06/12/2024
Nakahaya na ang duha ka mga bata nga nakabsan sa kinabuhi human gipusil sa ilang kaugalingong amahan atong Huwebes, Disyembre 5, sa may Buntis, Bacong.
Related: https://www.facebook.com/share/1DAjYLs4x9/?mibextid=WC7FNe
Sa pakighinabi sa mga local media sa inahan sa mga bata, nasayran nga nagbulag na sila sa iyang bana tungod kay mangulata man kini kaniya, apan matud pa nga aduna silay kasulatan nga ang mga bata , pwede ra kining hulamon sa amahan.
Sa susamang adlaw, sa wala pa nahitabo ang maong insidente, nananghid ang amahan nga hulmon niya ang mga bata og iuli lang kini pagka alas 10.
Sa walay duha-duha gitugtan kini sa inahan, gani giandaman pa niyag ilisan ang iyang mga anak, gani lipay pa kayo ang mga bata dihang nakita nila ang ilang amahan.
Apan sa dihang nakasakay na ang mga bata sa motor, nangutana pa kining lalaki sa iyang asawa kung wala na ba gyud chance nga mabuo ang ilang pamilya.
Nagdumili ang asawa tungod sa pagkadagmalan sa iyang bana, gani matud pa nasaksihan pa kini sa iyang mga anak, apan mitubag ang maong lalaki “ug wala na gyud, magmahay gyud ka’’ dayun hulbot sa armas niini, rason gilayog kini sa iyang asawa.
Midalagan matud pa ang kamaguwangang anak apan gilagas kini sa iyang bana dayun gipusil ang 5 anyos nga bata, samtang gibalikan usab niini ang manghud nga nagpungko sa motorsiklo ug gipusil usab kini rason nga nahulog kini sa motorsiklo, dayun gipusil ang iyang kaugalingon.
Nadala pa sa hospital ang kamaguwangang anak apan nakabsan usab kini sa iyang kinabuhi.
Nianang pagkagabii sa wala pa ang insidente, malipayon pa kayo ang mga bata matud pa, gani nag-drawing pa ang kamaguwangang anak og hulagway sa usa ka pamilya.
