WATCH | Senate Bill 2669 also known as the National Polytechnic University Bill's passage at yesterday's Senate session.
WATCH | House Bill no. 11341 also known as the National Polytechnic University Bill's passage at yesterday's House of Representatives session.
WATCH | Iskolar ng Bayan from Polytechnic University of the Philippines (PUP) called for the condemnation of the Marcos regime and the impeachment of Vice President Sara Duterte through collegiate cheer, today at Liwasang Bonifacio.
Mula sa mga nagtataasang bilihin, kakulangan sa badyet sa sektor ng edukasyon, at patung-patong na krisis panlipunan, ano nga bang kahilingan ang nais maisakatuparan ng bawat estudyante at manggagawa sa loob ng pamantasan?
Panoorin ang aming inihanda at alamin ang mga kahilingan ng komunidad ng PUP.
| Inihanda nina Pauleen Solomon, Candace Baricuatro, Richie Mahinay, Paulene Monterde, Lia Rivera at Leslie Canon
Sa isinagawang kilos-protesta bilang paggunita sa Araw ng Karapatang Pantao, nagkaisa ang iba't ibang sektor at nagmartsa mula Liwasang Bonifacio patungong Mendiola upang ipatampok ang panawagan para sa malayang pamamahayag, paglaya ng political prisoners, makataong sweldo ng mga manggagawa, hustisya sa paglabag sa mga karapatang-pantao, gayundin ang paniningil sa pamilyang Marcos, at pagpapatalsik sa pwesto kay Bise Presidente Sara Duterte.
Ang araw na ito ay isang paalala na ang karapatang pantao ay para sa lahat at hindi lang sa iilan.
✍️: Lia Rivera
🎥 Leslie Canon, Arliz Torre, at Richie Mahinay
Sa ika-161 na kaarawan ni Gat Andres Bonifacio, nagtipon ang iba’t ibang progresibong grupo upang magkaisa sa diwa ng pakikibaka para sa tunay na kalayaan at katarungan. Kahapon, Nobyembre 30, 2024, nagmartsa ang malawak na hanay ng masa mula Liwasang Bonifacio patungong Mendiola, bitbit ang mga panawagan para sa karapatan at kapakanan ng sambayanang Pilipino.
Ang araw na ito ay paalala na hindi natatapos ang laban sa kasaysayan lamang. Ang diwa ni Bonifacio ay nananatili sa bawat hakbang ng mamamayang Pilipino para sa pagbabago. Mabuhay ang rebolusyonaryong diwa ng pakikibaka!
✍️: Camille Vergara
🎥: Leslie Canon, Arliz Torre, Lia Rivera, at Richie Mahinay
Sa nalalapit na paggunita ng International Students' Day, patuloy na ipinapahayag ng mga estudyante ng Politeknikong Unibersidad ng Pilipinas (PUP) ang kanilang mga hinaing kaugnay ng mga karapatang nararapat nilang matamasa bilang mag-aaral.
Kasabay ng pagsalubong sa pandaigdigang araw ng mga estudyante ang patuloy na pakikipaglaban para sa tunay na akademikong kalayaan, pagtutol sa Mandatory ROTC, pagkondena sa sunod-sunod na tapyas-pondo, at panawagan para sa makamasa, dekalidad, at aksesableng edukasyong paglilingkuran ang sambayanan.
Ano nga ba ang mga karapatan na dapat natatamasa ng bawat estudyante? Dagdag dito, bilang mga Iskolar ng Bayan, ano nga ba ang dapat nating gawin para maipaglaban pa ito?
Tara't samahan niyo kaming alamin ang kanilang #PanawaganNgPupians!
Inihanda nina Richie Mahinay, Jeph Arquero, Leslie Canon, Lia Rivera , France Razon, Kristine Llamera, Arliz Torre, Rhyzza Gayle Tamayo, at Joel Vinluan.
PANOORIN | Sa pagpapatuloy ng programa, nag-alay ng mga kultural na pagtatanghal ang mga kaanak ng biktima ng enforced disappearances bilang handog at tanda ng pagluluksa sa mga "walang puntod".
PANOORIN | Bago matapos ang programa, nagbahagi si Ka Danilo "Daning" Ramos ng tulang isinulat niya upang magsilbing paalala sa patuloy na pagsulong sa karapatan ng mga magsasaka sa kabila ng militarisasyon, matinding paghihirap, at kawalan ng tunay na reporma sa lupa.
Sa datos ng Kilusang Magbubukid ng Pilipinas (KMP), pito sa 10 magsasaka ang nananatiling walang sariling lupa.
PANOORIN | Militanteng sinalubong ng mga artista ng bayan at alagad ng midya ng Polytechnic University of the Philippines (PUP) ang kanilang araw ng pagtatapos bitbit ang panawagan sa kakulangan ng pondo hanggang sa patuloy na panghihimasok ng militar sa pamantasan, ngayong araw, October 3 sa Philippine International Convention Center (PICC).
Ang isinagawang iglap-protesta sa huling parte ng commencement exercise ng College of Arts and Letters (CAL) at College of Communication (COC) ay marka ng kanilang apat na taon bilang Iskolar ng Bayan. Turol rin ng mga magsisipagtapos ang patuloy na pagbitbit ng kanilang mga kaalaman mula sa pamantasan at walang pagod na paglingkuran ang sambayanan.
PANOORIN | Militanteng sinalubong ng mga atleta ng bayan, guro ng bayan at teknolohista ng bayan ng Polytechnic University of the Philippines (PUP) ang kanilang araw ng pagtatapos bitbit ang panawagan sa sumisidhing kalagayan ng sistemang pangedukasyon at represyong kinakaharap ng mga iskolar ng bayan, ngayong araw, October 3 sa Philippine International Convention Center (PICC).
Ang isinagawang iglap-protesta sa huling parte ng commencement exercise ng College of Human Kinetics (CHK), College of Computer and Information Sciences (CCIS) at College of Education (COED) ay marka ng kanilang apat na taon sa pamantasan. Turol rin ng mga magsisipagtapos ang pagpapatuloy ng militanteng tradisyon at pagpaparangal sa mga PUPian na namartyr.
PANOORIN | Nakalaya na ang #PUP3 matapos ang higit 4 na araw na illegal detainment sa walang batayang mga kaso ng Vandalism, Malicious Mischief, at Disobedience to authority ngayong hapon, September 23.
Sa kabila nito, patuloy ang panawagan ng komunidad laban sa patuloy na panunupil ng administrasyon sa mga progresibong kabataan.
#ReleasePUP3
Ito ang opisyal na page ng The Catalyst, ang opisyal na publikasyon ng PUP Sta. Mesa
