https://www.facebook.com/384308809095358/

Astronawtaa

"Ang pag sulat ay kalayaan at tanglaw sa madilim na yungib ng takot at pangamba."
(1)

21/03/2023

Dapit-hapòn ng nilisan ang prògrama,
Dala-dala itòng mga panagawan na likha,
Tanaw yaòng mga naki-baka mula sa dakò-hilaga,
Pinitik ang kàmera at ngiti'y na hulma.

Kasabay ang mga manggagawa,
Nilisan ang pòok sakay ng karitòng de makina,
Ka'y init at sikip sa t'wina,
Musika'y ugòng at mailap ang hangin sa bintana.

Pa abòt 'ho ng barya,
Tenga'y namingi at mata'y isinara,
Pa abòt pò ale at kuya,
Binuka ang palad n'ong magsasaka,
Inabòt sa tsuper na tila inip at nangangamba,
Dahil ang kinita ay mauubòs sa ka'y mahal na gasòlina,

Ka'y tining ng busina.
Haruròt ang kòtse ng mga may kaya,
Tinawid ang kalsada,
Naka lahad kamay ng mga maralita,
Karga ang binhi na bunga ng akala,
Inasa sa hilaw na pag-asa ang nakasisilaw na hinala.

Panalò na!
Sigaw ng mama,
Suòt ay kamiseta na may imprenta ng tumatakbò sa pòlitika,
Nanalò na!
Iyak ng binatang naka himlay sa upuang de gulòng niya.

Kasama ang angaw na umaasa na sila'y maiaangat at maisasama,
Naniniwala na sila'y aalpas dahil sa kanila,
Silang mga umalsa naman ay kinukutya,
Pinatatahimik at pinadadapa,
Dahil uupò na siyang tinala,
Pinakawalan ang ginapòs na Bàkunawa.

Isinara ang pintò,
Sa elektrònikòng parisukat dadalò,
Ililimbag ang mga tula na ito,
May sumisilip sa dulò,
Elementò na kunwari'y santò,
Susundan ang silang mga kritikò,
Ihanda ang panyò,
Bubulwak ang pawis at dugó.

Tumahimik na,
Bulungan sa tindahan nila aling Nena,
Nanahimik na siya,
Sambit habang inaalis ang amòy ng pulbura,
Pinatahimik silang nangamba't nag salita,
Tahimik ang bayang naka tanikala,
Ngunit babangòn ang diwang maka-bansa,
Babawi sa kaluluwa't sigaw ng madla.

Bayad pò!
Alingawngaw at nakabibinging sigawan at nakakikilabòt na tinginan,
Ibinulsa ang sukli at nanahan,
Handa na,
Handa na ang bayang mapagpalaya.

"Banlìs"
Ni Astronawta //

19/03/2023

Sa bayang ginahasa,
Kasarinla'y naka tanikala,
Sa batis na tuyo't may bakas nang pagluha,
Nakatanim yaòng dalita't bulòk na pag-asa.

Siglò na itong lumipas sa t'wina,
Ngunit yakap parin ng madla ang sugat at pait na kanilang nakuha,
Ginapos ang mga sarili sa balat at kulay ng mga Imperyalista,
Patawad aking Ina,
Sila'y natisod sa patibong na kanilang gawa.

Hindi na maunawaan ang mga salita't kataga,
Sinakop muli ng mga kolonyalista,
Kultura't wika,
Unti-unting nawawala,
Walang saysay ang lahi kung ang dila ay may bahid ng pagkukunwari't pag taksil sa kanya!

Filipino ang wika ng isang Pilipino.

"Tugòn"
Ni Astronawta

19/03/2023

BAYANG
MAGILIW, Punò
ng mga taòng
aliw na aliw,
Dahil sa PERLAS
NG SILANGANAN
na animo’y
tahanan na dapat
ingatan.

ALAB NG PUSÒ
sa mga tòtòong
Pilipinò makikita,
Taglay ang ugali
na hindi
sumusukò.

Hanggang
ngayòn SA
DIBDIB MO’Y
BUHAY, Ala-ala
ng ating mga
bayaning
namatay.

LUPANG
HINIRANG,
Kanilang ipinag
laban para sa
ating mga anak
ng bayan.

Magpa'salamat,
mag bunyi, at
ipag malaki, Dahil
DUYAN KA NG
MAGITING,
SA MANLULUPIG,
Itòng bayan ay
nakalaya mula sa
pagkakagapòs sa
lubid.

Tumindig at
sumigaw, 'DI KA
PASISIIL.
Ngunit bakit sa
dulò ng librò, tila
may naglalahò?
Tunay na
kasaysayan ay
ginahasa at
tinanikala ng mga
maka’lonyal na
payasò.

Wika na bigay ng
mga katutubò,
Pilit na
pinapalitan at
binabagò.

Tradisyòn na
dulòt ng
malayang
balintataw at sa
atin ay regalò,
ikinahihiya at
itinatagò

Ò kabataan ng
bayang
sinilangan,
Mulatin ang sarili
at yakapin itòng
kasaysayan.

Maging tulad ni
Rizal at Bònifaciò
na lumaban,
Lakas ng loòb at
edukasyòn ang
puhunan.

Itòng bayan ng
nakaraan ay
muling isisilang,
Yakap ang
makabagòng pag-
asa ng bayan.

Taas noò at
kamaòng bayani,
Pilipinò ang tunay
na lahi.

Sa katutubòng
lupa inani,
karangalan na 'di
magpapa api.

Tayò nga ba ay
tunay na nakalaya?
O tila pinalawak
lamang yaòng tanikala?
Pag masdan ang
kalagayan ng bansa,
Imperyalismò at
aninò ng kòlònyalismò
ay tanaw padin sa madla.

Nakababahala na pati
ang ibinotò ng masa,
Tila bulag at bingi
sa totòòng problema
sa t'wina,
Dahil sa kapangyarihan
at pera,
Darating ang araw
na ang kalayaan ay
ibebenta.

Pakinggan ang bòses
ng bawat isa,
Ang taò ay lalaban
para sa kanya,
Ang bayan ay titindig
para sa bandila,
Dahil tayo'y pinanday
ng panahon at kasaysayan,
Ang tao at bayan ay
tunay na lalaban,
Yakap-yakap ang
mailap na kalayaan.

"Saysay"
Ni Astronawta

19/03/2023

Anò nga ba ang mas mahalaga?
Ang Kalabaw na patulòy yumayakap sa siklò ng kalikasan at taò o yaòng karitòng de makina na likha ng talinò?

Saan ba dapat manahan?
Ditò sa ka'y lawak na bukirin na mas nauna pa bagò maitatag ang mga lungsòd o itòng ka'y tayòg na mga gusali na pagmamay ari ng mga banyaga at piling timawa?

Sinò ba ang mas dapat mauna?
Ang mga magsasaka na parati nakayukò para sa palay, gulay, at prutas na inihahanda sa hapag o itòng mga naka amerikanang pòlitikò at berdugòng kòmpanya na hatid ay tanikala't pag luha?

Sinò ba ang tama?
Itòng mga mahihirap na umaasang maka ahòn sa yungib ng nakaraan o itòng mga panginòòng may lupa at elistista na nais ng maka-mundòng pag babagò at maliit na hakbang,
Hakbang na nakatatapak nang mga pangarap at pag-asa,
Hakbang na sasagasaan lahat ng makita.

Luntian o naka sementòng lupa?
Katutubòng lupain ay pilit na kinukuha!
Sakahan na hinabi at pamana ng kasaysayan sa kanila,
Sila namang mga mang-mang ay umaasta na Bathala sa mga walang makapa.

Tila nag bagò ang kulay ng tubig at mga tala,
Naging dugò ang bukal at nag tagò ang mga agta,
Magsasaka, kabataan, indibidwal at mga aktibista,
Nag bungkal at umasa,
Piring at busal ang hinatid at nakuha,
Hanggang kailan?
Hanggang kailan aasa sa bayan na hilaw na ang pag-asa?

May hangganan,
May dulò ang pagkakatanikala,
Lumaban, lalaban ang masa!

"Dantay"
Ni Astronawta

06/06/2022

Address

San Jose Del Monte

Telephone

+639509035889

Website

facebook.com

Alerts

Be the first to know and let us send you an email when Astronawtaa posts news and promotions. Your email address will not be used for any other purpose, and you can unsubscribe at any time.