TULAY HA BILIRAN DIRI ANAY PINA PA AGI AN HA MGA MOTORISTA
Posted: December 24, 2024, 7:51 a.m.
Nag pagawas yana hin abiso an DPWH nga diri anay umagi adton mga mag bug-at na mga sarakyan ha tulay han Biliran.
Ini in matapos maka abat kakulop hin pag bay-og an pipira na mga motorista nga naagi kakulop nag adlaw Desyembre 23, 2024, pasado alas 3:00 han kulop.
An 50- anyos nga Biliran Bridge amo adton nag kokonektar han Biliran Island ngan Leyte.
Ha datus tikang ha DPWH an mao nga tulay in gin igin pailarom hin rehabilitasyon han DPWH hadton Augusto 28, 2022, ha kantidad nga P48.9-M pesos.
Kasumpay hini abiso pa han DPWH puyde maka agi adton mag gaan la na mga sarakyan (light vehicles) ha mao nga tulay. -via/ev news
Read More: https://www.facebook.com/share/v/cnPENHGFzFT9xjVd/
video courtesy: Alvs Kate
TINGOG Party-List Gin klaro Rason han Pag Gawas nira ha MOA Han PhilHealth ngan DBP
Posted: 5:00 p.m. December 23, 2024
Tacloban City - Gin klaro ni Tingog Party-list Jude Acidre nga na nunuyo an Tingog ha pag sulod hini ha MOA han PhilHealth ngan Development Bank of the Philippines an maka bulig nga mapahunob hin maupay adton serbisyo panlawas nga mga programa ilabi ha mga tay-aw na mga lugar.
Gin klaro han kongresista nga waray salapi nga na babalhin ha Tingog para ha Maalagang Republika ngan Rural Financing Health Development Program.
Lugod an Tingog sigon kan Congressman Acidre amo adton nagigin tulay han mga lokal nga gobyerno nga gusto makadaup ha DBP para maka kuha han hospital loan program para maka patindog hin usa nga healthcare facility o hospital.
Kasumpay hini gin aaghat naman ni Acidre an mga mag baralaud nga panginanuon nira an maupay nga intensyon han nasabi nga programa kontra ini in pag dudahan.
Manunumduman nga gin kwestyon ni Senator Bato Dela Rosa an mao nga MOA nga gin sudlan han Tingog Party-list, PhilHealth ngan DBP.
via/jbonifacio
Mensahe ni Leyte Board Member Wilson Uy yana nga kapaskuhan para hiton katawhan.
Ha Babatngon Leyte, bag o nga pantalan naka talaan pag tukuron han Provincial Government han Leyte
Kitaa:
SCUAA: Southern State University naka kuha hin GOLD ha mulay nga Arniz
Defend NGO's Reclaim Civic Spaces
98% na han mga PUVs ha Eastern Visayas kosolidado na - LTFRB
Post: December 3, 2024, 3:39a.m.
Tacloban City - Aada ha 98% hadton mga public utility vehicles (PUVs) han Eastern Visayas in konsolidado na ngadto ha korporasyon ngan mga kooperatiba ilarom han PUV Modernization Program.
Kasumpay hini ungara naman han gobyerno nga makuha an suporta han transport modernization ha pag abot hiton tuig 2025 diin ma tatagan hin panahon an mga operators nga maka kuha na hin mga bag o nga mga unit hin sarakyan.
via/ev news
P4Billion Budget han Probinsya han Leyte Para Tuig 2025 Aprobado Na
Posted: December 3, 2024 3:19a.m.
Palo Leyte - Gin kompirmar ni Leyte BoardMember Wilson Uy, chair han Committee on Finance nga aprobado na an P48 Billion na pondo para pag gagamiton han probinsya sunod nga tuig 2025.
An mao nga pondo in gin aprobaran han hunta provincia han Leyte hadton Nobyembre 19, 2024.
via/ev news
Sen. Bong Go gin panhimuwa an akusasyon pag dabi ha iya ha operasyon han POGO's ngan ilegal nga druga
Posted: Nov. 30, 2024, 3:04p.m.
Tacloban City - Mahugot nga gin panhimuwa ni Senator Bong Go an akusasyon kontra ha iya kasumpay han pag lambigit han iya ngaran ha operasyon hiton POGO's ngan ilegal nga druga dinhi ha nasud Pilipinas.
Manunumduman nga nag himo hin pahayag hi PDEA Deputy Director General Renato Gumbal ha House Quad Committee diin igin presentar hini an usa nga matrix nga nag papakita han koneksyon han illegal drugs ngan Philippine Offshore Gaming Operators (POGOs) dinhi ha nasud Pilipinas.
Hi Sen. Bong Go in binista ha Naval Biliran, kakulop na adlaw Nov. 29, 2024, para han financial distribution para han mga Brgy Health Workers, Brgy Nutrition Scholars ngan Day Care Workers, lakip na nga gin atindiran liwat hini an enagurasyon ngan blessing han Super Health Center upod na an pag bisita han Malasakit Center.
via/ev news
