What are the opening hours?

Monday 4am - 12am Tuesday 4am - 12am Wednesday 4am - 12am Thursday 4am - 12am Friday 4am - 12am Saturday 4am - 12am Sunday 4am - 12am

Aksyon Radyo Iloilo 720

Home
Philippines
Iloilo City
Aksyon Radyo Iloilo 720

This is the NEW page of MMBS-Aksyon Radyo Iloilo, the overall No. 1 radio station in Iloilo
(2)

18/06/2024

MASOBRA P200K NGA BALOR SANG SUSPECTED SHABU NA-RECOVER SA 27-ANYOS NGA LALAKI SA LAPUZ

ILOILO— Arestado ang 27-anyos nga lalaki sa drug buy bust operation sa Barangay Jalandoni Estate Lapuz subong nga gab-i.

Ginkilala ang subject kay alyas Adjen nga residente sang amo man nga barangay.

Suno kay Police Lieutenant Nick Gallego, team leader sang City Drug Enforcement Unit (CDEU), na-recover sa subject ang 14 ka sachets sang suspected shabu nga may standard drug price nga P204,000 kag nagabug-at sang 30grams.

Una nga semana pa lang sang Hunyo na-monitor na sang police nga naga-engage sa illegal activities ang subject gani gin-operate nila.

Wala ginbuyagyag sang subject ang ginakuhaan niya sang illegal drugs pero na-monitor sang police nga ang tanan nga nagasulod nga supply sa iya, gina-distribute niya sa bilog nga Lapuz.

By: Farrah Mae Morano | June 18, 2024, 9:40pm

18/06/2024

: Aksyon Night Patrol upod kay Aksyon Jorge Cabrera | June 18, 2024

Editor’s Note: AKSYON RADYO ILOILO welcomes different opinions and comments to stories posted in our page. We value healthy discussion and conversation but we also like our page to be a space for respectful dialogue. Abusive language that promotes hate, violence and discrimination and comments that consistently abuse community guidelines will be deleted. We reserve the right to hide or delete comments that we deem inappropriate.

18/06/2024

TRAFFIC ENFORCER GINREKLAMO NAGPANGILKIL SA MOLO; PULIS, GINREKLAMO MAN SANG KAGAWAD SA INDI MAAYO NGA AKTUWASYON

ILOILO CITY – Ginreklamo ni San Pedro, Molo Barangay Kawagad Rhomar Martirez ang pila ka mga personnel sang Iloilo City Traffic Management Unit (ICTMU) sang pagpangilkil sa mga tag-iya sang tricycle sa ila barangay kahapon sang aga, Hunyo 17.

Antes sini, ginpabutiyag ni Martirez nga ginpahibalo siya sang mga pumuluyo nga nagahimo sang clearing operation ang mga personnel sang ICTMU sa atubang sang ila barangay hall gani iya ginkadtuan agud magiyahan.

Nagsakay si Martirez sa iya motorsiklo padulong sa barangay hall pero ginsita siya sang police nga naga-upod sa clearing operation tungod wala siya sang suksok nga helmet. Ginpaathagan niya ang pulis nga nalipatan niya ang helmet tungod sa sobra ka dali.

Bisan nagpakilala na nga kagawad si Martirez kag nagpangayo sang pasensiya, ginsinggitan siya suno sa iya sang police nga “Helmet mo. Kagawad ka wala ka naga-helmet?”

Nagsabat ang kagawad nga issuehan na lang siya sang TOP kun may yara siya sang violation kag indi na pagsinggitan tungod madamo sang tawo. Wala gin-issuehan sang TOP ang kagawad kag nag-park na lang siya agud magbulig sa clearing operation.

“CLEARING OPERATION SANG ICTMU”

Suno kay Martirez, nagreklamo ang pila ka mga residente nga bisan wala nag-obstruct ang ila tricycle, nadalahig sila gihapon sa clearing operation.

Tungod sini, nagtawag si Martirez kay ICTMU Head, Retired Colonel Uldarico Garbanzos agud ayuon nga kun mahimo indi lang pag-impound ang mga tricycle tungod wala man naga-obstruct sa dalan. Nagpasugot man suno sa iya si Garbanzos.

Pero nagsabat ang isa sa mga personnel sang ICTMU, suno kay Martirez sang “’Kagawad okay ah. Pero dal-on lang namon anay sa YMCA [ang mga tricycle] pa-updi lang sang tawo ukon sin-o man da ang driver.’”

“GINPAHAYAG PAGPANGILKIL SANG ICTMU PERSONNEL”

Nakibot si Kagawad Martirez sang nagtawag sa iya ang isa sa mga tag-iya sang tricycle nga nagpanugid nga ginpangayuan sila sang “pangpamahaw” sang mga ICTMU personnel. May naghatag sang P100 kag P200 nga tricycle driver.

Wala ini nauyunan sang kagawad tungod ginapanindugan niya nga pigado ang pangabuhi sang mga tricycle driver gani indi nagakadapat nga pangayuan sila sang kuwarta.

Gintawgan ni Martirez ang taga-ICTMU kag ginsukmaan nga ginpangayuan nila sang pamahaw ang mga tricycle driver. Nag-sorry ang ICTMU personnel kag naghambal ibalik na lang ang kuwarta.

“NAGLAIN ANG BUOT SA PULIS”

Tungod sa kalain sang buot sa pulis nga nagsinggit sa iya, nagtawag si Martirez kay Police Lieutenant Colonel Lorenz Losaria, Deputy City Director for Operations sang Iloilo City Police Office (ICPO) agud i-report ang aktuwasyon sang pulis kag nagpasalig nga ipatawag ang natungdan.

“REKLAMO NI KAGAWAD MARTIREZ VS. GARBANZOS”

Kaina sang aga, gintawgan ni Garbanzos si Martirez kag gin-usisa kun ngaa gin-report ang police sa ila nga head.

Ginpahayag sang kagawad nga gintaasan siya sang tingog ni Garbanzos samtang naga-istoryahanay sila sa cellphone. Diri na kag ginsukmaan man ni Martirez si Garbanzos kun ngaa nagpangayo sang pangpamahaw sa mga tag-iya sang tricycle ang team sang ICTMU.

Ginakwestiyun ni Martirez ang ginhimo ni Garbanzos tungod indi naman siya konektado sa ICPO.

Tungod sa natabo, nag-report si Martirez kay Iloilo City Mayor Jerry Treñas agud maplastar kag mapaathag ang natabo. Nagpasalig ang alkalde nga aksyunan ang reklamo sang kagawad kag mahatagan sang leksyon ang ICTMU personnel.

Ginpasumiter sang affidavit si Martirez nga nagaplastar sang iya reklamo.

Nagpangayo man suno sa iya sang pasaylo si Garbanzos sang nagpadulong ang kagawad sa iya opisina.

By: Ariel Solacito/ Farrah Mae Morano | June 18, 2024, 8:58pm
via Firingline

E. MKT

18/06/2024

STL ILOILO CITY 8:00PM DRAW: 25 - 31 - 26

By: Maria Kayla Tingzon | June 18, 2024

18/06/2024

GINABANTA P100K NGA BALOR SANG SUSPECTED SHABU, NA-RECOVER SA DRUG BUY BUST OPERATION SA CITY PROPER

ILOILO— Nakuhaan sang ginabanta 10 tubtob 15 grams sang suspected shabu nga may standard drug price nga P100,000 ang 42-anyos nga lalaki sa drug buy bust operation sa Zamora-Milleza, City Proper subong nga gab-i.

Ginkilala ang subject kay alyas Randy nga tumandok sang Bo. Obrero, Lapuz pero naga-board lang sa City Proper upod sang iya pamilya.

Suno kay Police Captain Roque Gemino III, OIC sang Police Station 1, ang subject ang runner sang illegal drugs sa City Proper nga ginakuha sa iya nagkalain-lain nga sources.

Ginbuyagyag ni Gemino nga ginakuha sadto sang subject kay alyas Sarsuwa ang supply sang illegal drugs kag subong na-monitor naman nga sa Bakhaw, Mandurriao na siya nagakuha gamit ang iya E-bike.

Isa ka semana gin-monitor sang police ang subject tubtob nadakpan sa anti-drug operation.

By: Farrah Mae Morano | June 18, 2024, 7:22pm

E: ASolacito

18/06/2024

“ALICE GUO MIGHT BE GUO HUA PING WHO ENTERED THE PHILIPPINES ON JANUARY 12, 2003 WHEN SHE WAS 13 YEARS OLD” --SEN. SHERWIN GATCHALIAN SA IDENTITY NI BAMBAN, TARLAC MAYOR ALICE GUO

MANILA-- Palamangkutanon subong kun si Bamban, Tarlac Mayor Alice Guo ang nagapanag-iya sang records nga nakuha halin sa Board of Investments sang pag-apply sang pamilya Guo sang Special Investors Resident Visa (SIRV).

Ginpresentar ni Senador Sherwin Gatchalian ang dokumento nga nagapakita sang pagsulod ni Guo Hua Ping sang Enero 12, 2003 sang siya ang 13-anyos pa lang tungod nakabutang sa records nga Agosto 31, 1990 ang iya kaadlawan.

Dugang pa ni Gatchalian nga nagaguwa sa records nga si Lin Wenyi ang nakarehistro nga iloy ni Guo Hua Ping sa ila SIRV, nga una na ginsuspetsuhan nga matuod nga iloy ni Mayor Guo.

Una naman nga ginpahayag ni Mayor Guo nga “love child” siya sang iya tatay sa ila kabulig nga si Amelia nga naghalin sang bata pa siya.

Pero sang gin-check sa Philippine Statistics Authority (PSA), wala sang nakita nga birth records sang iya ginikanan.

Sang tinalikdan, ginhangkat pa ni Gatchalian si Guo nga magpaidalum sa DNA test upod kay Wen Yi Lin agud mapamatud-an ang iya nasyonalidad.

Nakabuyagyag man sang impormasyon si Senator Risa Hontiveros may kaangtanan sa dokumento nga nagapakita nga incorporator ukon stakeholder si Wen Yi Lin sa mga negosyo ni Guo.

Para kay Gatchalian, daku ang bulig sang nadiskubrehan nga dokumento agud mapabakud ang quo warranto case batok sa alkalde.

Nangin sentro sang kontrobersiya si Mayor Guo sang ginpahayag ang involvement sa gin-raid nga Philippine Offshore Gaming Operators (POGO) hub sa Bamban, Tarlac kag sang ginkwestyun ang iya citizenship tungod sa makaduluda nga mga dokumento nga makapamatuod nga siya isa ka matuod nga Filipino. --with reports from GMA News

By: Maria Kayla Tingzon | June 18, 2024, 7;18PM
via Senator Win Gatchalian/FB

E: ASolacito

18/06/2024

Editor’s Note: AKSYON RADYO ILOILO welcomes different opinions and comments to stories posted in our page. We value healthy discussion and conversation but we also like our page to be a space for respectful dialogue. Abusive language that promotes hate, violence and discrimination and comments that consistently abuse community guidelines will be deleted. We reserve the right to hide or delete comments that we deem inappropriate.

18/06/2024

LIVE: AKSYON BALITA EVENING EDITION upod kanday Aksyon Aine Grace Bravo kag Aksyon Ariel Solacito | June 18, 2024

TOP STORY: *Mga donasyon sang tagpalamati sang Aksyon Radyo Iloilo na-turn over na sa mga nasunugan sa Tanza Bonifacio kag Rizal Estanzuela; CSWDO nagahimo man sang psychological intervention sa mga biktima sang sunog

Sa iban nga mga balita:
*Avid listener sang Aksyon Radyo Iloilo nga taga-Molo, nagdaug sang P1,000 cash, gas stove kag payong sa Dakop Ka, Daug Ka Roleta promo sang estasyunan

*Iloilo City Mayor Jerry Treñas handa nga makig-istorya kay DPWH ICDEO OIC, Engr. Roy Pacanan nga gindeklarar sang siyudad nga persona-non-grata

*Serbisyo sang MPIW ginalauman nga ma-improve kun matakod na ang daku nga tubo nga ila gin-import halin sa Spain

*Iloilo may pinakamadamo nga kaso sang dengue sa Western Visayas base sa data sang DOH 6

*204 ka wanted persons nadakpan sa sulod sang isa ka semana sa Western Visayas

*Sports: Boston Celtics kampeon sa NBA Finals 2024 sang ginpierde ang Dallas Mavericks sa Game 5; Jaylen Brown gindeklarar nga finals MVP

FOREIGN EXCHANGE RATE: 1 US Dollar = P58.62

Editor’s Note: AKSYON RADYO ILOILO welcomes different opinions and comments to stories posted in our page. We value healthy discussion and conversation but we also like our page to be a space for respectful dialogue. Abusive language that promotes hate, violence and discrimination and comments that consistently abuse community guidelines will be deleted. We reserve the right to hide or delete comments that we deem inappropriate.

18/06/2024

STL GUIMARAS 5:30PM DRAW: 02 - 21

By: Maria Kayla Tingzon | June 18, 2024

18/06/2024

IN PHOTOS: AKSYON RADYO ILOILO NBA FINALS COVERAGE TEAM

Madamo gid nga salamat Mr. Demosthenes “Coach Dems” Toledo, sports director sang University of San Agustin Iloilo kag Mr. Francisco Elbanbuena sa pag-upod kanday Aksyon Nemesio Martirez kag Aksyon Christopher Robles sa pag-cover sang NBA Finals.

By: Aine Grace Bravo | June 18, 2024

18/06/2024

: Aksyon Reports Afternoon Edition upod kay Aksyon Jorge Cabrera | June 18, 2024

Editor’s Note: AKSYON RADYO ILOILO welcomes different opinions and comments to stories posted in our page. We value healthy discussion and conversation but we also like our page to be a space for respectful dialogue. Abusive language that promotes hate, violence and discrimination and comments that consistently abuse community guidelines will be deleted. We reserve the right to hide or delete comments that we deem inappropriate.

18/06/2024

NAGA-ISAHANON NGA BABAYE SA MAG-ULUTOD NGA TUPAS NGA NAPATAY, IPAULI SA ILA BALAY SA JARO BUWAS

ILOILO CITY -- Ipauli buwas, Hunyo 9, sa ila balay sa MV Hechanova Subdivision sa Jaro ang naga-isahanon nga babaye sa mag-ululutod nga Tupas nga si Nielette “Tweety” Tupas-Balleza nga napatay sang Domingo, Hunyo 16.

Ini ang ginpahibalo ni anay Iloilo City Councilor Lex Tupas paagi sa iya Facebook post.

Sa post sang anay konsehal, ma-umpisa ang hamyang buwas samtang igakumpirmar pa niya sa bana sang iya utod nga si Barotac Viejo Sangguniang Bayan (SB) Member Parly Balleza kun tubtob san-o ang hamyang sa siyudad kag kun san-o siya ipauli sa Barotac Viejo.

Nagpasalamat man siya sa tanan nga nagpalab-ut sang mensahe kag nagapakig-unong sa ila kasubo.

Si Tweety, naga-isahanon nga babaye sa pito ka mga bata ni anay Iloilo Gov. Niel Tupas, ang napatay sang Domingo, las-3 sang hapon. Wala na ginbuyagyag pa sang pamilya kun ano ang iya ginkamatay.

Yari ang kabug-usan sang Facebook post ni anay Iloilo City Councilor Lex Tupas:

Inday Tweety will go home tomorrow. My sister's remains will be brought to her house in MV Hechanova Subdivision in Jaro, Iloilo City tomorrow and wake will start tomorrow or by tomorrow afternoon. I have confirmed this with my Brother in Law Councilor Parly. The duration of the wake in the city and when will be the wake in Barotac Viejo and her internment or burial will be announced soon when her immediate family makes the final decision re that.
Thank you to all who called, who sent Text, Viber, IG, FB and whatsapp messages and those who posted on socmed messages of condolence and sympathy as well as their good memories with my sister. We surely miss her and I continue to be teary eyed. Some already said that they will send flowers, food and free flowing coffee. Thank you and we appreciate your love for my sister. My main concern is Tantan who is just an incoming Grade 6. I hope she is able to handle this situation well and she will be able to finish school well up to College and even beyond.
Picture below is one of the profile pictures that Inday Tweety posted before and it was with me and Candice. Thank you for helping me and Candice from courtship, to the engagement ring, to the wedding and to our married life as you were always our guest during occassions and even during Christmas or New Year and even our political journeys in Iloilo City. Thanks also for always making us part of your birthday and all your special events. I will always remember the good times.

By: Maria Kayla Tingzon | June 18, 2024, 4:42PM
via Lex Tupas AcctSix/FB

E: ASolacito

18/06/2024

P1,000 CASH, GAS STOVE, KAG PAYONG NADAG-AN NI LOURDES PAGOT SANG POBLACION, MOLO SA DAKOP KA DAUG KA ROLETA PROMO SANG AKSYON RADYO ILOILO

By: Khenjo Terco | June 18, 2024 3:26pm

18/06/2024

STL ILOILO CITY 2:30 P.M. DRAW: 13 - 33 - 18

By: Aine Grace Bravo | June 18, 2024

18/06/2024

LIBRE SAKAY SANG AKSYON RADYO ILOILO KAG MBC MEDIA GROUP SA TICUD TERMINAL, LA PAZ

By: JoMaque | June 18, 2024, 2:11pm
via Aksyon Angel Mae Ciudad
Aksyon Radyo Iloilo

18/06/2024

ILOILO GOV. ARTHUR DEFENSOR, JR., I-NOMINATE NI CITY MAYOR JERRY TREÑAS NGA MANGIN CHAIRMAN SANG REGIONAL DEVELOPMENT COUNCIL VI

I-nominate ni Iloilo City Mayor Jerry Treñas si Governor Arthur Defensor Jr., nga mangin chairman sang Regional Development Council VI kun ma-organize na ini kadungan sang pagtukod sang Negros Island Region.

Suno sa alkalde, subong nga separado na ang NIR sa Western Visayas, nagakinahanglan man nga bag-uhon ang RDC VI tungod si Bacolod City Mayor Albee Benitez ang incumbent chairman sini.

Ginbuyagyag sang alkalde nga dako ang economic impact sang pagseparar sang Negros Island sa Region 6 tungod dako man ang services sa Bacolod City apang malampuwasan ini sa gihapon sang rehiyon.

by: Justice Savvanah Pamplona | June 18, 2024, 1:56 pm
photo courtesy of: Balita Halin sa Kapitolyo

E. JoMaque

18/06/2024

Aksyon Lovelines

Editor’s Note: AKSYON RADYO ILOILO welcomes different opinions and comments to stories posted in our page. We value healthy discussion and conversation but we also like our page to be a space for respectful dialogue. Abusive language that promotes hate, violence and discrimination and comments that consistently abuse community guidelines will be deleted. We reserve the right to hide or delete comments that we deem inappropriate.

18/06/2024

STL GUIMARAS 12:30 P.M. DRAW: 7 - 26

By: Aine Grace Bravo | June 18, 2024

18/06/2024

63% SANG MGA PASYENTE NGA MAY DENGUE SA ILOILO PROVINCE NA-ADMIT SA MGA DISTRICT HOSPITALS — PROV’L HEALTH OFFICE

ILOILO — Gin-report sang Iloilo Provincial Health Office (IPHO) nga 63% sang mga pasyente nga may dengue ang na-admit sa mga district hospitals sa probinsiya.

Base man sa ginpresentar nga data ni PHO Head Dr. Maria Socorro Quiñon sa ginhiwat nga Asian Dengue Day, 23% sang mga kaso ang ginabulong sa Rural Health Unit, 13% sa city hospitals, kag 1% sa iban pa.

Sa 23rd morbidity week report sang PHO, 73.4% ang ginsaka sang kaso sang dengue subong nga tuig kun ikumparar sang 2023.

May kabug-usan nga 1,110 ka kaso subong nga 2024, mas mataas sa 640 cases sang nagligad nga tuig.

Gin-abisuhan naman ni Dr. Quiñon ang publiko nga pasangkaron ang pagpaninlo sa palibot agud nga matapna ang pagdamo sang dengue sa probinsiya.

Una na nga ginhaylo sang Department of Health Western Visayas Center for Health Development ang publiko nga sundon ang 4S strategy — search and destroy, seek early consultation, self-protection, kag say yes to fogging and spraying.

By: Cedrick Anona | June 18, 2024, 11:39am
Via Balita Halin sa Kapitolyo

E: AGB/JoMaque

18/06/2024

JAYLEN BROWN GINKILALA NGA 2024 NBA FINALS MVP

Napauli ni Jaylen Brown ang 2024 Bill Russel NBA Finals MVP makaligad ang kadalag-an sang Boston Celtics batok sa Dallas Mavericks.

Naka-average si Brown sang 20.8 points, 5.4 rebounds, kag 5.0 assists sa best-of-seven finals.

By: JoMaque | June 18, 2024, 11:30am
via NBA
Aksyon Radyo Iloilo

18/06/2024

LIVE: Balita, Banat, Bulig upod kay Aksyon Khenjo Terco | June 18, 2024

(AGB)

===========================================

Editor’s Note: AKSYON RADYO ILOILO welcomes different opinions and comments to stories posted in our page. We value healthy discussion and conversation but we also like our page to be a space for respectful dialogue. Abusive language that promotes hate, violence and discrimination and comments that consistently abuse community guidelines will be deleted. We reserve the right to hide or delete comments that we deem inappropriate.

18/06/2024

BOSTON CELTICS NAKUHA ANG CHAMPIONSHIP TITLE SA 2024 NBA FINALS

Ini ang labing una nga championship title sang Boston Celtics halin sang 2008 kag ika-18 sa kabug-usan nga NBA history.

Ginkilala nga Finals MVP si Jaylen Brown.

By: JoMaque | June 18, 2024, 11:01am
Aksyon Radyo Iloilo

18/06/2024

NAPABILIN SANG BOSTON ANG 2-DIGIT LEAD SA PAGTAKOP SANG 3RD QUARTER SANG GAME 5

By: JoMaque | June 18, 2024, 10:26am
Aksyon Radyo Iloilo

18/06/2024

NAGDAKU NA GID ANG ABANSE SANG BOSTON SA 21 POINTS SA PAGTAKOP SANG 2ND QUARTER SANG GAME 5

By: JoMaque | June 18, 2024, 9:42am
Aksyon Radyo Iloilo

18/06/2024

BANGKAY SANG 3 KA OFWs NGA NAPATAY SA SUNOG SA KUWAIT, NAKA-ABOT NA SA PILIPINAS

Ginsug-alaw sang ila pamilya kag pila ka government officials ang pag-abot sang bangkay sang tatlo ka mga Overseas Filipino Workers nga nalakip sa nasunog nga building sa Kuwait.

Ginkilala ang mga napatay kanday Jesus Lopez, Edwin Petilla, kag Jeffrey Catubay.

Ginpahayag ni Overseas Workers Welfare Administration (OWWA) Administrator Arnell Ignacio nga may P220,000 funeral assistance nga ginhatag ang ahensiya sa pamilya sang mga napatay.

Naghatag man suno sa iya sang $10,000 ang kompaniya sang mga napatay kag $15,000 ang Kuwaiti government.

Dugang ni Ignacio, gina-asikaso man nila ang insurance sang mga napatay.

Samtang, nasaylo na sa ward ang isa ka OFW nga na-ospital tungod sa serious injury nga iya na-agum kag nagapabilin naman ang isa pa sa ICU.

Lakip ang mga napatay kag napilasan sa mga Filipinos nga nagatrabaho sa Kuwaiti construction company kag naga-estar sa building nga nasunog.

Nagaguwa sa imbestigasyon nga short circuit ang gin-umpisahan sang kalayo sa dormitory sang mga workers. – via gmanews

By: Khenjo Terco | June 18, 2024 9:32AM

E: AGB/JoMaque

18/06/2024

ABANSE SANG 10 POINTS ANG BOSTON SA PAGTAPOS SANG FIRST QUARTER SANG GAME 5

By: JoMaque | June 18, 2024, 9:11am
Aksyon Radyo Iloilo

18/06/2024

ILOILO PROVINCE MAY PINAKAMADAMO NGA KASO SANG DENGUE SA WESTERN VISAYAS

Nagapanguna ang Iloilo Province sa may pinakamadamo nga kaso sang dengue sa Western Visayas base sa record sang DOH 6.

Halin Enero 1 tubtob Hunyo 8, may 3,482 na ka kaso sang dengue sa rehiyon.

Sa nasambit nga numero, masobra 1,120 ang halin sa Iloilo.

Siyam naman ang mga napatay sa rehiyon. Pinakaulihi nga napatay ang 20-anyos nga lalaki halin sa Iloilo Province. – via DOH 6

By: Khenjo Terco | June 18, 2024 9:05am

E: AGB/JoMaque

18/06/2024

ESTADOS UNIDOS GINKONDENAR ANG ILA GINTAWAG IRESPONSABLE NGA MGA AKSYON SANG CHINA SA SOUTH CHINA SEA

Gintawag sang Estados Unidos nga “escalatory” kag iresponsable ang mga aksyon sang China sa South China Sea.

Tungod sini, ginkondenar sang Estados Unidos ang mga aktibidad sang China sa nasambit nga teritoryo kag liwat nga nagpasiguro sang suporta sa Pilipinas.

Sang damlag lang, ginpahayag sang Chinese Coast Guard nga hungod nga ginpalapitan sang supply ship sang Pilipinas ang ila barko nga nagresulta sang pagbungguanay apang gin-deny sang Manila ang ini nga akusasyon.

Madumduman nga pila ka beses man nga ginbombahan sang Chinese Coast Guard sang water cannon ang mga barko sang Pilipinas nga nagadala sang supply sa Ayungin Shoal. – via Reuters with additional info from gmanews

By: Khenjo Terco | June 18, 2024 8:38am

E. JoMaque

18/06/2024

BAGONG PILIPINAS HYMN AND PLEDGE GIN-OBSERBAR NA SA ILOILO CITY HALL FLAG CEREMONY

Gin-obserbar na ang "Bagong Pilipinas" hymn kag pledge sa flag-raising ceremony sang Iloilo City Hall subong nga aga.

Ginkanta ang hymn pagkatapos sang Philippine National Anthem kag gin-recite naman ang pledge kaupod ang Panunumpa sa Watawat kag iban pa nga pledge.

Madumduman sang nakaligad nga semana, wala ini ma-obserbar tungod naka-sick leave si Mayor Jerry Treñas kag wala pa sang direktiba halin sa iya.

Santu sa Memorandum Circular 52 ni President Ferdinand Marcos, Jr., ginahaylo ang mga LGUs nga i-integrate ang recital sang Bagong Pilipinas Hymn and Pledge sa ila weekly flag ceremonies.

by: Justice Savvanah Pamplona | June 18, 2024, 8:35 am

E. JoMaque

17/06/2024

TRAFFIC AIDE SA JARO NGA GIN-POST SA SOCIAL MEDIA NGA NAGAPANGILKIL, MAKA-APAT KA BESES NA NGA GINREKLAMO

Apat ka separado nga reklamo ang nabaton sang Traffic Management Unit sa traffic aide sa Jaro nga gin-post sa social media nga nagapangilkil.

Suno kay Ret. Col. Uldarico Garbanzos, ikaduha nga semana snag Hunyo sang may duha ka separado nga complainant nga nagpadulong sa ila opisina agud personal nga magreklamo.

Magluwas diri, may video man nga ginpadala sa ila opisina nga nagapakita sang pagpangdakop sang traffic aide sa isa ka motorista. Makita man nga may gindaho ang driver sa traffic aide.

Ang ikaapat nga reklamo suno kay Garbanzos amo ang gin-post sa social media.

Ginsulit ni Garbanzos nga nagpamalibad na mag-esplikar pa ang traffic aide sang iya ginpatawag.

Gin-relieve sa Jaro ang traffic aide kag gin-assign sa opisina sang TMU sa Fort San Pedro, City Proper samtang ginahulat ang desisyon para sa iya immediate termination.

by: Justice Savvanah Pamplona | June 18, 2024, 7:43 am

E. JoMaque

Address

Suite 301 Carlos Uy Bldg. , Diversion Road, Mandurriao
Iloilo City
5000

Opening Hours

Monday	4am - 12am
Tuesday	4am - 12am
Wednesday	4am - 12am
Thursday	4am - 12am
Friday	4am - 12am
Saturday	4am - 12am
Sunday	4am - 12am

Telephone

+639641824403

Website

http://www.aksyonradyoiloilo.com.ph/

Alerts

Be the first to know and let us send you an email when Aksyon Radyo Iloilo 720 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Aksyon Radyo Iloilo 720:

Videos

Aksyon Balita Evening Edition

LIVE: AKSYON BALITA EVENING EDITION upod kanday Aksyon Aine Grace Bravo kag Aksyon Ariel Solacito | June 18, 2024 TOP STORY: *Mga donasyon sang tagpalamati sang Aksyon Radyo Iloilo na-turn over na sa mga nasunugan sa Tanza Bonifacio kag Rizal Estanzuela; CSWDO nagahimo man sang psychological intervention sa mga biktima sang sunog Sa iban nga mga balita: *Avid listener sang Aksyon Radyo Iloilo nga taga-Molo, nagdaug sang P1,000 cash, gas stove kag payong sa Dakop Ka, Daug Ka Roleta promo sang estasyunan *Iloilo City Mayor Jerry Treñas handa nga makig-istorya kay DPWH ICDEO OIC, Engr. Roy Pacanan nga gindeklarar sang siyudad nga persona-non-grata *Serbisyo sang MPIW ginalauman nga ma-improve kun matakod na ang daku nga tubo nga ila gin-import halin sa Spain *Iloilo may pinakamadamo nga kaso sang dengue sa Western Visayas base sa data sang DOH 6 *204 ka wanted persons nadakpan sa sulod sang isa ka semana sa Western Visayas *Sports: Boston Celtics kampeon sa NBA Finals 2024 sang ginpierde ang Dallas Mavericks sa Game 5; Jaylen Brown gindeklarar nga finals MVP FOREIGN EXCHANGE RATE: 1 US Dollar = P58.62 #AksyonRadyoIloilo Editor’s Note: AKSYON RADYO ILOILO welcomes different opinions and comments to stories posted in our page. We value healthy discussion and conversation but we also like our page to be a space for respectful dialogue. Abusive language that promotes hate, violence and discrimination and comments that consistently abuse community guidelines will be deleted. We reserve the right to hide or delete comments that we deem inappropriate.

Aksyon Reports Afternoon Edition

#LIVE: Aksyon Reports Afternoon Edition upod kay Aksyon Jorge Cabrera | June 18, 2024 Editor’s Note: AKSYON RADYO ILOILO welcomes different opinions and comments to stories posted in our page. We value healthy discussion and conversation but we also like our page to be a space for respectful dialogue. Abusive language that promotes hate, violence and discrimination and comments that consistently abuse community guidelines will be deleted. We reserve the right to hide or delete comments that we deem inappropriate.

NBA FINALS LIVE COVERAGE

NBA FINALS LIVE COVERAGE Editor’s Note: AKSYON RADYO ILOILO welcomes different opinions and comments to stories posted in our page. We value healthy discussion and conversation but we also like our page to be a space for respectful dialogue. Abusive language that promotes hate, violence and discrimination and comments that consistently abuse community guidelines will be deleted. We reserve the right to hide or delete comments that we deem inappropriate.

Aksyon Balita Numero Uno

LIVE: #AksyonBalitaNumeroUno upod kanday Aksyon May dela Cruz-Ortega kag Aksyon Khenjo Terco l June 18, 2024 TOP STORY: Mga nasunugan sa Rizal Estanzuela kag Tanza Bonifacio, City Proper nga kalabanan halos wala sang nasalbar nga kagamita naga-apelar sang mga donasyon Sa iban nga mga balita: *Traffic aide nga nakuhaan sang video nga nagapangilkil sa Jaro, apat ka beses na nga ginreklamo sa Traffic Management Unit *LTFRB6 mapaguwa sang fare matrix para sa P10 nga increase sa flag down rate sang taxi subong nga semana *Lockdown indi pag-ipatuman sa Western Visayas sa tunga sang pamahog sang FLiRT variant sang COVID-19 suno sa DOH 6 *9 patay tungod sa dengue sa Region 6 *57-anyos nga trisikad driver patay sang nabungguan sang Ceres bus sa Barotac Nuevo *Intenational news: Russian President Vladimir Putin mabisita sa North Korea *Point guard Kyrie Irving nagapati nga daku pa ang tiyansa sang Dallas Mavericks nga makabawi sa 3-1 deficit batok sa Boston Celtics subong nga aga Editor’s Note: AKSYON RADYO ILOILO welcomes different opinions and comments to stories posted in our page. We value healthy discussion and conversation but we also like our page to be a space for respectful dialogue. Abusive language that promotes hate, violence and discrimination and comments that consistently abuse community guidelines will be deleted. We reserve the right to hide or delete comments that we deem inappropriate.

Aksyon Balita Evening Edition

#LIVE: Aksyon Balita Evening Edition upod kanday Aksyon Aine Grace Bravo kag Aksyon Ariel Solacito | June 17, 2024 Top Story: CSWDO nanghatag sang food kag non food items sa mga nasunugan sa Tanza Bonifacio kag Rizal Estanzuela; Financial aid sa mga tag-iya sang panimalay nga nasunog sa City Proper ginaproseso na Sa iban pa nga mga balita: Pila ka nasunugan sa duha ka barangay sa City Proper wala gid sang nasalbar nga kagamitan Traffic aide nga ginreklamo nga nagapangilkil sa Jaro 3-4 ka bulan pa lang sa serbisyo Mayor Jerry Treñas wala pa sang desisyon sa hingyo ni DPWH ICDEO OIC, Engr. Roy Pacanan nga makig-istorya sa iya P170 million nga balor sang Disaster Risk Reduction programs gin-aprubahan sang Iloilo Provincial Board Lalaki nga nagtiro sa van nga naglabay lang sa Barangay Braulan, San Enrique pasakaan sang kaso nga attempted multiple murder Barko sang Pilipinas kag China nagbunggu-anay malapit sa Spratly Island sa South China Sea #AksyonRadyoIloilo Editor’s Note: AKSYON RADYO ILOILO welcomes different opinions and comments to stories posted in our page. We value healthy discussion and conversation but we also like our page to be a space for respectful dialogue. Abusive language that promotes hate, violence and discrimination and comments that consistently abuse community guidelines will be deleted. We reserve the right to hide or delete comments that we deem inappropriate.

Aksyon Reports Afternoon Edition

#LIVE: Aksyon Reports Afternoon Edition upod kay Aksyon Cedrick Anona | June 17, 2024 Editor’s Note: AKSYON RADYO ILOILO welcomes different opinions and comments to stories posted in our page. We value healthy discussion and conversation but we also like our page to be a space for respectful dialogue. Abusive language that promotes hate, violence and discrimination and comments that consistently abuse community guidelines will be deleted. We reserve the right to hide or delete comments that we deem inappropriate.

Aksyon Hotline

#AksyonHotline | Lunes, Hunyo 17 -56 ka mga balay nasunog sa Rizal Estanzuela kag Tanza Bonifacio kaina sang kaagahon *pila sa mga residente wala gid sang may nasalbar nga mga gamit *magluwas sa pagkaon, nagakinanglan man sang mga bayo ang mga nasunugan -#FYI: Holiday subong nga adlaw tungod sa selebrasyon sang Eid’l Adha ukon Feast of Sacrifice sang mga Muslim -Suspek nga naniro sa van sang pamilya nga makadto sa himatayan sa San Enrique, Iloilo nakilala na -#ICYMI: P50 nga flag down rate sa taxi maga-epekto sugod bwas suno sa LTFRB; Mga drivers indi makapanukot kun wala sang fare matrix -Traffic aide nga ginreklamo nagapangilkil natalana i-dismiss sa serbisyo -Iloilo City District Engr. Roy Pacanan may sabat sa pagdeklarar sa iya nga persona non-grata ni Mayor Jerry Treñas (JoMaque) ------------------ Editor’s Note: AKSYON RADYO ILOILO welcomes different opinions and comments to stories posted in our page. We value healthy discussion and conversation but we also like our page to be a space for respectful dialogue. Abusive language that promotes hate, violence and discrimination and comments that consistently abuse community guidelines will be deleted. We reserve the right to hide or delete comments that we deem inappropriate.

Aksyon Balita Numero Uno

LIVE: Subong sa #AksyonBalitaNumeroUno upod kanday Aksyon May dela Cruz-Ortega kag Aksyon Khenjo Terco l June 17, 2024 TOP STORY: 56 ka mga balay nasunog sa Rizal Estanzuela kag Tanza Bonifacio kaina sang kaagahon Sa iban nga mga balita: *10 pesos nga increase sa flag down rate sang mga taxi, ma-epekto buwas, Hunyo 18 *Lima ka winners sa Dakup Ka, Daug Ka, Roleta promo sang Aksyon Radyo Iloilo, lawagon subong nga semana *Bugtong nga bata nga babaye ni anay Iloilo Governor Niel Tupas napatay *4 ka balay nasunog sa Barotac Nuevo *21 ka Filipino seafarers nga na-rescue sang gin-atake sang Houthi rebels ang ginsakyan nga barko sa Red Sea maabot sa pungsod subong nga adlaw *DOLE nag-angal sa pagkalakip sa Pilipinas sa Top 10 worst countries for workers *Meralco Bolts nagkampeon sa PBA Philippine Cup Finals Editor’s Note: AKSYON RADYO ILOILO welcomes different opinions and comments to stories posted in our page. We value healthy discussion and conversation but we also like our page to be a space for respectful dialogue. Abusive language that promotes hate, violence and discrimination and comments that consistently abuse community guidelines will be deleted. We reserve the right to hide or delete comments that we deem inappropriate.

Aksyon Reports Morning Edition

Aksyon Reports Morning Edition Editor’s Note: AKSYON RADYO ILOILO welcomes different opinions and comments to stories posted in our page. We value healthy discussion and conversation but we also like our page to be a space for respectful dialogue. Abusive language that promotes hate, violence and discrimination and comments that consistently abuse community guidelines will be deleted. We reserve the right to hide or delete comments that we deem inappropriate.

WATCH: PAGBULIGAY SANG MGA RESIDENTE AGUD MAPALONG ANG KALAYO SA NAGAKASUNOG NGA PAMALAY SA TANZA BONIFACIO, RIZAL ESTANZUELA, CITY PROPER By: Farrah Mae Morano | June 17, 2024, 3:31am Via Aksyon Kayla Tingzon #AksyonRadyoIloilo

WATCH: PAGBULIGAY SANG MGA RESIDENTE AGUD MAPALONG ANG KALAYO SA NAGAKASUNOG NGA PAMALAY SA TANZA BONIFACIO, RIZAL ESTANZUELA, CITY PROPER By: Farrah Mae Morano | June 17, 2024, 3:31am Via Aksyon Kayla Tingzon #AksyonRadyoIloilo