Bisayang Balita

WATCH | SUSPEK NGA NANUNGGAB SA SEKYU, NA-EMOSYONAL ATOL SA PAGDUAW SA ANAK | Report ni: Troye Moreno #BNewsMindanao #BisayangBalita2025

ENVIRONMENTAL FEE SA SAMAL HINGPIT NA DIAY NGA GIWALA NI MAYOR UY? Sa viral video post ni iDol Randy Cañedo, makita ang mga maningila'y og environment fee (EUF) sa entrance sa nahisgutang isla. Sumala ni iDol Randy, nga hingpit na diay kining giwala ni Mayor Uy ang pagpaningil og (EUF). Gilimud sab kini sa babaeng naka-assign sa area nga wala kini gipahunong sa Mayor, ug gani 'selected' lang matud pa sab ang mga resort nga nagapaningil. Tungod sa maong video, nakaani kini og nagkadaiyang reaksyon ug komento gikan sa mga netizen. Unsa'y masulti nimo bahin niini, Higala? Atangi ang dugang detalye sa balita dinhi sa #BNewsMindanao! via | TM, Reporter. #BNewMindanao #BisayangBalita2025 📹: Randy Cañedo/Facebook

DENNIS TRILLO, NIBALIK NAPUD PAGBUHAT OG MGA FUNNY VIDEOS Mibalik nasab pagbuhat og mga funny contents sa social media ang aktor nga si Dennis Trillo. via | Troye Moreno, Reporter. #BNewsMindanao #BisayangBalita2025

LALAKI PATAY HUMAN GIBUNAL-BUNALAN OG TUBO DIDTO SA NEGROS ORIENTAL Patay ang usa ka lalaki human kining gi-atngan ug dayong gibunal-bunalan og tubo, kaganinang buntag, gawas sa usa ka tindahan, didto sa Tabo-o, Libertad, Misamis Oriental. Giila ang biktima nga si Alfonso Bahian Ragmac, hingkud ang panuigon, ug residente sa lugar. Samtang ang suspek nailang si Alyas "Boloy", hingkud sab ang pangidaron. Sa report, giingong mupalit lang unta og sigarilyo sa tindahan ang biktima, apan sa wala damha, gi-atangan diay kini sa suspek ug didto na nahitabo ang mangilngig nga krimen. Sa karon, hustisya ang singgit sa nahibing pamilya sa lalaking namatay. Samtang ang suspek, daling naka-ikyas human sa iyang gihimo. Hinoon, naglusad na og hot pursuit operation ang kapulisan, aron daling masikop ang suspek. Atangi dinhi ang kompletong detalye sa balita sa #BNewsMindanao! via | Troye Moreno, Reporter. #BNewsMindanao #BisayangBalita2025

UGANGAN, GIKULATA SA UMAGAD DIDTO SA DAVAO DE ORO Davao de Oro — Samaran ang usa ka ugangan human kini giayo og dumog sa umagad niini, karon lamang adlawa, Enero 17, 2025. Giila ang duha nga sila si Devina Sandoy, hingkud ang panuigon, (ugangan), ug usa ka Lacy Tunulac, nga umagad niini. Sa report, giingong duna'y panag-away ang duha ug didto nasab misangpot na sa ilang panag-bugno. Madunggan pa sa video ang paghilak sa bata human giayo og lamba lamba sa yuta ang iyang lola. Nahitabo ang insidente sa may Elizalde, Maco, Davao de Oro. Base sa inisyal nga report, naka-blotter nasab daw sa kapulisan ang maong insidente. Sa kasamtangan, anaa karon nagpaalim sa iyang samad nga nahiagoman ang ugangan. Atangi dinhi ang kompletong detalye sa balita sa #BNewsMindanao! via | Troye Moreno, Reporter. #BNewsMindanao #BisayangBalita2025

MGA PASAHERO NAGKAGULIYANG SULOD SA BUS SA KAPUTIAN IGACOS TERMINAL! Davao City — Nakuhaan og video sa usa ka netizen ang pipila ka mga pasahero nga nagkaguliyang sulod sa bus, kay nag-unhanay og sakay. Nahitabo kini kagahapong adlawa, Enero 05, 2025, sa Kaputian terminal, Island Garden City of Samal (IGACOS), Davao del Norte. Makita sa video nga nagtinulakay, ug daw nagdumog pa ang uban sulod sa bus kay nag ilog sa lingkuranan. Kini matud pa ang unang higayon nga nahitabo kining kagubot sulod sa bus. "Mauna sa Bus 🚌 Terminal OR Paunhanay Ug sulod sa Bus 🚌? 1st time jud daw ni nahitabo sa Kaputian Terminal masking unsa pa ka daghan ang pasahero, ana tong Driver na among na Sakyan" — caption sa Facebook post ni Ale Leur. Dugang pa sa netizen nga si Ale, naundang ra hinoon ang panaglalis, ug nakauli ra kini nga hapsay ug malinawon. Unsa'y ikasulti ninyo niini, Higala? #BNewsMindanao #BisayangBalita2025 via | Troye Moreno, Reporter.

BABAENG NAG-ALA 'GTA VERSION' ATOL SA IRONMAN 70.3 DAVAO, SA PRISOHAN NA NAKA- EEY EEY! #BNewsMindanao #BisayangBalita

SKYGO 150 GIKAWAT SA PANABO CITY! TAG-IYA, NAGPAKITABANG! Nanawagan karon si Alvin Duyag ug Apple Moreno ngadto sa publiko labot sa ilang SkyGo 150 nga motorsiklo nga gikawat pasado alas-2 kagahapon sa kadlawon sa may Gredu, Panabo City, Mayo 20, 2024. Sa report, giparking lang ang motor sa gawas sa ilang boarding house sanglit wala'y parkinganan ang maong dapit. Alas-2 sa kaadlawon kagahapon, makita sa CCTV footage nga kuha sa lugar ang naka-itom nga lalaki kinsa sakay sa usa ka motor nga gimaneho sa naka yellow nga lalaking kauban niini. Dihang miabot na sa maong dapit, minaug ang naka-itom ug misulod sa dalan kon hain ang mga motorsiklo gipang-park. Pipila ka minuto ang milabay, migawas na ang naka-itom ug gi-drayban na ang motorsiklo. Nakuha sa mga kawatan ang usa ka SkyGo 150, samtang gawas pa niana, laing usa ka motor sab sa naasoy'ng lugar ang gipangkuhaan og kagamitan. Gisaysay sa mga biktima ang nahitabo ug giingon niining wala'y plate number ang ilang motor nga gikawat, apan duna sila'y timailhan sanglit lumping matud pa ang tangke sa motorsiklo. Hinoon, naka-blotter na ang maong insidente, apan padayon gihapon sa karon ang pagpanawag og tabang sa mga biktima. “Pls ko iuli na ninyo 😭 Tabangi ko ninyo kinsay nkaila atung mga Lalaki nga nakaitom UG naka yellow 😭😭 Malooy mo saakua,Mao RJD tawun na akong tigom sa pagtrbaho 😭😭” “Paki share ko please UG paki report po 😭😭 Alas 2 sa kadlawun Jd ni nahitabo po dri sa may 711 sa UM po.” “Duha ni sila ka mga Lalaki Bali ang Kanang naka yellow nga XRM ang motor Mao nay look out Niya.” — caption sa post sa mga biktima. iDol, kon kamo aduna'y kasayuran sa nahitabong pagpangawat diha sa Panabo City o diba kaha nakaila mo sa mga indibidwal nga anaa sa video, mamahimong mu-report sa kapulisan sa Panabo City. | via Troye Moreno, Reporter. Daghang salamat ug Maayong Adlaw! 🙏🏻 #BNewsMindanao #BisayangBalita2024

BRANDED UKAY-UKAY SA DIGOS CITY, GITULIS? Reporter: Troye Moreno, #BNews #BNewsMindanao #BisayangBalita2024 #DigosCity

INAHAN GIAYO OG KULATA SA IYANG ANAK! MGA PAG UMANGKON GIAPIL! Sa prisohan na naghinilak ug nagbasol ang usa ka 'way puangod' nga anak, human sa iyang gibuhat nga pagkulata sa kaugalingon niyang inahan ug mga pag-umangkon niadtong nakalabay'ng adlaw sa may Baryo Surop, Sigaboy, Gov. Gen., Davao Oriental. Abril 16, 2024. Sa video nga kuha ni Jenny Brigoli, netizen, giayo pagkula ang inahan, gisumbag, gitadyakan ug uban pa, wala pa makontento ang lalaki ug giapil pa ang iyang pag-umangkon. Ang biktima giilang si Alyas "Tapang" residente sa naasoy'ng lugar. Human sa iyang gibuhat sa kaugalingon niyang inahan ug mga pag-umangkon, gipadakop mismo sa inahan ngadto sa kapulisan ang iyang anak nga si Alyas "Tapang". Makita sa ikaduhang video, nga grabe ang iyang pag panawag sa iyang inahan dihang gisud na kini sa prisohan. Nagpabaga sa iyang nawong ang lalaki nga nangayo og pasaylo ug buot niining pakonsensyahon ang iyang inahan nga aron siya buhian. Gihingusgan sa inahan nga magmagahi kini ug dili na niya buot buhian ang iyang anak ug ipabilanggo gyud niya kini tungod sa nabuhat niini. Higala, unsa'y inyong masulti bahin niini? angay ba nga buhian ang lalaki nga nagulata sa iyang kaugalingong inahan? #BNewsMindanao #BisayangBalita2024 via | Troye Moreno, Reporter.

DUHA (2) KA PANDAY, GIPAMUSIL-PATAY SA PANABO CITY! Panabo City, DDN — Patay ang duha ka mga panday human gipamusil sa duha ka mga armadong lalaki, pasado alas-2 ang takna kagahapon sa hapon sa may Purok Nido, Brgy. New Pandan, Panabo City, Davao del Norte. Lunes, Abril 15, 2024. Giila ang mga biktimang namatay nga sila si Oldario C. Guisongan, 55-anyos, residente sa Barangay Cagangohan, ug usa ka Napoleon Caresosa, 53-anyos, residente sa Barangay New Pandan, Panabo City, ug pulos mga panday. Sa report, samtang nagtrabaho ang duha, duna'y duha ka lalaki nga miduol kanila, nakasul-ob og itom nga jacket, naka-bonnet, ug dihang naghaduol kini, kalit mikuha og pistola ug gipamusil ang duha. Human sa insidente, misibat ang mga suspetsado sakay sa usa ka Honda XRM 125 nga motorsiklo ug wala na masayri kon hain ang direksyon. Tungod sa panghitabo, nakahiagom og daghang samad pinusilan ang duha partikular na sa likod nga bahin, liog, agtang, ug uban pa, nga miresulta sa ilang hinanaling kamatayon. Sa pagkakaron, padayon ang gihimong imbestigasyon sa otoridad ug pagpanuta kon unsa ang insaktong hinungdan ug ang motibo sa mangilngig nga krimen. #BNewsMindanao #BisayangBalita2024 via | Troye Moreno, Reporter.