Tanglaw

Nagliliwanag at Mapagpalaya • Devcom's Student Newspaper 📰 Nagliliwanag at Mapagpalaya • Kami ang pahayagan ng sangkaestudyantehan ng UPLB Devcom.

22/09/2024

NEWS UPDATE: Suspendido ang mga klase sa lahat ng pampublikong paaralan sa Los Baños ngayong araw, Setyembre 23, ayon kay Mayor Anthony Genuino dahil sa napipintong nationwide transport strike.

Hinikayat ng alkalde na sumailalim muna sa mga alternative mode of learning ang mga apektadong paaralan.

Base naman sa inilabas na memorandum ng pamunuan ng UPLB kahapon, Setyembre 22, hinihikayat ang kaguruan ng Unibersidad na magbigay ng konsiderasyon sa mga mag-aaral na maaapektuhan ng nasabing transport strike.

Samantala, naghihintay sa kasalukuyan ng pormal na pabatid mula sa pamunuan ng UPLB hinggil sa naunang anunsyo ni Genuino.

✍️🏻: Mervin Delos Reyes

22/09/2024

TINGNAN: Nanaig ang puwersa ng UP Fighting Maroons Men's at Women's Basketball Team kontra FEU Tamaraws and Lady Tamaraws sa UAAP Season 87 basketball tournament sa Mall of Asia Arena, Setyembre 22.

Nanatiling walang bahid ang kartada ng UP Men's Basketball Team matapos masungkit ang ikaapat na sunod na panalo, 69-58, at magpatuloy sa tuktok ng team standings. Itinanghal na Best Player of the Game Quentin Millora-Brown na may double-double figures na 11 points at 13 rebounds.

Muli namang nakabalik sa win column ang UP Women's Basketball Team matapos makuha ang dikit na 82-77 panalo at umabante sa fourth place ng team standings. Bumida si Achrissa Maw para sa koponan nang magtala ng 25 points, nine rebounds, and three assists.

Tatangkain ng Fighting Maroons na patatagin at pataasin pa ang kanilang pagkapit sa mataas na puwesto sa kanilang pagharap sa Adamson Soaring Falcons and Lady Falcons sa Setyembre 28.

✍️: Jan Paolo S. Pasco
📸: Raphy Saria and Azel Cabais, Tinig ng Plaridel

22/09/2024

BALITA: Mula sa Tanglaw Shortform Department, narito ang mabilisang pasada ng mga mahahalagang balita na Dapat Mong Malaman ⏰

✍: Mervin Delos Reyes
🎨: Dianne Barquilla

22/09/2024

MGA LARAWAN: Nakilahok ang mga progresibong grupo at pangmasang organisasyon ng Timog Katagalugan sa pambansang kilos-protesta sa ika-52 na anibersaryo ng deklarasyon ng Batas Militar kahapon, Setyembre 21, sa Maynila.

Unang nagkasa ng pangrehiyunal na pagkilos ang mga delegado sa harap ng PLDT sa Sampaloc kung saan inirehistro nila ang panawagan sa paniningil ng hustisya para sa mga biktima ng paglabag sa karapatang pantao noong 1972 sa Batas Militar ng diktadurang Marcos Sr. Kaugnay nito, iginiit nilang walang hustisya sa bagong Pilipinas ni Marcos Jr.

Sa pahayag ng tagapagsalita ng Defend TK na si Charm Maranan, "52 years matapos ang Martial Law, walang pinag-iba si Marcos Sr. at si Marcos Jr. [...] Nandyaan ang Bloody Sunday Massacre, nandyaan ang pagpatay sa mga magsasaka sa kanayunan, binobomba ang mga probinsya ng Mindoro, Batangas, at Quezon. At gayundin ay pinapatay at sinasampahan ng gawa-gawang kaso ang mga lider-aktibista at lider-komunidad."

Matapos ang unang protesta, tumungo naman ang mga delegado sa Mendiola para dumugtong sa iba pang delegado ng pambansang protesta, na siyang sinalubong ng panghaharang ng kapulisan. Una, sa harap ng University of Santo Tomas, at pangalawa sa harap ng University of the East (UE) kung saan bumuo ng barikada ang pulisya na sakop ang buong lapad ng kalsada. Gayunpaman, ipinagpatuloy parin ng mga humanay ang programa na ginanap na lamang sa harap ng UE.

📝: Leah Sagaad
📸: Paolo Alpay

21/09/2024

MGA LARAWAN: Naglunsad ng isang iglap-protesta sa Carabao Park ang mga progresibong indibidwal at grupo sa UPLB sa kasagsagan ng Bañamos Festival upang kundenahin ang mga pag-atake sa kalayaang magpahayag ng mga mag-aaral ngayong ika-52 na anibersaryo ng deklarasyon ng Martial Law, Setyembre 21.

Kamakailan lamang ay nabalitaan ang pagharang sa pagsabit ng mga balatengga sa ilang kolehiyo dahil umano sa Bañamos Festival. Naiulat din ang pagkawala ng balatengga sa harap ng CDC at ang pagkawala ng mga streamer ng UPLB University Student Council (USC), CAFS SC, at CHE SC na natagpuan sa palikuran sa basement ng SU Building kaninang umaga.

"Ginagamit maging ang Bañamos Festival bilang tabing sa pag-atake sa ating kalayaang pang-akademiko. Ginagamit maging ang Baños Festival upang pigilan tayong magamit ang ating karapatan sa malayang pagpapahayag. Kaya ngayon, mga kapuwa iskolar ng bayan, nasa sa atin ang hamon na tiyaking atin ang ating pamantasan, na tiyakin na ang ating pamantasan ay safe haven for academic freedom and critical thinking," giit ni Jpeg Garcia, kasalukuyang chairperson ng Youth Advocates for Peace with Justice - UPLB at nominee ng Kabataan Partylist.

Kinundena rin ng mga mag-aaral ang pagpasok ng mga puwersa ng estado sa loob ng campus ngayong Bañamos Festival sa gitna ng umiigting na militarisasyon sa Unibersidad.

“Hindi na ligtas ang ating pamantasan. Hindi nagiging ligtas ang ating pamantasan dahil ginagamit ng mga puwersa ng estado bilang padulas ang mga pagsali nito sa mga parada na dadaan sa loob ng ating pamantasan upang tiktikan, mag-surveillance, at intimidahin ang ating mga kapuwa estudyante,” saad ni Arce Lemuel Sanico ng UPLB USC.

📝: Jian Martin Tenorio
📸: Ellyzah Devilleres at Aliah Ombania

21/09/2024

PANOORIN: Nagkasa ng isang snake rally ang mga progresibong grupo ng UPLB ngayong hapon, Setyembre 21, bilang bahagi ng ika-52 na anibersaryo ng deklarasyon ng Martial Law ni Marcos Sr.

Sentro sa naging pagkilos ang mga panawagan ukol sa naging pagtanggal at pambababoy sa balatengga ng iba't ibang konseho sa Unibersidad at ang lumalalang presensya ng militar sa loob ng campus.

📝: Mar Jhun Daniel
🎥: Marius Pader at Aliah Ombania
🎨: Ellyzah Devilleres

21/09/2024

NEWS UPDATE: Nawawala sa kasalukuyan ang balatengga sa Devcom, base sa pinakabagong ulat na nakalap ng Tanglaw mula sa CDC Student Council (CDC SC) ngayong araw, Setyembre 21.

Ayon sa pakikipag-usap ni CDC SC Chair Gean Magbuo sa pamunuan ng kolehiyo, walang impormasyong nakarating sa admin ukol sa pagtatanggal ng balatengga dito. Hindi rin mismo mga staff ng Devcom ang nagtanggal o nagtago nito.

"This is a clear violation to our academic freedom and outright disrespect to our student's efforts in claiming our space in the movement for democracy," ani Magbuo sa kaniyang Facebook post.

Nito lamang umaga ay natagpuan naman ang nawawalang balatengga ng UPLB University Student Council, CAFS SC, at CHE SC kahapon sa may palikuran sa basement ng Student Union Building.

Gayundin, sa pagrolyo ng mga aktibidad sa campus ngayong araw para sa ikalimang araw ng Bañamos Festival sa Los Baños, makikita ang presensya ng militar sa ilang bahagi ng Unibersidad.

📝: Mar Jhun Daniel
📸: Mark Angelo Roma, UPLB USC Chair

20/09/2024

MGA LARAWAN: Nag-alay ng ilang minutong katahimikan at mga panawagan ang mga mag-aaral, g**o, at iba pang staff ng Devcom para sa mga biktima ng Martial Law sa isang candle-lighting ceremony sa CDC steps kaninang hapon, Setyembre 20.

Sa pangunguna ng CDC Student Council, isinagawa ang programa bilang pag-alala sa ika-52 na anibersaryo ng pagsisimula ng isa sa mga pinakamadidilim na yugto sa kasaysayan ng bansa.

Nagpahayag din ng pagkundena sa pagpapatahimik at panunupil sa midya sa parehong rehimen ng mag-amang Marcos ang mga kinatawan mula sa tatlong organisasyon sa CDC, Tanglaw, at faculty.

“Ngayon, higit kailanman, huwag nating kalimutan ang mga sakripisyo ng mga mamamahayag at mga tagapagtanggol ng ating mga batayang karapatan — ang mga taong handang isugal ang kanilang mga sarili upang buwagin ang diktadura at maibalik ang midyang malaya at mapagpalaya,” ani Guien Garma, Devcom instructor mula sa Department of Development Broadcasting and Telecommunication.

📝: Jian Martin Tenorio
📸: Alexander Abas at Beaula Buena

20/09/2024

TINGNAN: Humigit-kumulang sa 100 pasahero ang nakapila sa kahabaan ng Jose R. Velasco Road sa loob ng UPLB habang naghihintay sa bus patungong UP Diliman ngayong hapon, Setyembre 20.

Bahagi ang inisyatibang ito ng pakikipag-ugnayan ng UPLB Community Affairs sa bus company na DLTB Co. upang makapagbigay-serbisyo sa mga lokal na komyuter mula sa mga unibersidad at kalapit nitong komunidad.

📝: Mar Jhun Daniel
📸: Marius Pader

18/09/2024

TANGLAW: Nananatiling undefeated ang UP Fighting Maroons matapos pabagsakin ang NU Bulldogs sa iskor na 89-62, para masungkit ang kanilang ikatlong sunod na panalo sa UAAP Season 87 Men's Basketball, Setyembre 18.

Kontrolado ng Fighting Maroons ang first quarter matapos magpakawala ng 29-14 na dominasyon, at hindi na binigyan ng pagkakataon ang Bulldogs na makahabol hanggang sa huling yugto ng bakbakan.

Sa kabilang banda, kinapos naman ang UP Women’s Basketball Team sa kanilang laban kontra NU Lady Bulldogs, 64-76, na nagresulta sa kanilang 1-2 kartada.

Target ng men's team na makuha ang ikaapat na panalo sa kanilang susunod na laro kontra sa FEU Tamaraws, habang susubukan naman ng women's team na makabalik sa win column laban sa kaparehong katunggali.

✍️: Jan Paolo Pasco
📸: Azel Cabais and Andrea Ebdane, Tinig ng Plaridel

17/09/2024

ALIPATO: Para sa mga komunidad na umaasa lamang sa biyayang hatid ng karagatan, isang malaking suliranin ang dulot ng tumagas na langis mula sa lumubog na oil tanker sa bahagi ng Manila Bay sa Limay, Bataan noong Hulyo.

Sa kauna-unahang episode ng Alipato, samahan natin ang mga mangingisda ng San Rafael III, Noveleta, Cavite, sa kanilang paglalayag sa gitna ng malakas na alon ng pagsubok na dala ng oil spill. Pakinggan din natin ang mga daing at panawagan ng kanilang sektor sa gitna ng itinaas na fishing ban noong Agosto.

(Ang dokumentaryong ito ay kinunan noong Agosto 10, 2024, panahong mahigpit pang ipinagbabawal ang pangingisda sa ilang mga bahagi ng Cavite. Sa kasalukuyan, ayon sa isa sa mga mangingisda roon, maaari na silang pumalaot muli.)

17/09/2024

TANGLAW: Inaprubahan ng mga konseho ng UP System ang tatlong resolusyong tututok sa mga kolektibong panawagan para sa probisyon ng student services at spaces, pag-usad sa makabayan, siyentipiko, at makamasang tipo ng edukasyon, at kagyat na pagkilos bilang tugon sa krisis pangklima na kinahaharap ng bansa.

Basahin ➡️: https://tanglawdevcom.org/2024/09/17/pagtugon-sa-suliraning-pang-edukasyon-pangklima-tutok-ng-mga-resolusyon-sa-egasc2024/

16/09/2024

MGA LARAWAN: Nagkaroon ng diyalogo ang All Student Councils Assembly, kasama ang pamunuan ng UPLB at kapulisan ng Los Baños kaninang umaga, Setyembre 16, sa Main Library kaugnay ng tumitinding militarisasyon sa Unibersidad.

Sa pahayag ni University Student Council Chair Mark Angelo Roma sa ginawang prop action ng mga konseho sa labas ng Main Library pagkatapos ng diyalogo, kanilang iginiit na hindi maaaring magpatuloy ang dumadalas na pagronda ng kapulisan sa loob ng Unibersidad.

Ayon kay Jpeg Garcia, tagapagsalita ng Youth Advocates for Peace with Justice - UPLB, “Sa agreement na ito ay nangako ang PNP Los Baños na maglalabas ito ng memorandum para sa mga PNP and AFP units upang linawin ang ganitong rutang napagkasunduan sa diyalogong ito. Inaasahan natin na agaran ang paglalabas ng memorandum na ito at tunay na susundin ng ating mga kapulisan ang ating kasunduan.“

Sa isyu naman ng pagdalas ng mga checkpoint nila sa labas ng Unibersidad, nangako umano ang kapulisan ng Los Baños na babawasan nila ang pagdadala ng matataas na kalibre ng armas. Binigyang-diin din ni Garcia na bagaman ganoon ang napag-usapan, patuloy na ipinapanawagan ng mga lider-estudyante na itigil ang militarisasyon sa Timog Katagalugan.

📝📸: Leah Sagaad

15/09/2024

TANGLAW: Sa pagpapalakas ng hanay ng representasyon para sa sangkaestudyantehan ng Devcom, tinutukan sa Council of Student Leaders kahapon, Setyembre 14, ang pagdaragdag ng mga kinatawan sa CDC Student Council sa tulong ng mga batch representative.

Basahin➡️: https://tanglawdevcom.org/2024/09/15/batch-reps-sa-cdc-sc-tutok-ng-naipasang-resolusyon-sa-csl/

14/09/2024

TANGLAW: Namayagpag ang UP Fighting Maroons Men's at Women's Basketball Team sa UAAP Season 87 sa Smart Araneta Coliseum, Setyembre 14.

Nakuha ng UP Men's Basketball Team ang kanilang ikalawang panalo matapos dominahin ang UE Red Warriors, 81-71. Sinubukan ng UE na dumikit pa sa huling quarter, ngunit hindi ito hinayaan ng UP sa pangunguna ni JD Cagulangan na nagtala ng 21 puntos.

Nasungkit naman ng UP Women's Basketball Team ang kanilang unang panalo kontra rin sa UE, 67-43. Pinangunahan ni Achrissa Maw ang Fighting Maroons na may 18 puntos, na nagbigay sa kanila ng comeback mula sa naunang pagkatalo kontra Ateneo Lady Eagles.

Haharapin ng UP ang NU Bulldogs sa Setyembre 18 sa Smart Araneta Coliseum.

✍️: Maryrose Alingasa
📸: Stephen Busico, Tinig ng Plaridel

14/09/2024

: Nabitin man sa pagsubok ng panahon, pormal nang nagtapos ang pagbubutbot sa mga resolusyong tinasa sa UP Tacloban sa ginanap na eGASC 2024 ngayong hapon, Setyembre 14.

Tatlo sa apat na resolusyon sa emergency online convention ang naipasa ng lupon, samantalang isa ang ipinagpaliban para sa susunod na regular na GASC.

14/09/2024

TINGNAN: Gumugulong na ang resolution building sa ginaganap na emergency convention ng General Assembly of Student Councils (eGASC) 2024 ngayong araw, Setyembre 14, upang balikan ang ilan pang mga natitirang resolusyong nakabinbin mula sa nagdaang GASC 57 sa UP Tacloban.

Bagaman mayroon nang 18 resolusyong naipasa nitong nakaraang Agosto, bubutbutin sa eGASC 2024 ang apat pang resolusyong lumilibot sa mga problemang kinahaharap ng sangkaestudyantehan ng Unibersidad at mga sektor ng lipunan. Kabilang sa mga ito ang pag-endorso ng isang Fossil Fuel Non-Proliferation Treaty na siyang kasamang inilathala ng UPLB College of Forestry and Natural Resources Student Council.

Tumutok sa at miyembrong pahayagan ng sa X (dating Twitter) para sa live updates.

📝: Mervin Delos Reyes

14/09/2024

Magandang umaga mula sa UP Los Baños!

Narito na ang kumpleto at may kontekstong pagbabalita ng Tanglaw para sa emergency convention ng General Assembly of Student Councils (eGASC) 2024.

Tumutok sa at sa X (dating Twitter) para sa live updates.

13/09/2024

MGA LARAWAN: Kinundena ng mga progresibong grupo sa Southern Tagalog at mga mag-aaral sa UPLB ang UP-AFP Declaration of Cooperation sa ikinasang Black Friday Protest sa Oblation Park kaninang hapon, Setyembre 13.

Kamakailan lamang, dumalas ang pagtatayo ng checkpoint ng kapulisan sa Agapita Road kung saan naiulat ang pagtatanong sa pagkakakilanlan ng ilang mga umano'y kontra sa gobyerno. Nagpahayag ng pagkabahala rito ang mga nagprotesta at anila'y mapapalala lamang ng pinirmahang kasunduan ng UP-AFP ang panawagan nila sa pang-akademikong kalayaan.

Ayon kay Anakbayan Timog Katagalugan Regional Coordinator Carla Ac-ac, "Wala po tayo sa Martial Law para magtayo ng mga checkpoint. Wala tayo sa Martial Law para tumaas ang bilang ng mga desaparecidos." Ibinahagi rin niya ang patuloy nilang paghingi ng kasagutan sa pagkawala ni Rowena Dasig na isang environmental defender sa rehiyon.

"'Yung mga katulad ni Apollo Quiboloy, 'yung mga katulad ni Alice Guo, tipong parang pangmayaman ang trato, pero sa atin diretso desap, diretso patay na. Hangga't dumarami ang ganitong porma ng pasismo, hangga't hindi nasosolusyunan ang krisis sa ekonomiya, tetriple talaga ang hanay ng mga kabataan na lumalaban," giit ni Ac-ac.

Habang gumugulong naman ang programa kanina tungkol sa pagtuligsa sa militarisasyon sa loob ng unibersidad, naiulat ang pagdaaan ng isang police mobile sa O-Park.

📝: Leah Sagaad
📸: Neil Gabrielle Calanog

11/09/2024

ALIPATO: Sa gitna ng tumitinding panggigipit sa katotohanan, matinding hamon sa mga mamamahayag ang patuloy na ibahagi ang mga kuwento ng masang nasa laylayan. Sa kasalukuyan, tangan ng mga mamamahayag ang layuning isiwalat sa mas nakararami ang kanilang mga naratibo sa pamamagitan ng iba’t ibang lente at porma ng pagkukuwento.

Sa ikatlong taon ng Tanglaw, ang publikasyon ng mga mag-aaral ng Devcom, ibinabahagi nito ang Dokumentaryong Tanglaw — isang napapanahong inisyatiba mula sa Special Projects Department ng pahayagan. Layon ng proyektong ito na bumuo ng maiikling dokumentaryong sasalamin sa reyalidad at mga isyung kinakaharap ng publiko, partikular na ng mga batayang sektor.

Ugat ang titulong “Alipato” ng Dokumentaryong Tanglaw sa konsepto ng ningas ng apoy na lumilipad sa tuwing nagsisindi ng isang lampara. “Flying ember” kung tawagin, sinisimbolo ng alipato ang mga makapangyarihang ideyang kayang makapagbigay-liwanag at direksyon sa gitna ng mapanghamong panahon.

Patuloy n’yo kaming samahan sa Tanglaw sa paghahabi ng mga kuwentong nagliliwanag at mapagpalaya.

11/09/2024

MGA LARAWAN: Nagbukas na ang mga pahina ng UPLB Library Fair 2024 kahapon, Setyembre 10, sa pangunguna ng UPLB University Library sa kanilang Library Grounds.

Bitbit ang temang “UPLB Libraries: Enabling Campus Synergy for Sustainable Digital Future,” layon na ipakita ng programa ang kanilang “vision to fostering collaboration and embrace technological advancement to create a forward-looking and sustainable library environment,” ayon kay Dr. Mary Ann Ingua, kasalukuyang University Librarian.

Bukod dito, hinikayat din niya ang mga dumalo na makibahagi sa iba’t ibang programang tampok ang kritikal na papel ng mga silid-aklatan sa pag-aaral ng mga estudyante.

Kabilang sa mga bahagi ng naging programa ang isang TechTalk, Game at Library Booths, paglulunsad ng programang Aklatang Today (AKTO), at The Library of Things. Bukod dito ay nagkaroon din ng paghahanap ng mga volunteer at registrant para sa iba pang mga programa gaya ng Aliverary Books at InfoSkilled, kasabay ng pagpapakilala sa bagong University Library logo.

✍️🏻: Mervin Delos Reyes
📸: Karylle Payas

11/09/2024

TINGNAN: Umarangkada na ngayong araw, Setyembre 11, ang “Deconstruct: EduAksyon Noon at Ngayon, May Glow-Up Ba?” ng UPLB Economic Society (UPLB EconSoc), kung saan magsasalita ang mga speaker na sina dating Propesor Amelia Bello, Atty. Chel Diokno, Atty. Kiko Pangilinan, at dating Senador Bam Aquino.

Sa kaniyang panimulang pagbati, binigyang-diin ng kasalukuyang Dean ng College of Economics and Management, Dean Maria Angeles Catelo, na ang edukasyon ay isang “crucial and valuable investment for both personal and societal well being.”

Pinaalalahanan din ni Vice Chancellor for Student Affairs Janette Malata-Silva ang mga dumalo sa programa na maging kabahagi ng mga ganitong klase ng programa upang patuloy na matalakay ang mga hamon sa sektor ng edukasyon.

“Let us take this opportunity not only to deconstruct the past but to reconstruct our future… let this be a moment where we commit to ensure that the glow-up in our education is one that reaches every corner of our nation.”

Maaaring mapanood ang nasabing programa sa Facebook live ng UPLB EconSoc na magtatapos mamayang 11 am

Tutukan ang livestream: https://www.facebook.com/share/v/yA3aTg7yeeosw2xW/?mibextid=KsPBc6

🤝 Ang UPLB EconSoc ay opisyal na media partner ng Tanglaw.

✍️🏻: Mervin Delos Reyes
📸: Aliah Ombania

10/09/2024

MGA LARAWAN: Nagkasa ng isang kilos-protesta ang mga lider-estudyante at pangmasang organisasyon sa UPLB kaugnay ng hindi pagsipot ni Sara Duterte sa pangalawang pagpupulong para sa 2025 budget deliberations ng Office of the Vice President (OVP) sa House of Representatives ngayong araw, Setyembre 10.

Iminungkahi ng OVP noong Agosto 27 sa unang deliberasyon ng House of Representatives ang P2.037 bilyong kabuuang budget para sa susunod na taon. Umabot ng P1.885 bilyon ang itinaas nito kumpara noong 2023.

“Dapat pa ba nating pagkatiwalaan sina Marcos at Duterte ng bilyong pisong pondo ng bayan kung palpak ang kanilang panunungkulan sa kanilang mga opisina?” tanong ng tagapagsalita mula sa Alyansa ng Kabataan Para sa Tunay na Demokrasya, Hustisya, at Katotohanan (ADHIKA-ST).

Matapos ang anomalya ng P125M confidential fund ng bise presidente noong nakaraang taon na hindi pa rin nabibigyan nang maayos na katwiran, patuloy ang paniningil ng mga nagprotesta sa gobyerno. “Ipakita natin na dapat silang masingil at mapanagot sa pagnanakaw nila sa taong bayan,” panawagan ng ADHIKA-ST.

📝: Princess Leah Sagaad
📸: Jerome De Jesus, Alexander Abas, at Paolo Alpay

08/09/2024

TANGLAW: Hindi naging maganda ang simula para sa UP Fighting Maroons Women's Basketball Team matapos silang talunin ng Ateneo Blue Eagles, 68-79, sa pagbubukas ng kanilang kampanya para sa UAAP Season 87 sa Adamson University Gym, Setyembre 8.

Dinomina ng Blue Eagles ang unang tatlong quarters at hindi naging sapat ang pagtatangkang pagbawi ng Fighting Maroons sa fourth quarter na nagresulta sa kanilang unang pagkatalo ngayong season.

Susubukan ng UP na makabawi sa kanilang susunod na laro kontra UE Lady Warriors sa Setyembre 14 sa Smart Araneta Coliseum.

📝: Jan Paolo Pasco
📸: Raphy Saria, Tinig ng Plaridel

07/09/2024

TANGLAW: Pinadapa ng UP Fighting Maroons ang Ateneo Blue Eagles, 77-61, gamit ang mas malakas na puwersa sa pagbubukas ng UAAP Season 87 Men’s Basketball sa Smart Araneta Coliseum, Setyembre 7.

Sa naging "Battle of Katipunan," buong tapang at talino ang ipinamalas ng host school matapos kontrolin ang laro mula simula hanggang sa huling quarter kung saan nasungkit nila ang unang panalo ngayong season.

Nagpakitang-gilas ang kombinasyon ng mga beterano’t rookies ng Fighting Maroons na sina Francis Lopez, JD Cagulangan, Jacob Bayla, at Quentin Millora-Brown na nanguna para sa kanilang redemption campaign.

Ito ang muling pagtutuos ng UP at Ateneo mula nang magharap sila sa Final 4 noong nakaraang season kung saan nanaig din ang UP.

📝: Jan Paolo Pasco
📸: Stephen Busico, Tinig ng Plaridel

07/09/2024

LATHALAIN: Naging hamon para sa mga SK ng Bay, Laguna ang kahirapan sa pag popondo ng “Kundayan sa Kalye” — salamin sa reyalidad ng kasalukuyang lagay ng sining at kultura para sa mga kabataan.

➡️ Basahin: https://tanglawdevcom.org/2024/09/07/bayle-kabataan-ng-bay/

06/09/2024

NEWS UPDATE: Magkakaroon ng isang emergency online General Assembly of Student Councils (eGASC) ang mga konseho sa buong UP System sa darating na Setyembre 14, 2024, base sa pinakabagong memorandum na inilabas ng Office of Student Regent (OSR) ngayong araw, Setyembre 6.

Gaganapin ang eGASC upang ipagpatuloy ang pagtatasa sa limang natitirang resolusyong hindi natapos ng lupon sa nakaraang 57th Convention of the General Assembly of Student Councils sa UP Tacloban noong Agosto 15-17.

Magsisilbing kritikal na basehan ang balangkas ng mga resolusyong ito para sa mga kampanyang bibitbitin ng OSR para sa kasalukuyang akademikong taon.

📝: Mar Jhun Daniel

23/06/2024

TINGNAN: Tampok ang makukulay na kasuotan ng mga residente ng Los Baños, Laguna sa taunang LB Gayla Night: The 2024 Los Baños Pride Celebration sa Centro Mall Convention Center ngayong gabi, Hunyo 23.

Ito ang pangalawang taon ng pagsasagawa ng programa matapos maupo si Councilor Leren Bautista sa katungkulan, na inaming isa siyang ally ng LGBTQIA+ community.

“Gusto natin, since hiling din nila ‘yon, gusto nilang magkaroon ng isang gabi ng pagtitipon para makapagsaya, maipakita kung sino sila, makapagdamit ng kung ano’ng gusto i-damit, syempre ‘yung cause, ‘yung movement na magkaroon ng sense ng pagtindig… para sa kanilang mga karapatan,” saad ni Bautista.

🤝🏻 Ang Tanglaw ay isang media partner ng LB Gayla Night.

✍️🏼: Marco Rapsing
📷: Benet Papag

23/06/2024

BANSA AT DAIGDIG: Sa makasaysayang Pride PH Festival ngayong taon sa Quezon City, sentro ang pagsusulong ng karapatan ng mga miyembro ng LGBTQIA+ Community.

➡️Basahin: https://tanglawdevcom.org/2024/06/23/kulay-at-karapatan-bida-sa-qc-pride-2024/

23/06/2024

MGA LARAWAN: Ginanap ang Southern Tagalog Pride March 2024 tangan ang temang “AKLAS VAKLA! LGBTQ of Southern Tagalog, March for Human Rights and Resist Against Imperialist Aggression” sa Carabao Park ng UPLB ngayong araw, Hunyo 22.

Dinaluhan ang pagdiriwang ng mga miyembro ng LGBTQ+ community at mga progresibong grupo mula sa CALABARZON bitbit ang mga panawagan sa pagpasa ng SOGIESC Equality Bill at pagkundena sa diskriminasyon sa mga miyembro ng komunidad.

“Huwad ang kalayaan ng LBGT, kung ang ating mga organisador… ay tinatawag na terorista. Hindi tunay ang kalayaan sa kasarian, kung naghihirap at nagugutom tayong Pilipino,” saad ni Dudin Albani, Chairperson ng Southern Tagalog Pride.

📝: Marco Rapsing
📸: Benet Papag

Address

CDC Building, UPLB
Los Baños
4031

Website

https://tanglawdevcom.org/

Alerts

Be the first to know and let us send you an email when Tanglaw posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Tanglaw:

Videos

PANOORIN: Nagkasa ng isang snake rally ang mga progresibong grupo ng UPLB ngayong hapon, Setyembre 21, bilang bahagi ng ika-52 na anibersaryo ng deklarasyon ng Martial Law ni Marcos Sr. Sentro sa naging pagkilos ang mga panawagan ukol sa naging pagtanggal at pambababoy sa balatengga ng iba't ibang konseho sa Unibersidad at ang lumalalang presensya ng militar sa loob ng campus. 📝: Mar Jhun Daniel 🎥: Marius Pader at Aliah Ombania 🎨: Ellyzah Devilleres #ML52 #NeverAgain #NeverForget #TanglawDevcom #IkawAngTanglaw #MalapitNa

Alipato Episode 1: Ang Oil Spill sa Cavite

ALIPATO: Para sa mga komunidad na umaasa lamang sa biyayang hatid ng karagatan, isang malaking suliranin ang dulot ng tumagas na langis mula sa lumubog na oil tanker sa bahagi ng Manila Bay sa Limay, Bataan noong Hulyo. Sa kauna-unahang episode ng Alipato, samahan natin ang mga mangingisda ng San Rafael III, Noveleta, Cavite, sa kanilang paglalayag sa gitna ng malakas na alon ng pagsubok na dala ng oil spill. Pakinggan din natin ang mga daing at panawagan ng kanilang sektor sa gitna ng itinaas na fishing ban noong Agosto. (Ang dokumentaryong ito ay kinunan noong Agosto 10, 2024, panahong mahigpit pang ipinagbabawal ang pangingisda sa ilang mga bahagi ng Cavite. Sa kasalukuyan, ayon sa isa sa mga mangingisda roon, maaari na silang pumalaot muli.) #DokumentaryongTanglaw #TanglawDevcom #IkawAngTanglaw #MalapitNa

ALIPATO: Sa gitna ng tumitinding panggigipit sa katotohanan, matinding hamon sa mga mamamahayag ang patuloy na ibahagi ang mga kuwento ng masang nasa laylayan. Sa kasalukuyan, tangan ng mga mamamahayag ang layuning isiwalat sa mas nakararami ang kanilang mga naratibo sa pamamagitan ng iba’t ibang lente at porma ng pagkukuwento. Sa ikatlong taon ng Tanglaw, ang publikasyon ng mga mag-aaral ng Devcom, ibinabahagi nito ang Dokumentaryong Tanglaw — isang napapanahong inisyatiba mula sa Special Projects Department ng pahayagan. Layon ng proyektong ito na bumuo ng maiikling dokumentaryong sasalamin sa reyalidad at mga isyung kinakaharap ng publiko, partikular na ng mga batayang sektor. Ugat ang titulong “Alipato” ng Dokumentaryong Tanglaw sa konsepto ng ningas ng apoy na lumilipad sa tuwing nagsisindi ng isang lampara. “Flying ember” kung tawagin, sinisimbolo ng alipato ang mga makapangyarihang ideyang kayang makapagbigay-liwanag at direksyon sa gitna ng mapanghamong panahon. Patuloy n’yo kaming samahan sa Tanglaw sa paghahabi ng mga kuwentong nagliliwanag at mapagpalaya. #DokumentaryongTanglaw #TanglawDevcom #IkawAngTanglaw #MalapitNa

TANGLAW: Ano nga ba ang pagkakakilala ng CDC Batch 2024 freshies sa Devcom? Alamin ito kasama ang Tanglaw reporters na sina Jayvee Mhar Viloria at Kyla Balatbat sa kanilang pangungumusta sa mga bagong Iskolar ng Bayan matapos ang kanilang unang mga linggo sa kolehiyo. #TanglawDevcom #IkawAngTanglaw #MalapitNa

PANOORIN: Sinalubong ng hiyawan at palakpakan ng mga Devcom student organization ang College of Development Communication BSDC at ASDC Batch 2024 pagkatapos ng kanilang Freshmen Orientation program kahapon, Agosto 19. Kasama sa mga sumalubong ang UP Alliance of Development Communication Students, The UP Community Broadcasters' Society Inc., at UPLB Development Communicators' Society. 📝📸: Jayvee Mhar Viloria #TanglawDevcom #IkawAngTanglaw #MalapitNa

PANOORIN: Masikhay na inawit ng mga delegado ng #GASC57 ang UP Naming Mahal kasama ang kahihirang lamang na #SR41 Francesca Duran. 📝: Jian Martin Tenorio 📸: Beaula Buena #TanglawDevcom #IkawAngTanglaw #MalapitNa

PANOORIN: Sa kaniyang acceptance speech, nanawagan si bagong UP Solidaridad National Chairperson Angeli Mari Rodenas sa mga miyembro ng alyansa na patuloy na isulong ang karapatan ng mga mamamahayag sa loob at labas ng Unibersidad. “As I accept the nomination for the UP Solidaridad, I acknowledge that the pursuit for genuine press freedom and campus press freedom demands stronger collective action. The challenge before UP Solidaridad is clear—to persist and struggle for press freedom, defend the rights of campus publications across the UP System, strengthen our alliance, and encourage each publication to continue their uncompromising coverage of pressing social issues,” ani Rodenas na kasalukuyan ding deputy spokesperson ng College Editors Guild of the Philippines. 📝: Jayvee Viloria 📸: Beaula Buena #SoliCon2024 #TanglawDevcom #IkawAngTanglaw #MalapitNa

TANGLAW: Paano nga ba mailalarawan ng pamilya ng mga nagsipagtapos ang kanilang nararamdaman? Ito ang inalam ng Tanglaw reporters na sina Mervin Delos Reyes at Yza Devilleres. 🌻 #Sablay2024 #TanglawDevcom #IkawAngTanglaw #MalapitNa

PANOORIN: Inirehistro ng UPLB Class of 2024 sa isang graduation rally ang kanilang mga panawagan para sa “tunay na pagsisilbi sa bayan” sa E.B. Copeland Gymnasium kagabi, Agosto 3, sa pagtatapos ng 52nd Commencement Exercises Program ng unibersidad. Sa pangunguna ni Siegfred Severino, dating Student Regent ng UP System at kasalukuyang National Union of Students of the Philippines Southern Tagalog Regional Coordinator, nagmartsa patungong entablado ang mga nakilahok sa graduation rally bitbit ang kani-kanilang mga kampanya. Ibinilin niya sa mga kapwa nagsipagtapos na “Hamon ito sa atin na gamitin ang mga nahasa nating kakayahan at talino ng tunay na ‘para sa bayan.’ Kaya lamang tayong dalhin ng ating mga diploma, ng ating mga titulo sa pansamantalang kaginhawaan dahil hangga’t nananatiling bulok ang sistema at iilan lamang ang nakikinabang, lahat tayo ay biktima at maghihirap sa lipunang iilan lamang ang nagpapakasasa.” 📝: Leah Sagaad 📸: Angelo Del Prado #Sablay2024 #TanglawDevcom #IkawAngTanglaw #MalapitNa

PANOORIN: Nagsagawa ng isang graduation rally ang Class of 2024 ng College of Development Communication (CDC) sa pangunguna ng CDC Student Council matapos ang programa para sa 26th CDC Testimonial and Recognition Program sa Baker Hall ngayong umaga, Agosto 1. Bitbit ng mga nagsisipagtapos na mag-aaral ang mga panawagan para sa academic freedom, campus press freedom, at paglilingkod sa mga batayang sektor ng bayan. "Mga kapuwa nagsisipagtapos, nararapat lamang na tanawin nating utang na loob ang ating edukasyon at degree sa mga nagpatapos sa atin—ang masang Pilipino. Kaya naman ang paglilingkod natin ay nararapat na sa kanila lamang at hindi para sa mga dayuhang patuloy na kumakamkam sa ating mga Pilipino. Ang iskolar ng bayan ay mula't sapul nararapat para sa bayan," paghimok ni Shey Levita, tagapagsalita ng Class of 2024. Binigyang-diin sa rally ang kahalagahan ng gampanin ng mga graduates ng kolehiyo para tugunan ang mga kagyat na isyu ng lipunang nangangailangan ng kanilang eksperto. "Balikan lang natin ang mga nangyari nitong mga nakaraang linggo, at makikita natin na now more than ever, kailangan ng mga development communicator para tumugon, para umaksyon, para maglingkod," ayon kay Ben Martinez ng Tanglaw. 📝: Princess Leah Sagaad 📸: Ellyzah Janelle Devilleres #TanglawDevcom #IkawAngTanglaw #MalapitNa

📢 #DevcomHalalan: Inalam ng Tanglaw reporters na sina Mervin Delos Reyes at Yza Devilleres ang mga suhestyon ng Devcommunity tungkol sa pagpapakapal ng hanay ng konseho sa kolehiyo. Ito ang ikalawang bahagi ng panayam ng Tanglaw sa mga mag-aaral ng kolehiyo para sa USC-CSC elections ngayong taon. 📱: @tanglawdevcom

📢 #DevcomHalalan: Siniyasat ng Tanglaw reporters na sina Mervin Delos Reyes at Yza Devilleres ang pananaw ng mga Devcom student hinggil sa rason ng pagnipis ng hanay ng konseho sa kolehiyo. Sundan ang ikalawang bahagi ng mga panayam bukas. 📱: @tanglawdevcom

PANOORIN: Sinubukan ni JPEG Garcia, chairperson ng YAPJUST-UPLB, na makipag-diyalogo kay Police Major Jollymar Seloterio ng PNP Los Baños tungkol sa pambubugbog ng non-uniformed personnel sa kasapi ng mga nagprotesta ngunit bigo itong makakuha ng sagot. #EDSA38 #TanglawDevcom

PANOORIN: Habang nagpapawangwang ang kapulisan, patuloy na inirerehistro ng grupo ang kanilang mga panawagan kaugnay ng ika-38 na anibersaryo ng Edsa People Power ngayong araw. #EDSA38 #TanglawDevcom

TANGLAW: Shawarma! Shawarma! 🌯 Habang tayo'y nag-iikot sa Feb Fair🚶🚶🚶 Siyempre hindi mawawala ang shawarma😋 Mananatili iyan panghabambuhay! 🫄 Alin kaya sa mga pagkain sa Feb Fair ang inaabangan ng karamihan? #TanglawDevcom #IkawAngTanglaw #Daluyong2024 #FebFair2024

Anong adbokasiya ang pinakamalapit sa mga mag-aaral ng UPLB ngayong Feb Fair? 🤔 #TanglawDevcom #IkawAngTanglaw #Daluyong2024 #FebFair2024 Part 2 sa TikTok at Instagram accounts: @tanglawdevcom

ICYMI: Tunghayan ang mga kaganapan sa nagdaang First Day Rage noong Lunes, Pebrero 5. #TanglawDevcom #IkawAngTanglaw

SPORTS: ATIN NA 2, UP! Alamin ang pulso ng mga mag-aaral ng Devcom sa Game 2 ng #UAAP86 Men’s Basketball Finals. 🏀 Abangan ang resulta ng bakbakang UP-DLSU mula kay Jan Paolo Pasco sa Manila dito sa Tanglaw! #TanglawDevcom

TANGLAW: Natapos man ang SONA ni Pangulong Marcos, pinapalakas pa rin ng mga progresibong grupo ang kanilang mga panawagan. Balikan ang mga naganap sa SONA ng Bayan noong Lunes. #TanglawDevcom