsisihan at Nagbubukingan. Pero kailan nga ba magkakaroon ng Pananagutan?

Sa dami ng mga isyung hinaharap ng ating bansa ngayon, tila ba mayroong bagong kuwento na naman araw-araw. Mayroong nagsasalita, mayroong nagsisihan, mayroong naglalabas ng listahan, at may nagbabantang ilalantad ang “katotohanan.” Para bang paulit-ulit na eksena sa isang lumang pelikula. Maraming sigawan, maraming akusasyon, pero sa dulo, walang malinaw na resolusyon.

Natural lang na mapatingin ang taumbayan kapag may nagsabing may “resibo” o mayroong mga pangalang ibubunyag. Kapag pondo ng bayan ang pinag-uusapan, lahat tayo mayroong karapatang magtanong. Pero habang tumatagal, napapansin nating parang nagiging ingay lamang ang lahat. Mayroong naglalaglagan, mayroong nagtuturuan, pero hindi natin makita kung mayroong seryosong hakbang ba para tukuyin kung ano nga ba talaga ang totoo.

At dito pumapasok ang tunay na problema. Kapag ang pagbubunyag ay nauuwi lang sa drama, nawawala ang saysay ng paglalahad.

Kung talagang mayroong ebidensiya, bakit hindi agad dalhin sa tamang ahensya? Bakit sa publiko inuuna, sa halip na sa mga institusyong mayroong kakayahang magsuri nang patas at mayroong malinaw na proseso? Kung ang layunin ay paglilinis, bakit mukhang lumalabas lang ito kapag may alitan o tensyon sa politika?

Hindi natin kailangan ng mas maraming away. Hindi natin kailangan ng palabas. Ang kailangan ng sambayanan ay katotohanan at pananagutan—iyon ang simpleng tanong na hanggang ngayon, hindi pa rin nasasagot.

Nararapat lang na paalalahanan ang mga opisyal ng pamahalaan: ang kapangyarihan ay hindi dekorasyon, hindi proteksyon, at lalong hindi sandata. Ito ay responsibilidad. At kasama sa responsibilidad na iyon ang pagiging handang humarap sa imbestigasyon kung kinakailangan. Walang dapat mas mataas sa batas, at walang sinumang dapat makaiwas dito.

Ang hamon ngayon ay malinaw: tigilan natin ang pag-ikot sa parehong kuwento. Kung may paratang, imbestigahan. Kung may ebidensiya, ilabas sa tamang proseso. At kung may nagkasala, managot—anumang posisyon o pangalan ang nakataya.

Sawang-sawa na ang taumbayan sa gulo na walang patutunguhan. Panahon na para magka-resolution, hindi lang revelation. Panahon na para sa hustisya, hindi para sa drama.

Dahil sa huli, ang usaping ito hindi lang tungkol sa mga taong sangkot—tungkol ito sa atin, sa ating tiwala, at sa kung anong klase ng pamahalaan ang nararapat sa sambayanang Pilipino.

13/11/2025

BREAKING: Dating Senate President Juan Ponce Enrile, Pumanaw na sa Edad na 101

Pumanaw na si dating Senate President at kasalukuyang Chief Presidential Legal Counsel Juan Ponce Enrile kaninang 4:21 ng hapon, Nobyembre 13, 2025, ayon sa kumpirmasyon ng kanyang anak na si Katrina Ponce Enrile.

Ayon kay Katrina, inialay ng kanilang ama ang malaking bahagi ng kanyang buhay sa pagsisilbi sa sambayanang Pilipino at sa pagtataguyod ng batas at pamahalaan.

Humiling naman ang pamilya Enrile ng pag-unawa sa publiko habang sila ay tahimik na nagluluksa at nagbibigay-pugay sa kanyang alaala. Maglalabas din sila ng opisyal na pahayag hinggil sa public viewing at funeral arrangements sa mga susunod na araw.

Matatandaang isinugod si Enrile sa Intensive Care Unit (ICU) dahil sa pneumonia, at naging kritikal ang kanyang kondisyon bago siya pumanaw.

Si Enrile ay nagsilbi bilang Senate President, Secretary of National Defense, at Chief Presidential Legal Counsel sa iba’t ibang administrasyon. Sa mahigit anim na dekadang paninilbihan, kinilala siya bilang isa sa pinakamatagal na personalidad sa larangan ng pulitika sa bansa.

07/11/2025

𝟏,𝟎𝟐𝟖 𝐒𝐚𝐧 𝐏𝐚𝐛𝐥𝐨 𝐒𝐜𝐡𝐨𝐥𝐚𝐫𝐬 𝐑𝐞𝐜𝐞𝐢𝐯𝐞 ₱𝟑.𝟐 𝐌𝐢𝐥𝐥𝐢𝐨𝐧 𝐢𝐧 𝐀𝐥𝐥𝐨𝐰𝐚𝐧𝐜𝐞𝐬 𝐔𝐧𝐝𝐞𝐫 𝐁𝐑𝐎-𝐄𝐝 𝐏𝐫𝐨𝐠𝐫𝐚𝐦

SAN PABLO, ISABELA — A total of 1,028 scholars from the municipality of San Pablo received ₱3,256,000.00 worth of allowances under the Bro for Education (BRO-Ed) Program of the Provincial Government of Isabela (PGI) on November 7, 2025, held at the San Pablo Community Center.

Mayor Antonio Jose T. Miro III expressed his gratitude to the Provincial Government of Isabela for continuously implementing the BRO-Ed Program, which provides vital support to students and their families.

He emphasized that such initiatives greatly help the youth in pursuing their education and dreams.

Meanwhile, Vice Governor Faustino “Kiko” Dy III also thanked the scholars for their warm reception during the distribution of allowances.

He underscored the provincial government’s dedication to uplifting both the farmers and the students, highlighting that the BRO-Ed program symbolizes the administration’s compassion and trust in the younger generation.

Dy reminded the students that the scholarship represents the government’s confidence in their potential to finish their studies and succeed in life.

He encouraged them to persevere despite hardships, assuring them that behind every effort and every book they open, there is a government that believes in their capabilities and future.

The BRO-Ed Scholarship Program continues to embody the Provincial Government’s advocacy of Para sa Kabataang Isabeleño reaffirming its mission to make education accessible and to nurture the dreams of every Isabeleño youth.

01/11/2025

𝗔𝗹𝗮𝗮𝗹𝗮 𝗻𝗮 𝗕𝘂𝗵𝗮𝘆 𝘀𝗮 𝗔𝘁𝗶𝗻𝗴 𝗺𝗴𝗮 𝗣𝘂𝘀𝗼

Tuwing Undas, bumabalik tayo sa ating mga alaala — sa mga ngiti, yakap, at kwentong iniwan ng ating mga mahal sa buhay. Habang sinisindihan natin ang kandila, tila bang muli nating nararamdaman ang kanilang presensya, at tahimik ngunit puno ng pagmamahal.

Ang Undas ay paalala na kahit sila’y wala na, nananatili silang bahagi ng ating bawat paghinga at dasal.

Kaya ngayong Undas 2025, alalahanin natin sila hindi sa lungkot, kundi sa pasasalamat — dahil sa kanila, natutunan natin ang tunay na pag-ibig ay hindi kailanman mamamatay.

28/09/2025

28/09/2025

On World News Day, we honor truth-tellers.

Choose truth. ✅
Choose facts. ✅
Choose journalism. ✊