PGIN, NANGIPAAY TI LIBRENG SAKAY PROGRAM
Nagibunong ti Provincial Government of Ilocos Norte ti Libreng Sakay Stubs para kadagiti Indigent Students, Senior Citizens, PWD's ken Pregnant Women manipod kadagiti ili iti Bacarra, Laoag, San Nicolas ken Sarrat.
Inatendaran daytoy ni Gobernador Matthew Marcos Manotoc, Vice Governor Cecilia Araneta Marcos kasta pay ni Sanggunian Member Jonathan Toralba iti Segundo Distrito ken Sangguniang Panalalawigan Aladin Santos ken Sangguniang Member Saul Lazo.
NAIMBAG A BIGAT, ADTOY TI SASAADEN TI PANAWEN
VIDEO COURTESY TO THE RIGHTFUL OWNER
ITI DAMAG LOCAL...
Naisayangkat ti welcome mass para ti relic ni St. Therese iti St. Williams Cathedral iti ciudad ti Laoag nga indaloan ni Most. Rev. Renato Mayugba.
Nagatendar da Mayor Michael Marcos Keon, Gov. Matthew Marcos Manotoc ken dagiti daduma pay a bisita.
Namin adu a darasen a naipan iti ciudad ti Laoag ti relics ni St. Therese isu nga ibilang ni Bishop Mayugba a nagasat ti probinsya.
VIDEO COURTESY TO THE RIGHTFUL OWNER
ITI DAMAG LOCAL...
Nangisagut ti misa ti St. Williams Cathedral nga indauloan ni Most. Rev. Renato Mayugba iti ipupusay ni Pope Emeritus Benedict XVI.
Binigbig ken nagyaman ni Bishop Mayugba mi Pope Emeritus Benedict XVI gapo ti pannakaimbitar na idi.
Inistorya na dagiti pakalaglagipan na kenni Pope Emeritus XVI.
VIDEO COURTESY TO THE RIGHTFUL OWNER
PAYONG GANG, IMMATAKE ITI CIUDAD TI LAOAG
Kalpasan a naipost iti social media ti kapadasan ti ina ni Jennifer Dumelod kabayatan ti kaadda na iti sentro ti ciudad ti Laoag ket adda manen ti nagpost iti social media ti kapadasan na kabayatan ti kaadda na iti M.E shoppinh center idi Disiembre 22 iti napalabas a tawen.
Ti kapadasan ti ina ni Dumelod ket isu met laeng ti napasamak kenkuana a nalipitlipit a nagusar da pay ti payong.
Makita iti comment section nga adda pay dagiti nakapadas iti kastoy ken inawagan da ti Payong Gang.
VIDEO COURTESY TO THE RIGHTFUL OWNER
PANNAKATAKAW TI 20 A RIBO A PISOS A KWARTA TI MAYSA NGA INA ITI LAOAG A VIRAL ITA, NAPASAMAK PAY LAENG ITI NOV. 2022
Umabot ti 20 a ribo a pisos ti natakaw manipod iti maysa nga ina a taga ciudad ti Laoag.
Iti post ni Jenny Dumelod, napasamak ti pannakabudolbudol ti ina na iti sango ti CST Grocery nga adda ti asideg ti Jollibee.
Makita iti CCTV, linipit lipit da ti ina na ken pinayungan da pay tapnu di makita iti CCTV.
Dagiti nangbudolbudol ti ina na ket babbaket.
Agtultuloy ti imbestigasyon ti PNP.
VIDEO CREDIT TO THE RIGHTFUL OWNER
DAYTOY TI SASAADEN TI PANAWEN ITA NGA ALDAW ITI PILIPINAS
Nakasreken ti Low Pressure Area iti abagatan ti Puerto Princesa City
Naununeg nga imbestigasyon ti isaysayangkat ti PNP mainaig ti pannakadesgrasya ti maysa a Victory Liner a bus iti Pugo, La Union.
Tallo dagiti natay karaman ti konduktor ken dua a pasahero a babbai idinto a 20 dagiti nasugsugatan.
Naidungpar ti bus iti maysa a puon ti kayo a nakaipitan ti konduktor iti sango gapo ti pannakaperdi ti hydro back na a nangitonda ti kaawan ti kontrol ti driver ti manibela.
VIDEO CREDIT TO THE RIGHTFUL OWNER
UPDATE TI SASAADEN TI PANAWEN DITOY PILIPINAS
Adda Low Pressure Area a banbantayan ti DOST PAGASA iti ruar ti Philippine Area of Responsibility nga adda iti asideg ti General Santos City.
ITI DAMAG NATIONAL...
Nagsublin ti normal nga operasyon ti Manila International Airport kalpasan ti aberya a napasaran idi kalman a nagresultaan ti pannakakanselar kadagiti flights.
ITI DAMAG LOCAL...
Agannad dagiti motorista a dumaldalyasat iti TIPCAL CURVE iti ili ti Currimao gapo ti diesel a nagtedted iti tengga iti kalsada.
VIDEO CREDIT TO THE RIGHTFUL OWNER
Kablaaw ni Presidente Ferdinand Marcos Jr. kadagiti isu amin nga umili iti Pilipinas ita a paskua.
HULI CAM...
Dua a babbarito ti simrek iti maysa a balay iti Brgy. 5 iti ciudad ti Laoag ken intaray da ti maysa a bisekleta.
Nakita ti ruprupa dagitoy a menor de edad.
VIDEO CREDIT TO THE RIGHTFUL OWNER
ITI DAMAG LOCAL...
Maysa a netizen ti nangipost ti kapadasan na bayat a dumalyasat iti bypass road iti ciudad ti Laoag itay alas dos ti parbangon.
Naiwarwara dagiti barikada iti tengga ti kalsada babaen kadagiti saan pay a nabigbig a tattao.
Maatap a nagbabartekan dagiti maseknan a nangipatingga kadagitoy a barikada ken batbato.
Maawawagan ti atensyon dagiti kameng ti PNP ken opisyal ti baranggay nga imbestigar.
VIDEO CREDIT TO THE RIGHTFUL OWNER
ITI DAMAG LOCAL...
SUSPEK TI CARNAPPING ITI SAN NICOLAS, MAIPILAAN TI KASO; NADUKTALAN A NAILUMLOM TI SUGAL KEN ADU TI UTANG NA
Narekobren ti PNP San Nicolas ti motorsiklo a nacarnap iti Brgy. 7.
Idi rabii, napan nagreport iti PNP ni Lester Coloma gapo mapokpokaw ti motorsiklo ti baro na a honda click 125.
Naduktalan a nakalukat ti gate ti balay da Coloma ken nabati ti tulbek ti motorsiklo.
Iti follow up investigation iti dayta met lang a rabii, babaen ti pannakaipost ti kopya ti CCTV iti balay ti biktima ket dagus a nakikoordinar dagiti taga Marcos iti PNP nga adda ti naisalda a motorsiklo kadakuada iti balor a 10 a ribo a pisos iti Brgy. Lydia.
Ti suspek a taga Brgy. Elizabeth ket adda ti immuna a napan na insalda a motorsiklo a bagi ti kaubraan na ngem gapo ta maipit gapo ta saanna a bagi detoy ket maipagarop nga innala na ti motorsiklo ti taga San Nicolas.
Awan iti kustodyar ti PNP ti suspek agsipod ta daytoy ket saan a pasok iti warantless arrest gapo ta awan ti personal knowledge ti kapulisan ken awan ti direct witness a mangitudo iti suspek nga isuna ti nangala ti motorsiklo.
Nupay kasta, maisagsagana dagiti dokumento gapo ta ipilaan da met laeng ti kaso a carnapping ti suspek.
🎀MERRY CHRISTMAS MGA KAAMIANAN🎀
🎀SAGUT PAMASKUA TI DAMDAMAG AMIANAN TI PANNAKAIBURAY TI 50 PESOS ELECTRONIC LOAD KADAGITI 20 A WINNER🎀
🎀BUYAEN TI MECHANICS NU KASANO KAYO A MANGABAK INTONO DISIEMBRE 25🎀
ITI DAMAG LOCAL...
NAALARMA DAGITI NAPAN NAGBUYA TI LANTERN PARADE IDIAY PASUQUIN GAPO TI DANDANI A PANNAKAURAM TI MAYSA A LANTERN
Nagbalaag ti Bureau of Fire Protection iti publiko mainaig ti panaganannad da iti panagusar ti paputok kabayatan kadagiti maisayangkat a lighting ceremony ken lantern parade kadagiti nagduduma nga LGU.
Iti naisayangkat a lantern parade idiay Pasuquin itay laeng napalabas nga aldaw, naalarma dagiti napan nagbuya gapo ti dandani a pannakauram ti maysa a lantern kalpasan nga adda ti pakulo ti baranggay a partisipante.
Makita iti video nga adda ti imputok ti maysa a lalaki ngem timmama iti toktok ti nakaipanan ti lantern nga isu ti nauram.
Insigida a nagtitinnulong dagiti napan nagbuya a nangsebseb.
Adda met dagiti kameng ti BFP nga agbanbantay iti dayta a kanito.
VIDEO COURTESY TO THE RIGHTFUL OWNER
ITI DAMAG LOCAL...
Naisangsangayan ti lighting ceremony ti gobyerno municipal ti Pagudpud gapo ta mala Disneyland ti dekorasyon iti sangwanan ti munisipyo.
Malaksid ti pannakapasilaw kadagiti dekorasyon ket adda pay fireworks display.
Mismo a dagiti empliado iti LGU ti nangdekorar iti sangwanan ti munisipyo iti panangidaulo da Mayor Raffy Benemeritu ken dagiti opisyales iti ili.
Manamnama nga adu pay a turista dagiti agibook ti overnight stay da gapo kadagiti beaches ken daduma pay a tourist spot ti Pagudpud a daydaywen dagiti turista.
AMA, INA, ANAK KEN TI KABAGYAN DA, NATAY ITI DESGRASYA IDIAY GONZAGA, CAGAYAN
Uppat dagiti natay ken walo dagiti nasugatan iti napasamak a desgrasya a nakairamanan ti maysa nga SUV, tricycle ken kurong kurong idiay Brgy. Ipil, Gonzaga, Cagayan.
Iti imbestigasyon, adda ti maysa nga SUV a Toyota Fortuner nga iturturong ni Rodolfo Batin, agtawen ti 56 ken residente iti Brgy Arellano, Quezon, Isabela iti nadakamat a lugar idi ta nakadinnungpar na nga immuna ti maysa a tricycle iti rangtay a paset ti baranggay ken simmaruno ti maysa a kurong kurong
Gapo ti kinapigsa ti impact ti desgrasya, natay nga insigida ti driver ti kurong kurong a ni Donato Barsatan ken ti inlugan na a ni Velvet Geron idinto a natay bayat a maagagasan ti ospital ti asawa na ken ti putot na nga agtawen ti 7 nga agpapada a residente iti Brgy. Baua.
Naduktalan a ti driver ti SUV ket nakainom ti arak ken napaspas ti panagpataray na.
Sumango ti kask a reckless imprudence resulting in multiple homicide, multiple physical injuries, and damage to property ti suspek nga adda iti kustodyar ti PNP.
VIDEO COURTESY TO THE RIGHTFUL OWNER
ITI DAMAG NATIONAL...
Kadagiti agplanplano a mapan idiay ciudad ti Baguio a mapan agbakasyon, buyaen daytoy a pakaammo manipod iti Baguio City Information Office babaen kenni Engr. Aloysius Mapalo mainaig kadagiti aktibidad a maisayangkat iti Session Road tunggal aldaw ti domingo.
Punta tayo sa Baguio kaamianan AS A FRIEND!
