https://www.facebook.com/1588612674528620/

Ang Bunsol, V. Ruanto Street, Brgy. Miswa, Infanta (2024)

09/12/2024

𝗕𝗔𝗟𝗜𝗧𝗔 | 𝟲𝟮𝟱 𝗻𝗮 𝗺𝗮𝗴-𝗮𝗮𝗿𝗮𝗹 𝘀𝗮 𝗜𝗡𝗛𝗦, 𝘀𝘂𝗺𝗮𝗶𝗹𝗮𝗹𝗶𝗺 𝘀𝗮 𝗽𝗮𝗻𝗱𝗮𝗶𝗴𝗱𝗶𝗴𝗮𝗻𝗴 𝗽𝗮𝗴𝘁𝗮𝘁𝗮𝘀𝗮 𝗻𝗴 𝗣𝗜𝗦𝗔 𝟮𝟬𝟮𝟰
𝘯𝘪 𝘈𝘯𝘯𝘦 𝘑𝘦𝘯𝘯𝘺𝘳𝘪𝘻𝘢 𝘓𝘭𝘢𝘯𝘪𝘵𝘢

Isinagawa ang malawakang pagsusulit o Program for International Student Assessment (PISA) 2024 nitong Disyembre 6, 2024 kung saan ilan sa mga kumuha ng pagsusulit ay mga mag-aaral mula sa Infanta National High School, isang pagsusulit na naglalayong sukatin ang kaalaman ng mga estudyante na nasa edad 15 pataas sa larangan ng Agham, Matematika, at Ingles.

Sa ginawang pagsusulit, tinatayang 625 na mag-aaral mula sa paaralan ang nakilahok sa inilunsad na PISA 2024. Ang pagtatasang ito ay magsisilbing instrumento upang matukoy ang mga suliranin sa sektor ng edukasyon. Ang mga resulta na nakalap sa pagsususlit ay gagamitin upang makabuo ng mas pinaigting na patakaran para mapabuti ang kalidad ng edukasyon.

Bago ang PISA 2024, ang paaralan at mga kaguruan mula sa INHS sa pangunguna ni Gng. Mitos Amadel S. Villamor, School Testing Coordinator ay nagkaroon ng masusing preperasyon upang maidaos ang pagsusulit na ito. Tiniyak naman ng paaralan na mayroong sapat at maayos na silid ang mga mag-aaral na kalahok sa pagsusulit.

Naging katuwang sa gawaing ito ang mga g**o mula sa Science Department na sina Gng. Julie Ann Verzo, Bb. Vanessa Marie P. Deasis, Gng. Maryson L. Yalung, at G. Mikhail George C. Peñaverde na nagsilbing room examiners na gumabay sa mga mag-aaral upang ito ay maisagawa.

“Kinakabahan ako nung una at syempre first time ko mag-exam sa PISA, baka mahirap. Pero nung nabasa ko na yung mga tanong ay nawala na ‘yung kaba ko, I feel relieved na,” ayon kay Izzy C. Gurango, mag-aaral mula sa INHS na sumailalim sa pagsususlit ng PISA.

Ang pagsasagawa ng PISA ay isang mahalagang hakbang para sa pagpapabuti ng kalidad ng edukasyon, sinusuri nito ang mga kalakasan at kahinaan ng mga mag-aaral sa larangan ng akademiko. Sa pamamagitan ng mga magiging resulta ng PISA 2024, inaasahang magiging daan ito sa Kagawaran ng Edukasyon upang patuloy na magsikap at mas paigtingin pa ang iba’t ibang programa para sa mas maayos na programang pang-edukasyon sa bansa alinsunod sa pandaigdigang pamantayan.

07/12/2024

𝗟𝗔𝗧𝗛𝗔𝗟𝗔𝗜𝗡 | 𝗣𝗔𝗜𝗟𝗔𝗪 𝟮𝟬𝟮𝟰: 𝗣𝗮𝘀𝗸𝗼𝗻𝗴 𝗜𝗻𝗳𝗮𝗻𝘁𝗮𝗵𝗶𝗻, 𝗣𝘂𝘀𝗼𝗻𝗴 𝗕𝗮𝘁𝗮'𝘆 𝗣𝗮𝗻𝘂𝗺𝗯𝗮𝗹𝗶𝗸𝗶𝗻
𝘯𝘪 𝘕𝘩𝘦𝘤𝘦𝘦 𝘉. 𝘔𝘰𝘳𝘧𝘦

Tuwing buwan ng Disyembre ay parating inaabangan ng mga bata at maging ang matatanda sa pagkabata ay nanunumbalik rin na nananabik sa pagbubukas ng kumukuti-kutitap na mga ilaw, makukulay na parol, naglalakihang christmas tree, at pagpapaputok ng fireworks, hudyat ito ng pagsisimula ng Pasko sa bayan ng Infanta —ang Pailaw.

𝑲𝙬𝒆𝙣𝒕𝙤 𝙣𝒈 𝑷𝙖𝒔𝙠𝒐

Maaga pa lamang ay abala na ang mga manananghal upang ipamalas ang kanilang angking-galing sa pagsisimula ng programa sa liwasang bayan. Mga Infantahin ay nananabik sa paghihintay sa magaganap na Pailaw 2024 sa bayan ng Infanta.

“Ngayong taon ay binigyang-pansin natin ang mga kabataan. Tayong lahat ay mga kabataan dahil tayong lahat ay may pusong kabataan, dahil ang puso ng bata ay puro, mapagmahal, mapagkalinga, at generous,” nagagalak na sambit ni Gng. Sierra Cecilia A. Peñamante, Tourism Operations Officer II sa bayan ng Infanta.

Kung kaya, ayon sa kanya, ang tema ng Pailaw 2024 sa bayan ng Infanta ay, "Pusong Bata para sa kapwa ay buhayin, ngayong Pasko nating mga Infantahin” .

Tulad ng tradisyon na nakaugalian, nagsimula ang programa sa pagtatanghal ng mga kabataan mula sa Infanta Central School at Infanta National High School sa pagsasadula ng kwento ng Pasko —ang Panunuluyan.

Sinariwa nito ang masalimuot na paglalakbay nina San Jose at Birheng Maria mula sa Nazareth patungong Bethlehem upang maghanap ng matutuluyan na mapagsisilangan kay Hesukristo.

Gayundin ang paghahanap ng tatlong pantas sa sanggol na si Hesus at ang paghahandog nila ng mga regalo.

𝑳𝒊𝒘𝒂𝒏𝒂𝒈 𝒏𝒈 𝑰𝒍𝒂𝒘 𝑫𝒂𝒈𝒊𝒕𝒂𝒃

Kasunod nito, dumako ang programa sa pinakahihintay ng lahat —ang pagsisindi ng mga ilaw dagitab sa municipal grounds.

Sabay-sabay na nag-countdown ang mga tao sa liwasang bayan at nabalot ng sigawan matapos magkakasabay na buksan ang mga nakamamanghang ilaw at dekorasyon.

Bumida ang dagdag atraksyong frozen na tema ng pailaw kung saan tampok ang makinaryang nagbubuga ng artipisyal na snow o niyebe na sinabayan ng sunod-sunod na pagpapaputok ng fireworks na naglalabas ng matitingkad at iba't ibang kulay sa madilim na kalangitan.

Nagningning ang liwasang bayan ng Infanta, nagmistulang isang dambuhalang regalo ang harap ng munisipyo sa tulong ng makukulay na christmas lights, umiilaw na naglalakihang mga parol, nakaaaliw na tunnels of lights at hindi mawawala ang mga giant christmas tree.

Niyanig ang bayan ng Infanta nang sigawan, nangibabaw ang kasiyahang maipagdiwang ang buwan ng kapanganakan ni Hesus.

Bukod sa iba't ibang dekorasyong pailaw, isa sa kinagigiliwan ng mga tao ang food bazaar kung saan mabibili ang mga nakatatakam na street foods gaya ng tusok-tusok, matatamis na desserts, korean foods, silog meals, fruit shakes, coffee, milk tea at marami pang iba.

𝐇𝐢𝐦𝐢𝐠 𝐧𝐠 𝐏𝐚𝐠-𝐢𝐛𝐢𝐠

Sinundan ito ng mga handog na pasiklaban sa pagkanta, pagtugtog at pagsayaw ng kabataan mula sa Infanta Quezon Community Chorale, Ms. Audrey Dassiel C. Campilan, Batican Bible Baptist Church Rondalla, Infanta Central School Students, Kiddie Violinist, Kiddie Ballerinas, Mount Carmel School of Infanta Students at Quezelco Band —mas nadama ng mga tao sa liwasang bayan ang simoy ng kapaskuhan.

𝐏𝐢𝐧𝐚𝐤𝐚𝐦𝐚𝐧𝐢𝐧𝐠𝐧𝐢𝐧𝐠 𝐧𝐚 𝐁𝐢𝐭𝐮𝐢𝐧

Ipinamalas din ng Infantahin ang kanilang galing sa paglikha at pagdidisenyo ng mga parol sa taunang tradisyon ng Parola Contest.

Nasungkit ng Parol ng Brgy. Comon ang unang pwesto at naiuwi ang 10,000 piso premyo.

Habang pumangalwa ang Parol ng Poblacion 38 na nakatanggap ng 8,000 piso at ikatlo ang Parol ng Brgy. Gumian na nakakuha ng 6,000 piso.

Nagtamo naman ng espesyal na karangalan na Early Bird ang no. 1 Parol, ito ang likha ng Poblacion 38 at nakatanggap ng 2,000 piso.

Nagsagawa naman ng sarbey sa 104 na mga bata at nakakuha ng pinakamataas na puntos ang no. 4 Parol ng Poblacion 1 at ginawaran ng espesyal na karangalang Kiddies Choice Award at nakatanggap ng 2,000 piso.

𝐏𝐚𝐠-𝐚𝐬𝐚 𝐚𝐭 𝐏𝐚𝐠-𝐚𝐬𝐚𝐦

Sa patuloy na paglapit ng pagdiriwang ng araw ng kapaskuhan, ang mga talentong naipamalas bilang bahagi ng kultura ay hindi malilimutan.

Gaya ng nagliliwanag at nagningning na ilaw, bitbit ang pusong kabataan, ang Infantahin ay umaasam na ang Pasko 2024 ay mapupuno ng biyaya at pagmamahalan.

𝘓𝘢𝘳𝘢𝘸𝘢𝘯 𝘯𝘪𝘯𝘢: 𝘗𝘦𝘢𝘤𝘩 𝘈𝘥𝘳𝘪𝘦𝘯𝘯𝘦 𝘊𝘰𝘳𝘢𝘭𝘥𝘦 & 𝘎𝘢𝘪𝘻𝘢 𝘔𝘢𝘺 𝘓𝘪𝘣𝘳𝘦

06/12/2024

𝗕𝗔𝗟𝗜𝗧𝗔 | "𝗔𝗻𝗴 𝗽𝗮𝗴-𝗶𝗯𝗶𝗴 𝗻𝗴 𝗗𝗶𝘆𝗼𝘀 𝗮𝘆 𝗵𝗶𝗻𝗱𝗶 𝗸𝘂𝗺𝘂𝗸𝘂𝗽𝗮𝘀 𝗸𝗮𝗶𝗹𝗮𝗻𝗺𝗮𝗻" - 𝗙𝗿. 𝗡𝗲𝗹𝘃𝗼𝗻

Makabuluhang idinaos ngayong araw ang 1st Friday Mass sa Infanta National High School (INHS) na pinangunahan ni Rev. Fr. Nelvon Villanueva mula sa St. Mark Cathedral. Ang banal na pagtitipon ay naglalayong palakasin ang buhay-pananampalataya ng mga mag-aaral, g**o, at iba pang miyembro ng paaralan.

Sa kanyang homiliya, binigyang diin ni Fr. Nelvon ang kahalagahan ng pananampalataya. Ani niya, "Sanayin natin ang ating sarili na nagdadasal ng taimtim at totoo. Huwag natin kalimutan ang magpasalamat at laging magdasal ng tunay na pananampalataya at may pagmamahal sa Panginoong Diyos."

Bukod dito, hinikayat din niya ang mga dumalo na pahalagahan ang kanilang kinabukasan. Sa kaniyang mensahe, sinabi niya, "Alagaan ninyo ang inyong kinabukasan, nawa'y maayos, maganda, masagana." Ang mga salitang ito ay nagbigay-diin sa kahalagahan ng pagpapabuti sa sarili at paghubog ng mas mabuting pagkatao.

Kaniya ring inihayag na ang pagiging natatangi ng bawat indibidwal, aniya, "Wala kayong katulad, kayo ay katangi-tangi, ikaw ang kaisa-isang ikaw sa mundo." Dagdag pa niya, ang pagmamahal ng Diyos ay natatangi para sa bawat isa, tulad ng kaniyang sinabi, "Love of God for you is unique and cannot be repeated."

Ang banal na misa ay naging pagkakataon para sa pamilya ng INHS na magnilay, makibahagi, at magpasalamat. Naging paalala rin ito sa kanila na isabuhay ang mga aral ng pananampalataya upang maging huwaran, malasakitin, at patuloy na pagyamanin ang kanilang pagiging natatangi sa bawat aspeto ng buhay.

Ang mensahe ng pagmamahal at pananampalataya ay nagbigay ng lakas at inspirasyon sa mga dumalo, na tiyak na mag-iiwan ng makabuluhang epekto sa kanilang mga puso at isipan.

✒️ 𝘔𝘢𝘳𝘪𝘢 𝘈𝘯𝘨𝘦𝘭𝘢 𝘊𝘰𝘯𝘤𝘩𝘢𝘥𝘢
📷 𝘒𝘪𝘳𝘴𝘵𝘦𝘯 𝘔𝘪𝘬𝘩𝘢𝘦𝘭𝘢 𝘉𝘢𝘭𝘢𝘨𝘶𝘭𝘢𝘯

06/12/2024

𝗕𝗔𝗟𝗜𝗧𝗔 | 𝟲𝟭 𝗺𝗮𝗴-𝗮𝗮𝗿𝗮𝗹 𝗻𝗴 𝗚𝗿𝗮𝗱𝗲 𝟭𝟮 𝗘𝗹𝗲𝗰𝘁𝗿𝗶𝗰𝗮𝗹 𝗜𝗻𝘀𝘁𝗮𝗹𝗹𝗮𝘁𝗶𝗼𝗻 𝗮𝗻𝗱 𝗠𝗮𝗶𝗻𝘁𝗲𝗻𝗮𝗻𝗰𝗲 (𝗘𝗜𝗠), 𝘁𝗮𝘁𝗮𝗻𝗴𝗴𝗮𝗽 𝗻𝗴 𝗹𝗶𝗯𝗿𝗲𝗻𝗴 𝘁𝗿𝗮𝗶𝗻𝗶𝗻𝗴 𝗺𝘂𝗹𝗮 𝘀𝗮 𝗝𝗗𝗩𝗣-𝗧𝗩𝗟
- 𝘯𝘪 𝘎. 𝘌𝘮𝘮𝘢𝘯𝘶𝘦𝘭 𝘛. 𝘔𝘰𝘳𝘢𝘥𝘢

Mapalad ang 61 na mga mag-aaral ng Grade 12 Electrical Installation and Maintenance (EIM) ng Infanta National High School (INHS) na mabibigyan ng 320 oras na libreng training, workshop, at assessment sa ilalim ng Joint Delivery Voucher Program for Senior High School Technical-Vocational Livelihood (JDVP-TVL). Ang programa ay nakabatay sa DepEd Order No. 017, s. 2024 na naglalayon na suportahan ang mga SHS TVL specialization students sa kanilang mga teknikal na pangangailangan.

Pangunahing layunin nito na mabigyan ng libreng assessment ang mga mag-aaral na walang gagastusin sa pagbibigkisan ng DepEd at TESDA sa papamagitan ng mga Asessment Center na may sapat na kagamitan, g**o, kasangkapan, at materyales sa isasagawang pagsasanay. Ang St. Mark Skills Training Institute na matatagpuan sa Brgy. Comon ang magiging partner ng INHS sa nasabing JDVP-TVL.

Sa isinagawang oryentasyon noong ika-5 ng Disyembre 2024 sa INHS, ipinaliwanag ni G. Ron-ron P. Isidro, SMSTI Vice President ang magiging takbo ng guguling oras sa nasabing pagsasanay na kung papalarin pagkatapos ng Pinal na Assessment, ang mga mag-aaral ay makatatanggap ng National Certificate Level 2 (NCII) mula sa Technical Education and Skills Development Authority (TESDA).

Samantala, binigyang katiyakan ni Bb. Kristel Joy P. Tena, JDVP Focal Person at G. Cael Abaricia, EIM adviser na competent ang mga mag-aaral at hindi mahihirapan sa isasagawang pagsasanay sapagkat naturuan na ang mga ito at nangangailangan na lamang ng Mastery.

Binuksan ni Gng. Grace D. Tena, Ulongg**o III, ang programa sa pamamagitan ng pagbibigay-inspirasyon at pagpapasalamat sa mga magulang. Samantala, winakasan naman ito ni Gng. Apple Jhyll P. Gucilatar, na nagbigay-diin sa kahalagahan ng pakikiisa ng mga magulang sa tagumpay ng kanilang mga anak.

Ang JDVP-TVL ay patuloy na nagiging tulay sa pagbibigay ng dekalidad at abot-kayang edukasyon para sa mga mag-aaral sa larangan ng TVL. Sa pamamagitan ng programang ito, nagiging posible ang pangarap ng mga mag-aaral na magkaroon ng globally competitive skills at sertipikasyon na kinikilala sa buong bansa.

02/12/2024

𝗕𝗔𝗟𝗜𝗧𝗔 | 𝗔𝗻𝗴 𝗕𝘂𝗻𝘀𝗼𝗹, 𝗔𝗸𝘁𝗶𝗯𝗼𝗻𝗴 𝗟𝘂𝗺𝗮𝗵𝗼𝗸 𝘀𝗮 𝗤𝘂𝗲𝘇𝗼𝗻'𝘀 𝗗𝗶𝘃𝗶𝘀𝗶𝗼𝗻 𝗦𝗰𝗵𝗼𝗼𝗹𝘀 𝗣𝗿𝗲𝘀𝘀 𝗖𝗼𝗻𝗳𝗲𝗿𝗲𝗻𝗰𝗲 𝟮𝟬𝟮𝟰
𝘯𝘪 𝘎. 𝘈𝘭𝘨𝘦𝘯𝘪𝘶𝘴 𝘈. 𝘓𝘦𝘺𝘯𝘦𝘴

Tiaong, Quezon — Matagumpay na nakibahagi ang mga mamamahayag mula sa Ang Bunsol, ang opisyal na pahayagan ng INHS sa Filipino, sa katatapos lamang na Division Schools Press Conference (DSPC) na ginanap noong Nobyembre 25-27, 2024 sa Tiaong, Quezon.

Sa nasabing kumpetisyon, 9 na mag-aaral mula sa INHS ang kumatawan sa paaralan sa indibidwal na kategorya, kabilang ang pagsulat ng balita, lathalain, editoryal, Kolum, isports, Pagguhit ng Kartun, Pagwawasto ng sipi at pag-uulo ng balita, Science Writing at photojournalism kung saan, nakuha ni Fran Nicholai Tullo, Ang Bunsol Chief Photojournalist ang ikalimang puwesto para sa pagkuha ng larawan.

Kabilang din sa mga mag-aaral na nakipagtunggali sina:

Neiah Marthea C. Villanueva – Pagsulat ng Editoryal
Kian Carlo C. Corsilles – Pagsulat ng Balita
Nhecee B. Morfe – Pagsulat ng Lathalain
Eznaira Louise M. Nuga – Pagsulat ng Kolum
Cyrene Elishua F. De Leon – Pagsulat sa Pahinang Agham
Reyela Phoem Pujalte – Pagsulat sa pahinang Pampalakasan
Ayessa P. Adonais – Pagguhit ng Kartun
Anne Jenyriza S. Llanita – Pagwawasto at Pag-uulo ng Balita

Ang mga ito ay nagpakita ng husay at dedikasyon sa larangan ng pamamahayag, dala ang pangalan ng paaralan sa nasabing prestihiyosong patimpalak.

Samantala ang mga g**ong nagsilbing tagapayo at tagapagsanay ay sina G. Romel O. Postor, G. Algenius A. Leynes, Gng. Raquel M. Valenzuela, Gng. Beberlyn P. Amar, Dr. Rose Anne O. Coronacion, Gng. Nora M. Francia at Bb. May M. Rosas.

Sa kabila ng mahigpit na kumpetisyon mula sa iba’t ibang paaralan sa lalawigan, nanatiling determinado ang mga miyembro ng Ang Bunsol na maipamalas ang kanilang husay sa pamamahayag.

Ang DSPC ay isa sa pinakamalaking kumpetisyon ng campus journalism sa dibisyon ng Quezon, na naglalayong hubugin ang kakayahan ng kabataang mamamahayag sa ilalim ng Republic Act 7079 o mas kilala bilang Campus Journalism Act of 1991.

Bigo mang makapag-uwi ng iba't ibang parangal mula sa lahat ng kategorya, bitbit naman ng mga g**o’t mag-aaral ang panibagong karanasang maibabahagi sa mga Kabataang mamamahayag. Umaasa Ang Bunsol na magpapamalas pa sila ng mas mataas na antas ng kahusayan sa mga susunod pang laban.

Ang pakikiisa sa gawaing ito ay hindi lamang patunay ng galing ng mga kabataan sa pamamahayag kundi isa ring inspirasyon upang patuloy nilang itaas ang kalidad ng pahayagang pangkampus.

29/11/2024

🌟 𝗠𝗮𝗻𝘂𝗻𝘂𝗹𝗮𝘁 𝗻𝗴 𝗔𝗻𝗴 𝗕𝘂𝗻𝘀𝗼𝗹, 𝗞𝗮𝗺𝗽𝘆𝗼𝗻 𝘀𝗮 𝗣𝗮𝗺𝗮𝗺𝗮𝗵𝗮𝘆𝗮𝗴! 🖋️🏆

𝙄𝙨𝙖𝙣𝙜 𝙢𝙖𝙖𝙡𝙖𝙗 𝙣𝙖 𝙥𝙖𝙜𝙗𝙖𝙩𝙞 𝙠𝙖𝙮 𝙈𝙖𝙧𝙞𝙚𝙡 𝘼. 𝘼𝙨𝙩𝙤𝙫𝙚𝙯𝙖, 𝙁𝙚𝙖𝙩𝙪𝙧𝙚 𝙒𝙧𝙞𝙩𝙚𝙧 𝙣𝙜 𝘼𝙣𝙜 𝘽𝙪𝙣𝙨𝙤𝙡, 𝙨𝙖 𝙠𝙖𝙣𝙮𝙖𝙣𝙜 𝙢𝙖𝙩𝙖𝙜𝙪𝙢𝙥𝙖𝙮 𝙣𝙖 𝙥𝙖𝙜𝙠𝙖𝙢𝙞𝙩 𝙣𝙜 𝙐𝙣𝙖𝙣𝙜 𝙋𝙪𝙬𝙚𝙨𝙩𝙤 𝙨𝙖 𝙉𝙚𝙬𝙨 𝙒𝙧𝙞𝙩𝙞𝙣𝙜 (𝙎𝙚𝙘𝙤𝙣𝙙𝙖𝙧𝙮) sa ginanap na CAMPUS JOURNALISM CONFERENCE 2024, na inorganisa ng tanggapan ng Halig Punong Bayan ng Infanta na si Hon. Vice Mayor L.A. Ruanto! 🎉

Ang iyong galing sa pamamahayag ay patunay ng talino, sipag, at dedikasyon na taglay ng kabataang Infantahin. Salamat sa iyong inspirasyon at sa pagbibigay ng karangalan sa ating paaralan!

Muli isang mataas na pagbati Mariel, at patuloy mong itaas ang watawat ng Ang Bunsol! 🌟

29/11/2024

🌟 𝗣𝘂𝗻𝗼𝗻𝗴 𝗣𝗮𝘁𝗻𝘂𝗴𝗼𝘁 𝗻𝗴 𝗔𝗻𝗴 𝗕𝘂𝗻𝘀𝗼𝗹, 𝗞𝗮𝗺𝗽𝘆𝗼𝗻 𝘀𝗮 𝗣𝗮𝗺𝗮𝗺𝗮𝗵𝗮𝘆𝗮𝗴! 🖋️🏆

𝙄𝙨𝙖𝙣𝙜 𝙢𝙖𝙖𝙡𝙖𝙗 𝙣𝙖 𝙥𝙖𝙜𝙗𝙖𝙩𝙞 𝙠𝙖𝙮 𝙉𝙚𝙞𝙖𝙝 𝙈𝙖𝙧𝙩𝙝𝙚𝙖 𝘾. 𝙑𝙞𝙡𝙡𝙖𝙣𝙪𝙚𝙫𝙖, 𝙀𝙙𝙞𝙩𝙤𝙧-𝙞𝙣-𝘾𝙝𝙞𝙚𝙛 𝙣𝙜 𝘼𝙣𝙜 𝘽𝙪𝙣𝙨𝙤𝙡, 𝙨𝙖 𝙠𝙖𝙣𝙮𝙖𝙣𝙜 𝙢𝙖𝙩𝙖𝙜𝙪𝙢𝙥𝙖𝙮 𝙣𝙖 𝙥𝙖𝙜𝙠𝙖𝙢𝙞𝙩 𝙣𝙜 𝙐𝙣𝙖𝙣𝙜 𝙋𝙪𝙬𝙚𝙨𝙩𝙤 𝙨𝙖 𝙎𝙥𝙤𝙧𝙩𝙨 𝙒𝙧𝙞𝙩𝙞𝙣𝙜 (𝙎𝙚𝙘𝙤𝙣𝙙𝙖𝙧𝙮) sa ginanap na CAMPUS JOURNALISM CONFERENCE 2024, na inorganisa ng tanggapan ng Halig Punong Bayan ng Infanta na si Hon. Vice Mayor L.A. Ruanto! 🎉

Ang iyong galing sa pamamahayag ay patunay ng talino, sipag, at dedikasyon na taglay ng kabataang Infantahin. Salamat sa iyong inspirasyon at sa pagbibigay ng karangalan sa ating paaralan!

Muli, isang mataas na pagbati Neiah, patuloy mong itaas ang watawat ng Ang Bunsol! 🌟

28/11/2024

𝗕𝗮𝘁𝗮𝗻𝗴 𝗣𝗶𝗻𝗼𝘆 𝗦𝗶𝗹𝘃𝗲𝗿 𝗦𝘁𝗮𝗿: 𝗝𝗮𝗰𝗼𝗯 𝗠𝗼𝗿𝗮𝗱𝗮, 𝗔𝗦𝗘𝗔𝗡 𝗖𝗵𝗲𝘀𝘀 𝗠𝗲𝗱𝗮𝗹𝗶𝘀𝘁! 🏆♟️

Isang maalab na pagbati para kay Jacob Morada, mag-aaral ng Grade 7-SPS Daffodil ng Infanta NHS, sa kanyang kamangha-manghang tagumpay bilang Silver Medalist sa Philippine Batang Pinoy ASEAN Rapid Chess Championship 2024 (13AC Boys)!

Sa pagkamit ng ikalawang puwesto sa kabuuan ng kompetisyon, pinatunayan ni Jacob ang talas ng kaniyang isip at disiplina ng isang tunay na kabataang Infantahin. Isang pagsaludo rin sa kanyang dedikadong coach, Gng. Juvelle A. Morada, sa paggabay sa kanyang landas tungo sa tagumpay.

Maraming salamat sa karangalang iyong inihatid sa ating paaralan at bayan. Mabuhay ka, Jacob! 🌟♟️

28/11/2024

𝗧𝗜𝗡𝗚𝗡𝗔𝗡 | Kasalukuyang dumadalo ang mga mamamahayag ng Ang Bunsol, sa pangunguna ng kanilang Editor-in-Chief na si Neiah Marthea C. Villanueva, sa 2-araw na Campus Journalism Conference 2024 na ginaganap sa Mount Carmel School of Infanta. Ang nasabing aktibidad ay inorganisa ng tanggapan ng Halig Punong Bayan ng Infanta, Hon. Vice Mayor LA Ruanto, na naglalayong linangin ang husay, talino, at kamalayan ng kabataang mamamahayag bilang tagapagtaguyod ng responsableng pamamahayag sa lokal na komunidad.

📷 Kirsten Mikhaela Balagulan

27/11/2024

𝗠𝗮𝘁𝗮𝗮𝘀 𝗻𝗮 𝗣𝗮𝗴𝗯𝗮𝘁𝗶, 𝗙𝗿𝗮𝗻 𝗡𝗶𝗰𝗵𝗼𝗹𝗮𝗶 𝗧𝘂𝗹𝗹𝗼, 𝗔𝗻𝗴 𝗕𝘂𝗻𝘀𝗼𝗹 𝗖𝗵𝗶𝗲𝗳 𝗣𝗵𝗼𝘁𝗼𝗷𝗼𝘂𝗿𝗻𝗮𝗹𝗶𝘀𝘁, sa iyong tagumpay sa pagkasungkit ng ika-5 Puwesto sa Photojournalism Filipino sa ginanap na 2024 Quezon Division Schools Press Conference 2024, sa Tiaong, Quezon.

Ang iyong dedikasyon, husay, at pagkukuwento sa pamamagitan ng mga larawan ay patunay ng iyong talento at pagsusumikap. Isang malaking pasasalamat din sa iyong g**ong tagasanay, Sir Algenius A. Leynes, na walang sawang gumabay at nagbigay-inspirasyon sa iyong tagumpay.

Patuloy na magsilbing inspirasyon sa iba pang kabataan, at ipagmalaki ang iyong ambag sa larangan ng pamamahayag. Mabuhay ka, Fran Nicholai Tullo, at mabuhay ang Bunsol!

26/11/2024

𝗕𝗨𝗞𝗔𝗡𝗚-𝗟𝗜𝗪𝗔𝗬𝗪𝗔𝗬 | Sa tahimik na tagpo ng pagbubukang-liwayway, habang sumusulyap ang papalubog na buwan, patuloy na ipinaaalala ng kalikasan na tuwina'y may liwanag sa pagtatapos ng dilim. 🌙🌅

25/11/2024

Taglay ang kahusayan sa pamamahayag at tapang ng puso, si Anne Jennyriza S. Llanita , Ang Bunsol Copy Reading & Headline Writer ay handang magpamalas ng husay sa Pagwawasto at Pag-uulo ng Balita sa Quezon Division Schools Press Conference '24! Isang hakbang na naman patungo sa layunin ng pagbibigay-liwanag sa katotohanan para sa makabuluhang pamamahayag. 🌟 Gudlak, Jenny!

25/11/2024

Taglay ang talento sa pagguhit at tapang ng puso, si Ayessa P. Adonais, Ang Bunsol Chief Cartoonist ay handang magpamalas ng husay sa Pagguhit ng Kartun sa Quezon Division Schools Press Conference '24! Isang hakbang na naman patungo sa layunin ng pagbibigay-liwanag sa katotohanan para sa makabuluhang pamamahayag. 🌟 Gudlak, Ayessa!

25/11/2024

Taglay ang talas ng panulat at tapang ng puso, si Reyela Phoem Pujalte, Ang Bunsol Sports Editor ay handang magpamalas ng husay sa Pagsulat sa pahinang Pampalakasan sa Quezon Division Schools Press Conference '24! Isang hakbang na naman patungo sa layunin ng pagbibigay-liwanag sa katotohanan para sa makabuluhang pamamahayag. 🌟 Gudlak, Yela!

25/11/2024

Taglay ang talas ng panulat at tapang ng puso, si Cyrene Elishua F. De Leon, Ang Bunsol Science Editor ay handang magpamalas ng husay sa Pagsulat sa pahinang Agham sa Quezon Division Schools Press Conference '24! Isang hakbang na naman patungo sa layunin ng pagbibigay-liwanag sa katotohanan para sa makabuluhang pamamahayag. 🌟 Gudlak, Cyrene!

25/11/2024

Taglay ang talas ng panulat at tapang ng puso, si Eznaira Louise M. Nuga, Ang Bunsol Opinion Editor ay handang magpamalas ng husay sa Pagsulat ng Kolum sa Quezon Division Schools Press Conference '24! Isang hakbang na naman patungo sa layunin ng pagbibigay-liwanag sa katotohanan para sa makabuluhang pamamahayag. 🌟 Gudlak, Eznai!

25/11/2024

Taglay ang talas ng panulat at tapang ng puso, si Nhecee B. Morfe, Ang Bunsol Feature Editor ay handang magpamalas ng husay sa Pagsulat ng Lathalain sa Quezon Division Schools Press Conference '24! Isang hakbang na naman patungo sa layunin ng pagbibigay-liwanag sa katotohanan para sa makabuluhang pamamahayag. 🌟 Gudlak, Nhecee!

25/11/2024

Taglay ang talas ng panulat at tapang ng puso, si Kian Carlo C. Corsilles, Ang Bunsol News Writer ay handang magpamalas ng husay sa Pagsulat ng Balita sa Quezon Division Schools Press Conference '24! Isang hakbang na naman patungo sa layunin ng pagbibigay-liwanag sa katotohanan para sa makabuluhang pamamahayag. 🌟 Gudlak, Kian!

Ang Bunsol

09/12/2024

07/12/2024

06/12/2024

06/12/2024

02/12/2024

29/11/2024

29/11/2024

28/11/2024

28/11/2024

27/11/2024

26/11/2024

25/11/2024

25/11/2024

25/11/2024

25/11/2024

25/11/2024

25/11/2024

25/11/2024

Address

Website

Alerts

Videos

Shortcuts

Share

Category