89.7 Dear FM - Kabacan

Home
Philippines
Kabacan
89.7 Dear FM - Kabacan

RADIO FOR EVERYONE

15/01/2025

BABALA: SENSITIBONG VIDEO‼️

Salon Owner, Patay sa Pamamaril sa General Santos City

PATAY ang isang salon owner matapos tambangan at pagbabarilin sa kanyang pwesto sa Daproza Avenue, General Santos City, bandang alas-6:55 ng Gabi nitong Miyerkules, January 15, 2025.

Kinilala ng mga awtoridad ang biktima na si Renante Tampus, 34 anyos, LGBTQIA member, residente ng Uhaw, Barangay Fatima sa lungsod. Sa crime scene, nakarekober ang pulisya ng 12 basyo ng bala.

Ayon sa driver na si alyas “Jun-Jun,” dinala niya ang biktima sa ospital matapos itong tamaan ng bala sa tiyan. Sinabi niyang nakatambay lamang siya sa harap ng salon nang biglang dumating ang dalawang armadong lalaki at walang habas na nagpaputok.

Samantala, wala pang malinaw na motibo sa krimen ayon sa kaibigan ng biktima na si Jake.

Patuloy ang imbestigasyon ng mga awtoridad upang matukoy ang mga salarin at ang motibo sa likod ng pamamaslang.

Hinihikayat ang sinumang may impormasyon na makipagtulungan sa mga pulisya.

Video CCTO

15/01/2025

Babala: Sensitibong Video

MALAKING TRUCK, NAHULOG SA PANGPANG

Sa isang Facebook video ni Ojie Sanchez, ipinakita ang insidente kung saan isang malaking truck ang nahulog sa pangpang sa daan patungong Maragusan, Davao de Oro, bandang 9:15 ng umaga noong Enero 15, 2025 (Miyerkules).

Ayon kay Sanchez, nakaranas sila ng matinding takot nang muntik silang ma-atrasan ng truck. Sa kanyang video, makikita ang driver at helper na agad umalis bago bumulusok ang trak sa bangin.

Patuloy na iniimbestigahan ng mga awtoridad ang insidente.

Courtesy: Ojie Sanchez

15/01/2025

BABALA: Sensitibong Video

2 PATAY SA HIGHWAY ACCIDENT SA HAGONOY, DAVSUR

Dalawang tao ang nasawi sa isang trahedya sa Hagonoy, Davao del Sur matapos magsalpukan ang isang tricycle at pickup truck, ngayong Enero 15, 2025 (Miyerkules).

Ayon sa ulat mula sa Hagonoy Municipal Police Station (MPS), ang tricycle ay naglalakbay sa Digos-Makar Road, National High-Way, Purok 3, Brgy. Balutakay, Hagonoy, habang ang pickup truck ay galing sa General Santos City at dumaan sa kasalungat na direksyon.

Base sa imbestigasyon, dulot ng madulas na kalsada, lumihis ang pickup truck sa kabilang lane at bumangga sa tricycle.

Dahil dito, agad dinala ang mga biktima sa Davao del Sur Provincial Hospital, ngunit idineklarang dead on arrival ang dalawa, habang sugatan ang ibang pasahero.

Courtesy: Kaycee Espe-Mortalla

15/01/2025

COMELEC Sisirain ang 6 Milyong Bagong Imprentang Balota

ISANG malaking hakbang ang gagawin ng Commission on Elections (COMELEC) sa pagsira ng anim na milyong bagong imprentang balota matapos maglabas ng Temporary Restraining Order (TRO) ang Korte Suprema pabor sa mga dating nadiskuwalipikang kandidato para sa 2025 Midterm Elections.

Ayon kay COMELEC Spokesperson Atty. John Rex Laudiangco, dadaan sa microshredding ang mga balotang ito upang matiyak na hindi na ito magagamit pa.

Matatandaang naglabas ng desisyon ang ilang COMELEC divisions na magdiskuwalipika ng ilang kandidato para sa nalalapit na halalan. Subalit, agad na kumilos ang mga naturang kandidato at humingi ng TRO mula sa Korte Suprema.

Noong Enero 14, naglabas ng TRO ang Korte Suprema na pumigil sa diskwalipikasyon ng limang kandidato. Kabilang dito sina Caloocan 2nd District congressional bet Edgar Erice, senatorial aspirant Subair Guinthum Mustapha, Ilocos Sur First District congressional bet Charles Savellano, Zambales gubernatorial bet Chito Bulato Bantilla, at San Juan City First District council bet Florendo de Ramos Ritualo Jr.

Ipinaliwanag ni SC Spokesperson Camille Sue Mae Ting na dahil sa TRO, kinakailangang muling maisama ang pangalan ng mga kandidato sa balota. "Ipinagbabawal ng TRO sa COMELEC ang pagdiskuwalipika sa kanila, kaya't kailangang maisama muli ang kanilang pangalan sa balota," ani Ting.

Dahil dito, ipinagpaliban ng COMELEC ang nakatakdang certification ng internet voting at ang mga mock elections sa iba't ibang bahagi ng bansa.

Inanunsyo rin ng COMELEC na magkakaroon ng pagbabago sa database ng mga kandidato at panibagong pag-iimprenta ng balota kapag naisagawa na ang mga kinakailangang adjustments sa election management system.

15/01/2025

P3.4-M halaga ng shabu, nasamsam ng PDEA-BARMM

Nasamsam ng mga operatiba ng Philippine Drug Enforcement Agency ang P3.4 million na halaga ng shabu sa dalawang dealer na na-entrap sa Barangay Poblacion sa Saguiaran, Lanao del Sur nitong Martes.

Kinumpirma nitong Miyerkules ni Gil Cesario Castro, director ng PDEA-Bangsamoro Autonomous Region in Muslim Mindanao, na nasa kustodiya na nila ang dalawang suspects, nahaharap na sa kasong paglabag sa Comprehensive Dangerous Drugs Act of 2002.

Ayon kay Castro, kusang-loob na nagpa-aresto ang dalawa ng mahalata na mga PDEA-BARMM agents at mga operatiba ng ibat-ibang mga units ng Lanao del Sur Provincial Police Office ang kanilang nabentahan ng kalahating kilong shabu, nagkakahalaga ng P3.4 million, sa isang lugar sa Barangay Poblacion sa Saguiaran.

Ayon kay Castro, naikasa ang naturang matagumpay na operasyon sa tulong ng mga municipal officials sa Saguiran at ni Gov. Mamintal Adiong, Jr. na siyang chairman ng multi-sector Lanao del Sur Provincial Peace and Order Council. (January 15, 2025)

15/01/2025

P7.5 million halaga ng droga, nasamsam sa criminology student

Hindi na matutupad ang pangarap ng isang crimonology student na maging pulis matapos makumpiskahan ng nasa 1.1 kilo ng shabu na nagkakahalaga ng P7.5 milyon sa Cebu City kamakalawa.

Sa report ng Philippine Drug Enforcement Agency (PDEA)-Central Visayas, naaresto ang suspek na si “Cari”, residente sa Sitio Puntod, sa buy-bust operation sa Sitio San Vicente, C. Padilla St., Barangay Duljo-Fatima sa lungsod.

Ayon sa pulisya, kabilang ang suspek sa regional-level high value target (HVT) na umano’y pinagkukunan ng ilegal na droga ng iba pang tulak na nauna na nilang nadakip.

Inginuso ang suspek na siyang nagsu-supply sa kanila ng shabu na ikinakalat naman nila sa kanilang mga lugar.

Kakasuhan ang suspek ng paglabag sa Comprehensive Dangerous Drugs Act of 2002.

Source: Pilipino Star Ngayon, Jan. 15, 2025, Doris Franche-Borja

15/01/2025

𝗖𝗢𝗠𝗘𝗟𝗘𝗖, 𝗣𝗮𝗻𝘀𝗮𝗺𝗮𝗻𝘁𝗮𝗹𝗮𝗻𝗴 𝗜𝘁𝗶𝗻𝗶𝗴𝗶𝗹 𝗮𝗻𝗴 𝗣𝗮𝗴-𝗶𝗺𝗽𝗿𝗲𝗻𝘁𝗮 𝗻𝗴 𝗕𝗮𝗹𝗼𝘁𝗮 𝗽𝗮𝗿𝗮 𝘀𝗮 𝗠𝗶𝗱𝘁𝗲𝗿𝗺 𝗘𝗹𝗲𝗰𝘁𝗶𝗼𝗻𝘀

Itinigil ng Commission on Elections (COMELEC) nitong Martes, Enero 14, 2025, ang pag-imprenta ng mga balota para sa nalalapit na midterm elections.

Ayon sa ahensya, kinakailangan nilang magsagawa ng ilang pagbabago sa database ng mga kandidato at sa Election Management System.

Ang desisyon ay kasunod ng pagpapalabas ng Korte Suprema ng temporary restraining orders na pumipigil sa pagpapatupad ng mga desisyon ng COMELEC kaugnay ng diskwalipikasyon o pagkansela ng kandidatura ng limang kandidato.

Tiniyak naman ng COMELEC na ginagawa nila ang lahat upang matiyak ang maayos at patas na halalan sa kabila ng pagkaantala.

Courtesy: Philippine News Agency

15/01/2025

Madugong `rido’ ng dalawang grupong Moro, naareglo

Dalawang grupo ng mga armadong Moro na may madugong “rido” ang nagkasundo na nitong Martes na muling mamuhay ng tahimik sa Barangay Lagunde sa bagong tatag na bayan ng Tugunan sa probinsya ng Cotabato.

Ang rido, o away ng mga angkan, na kinasasangkutan ng mga grupo nila Sabaya Nando at Walu Bungay, parehong mga commander ng Moro Islamic Liberation Front, ay magkatuwang na naareglo ng mayor ng Tugunan na si Abdullah Abas at mga kasapi ng kanilang municipal council, ng mga opisyal ng 90th Infantry Battalion at ng Police Regional Office-Bangsamoro Autonomous Region.

Sa mga hiwalay na ulat nitong Miyerkules ni Brig. Gen. Romeo Juan Macapaz, director ng Police Regional Office-Bangsamoro Autonomous Region, at ni Army Major Gen. Antonio Nafarrete, commander ng 6th Infantry Division, nangako sa kanilang mayor ang dalawang M**F commanders na kanilang kakalimutan na ang kanilang rido at muling mamuhay ng tahimik matapos magka-engkwentro ng ilang beses na nagsanhi ng pagkalagas ng ilan sa kanilang mga tauhan.

Ang away ng mga grupo nila Nando at Bungay, malapit na magkamag-anak, ay nag-ugat sa agawan ng teritoryo at politika.

Lumagda sila sa isang peace covenant nitong Martes bilang suporta sa mga peace and development programs ng municipal government ng Tugunan na sakop ng Bangsamoro Autonomous Region in Muslim Mindanao ngunit nasa teritoryo ng Cotabato, isa sa mga probinsya ng Region 12. (January 15, 2025)

14/01/2025

ALERTO PUBLIKO

JUST IN: Klase Suspendido Dahil sa Masamang Panahon sa Cotabato Province

Suspendido ang klase sa lahat ng antas, pampubliko at pribado, sa Kidapawan City, Matalam, Kabacan, Carmen, Antipas, Magpet, Tulunan, Makilala, Arakan dahil sa masamang panahon.

Makakaranas Ang SOCCSKSARGEN, lalo na ang Cotabato Province at Special Geographic Area-BARMM ng maulap na kalangitan na may kalat-kalat na pag-ulan at pagkidlat-pagkulog dulot ng Easterlies. Mag-ingat sa mataas na posibilidad ng pagbaha at pagguho ng lupa dahil sa katamtaman hanggang sa malalakas na pag-ulan.

Pinapayuhan ang lahat na manatiling alerto at mag-ingat sa posibleng pagbaha at landslide dulot ng walang tigil na pag-ulan.

14/01/2025

JANUARY 15, 2025 | CLASS SUSPENSION

SA NARARANASANG ulan sa bayan ng Kabacan, idineklara na walang pasok ngayong araw sa lahat ng antas-pribado at pampublikong paaralan sa bayan ng Kabacan.

Kaugnay nito, patuloy ang MDRRM Kabacan sa pagmonitor ng mga barangay at ilog sa bayan.

Ingat ka-Unlad!

14/01/2025

ANUNSYO PUBLIKO: SUSPENDIDO NA RIN ANG PASOK SA KIDAPAWAN CITY

Ingat mga Kasangga!

14/01/2025

Senado, Inaprubahan ang Bagong Termino ng Barangay at SK Officials

Inaprubahan ng Senado sa ikatlo at huling pagbasa nitong Martes, Enero 14, 2025, ang Senate Bill 2816 na nagtatakda ng bagong termino ng panunungkulan para sa mga opisyal ng barangay at mga miyembro ng Sangguniang Kabataan (SK).

Nakakuha ng 22 boto pabor sa panukala nang walang tumutol o nag-abstain, na layuning magbigay ng mas matatag at epektibong estruktura ng pamahalaan sa antas ng barangay.

Nasa tanggapan na ni Pangulong Ferdinand Marcos Jr. ang panukala para sa kanyang pag-apruba upang maging ganap na batas.

Batay sa panukalang batas, magiging apat na taon ang termino ng lahat ng halal na opisyal ng barangay at SK. Ipinagbabawal din sa sinumang opisyal na makapagsilbi ng higit sa tatlong sunod-sunod na termino sa parehong posisyon.

Nilinaw din ng panukala na ang boluntaryong pagbibitiw sa tungkulin, kahit sa anumang panahon, ay hindi makakaapekto sa tuloy-tuloy na serbisyo para sa buong termino.

Itinakda rin sa panukala na ang susunod na regular na halalan para sa barangay at SK ay gaganapin sa unang Lunes ng Oktubre 2027 at kada apat na taon pagkatapos nito.

Magsisimula naman ang termino ng mga mananalong opisyal sa ika-1 ng Nobyembre kasunod ng kanilang eleksyon.

Ayon kay Senadora Imee Marcos, “Sa mas mahabang termino, mas magkakaroon ng sapat na panahon ang mga opisyal ng barangay at SK upang matugunan ang mga lokal at pambansang isyu, gayundin sa pagpapatupad ng mga pangmatagalang programa para sa kanilang komunidad.”

Nakasaad din sa panukala na mananatili sa kanilang mga posisyon ang mga kasalukuyang opisyal ng barangay at SK hanggang sa makaupo ang kanilang mga kahalili, maliban na lamang kung sila ay masuspinde o matanggal sa tungkulin dahil sa may sapat na dahilan.

Hindi na rin papayagang tumakbo muli sa eleksyon sa Oktubre 2027 ang mga opisyal na kasalukuyang nasa kanilang ikatlong sunod-sunod na termino.

Inaasahang mas mapapalakas ng bagong estruktura ng termino ang epektibong pamamahala sa barangay, na magbibigay ng mas mahabang panahon para sa pagpapatupad ng mga proyektong pangkaunlaran at mas mahusay na serbisyo sa kanilang mga nasasakupan.

14/01/2025

2 Koreans wanted sa Korea ide-deport ng Philippine government

INANUNSIYO ng Bureau of Immigration (BI) ang pag-aresto sa dalawang pugante mula sa South Korea na malapit nang i-deport upang kaharapin ang pag-uusig sa mga umano’y krimen na ginawa nila sa kanilang sariling bayan.

Sinabi ni Immigration Commissioner Joel Anthony Viado na ang mga dayuhan ay inaresto noong Enero 7 at 8 sa isinagawang operasyon ng mga miyembro ng fugitive search unit (FSU) ng BI sa Metro Manila at Cebu province.

“We will expel and ban them from re-entering the country for being undesirable aliens. The Philippines is not a sanctuary for wanted criminals,” saad ni Viado.

Sa ulat ng BI, inaresto sa kahabaan ng UN Avenue sa Ermita, Manila ang 59-anyos na si Choi Wonchul, isang overstaying alien at napapailalim sa red notice mula sa Interpol.

Sinabi ni Viado na si Choi ay napapailalim din sa warrant of arrest mula sa isang district court sa Seoul kung saan siya kinasuhan ng embezzlement at fraud sa ilalim ng criminal act ng South Korea.

Inakusahan ng mga awtoridad na nagtrabaho si Choi bilang isang dealer ng kotse noong 2008 at ibinulsa ang humigit-kumulang US$65,000 ng mga pagbabayad sa kanya ng mga customer.

Niloko rin umano nito ang iba pang biktima ng US$105,000 sa pamamagitan ng maling pag-aangkin na ibebenta niya ang kanilang mga sasakyan sa mga interesadong mamimili.

Inilagay ang subject sa kustodiya ng PNP-MPD sa Custodial Section, MPD Headquarters, UN Ave., Ermita, Manila habang hinihintay ang pagresolba ng kanyang lokal na kaso.

Samantala, inaresto rin ng mga ahente ng FSU sa Talisay City, Cebu ang 47-anyos na si Lee Jihwan, na overstaying din at napapailalim sa red notice ng Interpol.

Isang warrant of arrest ang inilabas laban sa kanya noong Nobyembre noong nakaraang taon ng Changwon District Court matapos siyang akusahan ng pambubugbog sa isang pagnanakaw sa isang kababayan.

Pagkatapos ay binantaan at pinilit niya ang kanyang biktima na maglipat ng 10 milyong won, o humigit-kumulang US$6,800, sa kanyang bank account habang ang huli ay pinigilan gamit ang mga duct tape.

Source: Remate Online, January 13, 2025, JR Reyes

13/01/2025

𝟴𝟬 𝗜𝗻𝗱𝗶𝗯𝗶𝗱𝘄𝗮𝗹, 𝗟𝘂𝗺𝗮𝗯𝗮𝗴 𝘀𝗮 𝗚𝘂𝗻 𝗕𝗮𝗻 𝘀𝗮 𝗣𝗮𝗴𝘀𝗶𝘀𝗶𝗺𝘂𝗹𝗮 𝗻𝗴 𝗘𝗹𝗲𝗰𝘁𝗶𝗼𝗻 𝗣𝗲𝗿𝗶𝗼𝗱

Ikinabahala ng Commission on Elections (Comelec) ang pagdami ng lumalabag sa gun ban sa pagsisimula ng election period para sa darating na halalan sa Mayo 12.

Sa isang press conference, iniulat ni Comelec Chairperson George Garcia na umabot na sa 80 ang naitalang lumabag sa ipinatupad na gun ban simula Enero 12.

"Nakakalungkot na marami pa rin ang matitigas ang ulo sa kabila ng malawak naming information drive. Patuloy silang nagdadala ng baril sa labas ng kanilang tahanan kahit suspendido ang kanilang lisensya," ani Garcia.

Dagdag pa niya, ang sinumang mahuhuling may dalang baril nang walang exemption mula sa Comelec ay maaaring masampahan ng kasong election offense at paglabag sa fi****ms law.

Ayon sa Comelec - Gun Ban and Security Concerns Committee, nasa 1,131 na indibidwal na ang nabigyan ng certificate of exemption sa gun ban. Bukas pa rin ang aplikasyon para sa exemption sa Comelec.

Ipinaliwanag ni Garcia na ipinapatupad ang gun ban upang matiyak ang seguridad ng publiko, at humiling siya ng pang-unawa sa posibleng abala ng mga checkpoints.

"Humihingi kami ng inyong pang-unawa sa mga checkpoint na maaaring magdulot ng pagkaantala. Ito ay para sa ating kaligtasan," dagdag pa niya.

Sa kabuuan, mayroong 1,411 checkpoint areas sa buong bansa bilang paghahanda sa nalalapit na pambansa at lokal na halalan.

Courtesy: Philippine News Agency

13/01/2025

𝐌𝐚𝐡𝐢𝐠𝐢𝐭 𝐈𝐬𝐚𝐧𝐠 𝐌𝐢𝐥𝐲𝐨𝐧𝐠 𝐊𝐚𝐚𝐚𝐧𝐢𝐛 𝐧𝐠 𝐈𝐍𝐂, 𝐍𝐚𝐠𝐤𝐚𝐢𝐬𝐚 𝐬𝐚 𝐏𝐚𝐦𝐛𝐚𝐧𝐬𝐚𝐧𝐠 𝐑𝐚𝐥𝐥𝐲 𝐩𝐚𝐫𝐚 𝐬𝐚 𝐊𝐚𝐩𝐚𝐲𝐚𝐩𝐚𝐚𝐧

Mahigit isang milyong miyembro ng Iglesia Ni Cristo (INC) ang nagtipon nitong Lunes sa iba’t ibang panig ng bansa para sa National Rally for Peace bilang suporta sa paninindigan ni Pangulong Ferdinand “Bongbong” Marcos Jr. laban sa impeachment kay Pangalawang Pangulo Sara Duterte.

Sa Quirino Grandstand sa Maynila, umabot na sa 701,145 ang bilang ng mga dumalo bandang alas-9 ng umaga ayon sa Manila Disaster Risk Reduction Management Office (MDRRMO). Inaasahang madadagdagan pa ito habang nagpapatuloy ang programa hanggang alas-6 ng gabi.

Sa Davao City, tinatayang 300,000 INC members ang nagtipon sa CM Recto corner San Pedro at Rizal streets batay sa ulat ng Davao City Police Office (DCPO). Sa Cebu City naman, nasa 45,000 katao ang nagkatipon sa South Road Project (SRP) Grounds pagsapit ng alas-7 ng umaga.

Ayon sa ulat, nagsimula nang dumagsa ang mga INC members sa Quirino Grandstand mula pa noong Linggo ng hapon mula sa iba’t ibang probinsya. Sa Iloilo, libo-libong miyembro ang lumahok sa rally na ginanap sa Sunburst Park sa Iloilo Freedom Grandstand, ayon sa Iloilo City Disaster Risk Reduction Management Office (CDRRMO).

Dahil sa malaking pagtitipon, suspendido ang klase at trabaho sa mga tanggapan ng gobyerno sa Maynila, Pasay, Quezon City, Iloilo, at Davao. Pansamantalang isinara ang mga kalsadang papunta at palibot ng Quirino Grandstand simula alas-4 ng madaling araw.

Sa kanilang pahayag, muling iginiit ng INC ang suporta kay Pangulong Marcos sa pagtutol sa impeachment ni VP Sara Duterte.

“Marami pang mas mahalagang pangangailangan ng ating mamamayan na dapat tugunan. Hindi ito maisasakatuparan kung puro sigalot ang umiiral,” ayon sa INC.

Sa kasalukuyan, tatlong impeachment complaints na ang isinampa laban kay VP Duterte sa House of Representatives. Isang ika-apat na reklamo ang inaasahang ihahain ngayong linggo kaugnay sa umano’y maling paggamit ng P612 milyong confidential funds ng Office of the Vice President (OVP) at Department of Education (DepEd).

Bagamat may mga reklamo na, hindi pa ito naipapasa sa tanggapan ni House Speaker Martin Romualdez.

Photo Courtesy: Philippine Star

13/01/2025

Operator ng illegal gambling, na aresto sa Maguindanao del Norte

Isang wanted na illegal gambling operator ang naaresto ng mga pulis sa Barangay Poblacion sa Datu Odin Sinsuat, Maguindanao del Norte nitong hapon ng Linggo, January 12, 2025.

Kinumpirma nitong Lunes ni Brig. Gen. Romeo Juan Mapacapaz, director ng Police Regional Office-Bangsamoro Autonomous Region, na nasa kustodiya na nila si Edrees Laban Kamsa, naaresto batay sa warrant of arrest mula sa Regional Trial Court Branch 13 sa Cotabato City, may lagda ni Judge Annabelle Piang.

May itinakdang P48,000 na piyansa ang RTC Branch 13 para sa pansamantalang paglaya ni Kamsa.

Ayon kay Macapaz, kusa ng nagpaaresto si Kamsa ng dumating sa kanyang tirahan ang mga tropa ng Datu Odin Sinsuat Municipal Police Station, pinamumunuan ni Major Radzak Musa, at mga operatiba Maguindanao del Norte Provincial Police Office at pakitaan siya ng warrant of arrest kaugnay ng kanyang illegal gambling operation sa naturang bayan. (January 13, 2025)

13/01/2025

Armado patay, pulis sugatan sa Sultan Kudarat encounter

Isang pulis ang sugatan ng barilin ng hinihinalang kasama ng kanilang nasita na driver ng sasakyang walang plaka sa isang checkpoint sa Barangay Impao sa Isulan, Sultan Kudarat nitong gabi ng Sabado, January 11, 2025.

Sa pahayag nitong Linggo ni Brig. Gen. Arnold Ardiente, director ng Police Regional Office-12, bagama’t may tama na ng bala sa gilid ng kanang dibdib, nakaganti ng putok at napatay ni Master Sgt. Jenathan Mastura Waguia ang bumaril sa kanya habang mina-maneho ang nakumpiskang minivan na walang mga plaka patungo sana sa kanilang provincial headquarters sa Isulan.

Si Waguia, miyembro ng Sultan Kudarat Highway Patrol Team ng Regional Highway Patrol Unit-12, at ang kanyang mga kasama ay magsasagawa sana ng election gun ban checkpoint operation madaling-araw ng Linggo kaya nandoon na sila sa gilid ng highway sa Barangay Impao bago maghating-gabi ng Sabado.

Kanilang napuna ang pagdaan ng isang minivan na walang plaka sa tapat ng kanilang kinaroroonan kaya agad nila itong pinigil at kinumpiska dahil walang maipakitang mga plaka ang may-ari at walang ding dalang registration papers.

Mismong si Waguia ang nagmaneho ng naturang sasakyan, ihahatid sana sa kanilang provincial headquarters ng lapitan ng mga armadong motoristang nakabuntot sa kanya at paputukan ng ilang beses habang padaan sa madilim na bahagi ng highway. Nakaganti siya ng putok at kanyang napatay ang isa sa kanila na agad na iniwan ng kasama na nakabulagta sa highway.

Ayon kay Ardiente at sa hepe ng Isulan Municipal Police Station, si Lt. Col. Julius Malcontento, malaki ang posibilidad na kasabwat ng may-ari ng na-impound na minivan ang hindi pa nakikilalang nasawi sa tangkang pagpatay kay Waguia na ginagamot na ang mga tama ng bala sa Sultan Kudarat Provincial Hospital. (January 13, 2025)

Address

Kabacan
9407

Telephone

+639213121834

Website

https://dearfmkabacan.com/

Alerts

Be the first to know and let us send you an email when 89.7 Dear FM - Kabacan posts news and promotions. Your email address will not be used for any other purpose, and you can unsubscribe at any time.

Contact The Business

Send a message to 89.7 Dear FM - Kabacan:

Videos

BABALA: SENSITIBONG VIDEO‼️ Salon Owner, Patay sa Pamamaril sa General Santos City PATAY ang isang salon owner matapos tambangan at pagbabarilin sa kanyang pwesto sa Daproza Avenue, General Santos City, bandang alas-6:55 ng Gabi nitong Miyerkules, January 15, 2025. Kinilala ng mga awtoridad ang biktima na si Renante Tampus, 34 anyos, LGBTQIA member, residente ng Uhaw, Barangay Fatima sa lungsod. Sa crime scene, nakarekober ang pulisya ng 12 basyo ng bala. Ayon sa driver na si alyas “Jun-Jun,” dinala niya ang biktima sa ospital matapos itong tamaan ng bala sa tiyan. Sinabi niyang nakatambay lamang siya sa harap ng salon nang biglang dumating ang dalawang armadong lalaki at walang habas na nagpaputok. Samantala, wala pang malinaw na motibo sa krimen ayon sa kaibigan ng biktima na si Jake. Patuloy ang imbestigasyon ng mga awtoridad upang matukoy ang mga salarin at ang motibo sa likod ng pamamaslang. Hinihikayat ang sinumang may impormasyon na makipagtulungan sa mga pulisya. Video CCTO

Babala: Sensitibong Video MALAKING TRUCK, NAHULOG SA PANGPANG Sa isang Facebook video ni Ojie Sanchez, ipinakita ang insidente kung saan isang malaking truck ang nahulog sa pangpang sa daan patungong Maragusan, Davao de Oro, bandang 9:15 ng umaga noong Enero 15, 2025 (Miyerkules). Ayon kay Sanchez, nakaranas sila ng matinding takot nang muntik silang ma-atrasan ng truck. Sa kanyang video, makikita ang driver at helper na agad umalis bago bumulusok ang trak sa bangin. Patuloy na iniimbestigahan ng mga awtoridad ang insidente. Courtesy: Ojie Sanchez

BABALA: Sensitibong Video 2 PATAY SA HIGHWAY ACCIDENT SA HAGONOY, DAVSUR Dalawang tao ang nasawi sa isang trahedya sa Hagonoy, Davao del Sur matapos magsalpukan ang isang tricycle at pickup truck, ngayong Enero 15, 2025 (Miyerkules). Ayon sa ulat mula sa Hagonoy Municipal Police Station (MPS), ang tricycle ay naglalakbay sa Digos-Makar Road, National High-Way, Purok 3, Brgy. Balutakay, Hagonoy, habang ang pickup truck ay galing sa General Santos City at dumaan sa kasalungat na direksyon. Base sa imbestigasyon, dulot ng madulas na kalsada, lumihis ang pickup truck sa kabilang lane at bumangga sa tricycle. Dahil dito, agad dinala ang mga biktima sa Davao del Sur Provincial Hospital, ngunit idineklarang dead on arrival ang dalawa, habang sugatan ang ibang pasahero. Courtesy: Kaycee Espe-Mortalla

📍KADTUNTAYA SA KAWANG-KAWANGAN 📍TUWING LINGGO || 7:00 - 8:00 PM

📍TALAKAYAN SA BRIGADA 602 📍TUWING LINGGO || 6:00 - 7:00 PM

📍LANGKAP MAGUNGAYA 📍TUWING SABADO || 6:00 - 7:00 PM

📍PUSO NG SERBISYONG TOTOO 📍TUWING SABADO || 10:00 - 11:00 AM

📍MAHALAGANG PAANYAYA 📍TUWING SABADO || 8:00 - 9:00 AM

MILF official patay, 4 pa sugatan sa Cotabato City ambush Patay ang isang commander ng Moro Islamic Liberation Front na si Ahmad Kanapia Utto, residente ng Barangay Barurao sa Sultan Sa Barongis sa Maguindanao del Sur at sugatan naman ang kanyang mga kasamang mga leaders din ng MILF sa naturang bayan, sina Marato Angkangatan Felmin at Jaypee Felmin Emran. sanhi ng ambush nitong hapon ng Miyerkules, January 8, sa Cotabato City. Sakay ng isang pick-up truck ang mga biktima ng walang takot na nilapitan ng isang lalaki mismo sa gitna ng mataong intersection sa Cotabato City at walang habas na pinaputukan ang kanilang sasakyan ng .45 caliber pistol. Dalawang iba pa ang nagtamo ng mga tama ng bala sa katawan sanhi ng insidente, ayon sa mga opisyal ng Cotabato City Police Office. Ang ambush scene ay halos isang kilometro lang ang layo mula sa Bangsamoro regional capitol, ganun din sa People’s Palace na siyang sentro operasyon ng local government unit ng Cotabato City. Parehong guwardiyado ng mga pulis ang naturang mga government centers. (January 9, 2025)

Babala: Sensitibong Video CCTV footage ng pamamaril sa kanto ORC, Cotabato City ngayong araw, January 8, 2025. Courtesy: Se Xie Degs

Babala: Sensitibong Video LOLA PINALIGOAN NG GASOLINA AT SINILABAN NG MANUGANG SA CARCAR CEBU Sugatan at kasalukuyang nagpapagamot ang isang 84-anyos na lola matapos tangkang sunogin ng kanyang sariling manugang sa Sitio Cambuntan, Barangay Bolinawan, Carcar City, Cebu, pasado alas-2 ng hapon noong Enero 5, 2025. Kinilala ang biktima na si Lolita Libonao Lico-an, na nagtamo ng matinding paso sa iba’t ibang bahagi ng katawan. Ang suspek naman ay nakilalang si Ignacio Tribunalo, asawa ng anak ng biktima, na agad naaresto ng mga residente matapos tangkaing tumakas. Batay sa paunang imbestigasyon ng Carcar City Police, nagtatalo ang biktima at ang suspek matapos magtanong si Tribunalo kung nasaan ang kanyang asawa. Nang sumagot ang biktima na wala siyang alam, bigla umanong binuhusan ng suspek ng gasolina ang biktima habang ito ay naglalaba, saka sinindihan. Agad rumesponde ang mga kapitbahay at isinugod sa ospital ang biktima. Samantala, inihahanda na ng pamilya ng biktima ang kasong isasampa laban sa suspek.

Babala: Sensitibong Video Nito lamang pasado alas-4:00 ng hapon, Enero 6, 2025, naganap ang isang malagim na aksidente sa Overview, Quezon, Bukidnon na kinasangkutan ng isang Wing Van truck, L300 van, at motorsiklo. Sa kasalukuyan, patuloy pa ang imbestigasyon ng mga awtoridad sa Quezon upang matukoy ang sanhi ng nakapanlulumong aksidente. Magsilbing babala ito sa mga motorista na magdoble ingat sa pagmamaneho at maging alerto lagi sa daan. Courtesy: Jhun Mark Linaza Asingua

89.7 Dear FM - Kabacan

15/01/2025

15/01/2025

15/01/2025

15/01/2025

15/01/2025

15/01/2025

15/01/2025

15/01/2025

14/01/2025

14/01/2025

14/01/2025

14/01/2025

14/01/2025

13/01/2025

13/01/2025

13/01/2025

13/01/2025

Address

Telephone

Website

Alerts

Contact The Business

Videos

📍KADTUNTAYA SA KAWANG-KAWANGAN 📍TUWING LINGGO || 7:00 - 8:00 PM

📍TALAKAYAN SA BRIGADA 602 📍TUWING LINGGO || 6:00 - 7:00 PM

📍LANGKAP MAGUNGAYA 📍TUWING SABADO || 6:00 - 7:00 PM

📍PUSO NG SERBISYONG TOTOO 📍TUWING SABADO || 10:00 - 11:00 AM

📍MAHALAGANG PAANYAYA 📍TUWING SABADO || 8:00 - 9:00 AM

Shortcuts

Share

Category