Pahayagang Bedista

02/12/2023

𝗧𝗜𝗡𝗚𝗡𝗔𝗡 | Husay at Sining, Pinasikat sa CCDS Month!

Matagumpay na nagtapos ang CCDS Guidance Month 2023 sa dinaos na pangwakas na aktibidad noong ika-1 ng Disyembre 2023 sa Manny Reyes Hall. Ang buwang ito ay mayroong temang “ : Empowered, Stronger, and Hopeful Bedans.” Nagkaroon ng iba't-ibang patimpalak para sa lahat ng estudyante ng San Beda College Alabang upang maipamalas ang kanilang husay at galing sa iba't-ibang larangan ng sining. Pinarangalan ang mga estudyanteng lumahok at nagkaroon ng panunumpa sa posisyon ang ilan sa mga miyembro ng SBCA Peer Facilitators' Circle.

Kuha ni: Kzee Aymil M. Delos Santos (H11-A)

30/11/2023

Ngayong ika-30 ng Nobyembre, muli nating ipinagdiriwang ang kaarawan ng ating Dakilang Supremo na si G*t Andres Bonifacio, ang Ama ng Himagsikang Pilipino laban sa mananakop na mga Kastila. Siya ang nanguna at nagpagalaw sa mga Pilipino upang makamit ang ating kalayaan mula sa pananakop, sa pamamagitan ng pagtatag ng Kataastaasang Kagalanggalangang Katipunan ng mga Anak ng Bayan (K*K).

Si Bonifacio, kasama ang kanyang mga kapanalig sa Katipunan, ay nagsakripisyo ng buhay at dangal para sa ating bansa. Hindi natin makakalimutan ang kanyang tapang at determinasyon sa pakikibaka para sa kalayaan.

Ngayon, higit kailanman, mahalaga na alalahanin natin ang kanyang halimbawa ng pagmamahal sa bayan. Sa panahon ngayon na puno ng hamon at pagsubok, hinihikayat namin kayong tularan natin si Bonifacio - maging matapang, magkaisa at magmalasakit sa kapwa. Ito ang pinakamagandang paraan upang parangalan natin ang kanyang alaala at ipagpatuloy ang kanyang laban para sa isang malayang Pilipinas.

Nilikha ni: Andru Finno A. Delalamon (S12-C)

30/11/2023

🎶SAMina mina, eh, eh
Waka waka, eh, eh
SAMina mina SAMgalewa
This time for Africa🎶

Binabati ng Pahayagang Bedista ng isang maligayang kaarawan ang aming patnugot sa pagsulat ng balita mula sa S12-G na si Samantha Nicole Mendez. ✍❤

Sa likod ng makatotohanang balita, nariyan ang mga manunulat katulad mo, Sam, because there's SAMting special in you !!

Pa-SAMgyup ka naman!!

27/11/2023

https://www.instagram.com/pahayagangbedistasbca/

ROAAAR! 🌟🦁 Ihanda ang inyong mga sarili, Bedista! Dahil sa wakas, dumating na ang pinakahihintay nating kaganapan! 😱✨ Narito na ang opisyal na Instagram page ng Pahayagang Bedista, tampok ang mga Bedistang nagtataglay ng diwa ng pagmamahal sa bayan. 📝✍️

Sama-sama tayong maglakbay sa makulay at makabuluhang mundo ng Pahayagang Bedista, na naglalayong palakasin ang tinig ng taumbayan! 🚀🌈 At sa bawat hakbang, kasama natin si Toto, ang leong nagdadala ng lakas at inspirasyon sa bawat Bedista! 🦁❤️

Hinihikayat namin kayong sumali sa aming paglalakbay patungo sa kaTOTOhanan. 👆🔍 Halina't makiisa kay Toto sa kanyang masiglang pagtahak sa landas ng kaalaman at pag-unlad!🌠

Iginuhit ni: Samantha Beatrice T. Abadier (S12-G)

27/11/2023

🎶Wag mong pansinin ang naninira sa 'yo
Basta't alam mo lang tama ang ginagawa mo
Wag mong isipin wag mong dibdibin
Kung papatulan mo'y lalo ka lang aasarin
Fonzy Fonzy ba Iasi
Sino sino ba sila
Fonzy Fonzy ba lasi
Sino sino ba sila🎶

Binabati namin ng isang maligayang kaarawan ang isa sa aming manunulat ng isports mula sa H10-B na si Alfonso Miguel Caballero.

Mula sa iyong pamilya sa Pahayagang Bedista, lagi mong tandaan na mag tabi-tabi po, para hindi ka manuno sa FONSO

26/11/2023

𝗧𝗜𝗡𝗚𝗡𝗔𝗡 | Paglalakbay sa Yaman ng Taal

Isang paglalakbay sa kasaysayan at kultura ang isinagawa ng mga mag-aaral ng ika-9, 11 at 12 na baitang ng HUMSS Strand. Naging sentro ng mga grupo ang pagbabalik-tanaw sa kasaysayan sa munisipalidad ng Taal, Batangas sa naganap na Academic Exposure Trip noong ika-15, 21 at 23 ng Nobyembre.

Kuha nina:
Jyriz Mae M. Arboleda (H11-A)
Ramon Mari R. Dumlao (H9-A)
Gideon Morales (H12-C)

26/11/2023

𝗧𝗜𝗡𝗚𝗡𝗔𝗡 | WCC: Ang Pagtatagpo ng Medisina at Teknolohiya

Sa daan tungo sa pagiging doktor, nars, physician, med tech, ob gyne at marami pang ibang okupasyon sa mundo ng medisina, nagkaroon ng isang makabuluhang Academic Exposure Trip ang mga mag-aaral ng ika-12 na baitang ng STEM-Medical Science strand sa World Citi Colleges. Dumayo ang S12-A, S12-B, S12-C, S12-D at S12-K sa isang prestihiyosong paaralan sa Quezon City na dating tinaguriang 'Quezon City Medical Center and Colleges Inc.'

Kuha nina:
Hannah Monica O. Guiling (S12-C)
Guillan Paul Cabrera (S12-A)

25/11/2023

🎶 I would do HANIthing for love
I know it's true and that's a fact
I would do HANIthing for love
And there'll never be no turning back 🎶

Mula sa iyong pamilya sa Pahayagang Bedista, binabati namin ng isang maligayang kaarawan ang isa sa aming manunulat ng editoryal mula sa H12-C na si Haniel Andrea Mizukami. ✍️

Lagi mong tatandaan na ANDito lagi ang iyong PB Fam 🦁

25/11/2023

🎶Two LESSIE lonely people in the world
And it's gonna be fine
Out of all the people in the world
I just can't believe you're mine
In my life where everyTIN was wrong
Something finally went right
Now there's two LESSIE lonely people
In the world tonight🎶

Binabati namin ng maligayang kaarawan ang isa sa aming photojournalist, Kurstin Lessie Pudan mula sa iyong pamilya sa Pahayagang Bedista!

Sa anumang hamon ng buhay, wag PUDANdaig. Kayang kaya mo yan!🫶

25/11/2023

Lions Roar as Eagles Fall 🦁🦅

San Beda College Alabang (SBCA) boy's basketball team 18U, hindi pinalipad ang Ateneo de Manila University (ADMU) boy's basketball team sa PRADA '23 sa iskor na 69-65, ngayong ika-25 ng Nobyembre sa SBCA Complex sa Alabang, Muntinlupa.

Isinulat ni: Kyle Andrei San Jose (S12-G)

Litrato mula sa: SBCA BBT

24/11/2023

𝗧𝗜𝗡𝗚𝗡𝗔𝗡 | Science Comes Alive!

Mula sa ebolusyon ng sangkatauhan hanggang sa mabilis na pag-usbong ng teknolohiya, naikot ng mga mag-aaral mula sa STEM-Engineering strand ng ika-12 na baitang ang mundo ng siyensya sa isang museo. Dumayo ang S12-E, S12-F, S12-G at S12-H sa Mind Museum sa Bonifacio Global City (BGC) sa Taguig para sa kagaganap lamang na kanilang Academic Exposure Trip noong ika-21 ng Nobyembre, Martes.

Kuha ni: Paulo Miguel R. Datu (S12-G)

23/11/2023

𝗧𝗜𝗡𝗚𝗡𝗔𝗡 | Halina't magpakasaya sa mga masasarap na pagkain, masisiglang musika at mga magagandang kagamitang matatagpuan lamang dito sa San Beda College Alabang!

Nangingibabaw ang kagalakan ngayon sa SBCA dahil sa ginaganap na "2023 Fr. Basil's Bazaar." Makikita ang bazaar sa mga sumusunod na lugar: IBED Activity Center, Students' Park, St. Maur Patio, at sa Covered Court at asahang puno ito ng mga tao. Magtatagal ang kasiyahang ito mula ika-23 ng Nobyembre, Huwebes hanggang ika-25 ng Nobyembre 2023, Sabado.

Kapsyon nina:
Haniel Andrea Mizukami (H12-C)
Ariza Mayumi Miralles (H12-C)

Kuha ni: Gideon Morales (H12-C)

22/11/2023

🎵Paulo Paulo G, Pa pa Paulo Paulo G🎵
🎵Paulo Paulo G, Pa pa Paulo Paulo G🎵

Binabati namin ng maligayang kaarawan ang isa sa aming PAULOng-palong photojournalist na hindi paPAUhuli sa anumang kaganapan. Mula sa iyong pamilya sa Pahayagang Bedista🫶

21/11/2023

"Kelan ang birthday mo?
November 21 po.

OMG, Birthday ko yon!
Birthday mo, November 21?
Bertdey ko po yun!
Bertdey naming dalawa yun!"
- Lyca Gairanod & Karen Davila

Maligayang Kaarawan sa ka-birthday nila Lyca at Karen na isa sa aming Photojournalist ng A12-C na si Angel Kristyn Mendoza.

Magdilang-Anghel ka sana sa lahat ng mga nais mong tuparin at makamit sa buhay.

Mula sa iyong pamilya mula sa Pahayagang Bedista ✍️🦁❤️

18/11/2023

𝗧𝗜𝗡𝗚𝗡𝗔𝗡 | Talino at husay, ibinandera!

Nagningning ang mga talento ng mga Bedista sa CCDS Got Talent! Ipinakita ng mga mag-aaral ang kanilang husay sa pagkanta, pagsayaw, at iba pang mga sining sa makulay na palabas na ginanap noong Nobyembre 16-17, 2023 sa OLM Lobby. Sa loob ng dalawang araw na masayang selebrasyon, maraming mag-aaral mula sa iba’t ibang baitang ang dumalo at sumuporta sa mga kalahok.

Isang makulay na pagdiriwang ng talento at pagkamalikhain ng mga Bedista!

Kuha ni: Jyriz Mae M. Arboleda (H11-A)

14/11/2023

𝗦𝗨𝗥𝗜-𝗦𝗘𝗥𝗬𝗘 | 𝗧𝗶𝘄𝗮𝗹𝗮: 𝗦𝘂𝘀𝗶 𝘀𝗮 𝗣𝗮𝗴𝗵𝗶𝗵𝗶𝗴𝗮𝗻𝘁𝗶

Pelikulang ‘A Very Good Girl’, very good nga ba?

“She’s a murderer! Cause she’s killing it!”. Sa direksyon ni Peterson Vargas, nakabuo siya ng isang obra maestrang pelikulang pinamagatang ‘A Very Good Girl’. Binibidahan ito nina Asia’s Box Office Superstar Kathryn Bernardo at makasaysayang Golden Globes nominee bilang unang Pilipinang Best Supporting Actress na si Dolly de Leon. Sinemento ng pelikula ang bansag na “biggest Filipino movie of 2023” matapos makalikom ng mahigit 100 milyong pesos sa local box office. Kahit na bigating mga aktres ang bida sa pelikula, masisiguro nga bang sulit at kalidad ito? Masasabi bang a very good movie ang ‘A Very Good Girl?’.

“Uubusin ko lahat ng mga kaibigan mong nagpapayaman sa’yo”. Malinaw sa pelikula ang pinaghalong dark comedy at intense drama na nakatulong sa pagkukuwento ng temang paghihiganti. Umikot ang kwento kay Philomena Angeles o mas kilala bilang Philo na ginampanan ni Kathryn. Siya ay isang masipag at masigasig na naulilang dalaga matapos yumao ang kanyang ina sa isang aksidente na gawa ni Mother Molly Suzara na ginampanan ni Dolly de Leon. Si Mother Molly ay isang business tycoon at may multi-million empire gawa ng tanyag na mall sa pelikula na Mother Mall. Sa misyong mabigyang hustisya ang kanyang ina, nagsumikap si Philo na makapag-ipon ng pera upang maabot ang kinatatayuan ni Molly. Kinuha ni Philo ang tiwala ni Molly hanggang sa sila ay nagkaroon ng koneksyon at naging magkaibigan—iyon ay sa akala ni Molly. Habang wala siyang kamalay-malay sa mga nangyayari, unti-unting kinakalas ni Philo ang pundasyon na nabuo ni Molly sa pagkamit ng inaasam na kayamanan. Ang mga taong kabilang sa inner circle ni Molly ay iniisa-isa ni Philo hanggang sa sila na lamang ang magtatapat sa huli.

“You’re insignificant”. Aksidenteng nakapitas ng buhay ng ina ni Philo nga lang ba ang dahilan sa paghihiganti niya kay Molly? Sa kalagitnaan ng mahigit kumulang na 120-minuto na pelikula, ibinunyag na stage name o gawa-gawang pangalan lang pala ang Philomena Angeles. Mercedes “Mercy” Novela ang totoo niyang pangalan. Isa siyang mahirap ngunit determinadong dalaga na nagtatrabaho sa kumpanya ni Molly Suzara. Tinitingala ni Mercy si Molly kaya siya nagsumikap na magtrabaho roon. Sa isang iglap, siya ay napatalsik at ang nabuong idol image ay tuluyan nang nabasag. Matapos ang paghaharap, nangako si Mercy na balang araw, mapapabagsak niya si Molly at ang kanyang kumpanya.

“Wala akong ititira sa’yo”. Hindi natin maipagkakaila ang husay at talento ni Kathryn at Dolly sa pag-arte. Mahusay na nagampanan ni Kathryn ang mala ‘Cruella De Vil’ niyang atake sa pelikula at ipinamalas kung gaano makamandag si Philo. Kilala rin si Kathryn sa mga happy-go-lucky roles sa mga teleserye. Halimbawa na lamang ay si Chichay ng “Got to Believe” at Allison ng “2 Good 2 Be True”. Sa kabilang dako, si Dolly naman ay lubos na kilala bilang Abigail sa kanyang pelikula na Triangle of Sadness kung saan ay kabilang siya sa mga Golden Globes nominees for Best Supporting Actress. Siya ay tinaguriang kauna-unahang Pilipina na nanominate sa nasabing kategorya. Bitbit ang maraming mga parangal, masasabing kalidad ang pelikula dahil din sa mga bibigating mga cast.

“Why do bad things keep happening to good people?”. Tiyak na magugustuhan ng madla ang pelikula dahil sa bigla-biglang paglitaw ng mga dark humor jokes at mga plot twists na mas nagpapaganda sa daloy ng kwento. Magiging mahirap intindihin ang kwento para sa mga taong mabagal pumick-up sa mga biro na hindi pasok sa kanya-kanyang humor. Hindi ito ang tipikal na pelikula kung saan kapag sinabing paghihiganti ang tema, nauuwi ito sa patayan. Sa dulo ng pelikula, sinakal lamang ni Philo si Molly, ngunit hindi niya ito tinuloy. Hindi man tuluyang nilagutan ng hininga ni Philo si Molly, ang desisyong ito ang nagbigay ng sagot sa tanong na kanyang sinasagot sa buong pelikula – “Am I a very good girl?”. Siya ay humantong sa sagot na: masama siyang tao, pero sinusubukan niyang maging mabuti. Maganda ang kwento at ang acting prowess ng mga bida, kinulang lamang ito sa dulo. Malinaw ang paghihiganti ng mga mahihirap upang mapatalsik ang mga nasa taas, kahit pa kinakailangang gumawa ng mga sakripisyo upang makamit ang hinahangad. Mas mainam sana kung nagawa lang na lumagpas at sirain ang hangganan na ito at ipakita kung ano ba ang nararapat na aksyon sa mga pagkakataong ito.

Sinuri ni: Kyle Andrei Nicolo San Jose (S12-G)
Inilkha ni: Gideon V. Morales (H12-C)

12/11/2023

𝗣𝗔𝗠𝗣𝗔𝗟𝗔𝗞𝗔𝗦𝗔𝗡 | SBCA GFT, walang dungis sa iskor kontra LSCA, 19-0

Nasungkit ng San Beda College Alabang (SBCA) Girl’s Futsal Team (GFT) ang kanilang ikatlong panalo sa Women's National Collegiate Athletics Association (WNCAA) Season 54 matapos padapain ang La Salle College Antipolo, 19-0, noong Nobyembre 11 sa Assumption College sa Makati.

Sinimulan ni Richelle Falceso ang pagkuha ng unang goal tulad ng pinangako nila sa isa't isa na pagtratrabahuhan ang bawat puntos at sa determinasyon, naka gawa ang manlalaro ng "hat trick" matapos maka-goal ng tatlong puntos sa loob lamang ng limang minuto.

Masasabing pumabor ang araw kay Richelle nang makaiskor siya ng kabuuang 10 goals sa loob ng isang buong laro.

“May pressure siya, kailangan namin magtala ng maraming goals, then need ko husayan yung pag eensayo ko para dun sa mga upcoming games. Nakakakaba nung una then di ko inaasahan [na] ganun ‘yung magagawa kong scores, sa tulong din ng mga kasama ko kaya ko ‘yon nagawa.” ani Richelle.

Determinasyon at disiplina ang pinahahalagahan ng team captain ng koponan na si Yesha Natividad dahil para sa kanya, ito ang kanilang susi upang makamit ang panalo at ang posibilidad na masungkit nila ang korona ng WNCAA Season 54.

“Bilang team captain, [ang] main goal ng team namin ay magawa sa laro yung mga pinagpaguran at pinaghihirapan naming gawin sa training, gaya ng 1 - 2 passing na kadalasang nagiging epektibo para sa amin upang makakuha ng goal. Pangalawa ay yung madisiplina kami at mabago yung mga naunang pagkakamali namin sa mga nakaraang laro.” pahayag ni Yesha.

Hindi natatapos sa drills o passings ang pag-eensayo ng koponan, layunin din nilang mas ma-improve pa nila ang kanilang kakayahan upang maging mas mahusay na atleta.

“Kada laro at ensayo, gusto namin na mag step up at iimprove pa ang sarili namin, at syempre hindi mawawala yung determinasyon naming patunayan ang sarili namin sa sarili at sa mga naniniwala samin, at determinasyong bigyan ng karangalan ang dinadala naming pangalan ng paaralang San Beda.” dagdag ni Yesha

Naglalagablab na goal ang pinakawalan ni Richelle upang masementuhan ang panalo ng koponan, 19-0.

Katuwang ni Richelle sa pag-iiskor ng mga goal sina Shanile Marqueses na may 7 goals at si Heleina Añonuevo na may 2 goals.

Natapos ng SBCA GFT ang laro na walang dungis sa kanilang record, 19-0.

Kasalukuyang pumapangalawa ang Alabang-based squad sa standing na may record na 3 wins, 1 lose, at 0 draws.

Isinulat nina:
Kyle Andrei Nicolo San Jose (S12-G)
Liana Yesha Natividad (H12-D)

Litrato mula sa: SBCA GFT

12/11/2023

"Ang buhay ay sinasakyan lang 'yan
'Di ko alam ang tungo kung saan
'Pag sumama ka sa aking VIA-he
Iaalay ko ang puso ko ohhh"

Binabati namin ng isang Maligayang Kaarawan ang aming katuwang sa pag-aanyo, na si Via Adrienne Madrid ng H10-A, mula sa iyong pamilya sa Pahayagang Bedista 🦁❤️

Maging huwaran ka sa lahat ng mga tumitingala sa iyo, VIA role model to others 🙏

11/11/2023

𝗦𝗜𝗚𝗔𝗪 𝗡𝗚 𝗠𝗔𝗦𝗔 | Sa Bola Umiikot ang Dedikasyon

Kung iisipin, lahat ng tao ay sinusunod ang tinatawag na “circle of life”, ngunit para sa mga manlalarong kabilang sa San Beda College Alabang (SBCA) Boys Basketball team, masasabing sa bola umiikot ang kanilang mga buhay.

Sa isang paaralan gaya ng San Beda, hindi biro ang isang pagkakataong makatanggap ng iskolarship bilang isang manlalaro para sa paaralan. Bukod sa pagpasa ng bola, pag-pukol ng tres, pag depensa sa kalaban, bantay-sarado rin ang mga manlalaro ng SBCA Boys Basketball Team pagdating sa kanilang mga kailangan gawin sa loob ng silid-aralan.

Hindi madali ang araw-araw na buhay ng estudyanteng-atleta o student-athlete. Maaga silang gumigising, pumapasok sa paaralan, at magpapatuloy sa kanilang mga ensayo. Lahat ng ito ay ang kanilang kinagawian na sa pang araw-araw habang may mga responsibilidad din sila sa kani-kanilang mga pamilya, kaibigan at sa sarili.

Ang kasabihang “huwag pabayaan ang pag-aaral” ay paulit-ulit nang sinasabi sa mga estudyanteng-atleta ngunit hindi alam ng karamihan na mas malalim pa ang mensahe ng kasabihang ito kaysa sa pang ibabaw lamang na kahulugan.

Kung tatanungin si Joaquin Battad, isang manlalaro para sa San Beda College Alabang Boys Basketball Team: Ang dedikasyon ng bawat manlalaro, kung maitatansya lamang, ay malaki, sapagkat ang kanilang paglalaro ay isang paraan para mapatunayan nila ang sarili nila at sa kung ano ang kaya nilang gawin. Inaalay ng mga manlalarong ito ang kanilang dedikasyon para sa kanilang pamilya at para na rin luwalhatiin ang Diyos.

Bagama’t mabigat ang “pressure” na dinadala ng mga manlalarong Bedista, kinakaya pa rin nila ito dahil isang malaking responsibilidad ang pagpasan ng pangalan ng paaralan at ang kanilang mga pamilya. Kadalasan, pinagtutuunan nila ng pansin ang kanilang pag-aaral sa loob ng paaralan para mas makapaghanda sa kanilang mga ensayo at iba pang mga gawain. Ngayong halos lahat ay tutungtong na sa kolehiyo, hindi madali na pagsabayin ang magkaroon ng mataas na marka habang puspusang nag-eensayo para sa bawat liga o larong kanilang sinasalihan.

Lahat ng ito ay bunga ng sariling pagsisikap. Kahit paiba-iba ang kalidad ng edukasyon na natatanggap ng mga manlalaro, may iisang halaga ito para sa kanilang lahat. Kapag nalalaman natin na iskolar ang isang estudyante, alam natin ang dedikasyong kinakailangan para makamit at mapanatili ito. Hindi biro ang pawis at luha na dinaranas ng mga manlalarong ito at hindi rin masasayang ito dahil napapansin at alam ng lahat ang dedikasyong umiikot sa bola.

Isang mensahe ang nais iwan ni Joaquin sa kanyang kapwa manlalaro:

“Kahit anumang pagsubok, kabiguan at sakit na mararanasan niyo, panatilhiin niyo lang [ang] tiwala sa sarili niyo at lagi ninyong tandaan [na] tuwing kayo ay hindi sumusuko, it shows a lot about your character and madadala niyo yun sa paglaki ninyo, kaya kahit na sa lahat ng dinanas ko, ipagpapatuloy ko pa din maging student-athlete.” ani Joaquin.

Isinulat at Iginuhit ni: Dennis “Ading” Cailles Jr. (H12-C)

09/11/2023

𝗦𝗨𝗟𝗢𝗡𝗚 𝗕𝗔𝗟𝗜𝗧𝗔 | Taunang paggawad ng parangal: Pagbibigay-pugay sa mahuhusay na mag-aaral ng SBCA mula sa akademikong taon ng 2022-2023

Ginanap nitong Nobyembre 7, 2023 sa Tugade Auditorium ng San Beda College Alabang (SBCA) ang taunang paggawad ng parangal ng mga mag-aaral sa baitang 9, 10, at 11 mula sa akademikong taon ng 2022-2023.

Magkahiwalay na idinaos ang taunang paggawad ng kahusayan ng mga nasabing baitang. Alas-8 y medya ng umaga hanggang alas-10 ng umaga para sa baitang 9, alas-10 hanggang alas-12 ng tanghali para sa baitang 10, habang ginanap naman ng ala-1 hanggang alas-3 ng hapon para sa baitang 11. Pinangunahan ni Bb. Angeliq Villareal ang programa ng baitang 9 at 10. Habang si Bb. Wenilyn Bunda naman para sa baitang 11. Sinundan naman ito ng talumpati ng pagbati mula sa Principal ng Integrated Basic Education (IBED) na si Bb. Vilma B. Clerigo.

Ang sumunod na ganap ay ang pagbibigay ng sertipiko sa mga mag-aaral na nakakuha ng di bababa sa 90 na General Weighted Average (GWA) at walang grado na bababa ng 88 sa lahat ng subject. Pinangunahan ni Bb. Vilma B. Clerigo ang pagbibigay ng sertipiko sa lahat ng baitang sa gabay nina G. Mel Samarita, at ni Bb. Maricon Soriano para sa paggawad sa baitang 9 at 10. Para naman sa baitang 11 ay sina Bb. Maricon Soriano, Mr. Virgilio M. Sedo at Bb. Emily Lagdamen.

Ang mga sumusunod na pangalan ng mag-aaral ay ang mga nangunguna sa bawat baitang (Principal’s A-LIST)

GRADE 9:
Unang Gantimpala: Panuncialman, Amanda Ira I. (Gold Medal of Merit)
Ikalawang Gantimpala: Jambalos, Miguel Renzo Antonio C. (Silver Medal of Merit)
Ikatlong Gantimpala: Tigson, Audrey Janelle A. (Bronze Medal of Merit)

Kabilang din sa Top 10 sina:
Vargas, Mary Luz Victoria M.
Cacnio, Ma. Elisha Lexan V.
Limguangco, Sofia Monique G.
Bawar, Kayanne Safeeya E.
Bernal, Alexandria Reese M.
Paquiz, Alfonso Vittorio P.
Arevalo, Henrique L.

Grade 10:
Unang Gantimpala: Machate, Natalie Danielle B. (Gold Medal of Merit)
Ikalawang Gantimpala: Vela, Victoria Maxine S. (Silver Medal of Merit)
Ikatlong Gantimpala: Abrigo, Alexia Kyra F. (Bronze Medal of Merit)

Kabilang din sa Top 10 sina:
Pasahol, Mia Azinelle Laurrine J.
Concepcion, Corben James V.
Bautista, Chloe Mikaela G.
Bauzon, Jessica Anne Daeshanelle S.
Villadolid, Isabella Kristen L.
Alicante, Julia L.
Ochoa, Jacques Mikaili J.

Grade 11:
Unang Gantimpala: Jarabejo, Lana Jamilah Hermiogne C.
Ikalawang Gantimpala: Ente, Christian Carl C.
Ikatlong Gantimpala: Adriano, Eunice Franchesca Raine S.

Kabilang din sa Top 10 sina:
Urmatam, Denver, Angelo L.
Bedra, Benedict henjie Louie S.
Battad, Jileane Isabela U.
Nerie, Hannah Sophia F.
Medina, Yeshua Benedict D.
Chua, Elisha Marie P.
Valdez, Jim Charles V.

Isang pagpupugay sa mga mahuhusay na estudyanteng nagtapos na may karangalan sa taong 2022-2023! Naway sa lahat ng bagay, ang Diyos ay laging papurihan!

Narito ang kabuuan ng mga litrato na nakuha sa programa ng baitang 11:
https://drive.google.com/drive/folders/1rTBuZTBZdMkZ4WPcfj4BIINxzytzbcCX?usp=sharing

Isinulat nina:
Samantha Nicole Mendez (S12-G)
Summer Valeen Tan Gana (H10-A)

Mga Kuha nina:
Ramon Mari R. Dumlao (H9-A)
Jyriz Mae Arboleda (H11-A)
Jian Aldrin O.Azarcon (A12-D)

09/11/2023

𝗧𝗜𝗡𝗚𝗡𝗔𝗡 | Idinaos ng paaralang San Beda College Alabang ang paggawad ng parangal sa mga mahuhusay na mag-aaral ng ika-10 na baitang ng akademikong taon 2022-2023 noong Nobyembre 7, 2023 sa Tugade Auditorium.

Ang tatlong nangunang mag-aaral ng baitang 10 ay ginawaran ng mga sumusunod na parangal.

Gold Medal of Merit
Machate, Natalie Danielle B.

Silver Medal of Merit
Vela, Victoria Maxine S.

Bronze Medal of Merit
Abrigo, Alexia Kyra F.

Narito ang kabuuan ng mga litrato na nakuha sa programa:
https://drive.google.com/drive/folders/1rSdBb1JVljZdIhPRsQE0-vduGEGQxYjM?usp=sharing

Isinulat ni: Kyle Andrei San Jose (S12-G)

Mga Kuha nina:
Jian Aldrin O. Azarcon (A12-D)
Angel Kristyn M. Mendoza (A12-C)

08/11/2023

Mga Bedista, suportahan natin ang post na ito sa pamamagitan ng paglike at share!🦁❤

CAPTURE 20: San Beda College Alabang

One might not typically consider a power outage to be of significant importance to a country's economy or view it as an economic milestone capable of creating a lasting impact for decades. However, the Luzon Power Crisis of the 1990s proves all of these expectations wrong.

In this infographic, uncover the historical backdrop, economic impact, and the enduring impact of this event on the Philippines, igniting a collective drive among Filipinos to pursue progress. Through this journey, you will grasp the profound importance of revisiting our history as a path toward a brighter tomorrow.

Gaadsblog. (2015, March 22). The power crisis in the 90s. GAAD THINKS. https://gaadsviews.com/2015/03/22/the-power-crisis-in-the-90s-4/
Drogin, B. (2019, March 8). Power Outages Make for Dark Days in Sweltering Manila : Philippines: A crisis that originated in the Marcos years now causes daily blackouts of up to 10 hours. Officials promise relief by 1996. - Los Angeles Times. Los Angeles Times. https://www.latimes.com/archives/la-xpm-1993-05-15-mn-35584-story.html
Banzuelo, N. (2023, March 22). Powerless. BusinessWorld Online. https://www.bworldonline.com/opinion/2023/03/22/512193/powerless/
Richburg, K. B. (1990, April 28). ENERGY SHORTAGES CREATING HAVOC IN MANILA. Washington Post. https://www.washingtonpost.com/archive/politics/1990/04/28/energy-shortages-creating-havoc-in-manila/6ea04451-d3d5-44f3-9cdc-56a1a0834078/
Lawagan, E. (n.d.). The power Crisis (1990s): What lies ahead. https://erneelawagan-alammobato.blogspot.com/2018/02/the-power-crisis-1990s-what-lies-ahead.html
Wikipedia contributors. (2023b, October 25). Presidency of Fidel V. Ramos. Wikipedia. https://en.wikipedia.org/wiki/Presidency_of_Fidel_V._Ramos #:~:text=During%20his%20State%20of%20the,to%20resolve%20the%20power%20crisis
Wikipedia contributors. (2023a, August 26). Department of Energy (Philippines). Wikipedia. https://en.wikipedia.org/wiki/Department_of_Energy_(Philippines)
Writer, G. (2023, March 14). Electricity is central to technology and economic productivity | TheCable. TheCable. https://www.thecable.ng/electricity-is-central-to-technology-and-economic-productivity #:~:text=First%2C%20electricity%20is%20a%20key,services%2C%20including%20health%20and%20education
Lagare, J. B. (2023, February 25). Philippine power reserves thin in 2023; but no red alert just yet | Inquirer Business. INQUIRER.net. https://business.inquirer.net/387331/philippine-power-reserves-thin-in-2023-but-no-red-alert-just-yet
Reuters. (2022, October 10). Philippines energy chief: 2023 power supply conditions look “difficult.” Reuters. https://www.reuters.com/business/energy/philippines-energy-chief-2023-power-supply-conditions-look-difficult-2022-10-10/
Philippines - energy. (n.d.). International Trade Administration | Trade.gov. https://www.trade.gov/country-commercial-guides/philippines-energy-0

Deadline for reacts and shares on the individual posts is on November 15, 2023, 8PM.

DISCLAIMER: The views and opinions expressed by the delegates in their entries do not necessarily reflect those of the NYC 20 Organizing Body, partner organizations, and other involved schools.

08/11/2023

𝗧𝗜𝗡𝗚𝗡𝗔𝗡 | Matagumpay na ipinagdiwang ng mga mag-aaral ng ika-9 na baitang ang paggunita sa Annual Honors ng akademikong taon ng 2022-2023, kahapon, Nobyembre 7, 2023 sa Tugade Auditorium ng San Beda College Alabang.

Ang tatlong nangunang mag-aaral ng baitang 9 ay ginawaran ng mga sumusunod na parangal:

Gold Medal of Merit
- Panuncialman, Amanda Ira I.

Silver Medal of Merit
- Jambalos, Miguel Renzo Antonio C.

Bronze Medal of Merit
- Tigson, Audrey Janelle A.

Narito ang kabuuan ng mga litrato na nakuha sa programa:
https://drive.google.com/drive/folders/1rIGWO6IUj9A6HSHxmRdsdHH5jS8zcJ2j?usp=sharing

Isinulat ni: Summer Valeen S. Tan Gana (H10-A)

Mga Kuha nina:
Juliana Mae D. Baranda (A12-B)
Paulo Miguel R. Datu (S12-G)

06/11/2023

🎶 Hahayaan na lang silang
Magkandarapa na manligaw sa’yo
Idadaan na lang kita sa awitin kong ito
Sabay ang tugtog ng git-IRAH~~🎵
Idadaan na lang sa git-IRAH~~ 🎶🎸

At muli, isang miyembro ng pamilyang Pahayagang Bedista ang nagdiriwang ng kaniyang pinaka-espesyal na araw!🎁🎉

Maligayang pagbati sa iyo, Irah Casil ng S10-C, na mula sa kategoryang pag-aanyo ng pahina!📄

Anuman ang harapin, palaging tandaang narito ang iyong pamilya para sa’yo.

Ika nga ni Barney, IRAH-byu, u lab me, we’re a happy family~!!🦖💗

05/11/2023

"Todo na ito! Ready, Set, GO, GO GO!"

Maligayang Pagbati sa Patnugot ng Isports mula S12-G, Keian James GO mula sa iyong pamilya sa Pahayagang Bedista

Laging tandaan na sa anumang hamon na iyong kahaharapin ay wag kang panghihinaan ng loob dahil KEIANG-kaya mo yan!

03/11/2023

𝗦𝗨𝗥𝗜-𝗦𝗘𝗥𝗬𝗘 | BALANG ARAW

Ang “711” ay isang awitin ng isang taong may malawak na imahinasyon. Kilala bilang si TONEEJAY, inilahad ni TJ de Ocampo sa awiting ito ang pangitain niya sa hinaharap kasama ang kaniyang tinatangi. Sa pamamagitan nito, maraming maaaring mahinuha tungkol sa kaniyang pagkatao: maaaring para sa iba’y determinado, sa iba nama’y dedikado, ngunit para sa akin, ang pinaka-nangibabaw na katangian ni TJ sa kanta ay wala sa dalawang ito. Ipinakilala niya ang kaniyang katauhan sa pinakamalinaw na paraan bilang isang mangingibig na hindi makasarili.

Balang araw, masusulat ko kaya ang kanta na bibili ng bahay sa Santa Rosa? Nagsimula ang kanta sa isang tanong na hindi kayang sagutin ng sinuman dahil ang tanging makapagbibigay ng tiyak na kasagutan ay ang kinabukasan. Inilarawan rin ni TJ ang kaniyang mga hangarin: magtatayo siya ng 711, bibili ng kotse, pupunta sa Shibuya, at magreretiro sa Canada. Lahat ng ito ay inaasam niyang makamit kasama ang kaniyang tinatangi. Iyan ang apat niyang mga pangarap, at ang pinakapaborito ko ay ang pagpapatatayo ng 711. Sinabi niyang ilalagay niya ito sa highway kahit hindi niya nais maging kapitalista. Mapapansin dito ang paglitaw ng isa sa kaniyang mga katauhan: ayaw niyang maging kapitalista. Dito niya unang ipinakitang hindi siya makasarili. Bukod sa pag-ibig, may malasakit rin siya sa bayan.

Ikaw lang naman, ikaw lang iniisip ko. Ang linyang ito ang naghuhudyat na koro na ang kasunod. Mula sa unang bahagi ay malumanay lamang ang melodiya. Magaan at kalmado ang magkahalong tunog ng gitara at drums. Hindi ito masyadong napapansin dahil mas nangingibabaw ang liriko, ngunit pagsapit ng koro, nag-iba ang atmospera. Lumakas ang pagtugtog ng mga instrumento. Naging pantay ang lakas ng liriko at ng instrumento. Kapag pinapakinggan ko ang daloy ng koro, aking nararamdaman ang galak at pag-asa, bagamat hindi ko tiyak kung ano ang tunay na kahulugan ng salitang ito.

Gusto kong ibigay ang buhay na gusto mo. Malinaw ang mensahe na nais iparating ng mang-aawit. Sinasabi niya na gagawin niya ang lahat para sa kanyang minamahal. . Puno ng parehong bigat at gaan ang mga linyang paulit-ulit niyang binabanggit sa koro. Lubos niyang inihayag ang kaniyang paninindigan na kahit wala siyang katiyakan sa maaaring mangyari sa hinaharap ay naniniwala siya sa kakayahan niyang gawin ng anumang bagay.

Ang kantang ito ay may iba't-ibang epekto sa akin, at kung may isang salita akong gagamitin upang ito'y ilarawan, iyon ay "makapangyarihan." Ito ay isang makapangyarihan na awit, at ang mang-aawit ay makapangyarihan. Ang liriko, instrumento, mensahe, at higit sa lahat, ang pag-ibig ay makapangyarihan sa kanta na ito.

Pinatunayan niyang makapangyarihan ang pag-ibig na hindi makasarili.

Sinuri ni: Alexa E. Borge (H11-A)
Inilkha ni: Gideon V. Morales (H12-C)
Isinipi ni: Christian Carl C. Ente (A12-D)