MOLMT Daily

16/10/2024

‘KASAMAAN PO ‘YAN’

Matapang na nagpahayag ng pagkadismaya ang aktres na si Mariel Pamintuan patungkol sa isang g**o na napangasawa ang mag-aaral na Grade 5 lamang nang maging estudyante niya.

Ani Mariel, “Kadiri ‘yong teacher na 35 years ang age gap sa student na naging asawa. ‘Pag kinikilig ka sa literal na bata (Grade 5), sakit po ‘yan. You should seek professional help. ‘Wag natin i-normalize ang p3d0phili4. Never po ‘yon magiging normal. ‘Wag mo na ipagmalaki at impluwensyahan ang iba. Kasamaan po ‘yan. Predatory behavior!”

Marami ang humanga at sumuporta kay Mariel, na madalas ay nakakatawa ang mga content ngunit kilala rin sa hindi pananahimik pagdating sa social issues at pagiging vocal sa kanyang mga naiisip at nadarama.
___
MOLMT PUBLICATIONS:
🚦 Minsan Okay Lang Ma-traffic
🌍 Traffic News
💜 Reels People Words
✨ MOLMT Daily
🌆 MOLMT Now

15/10/2024

Mananatili ka sa aking gunita.

Hinding-hindi ko kalilimutan kung gaano tayo kasaya.

- Charina Clarisse Echaluce, 2024
© Minsan Okay Lang Ma-traffic

___
MOLMT PUBLICATIONS:
🚦 Minsan Okay Lang Ma-traffic
🌍 Traffic News
💜 Reels People Words
✨ MOLMT Daily
🌆 MOLMT Now
___
For invitations and business proposals:
📧[email protected]

09/10/2024

Batid kong wala kang ibang hangad kung hindi kayanin ko ang lahat.
👉🏻 Minsan Okay Lang Ma-traffic

Hinahanap-hanap pa rin kita—sa mga alaala, sa bawat umaga, sa gabing nag-iisa ang buwan at hindi ko mahanap ang mga tala.

Hinahanap-hanap pa rin kita—sa mga bagay na palagi nating ginagawa, sa sistemang nakasanayan sa loob ng ilang dekada, at sa mga sandaling hindi ko na maibabalik pa.

Hinahanap-hanap pa rin kita—pero huwag kang mag-alala, kinakaya ko kahit nangungulila.

Batid kong wala kang ibang hangad kung hindi kayanin ko ang lahat.

Pangako, kahit gaano kahirap, kakayanin ko lahat. Yayakapin ko ang katotohanang wala ka na.

- Charina Clarisse Echaluce, 2024
© Minsan Okay Lang Ma-traffic
___
MOLMT PUBLICATIONS:
🚦 Minsan Okay Lang Ma-traffic
🌍 Traffic News
💜 Reels People Words
✨ MOLMT Daily
🌆 MOLMT Now
___
For invitations and business proposals:
📧[email protected]

23/09/2024

In the heart of Jordan's arid landscape lies the "Rose-Red City" of Petra, a marvel of ancient engineering that was lost to the sands of time. 🏜️ Once a vib...

23/09/2024

'PARA SA KARAPATANG PANTAO'

Opisyal nang nanumpa bilang bagong miyembro ng Akbayan ang human rights advocate na Atty. Chel Diokno. Sa pangunguna ni Senate Deputy Minority Leader Risa Hontiveros, nanumpa si Diokno matapos ideklara ang kanyang pagtakbo bilang senator sa 2025 election.

"Ngayong araw, opisyal akong sumali sa Akbayan Party, isang mahalagang hakbang para palakasin ang ating laban para sa karapatang pantao," pahayag ni Diokno sa kanyang Facebook post.

"Maraming salamat, Akbayan Party, sa inyong mainit na pagtanggap. Ikinagagalak kong maging bahagi ng inyong pamilya at ipagpatuloy ang laban para sa isang lipunang mas pantay, makatarungan, at demokratiko," dagdag pa nito. (Via James Russia)
_
MOLMT PUBLICATIONS:
🚦Minsan Okay Lang Ma-traffic
🌍Traffic News
💜Reels People Words
✨MOLMT Daily
🌆MOLMT Now

23/09/2024

'ANG KAIBIGAN KO TALAGA SI IMEE'

Iyan ang naging pahayag ni Vice President Sara Duterte nang matanong kung nagkausap na ba silang muli ni President Ferdinand “Bongbong” Marcos, Jr.

Paglilinaw ni VP Sara, nagkakilala at nagkausap lamang sila ni PBBM dahil naging runningmates sila noong 2022 elections.

"Hindi naman kasi kami talaga nagkakausap niyan. Hindi kami magkaibigan, unang-una, nagkakilala lang kami dahil naging runningmates kami... Bago pa man kami naging runningmates, hindi na kami nag-uusap. Nagkausap lang kami during campaign at dahil sa trabaho noon but ngayon hindi kami nag-uusap,” paliwanag ng bise presidente.

"Ang kaibigan ko talaga si Imee Marcos, kilala niya ako since 2012," saad pa nito.

Dagdag pa ni VP Sara, hindi na niya muling nakausap ang pangulo simula noong magpasa siya ng resignation bilang Education Secretary. (Via James Rusia)
___
MOLMT PUBLICATIONS:
🚦 Minsan Okay Lang Ma-traffic
🌍 Traffic News
💜 Reels People Words
✨ MOLMT Daily
🌆 MOLMT Now

23/09/2024

HAPPY AND BLESSED @ 99 🎂

Ibinahagi ng aktres na si Rhian Ramos ang masayang birthday celebration ng kanyang lola na ngayon ay 99 years old na. (Via Clariss Robles)
___
MOLMT PUBLICATIONS:
🚦 Minsan Okay Lang Ma-traffic
🌍 Traffic News
💜 Reels People Words
✨ MOLMT Daily
🌆 MOLMT Now

17/09/2024

'WALA NAMAN PO KAMING RELASYON'

Mariing itinaggi ni Sual, Pangasinan Mayor Liseldo "D**g" Calugay sa Senate hearing na wala silang relasyon ni dating Bamban Tarlac Mayor Alice Guo o Guo Hua Ping.

Gayunman, sa kabila ng paulit-ulit na pagtanggi ni Calugay, tila hindi kumbinsido ang mga senador dahil sa mga larawang ipinakita sa pagdinig gaya ng larawan kung saan waring nakasuot sila ng "couple shirt" at isa pang larawan kung saan makikitang magkasama ang dalawa sa campaign caravan.

"Marami naman pong magkakaparehong damit. Wala naman po kaming relasyon," giit ng alkalde.
___
MOLMT PUBLICATIONS:
🚦 Minsan Okay Lang Ma-traffic
🌍 Traffic News
💜 Reels People Words
✨ MOLMT Daily
🌆 MOLMT Now

17/09/2024

😭

DOC WILLIE PATULOY NA SINUSUBOK NG MGA SAKIT 🥺

Muling ibinahagi ng health advocate at well-loved cardiologist na si Doc Willie Ong ang isa na namang kritikal na pagsubok sa kanyang kalusugan dahil sa neutropenic sepsis. Isang kondisyon dulot ng sobrang pagbaba ng white blood cells dahil sa chemotherapy.

Matatandaang kamakailan lamang ay isinapubliko ni Doc Willie ang kanyang pakikipaglaban sa sarcoma cancer.

Bumuhos muli ang mensahe ng pagmamahal at panalangin mula sa kanyang mga kapamilya, kaibigan, at social media followers na naghahangad ng kanyang agarang paggaling.
___
MOLMT PUBLICATIONS:
🚦 Minsan Okay Lang Ma-traffic
🌍 Traffic News
💜 Reels People Words
✨ MOLMT Daily
🌆 MOLMT Now

17/09/2024

🥺

‘SHE IS THE ONLY PARENT I HAVE’ 🥺

Humihingi ng panalangin ang Optimum Star na si Claudine Barretto para sa kanyang 87-year-old mom na si Inday Barretto, na mahigit isang linggo na ngayong nasa ospital. (Via Clariss Robles)
___
MOLMT PUBLICATIONS:
🚦 Minsan Okay Lang Ma-traffic
🌍 Traffic News
💜 Reels People Words
✨ MOLMT Daily
🌆 MOLMT Now

17/09/2024

😍😍

Handa na si Megastar Sharon Cuneta na ibahagi ang kanyang istorya sa pamamagitan ng isang libro. 🩵💜💚 (Via Clariss Robles)
___
MOLMT PUBLICATIONS:
🚦Minsan Okay Lang Ma-traffic
🌍 Traffic News
💜 Reels People Words
✨ MOLMT Daily
🌆 MOLMT Now

17/09/2024

🩵

Sa araw ng kasal ng television personality na si KaladKaren, natupad ang kanyang childhood dream na maging isang sirena—hindi sa dagat ngunit sa isang napakagandang sea of clouds. 🧜🏻‍♀️☁️ (Via Clariss Robles)
___
MOLMT PUBLICATIONS:
🚦 Minsan Okay Lang Ma-traffic
🌍 Traffic News
💜 Reels People Words
✨ MOLMT Daily
🌆 MOLMT Now

16/09/2024

BACK-TO-BACK AWARDS 🏆 🏆

Nakatanggap ng back-to-back awards ang ina ni two-time Olympic gold medalist Carlos Yulo na si Angelica Yulo.

Nitong Sabado, September 14, ay kinilala si Angelica bilang “Ulirang Ina” (Inspiring Motherhood Legacy Award) sa ginanap na Southeast Asian Achievement Awards.

Samantala, itinanghal din siyang “Most Exceptional Woman of the Year” ng Asia’s Man & Woman Of The Year Excellence Awards, na ang awarding ay gaganapin naman sa darating na October 5.
___
MOLMT PUBLICATIONS:
🚦 Minsan Okay Lang Ma-traffic
🌍 Traffic News
💜 Reels People Words
✨ MOLMT Daily
🌆 MOLMT Now

16/09/2024

🎓🩵

‘CHASING YOUR DREAM NEVER STOPS’👨🏻‍🎓

Nagbigay ng inspirasyon ang “Kanlungan” hitmaker at well-loved Filipino singer-writer na si Noel Cabangon matapos niyang makuha ang kanyang bachelor’s degree sa edad na 60. (Via Clariss Robles)
___
MOLMT PUBLICATIONS:
🚦 Minsan Okay Lang Ma-traffic
🌍 Traffic News
💜 Reels People Words
✨ MOLMT Daily
🌆 MOLMT Now

16/09/2024

BALIK-TANAW: ANG 70S SINGER NA INIHAHALINTULAD SA BIRHENG MARIA

Natatandaan mo pa ba ang bantog na mang-aawit noong dekada '70 na madalas ihalintulad sa Birheng Maria? Talaga namang hindi nakapagtataka kung paano naging bantog noon si Eva Vivar—maganda ang tinig, maamo ang mukha, at hindi maikakailang talentado sa maraming bagay.

Apat na taon pa lamang si Eva nang magsimulang kumanta kaya talaga namang nahasa ang “gift” na mayroon siya. Pagdating ng third year high school, nadiskubre siya ng Reyna ng Balagtasan na si Ofelia Angeles na nagtatrabaho noon sa unibersidad na pinapasukan niya.

Sa simula ay bahagi lamang siya ng mga show sa Bulacan at kumakanta lamang ng mga cover ng awitin ni Eddie Peregrina, ngunit sa kalaunan ay pinayuhan siyang maging propesyonal na mang-aawit na. Pagkatapos nito ay nagsimula na ngang mapanood si Eva Vivar sa mga programa sa telebisyon at narinig na rin sa himpapawid ang kanyang malamyos na tinig.

Ang mga ka-batch ni Eva sa itinuturing na golden age ng local recording ay sina Rhodora Silva, Perla Adea, Amalia Braza at ang tinatawag na Apat Na Sikat (Lala Aunor, Dondon Nakar, Winnie Santos at Arnold Gamboa).

Kabilang sa mga awitin niya ay "Yellow Bird", "Let Me Call You Sweetheart", "I Understand", "Let Me Be the One", " Forbidden Games" (Theme from 1952 French film "Jeux Interdits"), "A Girl's Prayer", "Speak Softly Love", and "I Left You"; na recordered at distributed ng Alpha Records.

Bukod sa pagiging mang-aawit ay isa ring aktres si Eva. Matatandaang nakasama pa niya sa isang commercial ng corned beef si Coco Martin, kung saan siya gumanap bilang lola nito; at nagkaroon ng special participation sa mga recent Kapamilya series na "Ang Probinsyano" at "Kadenang Ginto".

Nakasama din si Eva ng yumaong reyna ng pelikulang Pilipino na si Susan Roces sa isang ad ng generic brand ng gamot. (Via Charina Clarisse Echaluce)
___
MOLMT PUBLICATIONS:
🚦 Minsan Okay Lang Ma-traffic
🌍 Traffic News
💜 Reels People Words
✨ MOLMT Daily
🌆 MOLMT Now

15/09/2024

Kung alam ko lang na limitado lamang ang oras kasama ka...

Kung alam ko lang na limitado lamang ang oras kasama ka, hindi ko sana hinayaang unahan ako ng kaba.

Hindi sana kita niyayang umuwi kaagad sa takot ko na mainip ka bigla.

Hindi sana ako naging tahimik noong nakikipagkuwentuhan ka, dahil lamang sa pangamba na may masabi akong mali at mawalan ka ng gana.

Hindi sana ako nagpaalam gayong puwede naman kitang sabayan. Pasensya na, sobrang iniiwasan ko lang na madismaya ka. Kung alam mo lang, hindi ko inalis ang aking mga mata hanggang hindi na kita matanaw.

Kung alam ko lang na limitado lamang ang oras kasama ka, hindi sana ako nagduda—hindi sa iyo, kung hindi sa akin na buong buhay nang binibigo ng pagmamahal. Kung hindi sig**o ako naunahan ng kaba at sinulit ko bawat segundo para maipadama na mahal din kita, marahil ay nagkaroon pa ako ng tsansang maipanalo ka.

Ngunit heto na naman ako, umuuwing talunan, nagsisisi, at nalulugmok sa kawalan.

Ilang beses na akong winasak ng pagmamahal—ngunit mas nakadudurog pala kapag ang nawala ay iyong taong handa sanang mahalin ka kung hindi ka lang naduwag sumubok kasama siya.

- Charina Clarisse Echaluce, 2024
© Minsan Okay Lang Ma-traffic
___
MOLMT PUBLICATIONS:
🚦 Minsan Okay Lang Ma-traffic
🌍 Traffic News
💜 Reels People Words
✨ MOLMT Daily
🌆 MOLMT Now
___
For invitations and business proposals:
📧[email protected]

15/09/2024

Hindi lahat ay makukuha mo sa muling pagpasok mo sa buhay ko.

Hindi na ako natataranta kapag kumakatok ka sa aking pinto.

Hindi na ako nangungulila sa mga tawag at pangugumustang ipinagkakait mo.

Hindi na ako makukuha sa mga bagay na ginagamit mo noon para baligtarin ang aking mundo.

Dahil hindi na ako ang dating ako.

Marami nang lumipas na taon.

Binago na ako ng pagkakataon.

Wala na ang bersyon ko mula sa ating kahapon.

Hindi ko na hinahanap sa iyo—o sa iba—ang halaga ko.

- Charina Clarisse Echaluce, 2024
© Minsan Okay Lang Ma-traffic

___
MOLMT PUBLICATIONS:
🚦 Minsan Okay Lang Ma-traffic
🌍 Traffic News
💜 Reels People Words
✨ MOLMT Daily
🌆 MOLMT Now
___
For invitations and business proposals:
📧[email protected]

15/09/2024

Peking Duck, the legendary dish that once graced imperial feasts, has a history as rich as its crispy skin. Originating during the Yuan Dynasty (1271–1368), ...

13/09/2024

Nag-igib ka rin ba? ☺️

NAG-IGIB KA RIN BA NG TUBIG NOON? 🤔

Noong panahong hindi pa lahat ng bahay ay mayroon tubig, naging bahagi ng buhay ng maraming Pilipino ang pag-iigib—at hindi lamang ito gawain ng matatanda dahil pati na rin mga bata ay tumutulong para makapagdala ng tubig sa kani-kanilang tahanan.

Sa post ng page na Batang Pinoy-Ngayon at Noon, binalikan ng mga "young once" ang panahong nag-iigib pa sila ng tubig kasama ang kanilang mga kapwa bata. Anila, normal lamang daw ito sa kanila dahil karamihan daw ng bata noon ay nauutusan sa gawaing bahay at sa mga sarili nilang paraan ay tumutulong sa paglalaba, pagluluto, pag-iigib, at iba pa.

“My childhood days! Mga 30 meters ang layo ng bahay namin hnggang sa pinag-iigiban namin ng tubig pero ayos lang kasi ang dami back up; mga friend kong kalaro sa patintero para raw mas madali makapuno ng drum at puwede na maglaro after,” pagbabahagi ng social media user na si J. Daluz.

“Ganiyan ang ginagawa ko kapag nag-iigib ng tubig noon hanggang sa mapuno ang malaking banga o tapayan pangluto at pampaligo,” kuwento ni M. Armada.

Ayon naman kay F. Crizaldo, “Ganiyang-ganiyan kami noong araw, bago pumasok at pagkagaling sa school ay nag-iigib kami.” (Via Charina Clarisse Echaluce)
___
MOLMT PUBLICATIONS:
🚦 Minsan Okay Lang Ma-traffic
🌍 Traffic News
💜 Reels People Words
✨ MOLMT Daily
🌆 MOLMT Now

13/09/2024

Beneath the rolling hills of Xi’an, China, lies one of the most astounding archaeological discoveries in history—a silent army of more than 8,000 life-sized ...

13/09/2024

🥹

years ago, seasoned comedian Vic Sotto and his son, Pasig City Mayor Vico Sotto, shared a beautiful moment as the former’s bride, actress Pauleen Luna, walked down the aisle on their wedding day. A clip from the video created by Jason Magbanua, also known as the “Father of SDE (same-day edit)”, is currently making rounds online. 💒
___
MOLMT PUBLICATIONS:
🚦 Minsan Okay Lang Ma-traffic
🌍 Traffic News
💜 Reels People Words
✨ MOLMT Daily
🌆 MOLMT Now

13/09/2024

🩵

‘BEYOND WORDS, WE LOVE YOU’

Matapos mabalitaang nakauwi na sa Pilipinas ang Queen of All Media na si Kris Aquino pagkalipas ng ilang taon ng pamamalagi sa ibang bansa para magpagamot, bumuhos ang mga mensahe ng pagmamahal at panalangin para sa lubusan niyang paggaling.

Sa iba't ibang social media platform, nagpaabot ng suporta ang mga Pilipino na patuloy na nagmamahal at sumusubaybay kay Kris, kahit pa ilang taon na rin itong hindi aktibo sa showbiz.

“Welcome home,” saad ng isang social media user. “It’s nice to be back where you belong—in the country and with the people you love. Take care. Praying for your fast recovery.”

“Beyond words, we love you, Miss Kris Aquino,” wika ng isang Facebook user.

“Kris, I’m one of the many that prayed for you,” ayon naman sa isang tweet. “I cried so hard to God to help and heal you.”

Nauna nang ibinahagi ni Kris na babalik na siya ng bansa para dito na ipagpatuloy ang pagpapagamot.

"The reason I decided to go home is because i need to start my second immunosuppressant infusions in two to three weeks (it’s a gentler term for chemotherapy),” aniya.

"Emotionally, I need the encouragement and unwavering faith my sisters & cousins, closest friends, and trusted team of doctors can provide...sadly what was the BATTLE TO IMPROVE MY HEALTH is now THE STRUGGLE TO PROTECT MY VITAL ORGANS. This is now the FIGHT OF MY LIFE,” pagpapatuloy ng aktres. (Via Charina Clarisse Echaluce)
___
MOLMT PUBLICATIONS:
🚦 Minsan Okay Lang Ma-traffic
🌍 Traffic News
💜 Reels People Words
✨ MOLMT Daily
🌆 MOLMT Now

13/09/2024

😅

‘EX KO SI GOV’

Idinaan sa biro ng social media personality ang pagkadismaya sa hindi magandang experience nila sa isang guest na nag-cancel on the same day.
___
MOLMT PUBLICATIONS:
🚦 Minsan Okay Lang Ma-traffic
🌍 Traffic News
💜 Reels People Words
✨ MOLMT Daily
🌆 MOLMT Now

12/09/2024

🥺

11/09/2024

Nakakapagod din palang kumapit sa pag-ibig na hindi bumabalik.
👉🏻 Minsan Okay Lang Ma-traffic

Nakakapagod din palang kumapit sa pag-ibig na hindi bumabalik. Naroon na ako na kapag nagmamahal ka, hindi ka dapat humihingi ng kapalit. Hindi mo dapat obligahin iyong tao na tapatan ang pagmamahal na ibinibigay mo. Hindi ka dapat humihingi ng sukli.

Subalit ang pananatili ko sa iyo ay parang unti-unting pagwawakas sa buhay ko. Hindi ko na makilala ang taong humaharap sa tuwing nananalamin ako. Hindi ko na maunawaan ang sarili kong mga katuwiran. Kinakapos na ako ng hininga sa bawat pagluha at pagkamulat sa katotohanang hindi ka na magbabago pa.

Nakakapagod din palang manalig sa pag-ibig na paulit-ulit ipinagkakait.

- Charina Clarisse Echaluce, 2024
© Minsan Okay Lang Ma-traffic

___
MOLMT PUBLICATIONS:
🚦 Minsan Okay Lang Ma-traffic
🌍 Traffic News
💜 Reels People Words
✨ MOLMT Daily
🌆 MOLMT Now
___
For invitations and business proposals:
📧[email protected]