26/10/2017
Nakatakdang pasinayaan sa darating na sabado (October 28,2017) ang submarine power cable project ng Marelco mula Brgy Alobo papuntang Polo. Ayon kay Marelco GM Gaudencio Sol Jr., may pondong 50 million pesos ang naturang proyekto galing sa national government sa tulong ng National Electrification Administration at ni Cong. Lord Allan Velasco. First Phase lamang ito sa kabouang plano na lagyan ng submarine cable ang mga isla ng polo, maniwaya at mongpong. Magsisimula ang naturang proyekto sa pag- upgrade ng Transmission Line mula Brgy. Morales papuntang Alobo at ang paglalagay ng submarine cable hanggang polo na may habang 2,250 meters. Idinagdag pa ni General Manager Sol Jr., na hinihintay na lamang nila na aprubahan ng NEA ang submarine cable project mula polo hanggang maniwaya na may habang 3 kiometro at mula maniwaya hanggang mongpong na may habang apat na kilometro. Nasa 120 million pesos naman ang kailangang pondo para dito. Ayon kay GM Sol, tuloy tuloy na ang konstuksyon nito pagkatapos na pasinayaan sa sabado dahil na-i-award na sa nanalong kontratista ang proyekto.