18/09/2024
Pasundayag sa Tribung Mamanwa Tagpahigajon sa Panaghiusa Festival 2024 sa Munisipyo nan Claver
Isip suporta sa tinuig na Panaghiusa Festival nan Munisipyo nan Claver, dinhi sa probinsya nan Surigao del Norte, tagpahigajon an Pasundayag sa Tribung Mamanwa bag-o lamang, isip paghatag pasidungog sanan pag selebrar sa tradisyon sanan kultura nan mga Mamanwa. Mga sajaw, kanta sanan nagkalainlain na mga produkto na mga hinimo nan mga Mamanwa, lakip na an mga ani nan ila mga tinanom, an nahimo na sentro sa atensyon sa kalihokan na tag apilan sa tuyo ka mga komunidad nan mga Indigenous Peoples sa Claver.
Si Mayor Georgia D. Gokiangkee nagpadayag sa ija kalipay sanan pasalamat sa mga miembro nan tribung mamanwa sa padajon na pag-amuma sa ila tradisyon sanan kultura sanan sa hugot na suporta isip kaabag sa kalamboan nan Claver.
"Ang Panaghiusa Festival, dili mahitabo kun adunay mabiyaan na sektor sa komunidad, mao nga ang atong tinuig nga pagselebrar sa kapistahan kanunay nahilambigit ang atong mga kaigsoonang IPs aron sila mahatagan ug pagtagad ug makita ang ilang mga talento nga angay usab ipasigarbo," matud pa ni Mayor Gokiangkee.
Ang Taganito HPAL Nickel Corporation nagsilbi na sponsor sa kompetisyon sa booth kun diin tagpakita nan mga Mamanwa an ila mga produkto na handicrafts sanan mga ani gikan sa ila mga tinanom na mga prutas sanan gulay.
