Ang Aking Buhay

24/12/2024

Piece of advice
Madali kang mangutang dapat madali ka ring magbayad... Huwag mong pahirapang maningil ang taong nagtitiwala sa iyo. Di mo alam kung ano ang kanyang isinakripisyo nong panahong pinautangan ka niya. Huwag mong panghahawakan ang pinagsamahan ninyo. kaibigan, kababata, kamag anak, kapatid o kahit karelasyon, Always settle your obligations on time. Bukod sa pinaghirapan yan ng nagpautang sa iyo, mahalaga din kung paano ka maging responsable at trustworthy sa mga pangako mo.
Tandaan, maging responsable sa pagbabayad ng utang upang makaulit kapag nangailangan

20/12/2024

14/12/2024

Smile lang...

01/12/2024

Ang buhay ay hindi madali para sa lahat. Marami sa atin ang dumaranas ng hirap. Subalit lahat tayo ay binibigyan ng pagkakataon. Pagkakataon kung paano malalampasan ang mga suliranin, nasa ating sariling paraan kung paano pagaanin ang mga dalahin, kailangan lang nating maging masaya at magpatuloy sa nga lakbayin at doon mo makikita na ang lahat ng paghihirap ay may hangganan. Huwag sumuko sa mga pagsubok dahil dito makikita ang tibay ng loob .

29/11/2024

Huwag mong kainggitan ang taong umaangat ang buhay dahil hindi mo alam kung gaano kahirap ang kanyang mga naranasan bago nakatikim ng kaginhawaan.
Magsikap ka rin at maging mapagpakumbaba, para ikaw din ay pagpapalain ng Amang lumikha.

19/11/2024

Ang taong mapagmataas ay laging minamalas.
Ang taong mapagpakumbaba, laging pinagpapala.
Anuman ang narating mo dapat matuto ka pa ring rumespeto sa kapuwa-tao.

17/11/2024

Ang katrabaho kong perpek

Mayron akong katrabaho doon sa opisina
Ang kaniyang ugali sadyang kakaiba
JOLLIBEE kung tawagin pagkat laging bida
Ayaw masapawan ayaw ng kinokontra.

Minsa'y MANILA PAPER ang kanyang galawan
Mahilig pumapel kahit ano na lang
Madalas ding POZO NEGRO sipsip nakahiligan
At laging nagda-DOWNY pabangong mapanlinlang.

May mga sandaling OROCAN ang asal
Mapagkunwari sanay sa kaplastikan
Gamit ay PRIDE BAR gusto'y nasa kaitaasan
Ayaw magpakumbaba kahit may kamalian.

03/11/2024

AASA PA BA ANG PUSO?

Paano kita makakalimutan
Kung pagpikit ng mata
Nakikita ang iyong larawan
Bugso nitong damdamin
Hindi ko maintindihan
Pilit bumabalik ating nakaraan.

Ang sakit na iyong ipinadama
Puso ko'y iyong sinugatan
Ibinaon sa limot
Upang kirot ay maibsan
Hinanakit sa puso'y wala ng naiwan
Tanging masasayang ala-ala
Ang narito sa kaibuturan
Ang iyong pagbabalik aking inaasam-asam.

Subalit ang tadhana ay sadyang mailap
Sa panaginip na lamang nagku-krus ang ating landas
At doo'y magkaulayaw
Sumasayaw sa galak
Sa paggising ng diwa
Luha sa mata'y pumapatak.

Nais ko mang ibaling sa iba ang pansin
Ngunit ako'y bigo kahit anong gawin
Ika'y nag-iisa dito sa aking damdamin
Ako'y magbabaka- sakali
Na muli kang dumating.

Aasa pa ba itong puso ko
Kahit batid kong ika'y napakalayo
At may ibang pagsinta at kasuyo
Sa pangarap na lang ako ang iyong kasalo.

02/11/2024

Ikaw ang aking lakas.
Kapag nanghihina isipin ko lang na nariyan ka ako'y sumisigla.
Ikaw ang aking pahinga
Sa mga sandaling nakakaramdam ng kapaguran makita ko lang na masaya ka gumagaan na ang pakiramdam
Ikaw ang aking kapayapaan.
Sa tuwing isip at puso'y nagugulumihan isang ngiti mo lang kalmado na ang aking kapaligiran.
Ikaw ang karugtong ng buhay ko.....

31/10/2024

Malinis at tahimik na kapaligiran, bukas pagkatapos ng undas, siguradong kalat ang basura ng mga taong walang disiplina at ang mindset nila may janitor na binabayaran. Sana kahit sa munting paraan, ipakita ang disiplina at pagtutulungan upang umangat ang kalidad ng bawat mamamayan.

30/10/2024

Napakahusay ang dulot ng pagiging kalma sa lahat ng oras. Hindi ka mai- stress, hindi ka makakaramdam ng galit, pati puso mo naka-relax at nakakahinga ka ng maluwag.... subukan mo rin kaibigan, makakaramdam ka ng katahimikan ng buhay.

30/10/2024

Proud ako kung ano ako, hindi sa mga bagay na meron ako.

28/10/2024

Mahalin at pahalagahan ang trabahong pinagkukunan mo ng pang kain araw -araw. Huwag mong ikahiya ito lalo na at marangal. Huwag kang magdamdam kung anuman ang estado ng iba, isipin mo lahat tayo ay pantay-pantay.
゚