19/08/2024
Pagpupugay sa Ama ng Wikang Pambansa
Ngayong ika-19 ng Agosto, ipinagdiriwang natin ang Araw ni Quezon, bilang paggunita sa ika-146 taong kaarawan ni Manuel L. Quezon, ang ikalawang pangulo ng ating bansa at ang kinikilalang Ama ng Wikang Pambansa.
Ayon sa Republic Act no. 6741, ang Agosto 19 ay idineklara bilang araw ng pagdiriwang sa kanyang kaarawan sa lungsod at lalawigan ng Quezon, pati na rin sa probinsya ng Aurora.
Hindi natin maitatanggi ang malaking ambag ni dating Pangulong Quezon sa kalayaan na tinatamasa natin ngayon. Siya ang naglatag ng pundasyon ng isang malayang Pilipinas. Pinag-isa niya ang mga Pilipino, binigyang-halaga ang edukasyon, at itinaguyod ang paggamit ng wikang pambansa.
Ang wikang pambansa ay hindi lamang isang kasangkapan sa pakikipag-usap, kundi isang simbolo ng ating pagiging Pilipino. Sa bawat salita, sa bawat parirala, nagpapakita tayo ng ating sariling pagkakakilanlanโisang pagkakakilanlan na malaya at tunay na atin.
Sa pagdiriwang ng Araw ni Quezon, dapat nating tandaan ang kanyang mga ipinaglabang adhikain at magsikap na maging mga tunay na Pilipino na nagmamahal sa ating bansa, sa ating wika, at nagsusumikap para sa pag-unlad nito.
Patuloy nating paunlarin at gamitin ang ating pambansang wika.
Wikang Filipino, Wikang Mapagpalaya!
//panulat ni Rhenz Eduard Munda
//paglalapat ni Ann Hanyzel Delos Reyes