Ang Bugtong Bukid: Opisyal na Publikasyon ng B3NHS sa Filipino

10/12/2024

Project CARE ❣️
Child Attain Responsible Education

Isang makabuluhang araw ng pagbibigay pag-asa at suporta ang naganap sa ilalim ng Project CARE, kung saan 47 mapalad na mag-aaral ang nakatanggap ng tumblers, notebooks, at iba pang kagamitan sa pag-aaral. Kasama rin sa programa ang 29 magulang at mga g**o na nakiisa upang ipagdiwang ang tagumpay ng inisyatibong ito.

Nagbigay-suporta ang mga opisyal ng pamahalaan na sina:Barangay Kagawad Neneng Sanchez (Barangay Poblacion),
Barangay Kagawad Estrellita T. Patubo (Barangay Bayugan 3), Barangay Kagawad Jose T. Cuyos Jr. (Barangay Sta. Cruz), at Sangguniang Bayan Member Junalisa “Jenjen” Quintana.

Nagpaabot din ng tulong sina Sangguniang Bayan Member Rex Fuentes at Mayor Jose T. Cuyos Sr., na nagbigay ng karagdagang suporta para sa tagumpay ng pamamahagi.

Ang Project CARE ay patunay ng sama-samang pagkilos upang maitaguyod ang edukasyon ng kabataan—isang hakbang tungo sa mas maliwanag na kinabukasan!

08/12/2024

Read our latest publication on Issuu:

Tomo 1 Isyu 1

05/12/2024

ANG BUGTONG BUKID
Ang Opisyal na Pamahayagang Pangkampus ng Bayugan 3 National High School sa Filipino
Tomo 1, Isyu 1

Ipinagmamalaki naming ilahad ang 14 pahinang opisyal na digital na kopya ng ANG BUGTONG BUKID — ang boses at puso ng Bayugan 3 National High School! 🎉

Ang unang isyu na ito ay higit pa sa isang pasaporte sa DSPC 2024; ito ang isa sa natatanging patunay ng husay, dedikasyon, at talento ng aming mga batang mamamahayag.

Sama-sama nating ipagdiwang ang panimulang hakbang tungo sa mas makulay na mundo ng pamamahayag! Abangan ito, tangkilikin, at suportahan ang . ✍️

📖 Sa bawat pahina, saksi ang Bugtong Bukid sa bawat masaya, makulay at matagumpay na adhikain ng B3NHS.

27/11/2024

PAPEL NG TEKNOLOHIYA UPANG MAPALAKAS, MAPAGTIBAY AT MAGING MAS EPEKTIBO ANG MGA G**O SA MUNDO NG MODERNISASYON

Napuno ng makabago at nakakamanghang ideya ang Admin Conference Room ng Bayugan 3 National High School sa pang-hapong sesyon ng unang araw ng Rosario Cluster VIII Mid-Year Inset Training & Seminar-Workshop.

Pinangunahan ito ni Ma’am Ailyn A. Racionero, Secondary School Teacher III at Cluster 8 INSET Coordinator, na nagbigay-liwanag sa mundo ng Artificial Intelligence (AI) para sa edukasyon.

Sa paksa ng Session 3 na AI-Assisted Instructional Design, natutunan ng mga g**o kung paano magagamit ang AI upang gawing mas madali at mas malikhain ang paggawa ng mga aralin. Ang sesyon ay nagdulot ng pagkasabik habang ipinakilala ang mga makabago at malikhaing kasangkapan na maaaring makatulong sa mga g**o na makatipid sa oras nang hindi isinusuko ang kalidad ng pagtuturo. Hindi lang ito tungkol sa kaginhawaan—ito ay tungkol sa pagbago ng paraan ng pagtuturo.

Ngunit ang pinakatampok ng hapon ito ay ang Session 4 tungkol sa paksang Exploring AI Tools, kung saan naging makulay at masigla ang workshop. Sinubukan ng mga g**o ang mga AI-driven platform, lumikha ng interactive na ideya para sa leksyon, at ibinahagi ang kanilang pananabik na dalhin ang mga makabagong kasangkapang ito sa kanilang mga silid-aralan.

Para sa marami, ito ay isang sandali ng pagtuklas—ang pagkaunawa na ang teknolohiya ay hindi kapalit ng mga g**o, kundi kasangkapan upang sila’y mas mapalakas, mapagtibay at maging mas epektibo.

Habang natapos ang sesyon, damang-dama ang kasabikan. Ang 74 na g**o mula sa JTC Integrated School, Sta. Rosa Integrated School, at Bayugan 3 National High School ay hindi lamang dumalo sa isang seminar—sila ay aktibong humuhubog sa kinabukasan ng pagkatuto, gamit ang mga makabago at malikhaing solusyon sa pagtuturo.

Sa ganitong kasiglahan at determinasyon, tiyak na mas maraming tagumpay ang aasahan sa mga susunod na INSET sessions.

🖊️ Cherel R. Masalta

27/11/2024

TINGNAN

Sinimulan na ngayong umaga ng ika-27 ng Nobyembre 2024 ang tatlong araw na
ROSARIO CLUSTER 8 MID-YEAR INSET & Seminar-Workshop on Strategies and Innovations to Enhance Learner’s Achievement of Literacy and Numeracy, Critical, Creative and Higher Order Thinking Skills na ginanap sa Admin Conference Room ng Bayugan 3 National High School.

Kasama ngayong umaga ay si Ma’am Marlyn U. Dagupan- Master Teacher 1 ng JTC Integrated School bilang resource speaker tungkol sa paksang The Role of Instructional Planning in Delivering Effective Teaching and Learning (Unang Sesyon) and Introduction to 4As: A framework exploration (Ikalawang Sesyon).

Naging masigasig ang pagdalo rito ng nasa tinatayang 74 na g**o mula JTC Integrated School, Sta. Rosa Integrated School, at Bayugan 3 National High School.

26/11/2024

Matagumpay!

Ang delegasyon ng Bayugan 3 National High School ay matagumpay na kumatawan sa buong Rosario District sa Joint 16th Cong. Adolf Edward G. Plaza Invitational and 36th Council Scout Peace Jamboree, 2nd Cong. Alfelito M. Bascug Scout Rovermoot, 2nd Gov. Santiago B. Cane Jr. Scout Venture Camp, at 1st Ms. Patricia Plaza Kid and Kab Kawan Holidays and Olympics na isinagawa noong Nobyembre 21–24, 2024 sa Football Area, Naliyagan Ground, Prosperidad, Agusan del Sur.

Nakamit ng grupo ang mga sumusunod na karangalan:
🏕️ 3rd Place - Best Camp
🏕️ 3rd Place - Cleanest Camp
🔥 2nd Place - Subcamp Campfire (Secondary)
💪 3rd Place - Tug of War (Secondary)
🌟 3rd Runner-Up Overall - Provincial Jamboree 2024

Kabilang sa kanilang mga aktibidad ay ang knot tying, wig wag signaling, emergency response, basic formation and command, adventure trail, tree planting, tower building contest, at laro ng lahi.

Ang delegasyon ay binubuo ng 14 Senior Scouts, sa pangunguna ng kanilang 3 Adult Leaders:
👨‍🏫 G. Neugene Dellava
👩‍🏫 Gng. Gretel Gean Dellava
👨‍🏫 G. Jeffrey P. Alamillo

Kasama rin ang 2 Assisting Adult Leaders:
👨‍🏫 G. Anthony Longakit
👩‍🏫 Gng. Raquel P. Octaviano

20/11/2024

BSP ENCAMPMENT CORE MEMORY NG B3NHS SA GITNA NG HAGUPIT NI BAGYONG PEPITO

Ang langit ay madilim at tila nagbabanta habang ang mga scouts ng Bayugan 3 National High School ay nagtipon sa Municipal Tree Park para sa 3rd Municipal BSP & GSP Encampment 2024. Ang paligid ay may bahid ng kaba—hindi dahil sa hamon ng kompetisyon, kundi sa nararamdamang ihip ni Bagyong Pepito, na ang sentro ay halos abot-tanaw lamang, 145 kilometro mula sa campsite. Sa kabila ng nagbabadyang unos, walang takot na humakbang ang mga scouts, dala ang kanilang tapang, pagkakaisa, at diwa ng pagtutulungan.

Hindi nagtagal, bumuhos ang ulan, hindi mahinay kundi tila sinasabayan ang tibok ng bawat puso. Sa ilalim ng walang tigil na pagbagsak ng ulan, naging isang hamon ang bawat galaw. Ang mga tent ay nabasa, ang mga gamit ay hindi nakaligtas sa ulan, at ang ilang bahagi ng campsite ay binaha. Sa kabila nito, walang sinumang sumuko. Ang bawat scouts ay naging isang mandirigma ng ulan, nagpapatuloy sa kabila ng malamig na simoy at tila walang katapusang patak ng tubig mula sa kalangitan.

Sa fire building, hinamon ang kanilang kasanayan. Basang kahoy at malamig na hangin ang kanilang kaaway, ngunit sa tulong ng pagkakaisa, nagningas ang apoy—hindi lamang para sa kanilang kaligtasan kundi bilang simbolo ng pag-asa. Sa rice bamboo cooking at egg cooking, hindi naging hadlang ang ulan para makapagpatuloy sila. Sa bawat hiwa ng kawayan at bawat piraso ng uling, ipinakita nila ang husay at dedikasyon.

Ang ulan ay hindi rin nakapagpigil sa kasiyahan ng mga scout. Sa talent show at comical skit, nagmistulang araw ang mga ngiti at halakhak na umalingawngaw sa campsite. Sa knot tying at tower building, ang mga kamay na basang-basa ay nagpatuloy sa paglikha ng mahigpit na buhol at matatayog na istruktura—patunay ng tibay ng kanilang samahan.

Sa kabila ng lahat, ang gabi ng campfire ang naging pinakatampok. Sa ilalim ng madilim na ulap, ang mga apoy ng bawat pangkat ay nagbigay-liwanag at init sa basaang paligid. Sa bawat kanta at kwento, tila nawala ang lamig at hirap ng nagdaang araw. Ang mga scout at kanilang mga adult leaders, pinangunahan nina G. Neugene D. Dellava, Gng. Gretel Gean N. Dellava, Gng. Juvy T. Caduyac, G. Jeffrey P. Alamillo, at G. Fred N. Delector, ay nagtipon sa paligid ng apoy, ipinagdiriwang hindi lamang ang mga parangal na kanilang natamo, kundi ang tagumpay ng kanilang pagkakaisa.

At ang kanilang mga karangalan? Narito:
🥈 Ikalawang Pwesto sa Fire Building, Knot Tying, Rice Bamboo Cooking, at Comical Skit
🥉 Ikatlong Pwesto sa Tower Building

Ngunit ayon kay Gng. Gretel Gean N. Dellava, “Ang pinakamalaking gantimpala ay ang mga aral na natutunan namin. Ang ulan at unos na dala ni Bagyong Pepito ay hindi hadlang kundi hamon upang ipakita ang aming lakas at samahan.”

Sa kanilang pagbabalik, dala-dala ng bawat scout ang hindi malilimutang kwento ng tapang at determinasyon. Ang bawat patak ng ulan ay naging bahagi ng isang kwento—isang kwento ng tagumpay sa gitna ng unos. Hindi lamang ito tungkol sa mga tropeo kundi tungkol sa kung paano, sa ilalim ng ulan at sa gitna ng baha, nagniningning ang diwa ng scouting—matatag, magiting, at handang harapin ang anumang hamon ng buhay.

🖊️ Cherel R. Masalta, School Paper Adviser - Ang Bugtong Bukid
📸 Gretel Gean Dellava, Adult Scout Leader

16/11/2024

B3NHS Radyo Abantero

Scriptwriting and Radio Broadcasting -Filipino
🥈Silver Medalists Best in Broadcast Production
🥇Gold Medalists Best in Infomercial

Jippy Peralta as News Anchor 1
Jilly Joy Carpe as News Anchor 2
Rolyn Joy Nacario as News Presenter 1
Princess Tinambacan as News Presenter 2
Rhean Sanchez as Infomercialist
Angel B. Ladao as Time Keeper
Eann Baliña as Technical Director

Coach: Cherel R. Masalta.
Asst. Coaches: Anthony L. Longakit & Miriam Jan Mae Eduria

16/11/2024

APT APT APT

16/11/2024

Buong pagmamalaking inihahandog namin sa inyo ang mga tagumpay na nag-uwi ng korona bilang Mister at Miss Bayugan 3 National High School 2024. Ang bawat gantimpala na kanilang nakamit ay hinding hindi mapapantayan ang pagsisikap at paghahanda na kanilang ginugol para sa gabing ito. Maligayang bati para sa lahat❣️

16/11/2024

"Bayugan 3 NHS- ang nakakubling Tahanan ng kahusayan at talento! 💫 Ipinamalas ng ating mga mag-aaral ang kanilang natatanging galing sa sayaw at musika, patunay na ang bawat indibidwal ay kayang magningning sa anumang larangan ng pagalingan🎊

16/11/2024

Tunay na nakakamangha ang bawat galaw at ritmo! 🎶 sa ginanap na 24th Founding Anniversary ng B3NHS sa ipinamalas ng apat na pangkat na husay sa sayaw—isang pagsasanib ng talento, sigla, at pagkakaisa sa kani-kanilang Rhythmic Activity performance.

15/11/2024

Tunghayan ang makulay na parada bilang selebrasyon sa ika-24 na kaarawan ng Bayugan 3 National High School🎉

13/11/2024

Isang makasaysayang tagumpay ang naitala ng mga Batang Mamamahayag o Campus Journalists, School Paper Advisers at Coaches ng Bayugan 3 NHS sa katatapos na Municipal Schools Press Conference 2024! Sa bawat tinta ng bolpen, kuha ng kamera, at tipa ng keyboard, nagpakitang-gilas ang 30 batang manunulat sa iba't ibang larangan ng pamamahayag. Nag-uwi sila ng 9 Ginto, 8 Pilak, at 4 na Tansong Medalya—patunay ng kanilang husay at dedikasyon sa kanilang iba’t ibang timpalak na sinalihan. Mabuhay ang mga baguhan lamang ngunit kinaya ang hamon ng dyornalismo pampaaralan!
"

Editorial Writing
English - Angel Cris Canino -Gold (DSPC Qualifier)
Filipino - Jovyna A. Parcon - Bronze
Coach: Cherel R. Masalta

Column Writing
English - Arnelyn Canabe -5th
Filipino - Bianca Trongcoso - Silver (DSPC Qualifier)
Coach: Cherel R. Masalta

Cartooning
English - Kyla Mae Caligdong - 4th
Filipino - Jilliah Tabita - Bronze
Coach: Ailyn A. Racionero

Science & Technology Writing
English - Mekaela L. Gabo -4th
Coach: Cherel R. Masalta

Sports Writing
Filipino - Honey Bee B. Arcibal - Bronze
Coach: Cherel R. Masalta

News Writing
English - Jullianne Cubillas - 5th
Filipino - Levi Jill Almosura - Bronze
Coach: Ailyn A. Racionero

Photojournalism
English - John Parth Sinon - 4th
Filiipino - Arriane Caser - 4th
Coach: Irise Joy A. Derro

Feature Writing
English - Kieth Nicole Delector - 5th
Filipino - Queen Mary Masalta - 4th
Coach: Ailyn A. Racionero

COLLABORATIVE DESKTOP PUBLISHING Filipino
Gold Medalists (DSPC Qualifiers)

Team Members:
Jahzel Dizon - News writer
Kristine Canabe- Feature Writer
Angelica Ruba - Editorial Writer
R-Jay Wicas - Cartoonist
Shaina May Padayag - Photojournalist
Alfred D. Limpag - Sports Writer
Vone Vyomes Quicos - Layout Artist
Coach: Cherel R. Masalta

SCRIPTWRITING AND RADIO BROADCASTING
2nd Best in Radio Broadcasting Simulation - 7 Silver Medalists
1st Place Best in Infomercial - 2 Gold Medalists

Team Members:
Jippy Peralta - News Anchor 1
Jilly Joy Carpe - News Anchor 2
Rollyn Joy Nacario - News Presenter 1
Princess Tinambacan - News Presenter 2
Rhean Jean Sanchez - Infomercialist
Ean Baliña - Technical Director
Angel Ladao - Time Keeper and Floor Director
Coach: Cherel R. Masalta

Maraming Salamat po sa buong pusong suporta Sir Voit D. Quicos - School Principal III, Ma’am Rosyjane Q. Quicos - Assistant Principal Designate in Academics and Ma’am Raquel P. Octaviano - Assistant Principal Designate in Operations and Learners Support.

Maraming Salamat din po sa aming mga butihing Sponsors ng aming Campus Press Tshirts, Registration Fees at bagong Speaker na sina Engr. Ferdinand A. Cortes, Ma'am Estrellita Patubo, Sir Ruben Suaybaguio, Sir Rex Fuentes, Ma'am Neneng Fuentes, Ma'am Jen Quintana, Ma'am Mayat Gonzales, Sir Menio Orculo, Sir Jose T. Cuyos Jr. , Sir Boyet Quintana and Sir Rogie V. Alimes.

Sa ngalan ng aming paaralan, Bayugan 3 National High School at mga mag-aaral, isang napakalaking salamat po sa inyong iniabot na tulong pinansyal.