21/05/2020
"Ang plano nga way labot ang Ginoo kay walay klaro."
*Gusto ko magtuon og business.
*Ayna! lisod kayo na, malugi ra ka!
*Gusto ko magtuon og bag-ong butang
*Sus uy! hangtod sugod ra ka
*Kaya ko ni!
*Nah! hago kaayo na, kapuyon ra ka, undang nalang uy!
Familiar line? asa nimo na usahay madungog? kaila, pamilya, silingan o amigo? Pero kabalo ba ka igsoon nga basic na, I mean, mao jud na, kasagaran jud nato na madungog sa ilaha. Pero ang mas dili jud kasagaran kay...
"Madungog nimo na sa kaugalingon nimo"
Kana bang ikaw ang nagplano nga buhaton nimo, pero ikaw ra sab ang kapuyon, ikaw ra sab ang mu-discourage, ikaw ra sab ang laayan. Given na kaayo ng naay lain tao nga naay negatibong komento sa gusto nimo buhaton pero wala ta kabantay nga katong lain nga tao kay ang ato ra diay'ng kaugalingon.
Igsoon, ang improvement sa kaugalingon nimo kay ikaw ang una maka benepisyo. Walay improvement nga mahitabo sa kaugalingon nimo kung naay kay spirit sa pagkatapulan. Kana bang nag decide ka karon nga sugdan na nimo pero sa pipila ka minuto makasulti dayon ka nga "Kapoy naman oy, ugma nalang" hangtod ang ugma kay nahimong wala.
Igsoon, usahay dili ang lain tao ang kaaway nimo, kundili ang kaugalingon ra sab nimo. Tan-awa ang goal nimo nganong gisugdan nimo ang usa ka butang. Sa Soccer before ka maka-goal muagi sa ka og mga kalisod, mudagan, kapuyon, hangakon, matumba pero ang naa sa mindset dapat nimo kay ang maka-goal.
Mao na igsoon, renew your mind. Kanang nasugdan nimo ron kung unsa mana isang-at na sa Ginoo. Kay timan-i ang plano nga walay labot ang Ginoo kay walay klaro.
Naa sa sinugdanan ang lisod, mao ng padayon sa self-impovement nga ginatinguha nimo. Kay muabot ang panahon nga masulti nimo sa kaugalingon nimo nga "May nalang jud wala ko niundang"
Padayon igsoon inubanan sa tabang ug grasya sa Ginoo!
