89.7 Dear FM - Kabacan

02/09/2024

📍BOSES SA HAPON
📍LUNES-BIYERNES || 5:00 - 6:00 PM

02/09/2024

Bahay sa Cotabato City nasunog sa kasagsagan ng ulan

Nasunog ang isang bahay sa Barangay Rosary Heights 7, Cotabato City, sa likuran ng isa sa mga malalalaking shopping mall sa lungsod, sa kasagsagan ng ulan nitong hapon ng Linggo, Sept. 1, 2024.

Sa inisyal na tantya ng barangay officials at mga imbestigador ng Bureau of Fire Protection, hindi bababa sa P800,000 ang halaga ng mga ari-ariang natupok ng apoy sa naganap na sunog na maagap namang na-respondehan ng mga kasapi ng BFP-Cotabato City. (Sept. 2, 2024, handout BFP photo)

02/09/2024

PAMAMAHAGI NG LIBRENG BACKPACKS PARA SA MGA MAG-AARAL NG MADRASAH AT ELEMENTARYA SA BRGY. KIBAYAO, KAPALAWAN MUNICIPALITY, SGA-BARMM, NAISAGAWA

Matagumpay na naisagawa ngayong araw, August 30, 2024 ang programang sa pangunguna ni Vice President of the Philippines, Sara Z. Duterte-Carpio na pinangasiwaan ni OVP BARMM Satellite Lead Zuhaira Abas at sa pakikipagtulungan ni MP Dr. Kadil Jojo M. Sinolinding, Jr. ng BTA-BARMM na ginanap sa Brgy. Kibayao, Kapalawan Municipality, SGA-BARMM.

Abot sa 314 na mga estudyante mula sa elementarya ang nabigyan ng libreng backpacks kalakip ang mga dental kits at learning materials. Nasa 370 namang mga estudyante o "murit" ang nakatanggap mula sa Mahad Tarbiyah Lil-Ulom Al-Islamiya, Kibayao, SGA-BARMM ng parehong libreng backpacks at iba pang mga kagamitan.

Sa pamamagitan ng programang PagbaBAGo: A Million Learners Campaign, hangad ng OVP na isulong ang kahalagahan ng edukasyon at ang katuparan ng mga pangarap ng bawat mag-aaral ng Brgy. Kibayao, SGA-BARMM.

Kasamang namahagi ng mga bags sa madrasah at paaralan ang mga kasapi ng Office of the Vice President - BARMM Satellite, mga staff ni MP Sinolinding, mga g**o, magulang at mga kapwa mag-aaral ng nasabing eskwelahan.

Ating pakinggan ang naging mensahe bilang pasasalamat ng Kibayao Elementary School, Principal 1 na si Daton Ayob, kasama ang mga estudyante nang Kibayao Elementary School na sina Syd Haqmid Impuga mula sa baitang 1, Nasralyn G. Samadula, mula sa baitang 4 at Nor-ain K. Ungag, Grade 6, na mula sa Mahad Tarbiyah Lil-Ulom Al-Islamiya, Kibayao, SGA-BARMM sa kanilang taos-pusong pasasalamat sa nasabing programa.

02/09/2024

DULOT NG BAGYONG “ENTENG” NA KASALUKUYANG HUMAHAGUPIT SA LUZON: Highway sa Barangay Burgos Ibaba sa bayan ng Pitogo sa Quezon binaha kasunod ng malakas, paulit ulit na ulan sa kapaligiran. (9:15 a.m. August 2, 2024, handout video)

02/09/2024

Babae patay sa pamamaril sa Zamboanga City

Patay on the spot ang 46-anyos na Sari-Sari store owner na si Cherie ay Deslate Cuizon ng pagbabarilin ng dalawang lalaki sa sa Purok 7 sa Ilang-Ilang Drive sa Villa Santa Maia sa Zamboanga City nitong umaga ng Linggo, September 1, 2024.

Sa ulat ng Zamboanga City Police Office nitong Lunes, nasa loob ng kanyang tindahan si Cuizon ng may dumating na dalawang lalaking magkaangkas sa motorsiklo at nagpanggap ang isa sa kanilang may bibilhin habang ang isa naman ay bumunot ng baril na nakasukbit sa kanyang baywang at agad siyang pinaputukan ng ilang beses.

Nabuwal si Cuizon sa loob mismo ng kanyang tindahan at agad na namatay sa mga tama ng mga bala sa kanyang katawan.

Mabilis na nakatakas ang dalawang salarin sakay ng kanilang mga motorsiklo, ayon sa ng mga barangay officials at mga kasapi ng Zamboanga City Police Office na nag-nagresponde sa insidente. (Sept. 2, 2024)

02/09/2024

01/09/2024

📍TALAKAYAN SA BRIGADA 602
📍TUWING LINGGO || 6:00 - 7:00 PM

01/09/2024

1 patay, 3 sugatan sa pamamaril sa Zamboanga City

Isa ang agad na namatay habang tatlong iba ang sugatan sa pamamaril sa Barangay Rio Hondo sa Zamboanga City nitong umaga ng Linggo, September 1, 2024.

Sa inisyal na ulat nitong Linggo ng tanghali ng Zamboanga City Police Office kay Brig. Gen. Bowenn Joey Masauding, director ng Police Regional Office-9, nasa isang lugar sa Barangay Rio Hondo ang Apat na magkasamang mga lalaki ng lapitan at pagbabarilin ng dalawang magkaangkas sa isang motorsiklo.

Patay agad ang isa sa apat na mga target ng naturang pamamaril, ayon sa mga opisyal ng Zamboanga City police.

Ang isa sa sugatan sa naturang pamamaril ay isinugod ng mga barangay officials sa Rio Hondo sa Zamboanga City Medical Center habang ang dalawa naman ay dinala sa Ciudad Medical Zamboanga, lahat maselan ang mga tama ng bala sa ibat-ibang parte ng katawan. (Sept. 1, 2024)

01/09/2024

KAKAIBA: Nagpa-gasolina na, hinoldap pa ang gasoline station

Isang motoristang holdaper ang nagpa-gasolina muna sa isang gasoline station sa Barangay Sumadat sa Dumalinao, Zamboanga del Sur at, ng na-full tank na ang tangke ng kanyang motorsiklo, naglabas ng baril at hinoldap ang kahera ng establisyemento.

Naganap ang holdap incident nito lang tanghali ng Huwebes, August 29, 2024.

Nakunan ng holdaper ng P18,000 na cash collection ang naturang gasoline station, ayon sa Dumalinao Municipal Police Station.

Sa salaysay ng mga empleyado ng na-holdap na gasoline station, mabilis na tumakas ang holdaper patungo sa direksyon ng Pagadian City, kabisera ng Zamboanga del Sur, sakay ng kanyang motorsiklo. (Sept. 1, 2024, larawang pang-visual aid lang)

01/09/2024

61 pasyente naka-benepisyo sa libreng eye care treatment

Abot sa 61 na mga mahihirap na residente ng probinsya ng Sulu na may mga problema sa mata ang naka-benepisyo sa magkatuwang na eye care mission ni Bangsamoro Parliament Member Hadji Nabil Alfad Tan at ng kanyang kasamang manggagamot sa parliamento, si physician-ophthalmologist Kadil Monera Sinolinding, Jr., na siyang concurrent health minister ng autonomous region.

Ginanap mismo sa Jolo, kabisera ng Sulu, ang naturang outreach mission na tinustusan ng tanggapan ni Member of Parliament Tan at inalalayan din ng Integrated Provincial Health Sulu, ng mga kawani ng Sulu Provincial Hospital, kabilang sa kanila ang ophthalmologist na si Doctor Zeid Tungupon.

Si Member of Parliament Tan ay marami ng proyektong naisagawa sa Sulu, isa sa anim na probinsya ng Bangsamoro Autonomous Region in Muslim Mindanao. (Sept. 1, 2024)

01/09/2024

Motorista patay, kasama sugatan sa ambush

Patay on the spot ang motoristang si Abusama Wahab habang malubha naman ang kaangkas na si Bren Daligdigan ng tambangan ng mga armadong kalalakihan sa Barangay Tapodoc sa Labangan, Zamboanga del Sur nitong gabi ng Biyernes, August 30, 2024.

Ayon sa Labangan Municipal Police Station, mabilis na nakatakas ang mga nag-ambush sa dalawa.

Agad namang inilibing ng mga kamag-anak ang bangkay ni Wahab ayon sa tradisyon ng mga Muslim. (Sept. 1, 2024, handout photo)

01/09/2024

3 ‘kawatan’ todas sa engkuwentro!

SAN ANTONIO, Quezon, Philippines (Pilipino Star Ngayon, Sept. 1, 2024) — Patay ang tatlong hinihinalang magnanakaw matapos umanong makipagbarilan sa mga tumutugis sa kanilang awtoridad kamakalawa ng madaling araw sa Sitio Bukal, Barangay Santurisan sa bayang ito.

Kasalukuyan pang inaalam ng pulisya ang pagkakakilanlan ng mga napaslang na suspek na ang mga labi ay nakalagak sa isang punerarya sa nasabing bayan habang tinutugis na ang isa pa nilang kasamahan na nakatakas.

Ayon sa ulat, bandang alas-2:30 ng madaling araw habang nagsasagawa ng mobile patrol ang ilang operatiba ng San Antonio Municipal Police Station nang makatanggap sila ng report mula sa isang security guard na si Jayrenol De Chavez na may nagtatangkang magnakaw sa San Antonio Ville Subdivision.

Ayon sa nasabing guwardya, binunutan siya ng baril ng isa sa apat na suspek nang sitahin niya kung kaya’t tumakbo siya at humingi ng tulong sa mga taong nasa lamayan na ‘di kalayuan sa subdivision.

Tinutukan din umano ng baril ng mga suspek ang kapatid ng sikyu na si Jayson kung kaya’t sinugod ng mga tanod at iba pang residente ang mga suspek hanggang na tumakbo sila patungo sa kagubatan at nakipagpalitan ng putok sa mga humahabol sa kanila.

Ayon sa report, dakong alas-11:20 na ng umaga nang marekober sa kagubatan ang mga wala nang buhay na katawan ng mga suspek.

Nagpapatuloy ang isinasagawang imbestigasyon ng pulisya at inaalam na rin kung sino ang nakapatay sa mga suspek.

SOURCE: PILIPINO STAR NGAYON, AUGUST 31, TONY SANDOVAL

01/09/2024

P2.8-M ninakaw sa BARMM parliament member, nabawi

Nabawi nitong Biyernes, August 30, 2024, ng mga pulis ang abot sa P2.8 million na cash at mga alahas na ninakaw ng isang grupo sa tahanan sa Cotabato City ng isang kasapi ng Bangsamoro parliament.

Kinumpirma nitong Sabado ni Col. Joel Estaris, Cotabato City police director, ang pagkabawi ng naturang pera at mga alahas ng abugadang si Sittie Fahanie Uyod, Bangsamoro parliament member, mula sa dalawa sa siyam na nanloob sa kanyang tahanan sa 6th Street sa Barangay Rosary Heights 6 apat na linggo na ang nakalipas.

Unang naiulat na hindi bababa sa P15 million na halaga ng cash at alahas ang natangay ng grupo ng mga sumukong robbery suspects na sina Bandar Karon at Rodz Musa na mga kasambahay ni Oyod.

Pinangunahan diumano ni Army Cpl. Saddam Mustapha, kasapi ng isang unit ng 6th Infantry Division at naka-detail na security es**rt ni Oyod, ang panloloob sa kanyang tahanan habang sila ng kanyang kabiyak ay nasa byahe sa Metro Manila.

Nabawi din ng mga mga pulis sa mga serye ng mga operasyon ang anim na mga bagong motorsiklong nabili nila Mustapha at mga kasabwat gamit ang perang kanilang nakuha sa kaha-de-yero nila Oyod na kanilang nabuksan ng sapilitan.

Sa ulat ng mga himpilan ng radyo sa Cotabato City nitong Sabado, nasa kustodiya na diumano ng 6th ID si Mustapha at nakatakda ng ihaharap sa mga opisyal ng lokal na pulisya. (August 31, 2024)

01/09/2024

Police official nakapatay ng 2 habang lasing


Sa kulungan ang bagsak ng isang deputy municipal police chief na nakapatay sa pamamaril habang lasing ng dalawang lalaki at nakasugat ng isa pa sa Kabacan, Cotabato nitong madaling araw ng Sabado, August 31, 2024.

Kinumpirma nitong umaga ng Sabado ni Major Maxim Peralta, hepe ng Kabacan municipal police, na nasa kustodiya na nila ang kanyang deputy na si Captain Romel Magdato Guhiling na agad nilang naidetine matapos niyang mapatay gamit ang kayang service pistol sina Akmad Ali Salimula at Mama Sandigan na kanyang nakaalitan sa loob ng isang videoke bar sa Barangay Osias sa naturang bayan.

Sugatan din sa naturang pamamaril ang kasama nila Salimula at Sandigan na si Norhan Katom Makakua, na agad namang naisugod sa pagamutan ng mga emergency responders.

Ayon kay Peralta, unang nagtalo ang Guhiling, deputy chief ng Kabacan Municipal Police Station, at ang magkasamang sina Salimula at Sandigan bago nito mapatay on the spot ang dalawa at nasugatan si Makakua sa pamamaril.

Nahaharap na sa kaukulang kasong kriminal at administratibo si Guhiling. (August 31, 2024)

31/08/2024

3rd Anniversary, Dear FM

31/08/2024

Happy Anniversary Deseret Family 💚💙🧡

30/08/2024

30/08/2024

27TH Safar 1446 AH| August 30,2024| LIVE | 𝗥𝗔𝗗𝗬𝗢 𝗕𝗔𝗡𝗚𝗦𝗔𝗠𝗢𝗥𝗢 (𝗘𝗣. 34)

1.CM UPDATES
Seguridad sa BARMM, pinapaigting pa; BARMM, patuloy na pinalalakas ang ugnayan sa mga pribadong sector para sa paglago ng ekonomiya ng rehiyon

2.AMBAG
Paano makakabenepisyo sa "Ayudang Medikal mula sa Bangsamoro Government" o AMBaG program

SHELTER KITS
Unang batch ng benepisyaryo na biktima ng nagdaang Bagyong Carina, tumanggap ng shelter kits mula sa MHSD at CRS

OFFICIAL STATEMENT
Bangsamoro Government, nagpalabas ng official statement hinggil sa desisyon ng Korte Suprema

INFRA PROJECTS
MPW, inihayag ang mga proyektong kanilang naipatayo mula nang maitatag ang BARMM

TOURISM DEVT PLAN
Limang-taong Tourism Development Plan, itinurnover ng MPOS sa LGU ng Butig, LDN

MPOX
Ministry of Health, naglabas ng Public Advisory patungkol sa Monkey Pox o MPOX

SGA
Bangsamoro Government, naglaan ng pondo para sa operasyon ng mga bagong munisipyo sa SGA

NATIONAL ID
Pagpaparehistro sa mga bata may edad 4 pababa, hinihikayat ng PSA BARMM

HIV TESTING CENTER
MOH, nagbukas ng HIV Testing Center sa Tawi-Tawi

TECH CARAVAN
Technology at Innovation sa pagpapalakas ng mga kabuhan sa BARMM pinalalakas pa ng MOST

29/08/2024

Sulu Airport Development Plan ilalatag na

Nagkasundo ang provincial officials at mga kinatawan ng Bangsamoro government na magtulungan sa pagsagawa ng Sulu Airport Development Plan bilang suporta sa ngayon ay umuunlad ng komersyo sa mapayapa ng probinsya ng Sulu.

Lumagda nitong Huwebes, August 29, 2024, sa isang Memorandum of Understanding, o MOU, kaugnay ng pagsasagawa ng Sulu Airport Development Plan sina Sulu Gov. Hadji Abdusakur Mahail Tan, Sr., si Attorney Ranibai Dilangalen na opisyal ng Bangsamoro Airport Authority ng regional transportation and communications ministry, at si Amil Abubakar na deputy director ng Bangsamoro Planning and Development Authority.

Pinasalamatan nitong Biyernes ni Minister Paisalin Pangandaman Tago ng Ministry of Transportation and Communications-Bangsamoro Autonomous Region in Muslim Mindanao ang administrasyon ni Sulu Gov. Tan sa naging matagumpay na pagkakabuo ng MOU kaugnay ng kanilang magkatuwang na pagsasagawa ng Sulu Airport Development Plan, proyektong tutustusan ng BARMM government.

Ang pinaplanong malaking Sulu Airport ay itatatag sa boundary ng mga bayan ng Maimbung at Talipao, ayon sa pahayag nitong Biyernes ng BARMM officials.

Ginanap ang paglagda ni Sulu Gov. Tan at mga kinatawan ng regional government ng naturang MOU sa Sulu Area Coordinating Center sa Bangkal sa bayan ng Patikul, dinaluhan ng 19 na mga mayors sa Sulu, ni Bangsamoro Parliament member Nabil Alfad Tan, ni Sulu Vice Gov. Abdusakur Tan, Jr., ni Sulu Provincial Planning and Development Officer na si Enginer Bertrand Chio at mga representatibo ng local sectors, at mga opisyal ng pulisya at ng militar sa probinsya (August 30, 2024)

29/08/2024

6 patay, 2 malubha sa pagkahulog ng kotse sa bangin

Anim na sakay ng isang kulay silver na Toyota Vios ang namatay ng ito ay bumulusok sa bangin sa gilid ng General Santos-Digos Highway sa Barangay Nagpan sa bayan ng Malungon sa Sarangani nitong hapon ng Huwebes, August 29, 2024.

Ang mga biktima ay mga taga Mati City sa Davao Oriental.

Pauwi na sila sa Mati City mula sa General Santos City ng maaksidente. (August 29, 2024, handout photo)

29/08/2024

Philippine-Indonesian military exercise nagsimula na

Nagsimula na nitong Miyerkules ang joint Philippine-Indonesian military exercise sa Camp Siongco sa Maguindanao del Norte na naglalayong mapalakas ang kooperasyon sa pagpapalaganap ng kapayapaan ng Army forces ng dalawang bansa.

Sa pahayag nitong Huwebes, August 29, 2024, kinumpirma ni Major Gen. Antonio Nafarrette, commander ng 6th Infantry Division, na magkatuwang na pinasimulan ang naturang aktibidad ng dalawang opisyal ng 6th ID na sina Col. Edgar Catu at Col. Jose Ambrosio Rustia at ni Indonesian Army Col. Yoki Malinton Kurniafari ng the 11th Infantry Brigade Badik Sakti ng Tentara Nasional Indonesia Angkatan Darat.

Ang naturang exercise, tinaguriang PHILINDO STRIKE IV-2024, ay naka-focus sa public safety enforcement, anti-terror, emergency response at community peacebuilding maneuvers ng mga kalahok na mga kasapi ng mga units ng 6th ID at mga sundalong mula sa hanay ng Indonesian Army.

Gagawin ang kanilang mga drills at tactical maneuver studies sa Camp Siongco sa Barangay Awang sa Datu Odin Sinsuat, Maguindanao del Norte sa Bangsamoro region kung saan naroon ang headquarters ng 6th ID.

Ayon kay Nafarrete, ang PHILINDO STRIKE IV-2024 ay magpapalakas sa security coordination ng Pilipinas at ng Indonesia. (AUGUST

29/08/2024

Cotabato Airport may special passenger’s lounge na

Nadagdagan ang amenities, o pasilidad ng Cotabato Airport ng isang special passengers’ lounge na proyekto ni Bangsamoro Parliament Member Baintan Adil Ampatuan, naisagawa sa pagtutulungan ng kanyang tanggapan at ng regional transportation and communications ministry.

Pormal na pinasinayaan nitong Martes, August 27, 2024, ang naturang bagong tatag na passengers’ lounge sa Cotabato Airport sa Barangay Awang sa Datu Odin Sinsuat, Maguindanao del Norte, tinustusan ng P4,455,000 na alokasyon mula sa Transitional Development Impact Fund ng tanggapan ni Parliament Member Adil-Ampatuan.

Sa naturang okasyon mismo, pinasalamatan ni Minister Paisalin Pangandaman Tago ng Ministry of Transportation and Communications-Bangsamoro Autonomous Region si Parliament Member Adil-Ampatuan sa pagkakaroon ng special passengers’ lounge sa Cotabato Airport.

Ang MoTC-BARMM ang siyang namamahala ng Cotabato Airport, mga walong kilometro ang layo mula sa kapitolyo ng BARMM sa Cotabato City.

Dumalo din sa inagurasyon ng naturang katatapos lang na proyekto ang ilang mga miyembro ng BARMM parliament.

Si MoTC-BARMM Minister Tago ay isang concurrent member din ng Bangsamoro parliament na may 80 na mga miyembro. (August 29, 2024)

29/08/2024

62-ABAKA GRANTEES SA MSSD-BARMM CARMEN CLUSTER-SGA, NATANGGAP NA ANG EDUCATIONAL CASH ASSISTANCE

Matagumpay na naisagawa ngayong araw ng Huwebes, ika-29 taong 2024 ang payout ng mga beneficiaries ng programang Angat Bangsamoro: Kabataan Tungo sa Karunungan (ABaKa) Program ng Ministry of Social Services and Development (MSSD), sa pakikipag-kolaborasyon sa opisina ni Member of the Parliament (MP), Dr. Kadil “Jojo” M. Sinolinding Jr.

Abot anim napu't-dalawang (62) mga benepisyaryo ang nakatanggap sa naturang programa kung saan nasa tatlumpo't-dalawang (32) mga mag-aaral mula sa elementarya ang nakatanggap, at tatlumpong (30) mag-aaral naman ang nakatanggap mula sa sekondarya. Sa naturang payout, ipinresenta ng mga beneficiaries ang mga requirements kagaya ng guardian's valid ID, PSA Birth Certificate, PhilSys ID o maaari ring School ID ng mga beneficiaries.

Ang inisyatibang ito ay inimplementa ng MSSD sa tulong nang Transitional Development Impact Fund (TDIF) ni MP Sinolinding, kung saan layunin nitong magbigay suporta sa mga kabataan mula sa kapus-palad at may mababang income na miyembro ng pamilya upang matugunan ang kanilang pangangailangan sa pag-aaral.

Ayon sa pakikipanayam ng 89.7 Dear FM Kabacan sa dalawang mag-aaral na sina Norkaidie Panawidan ng Brgy. Nasapian at Nasmin Bakal ng Brgy. Tupig, sila ay lubos na nagpapasalamat sa tulong na ibinigay ni MP Sinolinding at MSSD-BARMM dahil sila'y nabigyan ng oportunidad na masuportahan sa pamamagitan ng tulong pinansiyal para sa kanilang pag-aaral.

28/08/2024

Sariaya, Quezon isinailalim sa state of calamity sa dengue

SARIAYA, Quezon, Philippines (Pilipino Star Ngayon)— Idineklarang nasa ilalim ng state of calamity ang bayang ito dahil sa tumataas na kaso ng dengue.

Ayon kay Vice Mayor Alex Tolentino, ang hakbang ay pinagkasunduan ng kabuuan ng Konseho base sa Resolution number 192-2024 na ipinasa ni Municipal Councilor Mario Medrano.

Ayon kay Tolentino, iniulat sa kanya ni Municipal Health Officer (MHO) Dra. Nancy Cataroja na mula noong buwan ng Enero hanggang Agosto 27, 2024 ay nakapagtala ang Sariaya, Quezon ng 615 kaso ng dengue.

Base sa tala ng MHO, nagkakaroon ng 200 kaso ng dengue sa bawat buwan ang bayan ng Sariaya bagama’t hindi naman nagpapabaya ang lokal na pamahalaan upang ibaba ang kaso.

SOURCE: Pilipino Star Ngayon, August 29, 2024, Tony Sandoval

28/08/2024

Maghahatid sana ng shabu sa contact, nasabat Marawi City

Isang motoristang maghahatid sana ng P408,000 na halaga ng shabu sa isang buyer ang nasabat sa isang police checkpoint sa Marawi City nitong umaga ng Lunes, August 26, 2024, ayon sa ulat nitong Huwebes ng tanggapan ni Brig. Gen. Prexy Tanggawohn, director ng Police Regional Office-Bangsamoro Autonomous Region.

Patungo sana ang suspect sa bayan ng Mulondo sa Lanao del Sur ng biglang nagtangkang umiwas, lumiko pabalik, ng mapansin na may mga pulis na nagsasagawa ng inspection ng mga dumadaan sa isang kalye sa Barangay Patani sa Marawi City, kaya siya hinabol ng mga ito at nadetine.

Nalaman ng mga pulis na kasapi ng Marawi City Police Office na kaya pala umiwas sa checkpoint ang naturang motorista dahil may dalang P408,000 na halaga ng shabu na kanya sanang ihahatid sa isang contact sa Molundo.

Natagpuan ang apat na malalaking pakete ng shabu sa waist bag ng suspect ng kanila itong tingnan kaugnay ng kanilang pagsiyasat kung bakit siya nagtangkang iwasan ang police checkpoint sa Barangay Patani sa Marawi City, ang kabisera ng probinsya ng Lanao del Sur. (August 29, 2024)