OpinYon 8

27/12/2024

I chanced upon De La Salle Bacolod alumnus Lawrence Fajardo at the Christmas party of internationally acclaimed director Brillante Ma. Mendoza.

Read more
https://opinyon.net/national/de-la-salle-bacolod-filmmaker-pushes-for-peque-gallaga-as-national-artist-for-film

I chanced upon De La Salle Bacolod alumnus Lawrence Fajardo at the Christmas party of internationally acclaimed director Brillante Ma. Mendoza.

26/12/2024

Kilala nga Oldest House ha Borongan City,Nasunog

Pinakalasan hin usa nga sunog an mga residente han San Francisco St.Baybay 2,Borongan City, Eastern Samar, kanina han pasado alas 12:30am, Desyembre 27,2024.

Kundiin inabot ha ika-duha nga alarma an sunog sanglit an mga residente in nag balde brigade na para makabulig pagpoypoy han kalayo.

Dumatong an firetruck han BFP Borongan,BFP Sulat,BFP Taft,BFP Maydolong,BFP Balangkayan, ngan BFP Hernani, ngan sumala han departamento han BFP,pasado alas 1:30am in naging kontrolado an kalayo,samtang pasado alas 2:18am in igindeklara na nga fire out an sunog.

Faulty wiring an ginhihingita nga rason han sunog,kundiin didto nagtikang ha ika-tulo nga tindahan ha ilarom han nasabi nga residential building.

Ini nga building in gintatag-iyahan han pamilya Bocar, ngan subay han marka nga makikita gawas han ira balay, natindog ini nga residential house tikang han 1919 nga tuig.

Waray naman nahipatik nga casualties ha nasabi nga insidente.

Samtang nagpapadayon pa iton hilarom nga imbestigasyon agud matultol an naging hinungdan han kalayo,ngan Kon pira an danyos han nasabi nga sunog.

Photo courtesy: Allan Valentin

Van Basilia | OpinYon 8 News Reporter

26/12/2024

Usa nga lalaki tigda nga ginpanigbas ha Borongan City, Eastern Samar, nag angkon hin damo nga kasamdan ha lawas

Tigda nala nga sinugod ngan ginpanigbas an usa nga lalaki nga napalit la ha tindahan gilid han National high way han Brgy.Tabunan,Borongan City,niyan han selebrasyon han kapaskohan, Desyembre 25,2024.

Ginkilala an biktima ngahi alyas "James",58 anyos,parag-uma, ngan residente han nasabi nga Brgy.

Samtang an suspek in ginkilala ngahi alyas "Roming",58 anyos, usa liwat nga parag-uma, ngan igkasi- residente la gihapon han biktima

Sumala han impormasyon nga nahikay han OpinYon 8 Media, pasado alas 6:45 han gab-i han kapaskohan, gumawas an biktima para mamalit ha tindahan ha Brgy.Tabunan, ngan tigda nala hiya ginsugod ngan ginpanigbas hini nga suspek nga nakainom hin makahurubog nga irimnon, kundiin nag angkon hin mga kasamdan an biktima ha magkaiba-iba nga parti han lawas.

Dayon naman nga gindara an biktima ngadto han Eastern Samar Provincial Hospital (ESPH) para han pagtambal, samtang an suspek in gindakop ngan gindara ngadto han Borongan City Police Station kaupod an an armas nga iya ginamit han insidente para han dokumentasyon ngan sakto nga disposisyon.

Van Basilia | OpinYon 8 News Reporter

26/12/2024

Back in 2022 when the Bangko Sentral ng Pilipinas was still pushing for the production and circulation of P1,000 polymer (plastic) bank notes, it had argued that the country would save P2.4 billion– from constantly printing paper notes whose life is 2.5 to 5 times shorter than those than plastic n...

26/12/2024

KITAA:

Sitwasyon kakulop ha Maydolong Eastern Samar kasumpay han pagselebrar han ka-adlawan han kapaskohan, Desyembre 25,2024.

Ha paglibot han OpinYon 8 Media News Team, Grupo-grupo nga mga tawo an makikita ha kadalanan han bungto maydolong, para manmasko ngan manhatag hin pamaskohan ngadto han ira kasangkayan, pamilya ug love ones.

Merry Christmas nasud Pilipinas ngan ha bug-os nga kalibutan!

Van Basilia | News Reporter

25/12/2024

NEDA Region 8, Ginpasidunggan an Espiritu han Bolunterismo ha National Volunteer Month

Catbalogan City, Samar – Ha pagselebrar han National Volunteer Month, ginpahayag han NEDA Region 8 an tema nga “Igniting Volunteer-led Innovation for Deep Economic and Social Transformation: Bolunterismo Tungo sa Bagong Pilipinas.” Ini nga okasyon in natutok ha mga volunteers nga naghahatag hin inspirasyon, nagpapaluyo hin kabag-uhan, ngan naghihimo hin sustainable ngan long-term effect ha ira mga komunidad.

Ricky A. Balinao: Bayani han Bolunterismo Tikang ha Basey, Samar

Usa nga highlight han selebrasyon amo an pagkilala kan Ricky A. Balinao, usa nga residente han Basey, Samar, nga nakilala komo Regional Winner ha Eastern Visayas ha 2023 Search for Outstanding Volunteers - Individual Adult Category. Diri la ito, hiya gihapon in ginpasidunggan han Asia’s Humanitarian Hero Awards 2023 tungod han iya makusog nga paningkamot ha pagserbe ha mga marginalized nga sektor.

Hi Balinao, usa nga Licensed Professional Teacher ngan boluntaryo, in kilala han iya damo nga proyekto nga naghahatag hin paglaum ngan pagbabag-o ha komunidad. Sumala ha iya, “Together, with shared vision and determination, hand in hand, we can make a difference.”

Bag-o nga Papel ha Serbisyo Publiko

Ha dugang nga rekognisyon ha iya dedikasyon, hiya yana in opisyal nga gin-appoint komo Administrative Officer IV (Human Resource Management Officer II) han MLGU Basey, Samar. Ini nga bag-o nga posisyon in maghahatag ha iya hin higayon nga ipadayon an iya adbokasiya ha serbisyo publiko.

Padayon an NEDA Eastern Visayas ha pagkilala ngan pagsuporta ha mga boluntaryo nga nagpapakita han ira kinasingkasing nga serbisyo para ha kauswagan han iba.

May Japzon|OpinYon
📷 LGU Basey

25/12/2024

MLGU Basey, Ginpasidunggan Hin Duha nga Prestihiyoso nga Award

Catbalogan City, Samar – Duha nga prestihiyoso nga pasidungog an nakarawat han MLGU Basey ha ilarum han pamunuan ni Mayor Luz Chu-Ponferrada.

Sustainable Innovation Award, Nahimugso Tungod han Social Technology

Han Disyembre 18, 2024, an MLGU Basey in ginpasidunggan han Sustainable Innovation Award ha ginbuhat nga Social Technology Expo han DSWD Central Office ha Quezon City. Ini nga pasidungog in usa nga national award nga nagrekognisar han mga inobatibo nga social technology nga ginpatuman han Basey.

An mao nga award in bunga han makusog nga paningkamot han Municipal Social Welfare and Development Office (MSWDO) ha pamuno ni MSWD Officer Welma B. Sacres. Ginpakita dida han expo an magkadurudilain nga proyekto nga nakafocus ha kaupayan han komunidad.

Plaque of Appreciation Tikang ha Pantawid Pamilyang Pilipino Program (4Ps)

Han Disyembre 19, 2024, an Basey in nakarawat hin Plaque of Appreciation tikang ha Pantawid Pamilyang Pilipino Program (4Ps) han DSWD SFO Samar. Ini nga pasidungog in igindumara dida han DASIG 2024 (Dedication, Accomplishment, Service, Inspiration, and Generosity).

Ginrekognisar dida an maeksperyensyado ngan aktibo nga papel han Basey ha pag-implementar han Social Welfare and Protection Programs pinaagi han pakipartner han DSWD.

Ini nga mga pagkilala in nagpapakita han dedikasyon ngan paningkamot han Basey ha pagpauswag han social programs ha komunidad.

May Japzon|OpinYon
📷 Lgu Basey

24/12/2024

Joy to the World!

“For God so loved the world that he gave his one and only Son, that whoever believes in him shall not perish but have eternal life.” – John 3:16

Today, as we all gather around with family and friends, exchange gifts, and spend time with the people we love the most, let’s not forget the real reason why we are celebrating this special day: God’s greatest gift, that of offering his Son so that all of us may be saved from sin and be worthy of his promise of eternal life.

23/12/2024

KITAA:

Lunod na hit baha iton bungto hiton Jipapad, Eastern Samar mahitungod hiton waray udong nga pag-inuran.

Basar han impormasyon, waray yana kuryente an bungto hiton Jipapad.

Photo courtesy: Mayor Ver

Van Basilia | News reporter

23/12/2024

A new way of traversing the vast expanse of University of the Philippines’ Los Baños, Laguna campus was recently launched, with the goal of sustainable transportation inside the campus.

Read more
https://opinyon.net/laguna/elbeeps-officially-launched-in-los-banos

23/12/2024

KITAA:

Sitwasyon yana nga aga ha Brgy.Balogo, Balangkayan Eastern Samar, Desyembre 23,2024

Kundiin ginsulod na hin tubig baha an brgy. Balogo, pati mga kabalayan ginsulod na liwat han tubig durot hiton waray wantas nga pag inuran

Samtang diri passable adton pira nga mga kalsada Dara han baha.

Para han iba pa nga mga detalye,antabayani ha mgaasunod nga Oras

Van Basilia | News Reporter

23/12/2024

KITAA:

Ginbay-og hin 5.0 nga linog an munisipalidad han San Policarpo Eastern Samar dida han alas 3:22am, Desyembre 20,2024

Source: Phivolcs

23/12/2024

Waray wantas nga uuran, ginkakabarak-an nga magpa-baha ha Brgy.Balogo, Balangkayan Eastern Samar

Ginkakabarak-an han mga residente han Brgy.Balogo an posibilidad nga pagbaha han lugar urog labi na ngadto dapit han mga tanoman han humay, mahitungod hiton waray wantas nga pag inuran durot hiton bagyong ngan shearline.

Siyahan nga Magiging apektado adton agrikultura,ngan magiging apektado liwat an kalsada nga nagkokonekta han Balogo-Maytigbao, Balogo-Caisawan, ngan Balogo-Balangkayan. Ibig Sabihin, ma ta-trap an nasabi nga brgy, diri makakapalit hin mga kinahanglan paliton an mga residente ngadto han mga bungto.

Para han iba pa nga mga detalye, antabayani ha mga masunod nga oras

Van Basilia | News Reporter

21/12/2024

Samar State University Ginrekumendar para ha ISO 9001:2015 Recertification

Catbalogan City, Samar — Usa nga dako nga milestone an naabot han Samar State University (SSU) kahuman nga opisyal nga ginrekomendar para ha ISO 9001:2015 recertification. Ini nga prestihiyoso nga rekognisyon in nagpapamatuod han dedikasyon han unibersidad ha pagtuman han pinaka-hitaas nga kalidad han mga proseso ngan serbisyo.

An ISO 9001:2015 certification in usa nga internationally recognized nga standard para ha quality management systems (QMS), nga nag-eemphasize han padayon nga pagpauswag ngan kakuntento han mga stakeholders. Pinaagi han pagduso hini nga recertification, ipinakita han SSU an iya dedikasyon ha operational excellence ngan ha iya padayon nga paningkamot nga maghatag hin exeptional service ngadto ha mga estudyante, magturutdo, ngan iba pa nga stakeholders.

Ini nga kadaugan in nagpapakita han commitment han SSU ha institutional efficiency, nga nagsisiguro nga an ngatanan nga proseso in nasusunod subay ha global standards ngan ha misyon han unibersidad nga mapauswag an academic ngan administrative excellence. An rekomendasyon in usa nga testamento han ka-kugi ngan dedikasyon han bug-os nga komunidad han SSU ha pagpatuman hin quality management practices nga nagpapalaksi han educational services ngan mga support system.

Samtang nag-aabante an SSU, ini nga recertification in nagpapakusog han ira determinasyon nga magpabilin nga lider ha kalidad nga edukasyon ngan masasarigan nga institusyon ha rehiyon, padayon nga naningkamot nga maipadayon ngan malabwan pa ha ginhihingita han mga stakeholders.

May Japzon|OpinYon
📷 SSU

21/12/2024

DILG Samar Nanguna ha 2024 DAYAW Awards, Ipinakita an Kadungganan ha Serbisyo Publiko

Catbalogan City, Samar — Gindumara han Department of the Interior and Local Government (DILG) Region 8 an 2024 DAYAW Awards dida han Disyembre 19 ha People's Center and Library, Tacloban City. Ini nga prestihiyoso nga okasyon in nagselebrar han susbaranan nga serbisyo publiko ngan maupay nga local governance, nga nagpapakita han dedikasyon han ahensya ha iya mga core values nga Matino, Mahusay, ngan Maaasahan.

Ha nasabi nga seremonya, nanguna an DILG Samar ha mga awardees, nga nagdara hin damo nga mga pasidungog. Ginrekognisar hi Information Officer I Kenneth P. Gacutan komo Best Performing Sub-Regional Office Non-LGOO Personnel. Ginkilala liwat hi LGOO V John Clifford B. Rado komo Best Performing Sub-Regional Focal Officer. Dugang pa, hi LGOO VI Ma. Vanessa C. Borja in nakakuha han pasidungog nga Best Performing SRO/HUC Program Manager. Iginpakita hini nga mga pasidungog an maupay nga performance han DILG Samar ngan an iya dako nga papel ha pag-uswag han local governance ha rehiyon.

Ginpasidunggan liwat han okasyon an mga empleyado nga nagretiro na ngan an ira mga kontribusyon ha serbisyo publiko nga naghatag hin dako nga impluwensya ha misyon han ahensya.

Ginpahayag han DAYAW Awards an kolektibo nga progreso han DILG Region 8 ha pagpauswag han governance ha Eastern Visayas. Ha iya State of the Region Address (SORA), iginsaysay ni Regional Director Arnel M. Agabe an mga nahimo han departamento ha 2024 ngan gin-awhag an mga empleyado nga ipadayon ini nga mga kadaugan ha masunod nga tuig. Iya iginmalatumat an kamahinungdanon han pagburublig ngan kooperasyon ha pag-abot han mga katuyuan han ahensya ha 2025.

An programa ha pasidungog in nagpapamatuod han dedikasyon han DILG ha pagpauswag han serbisyo publiko ngan organizational productivity. Pinaagi han pagrekognisar han mga maupay nga buhat han iya mga empleyado, gin-aawhag han ahensya an kadungganan ngan ginpapasarig an publiko han iya pagsunod ha epektibo ngan masarigan nga governance.

May Japzon|OpinYon
📷 DILG 8

21/12/2024

TESDA-8 Ginpapakusog an Solusyon ha Job-Skills Mismatch pinaagi han Industry-Driven TVET Courses

Catbalogan City, Samar — Umabot ha 80% an employment rate han 57,706 nga graduates han Technical Education and Skills Development Authority Region 8 (TESDA-8) ha tuig 2024.

Sumala han report han TESDA-8 ipinaagi kan Assistant Regional Director Vivian E. Abueva, an ira graduates han 2024 in mayda certification rate nga 96.32%, ngan walo ha kada napulo hini an may trabaho, ha sulod man o ha gawas han rehiyon. Ini nga mga graduates in nagdadara hin kontribusyon ha produktibidad, kalidad, ngan global competitiveness han mid-level skilled workforce han nasud, nga nagpapakita han kalidad han edukasyon ngan training ha rehiyon.

Padayon an impact han TESDA-8 pinaagi han 26,896 nga mga graduates tikang ha scholarship program hini han 2024, nga nagpapadukwag han akses ngadto ha technical vocational education and training (TVET) ngan nag-aawhag hin mas damo nga kabataan nga magkukuha hin technical skills.

Ginkikita liwat nga importante an upskilling ngan reskilling han workforce basi makaangkon hin bag-o o dugang nga mga abilidad nga magagamit ha trabaho o panginabuhi. Pinaagi hini, gin-aaddress an job-skills mismatch ngan nabubuligan an mga indibidwal ha pagbiling hin trabaho.

Han Nobyembre, ginpirmahan ni Presidente Ferdinand “Bongbong” R. Marcos Jr. an Republic Act No. 12063 o an Enterprise-Based Education and Training (EBET) Framework Act, nga nagtutudlok hin institutionalization ngan pagpakusog han apprenticeship programs ha nasud. An balaud in nagsisiguro nga nasusunod an sistema han edukasyon han nasud ha nagbabag-o nga panginahanglan han labor market ngan nabulig ha pag-iban han skills gap ha kadam-an nga industriya.

May Japzon|OpinYon
📷 PIA

21/12/2024

P9-Million Computer-Based Licensure Examination Project, Ginduduso han PRC Region 8 ha 2025

Catbalogan City, Samar — Usa nga P9 million worth nga proyekto an nakalinya para ha Professional Regulation Commission Regional Office VIII (PRC-VIII) para han computerization han licensure examination nga igpapadayon ha ikatulo nga quarter han 2025.

Sumala kan PRC-VIII Regional Director Armond M. Englis, an opisina aadto yana ha proseso han pagpalit hin venue para han Computer-Based Licensure Examination (CBLE), ngan susundan dayon an pag-instalar han internet infrastructure.

An CBLE amo an bag-o nga pamaagi nga diin magagamit hin kumpleto nga computerized facilities, sugad han mga laptop nga nakasulod ha usa nga virtual private network (VPN), ngan ginbabantayan hin mahugot para masiguro an integridad ngan kredibilidad han eksaminasyon.

An paggamit han ICT infrastructure para ha CBLE in magdudurot hin mas epektibo, sistematiko, ngan madagmit nga resulta. Magigin mas praktikal liwat ini nga opsyon, nga makakatipig hin oras, espasyo, ngan iba pa nga mga rekurso sugad han logistics ngan pagmobilisar ngan pagdumara han mga eksaminasyon.

Pero iya gindugang, nga an CBLE padayon nga iglalakip ha tradisyonal nga pen-and-paper examinations, ngan uunahon anay an mga board exam nga gutiay la an kadamuon han examinees.

An CBLE kabahin han modernisasyon nga paningkamot han PRC nga magbabalyo han tradisyonal nga paper-and-pencil test ngadto ha digital nga sistema. Ha CBLE, pwede na mag-type an mga examinees han ira baton gamit an computer, nga magreresulta hin mas madagmit nga pagproseso ngan pagpagawas han resulta ha katapusan nga adlaw han eksaminasyon.

Tikang han pag-aprubar han PRC Modernization Act of 2000, padayon nga ginpapakusog han ahensya an digitalisasyon agud mapaupay an serbisyo para ha mga professional ngan mga naglalaum nga maging professional ha bug-os nga nasud.

Ha tuig 2024 pala, 21,435 examinees han PRC-VIII. Kadam-an han mga licensure examinations nga gindumara ha rehiyon ha naglabay nga tulo ka tuig naglakip han mga professional teachers, criminologists, medical technologists, nurses, architects, civil engineers, real estate brokers/appraisers, master plumbers, physicians, fisheries professionals, geodetic engineers, mechanical engineers, pharmacists, agricultural and biosystems engineers, midwives, agriculturists, ngan radiologic technologists.

May Japzon|OpinYon
📷 PIA

20/12/2024

There is a saying that it is better to be trusted than to be loved.

Read more
https://opinyon.net/opinion/trusted-first-than-loved