https://www.facebook.com/336449982876035/

106.5 XFM Roxas City, Capiz

Home
Philippines
Roxas City
106.5 XFM Roxas City, Capiz

The newest News FM station in Roxas City and Province of Capiz! XFM Roxas City Capiz is owned and operated by Y2H Broadcasting Network, Inc.
(1)

05/09/2024

WATCH | HEADSHOT with KATROPANG MICHAEL DENOSTA ENOSLAY

05/09/2024

WATCH | LIVE: XTRADRIVE with KATROPANG SHIEN DASIG

05/09/2024

XTRA WOW | LALAKI SA JAPAN, ARESTADO MATAPOS NGA LABHAN ANG BRA KAG PANTY SANG TUPAD-BALAY!

Masadya man kuntani kun may yara ka sang kalapit-balay nga mapisan kag indi sang pabug-at, apang pinasahi ang isa ka 50-anyos nga lalaki sa Shizuoka Prefecture sa Japan bangud ginsulod nya ang apartment sang tupad-balay agud labhan ang mga bra kag panty sini.

Suno sa report, natabo ang insidente sa isa ka aprtment building sa Hamamatsum

Suno sa 28-anyos nga biktima, naggwa lang siya sang makadali sa iya apartment agud magbakal sang pagkaon apang nalipatan niya nga i-lock ang pwertahan rason nga nakasulod ang amo nga lalaki.

Target sang suspek ang mga bra kag panty sang biktima indi para nga kawaton, kundi para labhan ang mga ini.

Ginkakibot na lang sang biktima sang nakabalik siya sa apartment bangud nakita niya nga nalabhan na ang iya mga underwear kag nakahalay na.

Gilayon nga ginreport sang biktima ang natabo sa mga kapulisan kag nadakpan ang suspek nga nagpangatubang sa kaso nga trespassing.

Ginahibalo pa sang mga otoridad ang motibo kun ngaman ginlabhan sang suspek ang mga bra kag panty.

106.5 XFM Roxas City, Capiz
By: CJDB | September 5, 2024

05/09/2024

LOOK | Gindeklarar sang Malacañang bilang special non-working day ang September 11 sa Ilocos Norte bilang pagdumdom sa ika-107 anibersaryo sang kaadlawan sang nagtaliwan kag anay Presidente Ferdinand Marcos Sr.

Ang ini nga balita ginadul-ong sa inyo sang:

:

XFM 106.5 Roxas City Capiz
By: KC | September 5, 2024

05/09/2024

'SHUKRAN'

LOOK | VICE PRESIDENT SARA DUTERTE, GINPANGUNAHAN ANG "NATIONWIDE SIMULTANEOUS PAGBABAGO BAGS DISTRIBUTION" SA MADRASAH SCHOOL SA CALOOCAN CITY SANG AGOSTO 30

“Pinaalalahan ko ang mga kabataang mag-aaral na mag-aral ng mabuti upang sila ay makapagtapos at magkaroon ng magandang kinabukasan,” pahayag ni Duterte sa isa ka Facebook post.

Ang ini nga balita ginadul-ong sa inyo sang:

:

XFM 106.5 Roxas City Capiz
By: KC | September 5, 2024

05/09/2024

NATIONAL | PATAY KAY BAGYONG ENTENG NGA SA KARON SUPER TYPHOON YAGI, NAGSAKA PA SA 15!

Naglab-ot na sa 15 ka tawo ang napatay sa Pilipinas tuga sang bagyong Enteng nga sa karon isa na ka super typhoon Yagi padulong naman sa Hainan Island sa Southern China.

Ini ang sandig sa report sang Office of the Civil Defense (OCD) kay Presidente Ferdinand Marcos Jr. sa situation briefing sa National Disaster Risk Reduction and Management Council (NDRRMC) headquarters sa Camp Aguinaldo.

Ang mga napatay ang nagikan sa probinsya sang Rizal, Cebu City, Northern Samar, Naga City kag Negros Occidental. Samtang yara sa 21 ka tawo naman ang nagapabilin nga missing kag 15 pa ang pilason.

Ginsiling ni Presidente Marcos, nga dapat magpatigayon sang mas dynamic nga assessment ang PAGASA sa paghatag sang paandam sa sitwasyon sang panahon.

Nagakadapat man suno diri nga preparahan ang duha pa ka palaabuton nga bagyo subong nga bulan.

Gin-aku sang Presidente nga naubos na ang stockpile sang DSWD bangud sa paglaslas man sang bagyong Carina, apang sa pihak sini, ginsiguro ni Marcos nga nakabakal na sang dugang nga suplay kag sa karon naga-repack na agud ipakigbahin sa mga apektado sang bagyong Enteng.

Ang ini nga balita ginadul-ong sa inyo sang:

:

XFM 106.5 Roxas City Capiz
By: KC | September 5, 2024

05/09/2024

CAPELCO ADVISORY | PORTION SANG BRGY. LAWAAN, BOLO, KAG DINGINAN, MAAPEKTUHAN SANG EMERGENCY POWER INTERRUPTION BWAS NGA ADLAW, SETPTEMBER 5

Sityembre 6, 2024, (Biyernes nga adlaw)
Alas 5:00 tubtob 6:00 sang aga

Ang CAPELCO magapatigayon sang replacement of insulator

Apektado nga Lugar: Portion sang Brgy. Lawaan, Arcabalo Bolo, Crossing Jail, St. Ignatius Valley Subd., Wilcon Depot, City Hardwares, Triumph Depot, Tops Ice Plant, Crossing Patag, Cal's Lawaan, portion sang Dinginan & Portion sang Pueblo de Panay .

Gilayon man nga ibalik ang kuryente sa ti-on nga matapos ang olobrahon.

via Capiz Electric Cooperative, Inc.

05/09/2024

IN PHOTOS | GUGMA-LAMOKBUSTERS SANG PROVINCIAL GOVERNMENT, NAGKADTO SA BANWA SANG PANITAN

Malipayon nga ginsaot sang mga katapo sang LGU-Panitan upod si Mayor Kit Dequiña-Belo, Governor Fredenil Castro, Board Member Thea Faith Reyes kag si Provincial Health Officer Dr. Ramon Alex Nolasco kaupod ang Gugma-Lamokbusters ang Zumba Dance bilang kabahin sang programa sang Gugma Kontra Dengue sang provincial government.

Ini isa ka pamaagi sang gobyernong probinsyal agud ganyaton ang mga pumuluyo nga mag-isa sa kampanya batuk sa makamamatay nga Dengue sa probinsya.

Via Katropang Elmer Estimar

106.5 XFM Roxas City, Capiz
By: CJDB | September 5, 2024

05/09/2024

WATCH | Gugma lamokbusters sa Gugma Kontra Dengue, kaupod ang mga katapo sang LGU-Panitan, nagpasakop sa ila Zumba Dance subong nga hapon, Setyembre 5.

Present sa amo nga kahiwatan si Panitan Mayor Kit Dequiña-Belo, Governor Fredenil Castro, Board Member Thea Faith Reyes kag si Provincial Health Officer Dr. Ramon Alex Nolasco kaupod ang mga Provincial Fogging Intiative Team.

106.5 XFM Roxas City, Capiz
By: EDE | September 5, 2024

05/09/2024

LOOK | LARAGWAY NI DISMISSED BAMBAN, TARLAC MAYOR ALICE GUO SA INDONESIA ANTES SIYA DAL-ON PABALIK SA PILIPINAS SUBONG NGA ADLAW

05/09/2024

ENTERTAINMENT | ERWAN HEUSAFF KAG ANNE CURTIS BULAGAY NA?

Ginkadlawan nalang ni Erwan Heusaff ang huring-huring nga bulagay na sila sang iya asawa nga si Anne Curtis matapos makita sang netizen nga wala na niya ginasuksok ang ila wedding ring.

Pinaagi sa pagsabat sa comment section sa isa ka Instagram post nga nagapalapta sang chismis, ginpaathag ni Erwan ang kamatuuran.

Hugot nga ginpanginwala ni Erwan ang nasambit nga alegasyon kag ginsiling nga indi dapat magpati ang mga fans nga naga-base lang sa random accounts sa Facebook.

Mahibaluan nga madasig nag-viral ang nasambit nga issue matapos gin-publish sa isa ka tabloid article nga ginapahayag bulagay na ang mag-asawa.

Sa karon, padayon nga malipayon ang couple kaupod ang bata nila nga si Dahlia sa pungsod Australia.

Ang ini nga balita ginadul-ong sa inyo sang:

:

XFM 106.5 Roxas City Capiz
By: SD | September 5, 2024

05/09/2024

INTERNATIONAL | US, GIN-AKUSARAN ANG RUSSIA NGA NAGAPASILABOT SA ILA ELEKSYON

Gin-akusaran sang US ang Russia nga nagapasilabot sa ila nagahilapit nga eleksyon.

Bangud diri, ginkasuhan kag ginpamatbatan sang sanctions sang US ang pila ka Russian state media executives kag ginhugutan ang Kremlin-linked broadcasters.

Gin-anunsyar sang Justice, State kag Treasury Departments ang nasambit nga tikang agud pamatukan ang ginhimo sang Russia.

Suno kay Attorney General Merrick Garland, ila gin-akusahan ang RT ukon anay Russia Today nga nagapondo sang Tenessee-based company.

Ginpahayag naman ni White House national security spokesman John Kirby nga ang tinutuyo sang Russia agud mabuhinan ang international support nga nakukuha sang Ukraine.

Matandaan sadtong Hunyo, pila ka grupo sang mga hackers nga gina-angut sa gobyerno sang Iran ang madinalag-on nga nasulod ang campaign ni anay US President Donald Trump para sa nagahilapit nga eleksyon.

Ang ini nga balita ginadul-ong sa inyo sang:

:

XFM 106.5 Roxas City Capiz
By: KC | September 5, 2024

05/09/2024

WATCH | LIVE: SERBISYONG KATROPA with KATROPANG ZALDY AGUIHAP JR.

05/09/2024

𝐁𝐑𝐄𝐀𝐊𝐈𝐍𝐆: Isa na ka SUPER TYPHOON Category ang Bagyong Yagi nga anay bagyong EntengPH samtang padayon nga ginatumbok ang Hainan Island sa Southern China.

Suno sa JTWC, dala sang bagyo ang kabaskugon nga hangin nga nagalab-ot sa 240 kph.

Sa bahin naman sang JMA, isa na ini ka VIOLENT TYPHOON nga dala ang hangin nga nagalab-ot sa 195 kph kag pagmadlos nga nagalab-ot sa 280 kph.

Ginalauman nga magabaskog pa ang bagyo antes mag-landfall buwas nga adlaw.

Via: Philippine Weather System/Pacific Storm Update

Ang ini nga balita ginadul-ong sa inyo sang:

:

XFM 106.5 Roxas City Capiz
By: KC | September 5, 2024

05/09/2024

SPORTS | PH SHOOTERS NASUKBIT ANG 23 KA GOLD MEDALS SA INDONESIA TOURNAMENT

Nasukbit sang hubon sang Pilipinas ang 23 ka gold medals sang gindominar ang 2024 AustralAsia Handgun/PCC (pistol caliber carbine) practical shooting competition sa Bali, Indonesia.

Sa individual handgun events, 10 ang nakuha nga bulawan nga medalya, 9 ka silver kag 13 ka bronze medals, samtang duha ka silver kag duha ka bronze sa team events.

Nagpanguna si Rolly Nathaniel Tecson sa individual handgun events Standard Division kun sa diin nakuha niya ang gold medal kag si Edcel Gino naman ang nagdaog sa Production Optics Division.

Ginbulsa sang Pilipinas ang gold medals sa team handgun events Standard, Classic, Classic Senior, Open Junior, Production Senior kag Production Optics Divisions.

Nasekyar ang silver medal sa Production Optics Lady and Open Senior, kag Open Lady Divisions samtang bronze medal sa Open, Open Super Senior and Revolver Divisions.

Sa individual PCC events, nasukbit ang 8 gold, 6 silver kag 6 bronze medals, samtang sa ream events, nadag-an ang 5 ka gold kag isa ka bronze medal.

Suno kay Philippine Practical Shooting Association President Edwin Lim, kapin 340 ka delegado gikan sa Pilipinas ang nagpasakop sa Level 4 event nga ginpamunuan sang International Practical Shooting Confederation.

Ang ini nga balita ginadul-ong sa inyo sang:

:

XFM 106.5 Roxas City Capiz
By: KC | September 5, 2024

05/09/2024

𝐖𝐀𝐓𝐂𝐇 | 𝐋𝐈𝐕𝐄: XFM NEWS NATIONWIDE WITH KATROPANG PEDY BAUTISTA SABANDO & GILBERT BASIO | SEPTEMBER 05, 2024

05/09/2024

ATTY. DAVID: WESLEY GUO HANDA NA NGA MAGSUNGKA

Handa na nga magsungka sa mga otoridad ang utod sang napahalin nga Bamban, Mayor Alice Guo nga si Wesley Guo nga ulamid man sa ilegal nga operasyon sang POGO.

Suno kay Atty. Stephen David, legal counsel ni Alice kag Shiela, nakaistorya niya si Wesley sang Miyerkules kag nagpahayag ini sang iya intensyon nga magsungka sa otoridad.

Wala paman nahibaluan ni David ang eksakto nga ginahamtangan ni Wesley nga nabalita nagapanago sa Hon Kong.

Kaupod si Wesley Guo nga gin-isyuhan sang arrest order sang Senado matapos ginpa-contempt bangud wala ini nagtambong sa Hearing sang Senado apisar makapila ka beses na nga gin-imbitar. Kaupod sini nga nalagyo sa Pilipinas sanday Alice Guo, Shiela Guo kag Cassandra Li Ong nga iya kahagugma.

Pahayag ni David, nagapakig-angut na siya sa mga otoridad sa ginalauman nga pagsungka ni Wesley, apang indi pa siya maghatag sang dugang nga detalye angut diri.

Ang ini nga balita ginadul-ong sa inyo sang:

:

XFM 106.5 Roxas City Capiz
By: KC | September 5, 2024

05/09/2024

UPDATE | PERSONA NGA NAGPAKILALA MIYEMBRO SANG NPA KAG NAGSUNGKA SA BANWA SANG TAPAZ, PADAYON NGA GINA-VALIDATE

Padayon nga gina-validate ang isa ka persona nga ginapahayag anay miyembro sang New People's Army (NPA) nga boluntaryo nga nagsungka sa kapulisan sadtong Agosto 30 sa banwa sang Tapaz.

Sandig sa rekord sang Tapaz PNP, ginkilala ini nga si alyas "Roman" residente sang Brgy. Buri, Tapaz, Capiz kag nagserbe bilang courier kag informant sa idalom sang Front 14, Igabon Platoon, Komiteng Rehiyon- Panay sa diin nagsulod sa Communist Terrorist Group (CTG) sadtong Hulyo 2020 tubtob Pebrero 2024.

Mahibaluan nga nagdesisyon ini magbalik sa sabak sang gobyerno bangud luyag na sini nga magbag-o kag mag-untat sa pagsuporta sa rebelde nga grupo sa pagpati nga ginapatalang lang siya.

Sa karon, yara pa sa pag-inakop sang Tapaz MPS ang nasambit nga persona kag padayon nga gina-usisa agud mapamatud-an ini kag mahatagan ini sang nagakaigo nga pagtamod.

Ang ini nga balita ginadul-ong sa inyo sang:

:

XFM 106.5 Roxas City Capiz
By: SD | September 5, 2024

05/09/2024

JUST IN!

Ginalauman nga mag-abot sa Pilipinas gikan sa Jakarta, Indonesia si dismissed Bamban mayor Alice Guo karon sa gab-i las-6:18, Setyembre 5, suno kay Committee on Public Services Chairperson Sen. Raffy Tulfo.

Magasakay sa chartered flight RP-C6188 si Guo kaupod sanday Interior and Local Government Sec. Benhur Abalos kag PNP Chief PGen. Rommel Marbil.

Malakat sila sa Indonesia mga ala-1:00 sang hapon sa diin bitbit ni Sec. Abalos ang warrant of arrest agud ipatuman ang gin-isyu nga warrant sang Senado.

Padayon pa ang pagproseso sang Bureau of Immigration (BI) kag NBI kay Guo para sa iya pagbalik sa pungsod.

Ang ini nga balita ginadul-ong sa inyo sang:

:

XFM 106.5 Roxas City Capiz
By: KC | September 5, 2024

05/09/2024

UPDATE | SUBDIVISION SA BARANGAY CAGAY SA DIIN GINKAWATAN ANG ISA KA GINANG, WALA SANG SECURITY GUARD- PCMS ARCANGELES

Wala sang may napahamtang nga security guard sa isa ka subdivision sa San Lorenzo Village, Brgy. Cagay, Roxas City kun sa diin ginkawatan ang isa ka ginang sang isa ka babayi kag lalaki nga nagpakuno-kuno nga mga food delivery rider kahapon nga adlaw, Setyembre 4.

Ini ang ginkumpirmar ni PCMS Ramil Arcangeles sang mapakig-angutan sang XFM Roxas.

Matandaan ang 53-anyos nga wala na ginhingadlan nga biktima ang naga-isahanon sa iya balay sang nag-doorbell ang duha ka persona nga nagpakuno-kuno ma-deliver sang pagkaon.

Ginkatingala niya ini bangud wala man siya may gin-order kag wala man nagasabat ang iya bata sang iya gintawagan agud kumpirmahon.

Sang iya ginbuksan ang gate, didto kag ginpwersa ini pasulod sa iya balay sang suspek nga babayi kag gintutukan kutsilyo sa liog, amo man ang pagsunod sang suspek nga lalaki.

Sa kahadlok, ginhatag niya nalang ang duha ka wallet nga may unod sang kapin P35,000 kag mga alahas nga nagabalor sang P30,000.

Mahibaluan nakasusok ang suspek nga babayi sang puti nga t-shirt, half face mask kag ang suspek nga lalaki ang nakasuksok sang gray sweatshirt, bonet nga itom, face mask, lunsay nakasuksok sang motorcycle gloves nga madasig nga nalagyo matapos ang pagpangawat.

Dugang pa ni Arcangeles maayo kuntani kun may security guard nga nagabantay sa entrance sang nasambit nga subdivision agud mas madasig ang ila imbestigasyon.

Nagapadayon pa tubtob sa karon ang imbestigasyon kag pagtipon sang impormasyon sang Roxas City PNP angut sa nagluntad nga pagpangawat kag ginatsekyar na ang mga CCTV malapit sa lugar.

Nagapangayo sa karon sang kooperasyon ang kapulisan sa mga pumuluyo amo man sa biktima agud madasig nga makilala ang mga suspek kag masolbar ang kaso.

Ang ini nga balita ginadul-ong sa inyo sang:

:

XFM 106.5 Roxas City Capiz
By: KC | September 5, 2024

Related news:
https://www.facebook.com/photo/?fbid=122141231024307364&set=a.122112024758307364

05/09/2024

ISA KA BALAY SA BARANGAY CAGAY, GINSULOD KAG GINKAWATAN SANG DUHA KA PERSONA NGA NAGPAKUNO-KUNO NGA FOOD DELIVERY RIDER

Naglab-ot sa P65,000 nga kwarta kag balor sang alahas ang nataban sang isa ka babayi kag lalaki nga nagpakuno-kuno food delivery rider sa isa ka balay sa Brgy. Cagay sining syudad kahapon, Setyembre 4.

Ang wala na ginhingadlan nga biktima ang nagapang-edaron sang 53-anyos kag residente sang nasambit nga lugar.

Sa interview sang XFM Roxas News Team sa biktima, naga-isahanon siya sa sulod sang iya balay sang nakabati siya nga may nag-doorbell kag sang iya ini gin-tsekyar, didto nakit-an sini ang duha ka wala makilan-an nga persona sakay sang isa ka motorsiklo nga yara sa guwa sang ila gate.

Ginsiling sini nga nagpakilala ang duha ka kawatan nga mga food delivery rider rason nga iya ginbuksan ang gate, apang hinali nalang nga ginbutong sang babayi iya bayo kag gintutukan sang kutsilyo sa liog.

Gilayon naman nga gindala siya sang mga ginapahayag kawatan sa sulod sang iya puluy-an kag didto ang mga ini nagpinag-ukay.

Wala sang may nakita ang mga suspek rason nga ginpahog siya sang lalaki kag sa kahadlok, ginhatag niya ang iya duha ka wallet nga ginabulubanta naga-unod sang P35,000 kag mga alahas nga nagabalor sa kapin P30,000.

Dugang pa sang biktima nga madasig nga nalagyo ang mga kawatan sang ila na nakuha ang kwarta kag mga alahas.
Sa karon, nagapadayon pa ang imbestigasyon sang kapulisan angut sa insidente.

Ang ini nga balita ginadul-ong sa inyo sang:

:

XFM 106.5 Roxas City Capiz
By: KC | September 5, 2024

05/09/2024

WATCH | LIVE SENTRO WITH KATROPANG JOVENM ANISCO

05/09/2024

| Ginpangunahan ni House Speaker Martin Romualdez ang pagpanumpa sang 20 ka mga alkalde kag 9 nga local officials sang Bohol bilang bag-o nga mga miyembro sang partidong Lakas-Christian Muslim Democrats (Lakas-CMD) sining Miyerkules, Setyembre 4.

“With this decision, you share our support for President Ferdinand ‘Bongbong’ R. Marcos Jr. and his aspirations for a progressive Philippines and his Bagong Pilipinas programs,” suno kay Romualdez.

📸: Office of Speaker Ferdinand Martin G. Romualdez

05/09/2024

CHLOE SAN JOSE, NAPUNO NA SA PABATI-BATI SANG AMAY NI CARLOS YULO

Wala ginkasadya ni Chloe San Jose ang padayon nga pagpabati-bati ni Mark Andrew Yulo, amay ni two-time Olympic gold medalist Carlos Yulo.

Matandaan nagkomento ang amay ni Carlos sa isa man ka post ni Carlos nga nagsiling "Chloe asan na 'yung tawag nyo. Yung bintang ninyo sa nanay ni Caloy puro kasinungalingan dapat maayos na to."

Gilayon ini nga ginsabat ni Chloe sa diin ginpadumdom sini ang mga ginpanghambal ni Mrs. Yulo kay Carlos.

"Bat hindi niyo din po sabihin na sinumpa po siya ni tita angge na gagapang si Caloy sa lupa before po siya mag quality sa Olympics last year," pamangkot ni Chloe.

"Sinabi pa po niya na kahit ilang rosaryo pa ang ipadala niya kay Caloy ay hinding hindi na po mananalo si Caloy," dugang pa niya.

Apang nagpakita sa gihapon sang pagduda si Chloe kun si Mr. Yulo gid bala ang nagagamit sang page ilabi na nga nahibaluan niya ang relasyon ni Caloy sa iya amay.

Via: Pinoy Trend

Ang ini nga balita ginadul-ong sa inyo sang:

:

XFM 106.5 Roxas City Capiz
By: KC | September 5, 2024

05/09/2024

: Naghagan-hagan sang nagligad nga bulan sang Agosto ang inflation rate sa pungsod nga nakapagkit sang 3.3% gikan sa 4.4% sadtonh Hulyo 2024.

Ang average inflation rate ang yara sa 3.6%, nga yara sa sulod sang target sang gobyerno nga 2.0% tubtob 4.0%.

05/09/2024

LOOK: Interior Secretary Benhur Abalos kag PNP Chief Rommel Marbil nag-abot sa Soekarno Hatta International Airport sa Jakarta, Indonesia kaina alas-2:30 sang magaaga agud makigkita kay dismissed Mayor Alice Guo.

(📷: DILG)

05/09/2024

LOOK | CAPSU MAIN CAMPUS, NAGPAGUWA SANG STATEMENT ANGUT SA PAGKAPATAY SANG ILA ISA KA ESTUDYANTE NGA GIN-ATAKE SA TAGIPUSUON SAMTANG GINAPATIGAYON ANG ILA ACQUAINTANCE PARTY

Via: CAPSU Public Information Office

05/09/2024

7 KA TUIG NGA BATA SA BARANGAY CULASI, ROXAS CITY GINAPAHAYAG GINTUYO ABDUCT SANG MGA PERSONA SAKAY SANG PUTI NGA VAN

Madasig nga naglapta sa social media ang post sang isa ka iloy nga residente sang Brgy. Culasi sining syudad matapos ginapahayag may nagtuyo abduct sa iya bata.

Sa kaungdan sang FB post, papuli na kuntani ang bata sini gikan sa buluthuan sang may puti nga van nga nagpundo kag sa kahadlok sang bata, hinali nalang ini nga nagdalagan kag nagpangayo sang bulig.

Sa pagpangusisa sang XFM Roxas News team, ginkilala ang bata kay alyas "Dimple", 7-anyos kag naga-eskwela sa Culasi Elementary School.

Ginpahayag sang amay sini nga si alyas "Jun", nga takna las-4:00 sang hapon sang Lunes nga adlaw, Setyembre 2 sang natabo ang insidente.

Sa dugang pa nga impormasyon gikan sa amay sang bata nga si alyas "Jun", takna las-4:00 sang hapon sang Lunes nga adlaw, Setyembre 2 sang natabo ang insidente sang nagagutos papuli gikan sa eskwelahan ang iya bata.

Ginsaysay sa ila ni "Dimple" ang natabo kag gintuad sini nga wala niya makilan-an ang mga persona nga sakay sang puti nga van.

Apang, wala na nagpabalhag sa barangay ang mga ginikanan bangud sa kasakuon sa pagpangisda nga amo ang ila pangabuy-anan.

Panugyan sang amay sa iban pa nga mga ginikanan nga halungan ang mga kabataan kag mag-aligmat bangud indi mapulong ang kasubon nga insidente.

Ang ini nga balita ginadul-ong sa inyo sang:

:

106.5 XFM Roxas City Capiz
By: SD | September 5, 2024

Address

2F E-Care Multipurpose Cooperative Bldg. , Water Village, Brgy. Lawaan
Roxas City
5800

Website

facebook.com

Alerts

Be the first to know and let us send you an email when 106.5 XFM Roxas City, Capiz posts news and promotions. Your email address will not be used for any other purpose, and you can unsubscribe at any time.

Contact The Business

Send a message to 106.5 XFM Roxas City, Capiz:

Videos

WATCH | HEADSHOT with KATROPANG MICHAEL DENOSTA ENOSLAY

WATCH | LIVE: XTRADRIVE with KATROPANG SHIEN DASIG

WATCH | Gugma lamokbusters sa Gugma Kontra Dengue, kaupod ang mga katapo sang LGU-Panitan, nagpasakop sa ila Zumba Dance subong nga hapon, Setyembre 5. Present sa amo nga kahiwatan si Panitan Mayor Kit Dequiña-Belo, Governor Fredenil Castro, Board Member Thea Faith Reyes kag si Provincial Health Officer Dr. Ramon Alex Nolasco kaupod ang mga Provincial Fogging Intiative Team. 106.5 XFM Roxas City, Capiz By: EDE | September 5, 2024

WATCH | LIVE: SERBISYONG KATROPA with KATROPANG ZALDY AGUIHAP JR.

𝐖𝐀𝐓𝐂𝐇 | 𝐋𝐈𝐕𝐄: XFM NEWS NATIONWIDE WITH KATROPANG PEDY BAUTISTA SABANDO & GILBERT BASIO | SEPTEMBER 05, 2024

𝐖𝐄𝐋𝐂𝐎𝐌𝐄 𝐓𝐎 𝐄𝐀𝐑𝐓𝐇, 𝐀𝐒𝐓𝐄𝐑𝐎𝐈𝐃 𝟐𝟎𝟐𝟒 𝐑𝐖𝟏! ☄️ Masuwerte nga nakuhaan sang video sang isa ka netzen gikan sa Tuguegarao City, Cagayan ang pagsulod sa kahawaan sang kalibutan sang 2024 RW1 (#CAQTDL2) takna las-12:39 kaina sang kaaganhon kun sa diin makit-an ang pila ka segundo nga hinali nga pagsanag sang kalangitan tuga sang pagbulusok sang ‘fireball.’ 🎥 Marvin Coloma Via: Philippine Weather System/Pacific Storm Update Ang ini nga balita ginadul-ong sa inyo sang: #XanthoneGoldHerbalCapsule #XanthoneVitaminCee #XanthonePlusCoffeeMix: #VisionexPlus #PremiumD3 #TurboDietarySupplementForMen #XanthonePlusHerbalCapsule #XanthonePlusHerbalSoap #XanthonePlusHerbalOil #PremiumD3CoffeeMix #ClaireSkinHerbalSoap #XanthoneGoldHerbalTea XFM 106.5 Roxas City Capiz By: KC | September 5, 2024

WATCH | LIVE SENTRO WITH KATROPANG JOVENM ANISCO

WATCH | LIVE XPRESS BALITA WITH KATROPANG CJ BILLONES & KATHY CORCINO

WATCH | LIVE: KATROPALETA SA GRAND LAUNCHING

WATCH | LIVE: XFM ROXAS CITY, CAPIZ GRAND CARAVAN PART 2

WATCH | LIVE: XFM ROXAS CITY, CAPIZ GRAND CARAVAN

WATCH | LIVE: XFM ROXAS CITY CAPIZ GRAND LAUNCHING SPECIAL COVERAGE

WATCH | LIVE BULLSEYE WITH KATROPANG JOVEN ANISCO

WATCH | LIVE: XPRESS BALITA with KATROPANG CJ BILLONES AND KATROPANG KATHY CORCINO

WATCH | LIVE: HEADSHOT with KATROPANG MICHAEL DENOSTA ENOSLAY

WATCH | LIVE: HEADSHOT with KATROPANG MICHAEL DENOSTA

WATCH | LIVE : XTRADRIVE with KATROPANG SHIEN DASIG

WATCH | LIVE SERBISYONG KATROPANG WITH MICHAEL D. ENOSLAY

𝐖𝐀𝐓𝐂𝐇 | 𝐋𝐈𝐕𝐄: XFM NEWS NATIONWIDE WITH KATROPANG PEDY BAUTISTA SABANDO & GILBERT BASIO | SEPTEMBER 03, 2024

GINKAKUGMAT SANG MGA RESIDENTE ANG PAGTAAS SANG TUBIG SA SUBA SA BAHIN SANG PUROK 2-B MAYAMOT ANTIPOLO CITY Suno sa video uploader, subong lang natabo ang tuman kataas sang tubig sa nasambit nga suba. Pila naman ka pumuluyo sa Antipolo City ang ginkibot sang pila ka nabalhag nga pagbaha kag lanslide bangud mataas ang ila lugar kag wala pa naeksperyensyahan ang kasubong nga pagbaha. Ginpahayag naman sang pila ka netizens nga residente sa amo nga syudad nga posible bangud sa pag-bulldoze kag pag-utod sang mga kahoy sa kabukiran ang gintunaan sang peligruso nga kalamidad. Sa karon, pito na ang nabalhag nga napatay bangud sa pagbaha kag landslide sa Antipolo, Rizal. ctto