Iloilo Balita Subong

26/01/2025

Tatlo ka Linemen, Nadakpan sa Pagpangawat kag Pagbaligya sang mga Kable sang Kuryente sang MORE Power

Iloilo City - Tatlo ka linemen ang maga-atubang sang madamo nga kaso matapos nga madakpan sang MORE Power nga nagabaligya sang mga kinawat nga kable sang kuryente sa isa ka junk shop.

Ang mga suspek, nga ginkilala nga sanday Leo Dela Cruz, Mark Xyrone Cabansay, kag Joseph Mobe, mga empleyado sang FVE Electrical Services and Supply Corporation, isa ka kontratista sang MORE Power.

Suno sa mga suspek, ila gin-karga ang tatlo ka rolyo sang mga kable sang kuryente halin sa ila nga barracks sa Buntatala, Jaro, sa ila nga service truck Sabado sang aga (Enero 25).

Gindala nila ang mga kable sa isa ka junk shop sa Brgy. Cagamutan Norte, Leganes, para ibaligya.

Ang mga gwardya sang MORE Power ang nagdakop sa mga suspek kag ginturn-over sa Leganes PNP para sa pagpablotter. Gindala naman sila dayon sa Jaro Police Station para sa dugang nga imbestigasyon.

Ang tatlo ka rolyo sang mga kable nga ginpangawat ginabanta nga nagabalor sang indi magnubo sa P50,000.

Nagpasaka sang reklamo ang MORE Power para sa qualified theft batok sa mga suspek, kag temporaryo nga gin-detener sila sang pulis para sa inquest case.

Sa ilalum sang revised penal code nga gin-amend sang RA 10951, ang silot para sa qualified theft amo ang prision correccional (6 ka bulan kag 1 ka adlaw tubtob 6 ka tuig) tubtob prision mayor (6 ka tuig kag 1 ka adlaw tubtob 12 ka tuig), depende sa balor sang ginpangawat nga propiedad kag sa mga aggravating circumstances.

Magapasaka p gid sang dugang nga mga reklamo ang MORE Power batok sa mga suspek para sa paglapas sa Anti-fencing law kag posible nga paglapas sa Anti-Pilferage law.

Nagpaandam ang MORE Power sa ila mga kontratista kag mga linemen nga indi gid pagkawaton ang mga materyales nga ginatugyan sa ila para sa pagkay-o sang mga pasilidad sang kuryente.

20/01/2025

KORTE SUPREMA, NAGPABOR SA EXPANSION SANG MORE POWER SA MGA LUGAR NGA SAKOP SANG ILECO'S

Ginbasura sang Korte Suprema ang petisyon sang Iloilo Electric Cooperatives agud punggan ang pagsulod sang MORE Power sa iban nga mga kabanwahanan sang probinsya nga ila nasakupan.

Ginpirmahan sang Katorse ka mga mahistrado sang Korte Suprema ang 20 ka pahina nga desisyon sang nagligad nga July 30, 2024 kag gin release ang kopya sang sini lang nga Enero, 2025, nga nagabasura sa Petition for Certiorari and Prohibition with Prayer for the Issuance of Temporary Restraining Order and Writ of Preliminary Injunction nga naga kwestyon sa constitutionality sang prangkisa para sa expansion sang MORE Power.

Madumduman nga gintagaan sang Kongreso sang prangkisa ang MORE Power paagi sa Republic Act 11918 agud nga maghatag man sang ila nga serbisyo sa mga kabanwahanan nga sakop sang segundo kag kwatro distrito sang Iloilo matapos nga magpanawagan ang mga pumuluyo sa ila mga Congresses.

Ini nga mga lugar ang ginaserbisyohan sang ILECO's kun sa diin may ara sila sang prangkisa.

Apang ginklaro sang pinakamataas nga korte nga wala sang exclusivity sa prangkisa sang mga Electric Cooperatives kag ini ang klaro na nga nakasulat sa 1935, 1973 kag 1987 Constitution, "No franchise, certificate or any other form of authorization for the operation of a public utility shall be granted except to citizens of the Philippines or to corporations or associations organized uner the laws of the Philippines, at least sixty per centrum of whose capital is owned by such citizens, nor shall such franchise, certificate or authorization be exclusive in character or for a longer period than fifty years".

Suno sa mga mahistrado, klaro na sang nakasulat sa constitution kag wala na ini nagakinahanglan sang iban pa nga interpretasyon kag dapat nga ipatuman na lang ini.

Gin klaro man sang mga mahistrado nga maid-id nga gintalakay sang Kongreso ang expansion franchise sang MORE Power agud masiguro nga ini ang magahatag sang kaayuhan sa mga konsumedor.

Wala man suno sa ila sang nakasulat sa prangkisa sang MORE Power nga mandatory ang pagsaylo sang mga konsumedor kundi isa ka kompetisyon nga nagahatag sa ila sang kahigayunan nga magpili kun magapabilin bala sila sa ILECO o kun maga halin sa MORE Power.

"The enactment of Republic Act No. 11918 is founded on the promotion of the common good, that is to promote a healthy competitive environment in the Province of Iloilo", suno sa decision sang Korte Suprema.

20/01/2025

Ginakilala sang Sangguniang Panlungsod sang Iloilo ang Kontribusyon sang MORE Power sa Ekonomiya sang Syudad

Iloilo City – Ginpasar sang Sangguniang Panlungsod sang Iloilo ang resolusyon nga nagakilala sa lima ka tuig nga rehabilitasyon sang MORE Power sa sistema sang pagpanagtag sang kuryente sa Iloilo.

Ginduso ni Konsehal Romel Duron, Chairman sang Committee on Public Utilities, ang resolusyon nga gin-aprubahan gilayon sang Sangguniang Panlungsod sa ila regular session sang nakaligad nga Myerkules.

Ginakilala sini ang mga importante nga proyekto nga ginpatuman sang MORE Power, lakip ang underground distribution system nga ginpondohan sang Php95,000,000, ang pag-paiwag sang mga historical plaza kag simbahan, kag ang mga outreach programs, pareho sang mangrove planting, clean-up drive, kag ang tuigan nga pagbuhi sang mga fingerlings sa Iloilo River.

Base sa pagtuon sang University of Asia and the Pacific (UA&P), ginabanabana nga Php 4.99 bilyon ang nabulig sang MORE Power sa ekonomiya sang Iloilo City.

Suno kay UA&P President Winston Conrad Padojinog, ang 3.8% nga gross domestic product sang Iloilo City ang matumod nga resulta sang pagka-masaligan sang MORE Power bilang electric distribution utility. Sa pagtuon, naka-generate sang 2,200 ka mga trabaho kada tuig ang MORE Power kag nakaganar sang Php 1.75 bilyon nga kita para sa syudad halin sa tuig 2020 tubtob 2022.

Ang resolusyon nagapamatuod sang pag-kilala sang Sangguniang Panlungsod sa positibo nga epekto sang MORE Power sa pag-uswag sang ekonomiya sang Iloilo City.

Nagapasalamat man ang Sangguniang Panlungsod sa padayon nga suporta sang MORE Power paagi sa pagpamuno ni Mr. Roel Castro nga nauna na nga gindeklarar nga adopted son sang syudad.

17/01/2025

UNDERGROUND WIRING PROJECT SA ILOILO CITY NAKA-AGUM SANG SUPORTA GIKAN SA MGA LOKAL NGA LIDERES PARA SA PAGPASANYUG SANG SAFETY KAG KATAHUM SANG SYUDAD

Nagpabutyag sanday Iloilo City Mayor Jerry P. Treñas, Anay Ilonggo Senator Franklink Drilon, kag Vice Mayor Jeffrey Ganzon sang kalipay sa pagtakup sang Underground Distribution System (UDS) sa Iloilo City. Ini isa ka landmark project nga tuyo mapasanyog ang aesthetics kag safety sang syudad.

Sa iya statement, nagpabutyag si Mayor Treñas sang iya excitement angut sa positibo nga impact sang underground wiring initiative.

"We are happy with the initial success of the Underground Distribution System in Iloilo City. With Calle Real now free from the clutter of overhead wires and cables, we can fully appreciate the beauty of our heritage buildings and the charm of our historic district," pahayag sini.

Nagpasalamat man si Mayor Treñas sa tanan nga stakeholders nga nangin kabahin sang proyekto, pati man ang MORE Power, telecommunications kag cable companies kag iban pa nga mga ahensya.

"I extend my sincerest gratitude to everyone who made this project possible. Your collaboration and dedication have freed Calle Real from 'spaghetti wires.' This project is an example of what we can achieve as a united community," dugang pa sini.

Maga expand pa ang underground distribution system sa iban nga lugar pati ang mga plaza, Sunburst Park, BS Aquino Avenue, mga heritage sites ini sandig sa ordinansa nga ginpasar sang Sangguniang Panlungsod sang tuig 2023 sa idalum sang leadership ni Vice Mayor Ganzon.

Nakapagkit sa ordinansa nga ang tanan nga public electric utility companies, telecommunications carriers, kag iban pa nga kapareho nga ahensya nga naga supply sang telephone, cable, internet services kag power supply sa publiko ang kinahanglan nga ipahamtang sa underground distribution system ang tanan nga electrical kag telecommunication wires kag cable.

Gindayaw ni Vice Mayor Ganzon ang in inga inisyatibo.

Iya ginkilala ang papel sang legislative body sang Iloilo City agud masiguro nga ang proyekto, mapatigayon nga wala sang sablag.

"This ordinance is a testament to our commitment to making Iloilo City not just a hub for innovation, but also a beautiful and safe place to live, work, and visit," suno pa kay Ganzon.

Bilib man si anay Senator Drilon sa nangin kolaborasyon sa tunga sang Iloilo City Government kag pribado sector particular ang MORE Power sa madinalag-un nga pagpatuman sang underground cabling project.

“I laud the Iloilo City government for working hand-in-hand with the private sector, specifically with MORE Power, to ensure the success of this vital infrastructure development," pahayag ni Drilon.

Sa subong, makit-an ang Underground Distribution System nga isa ka daku nga tikang agud makabig nga modelo sang urban development ang Iloilo City. Indi gid lang sa pagka praktikal sini kundi sa aesthetic appeal nga dugang karon nga atraksyon sa Iloilo City.


Photos courtesy of Engr. Peter Gunay / Iloilo City Government

12/01/2025

WALA NA SANG SPAGHETTI WIRES SA CALLE REAL!

Pinaagi sa Hybrid Underground Distribution System (HUDS) nga proyekto sang MORE Power, ginpakita sang distribution utility nga posible kag masarangan nga malubong ang mga kable sang kuryente sa Iloilo City.

Pinaagi sa sini nga inisyatibo, mas hilway sa katalagman, mas matinlo, kag mas organisado ang mga dalanun. Mas mapreserba pa gid ang maragtas sang Calle Real bangud mas nagapangibabaw ang iya katahum sa subong.

Bilang una nga syudad sa Western Visayas nga nagpatuman sang sini nga groundbreaking project, Iloilo City ang subong nagbutang sang standard para sa innovation kag progreso.

Pinaagi sini, ginpakita sang MORE Power ang iya commitment agud maghimo sang mas masanag, mas safe kag mas matahum nga bwas damlag para sa mga Ilonggo.

11/01/2025

WATCH: MISS ILOILO CORONATION NIGHT

11/01/2025

PRODUCTION NUMBER

11/01/2025

LIVE: MISS ILOILO CORONATION NIGHT

11/01/2025

LOOK: MISS ILOILO CORONATION NIGHT

11/01/2025

04/01/2025

NGCP NAGPASIGURO SA KONGRESO NGA INDI NA MASULIT PA ANG 2024 PANAY BLACKOUT; APANG MORE POWER NAGPABUTYAG SANG PAGKABALAKA

Nagpasalig ang National Grid Corporation of the Philippines (NGCP) sa mga miyembro sang House Committee on Legislative Franchises nga indi na masulit pa ang January 2024 nga power outage sa Panay Island. Suno sa NGCP, bastante na ang power supply kag may yara sila sang mga contingency measures.

Nagtingub ang committee para sa isa ka hearing sang Desyembre 23 agud diskusyonan ang kahandaan kag potential nga impact sang La Niña sang 2025.

Nagpabutyag sang pagkabahala si Congressman Dan Fernandez sang 1st District of Laguna angut sa kapaslawan sang NGCP nga magsupply sang bastante nga ancillary reserves para sa Panay Island. Nagpahanumdom si Fernandez nga daku ang economic impact sang tinalikdan nga blackout.

"Atty. Cynthia (Alabanza) mag Jajanuary na ha. Baka mamaya mag outage na naman. Todas na naman tayo diyan," pahayag ni Fernandez.

Nagsabat naman si Atty. Cynthia Alabanza, NGCP's AVP for Corporate Communications, kag ginpaathag nga nakumpleto na ang Competitive Selection Process (CSP) para sa ancillary reserves sa Visayas. Ini agud masiguro nga may bastante nga kuryente bisan pa sa peak demand.

“Yung requirement po ng NGCP na mangontrata ng firm contract under the CSP, tapos na po yan. At yung iba po bibilhin natin sa merkado," pahayag ni Alabanza.

Apang indi kumbinsido si Congressman Fernandez kag nagpangayu ini sang mas mabakod nga tikang para sa contingency kag dispatchable reserves sa tanan nga rehiyon.

"If we have reserves in Luzon, Visayas, and Mindanao, there is no reason why we shouldn't have reserves for the coming January. You've stated that we've met the ancillary service requirements so that I will take your word for it. At least we have ancillary services, regulating reserves, contingency reserves, and dispatchable reserves across Luzon, Visayas, and Mindanao," pagpaathag ni Fernandez.

Samtang, ang electric distribution utility sa Iloilo City nga MORE Power ang nagpabutyag man sang ila pagkabalaka sa delay nga commissioning sang 3x100 MegaVolt Ampere substation sang NGCP, nga under construction na sa Iloilo City.

Ila ginpromisa nga matapos ang substation antes magtakup ang 2025.

Ginpatpat ni MORE Power President kag CEO Roel Castro ang impact sang 162 ka mga unscheduled power interruptions sang 2024 nga gintrace gikan sa NGCP. Sa diin naglab-ut sa 811 ka oras sang outages.

“But to note, with the latest information we got, it’s just the 1x100 MVA to be finished in 2025. We are alarmed by the delay of this project. The number of outages that we’ve been having of 162 outages in 1 year alone is something very alarming,” pahayag ni Castro sa hearing.

Nagpaathag ang NGCP nga na delay ang project bangud sa isyu sa access sa site sa diin nahamtang ang substation.

"The project is now scheduled to be completed in the second quarter of 2025. We had to negotiate access to the site with one of the power plants, which caused a delay. However, the issue has been resolved, and we aim for a completion date in the second quarter of next year," paathag ni Atty. Alabanza.

Naga-apela si Castro nga tapuson na ang proyekto kag kun tani lakip na dire ang 3x100 MVA capacity nga orihinal nga ginpromisa sang grid.

Tuman ini ka importante para sa pag-uswag sang ekonomiya sa Iloilo City kag Panay Island pag-abot sa investment kag power demand.

Nagpabutyag man si Department of Energy Undersecretary Sharon Garin sa importansya sang NGCP facilities. Sa subong, ang demand growth sa Iloilo yara sa 13%. Tuman kadaku kung ikumpara sa 6% lang nga economic growth rate sang pungsod.

Bangud sini, pati man si Legislative Franchise Committee Chairman Gus Tambunting ang nagpabutyag sa NGCP nga kinahanglan nila malagas ang demand sang Iloilo pati man sang bug-os nga pungsod.//

01/01/2025

FROM OUR FAMILY TO YOURS:

Happy New Year mga ka-IBS!!!
Via|ivana alawi fb page

07/12/2024

MGA CUSTOMER SANG MORE POWER NAGPA INDIS-INDIS SA VIDEOKE CHALLENGE

Nagpakita sang abilidad sa pagkanta ang mga contestant sa Brgy. Bo. Obrero Lapuz, sa ginhiwat nga Videoke Challenge nga ginatiguluhan, MORE Kantahan.

Ang kada contestant, kinahanglan nga maghanda sang ila kampyon nga piyesa sa diin may tinaga nga MORE sa title sang kanta, kag ang ikaduha nga challenge amu ang pagkanta sang MORE Power Up jingle.

Diri gintakus ang ila nga abilidad, karisma, kag audience impact.

Game ang kada contestant, nga magpangibabaw sa kumpetisyon. Bangud ang tagdaug, masaka sa knock-out round para sa district level tubtob sa city-wide level championship.

“Nami gid eh kasadya kag makakuha gid sa mga barangay. Huo eh lipay ko ya at least nakita ko akon performance,” pahayag sang isa ka contestant.

“Masadya kag malipay man ta sa amon nga mga senior,” pahayag ni Vicente Espinosa.

“Baw maayo gid ni para kabalo man ang mga pumuluyo nga ang MORE nagapakita sang kaayuhan sa Barangay. Maayo gid na maguwa ang talent sang atun manug kanta sa barangay. Lipay gid ni sila basta karaoke namian gid na sila. Kapin pa may premyo kag pa raffle,” pahayag ni Kagawad Norden Opolla.

Isa ini sa pamaagi sang MORE Power agud ipalapnag nga ang pag bayad sang MORE Power Bills mas ginpahapus na pinaagi sa MORE Power Up.

Mas madasig kag indi na kinahanglan pa nga magpila bangud ang pagbayad sang kuryente, sarang mahimo gamit ang imo cellphone.

Gani ang mga kontestant, nagpabutyag man sang ila pagdayaw sa MORE Power bangud sa mga pagbag-o nga mas nagpahapus humalin sa meter application, customer service kag subong sarang malikawan ang pagpila bangud mahapos na nga makabayad sang bill.

“Namian gid ko subong nga program kay man sang wala kuntador gaproblema ako tatlo kami ka mag ulutod ga inisipay kami ang isa gabayad ang isa wala. Ako ya pirme gabayad. Ti dali-dali kami patakod. Pag apply ko sa Del Rio, dasig, 1 week may kuntador na ko. 1 week may suga na ko. Amo na pasalamat gid ako sa MORE,” pahayag sang isa ka contestant.

Duna na sa mga Pilipino nga magtipon agud mag videoke session sa birthday, reunion kag mga Christmas party. Subong pa nga nagahilapit ang paskwa, MORE Kantahan ang dala sang power company para sa mga konsumidor.

“Ang MORE Power Up para mas convenient ang transaction para ma view mo ang power bill, using data and wifi. So pwede ka na dira ka bayad,” pahayag ni Janine Diones, Marketing Officer, MORE Power.

Libre nga ma download ang MORE Power Up sa Google kag iOS Apple Playstore.

07/12/2024

MORE Power Ginpasiga Ang Twin Christmas Tree sa Iloilo City

Maduagon nga mga suga ang naga iwag sa subong sa mga public plaza sa Iloilo City. Dungan nga ginpasiga ang duha ka mga dalagku nga Christmas Tree nga nahamtang sa Plaza Libertad kag sa Jaro Plaza sang Miyerkules.

Moderno ang disenyo kag konsepto, apang human ini sa recycled materials. Ginhingadlan ang Christmas tree sa Plaza Libertad nga Unity Christmas Tree kag ang nahamtang sa Jaro Plaza, amo ang Harmony Christmas tree.

Nagasimbulo ini sang commitment sang MORE Power sa komunidad kag dunang manggad.

Subong nga tuig, may ginpahamtang nga bucket truck. Sa mga maluyag mag donate sang panregalo, mahimo ini masulod sa bucket truck. Kag sa kada pag pasulod sang regalo, naga lain-lain ang suga sang Christmas Tree.

Sa lighting ceremony, ginpangunahan nanday MORE Power President and CEO Mr. Roel Castro kag sang lokal nga mga opisyal sa city government ang paghatag sang regalo.

"Let’s not forget the true essence of Christmas—sharing and giving," pahayag ni Castro.

Ila ginaganyat ang mga Ilonggo nga suportahan ang proyekto nga ginatiguluhan, "Spread the Love and Give MORE". Magdonate sang regalo, magkuha sang litrato kag ishare ini online. Ang matipon nga regalo ang igahatag sa mga kubos nga mga kabataan.

28/11/2024

LOOK: MALA PALASYO NGA MUNISIPYO
SANG BANWA SANG CALINOG ILOILO

14/11/2024

Muntinlupa City LGU Nagbisita Sa Iloilo City Agud Matun-an Ang Underground Cabling Sang MORE Power.

Nagbisita ang mga opisyal sang Muntinlupa City sa Iloilo City subong nga Huwebes agud tun-an ang Hybrid Underground Distribution System (HUDS) project sang MORE Power sa Calle Real.

Nag-ugyon ang MORE Power kag Iloilo City Planning and Development Office agud mag facilitate sa benchmarking visit sang mga opisyal sang Muntinlupa City.

Kabahin sa gindiskusyonan amu ang mga proyekto nga nakabulig sa urban transformation sang Iloilo City ilabi na ang landmark initiative sang MORE Power.

Nangin sentro sang diskusyon ang HUDS project nga gin disenyo agud ma modernize ang mga edipisyo sa Iloilo samtang ginapreserba ang maragtas sini

“It’s something that other cities aim to achieve as well. The nuisance and eyesore caused by overhead wires—especially the electrical wires, in addition to telecom lines—have become a perennial problem. Addressing this will truly contribute to the overall beautification of the city. This is a commendable initiative that the City of Muntinlupa would also like to emulate,” pahayag ni Engr. Romar U. Dagupan, Assistant City Engineer sang Muntinlupa City.

“We can see the significant progress here. Iloilo City is a dynamic city that embraces development while also upholding environmental protection and heritage preservation. Typically, with progress, environmental management and heritage preservation are often left behind. But here in Iloilo City, there’s a conscious effort to preserve both the environment and heritage, which is something worth emulating,” dugang pa sini.

14/11/2024

MORE Power Nangin Katapu Sang Prestihiyoso nga Safety Organization of the Philippines Bilang Pagpakita Sang Commitmet Sa Workplace Safety.

Opisyal na nga miyembro sang prestihiyoso nga Safety Organization of the Philippines, Inc. (SOPI) ang MORE Electric and Power Corporation (MORE Power).

Nagapakita ini sang dedikasyon sang power company para sa kultura sang safety, health kag environmental protection.

Gintukod ang SOPI sang tuig 1959 bilang nagapanguna nga organization nga naga advocate para sa safety, health kag environmental protection sa nagkalain-lain nga industriya sa Pilipinas.

Kaupod sa misyon sini ang pagduso sang culture of safety sa pang-adlaw-adlaw nga operasyon sang mga institusyon, pag edukar kag pag training sa mga best practices, pagdihon sang kumprehensibo nga plano kag programa agud mahagan-hagan ang pagbakho sang mga trabahador, economic losses, pagsuporta sa pagdihon sang mga layi nga naga apekto sa safety, pagtukod sang research studies kag pagpahamtang sang technical assistance sa mga stakeholders.

Humalin sang pagtukod sang MORE Power sang Pebrero 2020, safety ang nangin prayoridad sang power company.

Naka-agum sang 1.9 million safe man-hours ang ang kumpaniya sang Oktubre 2024, ini bilang pagpakita sang commitment agud masiguro ang maayo nga work environment para sa mga empleyado sini.
"This membership in SOPI is a testament to MORE Power's unwavering commitment to safety, health, and environmental protection," pahayag ni MORE Power President and CEO Roel Castro. "We are proud to join this esteemed organization and contribute to its mission of promoting a culture of safety across the Philippines."

Bangud sa pag-upod sa SOPI, mahatagan ang MORE Power sang dugang nga resources, expertise kag mga best practices sa safety, health kag environmental protection.

Makabenepisyo ang power company sa mga masunod:

• Networking kag Collaboration: Pakig-angut sa iban pa nga mga SOPI members, pagbayluhanay sang ideya, pag collaborate sa mga inisyatibo kag pagdugang sa safety practices.

• Training kag Development: Pag-acess sa mas komprehensibo nga training program sang SOPI agud mas mahanas ang safety skills kag ihibalo sang mga empleyado.

• Access to Expertise: Paggamit sang mga resources kag ihibalo sang SOPI agud mapatuman ang mga best practices kag masolusyonan ang mga safety challenges.

• Advocacy kag Policy Influence: Pagbuylog sa adbokasiya sang SOPY agud ma promote ang safety legislation kag polisiya.

Nagasibo ang komitment sang kumpaniya sa mga polisiya sang SOPI pag-abut sa integridad, pagsalig, hayag nga pagdumala, service orientation, leadership kag teamwork.

Nagapakita sang maayo nga tikang ang membership sang MORE Power sa SOPI agud mapakita ang strategic step sang power company para sa safety culture kag ikaayo sang mga empleyado kag komunidad nga ginaserbihan sini.