https://www.facebook.com/167883390805182/

DXCM AM RADYO UKAY, ELA BUILDING QUEZON Boulevard, Kidapawan (2025)

16/01/2025

Islamic preacher nabagsakan ng puno, patay

Agad na namatay ang isang Islamic missionary ng tamaan ng nabuwal na malaking puno ang kanyang maliit na bahay sa Barangay Buayan sa Datu Piang, Maguindanao del Sur nitong hapon ng Martes, January 14, 2025.

Matagal bago naputol-putol, gamit ang isang chainsaw, ng mga emergency responders ang malaking puno na tumama sa bahay ng biktima, si Ustadz Abdulbayan Banto, na patay ng mahugot mula sa mga parte ng kanyang bahay at mga malalaking sanga ng punongkahoy na dumagan sa kanya.

Nabuwal ang naturang puno ng malakas na hangin na paulit-ulit na hinagupit nitong Martes ng hapon ang maraming mga lugar sa Datu Piang at mga karatig na bayan sa Maguindanao del Sur kasabay ng malakas na ulan sa kapaligiran. (Jan. 16, 2025)

16/01/2025

May-ari ng saloon sa General Santos City, pinatay

Agad na namatay sa mga tama ng bala ang may ari ng Renatanara Salon sa Daproza Avenue sa General Santos City ng pagbabarilin ng isang lalaking naka facemask sa loob mismo ng naturang establisyemnto nitong gabi ng Miyerkules.

Ang biktima, si Renante Tampus, ay binaril ng isang lalaki sa presensya ng ilang tao sa loob ng kanyang saloon na malapit lang sa General Santos City Police Station 1 at sa city hall ng lungsod.

Inaalam pa ng mga imbestigador ng General Santos City Police Office kung sino ang pumatay kay Tampus na mabilis na nakatakas.

Na-capture ng security camera sa loob ng salon ang pagpatay sa biktima. (January 16, 2025)

16/01/2025

Traffic enforcer, sapol ng sasakyan, na-ospital

Sugatan ang isang traffic enforcer matapos masagasaan ng isang Sports Utility Vehicle (SUV) sa Barangay Bagbaguin, Sta. Maria, Bulacan, nitong Martes ng hapon.

Pinamamahalaan ng biktimang si Salvador Marquez Dela Cruz Jr., 51, residente ng Barangay Parada, ang trapiko bandang ala-1:30 ng hapon nang maganap ang insidente.

Nadakip ang driver, kinilalang si Philip Cris Antonie Catacutan Baynito, ng Barangay Ramon Magsaysay, Quezon City, sa pinangyarihan ng insidente.

Nagtamo si Dela Cruz ng serious injuries at isinugod sa pinak**alapit na oispital para gamutin.

Kasalukuyang nakaditine si Baynito sa Sta. Maria Municipal Jail. Ikinakasa na ng mga awtoridad ang kasong reckless imprudence resulting in serious physical injury laban sa kanya.

Source: Remate Online, January 15, 2025, RNT/SA

13/01/2025

Puganteng Amerikano, na-aresto sa Nueva Ecija

Isang Amerikano na pinaghahanap sa kanyang sariling bayan dahil sa kinahaharap nitong sexual assault ang naharang ng mga tauhan ng Bureau of Immigration (BI) sa Nueva Ecija.

Iniulat ni BI Nueva Ecija head Rick Carlo Balingit ang pagharang kay Michael Lewis Ginsberg, 67, matapos nitong tangkaing palawigin ang kanyang tourist visa sa field office ng BI sa Cabanatuan.

Ayon sa BI, makaraang matanggap ng nasabing dayuhan ang kanyang aplikasyon ay nagsagawa ng regular na derogatory check ang assessor na si Nicole Matulac, at nalaman na mayroon siyang aktibong watchlist para sa isang kaso ng immigration deportation.

Ayon sa mga otoridad ng US, si Ginsberg ay napapailalim sa warrant of arrest para sa isang bilang ng sexual assault ng Superior Court ng Maricopa County sa Arizona na may petsang Hulyo 2024.

Sinabi ng gobyerno ng US na ang kanyang pasaporte ay isinasailalim na sa proseso upang bawiin ito sa kanya.

Agad siyang inaresto ng fugitive search unit (FSU) ng BI at nakakulong ngayon sa pasilidad ng BI sa loob ng Camp Bagong Diwa sa Bicutan,Taguig habang nakabinbin ang deportasyon.

Source: Pilipino Star Ngayon, January 14, 2025

13/01/2025

Babaeng kasiping ang kabit, dedo sa dyowa

Namatay habang nilalapatan ng lunas sa ospital ang isang 22-anyos na babae matapos na saluhin ang mga saksak mula sa ka-live in na para sana sa kabit nito nang mahuli silang magkapatong sa k**a sa loob ng barracks sa Brgy.Salitran, Dasmariñas City, Cavite.

Ang biktima na nagtamo ng limang saksak sa tiyan na kanyang ikinasawi ay kinilalang si alyas Marivic, 22, stay-in sa construction site kung saan din nagtatrabaho ang karelasyon nito at kalaguyo.

Sa ulat ng pulisya, alas-3:00 ng madaling araw nang maganap ang krimen sa loob ng barracks sa construction Site sa kahabaan ng Aguinaldo Hi-way, Barangay Salitran 2, Dasmariñas City.

Nabatid na nagising ang suspek na kinilala si alyas Joseph, 26, construction worker, stay-in din sa nasabing construction site at hinanap nito ang biktima.

Sa pag-iikot nito ay napansin nito ang tsinelas ng biktima sa labas ng barracks ng kasamahan sa trabaho na si alyas Ryan at nang pagpasok ay bumulaga sa kaniya na nakapatong ang kinakasama sa huli.

Sa tindi ng galit nito ay kinuha nito ang patalim na nakasiksik sa bewang nito at inundayan ng saksak si Ryan, subalit humarang ang biktima kung kaya ito ang sumalo sa sunod sunod na saksak ng suspek.

Agad itinakbo sa Medical Center Imus ang biktima, subalit pagkatapos ng isinagawang operasyon ay binawian din ito ng buhay.

Source: Cristina Timbang, January 14, 2025, Pilipino Star Ngayon

13/01/2025

Ilang mga bahay sa Toril District sa Davao City tinupok ng apoy

Ilang mga bahay sa St. Mathew sa Purok 12, Barangay Crossing Bayabas sa Toril District sa Davao City ang tinupok ng apoy nitong Sabado ng hapon, January 11, 2025.

Wala namang naiulat na nasaktan o nasawi sa naturang insidente. (January 12, 2025, handout Facebook photo, Toril Volunteer Fire Brigade)

11/01/2025

G**o, mag-aaral sa Islamic schools, nagka-ayuda mula sa BARMM officials

Mahigit 100 na mga Madaris teachers at learners, o mag-aaral, sa mga bagong tatag na Old Kaabacan at Kapalawan municipalities ng Bangsamoro region ang tumanggap nitong Biyernes, January 10, ng cash assistance mula sa tanggapan ni Bangsamoro Parliament Member Kadil Monera Sinolinding, Jr. at ni Regional Chief Minister Ahod Balawag Ebrahim.

Ang Old Kaabacan at Kapalawan ay sakop ng Bangsamoro Autonomous Region in Muslim Mindanao, ngunit nasa loob ng probinsya ng Cotabato sa Region 12. Ang gobernadora ng Cotabato, si Emmylou Taliño-Mendoza, ay isang masigasig na supporter ng mga programang naglalayong mapalakas at mapalawig ang Madaris education system sa kanilang probinsya.

Abot sa 84 Madaris teachers ang tumanggap ng P8,000 sa naturang dalawang mga bayan habang 177 naman na mga mag-aaral ang nabigyan ng P4,000 bawat isa sa naturang outreach activity, isinagawa ng mga empleyado ng tanggapan ni BARMM lawmaker Sinolinding na siya ring regional health minister ng BARMM.

Ang pamimigay ng naturang mga immediate cash assistance ay isinagawa sa field office ni Minister Sinolinding, isang physician-ophthalmologist, sa Barangay Kayaga sa Kabacan, Cotabato.

Ayon sa mga tumanggap ng cash assistance, malaking tulong para sa kanilang mga pangangailangan sa pagpasok sa mga Islamic schools tuwing araw ng klase ang cash assistance na ipinaabot sa kanila ni Minister Sinolinding. (January 11, 2025)

11/01/2025

Footbridge para sa mga indigenous people, gawa na

Bukas na sa publiko ang isang footbridge na nag-uugnay sa magkabilang panig ng malapad na ilog sa Sitio Limonzo sa Barangay Datalblao sa Columbio, Sultan Kudarat.

Ang barangay chairman ng Datalblao, si Datu Zahir Mangelen Mamalinta, ang siyang nag-anunsyo nitong Sabado ng pagkakatapos ng naturang proyekto, nagkakahalaga ng P1 million, na pinondohan ng Sagittarius Mines Incorporated (SMI) kaugnay ng corporate social responsibility program nito.

Magkatuwang na itinayo ang footbridge ng local government unit ng Columbio, ng barangay government ng Datalblao at ng pribadong mining company na SMI na nakatakda ng magsisimula ng operasyon ngayon 2025 ng Tampakan Copper-Gold Project batay sa mga hiwalay na pahintulot ng national government at ng mga tribal leaders sa hindi kalayuang bayan ng Tampakan sa South Cotabato.

Sakop ng Tampakan Copper-Gold Project ang ilang mga lugar sa Columbio na may mga residenteng mga miyembro ng tribong Blaan.

Ayon sa mga barangay leaders at mga mayor ng Columbio, ng Tampakan sa South Cotabato, ng Malungon sa Sarangani at ng Kiblawan Davao del Sur, bagamat hindi pa nakakapagsimula ng operasyon ng Tampakan Copper-Gold Project, gumastos na ng P2.1 billion ang SMI para sa mga health, education at social welfare projects nito sa naturang apat na mga bayan. (January 11, 2025)

11/01/2025

Babae patay, kasama sugatan sa ambush sa Basilan

Agad na namatay sa mga tama ng bala sa ulo ang isang babae habang sugatan naman ang kanyang kasama sa isang ambush sa Barangay Lagayas sa Tipo-Tipo sa Basilan nitong hapon ng Biyernes.

Sa ulat nitong Sabado ni Brig. Gen. Romeo Juan Macapaz, director ng Police Regional Office-Bangsamoro Autonomous Region, nasawi si Teodora Aranayi habang nagtamo naman ng mga tama ng bala sa tiyan si Ariel Repecio sanhi ng naturang pananambang sa isang liblib na bahagi ng Lamitan-Sumisip Highway sa Barangay Lagayas sa Tipo-Tipo, isa sa 11 na mga bayan sa Basilan.

Magkaangkas sa motorsiklo ang dalawa, galing sa Barangay Tumahubong sa Sumisip at pauwi na sana sa Barangay Cabunbata sa Isabela City, Basilan ng pagbabarilin ng mga lalaking nakaabang sa kanila sa Barangay Lagayas.

Mabilis na nakatakas ang mga salarin gamit ang isang motorsiklo, ayon sa ulat ng Tipo-Tipo Municipal Police Station. (Jan.11, 2025)

09/01/2025

P600K halaga ng imported yosi, nasamsam sa Dipolog

Nakumpiska ng mga pulis ang abot sa P600,000 na halaga ng mga sigarilyo gawa sa Indonesia sa isang smuggler na nalambat sa Barangay Minaog sa Dipolog City nitong hapon ng Martes, January 7, 2025

Sa pahayag nitong Miyerkules ni Brig. Gen. Bowenn Joey Masauding, director ng Police Regional Office-9, nasa kustodiya na nila ang na-arestong smuggler, nahaharap na sa kaukulang mga kaso.

Agad na inaresto ang suspect matapos magbenta ng ilang ream ng mga imported na sigarilyo sa mga hindi unipormadong mga kasapi ng Dipolog City Police Office at ng Zamboanga del Norte Provincial Police Office mismo sa kanyang hideout sa Purok Tonggo sa Barangay Minaog, kung saan nakaimbak ang kanyang kontrabando.

Ayon kay Masauding, nakatakda ng ipa-kustodiya sa Bureau of Customs ang P600,000 na halaga ng mga sigarilyong mula sa Indonesia na nasamsam sa naturang anti-smuggling operation. (January 8, 2025)

09/01/2025

M**F members naambush sa Cotabato City, 1 patay, 4 sugatan

Agad na namatay sa mga tama ng bala ang isang commander ng Moro Islamic Liberation Front habang sugatan naman ang apat na iba pa sanhi ng pag-ambush sa kanila sa isang mataong intersection sa Cotabato City nitong Miyerkules, January 8, 2025

Sa ulat nitong Huwebes ni Brig. Gen. Romeo Juan Macapaz, director ng Police Regional Office-Bangsamoro Autonomous Region, na-deklarang dead on arrival sa Cotabato Regional Medical Center ang M**F commander na si Ahmad Kanapia Utto, residente ng Barangay Barurao sa Sultan Sa Barongis, Maguindanao del Sur.

Sakay ng isang Hilux pick-up truck si Utto at mga kasama, mula sa kapitolyo ng Bangsamoro region na liliko na sana sa kaliwa, sa Sinsuat Avenue mula sa Gov. Gutierrez Avenue, ng lapitan sa sentro ng naturang intersection at pagbabarilin ng .45 caliber pistol ng isang lalaki na mabilis na nakatakas.

Sugatan sa naturang ambush ang tatlong mga kasama ni Utto na sina Marato Angkangatan Felmin at Jaypee Felmin Emran, mga commander sa sakop ng 15th Brigade at 16th Brigade ng 105th Base Command ng M**F, ayon sa pagkakasunod.
Ang ambush scene ay mga 900 meters lang ang layo mula sa Bangsamoro regional capitol, at hindi din kalayuan sa People’s Palace na siyang operations center ng Cotabato City government, kung saan parehong may pinapatupad na mahigpit na mga security measures.

Isang kasama pa ng napatay na M**F commander, si Alladin Utto at isang nakatayo lang malapit sa pinangyarihan ng ambush, si Tahir Tega Sam, ang nagtamo din ng mga tama ng bala, ayon sa mga barangay officials at mga opisyal ng Cotabato City Police Office na nagresponde sa insidente. (Jan. 9, 2025, handout photo)

08/01/2025

Imported na sigarilyo nasamsam sa Libungan, Cotabato

Naaresto ng mga awtoridad ang hinihinalang smuggler ng sigarilyo kasabay ng pagkakasamsam sa halos P4.24 milyong halaga ng kontrabando sa ikinasang operasyon sa Libungan, North Cotabato, nitong Linggo, Enero 5.

Ayon kay Major Arnold Andaya, Libungan municipal police chief, kulang sa kaukulang graphic health warnings ang mga nakumpiskang sigarilyo.

Sa isang sumbong, nadiskubre ng pulisya na ang mga naismagel na sigarilyo ay nakatambak sa Sitio Abacanhan, Barangay Cabaruyan.

Ang mga ito ay itinago sa cargo truck at tinakpan ng tarpaulin.

Kinilala ang suspek sa alyas “Alex” na ngayon ay nasa kustodiya ng Libungan police station, at mahaharap sa kasong paglabag sa Republic Act 10643, o Graphic Health Warnings Law.

Source: Remate Online, January 6, 2025, RNT/JGC

08/01/2025

Dalawang laborer na-suffocate sa septic tank na nililinis, patay

Dalawang lalaki ang nasawi habang naglilinis ng septic tank sa Opol, Misamis Oriental nitong Biyernes, January 3, 2025.

Ayon sa ulat, namatay ang dalawa dahil sa suffocation.

Nitong Biyernes, Enero 3, ay bumaba ang isa sa mga biktima sa septic tank ng isang restaurant para alisin ang bara.

Kalaunan ay narinig na lamang ang biktima na humihingi ng tulong dahil sa masakit na ulo at hirap sa paghinga.

Dito na bumaba ang kasamahan nito para sana iligtas siya ngunit bigo ring makaakyat pabalik.

Sinubukan pang pumasok ng kapatid ng isa sa mga biktima sa septic tank para sana iligtas ang dalawa ngunit pinagbawalan na dahil sa delikadong sitwasyon.

Nang maiahon sa septic tank ang dalawang biktima ay agad itong isinugod sa ospita ngunit kapwa idineklarang dead on arrival.

SOURCE: Remate Online, Jan. 7, 2025, RNT/JGC

08/01/2025

BARMM health minister itinalagang chief ng hospital sa Lanao del Sur

Itinalaga ni Bangsamoro Chief Minister Ahod Balawag Ebrahim si Regional Health Minister Kadil Monera Sinolinding, Jr. bilang chief ng Tamparan Provincial Hospital sa Lanao del Sur.

Bagama’t December 10, 2024 pa nilagdaan ni Ebrahim ang designation ng physician-ophthalmologist na si Sinolinding, nitong Miyerkules, January 8, 2025, lang inilabas ng Office of the Chief Minister-Bangsamoro Autonomous Region in Muslim Mindanao ang naturang dokumento.

Walang karagdagang bayad kay Sinolinding mula sa BARMM government and kanyang extra duty bilang chief ng Tamparan Provincial Hospital sa probinsya ng Lanao del Sur. Si Sinolinding, maliban sa pagiging health minister, ay kasapi ng Bangsamoro regional parliament.

Isang taon ang tagal ng panunungkulan ni Sinolinding bilang chief ng naturang pagamutan. (January 8, 2025)

05/01/2025

Police chief sa isang bayan sa Cebu, natagpuang patay

Natagpuang patay ang hepe ng Tuburan Municipal Police Station (MPS) sa loob ng tanggapan nito sa Tuburan, Cebu nitong Sabado ng hapon.

Kasalukuyang nagluluksa ang Cebu Provincial Police Office (CPPO) sa pagk**atay ni P/Lt. Col. Glenn Hife.

Si Hife ay nadiskubreng wala nang buhay dakong alas-5:30 ng hapon sa loob ng kuwarto ng kanyang opisina sa naturang police station.

Sa imbestigasyon nitong umaga ng Sabado ay dumaing si Hife na masakit ang kaniyang tiyan at nagkulong sa kaniyang opisina para umano magpahinga.

Gayunman, nagsimulang mag-alala ang mga tauhan ni Hife nang dakong alas-5 na ng hapon ay hindi pa siya lumalabas ng kaniyang opisina.

Nang tunguhin ang silid ni Hife, dito na nadiskubre na hindi na siya gumagalaw at matigas na ang katawan.

Ipinaabot ng mga kasapi nh CPPO ang kanilang pakikiramay sa naulilang pamilya ng nasabing hepe ng Tuburan na inaalam pa ang sanhi ng kanyang pagkasawi.

Source: Pilipino Star Ngayon, Jan. 6, 2025, Joy Cantos

05/01/2025

Truck bumulusok sa bangin sa Banisilan, Cotabato

Naisugod sa pagamutan ang driver na si Nasrudin Panggo, at helper niyang si Samsudin Panggo, nagtamo ng mga sugat at pasa sa katawan sanhi ng pagbulusok ng kanilang hauler truck sa bangin sa Barangay Tinimbacan sa Banisilan sa Cotabato nitong hapon ng Linggo, January 5, 2025.

May kargang tubo ng naturang truck, ihahatid sana sa isang sugar mill sa Matalam, Cotabato.

Nawalan ng control ang driver ng truck ng biglang nawalan ng preno kaya ito dumiretso sa bangin, ayon sa inisyal na ulat nitong Lunes ng Banisilan Municipal Police Station. (January 6, 2025)

05/01/2025

Kampanya ng 6th ID laban unlicensed fi****ms nagpapatuloy

Inaasahan ng mga opisyal ng 6th Infantry Division ang pagsuko ngayon 2025 ng mas maraming mga baril ng mga residente ng Central Mindanao bilang suporta sa disarmament campaign sa rehiyon ng pamahalaan kaugnay ng Mindanao peace process.

Sa pahayag nitong Lunes, January 6, 2025, ni Army Major Gen. Antonio Nafarrete, commander ng 6th ID, may mga pahiwatig na ang ilang mga grupo sa Central Mindanao ng planong magsuko ng mga baril bilang tugon sa Small Arms and Light Weapons Management Program ng 6th ID at ng Office of the Presidential Adviser on Peace, Reconciliation and Unity.

Sa tala, 537 na na mga armas na pandigma na kinabibilangan ng M16 at M14 assault rifles, M1 Garand at Carbine rifles, .50 caliber Barrett sniper rifles, 7.62 millimeter bolt-action sniper rifles, M60 at .30 caliber machineguns, mga 40 millimeter gr***de at B-40 rocket launchers at 60 at 81 millimeter mortars ang nakolekta ng mga units ng 6th ID sa mga residente ng Maguindanao del Sur, Maguindanao del Norte, Sultan Kudarat, Cotabato at Sarangani mula ng inilunsad ang SALW Program sa naturang mga probinsya nitong kalagitnaan ng 2024.

Sa Cotabato City, na siyang kabisera ng Bangsamoro region, mahigit 100 na na mga baril ang nakolekta ng 6th ID nitong nakalipas na limang buwan, kusang loob na isinuko ng mga residente bilang tugon sa SALW Program na magkatuwang na ipinapatupad nito at ng ng tanggapan ni Secretary Carlito Galvez, Jr. ng OPAPRU.

Ayon kay Nafarrete, tumutulong din sa kanila ang mga municipal, city at provincial officials sa Central Mindanao sa paghikayat sa natitirang ilang mga kasapi na lang ng mga teroristang grupong Dawlah Islamiya at Bangsamoro Islamic Freedom Fighters na magbalik loob na sa pamahalaan at mamuhay na nang tahimik kasama ang kanilang mga pamilya.

Abot na sa 519 na mga miyembro ng dalawang grupo, ilan sa kanila mga bihasa sa paggawa ng improvised explosive devices, ang magkatuwang na napasuko ng mga local executives sa rehiyon at ng mga opisyal ng ibat-ibang units ng 6th ID mula 2022. (JANUARY 6, 2025)

DXCM AM RADYO UKAY

16/01/2025

16/01/2025

16/01/2025

13/01/2025

13/01/2025

13/01/2025

11/01/2025

11/01/2025

11/01/2025

09/01/2025

09/01/2025

08/01/2025

08/01/2025

08/01/2025

05/01/2025

05/01/2025

05/01/2025

Address

Website

Alerts

Videos

Shortcuts

Share

Category