An Agma

08/11/2024

AES Green Splashers, nanlambat ng ginto sa swimming

Sa pinagsamang liksi, glides, at nakamamanghang strokes, walang hirap na nilambat ng AES Green Splashers ang lahat ng ginto sa anim na events ng swimming sa parehong kategorya (Elementary Boys at Elementary Girls) sa unang ratsada ng District Meet 2024, nitong Nobyembre 7, 2024 na ginanap sa San Isidro Port, Sulat, Eastern Samar.

Pinangunahan ni Precious Marry O. Aclan ang Oplan Limas ng AES sa Swimming Elementary Girls matapos niyang kabigin ang apat na ginto mula sa langoy na Freestyle, Backstroke, Butterfly, at individual medley. Dumagdag din sa bilang ng medalya sina Jenny C. Jardio at Junessa Mae A. Duclay nang masungkit ni Jardio ang ginto at pilak sa Breaststroke at Backstroke at medalyang pilak naman ni Duclay sa Individual Medley.

Samantala, pinagtulungang hakutin ni Kenny Roger F. Deraya at Jun Xiander A. Jatulan ang ginto sa Swimming Elementary Boys matapos mamayagpag si Deraya sa langoy na Freestyle, at Breaststroke, at pagharian ni Jatulan ang Butterfly, at Individual Medley. Nagpamalas din ng galing si Covey Jurix J. Capito at Sai Rose A. Jatulan nang pareho nilang ibulsa ang medalyang pilak sa Freestyle at Individual Medley. Sa kanilang pinagsama-samang bagsik, walang hirap din nilang nabingwit ang ginto sa Medley Relay.

Sa kabuuan nakapagtala ang AES Green Splashers ng limang medalyang ginto, at dalawang medalyang pilak sa Elementary Swimming Girls at limang medalyang ginto, dalawang medalyang pilak, at isang medalyang tanso naman sa Swimming Elementary Boys.

Tinaghal naman na winning coaches sina Jose Peter A. Asistio para sa Swimming Elementary Girls at Ronabette T. Clamor para sa Swimming Elementary Boys.

Aabante ang mga manlalangoy ng AES Green Splasher, sa Unit Meet sa darating na Disyembre 5-7, 2024.

21/10/2024

PAALALA: Nakataas na ang Tropical Cyclone Wind Signal No. 1 sa ilang bahagi ng bansa kasama na ang Eastern Samar dahil sa Bagyong , base sa bulletin ng PAGASA.

Samantala, suspendido na rin ang pasok sa A-et Elementary School kaugnay ng nararanasang masungit na panahon. Pinag-iingat ang lahat sa posibleng pagbaha at pagguho ng lupa. Maging ligtas po tayo mga ka-AES!

29/07/2024

Unang ratsada ng klase sa AES, naging matagumpay

Naging matagumpay ang unang ratsada ng klase na nilahukan ng 80 na mga mag-aaral ng AES sa opisyal na pagbubukas ng taong panuruan 2024-2025 sa A-et Elementary School, ngayong araw, ika-29 ng Hulyo, taong kasalukuyan.

Pinangunahan ni Teacher In-Charge, Mary Ann A. Jatulan ang seremonya ng pagtataas ng bandila at pag-awit ng Lupang Hinirang. Naroon din sa seremonya ang ibang mga g**o ng naturang paaralan.

"Kailangang magsigasig kayo na tapusin ang inyong pag-aaral sa AES", turan ni Jatulan sa mga mag-aaral. Dagdag pa niya, sinumang makakapagtapos ng ika-anim na baitang na nagsimula ng Kinder sa AES ay makatatanggap ng gantimpala mula sa paaralan.

Hinimok din niya ang mga g**o ng AES na magsipag sa pagtuturo. "Sipagan natin ang ating pagtuturo upang mapunan natin ang kinakaharap ng kakulangan sa edukasyon ng ating mga mag-aaral", aniya.

Sa pagsisimula ng MATATAG Curriculum para sa kinder, unang baitang, at ika-apat na baitang, kumpiyansa si Jatulan na malaki ang maitutulong nito upang tugunan ang akademikong pangangailangan ng mga AESians.

27/06/2024

Narito ang mga mahahalagang petsa na dapat tandaan para sa pagbubukas ng klase sa taong panuruan 2024-2025!

𝐃𝐞𝐩𝐄𝐝 𝐈𝐦𝐩𝐨𝐫𝐭𝐚𝐧𝐭 𝐃𝐚𝐭𝐞𝐬 📣
Check the DepEd Calendar here: https://tinyurl.com/DepEdCalendar

Remember that the teachers are still on uninterrupted vacation from June 1-30. The activities that start in July are voluntary and included in PVP Days so they must have service credits.

05/06/2024

MALUGOD NA PAGBATI SA AN AGMA!

Pasok ang An Agma sa sampung pinakamahuhusay na pahayagang pampaaralan sa Rehiyon ng Silangang Visayas matapos na humakot ng gantimpala para sa Best School Paper Contest (Elementary Level) sa idinaos na 2024 Regional Schools Press Conference sa Calbayog City nitong Mayo 1-4, 2024.

Aabante ang pahayagan sa paparating na 2024 National Schools Press Conference (NSPC) sa Carcar City, Cebu mula Hulyo 8-12, taong kasalukuyan.

Upang mabasa at makakuha ng kopya ng pahayagan, mangyari lamang na i-click ang link sa ibaba:
https://tinyurl.com/22srzefb