Contact information, map and directions, contact form, opening hours, services, ratings, photos, videos and announcements from HappyNanay, Digital creator, Manila.
26/10/2024
ANG MULING PAGBANGON
A Donation Drive for Bagyong Kristine Victims in Sitio Paso and Mahabang Buhangin
Matapos ang matinding pananalasa ng Bagyong Kristine ang ating komunidad na kinabibilangan ng ating paaralan ay nahaharap sa tungkulin na muling ibangon at bigyang pag-asa ang mga apektadong pamilya lalo't higit ang mga mag-aaral na naninirahan sa Sitio Paso at Mahabang Buhangin, mga lugar na lubusang nasalanta ng matinding hangin, ulan at pagguho ng lupa.
Nakalulungkot na marami sa kanila ay nawalan ng tirahan, kabuhayan at ari-arian. Kung kaya't buong puso kaming lumalapit sa inyo upang sila ay matulungang makabangon at makapagsimulang muli.
Dagdag pa rito maging si Aya, ang ating bangka na katuwang natin sa pagbibigay ng accessible education para sa lahat, ay nawasak at kinakailangang muling maiayos para sa ating mga mag-aaral.
Maaari po kayong maging tulay ng pag-asa para sa aming mga mag-aaral at magpaabot ng inyong malasakit at pagmamahal sa pamamagitan ng in-kind o cash donation na kanilang kakapitan upang muling makabangon.
Maliit man o malaki, anumang tulong ay magbibigay kaluwagan sa mga nasalanta. Samahan po ninyo kaming maghatid ng LIWANAG sa mga mag-aaral at kanilang pamilya upang muli silang MAKABANGON at makahanap ng lakas sa ganitong kahirap na pagkakataon.
Para sa mga nais tumulong maari po kayong makipag ugnayan sa aming paaralan, hanapin po lamang ang aming SSLG President, Sean Laurence T. Maligalig at BNHS SRCY Council President, Aizel Jhovanna M. Anillo. Maari rin po kayong magpadala sa aming GCASH 09461755255 - Ro*e je*n R.
Maraming salamat sa inyong kabutihang loob.
