Cebu City - - - - Di pa lang dugay naghimo og pagpanghinlo sa sapa ang mga molupyo sa barangay Candulawan dakbayan sa Talisay.
Nagtinabangay ang tanan aron ma limpyo ang sapa nga nga gilabayan og basura gikan sa bukid nga mag agi sa maong barangay, agi sa Cabancalan, Bulacao lahus sa kilid sa St. Paul nga karon UC na.
Nalipay tang nagsud-ong nga nagpakabana ang atong mga katawhan aron pabiling limpyo ang sapa, apan atong namatikan og nakita nga daghan nagda og sako aron ka butangan sa basura. Apan nahuman nalang silag wakli sa mga basura paingon na sa cabancalan, wa gyud tay nakita nga nasudlan ang ilang sako.
Hinuon ilang gipanghakot ang basura nga sa atong tan-aw nag liming sa kadaghan, ila lang ibutang kilid sa sapa og ang mga naglutaw, ila lang usab iwakli padong na sa cabancalan.
Nawala ang ilang bayanihan sa pagpanglimpyo sa sapa nga dili namapadpad ang basura sa laing barangay.
Unta, susihon ni sa mga opisyales sa barangay kay looy sab ang laing sitio nga adto na magdasok ang ilang gipangwakli nga basura.
