What are the opening hours?

Monday 7:30am - 4:30pm Tuesday 7:30am - 4:30pm Wednesday 7:30am - 4:30pm Thursday 7:30am - 4:30pm Friday 7:30am - 4:30pm

Bahaghari - Pisay Gitnang Luzon

Home
Philippines
Mabalacat
Bahaghari - Pisay Gitnang Luzon

Ang opisyal na peryodismo sa Filipino ng Mataas na Paaralan ng Pilipinas sa Agham - Gitnang Luzon

Ang mga pananaw at opinyon ng patnugutan/peryodismo ay hindi direktang sumasalamin sa pananaw ng Mataas na Paaralan sa Pilipinas sa Agham-Gitnang Luzon, ng PSHS System, o ng Kagawaran ng Agham at Teknolohiya. Bilang pagsunod sa Republic Act 10173 o ng Data Privacy Act ng 2012, ang peryodismong Bahaghari ay humingi ng permiso sa mga magulang ng mag-aaral na i-post online ang graphic illustration o pubmat na naglalaman ng pangalan at larawan ng manunulat.

21/08/2024

Sa patuloy na pagkalap ng katotohanan, narito ang mga mangunguna sa paninindigan para sa bayan. ✊ Sa ngalan ng malayang pamamahayag, sila'y muling magsusulat at mag-uulat upang makamulat. 🗞️

Buong puso naming ipinagmamalaki ang patnugutan ng Bahaghari SY 2024-2025! 🌈

✍️ Nyah Salazar
🖼️ Enzo Banzon at Jazel Reyes
📷 Shander Liwanag at Anela Samson

20/08/2024

“𝐀 𝐭𝐢𝐦𝐞 𝐜𝐨𝐦𝐞𝐬 𝐢𝐧 𝐚 𝐦𝐚𝐧'𝐬 𝐥𝐢𝐟𝐞 𝐰𝐡𝐞𝐧 𝐡𝐞 𝐦𝐮𝐬𝐭 𝐩𝐫𝐞𝐟𝐞𝐫 𝐚 𝐦𝐞𝐚𝐧𝐢𝐧𝐠𝐟𝐮𝐥 𝐝𝐞𝐚𝐭𝐡 𝐭𝐨 𝐚 𝐦𝐞𝐚𝐧𝐢𝐧𝐠𝐥𝐞𝐬𝐬 𝐥𝐢𝐟𝐞.” – 𝐒𝐞𝐧. 𝐁𝐞𝐧𝐢𝐠𝐧𝐨 𝐒𝐢𝐦𝐞𝐨𝐧 “𝐍𝐢𝐧𝐨𝐲” 𝐀𝐪𝐮𝐢𝐧𝐨 𝐉𝐫.

Idinaraos ngayong Agosto 21 ang ika-41 anibersaryo ng pagkamatay ni dating Sen. Benigno “Ninoy” S. Aquino Jr., ang namuno sa oposisyon noong panahon ng Martial Law sa ilalim ni dating Pang. Ferdinand Marcos.

Matapos makipagsapalaran bilang sundalo at komandante noong taong 1950, pinasok niya rin ang larang ng politika sa dekadang iyon. Nang manalo ng upuan sa senado noong 1967 bilang kaisa-isahang senador mula sa partidong liberal, maigi niyang binusisi at pinuna ang kawalan ng hustisya sa ilalim ng termino ni dating Pang. Marcos – na naging dahilan din ng kaniyang pagkabilanggo.

Habang nakakulong, nagsulat si Ninoy ng mga open letter laban sa rehimeng Marcos at naghatid ng talumpating salungat sa pagkakulong niya. Nakalabas siya ng kulungan at tumungong Amerika nang makaranas ng atake sa puso upang magpagamot. Dalawang taon matapos alisin ang Martial Law, bumalik siya sa Pilipinas sa kabila ng payo ng kaniyang pamilya. Noong Agosto 21, 1983, binaril siya sa kinilala noong Manila International Airport at namatay.

Maaga mang pumanaw si Ninoy, ang ilang taong nilaan niya upang magsalita laban sa mga kaapihan sa lipunan ay pumukaw sa puso ng maraming Pilipinong ipagpatuloy ang laban para sa kanilang kalayaan. Patuloy nawang mabigyang-kahulugan ang pagpanaw niya sa pamamagitan ng ating pag-alala sa kaniyang mga ginawa at sa walang humpay na pagsusumikap upang mapangalagaan ang mga karapatan ng bawat isa.

Nakikiisa ang Bahaghari sa paggunita at pagdangal kay Sen. Ninoy Aquino at sa kaniyang mga kontribusyong nagsilbing ningas ng pagsulong at pagtindig para sa demokrasya. ✊

Sanggunian:
Benigno Aquino, Jr. | Filipino politician. (n.d.). Encyclopedia Britannica. https://www.britannica.com/biography/Benigno-Aquino-Jr

Martial Law Museum. (2024). Martial Law Museum. https://martiallawmuseum.ph/magaral/from-senator-to-prisoner-the-story-of-n

Vila, A. C. (n.d.). Reliving Ninoy Aquino’s wisdom through his own words. Philstar.com. https://www.philstar.com/headlines/2020/08/21/1360108/reliving-ninoy-aquinos-wisdom-through-his-own-words

--
✍️ Xandrei Pangilinan
🖼 Janine Emmanuel

16/08/2024

| Guidance counselor mula Pisay Gitnang Luzon, tagumpay sa GCLE

Hinirang bilang Registered Guidance Counselor (RGC) si Rochelle Anne Capuli, isa sa mga guidance counselor ng Pisay Gitnang Luzon matapos mapabilang sa mga pumasa sa Guidance Counselor Licensure Examination (GCLE) na isinagawa nitong Agosto 13-14, 2024.

Mula sa Bahaghari, isang matamis na ngiti at pagbati, Ma'am Rochelle!

--
✍️ Lexie Buencamino
🎨 Jazel Reyes

16/08/2024

| Guidance counselor ng Pisay Gitnang Luzon, rank 2 sa GCLE

Pinarangalan bilang Registered Guidance Counselor (RGC) si Jene Lianica Arcega, guidance counselor mula Pisay Gitnang Luzon, matapos pumasa sa Guidance Counselor Licensure Examination (GCLE) noong Agosto 13-14, 2024 kung saan siya ang nagkamit ng pangalawang pinakamataas na iskor na 90% sa buong Pilipinas.

Mula sa Bahaghari, isang matamis na ngiti at pagbati, Ma'am Yani!

--
✍️ Enzo Banzon
🎨 Jazel Reyes

16/08/2024

| G**o mula Pisay Gitnang Luzon, nagtapos nang may karangalan sa QUT

Tagumpay na natapos ni Angelo Niño Batoon, g**o mula sa Chemistry Unit ng Pisay Gitnang Luzon ang kaniyang Master of Education sa Queensland University of Technology (QUT) sa Australia na may espesyalisasyon sa Science, Technology Mathematics and Engineering (STEM) track nang may karangalan.

Sa tulong ng DOST-SEI, isa si Batoon sa 16 na empleyado ng Pisay System sa nabigyan ng pagkakataong makapagtapos ng kursong may layong mapaunlad ang kaalaman sa pagtalakay sa STEM.

Mula sa Bahaghari, isang matamis na ngiti at pagbati, Sir Gello!

--
✍️ Arvrisse Cuevas
🎨 Jazel Reyes

11/08/2024

Nakikiramay ang peryodismong Bahaghari sa The Science Net at sa mga naiwang pamilya ni Ginoong Jerry Serdeña.

Siya ang nagsilbing tagapayo ng The Science Net mula Pisay- Eastern Visayas Campus.

Patuloy nawang isabuhay ang kaniyang mga naging kontribusyon sa larang ng pagtuturo at pamamahayag.

Isang mahigpit na yakap, The Science Net. 🫂

Maraming salamat, Sir Jerry Serdeña!

10/08/2024

SA MGA LARAWAN | KARANGALAN AT KAHUSAYAN: Ika-15 Toast to Excellence, idinaos sa Pisay Gitnang Luzon

Isinagawa noong Biyernes ang ika-15 Toast to Excellence ng Pisay Gitnang Luzon na dinaluhan ng mga iskolar at magulang mula Batch 2029 hanggang Batch 2024, Seranaiya.

Minarkahan din ng pagdiriwang ang pagtatapos ng Batch Alyaposa mula ika-10 baitang na nasaksihan sa unang bahagi ng programa sa umaga.

Pinangunahan ang selebrasyon sa pagbibigay ng pambungad na talumpati ni Campus Director Theresa Anne O. Diaz.

Kasunod namang nagbigay ng talumpati si Dr. Carlo A. Arcilla, Direktor ng Department of Science and Technology - Philippine Nuclear Research Institute (DOST-PNRI) at miyembro ng Board of Trustees ng Philippine Science High School System (PSHSS).

Binigyang-diin ni Arcilla ang kahalagahan ng integridad at pagkiling sa katotohanan higit pa sa taglay na kaalaman.

"We have a healthy respect for the truth and the facts — that's an important lesson for a scientist.... Many scientists are good but they overextend their thinking. It is important to be grounded," ani Arcilla.

Nagtapos ang programa sa pangwakas na talumpati ni dating Curriculum Instructions Division (CID) Chief Karizz Anne L. Morante na nag-iwan ng mensaheng "Continue to exemplify the 'Husay Pisay' in everything that you do."

✍🏽 Lexie Buencamino
📸 Anela Samson, Shander Liwanag, Magus Bautista

09/08/2024

Goodluck, mga ate at kuya! 🌻🌻🌻

🎨 Hague Garcia

06/08/2024

TINGNAN | UGNAYANG SIYENSYA'T KULTURA: Mga iskolar ng Pisay Gitnang Luzon, nakilahok sa Socio-Cultural Program ng INSO 2024

Bilang bahagi ng kauna-unahang International Nuclear Science Olympiad (INSO), isinagawa noong Agosto 5 sa Miriam College Henry Sy, Sr. Innovation Center ang “Socio-Cultural Program” na dinaluhan ng 55 manlalahok mula sa 14 na bansa at mga piling mag-aaral mula sa Pisay Gitnang Luzon, Miriam College, San Francisco High School, at Quezon City Science High School.

Sa pamamagitan ng pagkakaroon ng “get-to-know segment” sa programa, nabigyan ang mga mag-aaral ng pagkakataong makilala ang kultura ng isa’t isa at makabuo ng magandang samahan bagaman nanggaling sa iba’t ibang bansa.

Bukod dito, nagkaroon din sila ng oportunidad na makausap ang ilang mga eksperto mula sa International Atomic Energy Agency (IAEA) at DOST - Philippine Nuclear Research Institute (PNRI) kung saan mas napalalim ang kanilang kaalaman at nasagot ang kanilang mga katanungan ukol sa nuclear science.

Ipinakita rin sa mga mag-aaral ang iba’t ibang kagamitan sa PNRI tulad ng Electron Beam at Multipurpose Irradiation Facilities, pati na rin ang kanilang nuclear reactors.

--
Panulat ni Angelo Dela Rama

04/08/2024

𝗬𝗨𝗟𝗢, 𝗦𝗜𝗡𝗨𝗡𝗚𝗞𝗜𝗧 𝗔𝗡𝗚 𝗠𝗔𝗞𝗔𝗦𝗔𝗬𝗦𝗔𝗬𝗔𝗡𝗚 𝗜𝗞𝗔𝗟𝗔𝗪𝗔𝗡𝗚 𝗚𝗜𝗡𝗧𝗢

Inuwi ng Paris Olympics 2024 gold medalist sa Floor Exercise, Carlos Edriel "Caloy" Yulo, ang isa pang gintong medalya sa Men’s Vault Finals para makilala bilang kauna-unahang Pilipinong may dalawang gintong medalya sa Olympics.

Umiskor ang "Golden Boy" ng tumataginting na 15.116 points upang makoronahan bilang kampeon sa ikalawang sunod na gabi at itaas ang bandera ng Pilipinas sa Paris Olympics 2024.

Isang matamis na ngiti at pagbati, Carlos Yulo!

--
✍️ Dean Macaranas at Lexie Buencamino
🎨 Lexie Buencamino at Enzo Banzon
📷 Rappler

04/08/2024

𝙃-𝙊-𝙏-𝙏-𝙊-𝙂-𝙊! 𝙃𝙖𝙣𝙙𝙖 𝙠𝙖 𝙣𝙖 𝙗𝙖, 𝙄𝙨𝙠𝙤? 🤯💥

It's fine. It's cool! You can say na ayaw mo pa, but you know the truth. Balik-campus na! ⏰🏫

Kung nasasabik ka na, hindi ka nag-iisa! Andito rin si Iska Chappell na dumayo pa mula Tennessee 🤩

Tara na! We're in the hallway waitin' for 'ya! Pisay skirt and my new black shoes~ ✨️

Sabay-sabay nating salubungin ang Taong Aralang 2024-2025! Good luck, Isko! 🫡🤙

--
✍️ Lexie Buencamino at Enzo Banzon
🖼 Enzo Banzon at Jazel Reyes

03/08/2024

𝗖𝗔𝗟𝗢𝗬 𝗚𝗜𝗡𝗨𝗟𝗔𝗧 𝗔𝗡𝗚 𝗠𝗨𝗡𝗗𝗢, 𝗜𝗡𝗨𝗪𝗜 𝗔𝗡𝗚 𝗚𝗜𝗡𝗧𝗢

Namayagpag si Carlos Edriel “Caloy” Yulo ng Pilipinas matapos niyang umukit ng 15.000 puntos upang makuha ang kauna-unahang gintong medalya sa Paris Olympics 2024 Men’s Artistic Gymnastics Floor Exercise Finals sa Bercy Arena.

Matapos siyang mabigo sa 2020 Tokyo Olympics, ay bumawi ang 4-foot-9 Pilipino sa 2024 Olympics at inuwi ang ginto para sa Pilipinas.

Sasamahan na niya si Hidilyn Diaz sa mga ginto ng Pilipinas sa Olympic history.

Isang matamis na ngiti at pagbati, Carlos Yulo!

--
Panulat ni Nathaniel Villena
Disenyo ni Enzo Banzon

03/08/2024

| Budget ng Pisay Gitnang Luzon, tumaas nang 12.10% para sa 2025

Tumaas nang 12.10% ang budget ng Pisay Gitnang Luzon at ngayon ay pumapatak sa 148.3 milyong piso sa ilalim ng kasusumite lamang na 2025 National Expenditure Program (NEP) nitong Hulyo 29, 2024.

Samantala, walo sa 16 na kampus ang kinakitaan ng pagbaba ng nakalaang pondo, kasama na ang MIMAROPA Region Campus na nagkaroon ng pinakamalaking kabawasan na 46.01% mula sa dating budget nitong 123.9 milyong piso.

Sa kabuoan nasa humigit-kumulang 52 milyong piso ang idinagdag sa kabuoang panukalang budget para sa Philippine Science High School System (PSHSS).

Matatandaang 329 milyong piso ang ibinawas sa 2024 budget ng PSHSS, kung saan pinakamalaki ang ikinaltas sa kampus ng Gitnang Luzon na nasa 81.6 milyon.

Ang NEP ay isang national budget proposal para sa susunod na Fiscal Year (FY) na siyang ipinapasa ng Department of Budget and Management (DBM) sa Kongreso para sa pagrerepaso.

Sanggunian:
- Gulla, V. (2023, September 5). Pisay budget gets cut in DOST’s 2024 budget. ABS-CBN News; ABS-CBN News. https://news.abs-cbn.com/news/09/05/23/pisay-budget-gets-cut-in-dosts-2024-budget
- National Expenditure Program. (n.d.). Www.dbm.gov.ph. https://www.dbm.gov.ph/index.php/program-expenditure-classification-prexc?view=article&id=1204&catid=146 #:~:text=National%20Expenditure%20Program%20(NEP)%20Archives
- National Expenditure Program 2024 & 2025

--
Panulat ni Lexie Buencamino
Disenyo ni Jazel Reyes

02/08/2024

| Nesth-eyy, nagpakitang-gilas sa Paris Olympics

Dinagok ni Nesthy Petecio ang pwesto sa Round of 16 ng Featherweight Category matapos niyang ratsadahin ang Indiyanong boksingerong si Jaismine Lamboria sa Round of 32 ng kampeonato.

Ang Tokyo Olympics 2020 silver medalist, na may taas na 5-foot-2, ay nagawang tumayo nang mas matangkad laban sa 5’9 na Indian sa perpektong gameplan upang tumaas ang pagkakataon ni Lamboria na magwagi.

Nahirapan ang pambato ng India na maitama ang kaniyang mga tira sapagkat maliksi ang footwork at head movement ni Nesthy.

Bumuslo pa ng matitikas na suntok ang Pilipina at tuluyang naubos ang lakas ng pambato ng India sa huling round.

Sunod na katunggali ni Petecio si Amina Zidani ng France.

Sila ay magtatapatan na ng kamao sa Sabado, August 3, 2024.

--
Panulat ni Nathaniel Villena
Disenyo ni Jazel Reyes

01/08/2024

“𝐅𝐢𝐥𝐢𝐩𝐢𝐧𝐨: 𝐖𝐢𝐤𝐚𝐧𝐠 𝐌𝐚𝐩𝐚𝐠𝐩𝐚𝐥𝐚𝐲𝐚”

Kaakibat ng temang ito, sabay-sabay nating kulayan ang pagdiriwang ngayong Agosto nang may pagmamalaki at dedikasyong mas pagyamanin ang ating Wikang Pambansa.

Sa gitna ng mga unos, peligro, at walang humpay na paglaganap ng mga kaso ng katiwaliang kinahaharap ng bansa, wika ang ating nagiging sandigan. Boses pa rin ng masa ang siyang mangingibabaw sa huli.

Ngayon, higit kailanman, lubos na kinakailangang protektahan at lalong palawigin ang mahigit isang daang wikang nananatili nating mga kayamanan. Ang mga ito ang nagbubuklod sa atin at nagsisilbing sandatang magtataguyod ng kapayapaan, katarungan, at magandang kinabukasan.

𝐌𝐮𝐥𝐚 𝐬𝐚 𝐁𝐚𝐡𝐚𝐠𝐡𝐚𝐫𝐢, 𝐢𝐬𝐚𝐧𝐠 𝐦𝐚𝐥𝐢𝐠𝐚𝐲𝐚 𝐚𝐭 𝐦𝐚𝐤𝐚𝐛𝐮𝐥𝐮𝐡𝐚𝐧𝐠 𝐁𝐮𝐰𝐚𝐧 𝐧𝐠 𝐖𝐢𝐤𝐚!

✍️ Avy Laniojan at Lexie Buencamino
🖼 Jazel Reyes at Enzo Banzon

29/07/2024

| Paris Olympics Updates: Yulo, Delgaco, at Villegas, nagpasikat

Muling ibinibida ng 22 Pilipinong atleta ang kanilang gilas sa iba’t ibang larangan ng isports tulad ng gymnastics, rowing, fencing, boxing, judo, swimming, athletics, golf, at weightlifting sa Paris Olympics 2024.

DAY 1:
Umarangkada ang kampanya ng Pilipinas sa Gymnastics kung saan sinelyuhan ni Carlos Yulo ang kaniyang puwesto sa 3 finals event sa kategorya.

Nakapasok ang 24-anyos sa finals ng all-around na kategorya matapos magtala ng iskor na 83.631, sapat para sa ika-siyam na puwesto.

Kaakibat nito, nasungkit din ni Yulo ang finals sa Floor exercise at vault na kategorya matapos umiskor ng 14.766 (2nd) at 14.683 (6th).

Gaganapin ang All-around finals sa darating na Miyerkoles, 11:30 pm habang ang floor at vault finals ay sa Agosto 3 at 4.

DAY 2:
Sinagwan naman ni Joanie Delgaco ang kaniyang daan tungong quarterfinals ng Women’s singles sculls rowing category.

Matapos magtapos sa ikaapat na puwesto sa Heat 2 ng qualifying round, tumungo ang Bicolano sa “Repechage” round kung saan nasigurado niya ang ikalawang tsansa upang makapasok sa quarterfinals.

Hindi sinayang ng 26-anyos ang pagkakataong ito nang sungkitin niya ang unang puwesto sa oras na 7:55.00 upang kunin ang kaniyang tiketa tungong quarters kasama ang Vietnamese na si Thi Hue Pham.

Gaganapin ang quarterfinals sa Martes, Hulyo 30, 3:30 ng hapon.

Tinusok palabas ng 22-anyos fencer na si Samantha Catantan ang Brazilian na si Mariana Pistoia upang umabante sa table of 32 kung saan kakalabanin niya ang World no. 2 na si Arianna Errigo.

Subalit, natuldukan naman ang Olympic Debut ni Catantan nang siya’y paluhurin ni Errigo ng Italy, 15-12, sa round of 32 ng Women's Individual Foil kanina.

Kinapos man sa pagkakataong lumahok sa finals, itinaas nina Levi Ruivivar, Emma Malabuyo, at Aleah Finnegan ang bandera ng Pilipinas matapos matamo ang top 28 (51.099) , 29 (51.099), at 33 (50.498) sa all-around Women’s Artistic Gymnastics.

Kinulang man, muntik nang lumahok sa vault finals si Finnegan nang umiskor ng 13.383 sa kategorya, sapat na para sa ika-10 puwesto.

DAY 3:
Naisuntok naman ni Aira Villegas and kaniyang posisyon sa Round of 16 ng Women’s Flyweight Category matapos paluhurin si Yasmine Moutaqui ng Morocco sa Round of 32 ng torneyo.

Unang sabak man sa Olympics ay pinakita ng Tacloban native ang kaniyang maliksing galawan upang manalo via Unanimous Decision.

Kasunod na katunggali ni Villegas si Roumaysa Boualam ng Algeria.

Gaganapin ang bakbakan sa Huwebes, Agosto 2, 2:16 ng umaga.

Bukas naman ay sasabak ang kaniyang kapwang boksingero na si Nesthy Petecio para sa kaniyang Round of 32 na bakbakan kontra kay Jasmine Lamboria ng India.

Bukas din gaganapin ang mga Olympic debut nina Kiyomi Watanabe para sa Judo women’s 63 kg at Kayla Sanchez para sa Women’s 100m Freestyle.

--
Panulat nina Elijah Peniano at Dean Macaranas
Disenyo ni Jazel Reyes

Sanggunian:
Paris 2024 Olympics - latest news, schedules & results. (n.d.). https://olympics.com/en/paris-2024

AP, AFP, REUTERS, PSC-POC, & INQUIRER. (2024, July 24). Meet the Team Philippines for the Paris Olympics 2024 Summer Games [Photograph]. INQUIRER.NET. https://sports.inquirer.net/575473/team-philippines-in-paris-olympics-2024-meet-the-athletes

25/07/2024

Noong 2019, nilagdaan ni dating Pangulong Rodrigo Duterte ang Republic Act 11440 na nagtatakda sa araw na ito, Hulyo 25, bilang 𝐍𝐚𝐭𝐢𝐨𝐧𝐚𝐥 𝐂𝐚𝐦𝐩𝐮𝐬 𝐏𝐫𝐞𝐬𝐬 𝐅𝐫𝐞𝐞𝐝𝐨𝐦 𝐃𝐚𝐲. Ngayong araw, muli nating binibigyang-tanglaw ang isang makabuluhang tanda ng pagpapahalaga sa pamamahayag pangkampus --- isang 'di-mapapalitang salik sa lalong pagpapatibay ng malayang pamamahayag sa kabuoan.

Tumitindig ang Bahaghari, kaisa ng lahat ng publikasyong pangkampus, na patuloy na sumusulong upang maisiwalat ang mga tunay na dinaranas ng masa sa loob at labas ng pamantasan o institusiyon.

Lagi't laging handang magsulat at mag-ulat upang magmulat. Para sa malayang pamamahayag. Para sa bayan. 🗞🇵🇭

✍Avy Laniojan at Lexie Buencamino
🖼 Enzo Banzon

15/07/2024

KAPAPASOK LAMANG | Iskolar mula Pisay Gitnang Luzon, sumungkit ng medalya sa Palarong Pambansa

Matagumpay na sinisid ni Seb Rafael Santos, estudyante mula sa Pisay Gitnang Luzon, ang tansong medalya sa kategoryang 4x100 freestyle relay sa Palarong Pambansa sa Cebu kanina.

Kasama ang kaniyang mga kakampi mula sa CLRAA, Itinuloy ng 15 anyos ang kaniyang porma upang tulungan ang kaniyang koponan na magtala ng 3:46.21 na oras sa kategorya.

Bukod dito, lumangoy rin si Santos sa 100m breastroke category.

Isang matamis na ngiti at pagbati, Seb!

--
Panulat nina Earth Peniano at Dean Macaranas
Disenyo ni Enzo Banzon

14/07/2024

| Finalists mula Pisay Gitnang Luzon, nag-uwi ng mga parangal sa ENVision 2024

Matapos ibida sa Asian Institute of Management Conference Center nitong ika-13 ng Hulyo ang kani-kanilang mga solusyon sa food waste sa hospitality at tourism sector, hinirang bilang mga kampeon ng ENVision Case Competition 2024 ang The Serve habang pinarangalan naman bilang People's Choice ang Team Eco-nique.

Ang The Serve ay binubuo nina Ana Carmelita del Rosario, Anela Claire Samson, Jeila Ubando, at Nyah Kirsten Salazar, na silang nagpakilala ng solusyong "Power Up", isang solar-powered biogas digester kung saan ang food waste ay maaaring maproseso at mapagmulan ng enerhiya para sa buffet-style dining hotels.

"Sustainability can be achieved with the right tools, which incorporates passion, dedication, and innovation. This competition brought out the best in each individual’s capability to not only propose the best solution but to immerse in the series of trials and errors to find the best approach for the highly variable field," ani Samson.

Mula naman sa Team Eco-nique, ibinida nina Avril Lois Laniojan, Bea Angela Salunga, Gabrielle Frances Malong, at Lexie Therese Buencamino ang solusyong SMORTT o Supply Management Operations through Real-Time Tracking na naglalayong magamit ang smart logistics upang unti-unting maiwasan ang paglikha food waste.

Bukod naman sa mga pagkilala, handog din ng Novus at Tajara Hospitality ang cash prizes para sa mga nakakuha ng una at ikalawang gantimpala.

Nagtapos ang programa sa talumpati ni Aoi Rika Lim, project manager ng Novus, na siyang nag-iwan ng mensaheng "Continue to learn and love to learn. Remember to have fun because at the end of the day, we are all students in the school of life."

Samantala, kabilang din sa finalists ng case competition ang pangkat Ekonomiyum na kinabibilangan nina Angela Yeshuah Buted, Elisha Arwen Medrano, Yuan Carlos Regencia, at Janina Reese Tecson, na may inobasyong "Halamanan."

Itinanghal naman nina Allelee Venice Celis, Eunys Barbon, Kim Clarisse Mendoza, at Nehemiah Añasco o Team Econommers ang "AI-roponics."

Nagsilbing kanilang mga tagapayo para sa patimpalak sina Bb. Pauline Kirstie Atumpag, G. Mark Xavier Bailon, at G. Joseph Ednie Soriano.

Isang matamis na ngiti at pagbati sa mga iskolar at mga tagapayo!

--
Panulat ni Lexie Buencamino
Kuha ni G. Mark Xavier Bailon

07/07/2024

Sabay-sabay nating suportahan ang dalawang iskolar na kalahok sa Palarong Pambansa at National Schools Press Conference na kasalukuyang isinasagawa sa Cebu.

Leann Reign Madrid - NSPC Qualifier (Pagwawasto ng Sipi at Pag-uulo ng Balita)
Seb Rafael Santos - Palarong Pambansa Qualifier (Swimming)

Goodluck, scholars!

--
Disenyo ni Enzo Banzon

02/07/2024

KAPAPASOK LAMANG | Dalawang iskolar mula Batch Seranaiya, kabilang sa UPCM INTARMED Batch 2031

Inilabas ang listahan ng mga pumasa sa University of the Philippines College of Medicine Intergrated Liberal Arts and Medicine (INTARMED) ngayong araw kung saan kabilang ang dalawang iskolar ng Pisay Gitnang Luzon na sina Bianca Marie Lim at Raphael Carl Rosario.

Ang INTARMED ay isang pitong taong programa ng UP na nagpapaikli sa edukasyong pangmedisina ng dalawang taon kung saan 25 na babae at 25 na lalaki lamang ang natatanggap bawat taon.

Pagbati at padayon, mga iskolar!

Mga larawang mula sa Facebook nina Bianca Marie Lim at Raphael Carl Rosario

--
Panulat ni Enzo Banzon
Disenyo ni Jazel Reyes

26/06/2024

KAPAPASOK LAMANG | Apat na grupong mula Pisay Gitnang Luzon finalists sa ENVision 2024

Magpapakitang-gilas ang mga iskolar ng Pisay Gitnang Luzon sa ENVision 2024 finals na isasagawa sa ika-13 ng Hulyo kung saan ipapamalas nila ang kanilang mga inobasyong solusyon sa food management.

"Sustainable food systems in the hospitality and tourism" ang tema ng ENVision ngayong taon kung saan layon nitong magbigay-oportunidad sa mga mag-aaral na gamitin ang kanilang galing at talento sa paglikha ng mga panibagong teknolohiya para sa ikabubuti ng hospitality industry ng bansa.

Narito ang sumusunod na mga pangkat mula Pisay Gitnang Luzon na pasok sa finals:

The Serve
Anela Samson, Carmel del Rosario, Nyah Salazar, Jeila Ubando

EKONIMIYUM
Elisha Medrano, Yeshuah Buted, Yuan Regencia, Janina Tecson

Eco-Nique
Lexie Buencamino, Bea Salunga, Gabby Malong, Avril Laniojan

Econommers
Allelee Celis, Eunys Barbon, Kim Mendoza, Nehemiah Añasco

Patuloy ang kanilang paghahanda at pagpapabuti sa kanilang mga proyekto sa gabay nina Ma'am Pauline Kirstie Atumpag, Sir Mark Xavier Bailon, at Sir Joseph Ednie Soriano.

Pagbati mga iskolar at tagapayo!

--
Panulat ni Enzo Banzon
Disenyo ni Jazel Reyes

24/06/2024

IPINAGMAMALAKI KA NAMIN, LEANN! ❤️

21/06/2024

SA HULING ESTASYON: Mga aral sa likod ng bawat pagkilala, binigyang-tanglaw sa pagtatapos ng Batch Seranaiya

Sa pagdaraos ng ika-10 Palatuntunan sa Pagtatapos nitong Hunyo 19,2024, nasaksihan ang huling pagmartsa at pagtanggap ng mga diploma, bilang tanda ng pagwawakas ng anim na taong iginugol ng Batch Seranaiya sa Pisay-Gitnang Luzon.

Sa kaniyang talumpati, nag-iwan ng mensahe si Campus Director Theresa Anne O. Diaz na "pwedeng magdahan-dahan, at sa bawat panibagong umaga, ang pagsisimulang muli ay isang tagumpay na. Huwag mag-alala, buhay ay 'di karera," na hango sa mga liriko mula sa kantang "Karera" ng P-Pop girl group na BINI, kasabay na rin ang pagpapaalala sa mga nagsipagtapos na huwag silang makalilimot.

"Do not relinquish the passion to learn" — ilan naman ang mga ito sa mga salitang bumuo ng talumpati ng panauhing tagapagsalita na si Dr. Joel Joseph Marciano Jr., Direktor Heneral ng Philippine Space Agency. Kaniyang ibinahagi sa mga iskolar kung papaano siyang natutong matuto sa pamamagitan ng pagkilala sa katotohanang hindi ito kinakailangang gawin nang mag-isa.

Sumunod naman dito ang paggagawad ng mga diploma sa panguguna ni Dir. Diaz, kasama si Philippine Science High School-System Executive Director Dr. Ronnalee Orteza. Kinilala rin ang mga nagsipagtapos nang may karangalan at kahusayang pang-akademiko.

Bago naman tuluyang humantong sa huling bahagi ng programa, nagbitiw ng mensahe ang kinatawan ng mga nagsipagtapos na si Bianca Marie Lim na ginawaran din ng DOST Secretary Award for Model Science Scholar, kabilang ang iba pang mga parangal. Wika niya, "Huwag magpapasilaw sa kinang ng medalya, lalo na’t ang angking husay at talento ng isang tao ay walang saysay kung hindi nito naaabot ang buhay ng iba."

Nasilayan din ang sabay-sabay na pag-awit ng pangkat nang kanilang itinanghal ang kanilang awit sa pagtatapos na "To the Final Station" mula sa titik at himig nina Arvi Abarientos at Gerzen Zabala, na siyang sumasalamin sa mga emosyong kaakibat ng gunita ng kanilang mga napagtagumpayan, gayundin ang mga pangarap na kanilang babaunin sa kanilang paglisan sa paaralan.

Isang matamis na ngiti at pagbati, Batch Seranaiya! Walang dudang patuloy pa kayong magniningning sa inyong panibagong yugto. Padayon! ✨️

Abangan ang espesyal na bidyong handog ng Bahaghari.

--
Panulat ni Lexie Buencamino
Disenyo ni Jazel Reyes

19/06/2024

TINGNAN | Isinasagawa ngayon ang Araw ng Pasasalamat ng Batch Seranaiya

16/06/2024

Bago pa man ang buwan ng Hunyo'y tuluyang lumipas,
Libo-libong pasasalamat ang handog sa'ting mga haligi ng tahanan,
Na sa ati'y nagbibigay-tibay at kanlungan —
Higit pa sa inaasahan o mahihiling sa anomang oras.

Sa tayog ng mga pangarap na nahaharaya,
Kapanatagan ang siyang natatagpuan
Sa kanilang mga natatanging presensya
Na siyang napag-uugatan ng 'di mapapantayang tiwala't suporta.

Marahil para sa musmos nating mga bersyon sa nakaraan,
Nakapinta sa isipang lakas ang tanging pundasyon
Ngunit realidad ang nagpapatunay sa mga simpleng aksyon
Na nagiging espesyal
sapagkat ang kaakibat ay walang katumbas na pagmamahal.

Anomang dala ng mapanubok na mundo,
Dahil sa inyo'y nakasusulong nang lakas-loob.
Buhat sa puspusang paggabay,
Sa bawat bukas, kami'y inyong nahulmang magtagumpay.
At sa hindi pagsuko ng matatatag na mga kamay,
Maraming salamat sa lahat ng aming mga nagsisilbing 'tatay'.

Hunyo man o hindi, isang malaking saludo sa lahat ng mga ama at sa mga tumatayong haligi ng tahanan.

Mula sa Bahaghari, Isang Maligayang Araw ng mga Ama! ✨️

--
✍️ Lexie Buencamino
🖼 Jazel Reyes

13/06/2024

Nakikiisa ang peryodismong Bahaghari sa pagdiriwang ng 𝗶𝗸𝗮-𝟲𝟲 𝗻𝗮 𝗮𝗻𝗶𝗯𝗲𝗿𝘀𝗮𝘆𝗼 𝗻𝗴 𝗞𝗮𝗴𝗮𝘄𝗮𝗿𝗮𝗻 𝗻𝗴 𝗔𝗴𝗵𝗮𝗺 𝗮𝘁 𝗧𝗲𝗸𝗻𝗼𝗹𝗼𝗵𝗶𝘆𝗮 (𝗗𝗢𝗦𝗧) na siya ring marka ng 66 na taon nilang pagtataguyod ng agham, teknolohiya, at inobasyon para sa ikabubuti ng mamamayang Pilipino.

--
Disenyo ni Hague Garcia

12/06/2024

𝐌𝐚𝐥𝐢𝐠𝐚𝐲𝐚𝐧𝐠 𝐀𝐫𝐚𝐰 𝐧𝐠 𝐊𝐚𝐥𝐚𝐲𝐚𝐚𝐧! 🇵🇭

Sa ating paggunita sa ika-126 na anibersaryo ng pagkamit ng kalayaan ng Pilipinas mula sa daan-daang taon ng kolonyalismo, ang ating pagbubunyi ay tumatanglaw sa lakas at kagitingang naialay ng ating mga bayani. Gayunpaman, hindi nagtatapos ang lahat sa nakaraan.

Kaakibat ng pag-iingat sa kasarinlang natamo ang pagiging mulat sa mga kasalukuyang banta rito. At sa kabila ng mga pagsubok sa kontemporaryong panahon, ang pagmamahal para sa Inang Bayan ay patuloy na dumadaloy at nadarama sa bawat pintig ng mga pusong naghahangad ng walang iba kundi ang tunay na ikabubuti at ikaaangat ng bawat Pilipino. Nawa'y hindi lamang ito maging ugat ng pag-asa, kundi pati na rin ng inspirasyon ng walang-sawang pakikipaglaban para sa ating kapakanan at mga karapatan.

𝐌𝐮𝐥𝐚 𝐧𝐨𝐨𝐧 𝐡𝐚𝐧𝐠𝐠𝐚𝐧𝐠 𝐧𝐠𝐚𝐲𝐨𝐧, 𝐧𝐚𝐧𝐚𝐧𝐚𝐭𝐢𝐥𝐢 𝐚𝐧𝐠 𝐥𝐚𝐲𝐨𝐧: 𝐬𝐚 𝐦𝐚𝐧𝐥𝐮𝐥𝐮𝐩𝐢𝐠, 𝐭𝐚𝐲𝐨'𝐲 𝐡𝐢𝐧𝐝𝐢 𝐧𝐚 𝐦𝐮𝐥𝐢𝐧𝐠 𝐩𝐚𝐬𝐢𝐬𝐢𝐢𝐥.

At sa pagpinta ng mga pahinang susunod na magiging kasaysayan na siyang walang pinipiling edad, katayuan, o larang, marahil ay magandang maitatak sa puso't isip na kakampi ng pagpapahalaga sa kalayaang taglay natin ang pagpapalawig ng kamalayan, pakikialam, at pag-aksyon. Hindi lamang kayamanan ang kalayaan. Isa itong instrumento — ng pagkamakabayan, ng pagsusulong ng makatarungang mga pagbabago.

Lahat-lahat, lagi't laging para sa bayan. ✊️

--
✍️ Lexie Buencamino at Avy Laniojan
🖼 Enzo Banzon at Jazel Reyes

Sanggunian:
Department of Social Welfare and Development. (n.d.). https://www.dswd.gov.ph/2014/06/dswd-supports-116th-philippine-independence-day-celebration/

Independence Day: Groups protest Duterte’s “surrender” of West Philippine Sea to China. (2021, June 12). Philstar.com. https://www.philstar.com/headlines/2021/06/12/2104995/independence-day-groups-protest-dutertes-surrender-west-philippine-sea-china

Noelle. (2022, June 10). Fun Facts about Philippine Independence - UPC TLRC. UPC TLRC - Teachers Resource Learning Center.https://tlrc.upcebu.edu.ph/fun-facts-about-philippine-independence/

Silva, J. L. (2013, June 13). Why June 12 Is Different from Other Days — Positively Filipino | Online Magazine for Filipinos in the Diaspora. Positively Filipino | Online Magazine for Filipinos in the Diaspora. https://www.positivelyfilipino.com/magazine/2013/6/why-june-12-is-different-from-other-days

Address

Philippine Science High School-Central Luzon Campus, Lily Hill Street, Clark Freeport Zone
Mabalacat
2010

Opening Hours

Monday	7:30am - 4:30pm
Tuesday	7:30am - 4:30pm
Wednesday	7:30am - 4:30pm
Thursday	7:30am - 4:30pm
Friday	7:30am - 4:30pm

Website

http://twitter.com/BahaghariCLC

Alerts

Be the first to know and let us send you an email when Bahaghari - Pisay Gitnang Luzon posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Bahaghari - Pisay Gitnang Luzon:

Videos

BALIKAN NATIN | Kulay Pisay 2024: Pagbabalik ng makulay na tradisyon Alamin ang buong detalye sa pagbabalita ni Jan Dela Cruz. 🎙️Jan Dela Cruz ✍🏻 Kyle Esguerra, Carmel Del Rosario, Jan Dela Cruz 🎥 Magus Bautista at Anela Samson

Pu•sò [Pangngalan] • Bahagi ng katawan na nagsu-supply ng dugo • Simbolo ng pag-ibig Hal. Maging kapamilya man, kaibigan, o kasintahan, nawa'y maghari ang pagmamahalang nakatanim sa puso ng bawat isa. Mula sa Bahaghari, maligayang araw ng mga puso sa lahat! Disenyo ni: Luis Custodio

𝗜𝘀𝗮𝗻𝗴 𝘁𝗮𝗼𝗻, 𝗹𝗶𝗯𝗼-𝗹𝗶𝗯𝗼𝗻𝗴 𝗮𝗿𝗮𝗹 𝗮𝗻𝗴 𝗻𝗮𝗶𝗽𝗼𝗻. Ang taóng nakalipas ay pinunô ng pinaghalong kaligayahan, kabiguan, at iba-ibang karanasang hindi malilimutan. Maraming mga bagong alaala't kakilala ang naihatid sa atin ng taóng ito. Sa kabila ng mga problemang ating kinaharap ay nagawa nating maging matatag at makabalik sa ating mga yapak upang salubungin itong panibagong simulang tiyak na may dalang panibagong mga oportunidad. Taas-noo nating buksan ang isa pang kabanata habang baón ang lahat ng mahahalagang napulot. Sana'y mabalot ito ng saya, tagumpay, magagandang kuwento, at makabuluhang pagbabago. Dalawang libo’t dalawampu’t apat. Isang taon, libo-libong aral pa ang maiipon. Mula sa Bahaghari, isang Maligaya at Manigong Bagong Taon! -- Panulat ni Xyrel Magsino Disenyo nina Luis Custodio at Hague Garcia

PANOORIN | Research Forum 2023, idinaos sa Pisay Gitnang Luzon Alamin ang buong detalye sa pagbabalita ni Gabby Malong. 🎙️Gabby Malong ✍🏻 Kyle Esguerra 🎥 Joseph Castillo

Sentro Balita - Disyembre 6

Halina’t sama-samang damhin ang tunay na diwa ng kapaskuhan sa pamamagitan ng pagbabalik-tanaw sa mga natatanging aktibidad at programang naghatid ng saya at ginhawa sa buong komunidad ng Pisay nitong Miyerkoles, Disyembre 6. Gunitain ang bawat sulyap ng nagdaang sandali sa brodkas na hatid sa inyo ng Sentro Balita 🎤👇 — Anchors: Carmel Del Rosario at Kyle Esguerra Field Reporters: Liz Lansangan, Jan Dela Cruz, Jaila Galang, Mejela Ubando, at Cassy Torilla Editor: Joseph Castillo

PANOORIN | National Competitive Examination 2023, Muling Nagbabalik Alamin ang buong detalye sa pagbabalita ni Jaila Galang. ✍️ Jaila Galang, Kyle Esguerra, Carmel Del Rosario 🎥 Hague Garcia at Paul Isaac Vega

PANOORIN | Costume Day 2023, Ipinagdiriwang sa Pisay Gitnang Luzon Alamin ang buong detalye sa pagbabalita ni Kyle Esguerra. ✍️ Kyle Esguerra 🎥 Anela Samson

PANOORIN | Araw ng mga Guro, Ginunita sa Pisay Gitnang Luzon Alamin ang buong detalye sa pagbabalita ni Carmel Del Rosario. ✍️ Kyle Esguerra at Carmel Del Rosario 📷 Anela Samson

PANOORIN | Pagpapakilala ng Peryodismong Bahaghari sa ALA Fair 2023 Pagtatama: 2020 NSPC 6th Place - Collaborative Desktop Publishing - Filipino Para sa mga gustong makibahagi sa lumalaking pamilya, pakisagutan ito: https://tinyurl.com/ALASignUp2023 Boses ni: Kyle Esguerra Edit nina: Shander Liwanag at James Macaspac Pasasalamat kina: Ayen Manguan at JC Ponio

PANOORIN | ALA Fair 2023, Idinaos sa Pisay Gitnang Luzon Alamin ang buong detalye sa pagbabalita ni Xyz Aliño. ✍️: Kyle Esguerra at Xyz Aliño 📷: Anela Samson

SINO ANG MGA MAGWAWAGI? 🏆 Abangan! 4.28.23

#BHGRadyo | Pakinggan ang maiinit na balitang nakalap sa mga nakalipas na linggo sa Sentro Radyo Ekspres. - Anchors : Lois Ramos at Justin Montejo Reporters : Leann Hernando at Xyz Aliño Technical : Ice Vega Disenyo : Lorenz Pineda at Hague Garcia

Bahaghari Mental Awareness Days Report

#BHGReport #BHGSentroBalita | Nitong nakaraang linggo, nagsagawa ng Mental Health Days ang Pisay - Gitnang Luzon para sa mga iskolar na katatapos lamang sa ikalawang markahan. Panoorin ang report na ito para sa buong detalye. - Anchors : Jania Galang at Riley Moya Field Reporters : Liz Lansangan, Jeila Ubando, Gwyn Bugarin Kuha at Gawa nina : Joseph Castillo, Nino De Mesa, Manuel Fabunan, Shander Liwanag at James Macaspac

#BHGSpecial | Natatanging Birthday Vlog! Isang matamis na ngiti at pagbati, Sir Harvy 🙂 Nitong nagdaang Enero 18, naghanda ng simpleng sorpresa ang Patnugutan ng Bahaghari 2022-2023 bilang pagdiriwang sa kaarawan ng aming minamahal na tagapayo, G. Harvy B. Calma 🥳 Nawa'y maging maganda, masagana, at makabuluhan ang mga taon na paparating. Maligayang kaarawan po 🌈🤍 - Kuha at gawa nina: Joseph Castillo, Nino de Mesa, Manuel Fabunan

Sa pagdiriwang ng ika-10 taong anibersaryo ng Bahaghari, abangan natin ang mga aktibidad na hatid ng peryodismo na magbibigay-kulay sa taong ito. Makibahagi. Magbahagi. Maging Bahagi. Ito ang Bahaghari 2023. - Boses ni: Gwyneth David Kuha at gawa nina: Joseph Angello Castillo Niño De Mesa Manuel Henryk Fabunan

Pamagbalik: Home at Last, at Long Last Abangan. 12.11.22.

TINGNAN | Sinalubong ang simula ng Ugnayan 2022: Breaking the Barriers of Stereotyping in Sports, Dance, and Music ng isang Delegation Parade sa Session Road, Baguio City. Narito ang ulat ni Jania Galang hinggil dito.