https://www.facebook.com/103963726035736/

Bagong Maskara

Home
Philippines
Iloilo City
Bagong Maskara

Opisyal na Online Publikasyon ika-5 Distrito Iloilo.

10/05/2023

BITAG SA LIKOD NG MGA NAKAKATUKSONG HARAYA

Taas
Baba
Taas
Baba

Sa madilim na sulok ng aking silid, sa liwanag na nagmumula sa aking kompyuter, tumatagaktak ang mga butil ng pawis habang hinahabol ko ang aking paghinga, damit na nakatapon sa sahig, isang kamay na nasa gitna ng nanginginig kong mga binti at muling naadik sa karamdaman na ako'y parang hinakap ng langit kapag naabot ang yuporiyang inaasam. Ako'y napabuntong hininga dahil sa galak, nilalasap ang kaluguran na idinulot ko sa aking sarili. Ang kasiyaha'y unti-unting naglaho tulad ng mga ulap pagnatapos ang ulan. Ang kasiyaha'y napalitan ng pagkasuklam sa sarili; parang binuhusan ako nang malamig na tubig sa reyalisasyon na ang ginawa ko ay mali, nagdedepende ako sa mga imahe na malaswa para makamit ang temporaryang kasiyahan na nalasahan ko.

Taas
Baba
Taas
Baba

Ang lawin-lawinan ay tumitili habang ako ay nakasakay. Sa murang edad, ako'y naglalaro lamang ng mga laruang kotse, kinukulayan ang mga pader ng krayola, maligalig at puno ng pagtataka. Ako'y lumakad papunta sa aking bahay, hawak ang aking kotseng laruan, ang pawis na binabasa ang aking damit at ang aking mga paa't kamay ay ngangangalay. Ang aking mga maliliit na paa ay pumasok sa aking kinikilalang bahay, ako'y napatigil sa nasaksihan: ang ama't ina ay magkadikitan, mga labi na nakalapat sa isa' isa, habang patuloy ang pag indayog ng kanilang katawan sa ritmong sila lamang ang nakakaalam. Ang musmos kong pag-iisip ay nabahidan ng kayumang makasalanan. Bilang isang bata, ito ay makabago pa lamang sa isip. Ako'y umalis at nag-umpisang nag muni-muni, pilit na iniintindi kung ano nga ba ang kahulugan ng mga aksyon nila; mga aksyon na kadalasang nakikita ko sa mga pelikula.

Taas
Baba
Taas
Baba

Ang pagpapalo ng martilyo lamang ang naririnig ko habang pinipilit ko na ibaon ang pako sa kahoy. Ang boses ko'y lumalalim, ang tangkad ay nadadaragdagan, at ang pag-iisip ay napalawak. Ako'y isang binata nang nasagot ko ang tanong na nasa musmos kong isip noon. Ang kahulugan kung bakit ginagawa iyon ng mga tao ay dahil sa pagmamahal o sa kasiyahan lamang. Ako'y isang binata nang inumpisahan ko na ang magpakalabis sa mga pelikula na para sa mga may tamang edad. Ako'y binata pa lamang nung nag-umpisa ang pagkasira ng buhay ko.

Taas
Baba
Taas
Baba

Ako'y kumuha ng isang malalim na paghinga para mapakalma ang humihika kong dibdib. Sa aking madilim na silid, ako ay nakaupo. Nasulyap ang aking kagagawan, napagtantong ito'y makasalanan. Ang mukhang nagmula sa kaluguran ay unti-unting banayad na napalitan ng pagkapandidiri na parang nakakita ng di-kanais-nais na wangis.
Ipinipilit na pigilan ang sarili, tila ang kimukin ay napaka lakas na parang leon na ipinagutuman. Ang labis na pagnanais na manood ng mga larawan at bidyo na makakapagbigay sakin ng kasiyahan. Ito'y inumpisahan ko na at hindi ko basta-bastang maipatigil. Araw at gabi, minuminuto at segu-segundo ay nasasakop ang isip ng mga harayang nakakatukso. Ang mga nakakaakit ng mga imaheng paulit-ulit na nakakabighani. Tila bang hibang na nauuhaw sa kaligayahang naiipamalas ng pagmasid ng mga harayang nakaliluk na sa utak ko.

Taas
Baba
Taas
Baba

Ang tuhod ko'y tumatalbog dahil sa kaba na kinakain ako ng buhay. Ako'y nasa lugar kung saan ito'y pinag-aaralan, pinupuno ng mga taong determinadong makapasa sa mga pagsusulit habang ako lamang ay nakatitig sa papel na makasisira o magpapaganda ng aking kinakabukasan. Ang pawis ko'y malayang tumutulo sa aking mukha at ang mga bibig ay natuyo sa takot. Ito na ang kahinatnan ng aking makasalanang isip at aksyon. Ang pagsusulit na nasa harapan ko ay hindi ko naipasa. Ang pagsusulit na ibinalewala ko dahil sa aking bisyo. Ayoko na maging ganito: isang taong kontrolado ng kaniyang udyok. Oras na para pigilan ko ito.

Tumataas
Tumataas
Tumataas
Tumataas

Tumataas ang bilang ng araw na hindi ko pinag-isipan ang mga malalaswang haraya. Ang pagtitigil sa aking adiksyon ay parang lumalalakad sa nakakapasong apoy. Isang labanan na hindi simple lang pero ito'y aking napanalo. Ang aking isipan ay naging malaya, malinis at naging klaro. Ang paglakad sa nakakapasong apoy ay isa lamang na sakripisyo para makamit ang tunay na kasiyahan.

10/05/2023

KA-5 TAUNANG PAGTATAPOS NG BALASAN, IDINAOS

BALASAN, ILOILO- Balasan National High School idinaos ang ika-5 taunang pagtatapos sa temang “Chasing Dreams, Embracing Change” sa Balasan National High School Covered Gymnasium noong Mayo 8, 2023.

Naging pangunahing tagapagsalita si Atty. Thea Faye B. Cahuya (2023 Bar Exam Passer), na nagbigay ng kanyang pagbati sa mga nagsipagtapos at nagpahayag ng kanilang kalakasan sa ilang taon na ginugol nila sa kanilang pag-aaral. Sinabi rin niya na ang mga nagsipagtapos ay naghahanda na upang tumugon sa mga hamon ng mundo sa kanilang propesyon.

“Believe in yourself, take on your challenges, dig deep within yourself to conquer fears. Never let anyone bring you down. You got this!” dagdag pa niya.

Mahigit kumulang 846 Senior High School graduates ang dumalo kasama ang kanilang mga magulang at kaibigan sa Commencement Exercise at nakibahagi sa tagumpay na ito.

10/05/2023

Sa kabuuan, ang mataas na kwalipikasyon ng gobyerno para sa trabaho ang isa sa mga rason kung bakit karamihan sa nakapagtapos sa K-12 Program ay wala pa ring trabahong napasukan. Ang pag-“overhaul” sa K-12 Program ay maaaring magdulot ng mga pagbabago at pagpapabuti sa edukasiyon ng mga mag-aaral. Maaaring mapunan ang mga kakulangan at maging mas epektibo ang mga estratehiya at pagtuturo. Kailangan din ng malawakang pakikipag-ugnayan sa mga stakeholders tulad ng mga mag-aaral, g**o, magulang, at iba pa upang masig**o na ang mga hakbang na gagawin ay nakatugon sa mga pangangailangan at kapakanan ng sangkot sa edukasyon.

Kailangang pababain ng gobyerno ang pamantayan sa mga tuntunin ng paghahanap ng trabaho ng mga nakapagtapos sa K-12 Program. Sa pamamagitan nito, mas marami ang maaalok na trabaho at mabibigay na oportunidad para sa kanila. Bukod dito, mahalagang surrin din ang kasalukuyang curriculum ng K-12 Program upang malaman kung may mga kakulangan o mga lugar kung saan ito dapat mapabuti. Panghuli, nangangailangan ito ng malawakang pagpapabuti at koordinasyon sa pagitan ng mga sector ng lipunan, kabilang ang edukasyon, industriya, at pamahalan.

10/05/2023

RHEALYN DECOSTA INUWI ANG GINTONG MEDALYA SA WVRAA 2023

Karangalan ang dinala ni Rhealyn Decosta matapos na sinungkit ang gintong medalya sa Shot Put and Discuss Throw sa natapos na WVRAA Meeting 2023 sa probinsya ng Aklan, Abril 15-18, 2023.

Sa unang resulta ng laro sa Shot Put event, nakuha ni Decosta ang gintong medalya laban sa Aklan.

Muling nangibabaw ang galling ni Decosta sa Discuss Throw event matapos talunin ang Negros Occidental.

“Thank you guid sa tanan nga nag support sa akon. Especially sa akun nga pamilya, tinguha-on ko guid nga madala liwat sang medalya sa Palarang Pambansa”, ani Decosta matapos itong panayamin.Labis naman ang kasiyahan ni ng mga tagasanay ni Decosta na sina Gng. Helen Grace Saldevia at Gng. Imelda Dionora"

Muling lalaban si Decosta sa paparating na Palarong Pambansa 2023 sa Hulyo 29 hanggang
Agosto 5.

pampalakasan

Maskara

Address

Iloilo
Iloilo City

Telephone

+639636676593

Website

facebook.com

Alerts

Be the first to know and let us send you an email when Bagong Maskara posts news and promotions. Your email address will not be used for any other purpose, and you can unsubscribe at any time.