ISKOLAR NG BAYAN, DUGONG MAKABAYAN, DIWANG PALABAN!
Mula Sta. Mesa hanggang Commonwealth Avenue, laksa-laksang tumungo ang komunidad ng PUP sa SONA ng Bayan upang dalhin ang panawagan para sa pagpapataas ng pondo sa pamantasan, karapatan sa edukasyon, at pambansang soberanya.
Giit ng nagkakaisang mga iskolar, kaguruan, at Samahan ng mga Janitorial ng PUP na manananatiling purong kasinungalingan lamang ang one-hour State of the Nation Address ni Marcos Jr. hanggang hindi nito kinikilala ang lumulubha pang krisis pambansa mula sa sektor ng mga magsasaka, manggagawa, at kabataan.
Sa kasalukuyang kalagayan ng pamantasan, nariyan ang krisis sa komersyalisadong edukasyon, student repression cases, campus press freedom violations, mga namamataang police/military presence sa mga branches and campuses, mababang pasahod sa teaching and non-teaching personnel, kakulangan sa pasilidad, mababang pondo, at iba pa na labis na nagpapahirap sa komunidad upang matamasa ang aksesable at dekalidad na edukasyon.
Kasabay ng mga ito, patuloy na naiipit sa tensyon ang bansang Pilipinas sa pagitan ng US at China para dominahin ang West Philippine Sea. Nagsisilbi itong dahilan para malayang makapagpapasok ang administrasyong Marcos Jr. ng mga dayuhang tropang militar para tuwirang makapagtayo ng base sa bansa na magagamit lamang upang lalong mangtapak ng karapatang pantao, gayundin ay lumpuhin ang ekonomiya ng bansa sa pamamagitan ng Charter Change at iba pang mga di-pantay na tratado sa US sa tabing na sila ay ating kaibigang bayan.
Kaya naman ang panawagan ng komunidad ng PUP: PUP Budget, Itaas! Marcos ChaCha, Biguin! US-China, palayasin!
🎥: Arliz Torre, Leslie Canon, Gayle Tamayo, Kylie Abogado
Ilang dekada na ang paglaban ng komunidad ng sangkabaklaan laban sa diskriminasyon at para sa pantay na karapatan sa loob ng macho-pyudal na lipunan. Kaya naman ang pagdiriwang ng Pride tuwing buwan ng Hunyo ay nagsisilbing ligtas na espasyo upang malayang ipahayag ang kanilang mga sarili at lalo pang ipatambol ang panawagan ng komunidad sa karapatan, edukasyon, at trabaho.
Kaya naman nakiisa ang PUP The Catalyst sa Quezon City Circle nitong Hunyo 22 upang ipagdiwang ang Pride kasama ng komunidad at upang alamin kung gaano nga ba kahalaga ang Pride Month para sa kanila. Panoorin mula rito:
Producers:
Katherine Lagunda
Marc David Golisao
#PrideMonth2024
Sa kabilaang impormasyon patungkol sa henesidyong nangyayari sa bansang Palestine bunga ng sabwatan ng zionistang Israel at imperyalistang US kasama ng iba pang bansang sumusuporta rito, nagtanong-tanong ang The Catalyst sa mga iskolar ng bayan kung ano nga ba ang kanilang kaalaman mula sa isyung ito. Ano nga ba ang halaga ng pakikialam nating mga Pilipino sa usaping ito? Panuorin ang kanilang mga sagot dito.
Producers:
Katherine Lagunda
Marc David Golisao
PANOORIN | Sa pagdiriwang ng isang taong anibersaryong pagkamartir ni Arc John "Ka Hunter" Varon, naglunsad ng iglap-protesta ang Kabataang Makabayan - Kira Mindoro kahapon, Mayo 29, sa PUP Sta. Mesa Campus, upang ipanawagan ang pagpapatuloy ng pangarap ni Ka Hunter at sumapi ang kabataan sa New People's Army.
Ayon sa grupo, patuloy na pinagpupugayan ng mga Iskolar ng Bayan at masang pinaglulungkuran ang mga rebolusyonaryong kabataang katulad ni Ka Hunter.
Anang pa ng grupo, hindi masisindak ng estado ang mga rebolusyonaryong kabataan hangga't may krisis ng malakolonyal at malapyudal na lipunan na kinasasangkupan ng kawalan ng akses sa edukasyon, mababang sahod, mahal na bilihin, kawalan ng lupa, pamamaslang at karahasan na patuloy pa ring nagluluwal ng mga kabataang determinadong sumulong sa landas ng armadong pakikibaka upang magpanday ng isang lipunang walang pagsasamantala.
Si Varon ay nabuwal kasama si Bunso Mangubat sa isang labanan sa pagitan ng Bagong Hukbong Bayan - Mindoro (Lucio de Guzman command) at 68th Infantry Battalion noong Mayo 30, 2023 sa Sablayan, Occidental Mindoro.
Bago magpasyang sumapi sa BHB si Varon, siya ay dating mag-aaral ng Sintang Paaralan na kumukuha ng programang Chemistry. Nagsimulang mamulat si Varon dulot ng lumalalang represyon sa mga mag-aaral at pagtindi ng pagpapahirap sa mga State Universities and Colleges (SUCs), hanggang kalaunan ay naging bahagi ng rebolusyonaryong grupong pangkabataan.
Basahin ang balita kahapon: https://www.facebook.com/share/p/Uc28d8nEbwysHybT/?mibextid=oEMz7o
𝗣𝗔𝗡𝗢𝗢𝗥𝗜𝗡 | Simbolikong sinunog ang flag ng Zionistang Israel sa kasagsagan ng programa sa Kalayaan Ave., Makati bilang pakikiisa sa mamamayang Palestino sa ika-76th ng taon ng Nakba Day na nagpalayas sa mahigit 75,000 Palestino sa kanilang lupain buhat nang dumating ang Israel.
Anang grupo, ang pagsusunog o pagkaupos ng flag ang kahihinatnan ng mismong Zionistang estado dahil sa inutang na mga dugo nito sa mamamayang Palestino. Panawagan din sa programa ang pagpapanagot sa US-Israel sa patuloy pa rin na pagbobomba nito sa Palestine.
𝗔𝗟𝗘𝗥𝗧 | Pinaghahampas at pinagtutulak ng kapulisan ang mga kabataan na mapayapang nagpoprotesta sa Kalayaan Avenue, Makati patungo sa tapat ng Israel Embassy upang irehistro ang panawagang anti-Zionista at suportahan ang laban ng mamamayang Palestino para sa kanilang kalayaan sa sariling bansa.
Giit ng mga grupo, makatarungan ang kanilang isinagawang protesta dahil sa henosidyo ng US-Israel sa bansang Palestine.
Ngayong araw ang ika-76th na taon ng Nakba kung saan mahigit 75,000 na Palestino ang napaalis sa kanilang lupain dahil sa okupasyon ng Israel. Sa kasalukuyan ay patuloy pa rin ang pagbobomba ng US-Israel, kamakailan lamang sa Raffah na kanilang paunang ipinangakong ligtas na lugar para sa mga lilikas na Palestino.
Kuha mula sa PUP for Palestine (P4P) network.
Tatlong araw nalang ang natitira bago tuluyang hulihin ang unconsolidated jeepneys ng mga tsuper-operator upang isakatuparan ang PUV Modernization Program ng administrasyong Marcos Jr. na higit pang magpapalala sa arawang suliranin ng drayber at komyuter.
Mula sa ilang beses na mga isinagawang pagkilos ng mga tsuper upang tutulan ito, kasama ang sambayanan, ay nananatili pa rin ang tindig ni Bongbong Marcos Jr. na itapon ang mga traditional jeepneys para makipagsosyo sa mga dayuhang korporasyong nangangako ng bagong mga sasakyan.
Kaya naman, pinulsuhan namin ang palagay ng mga tsuper at komyuter ng komunidad ng Sta. Mesa na apektado rito. Panoorin ang kanilang mga pagtingin at hinaing sa video na ito:
#NoToJeepneyPhaseout
#NoToPUVPhaseout
#NoToPUVModernizationProgram
#commutersgiveback
Matapos ang isang linggong arbitraryong pagkakakulong, nakalaya na ang Mayo Uno 6 na ilegal na inaresto at ng Manila Police District sa kasagsagan ng kilos-protesta sa Embahada ng Estados Unidos noong Araw ng mga Manggagawa.
6:20 ng gabi nang lumabas sa headquarter ng Manila Police District ang anim na indibidwal nang makapagpiyansa na ng ₱252,000 matapos kasuhan ng paglabag sa Batasan Pambansa 880 (BP 880) o Public Assembly Act at Art. 148 ng Revised Penal Code (Direct Assault).
Samantalang tuloy pa rin ang panawagan ng Kilusang Mayo Uno (KMU) na ibasura ang mga gawa-gawang kaso laban sa Mayo Uno 6 at titiyakin din umano nilang mananagot ang lahat ng lumabag sa karapatan ng Mayo Uno 6.
"Nananatili ang napakaraming dahilan upang magprotesta, at tuluy-tuloy kaming magpoprotesta habang nananatili ang kahirapan, inhustisya, karahasan, at pandarambong sa ating bayan," pahayag ng KMU sa isang Facebook post.
Basahin ang buong pahayag ng KMU sa: https://www.facebook.com/share/p/yo6dRLrR8KhX4FdK/?mibextid=qi2Omg
Video mula sa Philippine Collegian.
ALERT | Binomba ng mga tauhan ng Bureau of Fire Protection ang mga rallyista sa tarangkahan ng embahada ng US sa gitna ng pagdaraos ng mapayapang kilos-protesta.
PANOORIN | Nagpapatuloy ang martsa ng malawak na hanay ng iba't-ibang progresibong sektor upang ipagpatuloy ang panawagan kontra Jeepney Phaseout.
Nagmartsa ang grupo mula P. Noval hanggang Morayta kung saan gaganapin ang programa upang ituloy ang paglaban para sa nakabubuhay na sahod.
#NoToJeepneyPhaseout
Sa pagtatapos ng pagdiriwang ng Pandaigdigang Buwan ng Kababaihan, tuloy-tuloy ang laban ng mga kababaihan laban sa mababang pasahod, diskriminasyon sa trabaho, estereotipo sa kasarian, at hamon sa pagsasabay ng mga responsibilidad.
Isa sa ating nakapanayam ay si Nanay Cristy, isang janitress at unyonista mula sa Samahang Janitorial - PUP (SJ-PUP). Matapos ang dialogue sa pagitan ng SJ-PUP at STARCOMM nitong nakaraang March 13, siya ay nakaranas ng terror-tagging sa porma ng pagpapakalat ng flyers na naglalahad na siya ay miyembro ng CPP-NPA.
Ilan lamang ang kaso ni Nanay Cristy sa marami pang kaso ng mga kababaihang nakararanas ng pananakot sa estado dahil sa kanilang panawagan para sa karapatapan sa makataong paggawa at iba pang batayang karapatan. Kilalanin ang danas ng manggagawang kababaihan sa loob ng pamantasan at ang militanteng pakikibaka nila. Panoorin ang buong detalye sa bidyong ito.
#IWWD2024
#StopTheAttacks
PANOORIN | Bilang pagsusuma sa programa, nagsalita ang representante ng mga Iskolar ng Bayan mula sa PUP, si Student Regent Miss Kim Modelo tutol sa niraratsadang makadayuhan at represibong ChaCha ng administrasyong Marcos Jr.
Matatandaan nitong sabado, March 16, itinatag ang United PUP Against ChaCha Network na binubuo ng iba't-ibang organisasyon sa loob ng PUP.
Itinutulak ngayon sa Kamara ang deliberasyon ng National Polytechnic University (NPU) Bill kasabay ng pagtutol ng komunidad ng PUP sa mga probisyong magpapaigting pa sa pagsasapribatisa at komersyalisa sa mga serbisyo sa loob ng pamantasan.
Sa ilalim nito, maaaring makaapekto ang panukala sa mga Lagoon vendors dahil sa lalong pagtaas pa ng upa at presyo ng kanilang mga produkto at pagkakaroon ng mga kakompitensyang tindahan. Gayundin sa mga estudyante dahil sa maaaring pagtaas ng mga bilihin sa loob ng pamantasan.
Sa karagdagan, ang malayang implementasyon pa ng komersyalisasyon at pribatisasyon sa pamantasan ay tuwirang maglilikha pa ng mga iskolar ng bayan na kakapusin sa mga pangangailangang pang akademiko ngunit mataas na pamantayan sa pambansang merkado, na sa huli ay durugtong pa sa dami ng mga manggagawang papasok sa murang lakas-paggawa.
Samakatuwid, nagkakaisang tindig pa rin ng mga iskolar ang panawagang pagpapataas pa ng budget para sa PUP System na tatalima sa karapatan ng mga mag-aaral sa libre, aksesable, at dekalidad na edukasyon.
Pakinggan ang sentimyento ng iba’t ibang estudyante mula sa iba’t ibang kolehiyo sa gitna ng deliberasyon ng nasabing bill. NPU Bill, para sa komunidad nga ba o interes ng iilan?
Hinanda nina ___.
🎥: Marc Golisao
#PUPBudgetItaas
#NoToPrivatization
#PUPNotForSale
Itinutulak ngayon sa Kamara ang deliberasyon ng National Polytechnic University (NPU) Bill kasabay ng pagtutol ng komunidad ng PUP sa mga probisyong magpapaigting pa sa pagsasapribatisa at komersyalisa sa mga serbisyo sa loob ng pamantasan.
Sa ilalim nito, maaaring makaapekto ang panukala sa mga Lagoon vendors dahil sa lalong pagtaas pa ng upa at presyo ng kanilang mga produkto at pagkakaroon ng mga kakompitensyang tindahan. Gayundin sa mga estudyante dahil sa maaaring pagtaas ng mga bilihin sa loob ng pamantasan.
Sa karagdagan, ang malayang implementasyon pa ng komersyalisasyon at pribatisasyon sa pamantasan ay tuwirang maglilikha pa ng mga iskolar ng bayan na kakapusin sa mga pangangailangang pang akademiko ngunit mataas na pamantayan sa pambansang merkado, na sa huli ay durugtong pa sa dami ng mga manggagawang papasok sa murang lakas-paggawa.
Samakatuwid, nagkakaisang tindig pa rin ng mga iskolar ang panawagang pagpapataas pa ng budget para sa PUP System na tatalima sa karapatan ng mga mag-aaral sa libre, aksesable, at dekalidad na edukasyon.
Pakinggan ang sentimyento ng iba’t ibang estudyante mula sa iba’t ibang kolehiyo sa gitna ng deliberasyon ng nasabing bill. NPU Bill, para sa komunidad nga ba o interes ng iilan?
Hinanda nina ___.
🎥: Marc Golisao
#PUPBudgetItaas
#NoToPrivatization
#PUPNotForSale
PANOORIN | Simbolikong pinunit ang watawat ng Estados Unidos bilang mariing pagkukundina sa pagsuporta nito sa malawakang hinosido kasabwat ang Zionistang Israel sa Palestine at sa panghihimasok ng imperyalistang bansa sa Pilipinas.
Makikita rin rito ang tahasang pang-aagaw at tangkang pagpapatigil ng kapulisan.
PANOORIN | Simbolikong sinunog ang tarpapel ng EARIST Student Hand Book bilang pagtututol sa anti-estudyanteng probisyon nitong hindi kumikilala sa gender expression ng transgender students.
Sa grooming policy nito, sinasabing ang transwomen students ay dapat may gupit na 'sport short hair' na naging balakid sa kanilang enrollment.
#InclusiveSchoolsNow
PANOORIN | Bilang pagtatapos ng paunang programa sa kahabaan ng España, simbolikong sinira ng sektor ng kababaihan ang regalong Charter Change ng administrasyong Marcos Jr. na anila'y nagpapanggap na kaunlaran para sa interes ng imperyalistang US.
Sa paggunita ng ika-38 anibersaryo ng EDSA People Power nitong Pebrero 25, naglunsad ng kolektibong pagkilos ang iba’t ibang sektor ng masa upang tutulan ang panukalang Charter Change na kasalukuyang tinutulak sa ilalim ng rehimeng Marcos Jr.
Sa panayam ng ilang mga miyembro na mula sa iba’t ibang sektor at organisasyon, ipinahayag nila ang kahalagahan ng pagkilos at pagkakaisa ng mamamayan upang labanan ang polisiya na maaaring magdulot ng malawakang pagbabago sa konstitusyon.
Panoorin at alamin kung ano nga ba ang pagtingin ng masang Pilipino sa kasalukuyang isyung kinahaharap ng bansa.
Video nina Marc Golisao, Joshe Martin Libo-on & Paul Bryan Bio.
#EDSA38
PANOORIN | Sa pagtatapos ng programa, simbolikong sinunog ng mga kalahok sa protesta ang watawat ng US at China bilang pagtutol sa pananamantala at paghahari ng imperyalismo sa Pilipinas.
PANOORIN | Pinangunahan ni Sofia Trinidad ng UP Student Regent ang simbolikong pagpunit sa “Menu of Poverty” ni Marcos Jr. na inihahain ng administrasyong Marcos.
Kasabay nito, ipinresenta rin ang mga alternatibong solusyon para sa mga isyung kinahaharap ng bansa.
