Cavite Press Corps

24/11/2023

MILYONG-MLYONG HALAGA NG SHABU, NASABAT SA MAGKAKAHIWALAY NA OPERASYON

Nasabat ng mga awtoridad ang milyong-milyong pisong halaga ng iligal na droga sa magkakahiwalay na buy bust operation nitong miyerkules.

Sa Trece Martires City, nahuli ng PDEA ang dalawang mag-asawa na umano’y sangkot sa talamak na bentahan ng droga sa Metro Manila at mga kalapit na bayan ng Bulacan.
Narekober sa mag-asawa ang 5 plastic bags na naglalaman ng humigit kumulang 500g ng shabu at nagkakahalaga ng Php 3,400,000.

Sa Dasmariñas City, timbog ang isang lalaki sa operasyon ng PNP. Nsabat ng pulisya ang 5 plastic sachet na naglalaman ng 150g ng shabu at may standard drug price na Php1,035,000.

Nahahrap ang lahat ng mga inaresto sa kasong paglabag sa Comprehensive Dangerous Drugs Act of 2002

Photo Courtesy: PDEA/ Cavite PPO

24/11/2023

SECURTIY GUARD NA NAGBEBENTA NG FAKE SOLIDARITY STICKERS, ARESTADO

Timbog ang isang lalaki na nagbebenta ng pekeng solidarity stickers sa ikinasang entrapment operation sa Bacoor City bandang 10:30PM ng Nobyembre 22. Kinilala ang suspect na si Manuel Rodriguez, 42-taong gulang na security guard.

Nahuli siya sa aktong pagbebenta ng pekeng stickers sa isang police undercover. Narekober sa operasyon ang tatlong Strike Solidarity Route stickers, pitong sticker na may logo ng Las Piñas, isang cellphone at Php1,000 cash.

Ikinasa ang operasyon matapos humingi ng tulong Mayor Strike Revilla sa pulisya para hulihin ang mga nagbebenta at namimigay ng mga pekeng sticker sa lungsod. Tanging ang pamahalaang lungsod ng Bacoor lang ang pwedeng mag-isyu ng sticker sa mga motorista para makadaan sa mga subdivision.

Si Rodriguez ang ikalawang indibiduwal na nahuli ng pulisya na may kinalaman sa pagbebenta ng pekeng solidarity sticker.

Photo Courtesy: Bacoor CPS

24/11/2023

Tignan: Isang caviteño ang nagwagi sa 2023 PTA Smart MVP Sports Foundation National Age Group Poomsae and Kyorugi Taekwondo Championships na ginanap sa Ninoy Aquino Stadium noong nakaraang Nov. 11-12.

Nasungkit ni Ckean Edward Andrew Esquivel, 12 years old, ang gintong medalya. Nag-aaral siya sa Unida Christian School Inc. sa Imus, Cavite.

Saludo sayo ang Cavite Press Corps Family

23/11/2023

(BABALA: SENSITIBONG VIDEO)

Panoorin: CCTV ng pamamaril sa dalawang security guard ng Adventist University of the Philippines sa Silang, Cavite noong November 21.

CTTO

Basahin:
https://m.facebook.com/story.php?story_fbid=208925355579031&id=100093847032198&mibextid=2JQ9oc

23/11/2023

(BABALA: SENSITIBONG LARAWAN)

2 SECURITY GUARD NG UNIBERSIDAD, PATAY SA PAMAMARIL

Patay sa pamamaril ang 2 security guard ng Adventist University of the Philippines (AUP) sa Silang, Cavite, bandang 3:30AM noong November 21.

Kinilala ang mga nasawi na sina Marlon Pilinio at Ron Aldrin Siosa, kapwa nasa hustong gulang.

Ayon sa Silang Municipal Police, naka-duty ang dalawa nang pagbabarilin ng 'di nakilalang salarin sa gate ng pamantasan. Agad siyang tumakas sakay ng motor papunta sa direksyon ng Sta. Rosa, Laguna. May tama sa ulo at iba't ibang bahagi ng katawan ang mga biktima na agad nilang ikinamatay. Narekober sa crome scene ang 6 na piraso ng basyo ng .45 cal na bala.

Sa kanilang follow-up investigation, lumalabas na ang dating AUP security guard na si alyas "Darrel" ang suspect sa pamamaril. Nakikitang motibo sa krimen ang hindi nabayarang utang ng suspect sa isa sa mga biktima. Napag-alaman din na isa lang ang target sa pamamaril at nadamay lang ang kasamahan nito. Sinampahan na ng kasong murder si alyas "Darrel".

Sa naunang pahayag na inilabas ng AUP, sinabi ng unibersidad na isolated case ang pamamaril. Anila, wala itong kinalaman sa pamantasan o sa kanilang daily operations. Nagpasalamat ang unibersidad sa Silang Police dahil natukoy na ang pagkakakilanlan ng gunman.

Ayon kay Vice Major Edward ‘Ted’ Carranza, nakausap na niya ang may-ari ng security agency ng mga guwardiya. Aniya, sinabi ng ahensya na magbibigay sila ng tulong para sa pagpapalibing ng dalawa.

Photo Courtesy: Silang MPS

22/11/2023

COAST GUARD CADET, NASAWI SA TRAINING

Binawian ng buhay ang isang kadete ng Philippine Coast Guard (PCG) matapos malunod habang nasa training sa Sangley Point sa Cavite City.

Kinilala ang biktima na si CG Apprentice Seaman (ASN) Mori Caguay.

Ayon sa Maritime Safety Services Command (MSSC) ng PCG, sumalang si Caguay sa Water Search and Rescue (WASR) training dakong 7:53AM noong November 16 kasama ang iba pang kadete. Lumangoy siya patungo sa isang rubber boat. Ilang minuto ang lumipas, napansin ng training staff na unresponsive na si Caguay habang nasa tubig.

Inahon siya ng dalawang medical personnel at sinubukang isalba subalit wala pa rin itong malay makalipas ang tatlong minuto. Isinugod siya sa ospital subalit idineklarang dead o arrival ng doktor.

Nagpaabot ng pakikiramay ang pamunuan ng Coast Guard sa naulilang pamilya ni Caguay at tiniyak na magsasagwa sila ng imbestigasyon.

Photo Courtesy: PCG

22/11/2023

"16 anyos na binatilyo, arestado sa nakaw na motorsiklo at pagpatay sa may ari nito"

Arestado sa inilatag na Anti Carnapping Operation ng Highway Patrol Team ng Cavite at Magallanes Municipal Police Station, ang isang 16 anyos na binatilyo na kalauna'y nabistong suspek rin pala sa pagkamatay ng lalakeng biktima na may ari ng minamaneho nitong motorsiklo

Naharang sa checkpoint sa Magallanes-Maragondon Road sa Sitio Sumandal, Barangay Kabulusan, Magallanes Cavite, ang binatilyong si @ Mark, habang nagmamaneho ng itim na motorsiklong walang plaka, walang suot na helmet, naka tsinelas at wala ring lisensya ng masita ng HPT Cavite

Ayon kay HPT Cavite invest on case PCMS Ferdinand Cruz, nag ugat ang pagkaka aresto sa suspek, matapos na personal na magtungo sa kanilang tanggapan ang Ginang na si Aida Lee, noong Nov 9, 2023, bitbit umano nito ang spot report ng Magallanes MPS kaugnay sa nakitang bangkay ng kanyang anak na si Ed Gerald Lee sa creek noong umaga ng Oct 27, 2023, gayundin ang flash alarm report sa nawawalang motorsiklo ng biktima

Nov 17 ng makatangap umano ng tawag ang HPT Cavite mula sa confidential informant na namataang minamaneho sa Magallanes-Alfonso Road, ang nawawalang motorsiklo ng biktima, agad nagsagawa ng Anti Carnapping Operation ang HPT Cavite sa Magallanes at makalipas lang ang ilang sandali ay namataan nila at hinarang ang suspek

Dagdag pa ni PCMS Cruz, ikinumpara nya ang OR/CR na ipinakita ng suspek, sa nakaalarmang nawawalang motorsiklo ng biktima, gayundin ang chasis number nito at tumugma ito sa hawak nilang dokumento sa karnap na motorsiklo, kaya agad na nilang pinadapa, pinosasan at inaresto ang suspek

Sinampahan na ito ng patong patong na kaso kaugnay sa RA 10883 (anti carnapping law) at RA4136 (land transportation law), bukod pa sa isinampang Murder Case ng Magallanes MPS, kaugnay sa natagpuang bangkay ni Ed Gerald Lee

Nagawang makapanayam ng Cavite Press Corps ang suspek, at hindi nito itinanggi ang krimen, ayon sa kanya, kasama nila noong gabi ng Oct 26, 2023 ang biktimang si Ed Gerald Lee sa inuman, at dala ng kalasingan ay nagkaron daw sila ng komosyon hanggang mauwi sa pananakal sa biktima na nagresulta sa pagkamatay nito

Bukod sa naarestong suspek na si , may isa pa raw syang kasama ng mangyari ang krimen, at katulong niya ito ng isakay nila sa motorsiklo ang walang buhay na biktima na pinalabas nilang lasing lang din, saka ibiniyahe patungo sa creek kung saan nila ito inihulog

Ayon naman kay Ryan Lee, kapatid ng biktima, huling nakitang buhay ang kapatid nya noong gabi ng Oct 26, 2023, nang kumain ito ng hapunan sa bahay bago umalis mga bandang 8:30, kinabukasan ng umaga, nadiskubre na ang bangkay nito sa creek

Patuloy naman ang follow up operation ng pulisya kaugnay sa isa pang itinuturong suspek na responsable rin sa krimen

/ROSS CALDERON

21/11/2023

PROGRAMANG PABAHAY SA BACOOR, INILUNSAD

Inilunsad na ang programang pabahay ng City Government ng Bacoor ang "Tahanang Handog para sa Pamilyang Bacooreño". Bahagi ito ng Pambansang Pabahay para sa Pilipino Housing Program o (4PH) ni Pres. Bongbong Marcos.

Dumalo si Mayor Strike Revilla sa groundbreaking ceremony sa Zapote 1 Housing Project Site.

Ayon kay Revilla, layunin ng housing project na tugunan ang pangangailangan sa pabahay lalo na ang mga informal settler.

Inaanyayahan ng alkalde ang mga taga-Bacoor na makasama sa programa. Maaaring puntahan ang opisina ng Bacoor Housing Urban Development and Resettlement Department located sa 2nd Floor ng Bacoor City Hall at dalhin ang mga sumusunod na requirements:

1. SBR Card na nagpapatunay ikaw ay residente ng Bacoor

2. Patunay na ikaw ay PAG-IBIG MEMBER

(Screenshots from City Government of Bacoor FB Page)

20/11/2023

PAGBABAKUNA KONTRA HPV, UMARANGKADA

Inilunsad ng DOH CHD CALABARZON ang Region IV-A Human Papillomavirus (HPV) Community Based Immunization sa Carmona Community Center sa Carmona City, Cavite.

Binigyan ng bakuna kontra HPV ang mga batang babae na edad 9-14 years old.

Ang programa ay bahagi ng School-Based Immunization (SBI) initiative ng DOH para bigyan ng proteksyon ang mga kabataan mula sa HPV na dahilan ng pagkalat ng cervical cancer. Hinikayat ng DOH ang publiko na magpabakuna sa mga health center.

17/11/2023

CHRISTMAS TREE AT LIGHTS SA CARMONA CITY, PINAILAWAN

Pinailawan na ang christmas tree at lights sa Carmona City, Cavite. Pinangunahan ni Mayor Dahlia Loyola ang lighting ceremony sa plaza at city hall. May temang “Tanglaw 2023: Ang Liwanag at Sigla ng Pasko sa City of Carmona” ang selebrasyon ng pasko.

Napanood ng mga daan-daang dumalo ang live performance ng Carmona Guild of Local Artists. Binuksan din ang Christmas Trade Fair and Exhibit tampok ang nga putahe mula sa Davilan Food Trail.

Nakatakdang ilawan ang mga christmas light sa city park ng Carmona sa mga susunod na linggo.

Photo Courtesy: Carmona City LGU

10/11/2023

Tignan: Sumadsad ang isang trailer truck sa center island sa kahabaan ng Aguinaldo Highway sa Imus City bandang 7:50AM kaninang umaga. Nagdulot ng pagbigat sa trapiko ang aksidente.

10/11/2023

P23.8-M NA HALAGA NG SHABU, NASABAT SA BUY-BUST OPERATION NG PDEA SA LUNGSOD NG BACOOR

Bacoor City - Arestado ang apat na magkakaanak matapos ang isinagawang buy bust operation sa Brgy. Molino 4 sa Bacoor, Cavite nitong November 9, 2023 alas siyete ng gabi.

Pinangunahan ito ng PDEA RO-NCR Northern District Office katuwang ang PDEA RO-IVA Cavite Provincial Office, NICA at SDEU-Bacoor CPS.

Nakuha sa mga suspek ang nasa 3,500g ng hinihinalang shabu na nagkakahalaga ng mahigit 23.8 milyong piso.

Ang apat na magkakaanak ay pawang mga residente ng Pagadian City, Zamboanga Del Sur.

Nahaharap ng mga suspek sa Violation of Art. II, Section 5 ng RA. 9165 o ang Comprehensive Dangerous Drugs Act of 2002.

📷 PDEA

10/11/2023

https://www.facebook.com/100069239408530/posts/655089386809036/?mibextid=Nif5oz

Cavite PPO Daily Accomplishment

09/11/2023

MAG-AMA, PINATAY NG SARILING KAANAK

Pinatay sa saksak ang dalawang mag-ama sa Bacoor City, Cavite nitong martes.

Kinilala ang mga biktima na sina Alfredo De Lima at anak nito na si Ronaldo De Lima. Itinuturong suspect sa pagpatay ang bayaw ni Ronaldo na sina Renz Dela Cruz at Harry Dela Cruz.

Lumabas sa imbestigasyon na naunang nagka-alitan sina Ronaldo at Renz. Inabangan ng magkapatid si Ronaldo at saka sinaksak sa leeg at mukha. Umawat si Alfredo sa gulo subalit nasaksak siya sa dibdib. Isinugod sila sa ospital subalit binawian ng buhay.

Hinala ng kaanak ng mga biktima, posibleng nagalit si Renz nang malaman na pinagmamalabis umano ni Ronaldo ang kanyang misis na kapatid ng salarin. Ngunit ayon kay P/LtCol. John Paolo Carracedo, hepe ng Bacoor City Police Station, posibleng onsehan sa droga ang motibo sa likod ng pagpatay. Parehong may drug record sina Ronaldo at Renz sa istasyon.

Patuloy na pinaghahanap ang dalawang suspect na nahaharap sa kasong murder.

Photo Courtesy: Bacoor PNP

09/11/2023

PULIS CAVITE, PINURI SA PAGSAULI SA MAY-ARI ANG NAPULOT NA P8,550.00

PINAPURIHAN ng Cavite police ng ginawang 'good deeds' ng isang pulis makaraang personal na isinauli sa may-ari ang perang napulot sa gitna ng kalsada sa Trece Martires City Cavite kamakalawa ng hapon.

Personal na isinauli ni Police Captain Sonny Delos Santos ng Trece Martires City Police at nakatalaga sa Philippine Commission Office kay alias Alvin, 48, may-ari ng canteen at Comptroller ng isang kilalang bus commpany.

Una dito, nagsasagawa ng inspection si Delos Santos sa mga checkpoint nang napansin nito ang tila isang bugkos na nakalagay sa isang plastic sa gitna ng kalsada sa Brgy Inocencio, Trece Martires City, Cavite.

Pinulot niya at bumulaga sa kanya ang bugkos ng pera.

Nagtungo ito sa pinakamalapit na Police Community Precinct (P*P) sa lugar at tinanong kung may Closed Circuit Television (CCTV) at napanood nito sa screen ang isang lalaki na sakay ng isang motorsiklo at pabalik-palik sa lugar na tila may hinahanap.

Bumalik si Delos Santos sa lugar at kinompronta ang lalake kung ano ang hinahanap nito sa lugar.

Ayon kay Alvin, hinahanap nito ang kanyang pera na nagkakahalaga ng P8,550 na pinaniniwalaang nahulog sa kalsada matapos na dumaan sa isang checkpoint.

At nang maberika at nasiguro ni Delos Santos na si Alvin ang may-ari ng pera ay isa-isang binilang nito ang pera sa kanyang harapan at isinauli.

Ipinagpasalamat naman ni Alvin ang kabutihang ginawa ng pulis

Nabatid na ang nasabing pera ay pambibili sana ng grocery items na gagamitin sa kanilang kantina.

Sinabi naman ni Cavite Provincial Director Officer in-charge Police Colonel Eleuterio M. Ricardo Jr., na kikilalanin ang ginawang 'good deeds' ni Delos Santos sa pamagitan ng pagbibigay ng commendation sa gaganapiing flag raising sa Lunes sa Camp Gen. Pantaleon Garcia at sa mismong Trece Martires City Police Station.

Dagdag pa ni Ricardo na sana ay magsilbing magandang halimbawa ang ginawa ni Delos Santos sa iba pang kapulisan.


GENE ADSUARA /Abante/Abante tonite

09/11/2023

HIGIT P1-M NA HALAGA NG SHABU, NASABAT; ISANG HIGH VALUE INDIVIDUAL, KALABOSO

Nasabat ang higit 150g ng hinihinalang shabu na nagkakahalaga ng ₱1,035,000 sa buy bust operation ng mga pulis sa parking lot ng kilalang Mall sa Dasmarinas City, Cavite.

Timbog sa operasyon ang umano’y bigtime drug dealer at High Value Individual na si alias “Jerwin”.

Ayon kay Cavite Provincial Director P/Col. Eleuterio Ricardo Jr., 8:25PM kagabi nagkasa ng buy bust ang pinagsanib na pwersa ng Regional Police Drug Enforcement Unit 4A, Cavite Provincial Drug Enforcement Unit, at Dasmariñas Police laban sa suspect.

Nakumpiska din ang boodle money na ginamit sa operasyon, itim na sling bag na pinaglagyan ng mga shabu, at cell phone na pinaniniwalaang ginagamit sa transaksyon ng iligal na droga.

Kakasuhan ang suspect ng paglabag sa section 5 at Section 11 ng Republic Act 9165 o Comprehensive Dangerous Drugs Act of 2002.

Pinuri ni Acting Regional Director ng Police Regional Office CALABARZON P/BGEN. PAUL KENNETH LUCAS ang mga pulis na kasama sa operasyon dahil sa matagumpay na pagkakahuli sa High Value Individual.

“I want to congratulate the members of the Drug Enforcement Unit of PRO CALABARZON and our local police in Dasmariñas City. I also want to express my gratitude to the members of the community who helped our operatives by providing reliable information with regard to the whereabouts of this suspect and her illegal transactions in Cavite province. This significant accomplishment is the result of collective efforts of the PNP CALABARZON and the community.”

Photos: PRO IV-A

08/11/2023

Proud Caviteno 👏👏👏

https://m.facebook.com/story.php?story_fbid=712882700877300&id=100064667292377&mibextid=Nif5oz

Atty. Domingo Reyes Jr. elected as the New President of Pamantasan ng Lungsod ng Maynila

Pamantasan ng Lungsod Maynila is proud to announce Atty. Domingo Reyes, Jr. as the new President of the university. Atty. Reyes is poised to lead PLM to new heights in the years to come with his impressive background and a commitment to excellence in higher education. He is a writer, professor, lecturer, speaker, consultant and PAASCU accreditor, among others, and committed to public service.

President Reyes, known as “Sir Sonny” to many, will bring a wealth of experience to PLM, having served in various leadership roles within academia, including as a special assistant to the Chancellor at De La Salle College of St. Benilde and special assistant to the Vice Chancellor for Academics. He is also a Correspondent Lawyer and Psychologist, and has worked as a Human Resource Manager in various private companies. He understands the challenges and opportunities that universities are confronted with today.

President Reyes received his Doctor of Philosophy in Higher Education Management, with Highest Academic Distinction, from Centro Escolar University, his Juris Doctor from Manuel L. Quezon University, and his Master of Laws from Pamantasan ng Lungsod ng Maynila. Sir Sonny is clearly one of our own. His vision for the future of PLM aligns perfectly with our institution's mission and values.

As President Reyes takes the helm at PLM, together with the newly appointed Board of Regents, Dr. Joseph Berlin Juanzon, Dr. Neri Pescadera, and PLM’s new Board of Regents Chairperson Atty. Edward Serapio. With incumbent Board of Regents Wilma Galvante and Rita Riddle, they will work collaboratively with students, faculty, staff, and the broader community to continue building on the university's proud tradition of academic excellence and innovation. Their leadership will be instrumental in advancing our commitment to fostering a diverse and inclusive campus environment that embraces the full spectrum of human potential.
President Reyes is set to officially assume the presidency on October 31, 2023, and the entire PLM community looks forward to working closely with them as we undertake on this exciting new chapter in the university's history.

Please join us in extending a warm welcome to President Domingo Reyes Jr. as they take on this pivotal role. We invite you to stay tuned for future updates and announcements as we embark on this new journey together.

08/11/2023

https://www.facebook.com/100069239408530/posts/654206873563954/?mibextid=Nif5oz

07/11/2023

Tignan: Bubuksan na sa November 8 ang CALAX Silang (Aguinaldo) Interchange.

Matatagpuan ang entrance/exit sa Aguinaldo Hiway-Silang, Brgy. B**a 2 kung saan ang pinakamalapit na landmark ay sa National Shrine of Our Lady of La Salette.

𝗖𝗔𝗟𝗔𝗫 𝗜𝗦 𝗡𝗢𝗪 𝗖𝗢𝗡𝗡𝗘𝗖𝗧𝗘𝗗 𝗧𝗢 𝗔𝗚𝗨𝗜𝗡𝗔𝗟𝗗𝗢 𝗛𝗜𝗚𝗛𝗪𝗔𝗬! 🛣👏🎊

Exciting news mga Ka-Drayberks! CALAX Silang (Aguinaldo) Interchange will be open starting 𝟭𝟮𝗔𝗠 𝗼𝗳 𝗡𝗼𝘃𝗲𝗺𝗯𝗲𝗿 𝟴, 𝟮𝟬𝟮𝟯, 𝗪𝗲𝗱𝗻𝗲𝘀𝗱𝗮𝘆.

You can seamlessly navigate this new portion at no cost, providing FREE PASSAGE until further notice. Motorists will only be charged up to the Silang East Interchange toll fee.

This new interchange offers a faster route to the emerging tourism destinations of Silang town and Tagaytay City.

📍CALAX Silang (Aguinaldo) Interchange:
Google Maps: https://maps.app.goo.gl/ypKs8AL9PFhedsU1A
Waze: https://waze.com/ul/hwdw10fex7

06/11/2023

PBBM, PINANGUNAHAN ANG SELEBRASYON NG 67TH FOUNDING ANNIVERSARY NG NAVSOCOM

Pinangunahan ni Pangulong Ferdinand "Bongbong" Marcos Jr. ang paggunita sa 67th Founding Anniversary ng Naval Special Operations Command (NAVSOCOM) sa Naval Base Heracleo Alano (NBHA) sa Sangley Point, Cavite City na may temang ‘NAVSOCOM@67: Leading Innovations, Sustaining Excellence, and Forging a Legacy’.

Sinaksihan ng pangulo ang demonstration ng NAVSOCOM ng kanilang kasanayan at kadalubhasaan sa reconnaissance, close combat, demolition, intelligence at underwater operations.

Bilang commander-in-chief, kinilala ni Marcos ang mga kontribusyon ng NAVSOCOM para mapuksa ang smuggling at iba pang iligal na gawain sa bansa.

“As an elite unit of the Philippine Navy, the extensive counter-terrorism training and operations that you conducted against terrorist groups and other lawless elements, including your rescue missions, have greatly supported the AFP’s internal security efforts, especially in southern Philippines,” sinabi ng pangulo sa kanyang talumpati.

Tiniyak din ni Marcos na palalakasin pa ang kakayanan ng NAVSOCOM sa tulong ng Revised AFP Modernization Program.

"We will likewise support you in implementing programs to enhance your knowledge and skills, as well as ensure your welfare and equally important, your family’s well-being. Together, let us bring peace, stability, and prosperity in our lands and seas, all while standing as a wellspring of hope to our present and our next generations,” ani ni Marcos.

Ginawaran ng parangal ang mga subdalo na nagpamalas ng katapatan at kahusayan sa kanilang pagserbisyo.

Ang NAVSOCOM ay ang special operations unit ng Philippine Navy na may iba't ibang kakayanan sa sea, air and land (SEAL) operations.

(Screen shots from RTVM)

06/11/2023

Panoorin: Nahuli ang isang snatcher sa tapat ng isang kilalang mall sa Bacoor, Cavite. Tumakbo ang lalaki sa Sagana St. Brgy. Habay 2 matapos hablutin ang cellphone ng biktima subalit nahabol siya ng security guard, BTMD, at mga concerned citizen. Isinailalim na ng Bacoor City Police sa inquest ang suspect.

Video Courtesy: City Government of Bacoor

04/11/2023

DALAWANG LALAKI NA NAGNAKAW NG MOTOR, ARESTADO!

Hindi nakawala sa kamay ng mga awtoridad ang dalawang lalaki na angnakaw ng motor sa Imus, Cavite.

Kinilala ng Imus City Police Station ang mga suspect na sina alyas "Iyong" at alyas "Jomar". Ayon kay deputy station commander P/Maj. Ernesto Chavez, nagsumbong sa mga pulis ang biktima matapos mawala ang motor noong Nov.1 at nagpost ng larawan sa social media. Kinalaunan, may nakapagturo sa biktima na natagpuan ang motor sa isang motel sa Kawit, Cavite. Nakunan pa sa CCTV agn dalawang salarin na nasa motel.

Agad na nagkasa ng follow-up operation ang mga pulis kaya nahuli ang dalawa. Napag-alaman na kapitbahay ng isa sa mga suspect ang may-ari ng motor. Hindi na nabawi ang motor ng biktima na nagkakahalaga ng hindi bababa sa P120,000 dahil ibinenta na ito online.

Inamin ni alyas "Iyong" ang pagnanakaw dahil nadala siya ng pangangailangan. Subalit, itinanggi ni ni alyas "Jomar" na ninakaw nila ang motor kundi pinaalam lang sa may-ari nito.

Dati nang nakulong si alyas "Iyong" dahil sa iligal na droga.

Mahaharap ang dalawang lalaki sa kasong paglabag sa Anti-Carnapping Act.

Photo Courtesy: Imus PNP

01/11/2023

"RIDER SUMEMPLANG DAHIL SA BASANG KALSADA"

Dahil sa basang kalsada, dumulas ang gulong at tuluyang sumemplang ang isang lalakeng delivery rider sa kahabaan ng Barangay San Rafael 3 sa Noveleta Cavite, pasado alas dose ng tanghali kanina

Nawalan umano ng balanse ang rider pagsapit sa lugar dahil sa basang kalsada dulot ng manaka nakang pag ulan, nagkataon naman na may kasunod itong Barangay Ambulance mula Cavite City at tyempo ring nagpapatrulya ang Mobil Patrol Team ng Noveleta Police na agad rumesponde sa naaksidenteng rider

Hindi agad naisampa sa stretcher ang rider dahil iniinda nito ang kaliwang binti na hindi nya maigalaw, ilang minuto pa muna ang lumipas bago pinagtulungan ng mga pulis na maisampa sa stretcher ang rider at isinakay ng Barangay Ambulance para dalhin sa ospital

Kaya naman saludo ang Cavite Press Corps sa dalawang pulis Noveleta na sakay ng Mobil Patrol pati na rin sa mga sakay ng Barangay Ambulance na tumulong sa rider na madala sa ospital

Good Job mga sir at mam 👏👏👏

/ROSS CALDERON

31/10/2023

"NGCP REPORTS NORMAL OPERATIONS DURING 2023 BARANGAY AND SK ELECTIONS"

NGCP is set to deactivate its Overall Command Center (OCmC) and all regional command centers today, 31 October 2023, following the deactivation of the Department of Energy's power situation monitoring for the Barangay and Sangguniang Kabataan elections based on the near completion and closing activities of the COMELEC.

NGCP reports that it did not encounter any major system disturbance affecting the venues of the 2023 Barangay and SK Elections.

“After operating round the clock beginning 29 October 2023, NGCP is pleased to report that there were no major incidents that affected transmission facilities. NGCP assures the public that it is ready to activate its OCMC for similar critical events in the future,” stated the company

/ROSS CALDERON .

30/10/2023

Panoorin: Sumiklab ang sunog sa isang warehouse sa Brgy. Anabu 1-C sa Imus, Cavite. Umabot na ang sunog sa 3rd Alarm

(Video CTTO)

30/10/2023

CAVITE POLICE, MASAYANG WALA PANG NAIUULAT NA KAGULUHAN O' KRIMEN NA MAY KAUGNAYAN SA NAGAGANAP NA BSK ELECTIONS, ILANG MINUTO BAGO MAGSARA ANG MGA PRESINTO SA BOTOHAN.

Personal na umikot si Police Colonel Eleuterio Ricardo Jr., OIC Cavite Police Director, sa ilang mga presinto upang matiyak ang kaayusan sa nagaganap na halalan sa lalawigan.

Ayon pa kay Police Capt. Michelle Bastawang, Chief Provincial Public Information Officer, naging masigasig ang hanay ng kapulisan sa mga pagbabantay bago pa man maganap ang mismong araw ng eleksyon sa pamamagitan ng pagtatalaga ng mga checkpoints at mga pulis sa iba't ibang lugar hanggang sa matapos ang bilangan kaya inaasahan nilang matiwasay na magtatapos ang halalan.

Nanawagan naman sila na patuloy na makiisa ang publiko sa pagbabantay at hinikayat na i-report sa kanila ang mga mababantayang anumang karahasan at kaguluhan sa kani-kanilang lugar upang maging madali ang pag-aksyon nila rito.

/Janice Baricuatro

30/10/2023

NAKABOTO KANA BA?

30/10/2023

Tignan:

Sa Banaba Cerca Integrated School sa Indang, Cavite bumoto si COMELEC Chairman George Garcia para sa Barangay and Sangguniang Kabataan Election.

29/10/2023

PWD MAAGANG BUMOTO PARA SA BARANGAY AT SANGGUNIANG KABATAAN ELEKSYON SA CAVITE CITY

| Vincent Octavio

27/10/2023

PROUD CAVITEÑO!

Tampok ang mga ipinagmamalaking produkto ng Cavite sa "Cavitenda Trade Fair" ng Department of Trade and Industry (DTI) katuwang ang lokal na pamahalaan ng Silang, Cavite at Acienda Designer Outlet Center.

Nasa 20 na mga Micro, Small, and Medium Enterprises (MSME) mula sa iba't ibang bayan sa Cavite ang nakilahok sa trade fair. Mabibili ang kanilang mga produkto sa Acienda Designer Outlet sa Silang hanggang October 29.

Pinangunahan nina Silang Mayor Kevin Anarna at DTI Cavite Director Revilyn Cortez ang opening ceremony ng "Cavitenda Trade Fair".

Photos: Ruel Francisco/PIA Cavite

26/10/2023

"Honesty is the best policy"

Kakaiba ang pakulo sa Maragondon National Highschool sa Cavite para maiwasan ang pangongopya ng mga mag-aaral.

Nakasuot ng anti-cheating hat ang mga grade 9 student sa kanilang unang markang pagsusulit.

Iba't ibang disensyo ang nilikha ng mga estudyante kabilang ang mga karakter sa cartoons, hollywood films at anime,

Photo Courtesy: DepEd Tayo Maragondon NHS - Cavite Province

26/10/2023

DTI Cavite naginspeksyon sa ilang palengke na nagtitida ng kandila at bulakalak

Trece Martires City- Sabay sabay na naginspeksyon sa buong lalawigan ng Cavite ang Department of Trade and Industry o DTI sa mga tindahan ng kandila at bulaklak

Layon ng pag iinspeksyon ng ahensya ay upang masiguro na nasa tamang presyo ang kanilang bunebentang produkto

Ayon sa DTI magpapatuloy ang kanilang pag momonitor sa mga tindahan s lalawigan hanggang sumapit ang undas

| Vincent Octavio

26/10/2023

MURDER SUSPECT NA 16 YEARS NAGTAGO, ARESTADO SA BACOOR!

Matapos ang 16 na taong pagtatago, nahuli na ng mga pulis ang suspect sa pagpatay sa isang tanod sa Maynila sa ikinasang manhunt operation sa Bacoor City, Cavite.

Most Wanted Person ng Sta. Mesa Police Station sa Maynila ang inarestong si Michael Garcia na residente ng Bacoor. Taong 2009 nang ilabas ng korte ang warrant of arrest.

Ayon kay P/LtCol. Dionelle Brannon, hepe ng Sta. Mesa Police Station, nakakuha sila ng impormasyon sa mga kaanak ng biktima ni Garcia kung saan siya nagtatago. Nagsagawa ng surveillance ang mga operatiba bago siya tuluyang nadakip.

Napag-alaman ng pulisya na napatay ni Garcia ang tanod habang nagsusugal sa isang lamay sa Tondo noong 2007. Habang nasa impluwensya ng alak, pinalo niya sa ulo ang biktima gamit ang kahoy. Matapos ang krimen, nagtago siya sa kapatid sa Sampaloc at kalaunan. Nagtrabaho siya sa Dubai noong 2008 at nakauwi sa Pilipinas noong 2019.

Ayon kay Garcia, hindi niya alam na may warrant of arrest na inilabas laban sa kanya. Aminado siya sa pagpatay dahil puno na siya ng galit sa tanod. Aniya, nag-ugat ito sa matagal niyang alitan sa tanod dahil sa pambubully sa basketball. Humihingi naman ng kapatawaran ang inaresto sa mga kaanak ng biktima.

Photo Courtesy: MPD-PIO

26/10/2023

Inilunsad ng pamahalaang lungsod ng Bacoor, Cavite ang School Identification (ID) System sa Bacoor Elementary School, Brgy, Alima. Layunin nito na matiyak ang seguridad ng mga estudyante sa mga paaralan. Bilang official identification, may mga benepisyo at pribilehiyo ang mga makakuha ng ID.