Marihatag Exposed

08/05/2022

TREASURE HUNTING SA MARIHATAG NI PELENIO

Ang Local Government sa Marihatag nangutang sa Development Bank of the Philippines worth P32 M aron ipalit sa heavy equipment alang sa maintenance of barangay roads ug aron usab mo income ang LGU pinaagi sa rentals sa equipo sa mga pribadong contractors ug sa kaugalingon niining admin contracts. Nakapalit ang LGU og 2 ka dumptrucks ug usa ka Grader gumikan niadtong loan.

Karon aduna na tay igo-igong mga equipo nga maka mintinar sa atong kadalanan paingon sa kabarangayan.

Apan kumusta man Mam ug Sir ang atong barangay roads?

Halos tanan barangay roads GUBA ug ang uban dili gyud maagian.

Mga Gubang dalan:
a. 5 kilometers Bayan to San Isidro Road.
b. 2.5 kilometers Mararag to Sta Cruz Road
c. 2.5 kilometers Mararag to Alegria Road
d. 5 kilometers Mararag to Anonang Road
e. 2 kilometers Canonoctan Road
f. 5 kilometers San Isidro to Sitio Palompon road

Mga dili maagian nga dalan:

a. 6 kilometers Amontay to Mahaba Road
b. 5 kilometers San Isidro to Mahaba Road
c. 4 kilometers Sitio Anonang, Sta Cruz to San Antonio Road

Kini ang dakong pangutana. Asa man diay gigamit ang equipo nganong wala man girepair ang barangay roads ug wala man mo income ang mga equipo? Tinood kaha nga gigamit ang mga equipo sa mga pribado ug dummy contractors nga walay bayad o libre? LIBRE LIBRE LIBRE?

Niadtong October 12, 2020, unom ka mga treasure hunters ang natabunan sa yuta ug nangamatay sa landslide sulod sa gihimong tunnel sa Purok Casting, barangay Bayan, Marihatag. Usa(1) lamang sa pito (7)ka treasure hunters ang nasalbar o nabuhi tungod kay nakasakay siya sa Bucket sa BACKHOE nga nakapwesto sa baba sa tunnelsa panahon sa landslide. Sumala sa mga balita, ang maong treasure hunting gipasiugdahan ug gi finance sa usa ka kanhi dakong politiko sa Marihatag nga anaay suod nga koneksyon sa usa gamhanang magbabalaod.

Daghan ang nagduda ug nangutana. Kinsa ning kanhi dakong opisyal sa Marihatag nga nagfinance sa treasure hunting? Aduna ba kini pagtugot sa barangay Bayan? sa Mayor? saLGU Marihatag, sa DENR? o sa Kapitolyo sa Probinsya? Illegal kini nga treasure hunting? Kasabwat ba ang LGU Marihatag sa Treasure hunting? Asa man ang nagkahiusang Administrasyon sa Marihatag nga bisag usa wala may nag kwestyon o nag-imbestiga niini nga insidente? Tinood ba nga ang Backhoe sa LGU Marihatag maoy gigamit sa pagkalot sa yuta sa tunnel? Kung tinood, nahimo diay pribadong equipo ang LGU nga makinaryas alang sa treasure hunting ug sa private dummy contractor.

Katawhan ang nagsakripisyo sa daot ug dili maagi nga barangay roads. Treasure hunting ug pangwarta sa mga opisyal dili maoy panginahanglan sa tawo. Magmata na kita Marihatagnon!

07/05/2022

Ang Kamatuoran sa Marihatag Solid Waste Management Program sa Pelenio Administration:

Ang LOCAL GOVERNMENT CODE sa Pilipinas (RA 7160) ug ang Ecological Solid Waste Management Act of 2000 (RA 9003) naghatag og gahum sa mga munisipyo sa pag implementar sa mga balaod sa Kalimpyo o Sanitasyon sa ilang lugar. Nagmando usab kini sa mga LGUs sa paghimog epektibong sistema sa pagkolektiba ug paghipos sa basura aron malikayan sa katawhan ang pagpanglabay sa mga basura ug hugaw sa bisan asa nga lugar. Gani, adunay mga tulubagon ug penalties niini sa mga LGUs nga wala makatuman niini.

Kumusta na sa Pelenio Administration? Natuman ba?

Natuman! Natuman sa LGU Marihatag ang pagkolekta sa garbage fee sa matag business establishment panahon sa pag apply og business permit matag tuig.

APAN WALA MATUMAN ang koleksyon sa Basura sa kabarangayan. Wala usab mamintinar ang Ecological Park sa San Isidro. Wala usab kapangitaig laing Ecological Park ang lungsod kung ugaling puno na o dili na pwede sa old eco park. Wala usab ma iposar ang balaod kontra sa paglabay sa plastic.

Ang Marihatag nahimo nang dakong dumping site sa klase klase nga basura. Ang katawhan sa barangay naningkamot na lang og labay sa suba, sa kasapaan, sa ecopark, sa boundary sa Marihatag-Cagwait (Abejao), sa bukid sa bayan, sa baybayon, sa mga canals ug sa mga open areas. Makita usab nato ang basura sa LGU nga anaa nagtapok sulod ug gawas sa Municipal Gymnasium. Mismanage ang Solid Waste Management System sa atong lugar. Naay Opisina sa Solid Waste Management pero wala ta kabalo sa ilang gibuhat.

Management sa Garbage Collection and Disposal angayang atimanon sa nagkahiusa kuno nga administrasyon. Nagkahiusa nga dili mangolekta’g Basura? Gwapo ang Mayor ug Nindot ang nagkahiusa nga Administrasyon apan looy , hugaw ug maot kaayo ang Marihatag. Pasabta ko bi?

06/05/2022

ANG KAMATUORAN SA MGA JOB ORDER(JOs) SA MARIHATAG

Kabalo ba kita nga kapin sa 500 ka tawo ang gihire sa Mayor as Job Orders sa Munisipyo?

Kabalo ba kita nga sobra katunga niining JO mga 15/30 o kobra petsa 15 ug 30 bisag walay trabaho?

Kabalo ba kita nga ang dakong budget niini illegal nga gikuha gikan sa 20% development fund ingon pa sa budget officer?

Kabalo ba kita nga daghang gi hire karon nga mga estudyante as JO field monitoring staff nga 15/30 pero gihimong dancers sa kampanya or lider ang ginikanan sa politika?

Kabalo ba kita nga ang mga JO CONSULTANTS nga walay trabaho mas dako pa hinoon og sweldo (PHP15K, PHP20K, PHP30K per month) kaysa ACTUAL nga nanagtrabahong J0s (PHP6-8K/month) ug mas una pang masweldohan kaysa simpleng J0s? Kini ang mga pagmahay sa hardworking JOs.

Kabalo ba kita nga walay nahimong mga dagkong proyekto o importanteng programa sa GAD, Peace and Order, Solid Waste, Maintenance of Roads, Motorpool, Health ug daghan pa tungod kay dakong bahin sa ilang budget gipanghire na diay sa dili panginahanglang JOs?

Kung nakabalo ka, usa ka ka concerned Marihatagnon nga nangandoy og kalambuan sa lungsod.

Kung wala paka kabalo, pagmata ug lihok na batok sa mismanagement ug technical corruption sa atong lungsod.

____________________________________________

Simpleng computation sa 100 JOs nga 15/30:

100 JOs sa P6,000 per month = P600,000

P600,000 x 12 months = P7.2 Million

P7.2 Million x 3 years = P21.6 Million

Ang 7.2 Million budget nga giwaldas matag tuig o P21.6 Million sa 1 ka termino sa Mayor , mahimo na untanang makahatag og dugang serbisyo sa pagpalit og tambal, feeding program, financial assistance sa kabos, repair sa barangay roads, infrastructure ug ubang importanteng serbisyo sa alang sa tawo.

Sayang ang giwaldas nga salapi. Naghire ang mayor ug ang nagkahiusang administrasyon og JO para diay sa ilang pamolitika dili sa serbisyo ug proyekto.

SERBISYO ug PROYEKTO dili kay 15/30 nga JO ! Pagmata na Marihatagnon!

05/05/2022

ANG TINUOD NGA ISTURYA SA PATUBIG SA MARIHATAG:

Halos tanang barangay sa Marihatag nanginahanglan og TUBIG nga mainom. Mao kana ang nasusi ni former Mayor Raul Cubil niadtong tuig 2016 sumala usab sa natala nga mga sakit sa Municipal Health Office ug sa Marihatag District Hospital nga malambigit sa kulang nga limpyo ug mainom nga tubig. Nakita usab ni former Mayor Cubil ang panginahanglan sa tubig mainom, idung-ag, e limpyo ug ubang kagamitan sa tubig sa kabarangayan.

Tungod niini, uban sa Sangguniang Bayan pinanguluhan ni former Vice Mayor Rebecca Polinar, nangita sila sa usa ka tawo nga adunay kasinatian ug kahanas paghimo sa usa ka potable water system feasibility study and plan sa tibook Marihatag. Sa dugay nga pagpangita sa taga engineering office ug sa pipila ka nanagpakabanang katawhan, ilang nakaplagan ug girekomendar si Engineer Benjamen T. Fazon, Jr. Si Engr. Fazon usa ka lesinsyadong Civil Engineer ug Water Consultant sa pipila ka Potable Water Projects sa Visayas. Gihangyo gilayon ni Mayor Cubil si Engr. Fazon nga mohimo sa survey, feasibility study ug preparatory works sa Potable Water System aron dayon kini ma submit sa Development Bank of the Philippines para sa Loan Proposal. Gihangyo ni Mayor Cubil si Engr. Fazon nga kung mahimo bayaran ra siya sa iyang serbisyo kung maaprubar na ang Project Loan. Si Engr. Fazon wala magdumili. Ingon pa niya, “Ako taga Marihatag, gugma nako nga makatabang sa panginahanglan sa mga Marihatagnon.

Tungod niadto, gisugdan na dayon ang survey sa tinubdan ug agianan sa tubig, gihimo ang mga estimate ug mga pagtoon, giandam ang tanang mga papeles, ug gihimo ang consultation sa tawo hangtud nga nasumite kini ni former Mayor Cubil uban sa Engineering Office ug ni Engr. Fazon sa Development Bank of the Philippines-Butuan Branch.

Na approve ang 50 milyones nga Loan ug gihimo dayon ang LGU-DBP contract signing sa gymnasium sa tuig 2018. Gihimo dayon ang bidding ug ang nahimong mananaog mao ang JOAN Construction. Ang Joan Construction mihimo dayon og Special Power of Attorney (SPA) kang Engr. Benjamen Fazon Jr. nga maoy moimplementar sa construction sa water system sa Marihatag. Tungod kay election period na man (2019), gihunong ang proseso sa implementasyon.

Tapos sa eleksyon, si Mayor Justine Pelenio ang midaog sa eleksyon ug nahilom ang maong proyekto. Apan ning tuig 2022 ilang gidali-dali ug walay hunong nga giimplementar ang construction sa tubig.

Nakurat ang katawhan ug nakapangutana. Nganong karon pa man giimplementar ang water project nga naaprubahan man kaha kana sa tuig 2019 o tulo ka tuig na ang milabay? Nganong dili man si Engr. Fazon ang nag-implement sa project subay sa SPA sa Joan Construction? Naghimo ba og laing bidding or rebidding sa proyekto? Unsay nagpaluyong hinungdan niini? Mainom kaha kana nga tubig? Molahutay o successful ba kaha ang P50M potable water project? Lain na ba kaha kining palpak sa mga construction project sa Pelenio Administration sama sa Concreting sa Bayan, Palompon ug Municipal Streets? Nganong pinakalit o gidalidali karon ang construction sa tubig? kay eleksyon na?

"ANG MAGDALIDALI, MAGKABALI" matod pa sa mga Marihatagnon.

22/04/2022

Ang Dakong Pangutana: Nganong Kani ra sa ang output ng kanato 50 Milyones?

Nakurat ang katawhan ug nakapangutana. Nganong karon pa man giimplementar ang water project nga naaprubahan man kaha kana sa tuig 2019 o tulo ka tuig na ang milabay? Nganong dili man si Engr. Fazon ang nag-implement sa project subay sa SPA sa Joan Construction? Naghimo ba og laing bidding or rebiddi...

20/04/2022

Guba ang mga dalan sa Marihatag. Nagpalit ug equipo mikantidad ug 32M pero ang treasure hunting ang gi-una.
Barangay Roads o Treasure Hunting?

Ang Local Government sa Marihatag nangutang sa Development Bank of the Philippines worth P32 M aron ipalit sa heavy equipment alang sa maintenance of barangay roads ug aron usab mo income ang LGU pinaagi sa rentals sa equipo sa mga pribadong contractors ug sa kaugalingon niining admin contracts. Nak...

18/04/2022

https://fb.watch/cfHzoIrKMM/

18/04/2022

Tan-awa mayo ang kahimtang ng kanato menteryo sa Marihatag.
Makalolooy ang semeteryo. Tulo na lang ka lakang dagat na. Kung diha pa untana gitarok ang seawall sa kilid sa semeteryo, dili tana maingon niaana ang kahimtang karon.

Legal ba ang pag (otro) divert sa project gikan semeteryo ngadto Danao, na priority sa garu ang menteryo?