Gana Ka sa Totoo

Gana Ka sa Totoo Sa totoo, pirmi kitang gana. Kaya dai magpadara, dai maribong, asin dai magpaloko.

An magadan para sa iba asin para sa nasyon.Ngonian na aldaw tigrurumdom ta man an gabos na sakripisyo kan satuyang mga b...
26/08/2024

An magadan para sa iba asin para sa nasyon.

Ngonian na aldaw tigrurumdom ta man an gabos na sakripisyo kan satuyang mga bayani na nakipaglaban para sa katotohanan asin katingkalasan kan mga Pilipino sa mga mapang api na elemento.

Nungka man kinaipuhan magadan para sa satuyang nasyon, alagad sa sakripisyo pa sana kan ibang tao para maparahay an kalidad kan buhay kan iba, makukunsidera naman sindang bayani sa sadiri nindang paagi.

Nagbubungog-bungugan, pinapaliman-limanan, o may tinatago?Hanggang dae klaro sa tao an totoo, pad***s na igwa man nangga...
26/07/2024

Nagbubungog-bungugan, pinapaliman-limanan, o may tinatago?

Hanggang dae klaro sa tao an totoo, pad***s na igwa man nanggad lamat sa imahe kan mga nakatukaw sa mga isyu na dae ninda masimbagan. Igwa naman kuta nin pormal na proseso para patotohanan o pahimutikan an mga isyu, alagad iyo pang gayo ini an pinapapundo.

Kun mayo man tinatarago, dae man kuta pa kaipuhan ipapundo, alagad nagkakaigwang impresyon na may tinatago an mga opisyal na nakatukaw.

Siring man kun dae malinawan an mga tao sa mga isyu, magpapad***s sana man an mga isyu asin an mga impresyon kan tao na dae marhay an lokal na gobyerno.

Madaling sabihon na gustong pahimutikan an mga isyu, alagad nasasakitan iagi sa tamang proseso? Sa presenteng administra...
12/07/2024

Madaling sabihon na gustong pahimutikan an mga isyu, alagad nasasakitan iagi sa tamang proseso? Sa presenteng administrasyon ni Mayor Nelson Legacion, masasabing gabos talaga malinig asin marhay an intensyon?

Mapa oversight committee hearing man o WeSolve, dae man nanggad nawawara an mga naging problema sa proseso kan gobyerno alagad imbes na dangugon asin intindihon an mga suhestiyon, binabalanggo asin tinatawan pang malisya.

Kun igwang pagdududa, bukaan kuta an imbestigasyon na sarong tama na proseso para pahimutikan asin patotohanan an mga isyu. Kun mayo man itinatago, madali lang kuta nang ibalik liwat an oversight committee hearing o maski dae na kuta pinapundo ini sa kapinunan pa sana.

Imbes na simbagon an mga isyu kun totoo o dae, an nagigin kasimbagan an pagsahot asin pagtao nin malisya sa mga may intensyon lamang na iagi sa tamang proseso an gabos. Ini kaya an gustong palawigon asin paurugon sa ciudad?

Habong magkundisir nin imbestigasyon, alagad an imbestigasyon na ginibo kan ibang grupo, tinatawanan malisya.Sarong meka...
12/07/2024

Habong magkundisir nin imbestigasyon, alagad an imbestigasyon na ginibo kan ibang grupo, tinatawanan malisya.

Sarong mekanismong binuo kadto an NCPC para magmato asin maiayos an dalagan kan gobyerno, alagad ngunyan na panahon ni Mayor Nelson Legacion tinatawanan malisya urog na kun dae paborable an resulta.

Naturalesa man kan mga tao na maghagad nin kasimbagan urog na sa mga magagabat na alegasyon na naibintilar sa presenteng administrasyon. Siring man, mahanap an mga tao nin pwedeng masarigan para magkundisisr nin ma fact-finding.

Alagad imbes na magkaigwa nin paninimbagan asin inisiyatibo an gobyerno para iagi sa tamang proseso an imbestigasyon, pinapundo pa lugod. Iyo ini an gustong paurugon pa kan mga Nagueño? An gobyernong pinipili sanang ipahiling an marhay asin pirit na tataguon an mandata na dae natatawanan nin kalinawan?

Kadakol problema na dapat simbagon an ciudad, alagad mas nagin prayoridad an pagkuwestiyon sa kredibilidad asin mga dato...
11/07/2024

Kadakol problema na dapat simbagon an ciudad, alagad mas nagin prayoridad an pagkuwestiyon sa kredibilidad asin mga datos na dae tugma sa dokumentos kan mga nasa opisina kan gobyerno lokal kan Naga?

WeSolve na mismo an mga nakahiling nin pagkukulang sa panahon ni Mayor Nelson Legacion asin kadakol man na pagkukulang na nahiling an WeSolve arog sana man kan kasilagan asin kun tano nakaaapektar ini sa datos man na nakukua bako lang sana man kan WeSolve, kungdi kan mga Nagueño naman.

Dakol presente asin balidong mga isyu an nahiling kan WeSolve na igwa man rekomendasyon na tinatao, alagad mas ininot pang tawanan malisya an presentasyon. Bakong trabaho kan sarong marhay na gobyerno an magpakumbaba sa kun ano man na pagkukulang na dae ninda nagigibo asin tukaron an isyu? Kumpara sa pagtukar kaidto kan lokal na gobyerno kan Naga sa isyu, mas pinipili pa ngunyan atakihon an mensahero kan problema lugod sa irarom kan administrasyon ni Mayor Nelson Legacion.

An WeSolve, sarong NGO kun sain nungka man ini magkakaigwa o mag aaspirar sa politika nin huri ta iyo ini an mandato kan...
11/07/2024

An WeSolve, sarong NGO kun sain nungka man ini magkakaigwa o mag aaspirar sa politika nin huri ta iyo ini an mandato kan mga NGO. Siring man kaini, nabuo man an WeSolve sa intensyon na makatao nin sistematikong pagaadal asin rekomendasyon sa mga gobyerno para sainda man ining sunudon o dae. Alagad, dawa NGO, tinatanan nin malisya asin kulay pulitika kan presenteng administrasyon kan Naga.

Dae naman ini bago urog naman sa panahon ni Mayor Nelson Legacion na pag dae uyon sa saiyang administrasyon, awtomatiko nang sala asin d***s na pinapahupa an isyu kumpara sa pag ako asin pagtaong paninimbagan sa mga kakulangan.

Bakong arog kaidtong panahon na kun igwa man mga sala sa pagpapadalagan, mas iinuton kan LGU Naga kaidto na ayuson an problema asin kun may dae man katotohanan sa mga sahot, dae man nagtataong reaksyon an gobyerno urog naman kun naibubuyangyang ninda nin buo an gabos na dokumentos kan gobyerno.

Nasa administrasyon man ni Mayor Nelson Legacion naman kung aakuon an mga suhestiyon kan WeSolve Foundation o dae, alagad magigin panalmingan man ini sa kung anong klaseng pag gubernar an pinapaurog sa ciudad.

Sangguniang Panlungsod na dae masanggunian kan mga tao?Trabaho kan Sanggunian an magmato sa ibang sanga kan gobyerno uro...
10/07/2024

Sangguniang Panlungsod na dae masanggunian kan mga tao?

Trabaho kan Sanggunian an magmato sa ibang sanga kan gobyerno urog naman kun igwang mga anomalya. Asin ngonyan na kaipuhan man gibuhon an saindang funksyon, saka man ninda dae gigibuhon asin ipapasa sana sa iba. Iyo an nagluluwas na eksena sa mga Nagueño sa paglaog kan WeSolve sa ciudad na kahagadan kan NCPC.

Pano pa man masabi na eficiente an pagtrabaho kan Sanggunian kun hanggang sa onra asin uyon sana sa administrasyon sinda mahigos magtrabaho asin tuninong pag pinapasimbag sa mga isyu sa ciudad nin Naga.

Sayang kumbaga bako lang sana an boto, kungdi an tiwala naman kan mga tao. Madaling pahimutikan sana an mga isyu kun mayong gusot asin silag an konseho, alagad baliktad man an gusto kan mayoriya kan konseho. Bakong dapat an konseho an nangengenotan sa pag aram asin pag proseso kan mga alegasyon? Asin kun talagang naninindugan man sa kasilagan asin paninimbagan an lokal na gobyerno, katabang pa kuta ninda an WeSolve sa proseso kan oversight committee hearing.

Dae man nagigin patago asin nagpapasang responsibilidad kaidto an mga opisyal sa Naga nin huri ta nagtutubod sinda na kaipuhan an paninimbagan sa mag tao, alagad ngunyan na panahon ni Mayor Legacion, kaipuhan ipasa an obligasyon sa iba?

Napagaraman kan WeSolve foundation sa pagkakalap ninda kan mga impormasyon sa mga pinapatugdok na classrooms kan gobyern...
10/07/2024

Napagaraman kan WeSolve foundation sa pagkakalap ninda kan mga impormasyon sa mga pinapatugdok na classrooms kan gobyerno lokal, nahiling man na igwang 17%-34% na diperensya sa pinapagibong classrooms kan mga pribadong sektor. Kumabaga mas mahal an pinapagibo kan LGU Naga kun ikukumpara sa mga pirbadong sektor sa irarom kan administrasyon ni Mayor Legacion.

Klarado man sa parte kan WeSolve na an datos nagkakaiba nin huri man sa mga kagamitan asin sukat kan classrooms an binabasehan kan gastos sa pagpapagibo kaini. Alagad, dae man klarado sa publiko an aktwal na kalkulasyon dawa sabihon na may mga iba pang mga kagamitan na kabali sa pagpapagibo kan classroom.

Mayo man maraot kun dakol an kaiba sa pagpapagibo kan mga classroom, alagad dae man sapat na sabihon sana na igwang mga idinagdag kun dae silag na maray sa publiko an kalkukasyon para masabing tama an pagkakagastos sa fondo urog naman ngunyan sa presenteng administrasyon ni Mayor Legacion na kadakol man an dae silag pa sa publiko na mga dokumento.

Maluyang pagplano, maluyang pag-gubernarPirang beses na nahilingan an ciudad nin Naga na nagbabago nin plano sa pinag-ga...
05/07/2024

Maluyang pagplano, maluyang pag-gubernar

Pirang beses na nahilingan an ciudad nin Naga na nagbabago nin plano sa pinag-gagastusan asin nagigin indikasyon naman ini bako lang sa kaluyahan kan pagplano, kungdi sa serbisyo naman.

Ano pa man ta magkakaigwa pa nin City planning kun ini babaguhon man nanggad pakatapos na kan mga pagorolay? Kun uugkuron, parte man kan tigfofondohan pa kan publiko an pagpapaplano asin indikasyon kan maluyang pagpaplano an dae maayos na pag gamit kan fondo para sa mga taong nasa likod kan pagpaplano kan mga programa asin proyekto kan ciudad.

Siring man kaini, bako lang sana man sa City Planning ini nangyari, kungdi sa mga magkapirang proyektos kan ciudad kun sain inilipat an fondo para sa ibang proyekto.

Mayo man maraot kun igwang mga pagbabago sa mga plano minsan, alagad an problema naluwas kun nauutro sa nauutro na an pagbabarago kan plano.

May kulang pa nanggad sa deliberasyon o may iba pang motibo sa pabarabagong plano?

Bilang parte man kan responsibilidad kan Sanggunian na iyong mangengenotan na magmato asin magfunksyon para maasegurar n...
04/07/2024

Bilang parte man kan responsibilidad kan Sanggunian na iyong mangengenotan na magmato asin magfunksyon para maasegurar na an trabaho kan gobyerno nagigibo pa, kuta naman na an Sanggunian an mismong nangengenotan sa pagmato urog na an pag funksyon ninda sa oversight bago pa man ini mainisiyar kan ibang grupo.

Alagad sa nangyayari ngunyan sa Sanggunian kan ciudad nin Naga, imbes na ipad***s an saindang mandato na magmato, ipinasa pa ninda ini sa grupo na mayo man funksyon na agid sa konseho.

Siring man, kun igwa man pagkukusa asin pursigido an konseho sa kasilagan asin paninimbagan, dae man kuta ninda pinapundo sa kapinunan an oversight committee hearing na pormal asin sistematikong funksyon para pahimutikan asin patotohanan an mga isyu na nakakapalibot sa ciudad.

Kun arog kaini an konseho, masasabi kayang dae nasasayang an boses asin boto kan mga tao urog naman ta ngunyan dae namamatean kan mga Nagueño an kasilagan asin paninimbagan hali sa mga opisyales kan ciudad?

May utang na maraot asin utang na marhay man. Alagad an ciudad nin Naga, igwa na sa ngunyan nin utang na maabot sa Php 6...
02/07/2024

May utang na maraot asin utang na marhay man. Alagad an ciudad nin Naga, igwa na sa ngunyan nin utang na maabot sa Php 600M na kaipuhan bayadan, Php 50M na uutangon pasa sa GIS, Php 150M para sa lugar suboot para sa bagong City Hall kan Naga, asin an bagong Php 100M na uutangon para sa panibagong sementeryo sa ciudad nin Naga. Gabos darakulang utang, alagad sabi sa City Budget Office kaya pa man bayaran kan ciudad maski aabuton sa 2037 an pagbayad kan utang kan ciudad.

Kaya pa daw talagang magbayad asin magtinir an ciudad basado sa fondo na igwa pa an ciudad o kaipuhan man na matuhon asin hagadan nin kasilagan kun pira pa an kwarta na igwa pa an ciudad asin gurano an aktwal na kapasidad kan ciudad para makabayad sa mga utang?

Mantang kaya makautang an ciudad para sa mga proyektong ini, dakol na Nagueño an nagkukuwestiyon kun tano dae kayang makautang sa mga pangangaipuhan kan ciudad arog sana man kan garbage collection trucks asin iba pang basic social services.

Susog man ini sa sinasarabi kan mga nasa City Hall na pag abot sa mga basic social services, pasarakitan sa paghanap fondo dawa pag utang, alagad malinaw man na mas nagiging prayoridad an arog kaining proyekto sa pag utang.

Kun talagang kaya pa man mag utang an ciudad, bakong mas marhay na ininot munang tukaron an mga ibang basic social services pa na kaipuhan man nin fondo?

Matatandaan man na pinapundo kan mayoriya kan mga miyembros kan Sanggunian an Oversight Committee Hearing na kuta nang p...
02/07/2024

Matatandaan man na pinapundo kan mayoriya kan mga miyembros kan Sanggunian an Oversight Committee Hearing na kuta nang piglalaoman kan mga Nagueño na matao nin kasimbagan asin kalinawan sa mga isyu na nagkalat sa City Hall.

Alagad, imbes na gibuhon an tamang proseso asin funksyon, pinapundo asin ipinasa pa an responsibilidad kan SP sa NCPC asin WeSolve na mayong kapangyarihan para magpaapod nin mga resource speaker asin mekanismo para ipaluwas an totoo.

Nagkaigwa man kuta nin tsansa para irekunsiderar ninda an saindang desisyon, alagad hinalat pa ninda na sitaron sinda kan NCPC asin iba pang grupo na trabaho na ninda sa oversight hearing asin harayo an funksyon ninda sa funksyon kan NCPC.

Trabaho ninda, alagad kinaipuhan pang ipasa sa iba? Tano kinaupuhan man na may magsita pa bago mag hiro an Sanggunian? Bakong an dapat na nangengenotan asin mas nakaaaram sa funksyon ninda ang mga nasa Sanggunian mismo? Asin kun nagtutulod man sinda para sa kasilagan asin kalinawan, pinaurog nalang kuta na an imbestigasyon na tigkukundisir kan Sanggunian.

Pagpaluwas nin katotohanan o paglinig nin pangaran?Tinawan an lokal na gobyerno urog naman an Sanggunian Panglungsod nin...
28/06/2024

Pagpaluwas nin katotohanan o paglinig nin pangaran?

Tinawan an lokal na gobyerno urog naman an Sanggunian Panglungsod nin oportunidad na iagi sa tamang proseso ang paghimay kan mga isyu para ini patotoohanan asin pahimutikan. Alagad pinapundo man ini asin mas pinili an impormal asin dae sistematikong pagsimbag kan lokal na gobyerno sa paagi kan facebook post.

Bako lang sana man iyan, imbes na tutukan na matawan kasimbagan an mga isyung pigbintilar, mag pinagiinitan pa an mga tinutuyawan asin inaapod nin mga trolls. Iyo ini an tama? dawa balidong reklamo, raraoton an mismong nagrereklamo asin aapudon na pararaot?

Mas malinaw na sana kuta kun naiaagi an gabos sa tamang proseso, alagad mas gusto nindang patubudon an mga tao sa mga sponsored post na baralnggo an katotohanan para magin paborable sainda.

Ang saro naman sa dae uyon sa pagpahimutik kan lokal na gobyerno an sinasabing mayong iregularidad, alagad hali mismo sa tinaram kan mga namamayuhan na igwang nangyaring iregularidad na dokumentado asin nahihiling kan publiko?

Arin an totoo? Si tig agi sa pormal na proseso o an pag post na sana sa facebook?

Dawa pagbaliktaron man an live asin transcript sa pinagorolayan kaiba an Acting City accountant kan ciudad na si Ruby Si...
26/06/2024

Dawa pagbaliktaron man an live asin transcript sa pinagorolayan kaiba an Acting City accountant kan ciudad na si Ruby Singson sa pagorolay sa oversight committee hearing, mababasa man nanggad na nagbutas na igwang iregularidad sa proseso an departamyento.

Igwa man katotohanan an sinasabi kan COA na mayong nahihiling na iregularidad basado sa mga transaksyon na naisumiter, alagad kun uugkuron, nagluwas man nanggad sa oversight committee hearing na may iregularidad man nanggad sa nagin proseso arog sa mga huri nang sinusumiter na dokumento na kwestyunable.

Sakto man na sa pagpapapundo kan Oversight Committee hearing an pagpapaluwas kan mga statement na arog kaini. Mayong maraot kun totoo man an statement, alagad an pagkukulang man sa statement asin an pag sponsor kaini an nagtataong pagdududa kun ini propaganda para linigon an pangaran para sa kun ano man na intensyon igwa an mga mapakinabang kaini.

Dae man nanggad malinaw para sa mga Nagueño kun ini an kasimbagan urog naman ta nakatalaan man sa minutes kan Sanggunian an nasambitan na iregularidad kan nainot na departamyentong inimbestigaran.

Igwang kasabihan na bago mo linigan an tungod kan iba, linigan mo muna an saimong tungod.Naging madukot an mga Robredo s...
25/06/2024

Igwang kasabihan na bago mo linigan an tungod kan iba, linigan mo muna an saimong tungod.

Naging madukot an mga Robredo sa lokal na gobyerno kan ciudad para sa pagpapad***s kan marhay na pag gubernar na pinunan ni Sec. Jesse. Pirming nakakaolay asin napapakarhay an problema sa liderato kan ciudad nin Naga alagad kumpara man sa nakaaging administrasyon, nagluluwas an kasakitan na mamantinir an pagiging silag asin tultol kan mga opisyal kan ciudad.

Kun uugkuron ngunyan, igwa naman mga nawara sa dating pamamalakad sa laog kan ciudad nin Naga asin pad***s man na nagkakakarakan naman kan sistema an ibang lider. Igwa man mga ibinababa sa takot na maribayan an mga poderoso asin ginigibo an gabos para man makadukot sana pirmi sa poder.

Nin huri kaini, dakol suboot annakakahiling kaining ibang pagbabago sa ciudad asin dae man matatawraan an mga tao kun sinda nangangapudan ki Atty. Leni na magbalik sa ciudad.

An mga Nagueaño, may pagtubod asin paglaom na an impluwensiya ni Sec. Jesse sa marhay na pag gubernar, buhay na buhay asin napurbaran naman ni Atty. Leni mapa congresswoman, Bise Presidente kan nasyon, asin namamayuhan kan Angat Buhay.

Dae man matatawaran an paghangad kan mga Nagueño na maiagid sa marhay na pag gubyerno ni Sec. Jesse an mga nagsurunod na administrasyon saiya urog na kun ini an dapat na naitatao man talaga sa mga tao.

Alisto sa infra, sa proyektong pantao, pinapalimanliman na sana kadaklan.Kadakol pangangaipuhan an ciudad ngunyan urog n...
22/06/2024

Alisto sa infra, sa proyektong pantao, pinapalimanliman na sana kadaklan.

Kadakol pangangaipuhan an ciudad ngunyan urog naman sa basic services arog kan sa pagkolekta kan basura asin pag ayos sa trapiko sa ciudad. Alagad, mas nangingibabaw pa nanggad an prayoridad sa infra sa pag hiling kan mga Nagueño nin huri sa insigidang pagutang kan ciudad para igdi kesa sa mga napapanahon na problema kan ciudad sa serbisyo na iyong dapat na matukaran.

Tano dae kayang magkaigwa nin parehas na kapasidad an City Hall na mag utang o simpleng magdispunir para lang makadagdag sa social services kan ciudad? Ini asin kadakol pang kahaputan igwa an mga Nagueño sa pad***s na mga narereparo nindang problema kan ciudad sa paghatod kan mga basic social services sa mga tao.

Pag uyon, dakol an bulos. Pag dae uyon, niraraotan asin ginigipit.Lumang tugtugon, alagad iyo man nanggad an namamatean ...
21/06/2024

Pag uyon, dakol an bulos. Pag dae uyon, niraraotan asin ginigipit.

Lumang tugtugon, alagad iyo man nanggad an namamatean sa ciudad nin Naga urog na kan nagpaluwas nin sentimiyento an Kapitan kan Concepcion Pequeña na si Francis Mendoza nin huri ta sa gabos na barangay, an saiyang barangay an dae pa nakakatao nin honorarium sa mga tanod ninda na itatao kan City hall.

Namatuhan ni Kapitan Francis sa mga programa na bago magtao nin serbisyo asin ayuda, hahaputon kun ki isay leal. Makaherak sa parte kan tao ta nadadamay an kunstituwente sa pang gigipit kan mga elihidong poderoso sa ciudad nin huri sa kun ano man na kinakatakutan ninda na mawawara suboot sinda sa puder.

Bako kuta sana matakot na mawara sa puder an mga lider kan ciudad, kungdi matakot man sana sinda sa pang gigipit na ginigibo ninda sa mga tao na labi-labi an pangangaipo para mabuhay lamang sa sarong aldaw.

Tama daw na pagsamantalahan an kaluyahan kan tao para sa ikakaangat kan mga poderoso?

Dakol nag aagrangay asin dakol an naghahadoy.Hali mismo sa tao na an manlaen-laen na agrangay na magabaton an bulos kan ...
21/06/2024

Dakol nag aagrangay asin dakol an naghahadoy.

Hali mismo sa tao na an manlaen-laen na agrangay na magabaton an bulos kan trapiko nin huri sa raraot an mga traffic lights, namamata na ciudad sa haloy asin dae efisiyenteng pagkolekta kan basura nin huri sa kakulangan kan garbage collection truck, o magin sa simpleng pagpapayos kan mga pintuan sa kasilyasan kan city hall.

Makasupog lalo na sa mga investor na potensyal sanang makakatabang sa ciudad. Mamundo sana na madidisganar sinda nin huri ta sinda mismo nakakariparo kan mga arog kaining kapabayaan sa ciudad nin Naga.

Pag mga infra na gustong ibantog, insigida mapaluwas asin mautang ang lokal na gobyerno alagad pag abot sa pagpapaayos asin mantinir sa serbisyo sa trapiko, pagkolekta kan basura, o sa simpleng pagpapaayos kan kasilyasan sa City Hall, haloy, dae magibo, o kun dae man, pinapalimanlimanan.

Pano masasabing 1st class city an ciudad nin Naga kun ginagamit an mga bago asin makikintab na infra sa pagtakop kan mabata na katotohanan na igwa an ciudad nin Naga ngonian.

Address

Naga City

Website

Alerts

Be the first to know and let us send you an email when Gana Ka sa Totoo posts news and promotions. Your email address will not be used for any other purpose, and you can unsubscribe at any time.

Videos

Inapod na "Dracula" ni Sen. Joel Villanueva si Kongresista Zaldy Co na saro sa pinakadakulang kontraktor kan gobyerno sa Pilipinas na dawit sa mga darakulang pangko-korakot sa kaban kan Pilipinas na Pharmally, DepEd Laptop Project, asin mga kaso sa BIR dapit sa buwis. Nin huli kaini, dakulang kahaputan kun tano ikakatiwala pa sa sarong kongresistang pano ning kaso an kaban kan Pilipinas. Sa Naga, nahihiling ta na magayon an relasyon ni Alkalde Nelson Legacion asin ni Kongresista Zaldy Co nin huli kan malaen-laen na proyektong pigheheras sa ciudad kan Ako Bicol Partylist. Alagad, dae malilikayan na isipon kung an pundong pigalukar igdi dae man nanggad nabahidan nin dagta kan korupsyon kan mga kasong ini. Sa paagi kan pakikipagtabangan pa kan ciudad sa partidong ini, mas tinatawan ining opurtunidad asin kusog na magibo liwat nin kararatan, asin habo ta nadamay an ciudad nin Naga sa siring na mga gawi nin huli ta an Naga dae man nanggad minapabor sa korupsyon sa gobyerno. #GanaKaSaTotoo

Shortcuts

Share

Category