Dxms 107.3 All Star Fm Ng Masa

13/09/2021

Let's vote for DEEKENT DONOSO by reacting heart ❤️, shares and views inside the video. Thanks you so much!

30/05/2021

CONTROVERSIAL SAP BENEFICIARY DJ MOMMY RICH, PLANONG MUDAGAN KARONG UMAABOT NGA ELEKSYON 2022 ISIP CONGRESSMAN SA DISTRITO 2 SA PROBINSYA; USA SA IYANG MGA PLATAPORMA DE GOBIERNO, WAGTANGON ANG BENEPISYO SA DILI MGA ANGAYANG MYEMBRO SA 4Ps

Stay tuned always for the updates!

30/05/2021

09/12/2020

LIVE Kantahan is only through online registration!

Alang sa mga mahiligon ug awit:
Ang JST Production mupahigayon ug LIVE Kantahan contest sa DXMS 107.3 All Star FM matag adlaw'ng SABADO gikan ala 1:00 sa hapon hangtod alas 3:00 sa kahapunon.

Sa gustong musalmot, mag-message lang sa fb page sa Ronda TV Surigao lakip ang inyong PANGALAN, EDAD, ADDRESS ug CELLPHONE NO. # ug AYAW KALIMOT SA PAG-LIKE UG PAG-FOLLOW SA RONDA TV (Page) aron dili madisqualify ang inyong registration.

Ang mapili nga mga contestants, TAWAGAN ON THE SPOT atol sa contest!

PALIHOG BASAHA ANG DUGANG KASAYURAN UG MGA PAPREMYO SA ONLINE KANTAHAN SA DESIGNATED CONTEST POST SA RONDA TV FB PAGE.

ALANG SA INYONG MGA PANGUTANA, mahimo kamong mutawag sa Secretariat sa (0912) 0746-330 ug pangitaa si SHEILA CORTES REMION.
--------------------------------------------------------------------------
Ang LIVE Kantahan MAGSUGOD NA KARONG SABADO, Desyembre 12, 2020! MAKITA KINI sa facebook PAGE LIVESTREAMING in partnership with RONDA TV SURIGAO.

01/10/2020

Dalampasigan Ng Pagbangon

LALAKENG NAGBIBIGAY KASIYAHAN SA GITNA NG KANYANG KAPANSANAN AY WALANG AWANG SINAKSAK AT NAMATAY

Walang awang sinaksak ang lalakeng may kapansanan sa pag-iisip kagabi (Setyembre 29) mga alas 9:40 sa Purok 1, Brgy. Canlanipa, Surigao City.

Nakilala ang biktima na si WELNAR LOZANO na mas kilala sa kanilang lugar bilang ENAR, 23 taong gulang, binata, at naninirahan sa Purok 8, Sitio Cayutan, Brgy. Cagniog sa parehong lungsod samantalang ang mga tinuturong kriminal ay parehong 17 taong gulang ng Brgy. Canlanipa na ika nga mga adik dahil sa umanoy nakukuhang dalawang (2) pakete ng pinagdududahang Ma*****na mula sa kanila na mayroong estimated weight na 2 gramo na may market value na 240 pesos.

Ayon sa imbestigasyon, natagpuan ang biktima na nakabulagta sa sementadong daan dahil sa iniinda nitong sakit mula sa natamong sugat sa dibdib. Mabilis itong itinakbo sa Caraga Regional Hospital pero idineklara rin itong dead on arrival ng attending Physician na si Dr. Mohamman Abdulcader.

Bago mangyari ang krimen ay nahuli umano ng biktima ang mga suspek na nagnakaw ng gas sa nakatambay na sasakyan gilid ng Purok 1, Brgy. Canlanipa. Dahil sa pagsisigaw ng biktima sa pagnanakaw ng dalawa ay nagbanta itong huli na kanilang papatayin ang biktima sa susunod na makita nila ito.

Bagama't may kapansanan ang biktima at nanglilimos ay nagagawa pa rin nitong magpatawa at makipagsabayan sa iilan lalo na sa mga nakakilala sa kanya. Kung kayat sa bilis ng kanyang paglisan ay marami ang naluha at nanghihinayang dahil na rin sa kanilang pagbansag nito bilang pambansang beh ng Surigao.

Napag-alaman na si Enar ay naging biktima rin nuon ng pananaksak at napagtripan ng mga batang yagit.

Mahaharap sa kasong Murder at violation of RA 9165 ang mga suspek.

20/03/2018

House approves divorce bill on 3rd reading

House approves divorce bill on 3rd reading

This is the farthest that any proposal to introduce divorce has made it in the House

25/02/2018

Dxms 107.3 All Star Fm Ng Masa's cover photo

30/07/2017

Photo credit to the owner

30/07/2017

LMF Philippines Entertainment

MICA BECERRO GARBO NAN SURIGAONON
(Ni Prex Jun Salubre)

SURIGAO CITY, SDN- Gikalipay sa liboan nga mga supporters ug fans ang pagkapili ni Mica Becerro isip usa sa mga grand finalists sa popular nga singing reality show sa telebisyon ang the Voice Teens, pang teenager nga bersyon sa the Voice of the Philippines.

Si Becerro maoy mirepresentar sa Team Lea gumikan sa pagkakuha niini sa pinakadako nga grado nga 95 porsyento nga gihatag mismo sa iyang coach nga mao si Lea Salongga ug sa nakuhang mga boto pinaagi sa text.

Kung aduna may mas nalipay, kana mao ang iyang “FAMILEA”- mga mahal sa kinabuhi nga naghiguma, nagtuo ug nagsalig sa iyang talento.

Si Becerro dili lang garbo sa iyang kaugalingong pamilya kundili garbo usab sa mga Surigaonon gumikan kay siya nag gikan man sa probinsya.

Ngani ang Probinsya sa Surigao del Norte mipahigayon ug Duyom nan Pagsuporta sa Garbo nan Surigaonon kun free viewing sa grand finale sa the Voice Teens nga gipahigayon sa Provincial Gymnasium, ning dakbayan kagabie (Sabado) hangtod kini unyang gabie (Domingo) Hulyo 29 ngadto 30 sa may alas 6:00.

Ang maong free viewing inisyatiba sa panggamhanan sa Probinsya pinangulohan ni Gobernador Sol Matugas, Bise Gobernador Arturo Carlos Egay, Jr. ug mga sakop sa Sangguniang Panlalawigan.

Atong ihatag ang atong suporta pinaagi sa atong pagboto!

(Photo credit to the owner)

16/06/2017

Rapido Balita

NASIKOP NGA MGA SUSPETSADO SA DRUGA 33 NA KA TAWO SUMALA SA PCR
(Ni Rapido Jun Salubre)

SURIGAO CITY- Mikabat na sa 33 ka mga suspetsado ang nasikop sa kapulisan ning dakbayan lambigit sa ilegal nga druga sumala sa gipresentar ni PSInsp. Florence P. Pacleb, ang bag-ong Police Community Relations (PCR) Officer sa Surigao City Police Station atol sa ilang pagbisita sa programang Mano-Mano ubos ning inyong alagad sa milabay’ng Sabado, Hunyo 10.

Sumala pa, gikan Enero ning tuiga hangtod sa kasamtangan aduna na’y 54.5088 gramos ang volume sa druga nga ilang nakompiska. Gibana-bana sa P643,203.84 ang kinatibuk-ang kantidad sa shabu nga ilang nakompiska.

Pagdugang, ang dakbayan sa Surigao maoy nag-una sa accomplishment report ning kapulisan isip pinakadaghan nga nakompiskahan ug druga samtang sa probinsya nag-inusara lang sa listahan ang lungsod sa Placer, Surigao del Norte partikular sa Brgy. Bad-as diin niadtong Abril 1 mukabat sa 46.9933 gramos ang volume sa druga nga nakompiska nga gibana-bana sa P554,520.94 ang kantidad sa nakompiskang druga.

(Photos taken from fb account of Pcr SurigaoCity and Surigao Norte Ppsc)

09/06/2017

Rapido Balita

Rapido Balita

KONSEHO NAKATAKDANG MUPAHIGAYON UG CAUCUS LAMBIGIT SA PROBLEMANG GIATUBANG SA ASOSASYON SA LIVESTOCK AND POULTRY RAISERS NING DAKBAYAN
(Ni Rapido Jun Salubre)

SURIGAO CITY- Gikatakdang mupahigayon karong adlawa ug caucus ang konseho ning dakbayan nunot sa gipaabot nga problema sa Surigao City Livestock and Poultry Raisers Association kagahapong adlawa (Hunyo 8) atol sa session sa Sangguniang Panlungsod.

Sumala sa Presidente sa maong asosasyon nga mao si Bonifacio Lumbres, nga maglisod na sila pag cope up sa mga palitunon nga mga raw materials sama na sa mais, soy beans, chemicals ug vitamis gumikan sa kamahal. Butang nga maglisod na ug sustiner. Laing problema nga giatubang sa asosasyon mao ang kakulangon sa maglihok gumikan kay matud pa, bugtong ang Chairman na lang ang naglihok. Busa plano nilang e give up na.

Sa kasamtangan, aduna pa’y supply nga raw materials ang ilang asosasyon apan ginagmay na lang sumala sa ilang Tresurera nga mao si Mrs. Jean Silva.

Gipangutana ni Bise Mayor Alfonso Casurra kung aduna ba’y provision nga poydi ibalik sa syudad ang pag take over sa grant inkaso dili na makaya. Sumala sa Tresurera aduna. Butang nga gi-segundahan ni Kag. Estong Matugas aron usab matanyag ngadto sa ubang party.

Sa nasayran, niadto pa’ng tuig 2010 nagsugod ang ilang operasyon didto sa Brgy. Trinidad ubos sa pundo nga 5 milyones ka pesos.

09/06/2017

Rapido Balita

KAPULISAN GIDIREKTAHANG MUIMPLEMENTAR UG CURFEW
(Ni Rapido Jun Salubre)

SURIGAO DEL NORTE- Gidirektahan nga magpaimplementar ug curfew ang kapulisan. Kini sumala pa ni PSI Renel E. Serrano, ang Police Community Relations (PCR) Officer sa SDN Police Provincial Office (PPO) atol sa ilang pagbisita sa programang Mano-Mano ubos ning inyong alagad sa kahanginan sa milabay’ng Sabado diin matud pa, aduna’y plano nga magpaimplementar ug curfew nga parehas ang oras sa tanang lugar sulod sa area sa Mindanao nga sa kasamtangan ubos pa gihapon sa Martial Law.

Pagpasabot niini, nga kadtong ordinansa lang una sa lungsod maoy ipa implementar gumikan kay gimugna pa ang nasangpit nga plano.

Ngani sa pipila ka lungsod sa probinsya, gipatuman na man ang ilang lokal nga ordinansa sa curfew sumala sa hepe sa kapulisan sama na sa musunod:

1. Claver Municipal Police Station-pinaagi ni PSI Alex Celiz;
2. San Benito Municipal Police Station-pinaagi ni PSI Ernesto Telano, Jr.;
3. Malimono Municipal Police Station-pinaagi ni PInsp Rodolfo Damiao, Jr.;
4. San Francisco Municipal Police Station-pinaagi ni PSI Dorothy Tumolac; ug
5. Pilar Municipal Police Station-pinaagi ni PSI Rhea Sarah Villanueva (via Phone patch interview atol sa nasangpit nga programa).

Ang madakpan sa curfew ilang personal nga ihatod sa panimalay sukwahi sa una nga dalhon sa presinto, aron masayod ang mga ginikanan ug dili nila tugtan nga magsuroy-suroy nga wala’y kapadulngan.

Sa lungsod sa San Francisco, SDN hugtanon nilang gipatuman ang ilang Municipal Ordinance 96-029 nga nag impose ug curfew hours gikan alas 10:00 ang takna sa kagabhion hangtod alas 4:00 ang takna sa kabuntagon matag adlaw alang sa 10 anyos ngadto sa 20 anyos ug pataas. Matud pa ni PSI Tumolac nga doblehon pa ang pagtuman sa maong ordinansa ilabina nga gipaimplementar ang Martial Law aron wala’y kagubot ug hapsay ang lungsod.

(Photo courtesy: Mano-Mano/Ricky Anter)

09/06/2017

Rapido Balita

SDN PPSC MIHIMO SA ILANG COMMUNITY OUTREACH ACTIVITY

SURIGAO DEL NORTE- Mihimo sa ilang community outreach activity ang Surigao del Norte Provincial Public Safety Company (SDN PPSC) pinaagi sa "Libreng Gupit para sa Kabataan" agig pagpangandam sa "Balik Eskwela 2017".

Mipahigayon usab sila ug Libreng Check of Blood Pressure didto sa Brgy. Sabang, ning dakbayan.

Pagdugang, ang mga personahe sa SDN PPSC mihimo ug information dissemination pinaagi sa Anti-Illegal Drugs dialogues ug pagpang apod-apod ug leaflets ngadto sa mga residente mahitungod sa Anti-Criminality ug Safety tips.

Ang nasangpit nga aktibidad gipangulohan ni PSupt. Diomedes B. Cuadra, Jr., ang Officer In-Charge.

(Source: Surigao Norte Ppsc facebook-June 4 at 12:01pm)

22/05/2017

Rapido Balita

Rapido Balita

UNANG ENDORSO SA “GUIDELINES FOR GRANT OF REWARDS TO INFORMANTS LEADING TO THE ARREST AND PROSECUTION OF SUSPECTS ESPECIALLY RIDING IN TANDEM CRIMINALS” GIDEFER SA SANGGUNIANG PANLUNGSOD
(Ni Rapido Jun Salubre)

SURIGAO CITY- Gidefer sa Sangguniang Panlungsod ang paghisgot sa unang endorso sa Mayor mahitungod sa “GUIDELINES FOR GRANT OF REWARDS TO INFORMANTS LEADING TO THE ARREST AND PROSECUTION OF SUSPECTS FOR THE COMMISSION OF HEINOUS CRIMES ESPECIALLY INVOLVING SHOOTINGS PERPETRATED BY RIDING IN TANDEM CRIMINALS WITHIN SURIGAO CITY” pinitsahan Mayo 17 tungod sa kapit-os sa panahon sa pag endorso sa nasangpit nga dokumento hinungdan nga ang mga sakop sa konseho dili pa andam muhatag sa ilang mga ideya gumikan kay wala pa gani nila mahuman ang pagbasa sa maong dokumento.

Ang nasangpit nga guidelines giandam ug gi-draft sa Task Force nga gilangkuban sa mga musunod:

1. Acting Chief of Police- PSupt. Jay Baybayan
2. Officer In-Charge sa City Prosecutor’s Office- Atty. Irwin Ariel Miel
3. Kag. Jose Edradan
4. ABC President Pablo Bonono, Jr.
5. Department of Interior and Local Government (DILG)- Hon. Mary Ann Tomate
6. City Legal Officer- Atty. Manuelito Delani, ug
7. Duha (2) ka representante gikan sa Civic Society Organizations- Mr. Manuel Kong ug Mr. Willie Gan

Ang Mayor sa dakbayan nangayo ug paborable nga rekomendasyon o aprobal sa konseho sa guidelines pinaagi sa pagpasar ug usa ka resolusyon niining giproposar nga guidelines alang sa benipisyo sa publiko.

Sumala ni Kag. Fernando Almeda III, isip mao’y temporaryong Presiding Officer sa regular session sa Panlungsod kagahapong adlawa (Mayo 18), nga iyang nabantayan nga mahitungod lang sa pagsikop ug pagpasaka ug kaso ang gihisgotan sa giproposar nga guidelines ug unsa na man daw ang mahitungod sa reward, busa giawhag niini ang konseho nga idefer na lang usa ang paghisgot sa giproposar nga guidelines.

12/05/2017

Catholic News Agency

Catholic News Agency

Watch: Pope Francis's visit to the Shrine of Our Lady of Fatima, speech, and recitation of the Rosary!
Leave your prayer intentions in the comments:

11/05/2017

Timeline Photos

01/05/2017

Rapido Balita

POWER FORUM UG PAGTUKOD SA SURIGAO ENERGY PRESS CORPS NAPAHIGAYON
(Ni Rapido Jun Salubre)

SURIGAO CITY- Nagmalampusong napahigayon kagahapong adlawa (Abril 27) didto sa Pansukian Room, Gateway Hotel, ning dakbayan, ang pagtukod sa Surigao Energy Press Corps sa National Grid Corporation of the Philippines (NGCP).

Matud pa, alang kini sa pagpadayon sa maayong relasyon tali sa mga sakop sa Media sa Surigao ug sa NGCP sa paghatod ug tukmang impormasyon sa publiko, diin una ng gihisgotan ang mahitungod sa nasangpit nga buhatan pinaagi ni Mr. Nelson Bautista, ang Head sa Regional Communications, diin niadtong tuig 2009 opisyal nga gi-take over sa NGCP ang transmission function sa distrito sa enerhiya nga kanhi gidumala sa National Power Corporation (NAPOCOR).

Gihisgotan usab ang mahitungod sa Butuan-Placer 138kv Line 2 Project pinaagi ni Mr. John Salamida, ang Project in-Charge diin gituohang makompleto ang mao nga proyekto sunod tuig.

Matud pa ni Mr. Voltaire Ramos, Jr., ang OIC-Head sa District 4, nga sa tuig 2020 steel na ang tanan poste sa NGCP, aron usab paglikay sa dali nga pagkaguba ilabina kung maigo sa kalamidad sama na sa bagyo ug linog.

Human sa forum, gipahigayon gilayon ang pagpili ug mga opisyales sa maong press corps diin si Roel Catoto gikan sa print media ang napili isip Presidente.

Ang nasangpit nga aktibidad gitambongan sa mga sakop sa print, tv ug broadcast media sa Surigao.

24/04/2017

Rapido Balita

Rapido Balita

PIPILA KA PROBLEMA LAMBIGIT SA TRAPIKO GITUOHANG MASOLUSYONAN SA PAGLINGKOD SA BAG-ONG GITUBOY NGA ADMINISTRADOR SA TRAPIKO NING DAKBAYAN
(Ni Rapido Jun Salubre)

SURIGAO CITY- Sa paglingkod sa bag-ong gituboy nga Administrador sa trapiko nga mao si Mr. Jupiter Dotillos, ang Acting General Services Officer, gituohang masolusyonan niini ang pipila ka problema lambigit sa trapiko ning dakbayan.

Gumikan sa ka stress matud pa sa maong gimbuhaton, si Bise Mayor Alfonso Casurra mituki sa kakayahan ni Dotillos ug gibida sa naulahi ang pipila niini ka mga prayoridad;

1. Ang mahitungod sa sidewalk vendors, diin gusto niining limpyohan ang palibot sa dakbayan partikular sa Metro Surigao;
2. Mao ang Jaywalking, diin matud pa ipa implementar na gyud ang pagpangsikop sa musupak sa maong ordinansa;
3. Kulurom nga mga sakyanan; ug ang
4. Illegal Parking isip Ordinansa numero 228, diin gipanghingosgan ni Kagawad Batang Abian nga ipatuman na gyud kini uban sa pagduso nga ang mga dalan nga gikan sa widening ang pagalimpyohan na ingon man ang mga bangko nga wala’y parking area ang pagahatagan ug konsiderasyon.

Sumala sa ordinansa, gihatagan ang mga tinugyanan ug otoridad sa paghawan o paglimpyo sa anaa sa kadalanan.

Sa kasamtangan, ang dakbayan aduna’y 62 ka mga traffic enforcers ug gusto sa bise mayor nga aduna gyud mga enforcer nga magdumala sa dagan sa trapiko sa dakbayan.

Gidugang niini, nga dili na siya gusto makakita ug mga enforcer nga magtapok-tapok lamang sa usa ka erya o sa kadalanan.

07/04/2017

Rapido Balita

Rapido Balita

GIPASAR NGA RESOLUSYON NI BISE MAYOR CASURRA NGA NAGTUGOT UG REWARD PROGRAM NGADTO SA MAKAHATAG UG IMPORMASYON ALANG SA PAG-ILA, IKASIKOP UG PAGKONBIKTO SA KRIMINAL, APROBADO GILAYON SA KONSEHO

SURIGAO CITY- Mipasar kagahapong adlawa ug resolusyon si Bise Mayor Alfonso Casurra nga nag otorisa ug reward program ngadto sa indibidwal nga mamahimong instrumento sa pag-ila, pagkasikop ug pagkonbikto sa nagabuhat ug krimen sa dakbayan nunot usab sa gustong mahitabo sa kapulisan aron mutaas pa ang abilidad sa pagsikop sa mga kriminal nga sa pagkakaron ang mga lumulupyo anaa pa gihapon sa kahadlok ug kabalaka gumikan kay wala’ pa man masulbad ang mga pagpamatay ingon man ang pabiling gawasnon ilabina niining riding in tandem criminals.

Basi sa talaan sa kapulisan ning dakbayan, mikabat na sa 16 ka mga tawo ang nangamatay lambigit niini, gikan sa bulan sa Enero hangtod Abril ning tuiga lamang.

Ubos sa Local Government Code of 1991, ang konseho sa dakbayan gimandoan sa pag otorisa sa Mayor sa pagpahigayon ug pamaagi isip pagproteher sa mga lumulupyo.

Ug tungod niini, naaprobaran sa konseho kagahapong adlawa ang maong mosyon atol sa regular session sa Sangguniang Panlungsod uban sa pagmugna ug guidelines pinaagi na sa City Peace and Order Council (CPOC) alang sa daling pag-implementar niini apil na ang paggahin ug kinahanglanong pundo.

07/04/2017

Rapido Balita

Rapido Balita

REKLAMANTE NAGTUONG BIKTIMA SIYA SA PAGPANGUOT
(Ni Rapido Jun Salubre)

SURIGAO CITY- Usa ka MAGDALENA “Indat” FLORES CORBETA, 50 anyos, byuda, pensioner ug lumulupyo sa Purok 10, Brgy. San Juan, ning dakbayan, ang personal nga miduol ning atong sibyaan kagahapong adlawa (Abril 6) sa may ala 1:15 sa hapon human matud pa mawad-i ug pitaka sa milabay’ng adlaw, petsa 5 ning bulana diin sa iyang pagtuo nabiktima siya ug manguotay.

Paysaysay sa complainant, nga niadtong higayona uban sila sa iyang igsuong lalake nga ginganlan ug Pablito Adorable Flores, 62 anyos, minyo ug lumulupyo sa Alegria, Surigao del Norte, nagpadala ug salapi sa Palawan Pera Padala nahimutang atbang sa Pat’s Radio Supply, dalan Borromeo, ning dakbayan, pasado alas 5:00 na sa kahapunon. Sa ilang pagpamauli, iya na lang namatikdan nga wala’ na ang iyang pitaka color blue nga aduna’y sulod mga importanteng IDs, ATM Cards, Dollars ug uban pa.

Gihangyo sa complainant ang nasangpit nga establishemento nga e retrieve ang ilang CCTV apan gipangayoan pa kini ug Request Letter busa ang nasangpit nga complainant miadto gilayon sa kapulisan ug gitaho ang nasangpit nga insidente.

Panawagan sa complainant, nga kung kinsa man ang makakita sa maong wallet, palihog ihatod ninyo sa sibyaan sa DXMS 107.3 All Star FM Ng Masa nga nahimutang sa Jovita Building, Purok 7, Navalca, Brgy. San Juan, Surigao City nga makontak sa telepono numero 826-0734 ug Mobile No. 09100900955.

Bahala na kadtong mga dolyar. Ang importante nga mauli ang mga impotanteng sulod sa maong pitaka. Aduna’y madawat nga pahalipay gikan sa tag-iya kadtong makauli sa nasangpit nga wallet.

07/04/2017

Rapido Balita

Rapido Balita

ADDITIONAL RELEASE OF CASH ASSISTANCE KOMPIRMADO APAN DILI SA PETSA 14 NING BULANA SUMALA SA CSWDO
(Ni Rapido Jun Salubre)

SURIGAO CITY- Kompirmado nga aduna’y dugang pagpang apod-apod ug cash assistance lambigit na sa nasinating 6.7 nga linog sa milabay’ng Pebrero 10 apan dili kini matigayon sa petsa 14 ning bulan sa Abril.

Sa exklusibong pakighinabi sa Rapido Balita kang City Social Welfare and Development (CSWD) Officer Mrs. Myrna Destajo kagahapong adlawa (Abril 4), nga aduna’y dugang pagpang apod-apod ug cash assistance apan dili kini matigayon sa petsa 14 ning bulana sukwahi sa nanggawas nga mga bali-balita o mga hungihong gumikan sa kadaghan pa nga kab-utunon o tagdon sama na sa pagtagad sa mga opisyal matag barangay sakop ning dakbayan gumikan kay 54 man ka barangay ang apil sa hisgotanang partially damaged houses/structures diin kagahapong adlawa aktong naabtan sa Rapido Balita ang konseho gikan sa Brgy. Ipil, ning dakbayan nga gitagad sa nasangpit nga ahensya ug gumikan usab sa hilabihan kadaghan nga papel ang hikayunon ug aduna pa gyud mga gipang-apas nga listahan nga gustong magpakadawat sa hinabang, ngani sa petsa 15 ning bulana gusto na nilang sirhan ang dugang pagpangdawat aron usab matuman nila ang gihatag nga deadline nga mao ang Abril 20.

Giklaro niini nga aduna’y 6,457 ka mga benipisyaryo sa Partially damaged diin as of March 15 mukabat lamang sa halos 400 ang nabudgetan sumala matud pa sa initial report gikan sa rehiyon isip ilang partner. Ang gi-ingon nga P10,000.00 klaro na ug posible pa kining madugangan apan kadtong nagpakadawat na gikan sa LGU mukomplemento na lang ang National aron mamahimong pareho og patas ang tanang madawat matag benipisyaryo. Dili pa gyud kini tataw sa pagkakaron gumikan kay nag-agad lamang ang maong ahensya sa ipagawas unya nga memorandum. Niini nga yugto ang City Engineering na ang muhimo sa evaluation.

Busa ang CSWDO aduna’y mensahe sa mga lungsuranon kabahin na niini ug mahitungod usab sa komentaryo nga hinay ang proseso sa ilang buhatan ingon man ang relasyon tali sa konseho ug sa ilang buhatan ngani ang uban gipaagi na lang sa komedya nga lupig pa sa double barrel ang ilang gimbuhaton.

28/03/2017

Rapido Balita

Rapido Balita

15 ANYOS LALAKE MISSING

SURIGAO CITY- Usa ka ARNULFO SOTOMAYOR CUABO II o nailhan sa tawag nga “JecJec”, 15 anyos, ulitawhay, estudyante sa Surigao del Norte National High School (SNNHS) ang matud pa missing.

Sumala ni Dolores Cuabo Sotomayor, 42 anyos, dalaga ug lumulupyo sa Payawan II, Brgy. Luna, ning dakbayan, nga milakaw kini si Arnulfo o JecJec niadtong Marso 24 sa may alas 8:30 sa buntag kay katapusang adlaw sa ilang eksaminasyon ug hangtod sa pagtaho ning kapulisan ang wala pa makauli. Suot niini long sleeve nga brown, long pants ug naka rubber shoes. Pagdugang ni Dolores nga mag sige kini ug estambay sa Navarro ug Capitol.

Busa gipanawagan niini, nga kung kinsa kadtong mga barkada o nakaila kang Arnulfo “JecJec” Sotomayor Cuabo II palihog itawag ninyo sa numero 0907-680-8070 o ning kapulisan sa dakbayan.

27/03/2017

Rapido Balita

Rapido Balita

PAL MIABLI UG DUGANG DOMESTIC ROUTES GAWAS SA CLARK UG CEBU
(Ni Rapido Jun Salubre, kauban sa report ni Rapido Ricky Anter)

SURIGAO CITY- Gawas sa Clark ug Sugbu, ang Philippine Airlines (PAL) miabli ug 12 ka bag-ong domestic routes kagahapong adlawa (Marso 26).

Diri sa Surigao, ang PR 2396 mubyahe pa Cebu adlaw’ng Martes, Huybes ug Sabado, alas 11:15 sa buntag ug muabot sa Cebu alas 12:00 sa udto; Cebu-Surigao alas 10:55 sa buntag sa samang mga adlawa via PR 2395.

Aduna usab byahe Cebu-Surigao sa adlaw’ng Lunes, Merkules, Bernes ug Dominggo, alas 12:30 sa kaudtuhon ug muabot ala 1:15 sa hapon via PR 2397 ug mubalik sa Cebu gikan Surigao ala 1:35 sa hapon ug muabot sa Cebu alas 2:20 sa hapon sa samang mga adlawa via PR 2398.

Ang byahe sa Butuan giuswagan gikan matag adlaw ngadto sa duha (2) na ka byahe matag adlaw sugod kagahapon.

Ang gihimong expanded operations gituyo aron ang pagbyahe mas accessible pa ngadto sa Luzon, Visayas ug dinhi sa Mindanao.

27/03/2017

Rapido Balita

Rapido Balita

16 ANYOS LALAKE MISSING

SURIGAO CITY- Usa ka 16 anyos nga batang lalake ang matud pa missing diin sumala sa igsuon niini nga mao si Cielamen Lisondra Gansiko, 21 anyos, dalaga, estudyante ug lumulupyo sa Purok Perlas, Nueva Extension, ning dakbayan, nga ang iyang igsuon nga ginganlan ug Rizalino Naldo Lisondra ang wala’ na makit-e sugod niadtong Marso 23 sa may mga alas 6:00 sa gabie hangtod sa kasamtangan bisan pa man sa ilang paningkamot nga makit-an kini hinungdan nga ila na kining gitaho sa otoridad niadtong Sabado, Marso 25 sa may mga alas 4:45 sa kahapunon.

16/03/2017

Rapido Balita

Rapido Balita

MIKUYANAP NGA ADUNA’Y MGA TAWO NGA MUSULOD UG KABALAYAN UNYA MUPATAY DILI TINUOD SUMALA SA KAPULISAN

SURIGAO CITY- Nakapaalarma sa dakbayan ang mga hungihong ug mga mikanat nga aduna’y manuktok, musulod sa kabalayan ug mupatay ug mga tawo partikular na didto sa lungsod sa Socorro, Surigao del Norte.

Giklaro ni PSupt. Noel Silvosa, ang hepe ning kapulisan sa dakbayan nga wala pa’y ilang nadawat nga mga reklamo o sumbong may kalabutan niini. Bisan ang hepe sa kapulisan sa Socorro Municipal Police Station nga mao si Angel Cadeliña miingon nga dili tinuod ang mikanat nga mga balita sa ilang lungsod.

Apan sa kanunay ang tanan gihangyo nga magpabiling alerto ug magbinantayon batok sa laing matang sa kriminalidad.

Kung kamo aduna’y mga pagduda sa mga tao sa inyong palibot tawag o text gilayon sa Central Hotline: 0929-420-9511
o sa PNP Hotlines: 0998-178-7778 ug 0932-469-6655.

16/03/2017

Rapido Balita

CONSUMER EDUCATION SEMINAR NAGMALAMPUSON ATOL SA WCRD 2017
(Ni Rapido Jun Salubre)

SURIGAO CITY- Agig pagsaulog sa World Consumer Rights Day (WCRD) 2017, nagmalampusong napahigayon kagahapong adlawa (Marso 15) sa 3/F Simtoco Bldg., dalan Burgos, ning dakbayan ang Consumer Education Seminar nga gipasiugdahan sa Department of Trade and Industry (DTI).

Gisugdan ang nasangpit nga seminar sa may alas 9:13 sa buntag pinaagi sa pangabling mensahe o Welcome Address ni DTI Provincial Director Celestino Negapatan dayon gisundan sa pag acknowledge sa mga partisipante gikan sa Surigao City National High School, Taft National High School, Saint Jude Thaddeus Institute of Technology, Caraga Regional Science High School, Surigao del Norte National High School-Junior ug Senior High.

Dili ikalimod nga sa panahon karon, matngon na ang kadaghanang mga konsumante sa ilang pagpamalit ngadto sa nagkadaiyang shopping establishments ilabina sa “No Return, No Exchange Policy”.

Gumikan sa nagka high tech na ang panahon ug nagkadaghan ang panginahanglanon, natawo kining mga Online Businesses ug Online Shopping sa pagtuo nga dali kining makatubag sa atong mga panginahanglanon. Apan, angay’ng masayran nga dili tanan merchant o namaligya online masaligan ug kung masaligan man, apan aduna pa gihapon nabiktima online posible ka na nga na-hack o nabiktima sa gitawag nga hacker online.

Busa adisir musulod sa online transaction, think before you click gumikan kay ang kagawasan sa pag shopping online anaa lamang sa atong mga tudlo’ apan ang maong kagawasan aduna’y kaubang dakong responsibilidad.

Ang mga eksperto aduna’y pahimatngon sa Ingles nga pinulongan nga, “When in doubt, don’t!”.

20/02/2017

Rapido Balita

Rapido Balita

KLASE SA KOLEHIYO, SEKONDARYA UG ELEMENTARYA NAKATAKDANG MUBALIK KARONG ADLAWA

SURIGAO CITY- Nakatakdang mubalik ang klase karong adlawa, Pebrero 20 sumala sa impormasyon nga atong nasayran human naigo ang dakbayan ug probinsya sa Surigao sa 6.7 magnitude earthquake sa milabay’ng Pebrero 10.

Sumala sa gihimong inquiry sa konseho ning dakbayan mahitungod usab sa debriefing nga mubalik ang klase apan inanay kini nga magsugod sa kolehiyo, sekondarya hangtod sa elementarya paubos gumikan kay ang uban dili pa andam nga musulod sa klase gumikan kay mahadlok. Butang nga angay’ng sabton gumikan sa traumatic nga ilang nasinati adtong paglinog.

Sumala sa atong nasayran usab nga impormasyon, partikular sa Taft National High School (TNHS) sa dalan Nueva Ext., Brgy. Taft, ning dakbayan, nga ang ilang klase ipahigayon sa ilang covered court gumikan sa nagliki-liki niining classrooms diin ang ilang klase sulod lamang sa tulo (3) ka oras magsugod alas 8:00 sa buntag hangtod alas 11:00 sa buntag ug sa tanang elementarya tag usa (1) ka oras.

18/02/2017

Rapido Balita

Rapido Balita

PAGPASAR UG RESOLUSYON PAGREKOGNISA SA TANANG MIHATAG UG AYUDA SA DAKBAYAN SA NASINATING LINOG

SURIGAO CITY- Gimosyon ni Hon. Rise Faith Recabo sa konseho nga mupasar ug resolusyon pagrekognisa sa tanang mihatag ug assistance sa dakbayan sa nasinating 6.7 magnitude earthquake.

Matud pa ni Hon. Vice Mayor Alfonso Casurra nga kini nagpakita sa dakong pagpasalamat sa dakbayan ilabina sa parte sa Sanggunian sa paghatag ug resolusyon sa pagpasalamat.

Busa gi-awhag niini ang pagsumiter sa listahan sa mga mitabang ilabina sa pribadong sector nga mihatag sa ilang oras, paningkamot ug sa mga donasyon.

Tungod niini, napasar ang maong mosyon ug na aprobahan.

18/02/2017

Rapido Balita

Rapido Balita

2017 ANNUAL BUDGET SA DAKBAYAN APROBADO NA

SURIGAO CITY- Aprobado na sa ika-3 ug final reading ang Annual Budget sa dakbayan ning tuiga 2017 kagahapong adlawa (Pebrero 16) atol sa regular session sa Sangguniang Panlungsod nga nagkatidad P743,951,333.00 ubos sa General Fund ug P34,000,000.00 ubos sa Economic Enterprise.

Ug ania ang pipila sa mga importanteng sulod sa executive budget:

1. Ang pag-aprob sa nakalista nga mga proyekto ug programa nga pundohan ubos sa 20% Development Fund sa kantidad nga P114,935,075.00;
2. Ang pag-aprob sa nagkalain-laing nakalista nga mga programa ug proyekto sa City Disaster Risk Reduction and Management Office (CDRRMO) nagkantidad P36,197,567.00;
3. Pag-aprob sa musunod nga mga Relevant Regular Plantilla Positions sama sa:
a. CDRRMO nga usa na ka independent ug bag-o nga departmento sa LGU nga pangulohan sa usa (1) ka full time CDRRM Department Head;
b. Ang position sa otso (8) ka Midwives ubos sa City Health Department;
c. Ang pagbutang ug Traffic Operations Officer nga mutrabaho ug full time alang sa paglantaw sa operasyon sa Traffic Management Office;
d. Ang pagpangulo sa Slaughterhouse Master ngadto sa Slaughterhouse sa dakbayan;
e. Ang Zoning Officer e augment sa Zoning Office sa dakbayan; ug
f. Ang pag augment sa functions sa City Engineering Office pinaagi sa Architect.
4. Ang pag-aprob sa pagpa-implementar sa ikaduhang Tranche sa Salary Standardization epektibo Enero 1, 2017;
5. Ang pag-allocate ug 2 milyones alang sa completion sa building sa Liga ng mga Barangay;
6. Ang pag-allocate ug 2 milyones alang sa pagpalit ug lote sa Brgy. Punta Bilar isip site alang sa Battle of Surigao Strait Memorial;
7. Ang pag-aprob sa pagpalit ug dugang ekipo alang sa garbage disposal;
8. Ang pag reserbar ug kantidad alang sa pagpalit ug Towing Truck sa pagpa-implementar sa Comprehensive Traffice Ordinance; ug
9. Ang pag-aprob sa Peace and Order Fund sa dakbayan sa kantidad nga 25 milyones ka pesos.

04/02/2017

Rapido Balita

04/02/2017

Rapido Balita

PAMILYA SA NAPATAY’NG RETIRED JUDGE MUHATAG UG REWARD NGADTO SA MAKAHATAG UG IMPORMASYON NGA IKASIKOP SA GUNMAN UG SA MASTERMIND NIINI

SURIGAO CITY- Muhatag ug reward ang pamilya sa napatay’ng retiro nga huwes nga mao si Victor Amalia Canoy sumala sa nanggawas nga posts sa social networking site nga facebook ug basi na sa komunikasyon kagabie tali sa usa sa mga pag-umangkon sa pamilyang Canoy nga mao si Percival Pelaez ug sa Rapido Balita.

Sumala pa, muhatag sila ug reward money nga P100,000.00 ngadto sa makahatag ug impormasyon nga ikasikop sa gunman ug laing mas dako nga kantidad alang sa mastermind o utok sa pagpusil-patay kang retired Judge Canoy. Ila lamang kontakon si Chris Canoy sa Mobile No. 0918-620-3365.

Sa laing bahin, ang pamilyang Canoy padayong nanawagan sa hustisya alang sa namatay nilang mahal sa kinabuhi.