30/08/2024
๐๐๐ฌ๐ข๐ค๐ฅ๐๐๐๐ง ๐๐ญ ๐๐ฑ๐ก๐ข๐๐ข๐ญ , ๐ฆ๐๐ญ๐๐ ๐ฎ๐ฆ๐ฉ๐๐ฒ ๐ง๐ ๐ข๐๐ข๐ง๐๐ซ๐๐จ๐ฌ ๐ง๐ ๐๐๐๐๐
๐๐ '24
Matagumpay na ipinagdiwang ng programang pinamumunuhan ng Kapisanan ng mag-aaral sa Filipino (KAMAFIL) ang "Pasiklaban at Exhibit" kasabay ng pagdiriwang ng Buwan ng Wikang Pambansa na may temang "FILIPINO: Wikang Mapaglaya" sa Surigao Del Norte State University (SNSU) Academic Hall.
Dinaluhan ng mga mag-aaral mula sa ibat-ibang panig ng kursong Filipino ang makabuluhang kaganapan kabilang na ang iilang mga propesor, opisyales, at mga tagapagdaloy na sina G. Patrick A. Paas at Bb. Chynna Nicole C. Capul. Ang nasabing programa ay nagtaguyod ng mataas na antas ng kasiyahan at paggalang sa larangan ng pananaliksik at sining.
Bilang pambungad sa programa at pormal na pagtatanghal, ang hapon ay nagsimula sa isang makabayang tono sa pamamagitan ng pag-awit ng SNSU Chorale sa Pambansang Awit, sinundan ng SNSU Hymn, na nagbigay ng pagkakaisa at pagkakakilanlan sa lahat ng dumalo.
Pagkatapos ay ginanap ang nasabing kompetisyon mula first year hanggang Fourth year na mga mag-aaral ang Quiz Bee patungkol sa mga pinagmulan at kasaysayan ng Filipino.
Matapos ginampanan ang kompetisyon at pagtanghal sa mga nagwaging kasapi ay agad ipinakilala ang mga pangunahing tagapagsalita at mananaliksik. Ang unang bahagi ng pananaliksik ay naglalaman ng isang talakayan ukol sa "Pamaraan ng Paggamit sa mga Salitang Balbal," na pinangunahan ni Mark John Benitez. Ang kaniyang pagtalakay ay nagbibigay-linaw sa paggamit at kahalagahan ng mga salitang balbal sa modernong lipunan.
Samantala, ang ikalawang bahagi naman ng pananaliksik ay nagkaroon ng pokus sa "Software Application: Ebalwasyon Tungo sa Pagtuturo at Pagkatuto sa Gramatikang Filipino" na pinangunahan ni Dejiemae P. Amante. Ang talakayang ito ay naglalayong suriin ang epekto ng mga aplikasyon sa pagtuturo ng Filipino sa mga mag-aaral ng SNSU. Ang mga kalahok sa talakayan ay nagbigay ng makabuluhang pananaw na tiyak na makakatulong na pagandahin ang metodolohiya sa pagtuturo.
Ang "Pasiklab at Exhibit" ay isang patunay na dedikasyon ng Unibersidad ng SNSU sa pagpapalaganap ng kaalaman at sining, na nagbibigay-inspirasyon sa lahat ng mag-aaral.
โ๐ป&๐ท| Thyrone Glenn Gargao | ๐บ๐๐๐๐ ๐พ๐๐๐๐๐