https://www.facebook.com/221037817767241/

News Update Worldwide

Home
Philippines
Iligan City
News Update Worldwide

Your Bisaya, Tagalog, and English news provider.

28/07/2024

3 PATAY SA PANAGBANGGA SA TRUCK UG SUV DIDTO SA ROSALES, PANGASINAN!

Tulo ka tawo ang nakalas sa ngilngig nga aksidente didto sa Tarlac-Pangasinan-La Union Expressway o TPLEX sa may Barangay Cabalaoangan, Rosales, Pangasinan, adtong Hulyo 25, 2024.

Ang mga nalambigit nga sakyanan usa ka SUV ug 16 wheelers nga trak.

Patay ang maong SUV drayber nga si Alex Quicho ug duha ka sakay niini nga sila si Edison Baisa, ug Johnny Gregory.

Matod sa kapulisan, nag-overtook ang usa ka sakyanan sa atubangan sa SUV. Gisulayan sa drayber sa SUV nga makalikay sa aksidente pero nawad-an ug kontrol sa manubela hantod sa masalpok kini sa trak.

Sa kakusog sa impak, nakaangkon ug samad sa kalawasan ang tulo ka biktima ug maoy hinungdan sa ilang pagkamatay. Apan naluwas rasab ang upat pa ka mga pasahero sa SUV. Naluwas rasad ang mag-ama nga sakay sa maong trak, ug gidala na sa pulisya ang drayber niini.

Pahibalo sa otoridad sa mga motorista, mag doble ingat sa pagmaneho samot nag ligyas ang mga kalsada.

28/07/2024

PARA SA MGA GINIKANAN, BANTAYAN PIRMI NATO ATONG MGA ANAK PARA DILI MAPAAKAN UG IRO!

7-ANYOS NGA BATANG LALAKI SA PANGASINAN PATAY, HUMAN MAPAAKAN SA ILANG ALAGANG IRO!

Storya sa inahan sa bata, mismong alaga nila ang iro nga maoy nakaangin sa bata. Ginaamo matod pa kini sa iyang anak nga si LJ, apan kalit lang kining ning agresibo ug gipaak ang ubos sa ngabil niini.

Gidala pa sa ospital ang bata, apan namatay gihapon kini pagkasunod adlaw.

Makamatay ang sakit na rabies. Nakaapekto kini sa utok ug wala kiniy tambal. Importante nga magpaturok dayon ug anti-rabies vaccine, kung mapaakan sa iro. Dili na maghulat nga makabati ug mga sintomas ayha magpabakuna.

“Yung virus po kasi pumupunta sa central nervous system, sa utak ng tao. Kapag nandoon na siya, doon na nagpapakita ng tipikal na sintomas.” matod sa Doktor.

28/07/2024

BAG-ONG LPA O LOW PRESSURE AREA ANG POSIBLENG MAHIMONG BAGYO, NASIPLATAN KARONG DOMINGGOHA!

Ginabantayan karon sa PAGASA ang panibag-ong Low Pressure Area o LPA nga nasiplatan sa kalay-onh 715 east sa Baler, Aurora.

Sa pagkakaron, gipakusgan na kini sa Habagat nga maoy gadala ug pag-ulan sa Southern Luzon, Bicol, ug Eastern Visayas.

Matod sa PAGASA, dili mawala ang posibilidad na mahimong bagyo ang bag-ong LPA.

28/07/2024

Ipang flex inyong mga anak, nga mo skwela na ugma. 😁

28/07/2024

KUNG NAABTAN DAW NIMO NI, DAPAT NAA NAKAY DUHA KA ANAK! 😂

28/07/2024

GOD BLESS YOU MORE MAAM, KUNG SINO KA MAN! 😡

Matod sa post sa usa ka Facebook user nga si Mamshie:

"Kanina while we are waiting ng costumer sa store, may construction worker na nagtanong kung magkano lechon manok namin. Then I said, "270 po", tapos ang sabi niya, "Wala na po bang bawas? Birthday po kasi ng anak ko. Nagrequest kasi siya kaya 'yan na lang sana ihahanda namin. Kaya lang halos isang araw ko na sa trabaho ko 'yung presyo". Then I asked him, "Magkano po ba sahod niyo sir?" "450 lang kasi isang araw ko sa pag le-labor sa construction." "Ah, ganon po ba", sabi ko naman.

Tinanong ko kung ilan. Ang sagot niya, "Kahit isa lang po". Dali-daling sinupot ko 'yung dalawang manok sabay abot sa kan'ya. Tapos tinanong ko kung pwede ko ba siyang picturan. Tapos sabay abot niya ng bayad na worth 270 pesos. Sabi ko, "Hayaan niyo na po tay. Huwag niyo na pong bayaran". Parang ang laking tuwa sa kan'ya nung narinig niya 'yung sinabi ko.

Na-imagine ko pa'no kaya 'yung ibang employee na sumahod lang ng minimum. Pa'no kaya nila napag-kakasya 'yun sa mga expenses nila. At sana sa mga katulad nating nagne-negosyo, kapag may gan'yang costumer na bumili sa inyo, kahit discount nalang ibigay niyo, para lang kahit papano makatulong tayo.

28/07/2024

LAMPARILLA❗

Shoutout sa mga naka-experience jud ani. Kadtong mga panahona payag ra among balay, ug among balay adto nipa ra ang atop ug mag-ulan magtulo gyud among balay kay manglusot ang tubig. Pero the best kaayo nga experience. Maong sa karon thankful ko sa tanang blessings nga niabot sa akoa ug sa family nako. 🥺🙏❤️

Living in the probinsya in a family that my parents were just starting to build. We had our humble beginnings too. Before flash lights and solar lights came, this is what our family had. We had like 5 of these. I always loved refilling them as the gas smelled really good to me. This would save the night of darkness until the first light comes.

As a kid, there was joy in every refill, there was bliss as the lamp lit up the room but even at a young age I used to ask myself why did we only have lamparillas?

In this age, I now have answers. The joy was true, the lowliness was true. And what's also true is PERSPECTIVE and CONTENT. It's a lamparilla, it's a source of light, it served, and it's as good as any other. ✨

28/07/2024

WHEN THE WATERS RISE, SO DOES OUR RESPONSIBILITY TO PROTECT THOSE WE LOVE! 🐈🐶

Gikumot ang kasing-kasing sa ubang mga fur parent nga nakasaksi sa mga nabahaan sa Luzon nga nahimong selfless aron maluwas kauban ang ilang mga binuhing hayop.

Sa post sa pa sa Philippines Dog Lovers, gipasalamatan nila ang mga pet owners nga bisan ug nagkalisod na ug lusob sa baha, wala gyud mibiya aron maluwas ang ilang mga iring, iro ug uban pa.

Ania ang pahinumdom sa animals advocate:

𝐖𝐡𝐞𝐧 𝐭𝐡𝐞 𝐰𝐚𝐭𝐞𝐫𝐬 𝐫𝐢𝐬𝐞, 𝐬𝐨 𝐝𝐨𝐞𝐬 𝐨𝐮𝐫 𝐫𝐞𝐬𝐩𝐨𝐧𝐬𝐢𝐛𝐢𝐥𝐢𝐭𝐲 𝐭𝐨 𝐩𝐫𝐨𝐭𝐞𝐜𝐭 𝐭𝐡𝐨𝐬𝐞 𝐰𝐞 𝐥𝐨𝐯𝐞.

Let's make sure our whole family stays safe, including our pets. They count on us—𝐥𝐞𝐭’𝐬 𝐧𝐨𝐭 𝐥𝐞𝐚𝐯𝐞 𝐭𝐡𝐞𝐦 𝐛𝐞𝐡𝐢𝐧𝐝.
Please bring your pets with you to safety. Stay safe and dry, fur-parents.

28/07/2024

USA KA MUKBANG VLOGGER NAMATAY SAMTANG GA LIVE STREAMING, TUNGOD SA OVER EATING!

Lakip sa trending content sa mga vloggers karon ang ginatawag nga “mukbang” diin mo-kaon ka ug daghang pagkaon samtang naga-interact or entertain sa imong live streamers.

Sa China, adunay sikat nga vlogger tungod sa iyang mukbang videos diin kaya niining mo kaon ug 10 kilos nga pagkaon sa usa ka session.

Apan, mipanaw ang maong vlogger nga nailang si Pan/Fan Xiaoting, 24-anyos tungod sa giingong over-eating samtang naga-live streaming.

Matod pa sa mga local media sa lugar nga gipailawom sa autopsy ang lawas Xiaoting ug nakita ang abdomen niini nga na-deform na samtang, ang tiyan napuno ug wala nanga-digest nga pagkaon.

Gani, daghan na nga nga mga content creators ang paspas nga misaka ang followers tungod usab sa pag mukbang apan matod pa sa experto nga aduna kiniy hulga sa panlawas.

Kahibaluan nga dinhi sa nasud aduna usab mukbang vlogger nga si Dongz Apatan ang mipanaw kaniadtong Hunyo 2024, tungod sa hemorrhagic stroke o ang pagbaton og blood clots sa utok.

Komento pa sa usa ka Darlene Santar nga kinahanglan gyud ang pag-kontrol pag kaon na ang hisgutanan.

28/07/2024

USA KA BABAE NGA MANIKYURISTA PATAY, BACK RIDER ANGOL HUMAN NAAKSIDENTE SA MOTORSIKLO DIDTO SA DANAO CITY!

Usa ka manikyurista ang namatay ug ang 16-anyos nga lalaking backrider ang naangol, human ang ilang gisakyang motorsiklo nabangga sa usa ka LGU trak didto sa Purok Timbangan, Barangay Guinacot, Danao City, 6:20 sa kagabion.

Matod ni Police Staff Sergeant, Arzie Hill Biatingo, usa ka traffic investigator sa Danao Police, gi-identipika ang namatay nga si Menirba Giangan, 37-anyos, taga Purok Santan, Lower Barangay Quisol, Danao City.

Ang back rider, giila nga si Niño Jay Adlawan, 16-anyos, estudyante, gidala sa VSMMC para patambal. Matod kay Biatingo, ang LGU trak, gidrayban sa usa ka 64-anyos nga si Teodoro Benitez Capuyan, taga Dunggoan, Danao City, nawad-an kinig kontrol ug miigo sa maong motorsiklo.

Ang maong drayber sa LGU trak kasamtangang naka detinar sa istasyon sa kapulisan, samtang gapadayon ang imbestigasyon.

l

28/07/2024

STAIRWAY TO HEAAAAAAAAVEN?

Nanglimbawt ug nalipay ang usa ka Palaweño nga si Samuel Ace Binasahan sa may Barangay Iwahig sa Puerto Princesa, human makuhaan niya ug imahe ang langit adtong Hulyo 20, 2024.

Storya pa niya, pauli na siya adtong gabiona didto sa Bucana, Iwahig, sakay sa motorsiklo ug mga 7:30 sa gabie nakita niya ang langit nga mura kini ug naay hagdan pasulod sa purtahan.

Sigun pa niya, dili edited ang maong imahe, miskan daw ang tricycle drayber nga gisakyan niya nakita sab kato didto sa may Barangay Irawan.

“Eto po ang patunay sa sinasabi kong larawan na nakuha ko mismo noong JULY 20 .2024 mga 7:30PM sana po mapansin ng lahat para mabigyan ng awareness ang lahat. Na buhay si JESUS at ito ang daanan patungo sa kaharian niya. ❤️ Thank you so much LORD, JESUS AMEN.” sulti ni Sam sa iyang post.

📸: Eishiie Ace Montterro

28/07/2024

OIL SPILL NGA GIKAN SA MT. TERRANOVA, MING-ABOT NA SA BULACAN!

Mao kini ang aerial view sa oil nga nagkatag ning-abot na sa Hagonoy sa Bulacan, human ang usa ka oil tanker sa MT. Terranova niunlod.

28/07/2024

MANNY PACQUIAO VS RUKIYA ANPO!

Andam na si boxing icon ug eight-division world champion Manny Pacquiao alang sa iyang exhibition match sa Saitama Super Arena sa Japan karong adlawng Domingo, Hulyo 28, 2024.

Sigun pa nga iyang makalaban karon sa maong match ang 26-anyos nga Japanese boxer nga si Rukiya Anpo sa tulo ka rounds.

28/07/2024

DILI USO ANG ’KILO-KILO’ SA PROBINSYA SA SULU!

Lansones ba imong gipangita? Naa diri sa Maimbung, Sulu. Dili uso sa ilaha ang kinilo, kundi dinagko nga tapok nga mapalit sa P60 to P70 ang matag bag.

📷: Kakasi TV, Matulanged Mama Tv

28/07/2024

BANA NGA GIPALITAN SA ASAWA UG BEER, NAKADAOG UG MOTOR!

Labihang pagka-swerte nga nakadaog sa single motor ang usa ka mister human nag inom ug beer.

Ang asawa mismo ang nagpalit sa ilimnon nga adunay sulat ang tansan nga ”CONGRATULATIONS! YOU WON 1 YAMAHA NMAX 2024”.

27/07/2024

LALAKI PATAY HUMAN NADASMAGAN UG USA KA SAKANAN NGA NAG OVER-SPEEDING DIDTO SA SUGBO!

Usa ka 58-anyos ang namatay human kini madasmagi sa usa ka Suzuki Vitara, alas 5 sa kabuntagon, Hulyo 26, 2024 sa may Englis ug V. Rama Avenue, Cebu City.

Ang maong namatay giila nga si Procolito Alquizalas, 58-anyos, nagpuyo sa Barangay Canduga, Barili Southwestern Cebu samtang ang drayber sa maong behikulo giila nga si Jan Brien Mayol, 32-anyos, taga Elizabeth Pond, Redemptorist Site, Cebu City.

Gialegar nga si Mayol nag over-speeding kini ug misuway pa nga mo takas human madasmagan ang biktima. Apan ang usa ka joy rider giila nga si Reign Casas, 35-anyos, taga Barangay Guadalupe nga naka witness sa tanang nahitabo nigukod ug naapsan niini ang maong suspek.

Matod kay Casas, Si Mayol, misuway matod pa kini ug overtake sa usa ka jeepney ug pakyas kining mabantayan ang biktima. Sa kakusog sa impak nalagpot ang biktima, ug nabundak ug ayo sa semento hinungdan nakaangkon kini ug grabi nga injuries.

📸: contributed photo

27/07/2024

BASTA MANINGKAMOT LANG UG MAG ANTOS INUBANAN SA PAG-AMPO SA GINOO, WALAY IMPOSIBLE!

Congratulations.👏 🎉 Your hardwork and sacrifices paid off!

Viral post sa usa ka Tangubanon nga si John Eric Pintac:
___

God finally made my puhon a reality ❤️

20 pesos fried chicken e-paniudto ug panihapon
10 pesos na gulay mangayo sabaw
Walking 2km to save 30 pesos a day

Ma, 300 lang ako nay bahala ana
Ma, mo hangyo lang ko sa school
Ma, naka hangyo rako (nihilak sa accounting para maka exam)
Pa, naka baylo ko ni kuan ilisdan mahalin uling
Pa, baligya sa nato na
Ma, Pa last hunat nalang jud
Ma, Pa hapit na jud
MA, PA MO GRADUATE NAKO 🥹

Deserved ninyo ang tanang Congratulations Ma, Pa Thank you soooo much 🥹❤️ I'm so PROUD of you🫶

Thank you sa akong mga ate ug maghod. Mama and Papa deserve 5/5 diploma.

John Eric Pintac/ Facebook

27/07/2024

USA KA POLICE PATAY, HUMAN PUSILA SA USA KA MENOR DE EDAD DIDTO SA MANDAUE CITY!

Nasubo karon ang Mandaue City Police Office o MCPO subay sa kamatayon sa usa sa ilang personnel alas 12:10 sa tungang gabie, Hulyo 27, 2024 sa P. Remedios Street Barangay Banilad dakbayan sa Mandaue.

Ang biktima mao si Police Staff Sergeant Orvin Seth Lim Felicio, 43-anyos, taga-lungsod sa Consolacion apan na-destino sa Station 5 sa Mandaue City Police Office.

Matod ni Police Lieutenant Colonel Mercy Villaro information officer sa MCPO nga padung mo kuha sa iyang asawa ang biktima nga pulis sa Oakridge sa Banilad sa naasoyng dakbayan.

Apan iyang naagian ang mga sakop sa Barangay Police Security Officers BPSO nga nagroving ug nangita sa mga menor de edad subay sa pagpatuman sa curfew nga nag-istambay sa gawas bisan sa lawom nang kagabion.

Nakita sa pulis nga usa sa mga batan-on ang midagan hinungdan nga iya kining gigukod aron i-turnover sa mga barangay tanod.

Apan giingong mibunot hinuon ang menor de edad ug armas dayong pusil sa biktima tumong sa ulo niini.

Patay diha dayon human maigo sa bukton ug ulo si Felicio gamit ang kalibre .38 nga pi***la samtang ang menor de edad daling misibat palayo sa dapit.

Human sa panghitabo, milusad gilayon ug manhunt operation ang kapulisan apan wala nila kini madakpi.

Apan dihang nibuntag na nanawag sa station 4 sa MCPO ang magtutudlo sa menor de edad nga suspetsado ug nipahibawo nga mitahan kaniya ang minor.

Gidala sa magtutudlo ang maong suspetsado ngadto sa police station aron itahan ang kaugalingon niini uban sa armas nga gigamit sa krimen.

Nasuta sa imbestigasyon nga giingong nahadlok ang menor de edad nga dakpon sa pulis sanglit aduna kini gidala-dala nga armas ug gikataho nga miyembro usab kini sa usa ka gang.

Giandam na ang kasong murder sa MCPO batok sa maong menor de edad.

27/07/2024

LOOK:

Nagpahigayon ug Aerial Inspection si Pangulong Ferdinand R. Marcos Jr., sa floodway sa Rizal aron masuta ang gilapdon sa damyos ug matubag ang grabing pagbaha sa lalawigan mugna sa Typhoon Carina.

27/07/2024

DISGRASYA TALI SA DUMP TRUCK UG PICK-UP DIDTO SA TABUELAN, 1 PATAY UG 1 ANGOL!

Patay ang kanhi kapitan sa Barangay II sa lungsod sa Tuburan human nagkabangga ang gisakyan niining pick-up uban sa iyang anak ngadto sa usa ka dump truck pasado alas 11 adlawng Huwebes, Hulyo 26, 2024 sa National Highway sa Sitio Kampatok, Barangay Dalid, lungsod sa Tabuelan.

Ang biktima nailhan nga si Vicente Mangabon Pontillas, 52-anyos, kanhi kapitan sa ilang barangay sa Barangay II sa Tuburan samtang naangol sab ang iyang anak nga maoy nagmaneho sa gisakyan nilang pick-up nga si Michael Guipo Pontillas, 25-anyos.

Sa inisyal nga imbestigasyon sa kapulisan sa Tabuelan, ang pick-up nga sakyanan sa mga biktima paingon kini sa Barangay Lugo, lungsod sa Sogod dihang na-engkuwentro nila ang usa ka dump truck nga nagbiyahe sab padung sa Barangay Poblacion sa naasoyng lungsod.

Dakong kadaut ang naangkon sa pick-up nga sakyanan diin labihang napiyapi ang atubangan nga bahin niini gumikan sa kusog nga impact sa disgrasya dihang nadasmagan kini sa dump truck nga gimaneho sa usa ka Richard Dacua Matugas, 27-anyos, ug nagpuyo sa Barangay Marmol, lungsod sa Tuburan.

Tungod sa damage sa pick-up, daling gidala sa duol nga tambalanan ang mga biktima diin puros nakaangkon ang mag-amahan ug seryusong mga injuries sa ilang lawas.

Apan tungod sa ‘severe injuries’ nga naangkon sa kanhi kapitan nga si Vicente, nakabsan gyud kini sa iyang kinabuhi. Samtang ang iyang anak nga si Michael padayon pa gihapong gi-obserbahan sa hospital sanglit nakaangkon sab kini og ‘serious physical injuries’.

Ang drayber sa dump truck nga si Matugas kasamtangang gikustodiya na sa Tabuelan Police Station alang sa himuong dugang imbestigasyon, apan posibleng mag-atubang kini ug kasong Reckless Imprudence resulting in homicide, physical injury, ug damage to property.

📷: contributed photo

27/07/2024

DRAG PARODY SA LAST SUPPER SA PARIS OLYMPICS 2024, NAPUNO UG BATIKOS ONLINE!

Nahimong kontrobersyal ang opening ceremony sa Paris Olympics 2024 human sa usa ka performance sa drag queens nga giingong parody sa Last Supper.

Sa maong performance, makita ang 18 ka drag performers nga nag-pose sa usa ka taas nga lamesa samtang naa sa tunga ang usa ka babaeng nakasuot ug garbo nga dress ug adunay dakong silver headdress nga kahawig sa ”Halo” ni Jesus sa paintings.

Pipila ka social media users ang mipagawas sa ilang gibati kabahin sa maong performance, lakip na niini ang usa ka Clint Russel nga gitawag pa ug 'crazy' ang opening tungod giilisan nila si Jesus ug ang disciples sa Last Supper ug mga lalaking naka 'drag outfit'.

Gani si Elon Musk, mikomento pa nga huyang na ang Christianity.

Sumala pa sa Olympics, ang maong performance usa ka interpretasyon sa Greek God of wine and festivity nga si Dionysus.

Apan komento pa sa usa ka netizen, ang maong Greek God, mao usab ang god of ritual madness.

27/07/2024

USA KA CONTENT CREATOR, NAG MUKBANG UG HOLLOW BLOCKS!

PAHIBALO: DILI AWATON

Mag mukbang ug hollow blocks? Kayang kaya daw na sa usa ka content creator gikan sa Iloilo. Di lang daw kini niya basta bastang ginakaon, gibutangan sab daw kini niya ug butter para adunay lasa.

27/07/2024

BATO NGA MO LUTAW, NAKITA DIDTO SA OSLOB CEBU!

Nakita ang usa ka higanteng 'Pumice Rock' sa baybayon sa Bangcogon Beach Resort & Restaurant sa lungsod sa Oslob, Cebu, niadtong Hulyo 26, 2024.

Sumala sa Philippine Institute of Volcanology and Seismology (Philvocs), ang pumice rock usa ka volcanic material nga gihulagway sa usa ka taas nga vesicular ug rough-textured glassy structure.

Ang Philvocs nagkanayon nga ang pumice stone kasagarang naporma atol sa mga pagbuto sa bulkan. Base sa taho nga ang pumice, nailhan tungod sa nature nga kinaiyahan niini, naglutaw nga susama sa usa ka iceberg, nga adunay gibana-bana nga 90% nga nalubog sa ilawom sa tubig ug 10% nga makita sa ibabaw.

Mapasalamaton usab ang tag-iya sa resortt nga si Mety Soriano, sa Philvocs nga makompirmar ang identity sa bato nga nakit-an.

Mitamao usab karon ang mga pangutana kung asa nagikan ang maong bato ilabina walay aktibong bulkan sa Cebu ug kasikbit nga mga probinsiya sama Siquijor.

Tungod niini nagpahimangno ang Philvocs sa mga mananagat nga posibleng makadaot sa mga pangsakyanan pangdagat diin makadaog usab kini sa mga makina, makabara usab kini sa mga tubo, diin posibling makakuntamina kini sa tubig.

27/07/2024

ALILUYOP NASIPLATAN SA KADAGATAN SA ARGAO!

Nakurat ang pipila ka mga residente sa Barangay Poblacion, lungsod sa Argao human nakita ang usa ka aliluyop tunga-tunga sa kadagatan sa maong lungsod pasado alas 3 sa kahapunon, Hulyo 27, 2024.

Una nang nipahibawo ang PAGASA Visayas nga makasinati ug mga pag-ulan ang pipila ka bahin sa Sugbo tungod sa localized thunderstorm karong adlawa.

📷: Retchlyn Villegas Alcasid

27/07/2024

DALAGA PATAY, HUMAN GIDUNGGAB SA KAUGALINGONG AMAHAN DIDTO SA CAGAYAN!

Perting kasubo ang nasinatian karon sa usa ka mag-anak human namatay sa kamot sa kaugalingong amahan ang usa ka Grade 11 nga estudyante nga dalaga, didto sa Barangay Carig Norte, Tuguegarao City.

Ang biktima usa ka 16-anyos pa, samtang ang amahan niini nga maoy suspek usa ka 34-anyos nga security guard.

Nasayran nga ’only child’ ra ang biktima ug sila lang duha ang nagpuyo sa ilang panimalay, gumikan ang inahan niini usa ka OFW.

Una niini, nakadungog matod pa ang mga silingan ug kusog nga sininggitay sa sulod sa balay sa biktima ug ila kining giduol, nakita nalang nila nga dugoan na ang lawas sa biktima samtang gituok kini sa amahan.

Dali dayon mitakas ang suspek paghuman sa insidente, ug padayon pang gipangita.

Samtang, nahibaw-an nga adunay dinunggaban sa dughan ang maoy hinungdan sa pagkamatay sa biktima.

📸: Jesus Salvadora Pamittan/ Facebook

27/07/2024

TYPHOON CARINA O TYPHOON GAEMI, 8 NA ANG NATALA NGA PATAY UG 866 ANG NAANGOL ADTONG PAG-LANDFALL NIINI SA TAIWAN!

Nitala na ug 8 ka mga tawo ang nakalas ug 866 ang nangaangol atol sa pagkuso-kuso sa Typhoon Gaemi sa Taiwan nga una nang nibilin ug halapad nga damyos sa Pilipinas ug nitala sab ug 7 ka kumpirmadong namatay tungod sa maong bagyo.

Ang Taiwan ingon man gipangkanselar na sab ang mga flight, klase, ug trabaho sa maong nasud tungod sa Typhoon Gaemi.

Sa nasayran, nilambo ngadto sa Super Typhoon category ang maong bagyo sa wala pa kini mo-landfall sa sidlakang bahin sa Taiwan o partikular na duol sa City of Hualien.

Ang Typhoon Gaemi padayon kining nag-irog paingon na sa China ug gipanglantawan nga mohimo kini sa iyang ikaduhang landfall sa Fujian Province sa China.

📷: contributed photos

27/07/2024

9-ANYOS NGA BATANG BABAE SA TAGUM CITY, PATAY SA SAKIT NGA DENGUE!

Patay ang usa ka 9-anyos nga batang babae nga taga Barangay Magugpo South tungod sa sakit nga dengue didto sa Tagum City, Davao del Norte, bag-ohay lang.

Kana mismo ang gikumpirma sa Tagum City Health Office o (CHO).

Base sa datos sa City Epidemiology Surveillance Unit sa CHO-Tagum.

Sumala pa, nga ikatulo na kining natalang namatay tungod sa sakit nga dengue sugod niadtong Enero hantkd ning bulan sa Hulyo, ning tuiga.

Nasayran nga dul-an 900 na ka mga kaso sa dengue ang natala sa nahisgutang siyudad.

Nanguna na niana ang Barangay Visayan Village nga maoy dunay pinakataas nga kaso sa dengue. Gisundan sab kana sa Barangay Apokon ug Barangay Mankilam.

Sa karon, padayon sa pag-awhag ang CHO-Tagum sa mga Tagumenyos nga mahimong aktibo sa ilang lugar, manglimpyo ug batokan ang dengue pinaagi sa 5S kontra sa maong sakit.

Sama nalang niining musunod; Self-protection from mosquito bites; Seek early medical consultation; Support fogging in areas with clustering of cases; and Sustain hydration.

27/07/2024

2 KA BROADCASTER, NAG-ATUBANG SA KASONG CHILD PO*******HY UG ANTI-PHOTO AND VIDEO VOYEURISM LAW!

Misurender sa Makilala PNP ang duha ka magsisibya sa Brigada News FM Kidawapan human nag-atubang sa kasong Child Po*******hy ug Anti Photo and Video Voyeurism Law.

Naila ang duha ka suspek nga sila Eva Molina Buhayan ug si Charles Encio kung diin si Buhayan ang Station Manager ug Anchor ug Reporter usab si Encio sa maong istasyon.

Nag-atubang ug kaso ang duha tungod sa usa ka malisyosong post ug balita sa milabay nga bulan nga kung asa may kalambigitan sa mga menor de edad.

Mukabat matod pa sa duol sa tunga sa milyon ang girekomendang piyansa sa korte ngadto sa duha ka magsisibya.

Wala pa masayri kung nakapyansa na ang duha.

27/07/2024

USA KA BABAE NAKABAYAD UG DUOL SA P20,000, HUMAN NAYAB-AN UG CHOCO DRINKS ANG MGA SININA SA USA KA MALL!

Usa ka dakong pagtulon-an alang sa usa ka Rachelle Ann Abales Salinas ang pagkayabo sa iyang gidalang chocolate drinks nga maoy hinungdan nga nakabayad siya ug duol sa P20k sa usa ka mall sa Cagayan de Oro.

Matod ni Salinas nasayod siya nga bawal magdala ug drinks sulod sa department store apan nawala kini sa iyang hunahuna gumikan sa ilang ka busy ug pagdali-dali nga makapalit ug pang-regalo alang sa usa ka event nga ilang tambungan.

Dihang mo kuha na unta siya ug pares sa shorts, nabuhian niya ang iyang gunit nga ilimnon ug nayabo kini sa mga naka-display nga kids wear, ug kung ingon niini na gani, automatic sold na gyud dayon kini sa kustomer nga nakasala.

Gitanyagan siya ug installment, apan mas mudako na unya ang iyang mabayran tungod sa 6% interest. Maayo na lang dunay mitabang sa dalaga aron ma-settle ang kantidad nga P19,121.60.

Aminado si Salinas nga mali ang iyang nabuhat ug gi-post niya kini for public awareness. Ang nakamaayo niini, pipila lang ang mibatikos kaniya ug mas daghan ang misuporta, mihatag ug pagsabot, ug buot mupalit sa ubang items, sa ingon maminusan ang iyang nagastos.

27/07/2024

BANGGA TALI SA MOTORSIKLO UG TANKER TRUCK, 3 PATAY, 1 KRITIKAL!

Patay ang tulo ka miyembro sa usa ka pamilya human mabangga ang ilang gisakyang motorsiklo sa usa ka water tanker trak didto sa Barangay Bacungan, Puerto Princesa City, alas 6:40 sa kabuntagon, Hulyo 24, 2024.

Matod sa report nga gihatag sa Puerto Princesa City Police Office, naila ang mga biktima nga sila si Mark Salvo, 34-anyos, residente sa Barangay Bagong Bayan, Puerto Princesa, asawa niini nga si Janice Salvo ug ang ilang 3-anyos nga bata. Kritikal sab ang isa pa nila ka anak nga 7-anyos nga babae.

Sa imbestigasyon sa kapulisan, gimaneho sa biktima nga si Mark Salvo ang usa ka kolor itom nga Rusi nga motorsiklo, sakay ang iyang asawa ug duha ka anak niini. Padulong unta kini sila sa Barangay Tagburos, samtang sa pikas nga linya sa kalsada sab ang maong trak.

Pag-abot sa nahitaboan sa insidente sa may kurbadang bahin sa kalsada, na overshoot ang trak ug nalukop niini ang linya sa motorsiklo ug maoy hinungdan sa panagbangga.

Sa kakusog sa impak, nangalabay ang mga biktima sa kalsada.

Gisulayan pa ug dala sa balay tambalanan ang mga biktima, pero tulo niini gideklarang dead on arrival matod sa attending physician, samtang usa kritikal.

Address

Iligan City
9200

Telephone

+639706049253

Website

facebook.com

Alerts

Be the first to know and let us send you an email when News Update Worldwide posts news and promotions. Your email address will not be used for any other purpose, and you can unsubscribe at any time.

Contact The Business

Send a message to News Update Worldwide:

Videos

LOOK: BANGGA DUHA KA MOTOR SA KURAHAB, ISA PATAY! Patay ang usa ka rider sa Honda Wave human nabanggaan kuno sa rider sa Yamaha Sniper sa corner Sabenorio St ug Corvera St ganihang alas 4 sa hapon, Marso 3, 2024, lungsod sa Naval. Ang driver sa sniper (Walay plaka) giila nga si Joshua Lotion Tapayan, 21 anyos, ulitawo, taga Sitio Cogon Larrazabal, Naval, Biliran. Ang rider sa Wave giila nga si Rod Hardy Sabenorio Yamson, 18 anyos, Grade 12, tinun-an sa BiPSU, working student o tig luto sa Bbqhan, taga Puro Tugas, Calumpang, Naval. Dead on Arrival na ang rider sa Biliran Provincial Hospital.

LOOK: BANGGA DUHA KA MOTOR SA KURAHAB, ISA PATAY! Ang CCTV Footage sa disgrasya kagahapon sa 4:02 sa hapon, Domingo, Marso 3, 2024, didto sa Kurahab, Corvera St. Corner Sabenorio St., Brgy. Smo. Rosario, Naval, Biliran. Patay ang usa ka rider sa Honda Wave human nabanggaan kuno sa rider sa Yamaha Sniper sa corner Sabenorio St ug Corvera St. Ang driver sa sniper (Walay plaka) giila nga si Joshua Lotion Tapayan, 21 anyos, ulitawo, taga Sitio Cogon Larrazabal, Naval, Biliran. Ang rider sa Wave giila nga si Rod Hardy Sabenorio Yamson, 18 anyos, Grade 12, tinun-an sa BiPSU, working student o tig luto sa Bbqhan, taga Puro Tugas, Calumpang, Naval. Dead on Arrival na ang rider sa Biliran Provincial Hospital.