DZSU Radyo Kabitenyo

21/12/2024

STIRRING STORIES | Idinaos ang huling Press N' Brew lecture ngayong taon na pinamagatang "KAPE-tok sa Takilya: Brewing Stories for Digital Screen" sa Zoom at Facebook Live kasama si Kristine Gabriel, December 20.

Itinuro ni Gabriel, isa sa mga screenwriter ng mga kilalang pelikula at TV series kagaya ng Can't Help Falling In Love (2017) at Replacing Chef Chico (2023), ang pagsisimula sa tanong na “what if?” para makapagsulat ng kwento.

Dagdag pa niya, maaaring hugutin ang mga ideya mula sa karanasan, pananaliksik, malikhaing pag-iisip, o muling pagsasalaysay ng mga kwento.

“Lagi nating tandaan na tayo ang seed ng mga konsepto at kwento na ating binubuo,” ani Gabriel sa mga lumahok sa webinar.

Ipinaliwanag din sa webinar ang tamang balangkas ng logline, storyline, treatment, at script—maging ang papel ng producer bilang katuwang ng manunulat. Binigyang-pansin din dito ang malinaw na pagkakasunod-sunod ng mga hakbang para mas epektibong mailahad ang kwento.

Samantala, hinimok din ang mga kalahok na suportahan ang panibagong pelikula na ‘Ex Ex Lovers' tampok ang nagbabalik-tambalang Jolina Magdangal at Marvin Agustin, kung saan isa si Gabriel sa co-writers.

Ulat nina John Feliciano at Aaron Corporal

19/12/2024

19/12/2024

A CUP OF LIFE BEHIND THE CAMERA 🎥☕️

Lights, camera, action! Sa likod ng lente ng bawat pelikula, bida rito ang talento at pagkamalikhain ng mga manunulat. Kaya’t sabay-sabay nating tuklasin ang tamis ng karanasan ng nag-iisang Ms. Kristine Gabriel!

Abangan ang makabuluhang webinar bukas, December 20, 3 PM.

REGISTER HERE: forms.gle/rEMswJjnGvc378FaA

Isinulat ni Geneson Satsatin
Inilapat ni Sheil Ivan Domingo

18/12/2024

Isang taon na naman ang lumipas... 🎄

12/12/2024

ISKO-PRENEUR | Bilang bahagi ng pagdiriwang ng College of Economics, Management, and Development Studies (CEMDS) 26th Foundation Week, itinampok ng CvSU Junior Marketing Association ang "KASA KABALYEROS: Illuminating the Path of Sustainable Student Entrepreneurship" sa Old CEMDS Building mula December 11-12.

Patok dito ang iba't ibang booths kagaya ng IPIA-ERYA, My Callie's Bouquet, Gift Gallery by Rea, RezuPrints, JOMA, Anik Anik Atbp., CEMDS-JFINEX, Karaoke Booth ng PASOA, JPMAP, at DiploThrift.

Mananatiling bukas ang Kasa Kabalyeros hanggang alas singko ng hapon ngayong araw.

Ulat nina Sofia Paga, Hannah Almadrigo

08/12/2024

FEAST OF THE IMMACULATE CONCEPTION

Sa paggunita ng Kapistahan ng Mahal na Birhen ng Inmaculada Conception, dapat na isinasaisip ang pagbibigay-dangal at kapurihan sa nagsilang sa tagapagligtas na si Hesukristo.

Bilang ispiritwal na Ina ng lahat ng tao, bahagi ng pagdiriwang na ito ang pagdaraos ng misa at prusisyon sa mga simbahan kasama ang imahen ng Birhen, maraming deboto ang nakikibahagi rito.

Natatangi at napakahalaga ng araw na ito upang bigyan ang bawat isa ng oras na magnilay-nilay at magpaabot ng taimtim na panalangin sa ngalan ng Birheng Maria na puno ng grasya at pagmamahal sa sangkatauhan.

Isinulat ni Alicia Kelsey Reyes
Likha ni Marc Sealtiel Zuñiga

30/11/2024

GUNITAIN ANG NAG-IISANG SUPREMO!

“Itanim sa iyong puso na ang tunay na kahalagahan ng puri’t kaginhawahan ay ang ikaw’y mamatay sa ikaliligtas ng Inang bayan.” - Andres Bonifacio

Ngayong ika-30 ng Nobyembre ay inaalala ang tapang at kabayanihan ng Ama ng Rebolusyon na nanguna para pabagsakin ang tatlong daang taong pananakop ng imperyo ng Espanya.

Si Andres Bonifacio ang isa sa nagtaguyod at namuno ng Kataas-taasan, Kagalang-galangang Katipunan ng mga Anak ng Bayan o K*K, isang lihim na samahan noon na may layuning palayain ang mga Pilipino sa kamay ng mga Kastila.

Sa pagsapit ng ika-161 na kaarawan ni Bonifacio, kasabay nito ang taas-noong pagtindig at paglaban para sa bawat Pilipino at sa ating Bayang Sinilangan.

Patuloy nating gamiting tanglaw ang kanyang kadakilaan sa pagmamahal sa bayan upang manatiling buhay sa ating puso ang kanyang nasimulan at magsilbing paalala na ang ating dugo ay may agimat na taglay!

Isinulat ni Geneson Satsatin
Likha ni Randolf Perido

25/11/2024

TIME CHECK! ORAS NA PARA WAKASAN ANG KARAHASAN ⏰

Ano-anong mga batas at sino-sino nga ba ang takbuhan natin for a VAW-Free Community? Pag-usapan natin 'yan!

Tutukan ang pag-ere ng THEIRStory and Beyond: Gender, Safety, and Community Empowerment ngayong Miyerkules, 10 AM, dito sa aming page.

May kuwento ka bang gustong ibahagi para sa talakayan natin? I-share mo na 'yan gamit ang comment section!

23/11/2024

PASKO NA SA CvSU! 🎄✨

Nag-enjoy ka ba sa nagdaang Giant Christmas Tree Lighting at Fireworks Display?

Halina't sabay-sabay nating balikan ang ilang mga pangyayari na talaga namang nagpadama ng diwa ng pasko sa unibersidad.

Samahan sina Zaira Tugano at Jade Prado sa kanilang pag-uulat sa nagdaang Giant Christmas Tree Lighting at Fireworks Display na ginanap sa University Plaza noong Nobyembre 21.

Mula sa DZSU Radyo Kabitenyo at DZSU Hayag Luntian, hiling namin ang maligaya at luntiang paggunita sa pagsalubong sa kapanahunang maghahatid ng galak, pag-asa, at pasasalamat sa bawat isa!

23/11/2024

'TIS THE SEASON | Muling nagningning ang Cavite State University sa taunang Christmas Tree Lighting upang ipagdiwang ang diwa ng pasko sa unibersidad noong Huwebes, ika-21 ng Nobyembre.

Kasabay ng makukulay na mga pailaw na bumalot sa giant christmas tree, napuno rin ng kasiyahan ang mga nakiisa rito.

Isinulat ni Xhiela Mie Cruz
Kuha ni Risdon Polvito

23/11/2024

KINSE NA, SIGAW PA RIN AY "HUSTISYA!"

Sa araw na ito noong 2009, naganap ang kalumo-lumo at walang awang paglipol sa 58 katao, kabilang ang 32 mamamahayag, 20 katao kasama ang mga abogado, by-passers, at ang asawa't kaanak ng dating Pangalawang Punong-bayan ng Buluan na si Esmael "Toto' Mangudadatu.

Inilarawan ang Maguindanao Massacre bilang pinakamalalang kaso ng pagpatay sa mga mamamahayag sa kasaysayan.

Nasintensiyahan man ng 40 taong pagkakakulong ang mga akusadong sina Andal Ampatuan Jr. at Andal Ampatuan Sr., ganap na hustisya pa rin ang sigaw ng bawat pamilya ng mga biktima sa karumal-dumal na insidente.

Sa ika-15 na anibersaryo ng Maguindanao Massacre, ating alalahanin ang mga buhay na nawala, kasabay nito ang paglaban, paglathala ng inhustisya at pagtindig para sa laban ng malayang pamamahayag.

Isinulat ni Wilson Villanueva
Likha ni Risdon Polvito

20/11/2024

REMEMBER THEIR NAMES 🏳️‍⚧️

Tuwing sasapit ang ika-20 ng Nobyembre, ating ginugunita ang Transgender Day of Remembrance bilang pag-alala sa mga kapatid nating transgender na pumanaw dahil sa diskriminasyon at karahasan.

Ayon sa datos ng Trans Murder Monitoring Project, mula 2022 hanggang 2023, 321 transgenders at gender-diverse na indibidwal ang naitala na nawalan ng buhay—walo sa kanila ay mula sa Pilipinas. Ito ay patunay ng patuloy na kakulangan ng mga batas at proteksyon laban sa diskriminasyon sa mga miyembro ng LGBTQIA+ community.

Kasama ang buong DZSU Radyo Kabitenyo sa laban para sa isang mundong malaya, ligtas, at may pagkakapantay-pantay para sa lahat. Kayo ay simbolo ng pakikibaka para sa patas na karapatan.

Isinulat ni Alfonse Mañalac
Likha ni Jhezca Joie Brigola

17/11/2024

WALANG PASOK | Suspendido ang klase sa lahat ng antas bukas, ika-18 ng Nobyembre, sa buong lalawigan ng Cavite bunsod ng sama ng panahong dulot ng .

Nananatili namang nakataas ang Signal #2 sa Cavite ayon sa 2 PM weather bulletin ng PAGASA.

Source: Gov. Athena Tolentino, DOST-PAGASA

10/11/2024

MIDTERMS SZN NA! 🤞

Uy, nakapagreview ka na ba? O kasama ka rin sa mga umaasa sa "pasadong midterms cutie"?

Kapit lang, malalampasan din natin 'to! Samahan natin ng tamang pahinga at review 'yang "midterms cutie" para sure ball na pasado tayo.

Good luck sa midterms, mga Iskolar ng Bayan!

Isinulat ni Alfonse Mañalac
Likha ni Sofia Paga