What are the opening hours?

Monday 7am - 4pm Tuesday 7am - 4pm Wednesday 7am - 4pm Thursday 7am - 4pm Friday 7am - 4pm

https://www.facebook.com/104784255337381/

Ang Paham

Ang Opisyal na Pahayagang Filipino ng Mataas na Paaralang Pang-Agham ng Las Piñas

01/01/2025

𝗦𝗧𝗢𝗣 𝘁𝗵𝗲 𝗯𝗮𝗱 𝗵𝗮𝗯𝗶𝘁𝘀 𝗻𝗴𝗮𝘆𝗼𝗻𝗴 𝟮𝟬𝟮𝟱! 🥳🎆

Sa nagdaang taon, maraming pagsubok at problema na ang ating hinarap. Iba't ibang bersyon ng ating sarili ang nasaksihan.

Gayunpaman, hindi natatapos dito ang kakayahan ng bawat isang umunlad at magkaroon ng pagbabago dahil dala-dala natin ang mga aral at pagkatuto sa nakaraan. Kaya naman—panibagong taon, panibagong ako!

Halina't samahan ang "Ang Paham" na salubungin ang panibagong taon na puno ng pag-asa at determinasyon. Nawa'y mapuno ito ng samu't saring biyaya at magandang pangyayari na dulot ay kasiyahan sa bawat isa.

Mula sa PAHAMilya, malugod namin kayong binabati ng isang Manigong Bagong Taon! 🎆🎉

𝗜𝘀𝗶𝗻𝘂𝗹𝗮𝘁 𝗻𝗶: Asia Mei P. Cabrera (11 - Convivial)
𝗟𝗶𝗸𝗵𝗮 𝗻𝗶: Darla Drew S. Guerrero (11 - Benevolent)

30/12/2024

“Ang tao’y ipinanganak na malaya, at walang dapat magtangkang agrabyado sa kaniyang kalayaan.” - G*t. Jose Rizal.

Higit pa sa tinta ng isang pluma ang ibinuwis ni G*t. Rizal upang mamulat sa katotohanan ang Pilipinas. Kaya naman, sabay-sabay nating gunitain ang ika-128 na Araw ng kaniyang Kamatayan ngayong ika-30 ng Disyembre sa pamamagitan ng pagkilala at pagbibigay-pugay sa kaniyang mga sakripisyo upang maging isa sa ating mga haligi ng kalayaan.

Bagamat bawat taon ay puno mga pagsubok, nawa ay huwag nating hayaang mabura ang kalayaang kaniyang ipinaglaban. Manatili tayong mulat sa nangyayari sa bansa at ipaglaban ang kung ano ang nararapat.

𝗜𝘀𝗶𝗻𝘂𝗹𝗮𝘁 𝗻𝗶: John Martin D. Hulipas (11 - Benevolent)
𝗟𝗶𝗸𝗵𝗮 𝗻𝗶: Janna Adrielle F. Legaspi (12 - Honesty)

30/12/2024

𝘗𝘢𝘳𝘢 𝘴𝘢 𝘬𝘢𝘣𝘢𝘵𝘢𝘢𝘯
𝗢𝘂𝘁𝗿𝗲𝗮𝗰𝗵 𝗣𝗿𝗼𝗴𝗿𝗮𝗺 ‘𝟮𝟰 𝘂𝗺𝗮𝗿𝗮𝗻𝗴𝗸𝗮𝗱𝗮 𝗻𝗮

Matagumpay na inilunsad ng Values Club ang outreach program sa LPSci Covered Court noong Miyerkules, Disyembre 18 na may temang "Pagsulong ng Bagong Pilipinas: Ang Kabataan Bilang Pundasyon ng Pagbabago"

Mula sa isang panayam, ibinahagi ni Bnb. Rubirosa Feliciano, g**o sa Edukasyon sa Pagpapakatao (EsP) at isa sa mga tagapangasiwa ng Values Club, ang layunin at obhetibo ng nasabing programa.

"Ang pinaka objective talaga is para ma-encourage ang kabataan na maging matulungin at maopen ang mga mata nila na blessed sila at blessed tayong lahat so why not share your blessings with others?" saad ni Bb. Rubirosa.

Ayon pa sa kaniya inimbitahan nila ang mga galing sa ALS, mga pamilya at bata sa bahay-ampunan upang hindi na nila problemahin pa kung saan kukuha ng pantustos sa pagkain at damit.

"May mga galing sa ALS nag invite rin kami ng families at mga nanggaling sa orphanage, every year laging kinukuha ang mga nasa orphanage kasi feeling ko sila yung higit na nangangailangan ng tulong" dagdag pa niya.

Binigyang diin ng g**o ang kaniyang mga plano sa hinaharap para sa programa tulad ng pagdalo sa mga hospital, kung saan dito makikita ang tunay na kahulugan ng outreach program dahil sila ang mismong lalapit sa halip na magimbita lamang.

"’Yong future plans ko para sa outreach program ay mas mapalawig pa natin ito, kumbaga, tayo naman ang lalabas kasi nag i-invite pa lang tayo and maraming hindi makaka-join" paliwanag ng g**o.

𝐈𝐬𝐢𝐧𝐮𝐥𝐚𝐭 𝐧𝐢: Shania Lourdes M. Masinas (8 - Consideration)
𝐌𝐠𝐚 𝐤𝐮𝐡𝐚 𝐧𝐢𝐧𝐚:
Jodie C. Purificacion (12 - Honesty)
Angelika S. Nobleza (12 - Honesty)
Joana Rain C. Carag (11 - Altruistic)

23/12/2024

𝗛𝗔𝗡𝗗𝗔𝗡𝗚 𝗛𝗨𝗠𝗔𝗥𝗔𝗣 𝗣𝗔𝗥𝗔 𝗦𝗔 𝗣𝗔𝗡𝗚𝗔𝗥𝗔𝗣

𝘏𝘢𝘯𝘥𝘢 𝘯𝘢 𝘣𝘢 𝘬𝘢𝘺𝘰?
Para sa isang mamamahayag, hindi lamang ito isang tanong. Ito ang nagsilbi niyang alas upang makapaglingkod sa sambayanang Pilipino. Mula ito sa isang palabas na nagtatampok ng iba’t ibang kuwento. Higit sa lahat, ito ang naging tatak ni Korina Sanchez-Roxas — ang nag-iisang K sa likod ng Rated K. Ngayon, handa na ba kayong alamin ang kuwento kung paano naging handa si Korina sa mundo ng pamamahayag?

Isa si Korina sa mga ipinagmamalaking mamamahayag ng Pilipinas, hindi rin matatawaran ang nagawa niyang paghahanda upang marating ang kinalalagyan ngayon.

𝘏𝘢𝘯𝘥𝘢 𝘴𝘢 𝘒𝘢𝘯𝘪𝘺𝘢𝘯𝘨 𝘒𝘪𝘯𝘢𝘣𝘶𝘬𝘢𝘴𝘢𝘯
Noong nasa kabataan pa lamang si Korina, handa na siyang buoin ang pundasyon para sa kaniyang kinabukasan. Kaya nga mistulang pag-asa ng mga Pilipino ang boses niya dahil nagsanay na siya sa pagsusulat at pagtatalumpati noong estudyante pa lamang siya. Bukod pa rito, nahubog rin ang kanyang talento sa pagsasadula, pag-awit, at paglalaro ng volleyball.

Subalit, mas nangibabaw ang kanyang karera sa pamamahayag nang siya ay naging two-time awardee ng United States Embassy’s Thomas Jefferson study grant for Investigative Journalism at nagtapos ng kaniyang Master’s Degree sa Ateneo De Manila University noong 2016.

𝘏𝘢𝘯𝘥𝘢 𝘴𝘢 𝘔𝘶𝘯𝘥𝘰 𝘯𝘨 𝘗𝘢𝘮𝘢𝘮𝘢𝘩𝘢𝘺𝘢𝘨
Lingid sa kaalaman ng iba, hindi lamang sa Rated K umiikot ang alab ni Korina sa pamamahayag. Dulot ng kaniyang kahusayan, nagkamit na siya ng mga prestihiyosong parangal mula sa iba’t ibang bansa. Kabilang na rito ang GAWAD CCP Para sa Telebisyon, PMPC Star Awards, KBP Golden Dove Awards, at marami pang iba.

Hindi lamang mga parangal ang naging sukatan kung bakit siya hinahangaan ng karamihan. Bagkus, ang kaniyang tapat na paninindigan na pangunahing layunin ng pamamahayag — ang maglingkod sa publiko. Walang hangganan ang pagiging mulat sa boses ni Korina — kailanman hindi kukupas para sa katotohanan.

𝘏𝘢𝘯𝘥𝘢 𝘱𝘢𝘳𝘢 𝘴𝘢 𝘒𝘢𝘣𝘶𝘵𝘪𝘩𝘢𝘯 𝘯𝘨 𝘉𝘢𝘺𝘢𝘯
Sa maraming hakbang tungo sa pag-asa, isang hakbang lamang ay pagbabago na. Ito ang dahilan kung bakit kada wakas ng isang episode ng Rated K ay nagbibigay si Korina ng tsinelas sa mga batang lansangan. Ang Korina’s Tsinelas Campaign ay nagsimula noong 2004 nang malaman niya na karamihan sa mga musmos mula sa Samar, Leyte ay naglalakad nang walang suot o suot ay sirang tsinelas. Ipinagpapatuloy niya ang legasiyang ito nang sa gayon ay wala nang bata ang mahihirapan sa paglalakad tungo sa kanilang pangarap.

Bago pa man tayo maging handa sa kuwentong hatid ni Korina Sanchez, mismong siya ay naghanda para maging haligi ng katotohanan. Bago pa man magbigay ng mga tsinelas, mismong siya ay kinailangan maglakad sa kabila ng mga balakid para makatulong sa mga kababayan. Higit sa lahat, hinanda niya ang kaniyang sarili para sa tanong ng kaniyang palabas na Rated Korina — handa na ba kayo?

𝗜𝘀𝗶𝗻𝘂𝗹𝗮𝘁 𝗻𝗶: John Martin Hulipas (11 - Benevolent)
𝗟𝗶𝗸𝗵𝗮 𝗻𝗶: Aki Gabriel Hernandez (11 - Compassionate)

04/12/2024

Inilabas na ng Office of the School Principal ang memorandum patungkol sa iskedyul ng Ikalawang Markahang Pagsusulit ng Junior High School at Senior High School. Makikita sa ibaba ang mga itinakdang araw at oras para sa iba't ibang asignatura.

Galingan, mga Lapisyano! 💛

01/12/2024

"𝗜𝗯𝗶𝗴𝗶𝗻 𝗺𝗼 𝗮𝗻𝗴 𝗶𝘆ó𝗻𝗴 𝗯𝗮𝘆𝗮𝗻 𝗻𝗮𝗻𝗴 𝘀𝘂𝗻ó𝗱 𝗸𝗮𝘆 𝗕𝗮𝘁𝗵𝗮𝗹à, 𝘀𝗮 𝗶𝘆ó𝗻𝗴 𝗸𝗮𝗽𝘂𝗿𝗶𝗵𝗮𝗻, 𝗮𝘁 𝗵𝗶𝗴í𝘁 𝘀𝗮 𝗹𝗮𝗵𝗮𝘁 𝘀𝗮 𝗶𝘆𝗼𝗻𝗴 𝘀𝗮𝗿𝗶𝗹𝗶" - 𝗚𝗮𝘁. 𝗔𝗻𝗱𝗿𝗲𝘀 𝗕𝗼𝗻𝗶𝗳𝗮𝗰𝗶𝗼

Sa pagdiriwang para sa ika-161 na kaarawan ng Ama ng Himagsikang Pilipino na si Andres Bonifacio, muli nating bigyang pugay ang kaniyang mga makabuluhang tulong na handang inihandog para sa pagsulong ng panibagong Pilipinas na nasa atin hanggang ngayon.

Kaniyang ipinakita na ang bawat mithiin ay kinakailangan ng pag-aksyon upang tuparin – isang tunay na inspirasyon para sa mga tao.

𝗜𝘀𝗶𝗻𝘂𝗹𝗮𝘁 𝗻𝗶: Anya Marie Gomez (9-Family)
𝗟𝗶𝗸𝗵𝗮 𝗻𝗶:
Zoe Faustine S. Arde (11-Compassionate)
John Louie M. Arejola (11-Convivial)

23/11/2024

𝗦𝗜 𝗠𝗨𝗟𝗔𝗣𝗜𝗞 𝗦𝗔 𝗟𝗜𝗞𝗢𝗗 𝗡𝗚 𝗞𝗔𝗠𝗘𝗥𝗔 📷

Nangungusap na mga mata at nakapanghihinang mga ngiti. “Husband material” para sa karamihan dahil sa kanyang gandang lalaki at taglay na katalinuhan. Hindi maipagkakailang isa si Atom Araullo o Alfonso Tomas Pagaduan Araullo sa kilalang mukha ng industriya dahil sa hindi matatawarang paglilingkod nito sa Inang Bayan. Ngunit, sino nga ba si Atom bago pasukin ang pamamahayag, pag-uulat, pag-arte, at paggawa ng mga dokumentaryo?

𝘒𝘢𝘮𝘦𝘳𝘢 𝘴𝘢 𝘗𝘢𝘨𝘬𝘢𝘣𝘢𝘵𝘢
Bago pa maikot ang bawat sikot ng mga eskinita sa Kamaynilaan at marinig ang hinaing ng ating mga kababayan, una munang nakapanayam ni Atom ang iba’t ibang sikat na personalidad noong dekada sitenta sa isang sikat na Kids’ TV Show na “5 and Up.” Dito niya unang nakapanayam ang tanyag na banda noong 90’s na Eraserheads sa loob ng UP Sunken Garden.

Nahasa rin nang matindi ang galing ni Atom sa pamamahayag sa The Breakfast Show, Basta Sports, at Kabataan Xpress. Kakaibang hiwaga para sa batang Atom ang makita kung papaano ang trabaho sa likod at harap ng kamera, at ito ang nagbigay sa kanya ng dahilan upang magpatianod sa agos ng peryodismo sa kanyang murang edad pa lamang.

𝘗𝘢𝘯𝘨-𝘶𝘭𝘰𝘯𝘨 𝘏𝘢𝘵𝘪𝘯𝘪𝘨 𝘱𝘢𝘳𝘢 𝘴𝘢 𝘗𝘢𝘨-𝘶𝘯𝘭𝘢𝘥
Ang makita ang mundo nang may kamalayan — iyan ang naitatak kay Atom sa murang edad pa lamang. Pabaon sa kanya ng mga magulang na parehong mga aktibista at nakapagtapos sa Unibersidad ng Pilipinas ang diwa ng katotohanan at pagiging tapat. Dala-dala niya rin ang disiplinang naitanim sa kanya ng paglangoy.

Nakapagtapos ng elementarya si Atom sa Ateneo De Manila University at ipinagpatuloy ang sekondarya sa Philippine Science High School Main Campus. Dahil sa pagkahilig sa siyensya, ipinagpatuloy ni Atom ang pagkokolehiyo sa Unibersidad Ng Pilipinas at kinuha ang kursong Bachelor of Science in Applied Physics.

𝘛𝘦𝘭𝘦𝘮𝘱𝘳𝘰𝘱𝘵𝘦𝘳 𝘯𝘨 𝘗𝘢𝘨𝘭𝘢𝘭𝘢𝘬𝘣𝘢𝘺
Nagkaroon man ng karanasan sa pamamahayag noong siya ay nasa sampung taong gulang pa lamang ay hindi rin nakaligtas si Atom sa hagupit ng kanyang piniling propesyon. Dahil sa Pisika ang naging kasangga niya sa loob ng ilang taon sa kolehiyo, kinailangan niyang aralin ang lahat ng tungkol sa pamamahayag nang mag-isa.

Napuno man ng alinlangan at agam-agam, natutuhan ding mahalin ni Atom ang larangang bumuo sa kanyang pagkabata. Nagsimula siyang bumida sa “ATOMic Sports” ng 24 Oras at kalauna’y naging punong-abala sa Umagang Kay Ganda at Red Alert sa ilalim ng ABS-CBN. Makalipas ang ilang taong pag-uulat sa TV Patrol, Bandila, at ABS-CBN News Channel (ANC) ay tuluyang nagretiro si Atom sa ilalim ng prangkisa at tuluyang bumalik sa kanyang unang naging tahanan sa industriya — ang GMA.

𝘈𝘯𝘶𝘯𝘴𝘺𝘰 𝘯𝘨 𝘔𝘪𝘬𝘳𝘰𝘱𝘰𝘯𝘰
Nabigyan siya ng pagkakataong gumawa ng mga dokumentaryo sa parehong taon, gaya ng Philippine Seas (2017), i-Witness (2017 - kasalukuyan), at The Atom Araullo Specials (2018 - kasalukuyan). Iba’t ibang parangal ang natanggap ni Atom sa ilalim ng kanyang palabas, gaya na lamang ng “Babies4Sale.PH” (2019) at “No Leftovers” (2019) na nagwagi ng Gold Camera Award: Investigative/Special Reports Documentary. Nakamit din nito ang Carlos Palanca Memorial Awards for Essay para sa kanyang dokumentaryo na “Letter from Tawi-Tawi” (2022). Hindi lamang kahusayan sa pamamahayag ang ipinamalas ni Atom dahil bumida rin siya sa pelikulang “Citizen Jake” (2019) kasama ang iba’t ibang batikan sa industriya.

Mula noon hanggang ngayon ay nakadikit na kay Atom ang paglilingkod nang may katotohanan. Bago pa maging kilala sa larangan ng paryodismo,noong musmos pa lamang maaga niyang napatunayan na karapat-dapat mapabilang ang pangalan niya sa ganitong industriya. Tunay na hindi lamang mukha at boses ang puhunan upang magtagumpay sa larangan ng pamamahayag, dahil kinakailangan din ng puso, malasakit, at pagpapahalaga sa bayan — sa harap o likod man ng kamera.

𝗜𝘀𝗶𝗻𝘂𝗹𝗮𝘁 𝗻𝗶: Kate Nichole R. Soberano (12 - Generosity)
𝗟𝗶𝗸𝗵𝗮 𝗻𝗶: Aki Gabriel A. Hernandez (11 - Compassionate)

15/11/2024

𝗗𝗨𝗖𝗞, 𝗖𝗢𝗩𝗘𝗥, 𝗛𝗢𝗟𝗗.

𝗧𝗜𝗡𝗚𝗡𝗔𝗡 | Nakibahagi ang Mataas na Paaralang Pang-Agham ng Las Piñas sa isinagawang National Simultaneous Earthquake Drill (NSED) kahapon, Nobyembre 14, alas dos ng hapon sa pangunguna ng LPSci Batang Emergency Response Team (BERT).

Alinsunod ito sa programa ng National Disaster Risk Reduction and Management Council (NDRRMC) na makatutulong upang mabawasan ang panganib ng pinsala at maging handa sakaling magkaroon ng lindol.

Ipinapaalala ng BERT na maging handa, manatiling ligtas, at laging tandaan, “𝘈𝘯𝘨 𝘉𝘢𝘵𝘢𝘯𝘨 𝘗𝘳𝘦𝘱𝘢𝘳𝘢𝘥𝘰, 𝘗𝘳𝘰𝘵𝘦𝘬𝘵𝘢𝘥𝘰!”

✒️ 𝐈𝐬𝐢𝐧𝐮𝐥𝐚𝐭 𝐧𝐢: Shayne Marie G. Oray
📸 𝐊𝐮𝐡𝐚 ng mga Class Presidents at BERT Officers

11/11/2024

𝐓𝐈𝐍𝐆𝐍𝐀𝐍 | UN Month ipinagdiwang; mga kalahok pinarangalan

Napuno ng sigla ang LPSci Covered Court sa pagdiriwang ng United Nations na may temang "Pagpupugay sa mga Makasaysayang Ikon sa Pamamagitan ng Mga Sustainable na Aksyon." nitong Nobyembre 8

Ibinahagi ni Jaira Banan sa isang panayam, Bise Presidente ng Araling Panlipunan Club ang kahalagahan ng pagdiriwang ng nasabing programa.

"Ang pagdiriwang ng Buwan ng Nagkakaisang Bansa ay isang pagkakataon upang maunawaan ng mga mag-aaral ang kahalagahan ng pandaigdigang pagkakaisa kahit bata pa lamang sila at nag-aaral," saad ni Banan

Dagdag niya, naging daan din ang nasabing pagdiriwang upang mabigyang liwanag ang mag suliraning kinahaharap ng mga bansa sa daigdig.

"Ito rin ay nagbibigay ng dagdag kaunawaan sa internasyonal na isyu lalo na't maraming mga problemang lumalabas [din] sa pagitan ng mga bansa," dagdag niya.

Binigyang diin naman ni Gng. Ley Marie Delight L. Gavan, g**o sa Araling Panlipunan, ang kagandahang dulot na maidadala ng programa para sa mga mag-aaral ng nasabing paaralan.

“Sa pamamagitan ng mga makabuluhang aktibidad, ang bawat Lapiscian ay hinuhubog upang maging responsableng mamamayan na may malalim na pag-unawa sa mga pandaigdigang isyu at may pusong nagmamalasakit sa kalikasan at kapaligiran,” saad ng g**o.

Naghayag naman si Samantha Kylie S. Salvador, mag-aaral mula sa ika-10 baitang na nagkamit ng unang gantimpala sa Historical Icon Contest ng kaniyang sentimento tungkol sa ginanap na programa.

“Bilang isang mag-aaral, kadalasang limitado tayo sa mga isyung [nakaaapekto] sa atin. Ngunit sa pamamagitan ng United Nations at sa mga ginagawa nating [patimpalak tulad ng] historical icon, symposium, ay mas napapalawig natin ang kaalaman natin sa mga bagay na hindi lamang tayo [ang] apektado, kundi ang buong mundo,” ani Salvador.

Sa pangunguna ng Araling Panlipunan Club, itinampok sa programa ang pagganap ng mga mag-aaral bilang mga makasaysayang personalidad mula sa iba’t ibang kontinente, kasama ang isang espesyal na seremonya ng parangal para sa mga nagpakitang-gilas sa pagdiriwang.

Nagniningning ang mga mag-aaral mula sa ika-7 hanggang ika-10 baitang sa kanilang makukulay na kasuotang gawa sa mga recycled materials na sumasalamin sa kani-kanilang napiling makasaysayang icon.

Rumampa naman ang mga kalahok upang ipakita ang kanilang pagkamalikhain at pagpapahalaga sa kultura ng mga bansang kanilang kinakatawan.

Napili ang mga natatanging kalahok ng mga g**o mula sa iba’t ibang baitang na nagsilbing hurado sa husay ng pagrampa at pagpapakita ng magandang kasuotan na may kasamang mensaheng pangkalikasan.

𝐈𝐬𝐢𝐧𝐮𝐥𝐚𝐭 𝐧𝐢: Richard Arenz Pamati-an | 7 - Blessedness
𝐌𝐠𝐚 𝐤𝐮𝐡𝐚 𝐧𝐢: Jodie C. Purificacion | 12 - Honesty

05/11/2024

𝗣𝗔𝗚𝗕𝗔𝗧𝗜 𝗦𝗔 𝗠𝗚𝗔 𝗕𝗔𝗚𝗢𝗡𝗚 𝗧𝗔𝗚𝗔𝗣𝗔𝗡𝗚𝗔𝗦𝗜𝗪𝗔 𝗡𝗚 𝗣𝗔𝗛𝗔𝗬𝗔𝗚𝗔𝗡!

Ipinakikilala ng Ang Paham ang bumubuo sa Lupon ng Patnugutan ng opisyal na pahayagang Filipino ng Mataas na Paaralang Pang-Agham ng Lungsod ng Las Piñas para sa taong panuruan 2024 - 2025.

Patuloy nawa kayong magsilbing boses upang manindigan at maging tulay sa pagmulat ng katotohanan mula sa ating paaralan tungo sa ating bayan.

𝗟𝗶𝗸𝗵𝗮 𝗻𝗶: Zoe Faustine S. Arde | 11 - Compassionate

01/11/2024

ANUNSYO LAPISYANO 📣

Bilang pakikiisa sa paggunita ng Undas, ating pagnilayan at balikan ang mga masasayang alaala natin kasama ang ating mga yumaong mahal sa buhay.

Kasabay ng pagdiriwang na ito ay ang paalalang sa Lunes, Nobyembre 4, 2024, ang pagbabalik sa klase.

Mag-iingat ang lahat, mga Lapisyano! 🙏🏼
𝗟𝗶𝗸𝗵𝗮 𝗻𝗶: John Louie Arejola

28/10/2024

Buong puso naming binabati ang mga nagkamit ng 𝗽𝗶𝗻𝗮𝗸𝗮𝗺𝗮𝗵𝘂𝘀𝗮𝘆 𝗻𝗮 𝗹𝗶𝗸𝗵𝗮 sa bawat kategorya sa ginanap na Pampaaralang Palihan sa Pamamahayag 2024.

Inyong naipakita ang walang katulad na dedikasyon at talentong tiyak na uusbong pa sa hinaharap.

Pagbati sa inyong lahat! 💛🤎

23/10/2024

𝗔𝗡𝗚 𝗕𝗨𝗛𝗔𝗬 𝗔𝗬 𝗪𝗘𝗔𝗧𝗛𝗘𝗥-𝗪𝗘𝗔𝗧𝗛𝗘𝗥 𝗟𝗔𝗡𝗚!

𝘜𝘮𝘢𝘢𝘳𝘢𝘸, 𝘜𝘮𝘶𝘶𝘭𝘢𝘯
Minsan, higit pa sa liwanag ng araw ang mababakas mula sa ating mukha dahil sa kasiyahang ating nadarama. Minsan, ang umaagos na ulan ay sumasabay pa sa ating mga luha at nag-iiwan ng bakas ng kalungkutan. Ika nga ni Kuya Kim, “Ang buhay ay weather-weather lang!” na sinasabi, sa bawat takbo ng oras, walang katiyakan na hindi magbabago ang ihip ng hangin — kung ito ba ay may dalang ligaya o unos ng problema. Tulad na lamang ng buhay ni Kuya Kim na isang mamamahayag partikular na sa weather forecasting. Paano kung alamin naman natin ang kalagayan ng naging buhay niya?

𝘚𝘪𝘯𝘢𝘨 𝘯𝘨 𝘛𝘶𝘬𝘭𝘢𝘴
Noong ika-24 ng Enero 1967, ipinanganak si Alejandro Ilagan Atienza na mas kilala bilang ‘Kuya Kim’. Bantog siya sa larangan ng pamamahayag at binansagang “Kuya ng Bayan” dahil sa hatid nitong kaalaman. Suot ang kaniyang sumbrero na tumatak sa madla, nagbigay kaalaman siya ukol sa kalikasan ng Pilipinas. Dagdag pa rito, sa loob ng 17 taon ay naging weather forecaster siya sa ABS-CBN TV Patrol kung saan bumida ang kaniyang linyahan. Higit sa lahat, kaniyang nilikha ang Matanglawin kung saan ibinabahagi niya ang mga tuklas ukol sa kalikasan na tila ang mga matalas lang ang mata ang makakikita nito. Lumipat naman si Kuya Kim sa GMA Network noong Oktubre 2021 at naging segment anchor ng 24 oras.

𝘉𝘢𝘨𝘰𝘯𝘨 𝘜𝘮𝘢𝘨𝘢, 𝘉𝘢𝘨𝘰𝘯𝘨 𝘗𝘢𝘨-𝘢𝘴𝘢
Noon pa lamang, dama na ni Kuya Kim ang umaalab na pangarap sa larangan ng medya. Kaya noong 1984, siya ay nag-aral sa Unibersidad ng Pilipinas sa kursong Film and Audiovisual Communication. Bagaman ilang beses nabigo noon dahil sa hirap ng kaniyang mithiin, hindi ito sumuko sa kabila ng unos ng kabiguan. Bagkus, mas pinalawak niya ang kaniyang kakayahan at natuklasan ang talento sa pagvo-voice acting. Ngunit hindi lamang sa likod ng mga kamera ang kaniyang pangarap, kundi maging tanyag siya sa loob man o sa labas ng telebisyon.

𝘚𝘪𝘬𝘢𝘵 𝘯𝘨 𝘈𝘳𝘢𝘸
Hindi nagtagal, higit na nakilala ng madla si Kuya Kim nang siya ang naging tagapag-ulat ng kalagayan ng panahon sa TV Patrol ng ABS-CBN. Dito sumikat ang kasabihang “Ang buhay ay weather-weather lang” na talaga namang pumatok sa takilya. Ngunit, mas namayagpag siya nang siya ay naging host ng Matanglawin — isang agham pang-edukasyon na palabas. Dito ipinamalas ni Kuya Kim ang kaniyang mga “trivia” na tumatak sa mga manonood. Noong Oktubre 2021, lumipat siya ng GMA Network at naging segment anchor ng 24 Oras.

𝘉𝘢𝘨𝘺𝘰𝘯𝘨 𝘚𝘜𝘉𝘖𝘒
Bilang anak ng dating mayor ng Manila na si Lito Atienza, pinasok rin ni Kuya Kim ang mundo ng politika bago tuparin ang pangarap na manilbihan sa pamamahayag. Tatlong taon ang naging termino niya bilang barangay chairman at konsehal sa Maynila. Ngunit makalipas ang ilang taon, namulat siya sa katotohanang ginagawa niya ito para sa legasiya ng kaniyang pamilya at hindi para sa mga mamamayan. Sa isang panayam kasama si Matteo Guidicelli, ibinahagi niya ang nasaksihang korupsyon na tila isang bagyong taon-taon na nararanasan ng Pilipinas. Dagdag pa rito, nagkaroon siya ng malubhang sakit at nagkaroon ng stroke.

𝘉𝘢𝘩𝘢𝘨𝘩𝘢𝘳𝘪 𝘮𝘢𝘵𝘢𝘱𝘰𝘴 𝘢𝘯𝘨 𝘉𝘢𝘨𝘺𝘰
Taong 2004, napagtanto ni Kuya Kim na kahit na nasindak siya sa unos na dala ng politika, umaalab pa rin sa kaniyang puso ang serbisyo sa loob ng medya. Doon niya naipapamalas ang kaniyang mga talento at napagtanto ang tunay na papel sa mundo — ang magbigay kaalaman sa natatanging tuklas ng Pilipinas at ang kalagayan ng panahon. Sa katunayan, nagkamit si Kuya Kim ng mga parangal tulad ng Hero of the Year Award ng Gawad Pilipino Awards, Outstanding Natural History/Wildlife Program Host ng Matanglawin at marami pang iba. Bunga ng kaniyang pagsisikap, naging matagumpay siya sa larangang ito at naging huwaran ng maraming Pilipino.

Hindi man naging patag ang daanan tungo sa karangyaan, naging instrumento pa rin si Kuya Kim upang marinig ng buong bansa ang mga impormasyong kawili-wili’t puno ng aral. Ika nga ng isang kasabihan, ang buhay ay tulad lamang ng panahon — pabago-bago’t magkakaroon ng hindi madadaling hamon. Ngunit gaya lang rin ni Kim, kinakailangan nating magbaon ng tiwala, tatag at kakayahan bilang panangga sa mga hamon na ibabato sa ating buhay. Ang lahat ng mga sikat niyang kataga ay mananatili sa puso’t isipan ng bawat Pilipino at ang kanyang kakaibang istilo ng pamamahayag ay hindi kailanman maikukumpara sa sinuman.

𝗜𝘀𝗶𝗻𝘂𝗹𝗮𝘁 𝗻𝗶: Qianne Enriquez
𝗟𝗶𝗸𝗵𝗮 𝗻𝗶: Adrienne Nicole Tanio

18/10/2024

𝗧𝗜𝗡𝗚𝗡𝗔𝗡

Kasalukuyang ginaganap ang School-wide Vaccine Immunization sa School Auditorium ng Mataas na Paaralang Pang-agham ng Las Piñas na may temang "𝘒𝘢𝘺𝘢 𝘗𝘢𝘳𝘢 𝘐𝘸𝘢𝘴 𝘴𝘢 𝘗𝘢𝘨-𝘢𝘢𝘭𝘢𝘭𝘢, 𝘛𝘢𝘳𝘢 𝘯𝘢 𝘴𝘢 𝘉𝘢𝘬𝘶𝘯𝘢 𝘌𝘴𝘬𝘸𝘦𝘭𝘢!"

Pinangungunahan ng Las Piñas City Health Office ang paghahandog ng bakuna para sa Tigdas, Measles, Tetanus, Rubella, at Diphtheria sa mga mag-aaral.

18/10/2024

ISANG TULOG NA LANG!

Narito ang mga paalala para sa mga kalahok ng Pampaaralang Palihan sa Pamamahayag 2024 na magaganap bukas, Oktubre 19, sa ating paaralan.

Kitakits bukas sa ganap na ikawalo ng umaga, mga Lapisyano!

𝗟𝗶𝗸𝗵𝗮 𝗻𝗶: Zoe Faustine S. Arde (11 - Compassionate)

10/10/2024

💡 𝗣𝗮𝗴𝗵𝗮𝗵𝗮𝘀𝗮 𝗻𝗴 𝗧𝗮𝗹𝗶𝗻𝗼, 𝗣𝗮𝗴𝗽𝗮𝗽𝗮𝗻𝗱𝗮𝘆 𝗻𝗴 𝗞𝗮𝗸𝗮𝘆𝗮𝗵𝗮𝗻

Malugod na inaanyayahan ang lahat ng mga Lapisyano sa 𝗣𝗮𝗺𝗽𝗮𝗮𝗿𝗮𝗹𝗮𝗻𝗴 𝗣𝗮𝗹𝗶𝗵𝗮𝗻 𝘀𝗮 𝗣𝗮𝗺𝗮𝗺𝗮𝗵𝗮𝘆𝗮𝗴 𝟮𝟬𝟮𝟰 — isang pagkakataon upang maipakita at mapaunlad ang ating kakayahan sa paghahatid ng impormasyon para sa mas malawak na madla!

Para sa mga 𝘪𝘯𝘥𝘪𝘣𝘪𝘥𝘸𝘢𝘭 na kategorya na nais sumabak sa hamon, maaaring kayong pumili mula sa mga sumusunod: Isports, Lathalain, Pag-uulo at Pagwawasto ng Sipi, Editoryal at Kolum, Mobile Journalism, Lathalaing Pang-agham, Larawang Tudling, Pagkuha ng Larawan, at Pag-aanyo.

Para naman sa mga 𝘨𝘳𝘶𝘱𝘰𝘯𝘨 kategorya ay maaaring sumali at ipamalas ang husay sa: Collaborative Desktop Publishing, Online Publishing, Radio Broadcasting, at TV Broadcasting.

Bukas ito sa 𝗹𝗮𝗵𝗮𝘁 ng Lapisyano! 📢 Upang mag-register at malaman ang mga karagdagang detalye, pindutin lamang ang link o i-scan ang QR Code na makikita sa ibaba. ↓↓↓
https://forms.gle/sP8B8aUECtHf2PoK9
https://forms.gle/sP8B8aUECtHf2PoK9
https://forms.gle/sP8B8aUECtHf2PoK9

Huwag palampasin ang pagkakataon na maging bahagi ng isang palihang huhubog sa mga bagong henerasyon ng mga mamamahayag.

𝗜𝘀𝗶𝗻𝘂𝗹𝗮𝘁 𝗻𝗶: Shayne Marie G. Oray | 10 - Imaginative
𝗟𝗶𝗸𝗵𝗮 𝗻𝗶: Zoe Faustine S. Arde | 11 - Compassionate

05/10/2024

𝗗𝗨𝗠𝗔𝗚𝗨𝗡𝗗𝗢𝗡𝗚!
LPSci Covered Court, niyanig sa pagbubukas ng Intramurals '24

Napuno ng hiyawan at musika ang Mataas na Paaralang Pang-Agham ng Las Piñas sa pormal na pagbubukas ng Intramurals 2024 nitong Oktubre 3 na may temang “Strengthening Camaraderie, Culture, and Unity through Healthy Body and Mind.”

Pinasinayaan ni Gng. Eleonor V. Honrales, punongg**o ng nasabing paaralan, ang pagbubukas ng nasabing programa.

Sa isang panayam, ibinahagi ni Jana Loreal Orenday, Presidente ng MAPEH Club, ang isa sa kanilang mga layunin kaugnay ang aktibidad.

“Especially since we’re known as the Science High School students na focus sa school, sa acads, gusto namin na kahit paano, mabalanse ’yung acads and hobbies natin, gaya roon sa mga student athletes. [Gayundin] sa iba na mahiyain, para makaalis sila sa comfort zone nila and makasali rin sa activities,” aniya.

Hindi naman napigilang ihayag ni Arvin Lyon Padilla, mag-aaral mula sa 12-Honesty at isa sa mga tagapangasiwa ng nasabing programa, ang kaniyang pagkapanabik sa muling pagbabalik ng Intramurals.

“As part of the technical working group who helped sa preparations for the event, it was very fulfilling to see everyone enjoying the program. Sa pag-lead ng JHS MAPEH club and ng SHS counterparts nila, I can say that the event was really successful,” wika ni Padilla.

Dagdag niya, mas lalong nabigyang buhay ang nasabing pagtitipon sa pamamagitan ng mga chant na isinagawa ng bawat kupunan.

“As a student naman, naramdaman ko talaga yung intramurals spirit especially sa pag-chant ng iba’t ibang teams. As someone who was also involved sa chant ng team namin, alam kong maraming oras at pagod yung binigay ng bawat isa for it, especially since we were only given a short period of time to prepare, so it was great to see everyone’s hard work pay off,” saad niya.

Binubuo ng apat na kupunan ang Intramurals 2024: ang Crimson Vulpines (SHS), kaakibat ng Red Santelmos (JHS) na kumakatawan sa pulang grupo, Azure Phoenixes (SHS) at Blue Minokawa (JHS) sa asul na grupo, Golden Tigers (SHS) at Yellow Bakunawa (JHS) sa dilaw na grupo, at Green Buzzers (SHS) at Green Magindara (JHS) sa berdeng grupo.

Naghayag naman ng pasasalamat ang pangulo ng 12 - Diplomacy na si Lara Joy O. Gayeta, kabilang na si Ian Orosa ng 11 - Benevolent matapos makamit ng Azure Phoenixes ang unang gantimpala sa ginanap na Chant Competition sa Senior High Level para sa nasabing programa.

“Sabi nga nila expect the worst but hope for the best. Napaka-unexpected for me na nanalo kami sa yell kasi four days lang ang preparation namin. Pero lahat ng pagod at gastos naging worth it din in the end. I'm sure sobra-sobra ang tuwa ng fellow yell leaders ko na sina Kadine, Joms, Darla, and Yen; a big thank you to them,” wika ni Gayeta.

Mas naging determinado naman si Orosa na makamit ang kampeonato sa bawat sports para sa kanilang kupunan.

“Nong nanalo po kami ng chant, sobrang saya po namin – especially ako rin po, sobrang saya. Tapos, mas nanggigil po ako para kunin ‘yong ibang championships sa ibang sports. Kaya, looking forward po ako sa BeneDips at [Azure] Phoenixes,” saad ni Orosa.

Nakamit naman ng Crimson Vulpines (12 - Efficiency at 11 - Compassionate) ang ikalawang gantimpala, samantalang hawak ng Golden Tigers (12 - Generosity at 11 - Altruistic) at Green Buzzers (12 - Honesty at 11 - Convivial) ang ikatlo at ikaapat na puwesto.

Nagsagawa naman ng Mr. and Ms. Intramurals ang mga kinatawan mula sa bawat kupunan ng Junior High School at Alternative Learning System, kung saan kinilala sina Jose Niño Lacuata at Karlene Rian Ombao na parehong mula sa Yellow Bakunawa bilang kampeon.

Samantala, nagkaroon ng Mr. and Ms. Palaro ang mga kinatawan ng Senior High School, kung saan kinilala sina Izher Marro Madayag at Ellesha Santillan na parehong mula sa Green Buzzers bilang kampeon.

Karagdagan, nagsimula ang advanced games noong Oktubre 1 at 2 para mga larong Volleyball, Chess, Table Tennis, at Mobile Legends habang nakatakda namang magpatuloy ang iba pang laro mula Oktubre 7 hanggang 10 sa Junior High School Category, habang nakatakdang magsimula ang mga palaro para sa Senior High School Category sa Oktubre 14 hanggang 18.

𝗜𝘀𝗶𝗻𝘂𝗹𝗮𝘁 𝗻𝗶𝗻𝗮:
Nathaniel Russel S. Tible | 12 - Efficiency
Shayne Marie Oray | 10 - Imaginative
𝗞𝘂𝗵𝗮 𝗻𝗶:
Jodie C. Purificacion | 12 - Honesty

04/10/2024

Apat na letra, isang salita. Isang salitang nagpapatakbo sa ating mundo. Isang salitang ugat ng lahat ng propesyong mayroon sa mundo.

Ano nga ba talaga ang isang g**o at ang kahalagahan nito?

Sa letrang G, ikaw ang nagsisilbing gabay ng mga mag-aaral sa kanilang buhay at larangang tinatahak. Ang iyong mga salita't leksyon ang nagtuturo sa amin ng daanan patungo sa aming mga pangarap.

Sa letrang U, ang iyong dedikasyon para sa iyong propesyon ay higit pa sa umaapaw. Walang humpay itong umaagos papunta sa aming mga puso't isipan, tulad ng mga aralin at salitang walang pag-aalinlangan ninyong binibigkas.

Sa letrang R, hindi natatapos sa mga asignatura ang inyong naibigay sa amin na kaalaman, bagkus ang respeto't responsibilidad ang nagmarka sa aming mga puso't isipan. Isa kayo sa mga bumubuo ng pundasyon ng kadakilaan at kabutihan sa susunod na henerasyon ng mga mamamayan, gayun na rin ang kanilang makukulay na kinabukasan.

Sa letrang O, hindi sasapat ang okasyong pang-isang araw upang bigyang pasasalamat ang inyong sakripisyo at pagsisikap. Mananatili kayo bilang inspirasyon sa aming paghahangad sa pagkamit ng mga tagumpay sa buhay.

Mula sa aming lahat na mag-aaral, isang taos-pusong pasasalamat sa inyong lahat at maligayang araw ng mga G**O! 💛

𝗜𝘀𝗶𝗻𝘂𝗹𝗮𝘁 𝗻𝗶: Arryn Leigh N. Delos Reyes | 12 - Generosity
𝗟𝗶𝗸𝗵𝗮 𝗻𝗶: Abby Sofia M. Solsona | 12 - Diplomacy

Address

Carnival Park Street , BF Resort Village , Brgy. Talon 2
Las Piñas

Opening Hours

Monday	7am - 4pm
Tuesday	7am - 4pm
Wednesday	7am - 4pm
Thursday	7am - 4pm
Friday	7am - 4pm

Website

facebook.com

Alerts

Be the first to know and let us send you an email when Ang Paham posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Ang Paham:

Videos

𝗦𝗧𝗢𝗣 𝘁𝗵𝗲 𝗯𝗮𝗱 𝗵𝗮𝗯𝗶𝘁𝘀 𝗻𝗴𝗮𝘆𝗼𝗻𝗴 𝟮𝟬𝟮𝟱! 🥳🎆 Sa nagdaang taon, maraming pagsubok at problema na ang ating hinarap. Iba't ibang bersyon ng ating sarili ang nasaksihan. Gayunpaman, hindi natatapos dito ang kakayahan ng bawat isang umunlad at magkaroon ng pagbabago dahil dala-dala natin ang mga aral at pagkatuto sa nakaraan. Kaya naman—panibagong taon, panibagong ako! Halina't samahan ang "Ang Paham" na salubungin ang panibagong taon na puno ng pag-asa at determinasyon. Nawa'y mapuno ito ng samu't saring biyaya at magandang pangyayari na dulot ay kasiyahan sa bawat isa. Mula sa PAHAMilya, malugod namin kayong binabati ng isang Manigong Bagong Taon! 🎆🎉 #PAHAMilyaWelcomes2025 #ManigongBagongTaon 𝗜𝘀𝗶𝗻𝘂𝗹𝗮𝘁 𝗻𝗶: Asia Mei P. Cabrera (11 - Convivial) 𝗟𝗶𝗸𝗵𝗮 𝗻𝗶: Darla Drew S. Guerrero (11 - Benevolent)

𝗧𝗜𝗡𝗚𝗡𝗔𝗡 Kasalukuyang ginaganap ang School-wide Vaccine Immunization sa School Auditorium ng Mataas na Paaralang Pang-agham ng Las Piñas na may temang "𝘒𝘢𝘺𝘢 𝘗𝘢𝘳𝘢 𝘐𝘸𝘢𝘴 𝘴𝘢 𝘗𝘢𝘨-𝘢𝘢𝘭𝘢𝘭𝘢, 𝘛𝘢𝘳𝘢 𝘯𝘢 𝘴𝘢 𝘉𝘢𝘬𝘶𝘯𝘢 𝘌𝘴𝘬𝘸𝘦𝘭𝘢!" Pinangungunahan ng Las Piñas City Health Office ang paghahandog ng bakuna para sa Tigdas, Measles, Tetanus, Rubella, at Diphtheria sa mga mag-aaral.

Hulyo 26. LPSci Covered Court. 👀

𝗔𝗟𝗔𝗕 𝗡𝗚 𝗣𝗔𝗚𝗦𝗜𝗦𝗜𝗞𝗔𝗣 Kasalukuyang ginaganap ang pagtitipon ng mga delegado para sa 2024 National Schools Press Conference (NSPC) ng Department of Education (DepEd) sa Carcar City, Cebu. Kabilang sa hanay ng mga lalahok sa NSPC ang mga Lapisyano mula sa Ang Paham na kumakatawan sa National Capital Region (NCR) sa kategoryang Pagguhit ng Larawang Tudling at Online Publishing. Opisyal na binuksan ang NSPC 2024 sa pangunguna ni Vice President at dating DepEd Secretary Sara Duterte, katuwang si Senador Imee Marcos. #NSPC2024

𝗧𝗜𝗡𝗚𝗡𝗔𝗡 | Kasalukuyang idinaraos ang pampinid na palatuntunan ng 2024 Regionals Schools Press Conference and Contest (RSPCC) sa Cuneta Astrodome, Pasay City na may temang "The role of Campus Journalism in Fostering DepEd MATATAG: Chartering a New Path." Kabilang sa mga kalahok sa naturang awarding ceremony ang mga pampaaralang mamamahayag mula sa Mataas na Paaralang Pang-Agham ng Las Piñas. #RSPC2024

Ang Paham

01/01/2025

30/12/2024

30/12/2024

23/12/2024

04/12/2024

01/12/2024

23/11/2024

15/11/2024

11/11/2024

05/11/2024

01/11/2024

28/10/2024

23/10/2024

18/10/2024

18/10/2024

10/10/2024

05/10/2024

04/10/2024

Address

Opening Hours

Website

Alerts

Contact The Business

Videos

Shortcuts

Share

Category