DZSU Radyo Kabitenyo

12/01/2025

PUBLIC FORUM | LIMANG KANDIDATO, NAGHARAP PARA SA PAGKA-PANGULO NG CvSU

Alamin ang mga plano at kasagutan ng CvSU presidential aspirants sa kanilang pagharap sa publiko nitong nakaraang Huwebes sa International Convention Center (ICON), sa pagtutok ni Geneson Satsatin.

---

Scriptwriters: Zoe Estiller, Xhiela Mie Cruz
Videographer: Xhiela Mie Cruz
Editors: Emmanuel Gata, Zoe Estiller

31/12/2024

MALIGAYANG BAGONG TAON, CvSU! ✨

Sa pagpapalit ng kalendaryo, sabay-sabay nating damhin ang diwa ng pagmamahalan, kapayapaan, at pagkakaisa bilang simbolo ng matatag na pag-asa para sa bawat isa.

Harapin natin ang panibagong taon dala ang mga naging karanasan para mas maging matibay tayo anuman ang dalhin sa atin ng agos ng buhay. Huwag kalimutang pasalamatan ang mga sarili nang may ngiti sa ating mga labi.

Asahan ang patuloy at taas-noong pagtindig ng DZSU Radyo Kabitenyo at DZSU Hayag Luntian para sa mas pinalakas at mas pinalawak na pwersa ng katotohanan!

Isinulat ni Geneson Satsatin
Likha ni Sheil Ivan Domingo

30/12/2024

PAG-ALALA SA REBOLUSYONARYONG MANUNULAT 🖋️

Ginugunita natin ngayong araw ang ika-128 anibersaryo ng kamatayan ni Dr. José Rizal. Isa itong mahalagang pagkakataon para sa bawat Pilipino upang alalahanin ang kanyang kabayanihan at sakripisyo para sa kalayaan ng mga Pilipino.

Si Dr. José Rizal ay ipinanganak noong Hunyo 19, 1861, sa Calamba, Laguna. Kilala siya sa kanyang mga akdang Noli Me Tangere at El Filibusterismo na nagmulat sa mga Pilipino sa malupit na pananakop ng Espanya. Ang kanyang kabayanihan ay hindi lamang nagbigay-daan para sa mas malalim na pagninilay, kundi nagsilbing gabay upang pagbuklurin ang mga Pilipino sa adhikain ng katarungan at kalayaan.

Noong Disyembre 30, 1896, binaril si José Rizal sa Bagumbayan na ngayon ay Luneta Park. Kasabay nito, idineklara ni Emilio Aguinaldo ang araw na ito bilang araw ng pag-alala, hindi lamang para sa kamatayan ni Rizal, kundi maging ng lahat ng mga Pilipinong nag-alay ng buhay sa ilalim ng pamamahala ng mga Kastila.

Sa pamamagitan ng Act No. 345 noong 1902, opisyal na idineklara ang Disyembre 30 bilang Araw ni Rizal at naging isang opisyal na holiday sa Pilipinas.

Sama-sama nating alalahanin ang kanyang sakripisyo bilang tanda ng patuloy na paglaban para sa karapatang maging malaya at marka ng ating matibay na pagkakaisa bilang mga Pilipino!

Isinulat ni Cayenne Pernala
Likha ni Randolf Perido

26/12/2024

JUST IN: Nagdeklara ng Health and Wellness Break mula January 2-4, 2025 ang Office of the University President sa Cavite State University.

Magpapatuloy ang klase sa January 6, 2025.

Happy holidays at maligayang bagong taon, CvSU!

Source: Office of the University President OM No. OIC-042-2024

24/12/2024

MALIGAYANG PASKO, CvSU! 🎄

Ang pagkasabik natin sa kapaskuhan ay hindi lang dahil sa pagtanggap ng regalo o 'di kaya naman sa muling pagsabit ng mga palamuti at dekorasyon sa Christmas Tree ng ating tahanan, kung hindi dahil sa kagalakan ng pagsilang ng Poong Maykapal.

Sa pagdating ng kapaskuhan, aming dalangin na ang bawat isa ay mapuno ng liwanag, inspirasyon, at pag-asa. Sa kabila ng mga pagsubok ng taon, sama-sama nating ipagdiwang ang tunay na kahulugan ng pasko sa pamamagitan ng pagbabahagi ng pagmamahal sa bawat isa.

Mula sa DZSU Radyo Kabitenyo at DZSU Hayag Luntian, hiling namin ang inyong payapang pagdiriwang ngayong kapaskuhan!

Isinulat ni Alicia Reyes
Likha ni Sofia Paga
Kuha ni Risdon Polvito

23/12/2024

𝗟𝗶𝘄𝗮𝗻𝗮𝗴 𝗧𝘂𝘄𝗶𝗻𝗴 𝗣𝗮𝘀𝗸𝗼 | 𝗖𝗵𝗿𝗶𝘀𝘁𝗺𝗮𝘀 𝗦𝘁𝗮𝘁𝗶𝗼𝗻 𝗜𝗗 𝟮𝟬𝟮𝟰 🎄

Nitong nagdaang taon, muli nating hinarap ang kabi-kabilang hamon dala ng panahon. Sinubok tayo ng iba't ibang kalamidad, pagod, at paghihirap. Ngunit sa kabila nito, mayroon pa ring banaag na nagbigay-tanglaw para manatili sa ating landas na tinatahak.

Para sa ating Christmas Station ID 2024, ibinida natin ang makaantig-damdaming mga kuwento ng pagmamahal, pag-iral, at pag-asa na nakalakip sa ating mga lakbay bilang Kabsuhenyo.

Sa muling pagsapit ng gabi, hiling namin na ang awiting ito'y tumatak bilang simbolo na palaging mananaig ang 𝘓𝘪𝘸𝘢𝘯𝘢𝘨 𝘛𝘶𝘸𝘪𝘯𝘨 𝘗𝘢𝘴𝘬𝘰. 🌟

Ikaw, Kabsuhenyo? Anong liwanag mo sa gitna ng ligalig?

—

"𝗟𝗶𝘄𝗮𝗻𝗮𝗴 𝗧𝘂𝘄𝗶𝗻𝗴 𝗣𝗮𝘀𝗸𝗼" - 𝗖𝗵𝗿𝗶𝘀𝘁𝗺𝗮𝘀 𝗦𝘁𝗮𝘁𝗶𝗼𝗻 𝗜𝗗 𝟮𝟬𝟮𝟰
The CvSU Christmas Station ID 2024 was created by CvSU Musikeros, Sinagtala - Multimedia Arts Organization, DZSU Hayag Luntian, headed by President Alyanna Kristana S. Bacani, Executive Producer Clarence R. Bonga, and Production Director Sofia Mae M. Paga.

𝗠𝗨𝗦𝗜𝗖 𝗣𝗥𝗢𝗗𝗨𝗖𝗧𝗜𝗢𝗡

Composers:
Andrew Thomas B. Maligaya
Jann Rapha-el S. Opeña
Sean Timothy V. Saclolo

Lyricists:
Chayanne Heart L. Boleche
Ivanne Rohme V. Florida
Joshua S. Mante
Yuan Hernandez
Frances Agatha Agbayani
Christian Kyle Nilo

Producers:
Angelo C. Padua
Sean Timothy V. Saclolo

Performers:
Alyanna Kristana S. Bacani
Chayanne Heart L. Boleche
Alessandra Marie C. Baculi
Ivanne Rohme V. Florida
Serge Daniel T. Malapit

Mixing and Mastering:
Angelo C. Padua
Sean Timothy V. Saclolo

Instrumentation:
Andrew Thomas B. Maligaya
Jann Rapha-el S. Opeña
Sean Timothy V. Saclolo
Sheena May R. Novio

Recording Studio:
Tres Lights and Sounds Studio

𝗠𝗨𝗦𝗜𝗖 𝗩𝗜𝗗𝗘𝗢 𝗣𝗥𝗢𝗗𝗨𝗖𝗧𝗜𝗢𝗡

Directed by
Jam Vincent J. Guevarra

Story by
Clarence R. Bonga
Sofia Mae M. Paga
Xhiela Mie E. Cruz

Cinematography:
Jam Vincent J. Guevara

Videographers:
Risdon G. Polvito
Jam Vincent J. Guevarra
Dhens-j C. Hecto
Mark Rafael Bartolome
Christian Andrew Rodil
Ryncarl Dex Cea

Set Designers:
Ginelle F. Lagos
Aleeyah T. Villanueva
Jayson A. Bulugagao

Actors:
Kim Hannah De Leon
Julius Francis B. Gumayagay
Faith Marie E. Manlusoc
Richie E. Albado

Video Editors:
Clarence R. Bonga
Marc Sealtiel Zuñiga
Alvin Justine B. Cepeda

Graphic Design and Digital Artists:
Hannz Christian S. Fiel
Sarah Bernadine P. Buban
Marc Sealtiel Zuñiga
Irishmae Jeciel Pelina

22/12/2024

Tanaw mo na ba ang liwanag? ✨

Malamig na ang simoy ng hangin, dala ang mga kwento at himig ng pag-asa.

Maririnig at mapapanood na ang Christmas Station ID 2024 handog ng CvSU Musikeros, DZSU Hayag Luntian, at Sinagtala - Multimedia Arts Organization bukas, 6 PM.

---

CvSU Musikeros Digital Parol | Sarah Bernadine P. Buban
DZSU Digital Parol | Marc Sealtiel Zuñiga
SINAGTALA Digital Parol | Irishmae Jeciel Peliña
Pubmat | Hannz Christian Fiel

21/12/2024

STIRRING STORIES | Idinaos ang huling Press N' Brew lecture ngayong taon na pinamagatang "KAPE-tok sa Takilya: Brewing Stories for Digital Screen" sa Zoom at Facebook Live kasama si Kristine Gabriel, December 20.

Itinuro ni Gabriel, isa sa mga screenwriter ng mga kilalang pelikula at TV series kagaya ng Can't Help Falling In Love (2017) at Replacing Chef Chico (2023), ang pagsisimula sa tanong na “what if?” para makapagsulat ng kwento.

Dagdag pa niya, maaaring hugutin ang mga ideya mula sa karanasan, pananaliksik, malikhaing pag-iisip, o muling pagsasalaysay ng mga kwento.

“Lagi nating tandaan na tayo ang seed ng mga konsepto at kwento na ating binubuo,” ani Gabriel sa mga lumahok sa webinar.

Ipinaliwanag din sa webinar ang tamang balangkas ng logline, storyline, treatment, at script—maging ang papel ng producer bilang katuwang ng manunulat. Binigyang-pansin din dito ang malinaw na pagkakasunod-sunod ng mga hakbang para mas epektibong mailahad ang kwento.

Samantala, hinimok din ang mga kalahok na suportahan ang panibagong pelikula na ‘Ex Ex Lovers' tampok ang nagbabalik-tambalang Jolina Magdangal at Marvin Agustin, kung saan isa si Gabriel sa co-writers.

Ulat nina John Feliciano at Aaron Corporal

19/12/2024

19/12/2024

A CUP OF LIFE BEHIND THE CAMERA 🎥☕️

Lights, camera, action! Sa likod ng lente ng bawat pelikula, bida rito ang talento at pagkamalikhain ng mga manunulat. Kaya’t sabay-sabay nating tuklasin ang tamis ng karanasan ng nag-iisang Ms. Kristine Gabriel!

Abangan ang makabuluhang webinar bukas, December 20, 3 PM.

REGISTER HERE: forms.gle/rEMswJjnGvc378FaA

Isinulat ni Geneson Satsatin
Inilapat ni Sheil Ivan Domingo

18/12/2024

Isang taon na naman ang lumipas... 🎄

12/12/2024

ISKO-PRENEUR | Bilang bahagi ng pagdiriwang ng College of Economics, Management, and Development Studies (CEMDS) 26th Foundation Week, itinampok ng CvSU Junior Marketing Association ang "KASA KABALYEROS: Illuminating the Path of Sustainable Student Entrepreneurship" sa Old CEMDS Building mula December 11-12.

Patok dito ang iba't ibang booths kagaya ng IPIA-ERYA, My Callie's Bouquet, Gift Gallery by Rea, RezuPrints, JOMA, Anik Anik Atbp., CEMDS-JFINEX, Karaoke Booth ng PASOA, JPMAP, at DiploThrift.

Mananatiling bukas ang Kasa Kabalyeros hanggang alas singko ng hapon ngayong araw.

Ulat nina Sofia Paga, Hannah Almadrigo

08/12/2024

FEAST OF THE IMMACULATE CONCEPTION

Sa paggunita ng Kapistahan ng Mahal na Birhen ng Inmaculada Conception, dapat na isinasaisip ang pagbibigay-dangal at kapurihan sa nagsilang sa tagapagligtas na si Hesukristo.

Bilang ispiritwal na Ina ng lahat ng tao, bahagi ng pagdiriwang na ito ang pagdaraos ng misa at prusisyon sa mga simbahan kasama ang imahen ng Birhen, maraming deboto ang nakikibahagi rito.

Natatangi at napakahalaga ng araw na ito upang bigyan ang bawat isa ng oras na magnilay-nilay at magpaabot ng taimtim na panalangin sa ngalan ng Birheng Maria na puno ng grasya at pagmamahal sa sangkatauhan.

Isinulat ni Alicia Kelsey Reyes
Likha ni Marc Sealtiel Zuñiga

30/11/2024

GUNITAIN ANG NAG-IISANG SUPREMO!

“Itanim sa iyong puso na ang tunay na kahalagahan ng puri’t kaginhawahan ay ang ikaw’y mamatay sa ikaliligtas ng Inang bayan.” - Andres Bonifacio

Ngayong ika-30 ng Nobyembre ay inaalala ang tapang at kabayanihan ng Ama ng Rebolusyon na nanguna para pabagsakin ang tatlong daang taong pananakop ng imperyo ng Espanya.

Si Andres Bonifacio ang isa sa nagtaguyod at namuno ng Kataas-taasan, Kagalang-galangang Katipunan ng mga Anak ng Bayan o K*K, isang lihim na samahan noon na may layuning palayain ang mga Pilipino sa kamay ng mga Kastila.

Sa pagsapit ng ika-161 na kaarawan ni Bonifacio, kasabay nito ang taas-noong pagtindig at paglaban para sa bawat Pilipino at sa ating Bayang Sinilangan.

Patuloy nating gamiting tanglaw ang kanyang kadakilaan sa pagmamahal sa bayan upang manatiling buhay sa ating puso ang kanyang nasimulan at magsilbing paalala na ang ating dugo ay may agimat na taglay!

Isinulat ni Geneson Satsatin
Likha ni Randolf Perido

25/11/2024

TIME CHECK! ORAS NA PARA WAKASAN ANG KARAHASAN ⏰

Ano-anong mga batas at sino-sino nga ba ang takbuhan natin for a VAW-Free Community? Pag-usapan natin 'yan!

Tutukan ang pag-ere ng THEIRStory and Beyond: Gender, Safety, and Community Empowerment ngayong Miyerkules, 10 AM, dito sa aming page.

May kuwento ka bang gustong ibahagi para sa talakayan natin? I-share mo na 'yan gamit ang comment section!