23/12/2025
๐ฃ๐ฎ๐ป๐ถ๐๐ถ๐ธ๐ฎ๐ป | ๐๐ป๐ด ๐๐ถ๐๐ฎ๐ป๐ฎ๐ด ๐๐ฎ ๐๐ถ๐น๐ถ๐บ
Siyam na araw bago ang Pasko, gumigising ang bayan sa lamig ng madaling-araw. Sa ilalim ng bituin, tahimik na naglalakad ang mga pamilya, may bitbit na panalangin at pag-asa. Ang Simbang Gabi ay hindi lamang misa; ito ay liwanag sa gabi ng mga Pilipino.
Sa bawat tunog ng kampana, naaalala ang mga ninuno na nanalig sa liwanag kahit kulang ang liwanag ng tahanan. Sumasabay ang awit sa usok ng kandila, umaakyat sa kisame ng simbahan. At pagkatapos ng misa, naaamoy ang mainit na kakaninโmga bibingka at p**o bumbong.
Sa Simbang Gabi, natututo tayong maghintay nang nakangiti at manalig na darating ang umaga na may kasamang biyaya. Sa mga hakbang papasok sa loob ng simbahan, dinadala natin ang ating mga takot, pagkakamali, at munting pag-asa. Pinapawi ng panalangin ang bigat ng taon, habang ipinapangako ng pananampalataya ang bagong simula para sa lahat. Ito ay paalala na ang Pasko ay hindi lamang isang araw, kundi isang paglalakbay ng pananalig, pagmamahal, at pagkakaisa na patuloy na binubuhay tuwing madaling-araw ng Disyembre sa bawat pamilyang Pilipino taon-taon.
Isinulat ni: Rodea Yvaine Unciano
Iginuhit ni: Maria Grace Angela Manaois
Layout ni: Jamie Cristine Paat
