HFP- Holy Family Parish, Socorro

15/01/2025

ENERO 16, 2025
HUWEBES

UNANG LINGGO SA KARANIWANG PANAHON
Salteryo: Linggo 1/(Luntian)

Slm 95:6-7k, 8-9, 10-11-

Panginoo'y inyong dinggin, huwag n'yo Siyang salungatin.

Unang Pagbasa: Heb 3: 7-14

Ebanghelyo: Mc 1: 40-45

Lumapit sa kanya ang isang may ketong at nakiusap sa kanya: "Kung gusto mo, mapalilinis mo ako." Nahabag si Jesus sa kanya, iniunat ang kanyang kamay, hinipo siya at sinabi: "Gusto ko, luminis ka!" Nang oras ding iyon, iniwan ang lalaki ng kanyang ketong at luminis siya.

Ngunit mahigpit siyang pinagbilinan ni Jesus sa Kanyang pag-alis, sinabi Niya: "Mag-ingat ka, huwag mo itong sabihin kaninuman, kundi pumunta ka sa pari para masuri ka niya at maialay alang-alang sa pagkalinis sa iyo ang handog na iniutos ni Moises upang magkaroon sila ng patunay." Ngunit pagkaalis ng tao, sinimulan niyang ipahayag ito kahit saan at ipamalita ang pangyayaring ito. Dahil dito, hindi na lantarang makapasok sa bayan si Jesus kundi nanatili siya sa labas, sa mga ilang na lugar. Ngunit may dumarating pa rin sa kanya na kung saan-saan galing.

PAGNINILAY
Kahapon binasa natin sa Ebanghelyo na hinawakan ni Jesus ang biyenan ni Pedro sa kamay; lagnat lang naman ang kanyang karamdaman. Ngayon, ginawa ni Jesus ang hindi talagang inaasahan na dapat gawin: hinipo Niya ang isang ketongin. Sa akala ng mga tao, "highly infectious disease" ang ketong, at itinuturing na "madumi" ang mga ketongin, pati ang mga may kaugnayan sa kanila.

Naalala ko noong pandemya, kung sinong lumapit sa mga Covid-19 positive ay naging "Covid suspect" at inilalagay sa pasilidad para sa kwarentina o iniiwasan lang. Hinipo ni Jesus ang may ketong, at ayon sa Batas, naging "madumi" rin noon si Jesus, at dapat siyang iwasan hanggang maging malinis ulit.

Nahabag si Jesus sa kalagayan ng tao, sa mga pinagdadaanan Niya bilang isang itinakwil ng lipunan, at siya'y Kanyang pinagaling: Gusto ko, luminis ka! Ang kadustaan ng lalaki at ang habag ng Diyos ay nagtagpo. Sa halimbawa ng lalaki, lumapit tayo kay Jesus at makipag-usap; at sa halimbawa ni Jesus, maramdaman nawa sa ating puso ang habag na nagdudulot ng kagalingan.

14/01/2025

Enero 15, 2025
Miyerkules

UNANG LINGGO SA KARANIWANG PANAHON
Salteryo: Linggo 1/(Luntian)

Slm 105: 1-2, 3-4,6-7,8-9

Nasa isip ng Maykapal ang tipan niya kailanman.

Unang Pagbasa: Heb 2: 14-18

Ebanghelyo: Mc 1:29-39

Pagkaalis niya sa sinagoga, tumuloy si Jesus sa bahay nina Pedro at Andres, kasama sina Jaime at Juan. Doo'y nakahiga ang biyenan ni Pedro at may lagnat, at agad nila itong sinabi kay Jesus. Kaya lumapit siya, hinawakan ito sa kamay at ibinangon. Iniwan ng lagnat ang babae at ito mismo ang naglingkod sa kanila.

Pagkalubog ng araw, nang dumidilim na, dinala nila kay Jesus ang lahat ng maysakit o inaalihan ng masasamang espiritu. Nasa may pintuan nga ang buong bayan. Maraming may iba't ibang sakit ang pinagaling ni Jesus at maraming demonyo ang kanyang pinalayas; ngunit hindi niya sila pinahintulutang magsalita sapagkat alam nila kung sino siya.

Kinabukasan, maaga siyang bumangon at umalis. Pumunta siya sa isang ilang na lugar at doon siya nanalangin.

Hinanap siya nina Pedro, at pagkakita sa kanya ay kanilang sinabi: "Hinahanap ka ng lahat." Ngunit sinabi niya sa kanila: "Tayo na sa ibang lugar, sa maliliit na karatig-nayon para makapangaral din ako roon; dahil dito kaya nga ako lumabas."

At naglibot siyang nangangaral sa kanilang mga sinagoga sa buong Galilea at nagpapalayas ng mga demonyo.

PAGNINILAY:
Nang hinawakan ni Jesus ang biyenan ni Pedro sa kamay at ibinangon, "iniwan ng lagnat ang babae". Hindi sinulat ni Marcos Ebanghelista na "gumaling sa" o "nawala ang lagnat", kundi "iniwan". Parang masamang espiritu rin ang sakit sa katawan na tumatakas kapag nasa presensya ng Panginoon.

Mahalaga sa ministeryo ni Jesus ang pagpapagaling sa mga may sakit at sa mga inaalihan ng mga demonyo. Lahat ng uri ng sakit, maging sa katawan o kaluluwa, ay hindi nanggaling sa Diyos, kaya't ito ay itinuturing na galing sa masama. Minsan pumayag ang Diyos na magkaroon ng mga ito, para subukan ang pananampalataya ng tao. Maraming nagbibigay saksi na kung kailan sila nagkasakit, ay saka sila nagsimulang lumapit Diyos.

Nang gumaling ang biyenan ni Pedro, siya mismo "ang naglingkod sa kanila." Bunga ng kagalingan na mula kay Jesus ay ang paglilingkod sa kapwa. Pagnilayan natin ang mga panahon kung kailan naranasan natin ang mapagmahal na kamay ni Kristong nagbabasbas sa atin. Nawa, ang kagalakang naramdaman natin noon ay maging paglilingkod sa kapwa ngayon.

12/01/2025

𝐏𝐈𝐏𝐄 𝐎𝐑𝐆𝐀𝐍 𝐂𝐎𝐍𝐂𝐄𝐑𝐓

Ang Sto. Niño Cathedral ay malugod kayong iniimbitahan sa isang pambihirang pagkakataon upang mas higit nating maitampok at maipagmalaki ang ating Pipe Organ na kasalukuyang may titulong; Pinakamataas at Ikalawa sa Pinakamalaking Mechanical Pipe Organ sa buong Bansa na may temang: SYMPHONY OF HOPE.

Ang Concert na ito ay pangungunahan ni 𝙈𝙨. 𝙅𝙚𝙣𝙣𝙞𝙛𝙚𝙧 𝙋𝙖𝙨𝙘𝙪𝙖𝙡, ang kasalukuyang Music Director at Organist sa St. Patrick's Cathedral, New York City, United States of America. Kasama sa pagtatanghal ang Apostolic Vicariate of Calapan Young Clergy, Mt. Tabor Mangyan Formation students at ang Sto. Niño Cathedral Music Ministry.

Halina at saksihan ang ipinagmamalaking Sto. Niño Cathedral Pipe Organ.

https://xn--stoniocalapancathedral-oec.org/home

12/01/2025

12/01/2025

LWEC Regular Monthly Meeting

12/01/2025

𝐎𝐑𝐃𝐈𝐍𝐀𝐓𝐈𝐎𝐍 𝐓𝐎 𝐓𝐇𝐄 𝐃𝐈𝐀𝐂𝐎𝐍𝐀𝐓𝐄

With praise and thanksgiving to Almighty God,
the Apostolic Vicariate of Calapan
joyfully announces and cordially invites you to the
Sacred Ordination to the Diaconate of
SEM. JANUEL ACEVEDA BALTAZAR
SEM. JUNEEL CHRISTIAN GUALBERTO JANDA
SEM. MARK JAY VIDAD BAMBAO

The Solemn Eucharistic Celebration and Rite of Ordination will be presided over by MOST REV. MOISES M. CUEVAS, D.D.
at the Sto. Niño Cathedral, Calapan City, Oriental Mindoro on January 20, 2025, Monday, 10:00am.

09/01/2025

BIYERNES KASUNOD NG PAGPAPAKITA NG PANGINOON

Sim 147:12-13.14-15, 19-20
"Purihin mo Jerusalem, ang Panginoong butihin."

Unang Pagbasa: 1 Jn 5:5-13

Ebanghelyo: Lc 5: 12-16
Nang nasa isang bayan si Jesus, may isang taong tadtad ng ketong doon. Nang makita niya si Jesus, nagpatirapa siya at nakiusap sa kanya: "Ginoo, kung gusto mo, mapalilinis mo ako."

Kaya iniunat ni Jesus ang kanyang kamay at hinipo siya at sinabi: "Gusto ko, luminis ka!" Nang oras ding iyo'y iniwan ng ketong ang lalaki. Iniutos sa kanya ni Jesus: "Huwag mo itong sabihin kanino man kundi pumunta ka sa pari para masuri ka niya at maialay alang-alang sa iyo ang handog na iniutos ni Moises para magkaroon sila ng patunay."

Ngunit lalo namang kumalat ang balita tungkol sa kanya at pumunta sa kanya ang maraming tao para makinig at mapagaling sa kanilang mga karamdaman. Kaya madalas na mag-isang pumupunta si Jesus sa mga ilang na lugar para manalangin.

PAGNINILAY:
Noong panahon ni Jesus, itinuturing ang may ketong na pinarusahan ng Diyos, marumi at hindi karapat-dapat na lumahok sa mga rehiliyosong gawain. Kaya't ang mga taong nakaranas ng sakit na ito ay itinakwil maging ng kanilang mga kapamilya at kaibigan.

Ang kanyang pagsamo ay isang magandang ejaculatory prayer, na maaaring ulit- ulitin natin habang inilalagay natin ang sarili sa kalagayan ng taong ketongin, na naghihintay ng habag galing kay Kristo. Sino sa atin ang hindi nakaranas ng sakit sa katawan, o ang maging itinakwil.

Marami pang pangungusup o bersikulo na maaaring maging dasal kapag lagi nating inuulit, katulad ng Jesus, anak ni David, mahabag po kayo sa akin (Lk 18. 37), o kaya, "Panginoon, nalalaman mo ang lahat, nalalaman mong iniibig kita (Jn 21,17). Ang mga panalanging ito ay mga maikling dasal na paulit-ulit na binabangit katulad ng isang mantra, habang na kay Kristo ang ating puso't isipan. Kay Jesus, tayo'y hindi mabibigo sapagka't sa Kanyang mga labi magmumula ang isang matamis na ngiti at pagsambit ng katagang, "Gusto ko, luminis ka."

09/01/2025

𝗠𝗔𝗕𝗨𝗧𝗜𝗡𝗚 𝗕𝗔𝗟𝗜𝗧𝗔
𝗝𝘂𝗮𝗻 𝟯, 𝟭𝟯-𝟭𝟳

𝗔𝗻𝗴 𝗠𝗮𝗯𝘂𝘁𝗶𝗻𝗴 𝗕𝗮𝗹𝗶𝘁𝗮 𝗻𝗴 𝗣𝗮𝗻𝗴𝗶𝗻𝗼𝗼𝗻 𝗮𝘆𝗼𝗻 𝗸𝗮𝘆 𝗦𝗮𝗻 𝗝𝘂𝗮𝗻

Noong panahong iyon, sinabi ni Hesus kay Nicodemo, “Walang umakyat sa langit kundi ang bumaba mula sa langit — ang Anak ng Tao.”

At kung paanong itinaas ni Moises ang ahas doon sa ilang, gayun din naman, kailangang itaas ang Anak ng Tao, upang ang sinumang sumasampalataya sa kanya ay magkaroon ng buhay na walang hanggan. Gayun na lamang ang pag-ibig ng Diyos sa sanlibutan, kaya ibinigay niya ang kanyang bugtong na Anak, upang ang sumampalataya sa kanya ay hindi mapahamak, kundi magkaroon ng buhay na walang hanggan. Sapagkat sinugo ng Diyos ang kanyang Anak, hindi upang hatulang maparusahan ang sanlibutan, kundi upang iligtas ito sa pamamagitan niya.

Ang Mabuting Balita ng Panginoon.

09/01/2025

Enero 9, 2025
HUWEBES KASUNOD NG PAGPAPAKITA NG PANGINOON

Slm 72: 1-2, 14 at 15bk, 17
"P**n, maglilingkod sa'yo, Tanang bansa nitong mundo."

Unang Pagbasa: 1 Jn 4: 19-5:4

Ebanghelyo: Lc 4: 14-22
Nagbalik si Jesus sa Galilea na taglay ang kapangyarihan ng Espiritu at lumaganap sa buong kapaligiran ang balita tungkol sa kanya. Kinaugalian niyang magturo sa kanilang mga sinagoga, at pinupuri siya ng lahat.

Pagdating niya sa Nazaret, kung saan siya lumaki, pumasok siya sa sinagoga sa Araw ng Pahinga ayon sa kanyang kinaugalian. Tumindig siya para bumasa ng Kasulatan, at iniabot sa kanya ang aklat ni Propeta Isaias.

Sa paglaladlad niya sa rolyo, natagpuan niya ang lugar kung saan nasusulat: "Sumasaakin ang Espiritu ng Panginoon kayat pinahiran niya ako upang ihatid ang mabuting balita sa mga dukha. Sinugo niya ako upang ipahayag ang paglaya sa mga bilanggo, sa mga bulag ang pagkabawi ng paningin, upang bigyang-ginhawa ang mga api, at ipahayag ang taon ng kabutihang- loob ng Panginoon"

Binilot ni Jesus ang aklat, ibinigay ito sa tagapaglingkod at naupo. At nakatuon sa kanya ang mga mata ng lahat ng nasa sinagoga. Sinimulan niyang magsalita sa kanila: "Isinakatuparan ang Kasulatang ito ngayon habang nakikinig kayo."
At sumang-ayon silang lahat sa kanya habang nagtataka sa gayong pagpapahayag ng kabutihang-loob ng Diyos na nanggaling sa kanyang bibig. At sinabi nila: "Hindi ba't ito ang anak ni Jose?"

Pagninilay:
Inangkin ni Jesus ang hula ni Propeta Isaias (Is. 61:1-2) na binasa Niya sa sinagoga. Si Isaias noon, at si Jesus ngayon, ay nagpahayag ng Hubileyo o Taon ng Kabutihang- loob ng Panginoon. Noon, tuwing ika-limampung taon, ipinagdiriwang ng mga Israelita ang Jubilee Year (Leb. 25:10); ito ay taon kung saan binibigyang-kalayaan ang mga api, at pagbabalik sa bawat isa ng kanilang karapatan.

Binigyang-liwanag ni Jesus sa simula ng kaniyang ministeryo kung ano ang magiging prayoridad niya bilang g**o; sa tulong ng Espiritu Santo aalalayan niya ang mga dukha at walang inaasahan.
Ngayong taong 2025, ipinagdiriwang din natin ang Jubilee Year, na may temang Pilgrims of Hope. Pagkakataon ito upang pagnilayan ang kahulugan ng "pag-asa" at kung paano ito magiging mabisa sa ating buhay sa konkretong paraan. Mahalaga rin sa taong ito ang pagkakawanggaw at ang kapatawaran. Sa tulong ng Espiritu Santo, nawa'y maging daan din tayo ng pag-ibig ng Diyos sa ating kapwa.

30/12/2024

29/12/2024

Sama-sama nating ipagdiwang ang biyaya ng pananampalataya sa "Pagbubukas ng Hubileong Taon 2025" sa ating Apostoliko Bikaryato ng Calapan .

29/12/2024

Sa masayang pagdiriwang ng Kapistahan ng Banal na Mag-Anak na Hesus, Maria at Jose, pinagsaluhan natin ang biyaya ng Eukaristiya at pagmamahalan bilang isang sambayanan.

Matapos ang Banal na Misa, naghandog tayo ng palugaw bilang simbolo ng pagkalinga sa bawat isa, goodies para sa mga bata upang bigyang kulay ang kanilang selebrasyon.

At bilang pagtatapos ng Taon ng Eukaristiya ipinamahagi din ang mga pamphlet na nagtuturo ng mga mahahalagang aral tungkol sa kahalagahan ng Banal na Eukaristiya sa ating buhay, at tamang disposisyon sa pagdalo ng Banal na Misa.

Nawa’y patuloy nating isabuhay ang diwa ng Eukaristiya at maging saksi ng pagmamahalan at biyaya ng Diyos sa ating araw-araw na pamumuhay.