UNANG ADLAW SA PAGPATUMAN SA ELECTION GUN BAN SA SIQUIJOR MALINAWON
SIQUIJOR - Malinawon ang pagsugod sa unang adlaw sa pagpatuman sa election gun ban dinhe sa probinsya.
Si PLt.Col. Rolan Aliser ang hepe sa Police Community Affairs and Development Unit sa Siquijor Police Provincial Office nagkanayun nga niadtong adlaw Domingo Enero 12, 2025 gisugdan na sa buhatan sa Commission on Election kon Comelec kauban ang mga sakop sa kapulisan sa unom ka lungsod nga inabagan sa Philippine Army ang paglatag og check point sa kadalanan dinhi sa isla.
Ang election gun ban nagsugod niadtong Enero 12 ug matapos sa bulan sa Hulyo 11, 2025.
Gilaraw sa maong opisyal nga walay mga malapason sa balaod ang nasigpaw atol sa unang adlaw sa pagpatuman sa election gun ban.
Subay niini, hugot gihapon ang panghimangno sa PCADU ngadto sa katawhan nga ginadili gayud ang pagdalag mga armas gawas sa ilang panimalay.
SIQUIJOR POLICE PROVINCIAL OFFICE 100% NG ANDAM SA SINULOG 2025
SIQUIJOR - 100% ng andam ang kapulisan sa Siquijor para sa pagsaulog sa kapistahan ni Sr. Sto. Niño ug sa Sinulog karon tuiga.
Ang Chief of Police sa Police Community Affairs and Development Unit (PCADU) nga si PLt. Col. Rolan Aliser namahayag nga well prepared na ang atong mga kapulisan inabagan sa mga sakop sa Bureau of Fire Protection, Philippine Coast Guard, Philippine Army, Provincial Disaster Risk Reduction and Management Office, mga barangay opisyales ug sa grupo sa mga Oracis.
Para mas luag ang trapiko sa kapistahan ni Sr. Sto. Niño sa Brgy. Cang-alwang ang entrance padulong sa simbahan mao ang sa Barangay Caticugan ug mugawas kini ngadto sa Barangay Pasihagon.
Sa walang bahin usab sa kalsada mao ang gitagana nga parkinganan para sa mga sakyanan.
Subay niini, gipaniguro usab sa hepe sa PCADU nga adunay mga naka-standby nga mga pulis aron mas hapsay ang pagsaulog sa kapistahan ni Sr. Sto. Niño ug sa Sinulog sa Brgy. Cang-alwang ning lungsod sa Siquijor.
Tan-awa:
Ang pagdemo sa Automated Counting Machine nga gipangulohan mismo ni Provincial Election Supervisor Attorney Jerome Brilliantes atol sa Kapihan sa PIA kauban ang mga kawani usab sa Philippine Statistics Authority Siquijor.
PASKO SA KATAWHAN GIPANGANDAMAN SA LUNGSOD SA SIQUIJOR
Gipangandaman sa lungsod sa Siquijor ang pagbukas sa Pasko sa Katawhan o Nights of Light karong Disyembre 15 mga alas 7:00 Domingo sa gabie sa Siquijor Baywalk.
Si Fernando Jose Pescante ang pangulo sa municipal local registrar sa dihang nahinabi nagkanayun nga adunay walo ka mga nagkalain-laing mga Christmas decors ang pagasigaon unya sa boulevard.
Gawas niana, adunay mga maanindot nga mga pasundayag nga ihatod sa mga nagkadaiyang sektor sa lungsod.
Subay niini, giawhag niya ang tanan nga musalmot ug saksihan ang maanindot nga pasundayag, pagbukas ug pagpasiga sa suga sa walo ka mga Christmas decors karong umalabot nga Domingo sa gabie sa boulevard Disyembre 15, 2024.
Tan-awa:
Ang buhatan sa kapulisan sa lungsod sa Larena nagkanayun nga ang lungsod hapsay ug malinawon kini.
Si PLt. John Ray Vailoces ang deputy chief of police sa Larena Police Station naghangyo ngadto sa mga motorista ilabi na sa mga mamistahay karong adlawa nga mag-amping ug magpahinay sa pagdalag mga sakyanan aron malikay sa mga aksidente.
Giawhag usab niya ang tanan nga mukuopera sa check point nga gipahigayun sa kapulisan.
R.A.C.E GILUSAD 10 KA MGA NEGOSYANTE GIBISITA SA SSS
SAN JUAN- Gilusad sa buhatan sa Social Security System ang gitawag nilang r.a.c.e ug gipangbisita ang napulo ka mga establishimento sa lungsod sa San Juan.
Si Dra. Lilani Benedian ang Vice President sa Western Visiyan naglaraw nga ang gitawag nga r.a.c.e mao kini ang run after contribution evaders kinsang mga employer ang wala makakumplay sa regular nga pagbayad sa SSS contribution nga para sa ilang mga empleyado.
Kahibaluan nga dili lang kini ang unang higayun nga mibisita ang SSS sa mga establishimento apan niadtung tuig 2022 aduna na silay gipangadto nga mga negosyante diha sa lungsod sa Siquijor, San Juan ug sa lungsod sa Larena.
Ug niadtong adlaw nga Martes Nobyembre 26, 2024 adunay napulo ka mga negosyante ang gibisita sa mga opisyales sa SSS.
Kahibaluan nga ang tulo ka mga nag-unang rason nga gipangduaw kini sa tropa mao ang:
1. Wala pagparehistro sa SSS
2. Kinahanglang mureport ang mga employer sa SSS sa ilang tanang mga empleyado nga nagserbisyu sa iya o ilang negosyo.
3. Regularly o kanunay nga pagbayad sa SSS contribution sa mga empleyado.
Hinuon gihatagan og napuloglima ka adlaw ang mga tag-iya sa mga negosyo nga gibisita sa SSS sa pagtubag ug pag-comply sa ilang mga tulobagon.
Kuyog sa maong pagbisita mao sina (from Left to right) Acting Branch Head sa Dumaguete nga si Mercedita Celis, Vice President sa Western Visayas nga si Dra. Lilani Benedian, Attorney Jul Davi Saez kinsa maoy Head Operations Legal Unit ug si Atty. Harry Solanib sa Operations Legal Department sa SSS.
E-WHEELS SA SOCIAL SECURITY SYSTEM GILUSAD
SAN JUAN- Ang buhatan sa Social Security System naglusad og e-wheels sa may Social Center sa naasoy nga lungsod sugod kaganinang buntag Nobyembre 26 hangtod ugma puhon Nobyembre 27, 2024.
Ang Dumaguete Branch Manager nga si Mercedita Celis nag-awhag sa tanang mga katawhan nga mao na kini ang higayun nga maka-avail sa mga serbisyu sa SSS.
Ang mga serbisyu nga gitanyag atol sa E-wheels sa SSS mao ang mga musunod:
* issuance of SSS and ER number
* inquiries and verification
* issuance of forms
* online services
-my sss account creation/reset
-member data/ contact details update
-PRN generation
-disbursement account enrollment
-benefit claims applications
- salary loan.
Busa pahimusli ang dakung opurtunidad nga maka-avail sa mga serbisyo nga dili na kinahanglan pang mutabok sa Dumaguete para sa pagkuha'g SSS.
Tan-awa:
Usa ka dakung halas ang nasigpatan sa balay nilang Inday Bredgie Pendang kaganinang buntag Nobyembre 9, 2024.
Sumala pa sa taho nga ang maong halas busog kini human nakakaon og 4 ka itlog sa mga Pato.
📸 Nday Bredgie Pendang
BARKO NGA BAHOG ASAYTI POSSIBLE NGA MAOY HINUNGDAN SA OIL SPILL
SAN JUAN- Posibli nga usa ka barko nga bahog asayti ang hinungdan sa oil spill nga nakit-an karon sa Brgy. Lala-o sa naasoy nga lungsod kini ang gibutyag ni San Juan Mayor James Capundag sa dihang nahinabi niya ang usa ka mananagat.
Kahibaluan nga gibutyag ni PCG Commander Ensign Richelito Arbis nga usa ka langyaw ang naligo sa kadagatan sa maong lugar ug sa paghaw-as aduna nay nanapot nga lana hinungdan nga daling mireport sa mga otoridad.
Nasuta nga black oil ang nakit-an sa kadagatan nga gibana-bana nga anaa sa 200 metros ang gilay-on hinungdan nga daling miaksyon ang mga sakop sa Philippine Coast Guard kauban ang mga lokal ug probinsyal nga mga sakop sa disaster risk reduction management office.
Si Mayor Capundag namahayag nga nagpakitabang na sya sa tibuok probinsya aron daling mawagtang ang mga oil spill nga nitapot sa mga basura ug sa sea wall.
Samtang ang mga coast guard nabutang gidayun og spill boom para dili na mukalanap pa ang maong oil spill.
Tan-awa:
San Juan Mayor James Capundag sa pagsaulog sa ika-161 nga tuig sa Araw ng bayan Ng San Juan.
Look:
Ang mga sakop sa PDRRMO sa pagpangulo mismo ni Ma'am Blezel Omictin niabag sa pagpanguhag mga basura sa baybayon sa Brgy. Lala-o
Look:
Ang Commander sa Philippine Coast Guard nga si Richelito Arbis nagkuha og mga plastic bottle diin adunay mga oil ang nitapot sa mga botelya.
