The Premiere Press

05/11/2024

ILOG SA ABAD SANTOS, BULAN, SORSOGON KUMUKUHA NG BUHAY TUWING NOBYEMBRE

Bulan, Sorsogon - May lima nang buhay ang kinuha ng ilog sa Barangay Abad Santos sa Bulan, Sorsogon at lahat ito ay naganap sa buwan ng Nobyembre kung saan ang pinakahuli ay ang tatlong paslit na nalunod at namatay noong Sabado araw ng Undas Nobyembre 2, 2024.

Ayon kay Bgy.Capt. Ferdinand Gidoc, mga kagawad nito at mga residente ng barangay ay Nobyembre 29 nang unang may nalunod at namatay dito marami nang taon ang nakakalipas, Nobyembre 9 naman ang sumunod na kiniha ng ilog na parehong nasa edad na at noong Sabado ay tatlong paslit na may edad 8 ang dalawa at siyam naman ang isa.

Maraming residente ang naniniwalang may espiritong kumukuha ng buhay dito at ito ay itinataon sa buwan ng Nobyembre kung kaya kailngan ang padasal at pagbawi dito. Ayon naman kay Kapitan Gidoc ay ipagbabawal na nila ang paliligo dito at hihingi sila ng tulong sa nakakataas na pamahalaan na magsagawa ng dredging at pagrechannel ng ilog upang maituwid ang agos nito at maiwasan ang pagbuwis ng buhay ng nga dumadaan at tumatawid dito.

DASAL NGA BA O DREDGING ANG SOLUSYON?

27/10/2024

SA SONA DOS, BULAN, SORSOGON LAHAT NG PAMILYA MAY AYUDA

Bulan, Sorsogon - Kung si Typhoon Kristine ay walang piniling biktima, ang ayuda sa Barangay Sona Dos, Bulan, Sorsogon ay wala ring piniling bigyan.

Lahat ng pamilya ay nabigyan ng bigas galing kay Congressman Wowo Fortes.Sa konting tulong na natanggap ng bawat pamilya ay malaking saya ang dala nito sa buong komunidad sa dahilang lahat ng pamilya ay nabigyan ng ayuda.

Pinasalamatan ni Kap Jojo Geraldino si Cong.Wowo sa pagdadala ng tulong sa kanyang barangay kung saan ang lahat ng residente ay biktima sa pananalasa ng Bagyong Kristine.

Nauna rito nakatanggap na ang mga residente ng Sona Dos ng food packs galing sa pamahalaang panlalawigan.larawan: congressional staff ni cong.wowo

27/10/2024

LGU MALILIPOT AT MSWDO SA SERBISYO PUBLIKO WALANG SABADO, WALANG LINGGO

Malilipot, Albay - Pinatunayan ng lokal na pamahalaan ng bayan ng Malilipot sa pangunguna ni Mayor Cenon Biñas Volante,MDRRMO at MSWDO na walang Sabado at walang Linggo sa serbisyo publiko.Wala rin sagabal kahit pa nasa isla ang barangay, umulan man o umaraw ay tuloy ang relief distribution.

Noong Linggo, Oktubre 27, 2024 ay namigay ng mga relief goods ang MSWDO, MDRRMO at lokal na pamahalaan sa 3 barangay ng Sulong, Salvacion at Santicon na lahat nasa isla.source: cenon biñas volante

26/10/2024

BGY.SONA DOS BULAN, SORSOGON MAY BRAND NEW DUMP TRUCK

Bulan, Sorsogon - BAKIT MANGUNGUTANG ANG BARANGAY KUNG ANG NAIS MO AY SERBISYONG TAPAT AT TUNAY?

Isang brand new na dump truck ang nabili ng Barangay Sona Dos, Bulan, Sorsogon na hindi nangutang ang pamahalaang barangay sa pangunguna ni Kap Jojo Geraldino.

Pinatunayan ni Kap.Jojo na kayang bumili ng barangay ng isang bagong dump truck sa halagang P1.4 na hindi nangungutang.Ang pondong ipinambili ay galing sa 20% Development Fund ng barangay.

Ang Barangay Sona Dos ay isang konunidad sa bayan ng Bulan na may sariling pamamalakad simula sa Infrastructure, Health, Livelihood na hindi umaasa sa munisipyo o lokal na pamahalaan.

26/10/2024

BAGYONG KRISTINE NAG-IWAN NG MALAKING PINSALA SA PANGINGISDA SA BULAN, SORSOGON

Bulan, Sorsogon - Mahigit 30 mga bangkang ginagamit sa pangingisda at tinatayang aabot sa P5M ang iniwang pinsala ng Bagyong Kristine sa sektor ng pangingisda sa bayang ito na siyang Regional Fishing Capital ng Bicol.

Ayon kina Bgy. Kap Jojo Geraldino ng Barangay Zone 2 at Rommel John Bejison ng Inararan ay may aabot sa 100 mga mangingisda ang nawalang ng hanapbuhay matapos masira ang may mahigit 30 bangka sa kanilang mga barangay.

Sa Bgy.Inararan ay may mahigit 20 bangka ang nasira samantalang hindi naman bababa sa 10 sa Bgy.Zone 2.Ayon kay Kap.Bejison ay simula sa P50K hanggang P200K ang kailangang gastusin upang makapag-operate, makapalaot at makapangisda ang bawat bangka.At tinatayang sa mga sirang bangka pa lamang ay hindi bababa sa P3M ang pinsala na tinamo dahilan sa paghambalos ng malalakas na alon at sa kanilang barangay ay tubig baha naman sa Sona Dos.

Malaking ayuda ang kinakailangan ng mga may bangka kasabay na ang kanilang mga tripulante na aabot sa 100 katao hanggang sa muling makapangisda ang mga ito.Habang ipinopost ang balitang ito ay hiningi na ng Municipal Agriculture Office ng Bulan ang mga detalye ng pinsala at iba pang mga kinakailangang dokumento upang mabigyan ng ayuda ang mga biktimang mangingisda.

19/10/2024

19/10/2024

LUNA CANDOL 1 SA 5 SA GUBAT AT 59 TOP PERFORMING BARANGAY SA LALAWIGAN NG SORSOGON SA BARANGAY ROAD CLEARING OPERATIONS

Gubat, Sorsogon - Hindi pahuhuli at laging nangunguna ang Batangay Luna-Candol, Gubat,Sorsogon sa maraming larangan ng serbisyo publiko.

Ito ay muling ipinakita ng Luna-Candol sa pangunguna ni Bgy.Capt.Ago Enorme matapos mapabilang sa 5 nangunguna sa Barangay Road Clearing Operations sa bayan ng Gubat at 59 barangay sa buong lalawigan.Kabilang sa 5 barangay ng Gubat na Top Performing Barangay sa Road Clearing Operations ay ang:Luna-Candol; Sangat, Jupi; Manook at Sta.Ana

Sa karangalang natanggap ay umang pinasalamatan ni Kap.Ago ang kanyang mga kasamahan sa konseho, mga appointed official ng barangay at lahat na mga residente na laging suportado sa mga magagandang programa ng pamahalaan mula sa nasyunal,provincial, lokal at ng barangay.

Ang parangal ay ibinigay ng DILG Bicol noong Biyernes Oktubre 18,2024 sa La Piazza Hotel and Convention Center sa Lungsod ng Legazpi.

18/10/2024

TATLONG AWARD SA ISANG SEREMONYA TINANGGAP NG BARANGAY SAN JOSE AT BAYAN NG MALILIPOT, ALBAY

Legazpi City - Isang di malilimutang araw ng kadakilaan ang Oktubre 18, 2024 para sa Barangay San Jose at Bayan ng Malilipot.

Ito ay dahilan sa pagtanggap ng Barangay San Jose at ng Bayan ng Malilipot ng 3 award sa loob lamang ng isang araw at ito ay naganap sa La Piazza Hotel and Convention Center sa Lungsod ng Legazpi.

Ang San Jose ay pinarangalan ng DILG Bicol bilang 2023 Seal of Good Local Governance for Barangays National Passer at Lupong Tagapamayapa Incentives First Runner Up sa buong Bicol at tinanggap ito ni Bgy.Capt.Evelyn Volante.

Ang bayan ng Malilipot naman ay pumasa sa LCAT/VAWC Functionality Assessment.Ang parangal dito ay tinanggap naman ni Mayor Cenon Biñas Volante sa pangalan ng buong bayan.

Magkaparehong kagalakan ang dala nina Mayor Cenon at Kap.Belen sa kanilang pagtanggap ng karangalan para sa kanilang bayan at barangay.Ang Barangay San Jose at Bayan ng Malilipot ay magkaparehong humahakot ng parangal taun taon dahilan sa pagsisikap at pagtutulungan ng mga opisyal nito sa pangunguna ng kanilang kapitana at alkalde.

10/10/2024

SA GUINOBATAN, ALBAY: MURANG BIGAS BA ANG HANAP MO? TARA NA!

Guinobatan, Albay - Opo, murang bigas sa halagang P29/kilo sa Guinobatan.

Ikaw ba ay 4Ps Member, Solo Parent, Senior Citizen o PWD? Ano pang hinihintay mo...Tara na bili na ng 10 kilo ng bigas sa halagang P290 lamang o P29 bawat kilo. Sa Biyernes Oktubre 11, 2024 alas 10 ng umaga sa Arandurugan Hall, Mabini Street, Poblacion Guinobatan, Albay.

Ito ay hatid sa inyo ni ✔️Mayor Ann Gemma Ongjoco sa pakikipagtulungan sa National Irrigation Administration.Ang bigas ay mabibili lamang sa P290/bag at ito ay first come first serve basis o paunahan lamang at limitado sa 500 bags lamang ang nakalaan para dito.source:ann gemma ongjoco fb

09/10/2024

KAPITAN NG LUNA SERBISYO SA BAYAN ANG UNA

Gubat, Sorsogon - Huli man sa pagfile ng Certificate of Candidacy sa serbisyo ay hindi pahuhuli si Kap.Ago Enorme na nagfile sa huling araw noong Martes Oktubre 8, 2024.

Para sa kay Kap.Ago gaya ng kanyang ginawa sa Barangay Luna Candol serbisyo ang laging una sakaling palarin siya na manalong konsehal ng bayan ng Gubat sa darating na lokal na halalan sa Mayo 12, 2025.

09/10/2024

FORMER BRTTH DIRECTOR JOINS TEAM GO GUINOBATAN FILES CANDIDACY FOR VICE MAYOR

Guinobatan, Albay - THE WINNING TEAM!

HAVING A HEALTHY GOVERNMENT STARTS FROM HAVING A HEALTHY CITIZENRY, This is how ✔️Mayor Ann Gemma Ongjoco describes her would be administration should she win the upcoming mayoral race in this municipality.

Ongjoco, a pharmacist and incumbent vice mayor proudly announced on Tuesday October 8, 2024 as she files her Certificate of Candidacy that Former Bicol Regional Training and Teaching Hospital BRTTH Director Butch Vera Joins Team Go Guinobatan as her running mate and files as Vice Mayoral candidate.

Vera's joining the team is very significant in ✔️Mayor Ongjoco's major thrust of giving better health services for all the 44 barangays of this town. With Ongjoco filing their certificate of candidacies were Butch Vera as vice-mayor and 5 incumbent municipal councilor seeking for reelection in the upcoming 2025 local election.

For Mayor: Ann Gemma Ongjoco

Vice-Mayor: Butch Vera

Councilors: 1.Bob Bañaga

2.Ricky Matza

3.Kate Padua

4.July Tingzon

5.Primo Pintor

photos:marchael santiago

07/10/2024

MAG-INGAY AT IPARATING SA BUONG DONSOL ZALDY ADVINCULA ANG SUSUNOD NA MAYOR!

07/10/2024

STRONG THIRD FORCE EMERGES: TO CHANGE THE POLITICAL LANDSCAPE OF DONSOL

Donsol, Sorsogon - A FORCE TO BE RECKONED WITH.

Staunch supporters of Vice-Mayor Zaldy Advincula paraded the streets of downtown Donsol and the outskirt villages to proclaim his candidacy as mayor of this town.

✅Mayor Advincula filed his Certificate of Candidacy as mayor on Monday October 7, 2024 under Reform Party.He was accompanied by his wife and a throng of supporters who joined the motorcade and later escorted him at the Comelec Office. As he filed his COC for his bid to the mayoral race Advincula affirmed his readiness to face the incumbent mayor and another challenger being fully armed with his honest and pure intention to serve the people of Donsol.

Filing with him were Former Vice-Mayor Donnie Cleofe; Former Councilor Andoy Rico and first timer Roque Millete who all filed candidacy for councilor.

06/10/2024

REELECTION NI VICE-MAYOR CHEZKA ROBLES SUPORTADO NI KAP.JOJO GERALDINO

Bulan, Sorsogon - Suportado ni Kap Jojo Geraldino ang laban ni Vice-Mayor Chezka Ballesteros Robles bilang reelectionista sa paparating na halalan sa Mayo 12, 2025.

Ang kumpirmasyon ni Kap.Jojo ay inihayag nito sa kanyang paghain ng Certificate of Candidacy sa kanyang pagtakbo bilang mayor ng Bulan umaga ng Linggo Oktubre 6, 2024.Ayon kay Kap.Jojo tumatakbo siyang independent subalit binigyang diin nito na kanyang sinusuportahan ang kandidatura ni Vice-Mayor Cheka para sa pangalawang term nito.

Inihayag din nito na kanyang suportado ang 7K Program ni Gobernador Edwin "Boboy" Hamo gayon din ang mga programa at proyekto ni 2nd District Cong.Atty.Manuel Wowo Fortes sakaling siya ay papalaring manalo at makaupo bilang alkalde ng bayang ito.Kung mananalo ay hindi siya uupo lamang sa loob ng munisipyo at kanyang dadalhin ang kanyang tanggapan sa lahat ng barangay.

Nilinaw ni Kap.Jojo na kung siya na ang alkalde ng Bulan ay mag-oopisina ito sa mga barangay hall at regular na iikutin ang 63 na barangay upang direktang mapagsilbihan ang taumbayan ng Bulan.

Kasama ni Kap.Jojo sa kanyang pagfile ng COC ang kanyang pamilya na buong sumusuporta sa kanyang laban gayundin ang ilang mga supporter na nagpakita rin ng suporta sa kanyang laban para sa bayan ng Bulan.

05/10/2024

TEAM CENON VOLANTE NAGHAIN NG KANDIDATURA SA MALILIPOT

Malilipot, Albay - Malakas na linyada ang kasama ni Mayor Cenon Biñas Volante sa kanyang pagfile ng certificate of candidacy bilang alkalde ng bayang ito.

Ang kanyang running mate bilang bise-alkalde ay ang topnotcher at 3 termer na kagawad na si Jose "Ote" Bolaños.Kasama sa linyada ay ang 3 reelectionistang kagawad at 3 incumbent barangay kapitan at isang dating barangay kapitan.

Narito ang buong linyada ng Team Cenon na masa ilalim ng Liberal Party.

Mayor Cenon Biñas Volante

Vice-Mayor Jose Bolaños

Kagawad
1). Nong Ampig

2)Joy Bisoña

3)Joephil Bien

4)Josefina Biñas

5)Audie Barlizo

6)Sandy Balingbing

7)Gilbert Bolaños

8)Ombay Mortega

02/10/2024

SERBISYO MUNA BAGO PULITIKA, KAP.JOJO MAY FEEDING ACTIVITY SA MGA ESTUDYANTE SA BARANGAY QUEZON

Bulan, Sorsogon - Serbisyo ang laging inuuna ni Kap Jojo Geraldino ng Sona Dos Bulan, Sorsogon, nitong Mierkules Oktubre 2, 2024 habang ang iba ay abala sa usaping pampulitika, si Kap.Jojo na tatakbo bilang alkalde ng Bulan ay nasa barangay at nagsasagawa ng isang feeding activity na dati na nitong ginagawa noon pang mga nakaraang taon.

Ang daan-daang estudyante sa Quezon Elementary School at Quezon National High School ang binigyan ni Kap.Jojo ng special feeding sa araw na ito.Dito ay kanyang nakasalamuha at nakapanayam ang mga g**o at ilang mga magulang.

Ang kapitan na tatakbong mayor ay regular na nagtityagang pumunta sa 63 na mga barangay ng Bulan upang makasalamuha ang taumbarangay at malaman ang kanilang mga saloobin at hinaing.

Ayon dito kung siya ang mahahalal na alkalde ay hindi siya uupo lamang sa opisina kundi regular na mag iikot sa buong 63 na barangay ng bayang ito.

29/09/2024

On December 29,1974 The Beatles broke up.Watch out if
Sorsogon will celebrate the Golden Anniversary of the momentous event. Today Sept 29 countdown starts.