Asenso News Iligan City

Home
Philippines
Iligan City
Asenso News Iligan City

Welcome to the official news page of the Local Government of Iligan City.
(2)

21/11/2024

𝐃𝐃𝐁, 𝐆𝐈𝐏𝐀𝐒𝐀𝐁𝐎𝐓 𝐀𝐍𝐆 𝐓𝐔𝐌𝐎𝐍𝐆 𝐒𝐀 𝐃𝐑𝐔𝐆-𝐅𝐑𝐄𝐄 𝐖𝐎𝐑𝐊𝐏𝐋𝐀𝐂𝐄 𝐏𝐑𝐎𝐆𝐑𝐀𝐌

Tinguha sa Drug-Free Workplace Program nga masiguro nga luwas ug episyente ang paghimo sa mga katungdanan sa mga empleyado, sumala ni Emma R. Pastorfide, ang Health Education and Promotion Officer sa Dangerous Drugs Board (DDB). Ma-menus usab ang sige og absent ug katapol. Mapalig-on usab niini ang himsog nga relasyon sa sulod sa trabahoan.

Ang Drug-Free Workplace Program usa ka employment setting diin ang tanan nga mga empleyado nagsunod sa usa ka programa sa mga polisiya ug mga kalihokan nga gimugna aron mahatagan ug usa ka luwas nga lugar sa trabaho, pag-discourage sa pag-abuso sa alkohol ug droga ug pag-encourage sa pagtambal, recovery ug pagbalik sa trabaho sa mga empleyado nga adunay mga problema sa pag-abuso.

"Dapat maging safe at healthy ang ating working environment," sumala ni Pastorfide. Awhag usab niya na kung adunay kauban sa trabaho na nagdroga, tabangan kini ug dili pasagdaan.

[November 21, 2024 | Trixie Suminguit | Intern]

21/11/2024

𝐂𝐁𝐃𝐑𝐏: 𝐏𝐀𝐆𝐊𝐀𝐃𝐀𝐎𝐓 𝐒𝐀 𝐔𝐓𝐎𝐊, 𝐏𝐀𝐍𝐆𝐋𝐀𝐖𝐀𝐒 𝐔𝐒𝐀 𝐒𝐀 𝐌𝐆𝐀 𝐄𝐏𝐄𝐊𝐓𝐎 𝐒𝐀 𝐏𝐀𝐆𝐆𝐀𝐌𝐈𝐓 𝐎𝐆 𝐆𝐈𝐃𝐈𝐋𝐈𝐍𝐆 𝐃𝐑𝐎𝐆𝐀

Pagkadaot utok sa tawo ang usa sa epekto sa padayun nga paggamit og gidiling droga, sumala ni Dr. Gino Meteoro, ang Medical Officer sa Community-Based Drug Rehabilitation Program (CPDRP) Supervisor.

Sumala ni Meteoro, nga ang pagkaadik sa droga giisip nga sakit sa utok kay makapausab kini sa istruktura ug paglihok niini kumpara niadtong wala naggamit og ilegal nga droga.

Makaapekto sab kini sa panglawas sa tawo nga mag resulta sa pagka dili produktibo sa trabahoan. Makasinati kini og walay gana mokaon, pagpangurog, pagkauga sa baba, pagtaas sa presyon, pagbaton og sakit sa baga, tiyan ug malnutrisyon.
[Nov. 21, 2022 | via CEC]

21/11/2024

𝟒 𝐁𝐀𝐓𝐀𝐍-𝐎𝐍, 𝐒𝐀𝐏𝐎𝐍 𝐍𝐆𝐀 𝐆𝐀-𝐆𝐀𝐌𝐈𝐓 𝐎𝐆 𝐃𝐑𝐎𝐆𝐀

Nasapon sa Iligan City Police Station 4 ang upat ka batan-on nga ga-gamit og droga human gi-adtuan sa mga otoridad ang usa kanila tungod sa reklamong pagpangawat.

Tulo sa mga batan-on ang 16 anyos samtang 15 anyos lang sab ang usa.

Nakuha kanila ang tulo ka small size sachet sa gituohang shabu ug mga paraphernalia.

[November 20, 2024| Pabs Colance Anoos, Media Center]

20/11/2024

𝐌𝐆𝐀 𝐏𝐖𝐔𝐃𝐒, 𝐆𝐈𝐏𝐀𝐒𝐔𝐍𝐃𝐀𝐘𝐀𝐆 𝐀𝐍𝐆 𝐈𝐋𝐀𝐍𝐆 𝐊𝐀𝐇𝐈𝐌𝐓𝐀𝐍𝐆 𝐒𝐀 𝐏𝐀𝐆-𝐆𝐀𝐌𝐈𝐓 𝐎𝐆 𝐆𝐈𝐃𝐈𝐋𝐈 𝐍𝐆𝐀 𝐃𝐑𝐎𝐆𝐀 𝐔𝐆 𝐏𝐀𝐆-𝐑𝐄𝐏𝐎𝐑𝐌𝐀

Gipahigayon sa Sitio Fatima, Barangay Abuno ang Talent Face-Off kagahapon, November 19, 2024, alas 8 sa buntag, sa Iligan City Drug Treatment and Rehabilitation Center (ICDTRC). Ang mga Persons Who Use Drugs nagpakitang gilas sa ilang talento sa role playing ug gipasundayag ang epekto sa droga ug ang ilang pagka-ayo human sa rehabilitasyon.

Ang tema sa kalihokan mao ang “Prioritizing Health-Based Approach in Drug Abuse Prevention and Control,” isip kabahin sa selebrasyon sa Drug Abuse Prevention and Control Week 2024 (DAPC).

Kini nagtumong sa paggamit sa mga health-centered nga pamaagi sa pagtabang sa mga biktima sa droga. Ang mga presentasyon naghatud og mensahe sa kahayag sa rehabilitasyon ug ang kahimtang sa mga naapektohan sa droga.

Kauban sa kalihokan ang mga sektor sa komunidad, mga health professionals, ug mga ahensya sa gobyerno nga nagpaluyo sa kampanya batok sa ilegal nga droga.

[November 20, 2024 | Ezil S. Olivera, Intern]

20/11/2024

𝐈𝐋𝐈𝐆𝐀𝐍, 𝐆𝐄𝐍𝐃𝐄𝐑-𝐑𝐄𝐒𝐏𝐎𝐍𝐒𝐈𝐕𝐄 𝐒𝐔𝐌𝐀𝐋𝐀 𝐒𝐀 𝐏𝐇𝐈𝐋𝐈𝐏𝐏𝐈𝐍𝐄 𝐂𝐎𝐌𝐌𝐈𝐒𝐒𝐈𝐎𝐍 𝐎𝐍 𝐖𝐎𝐌𝐄𝐍

Gi-graduhan og 2.76 sa Philippine Commission on Women (PCW)-North Mindanao Field Office ang LGU-Iligan sa organizational capacities ug paghatud niini sa mga serbisyo ug pasilidad. Nagpasabot nga gender-sensitive ang LGU. Gi-evaluate ang mga programa, estratehiya, ug polisiya sa lokal nga kagamhanan sa Iligan gamit ang ang Gender Responsive LGU (GeRL) Assessment tool.

"We are very happy and fortunate that finally nahimo siyang gender-sensitive mao ang iyang result of the validation this is the one step, way forward for the gender mainstreaming for the local government of Iligan City," sumala ni Renefe Padilla, ang Planning Officer IV sa City Planning and Development Office.

Gi-assess ang LGU sa 2022 hangtud 2023 niini ang programa ug mga polisiya. Apan duna pay hangtud Nobiyembre 29, 2024 ang LGU aron maka-sumite og uban pang dokumento nga makatabang sa pagtaas sa score.

“One and a half years lang kayo na nag work on this at ito na po ang naging resulta niyo. How much more po in the long run po pinagpatuloy niyo po mga programa niyo," sumala ni Alyckssa Maye Castaños, usa sa mga evaluators sa PCW.

Gikalipay ni Konsehal Queenie Belmonte nga narekognisa ang kabag-uhan sa serbisyo sa LGU. “Another first for Iligan City. Grabe ko ka-proud because being the Chairperson on the Committee on Gender and Development, dako kaayo nga changes, improvements and solutions among gihimo paglingkod namo in 2022. Congratulations to Mayor Freddie Siao, VM Dodong Alemania and the 18th Council. This milestone shows our commitment to promoting gender equality and inclusivity in Iligan City,” sumala niya.

[Nov. 20, 2024 | via CEC]

20/11/2024

𝐌𝐆𝐀 𝐄𝐌𝐏𝐋𝐄𝐘𝐀𝐃𝐎 𝐒𝐀 𝐋𝐆𝐔, 𝐏𝐑𝐈𝐁𝐀𝐃𝐎𝐍𝐆 𝐒𝐄𝐊𝐓𝐎𝐑, 𝐆𝐈𝐒𝐀𝐘𝐑𝐀𝐍 𝐒𝐀 𝐄𝐏𝐄𝐊𝐓𝐎 𝐒𝐀 𝐆𝐈𝐃𝐈𝐋𝐈𝐍𝐆 𝐃𝐑𝐎𝐆𝐀 𝐔𝐆 𝐌𝐆𝐀 𝐏𝐑𝐎𝐆𝐑𝐀𝐌𝐀 𝐏𝐀𝐆𝐋𝐈𝐍𝐆𝐊𝐀𝐖𝐀𝐒 𝐍𝐈𝐈𝐍𝐈

Gihisgutan sa mga empleyado sa LGU ug pribadong sektor ang dautang epekto sa droga, mga programa aron walay droga sa trabaho-an, ug mga legal nga aksyon kung dunay ga-gamit og gidili nga droga sa opisina.

Sumala ni Rowel Rubio, ang Head sa City Anti-Drug Abuse Office, target nila nga sumpo-on ang droga sa opisina ug i-edukar ang mga empleyado ug kung nila kini ma-edukar sa panimalay. “Kung mag start sa opisna ang drugs, kahibalo na sila nga kinsa na nga mga tao.
Aron dili madala ang uban.,” sumala ni Rubio.

Health-based approach ang paagi nila sa pagsumpo sa droga, o pagtratar sa adiksyon isip sakit nga angay tambalan.

“That’s why from war on drugs, we shift to BIDA program--Buhay Ingatan Droga’y Ayawan because we aim for the preservation of life.Drug users, we treat them as victims” sumala ni Maria Madia Daniot, ang Director sa Department of the Interior and Local Government sa Iligan.

Gi-awhag ni Daniot ang Sangguniang Panlungsod nga mopasar og ordinansa sa Drug-Free Workplace aron dunay giya ug programa nga sundon sa pagtabang sa mga empleyado nga nalambigit sa drugs, ug dili basta-bastang tanggalon sa serbisyo.

Sa pagka-karun, gipatuman sa City Anti-Drug Abuse Office ang rehabilitasyon ug treatment sa mga ga-gamit og droga, imbis nga silot.

Abiso sab ni Rubio nga ipaadto sa ilang opisina ang empleyado kung gidudahan nga ga-gamit kini sa gidili nga droga aron mapa-ilawm sa drug dependency evaluation, masuta unsay level niini sa dependency sa drugs, ug intervention nga angay ihatag.

[Nobyembre 20, 2024]

20/11/2024

𝐋𝐀𝐋𝐀𝐊𝐄 𝐍𝐆𝐀 𝐖𝐀𝐍𝐓𝐄𝐃 𝐒𝐀 𝐊𝐀𝐒𝐎𝐍𝐆 𝐌𝐔𝐑𝐃𝐄𝐑, 𝐃𝐀𝐊𝐏𝐀𝐍

Gidakop kagahapon sa CIDMU, Iligan City Police Station 3 ug Iligan City Police Station 1 ang top 2 sa city level nga mga wanted persons.

Gi-serve sa mga otoridad ang Warrant of Arrest sa suspek sa kasong Murder. Ang suspek nga taga Nangka, lungsod sa Balo-i, Lanao del Norte, sa Barangay Tubod sa Iligan natultoli sa mga pulis.

Ipresenta ang suspek sa RTC, Br. 3, 10th Judicial Region, Iligan City, Lanao Del Norte kinsa maoy mi-isyu sa warrant.

[November 20, 2024]
📸 ICPS3

19/11/2024

LANTAWA:

Bakuna sa pneumonia alang sa mga edaran, pag-apply sa national ID ug libreng alot lakip sa mga serbisyo sa Serbisyong Iliganon Caravan sa Barangay Bunawan.

Ang detalye sa report ni Ronnie Enderes.

19/11/2024

𝐌𝐆𝐀 𝐎𝐏𝐈𝐒𝐘𝐀𝐋 𝐒𝐀 𝐁𝐀𝐑𝐀𝐍𝐆𝐀𝐘, 𝐒𝐊, 𝐆𝐈𝐓𝐔𝐃𝐋𝐎𝐀𝐍 𝐒𝐀 𝐈𝐋𝐀𝐍𝐆 𝐏𝐀𝐏𝐄𝐋 𝐏𝐀𝐆𝐒𝐔𝐌𝐏𝐎 𝐒𝐀 𝐎𝐍𝐋𝐈𝐍𝐄 𝐍𝐆𝐀 𝐀𝐁𝐔𝐒𝐎 𝐒𝐀 𝐌𝐆𝐀 𝐁𝐀𝐓𝐀

Gihisgotan ang kamahinungdanon sa papel sa mga opisyal sa barangay aron mabantayan ug mapakgang ang mga kaso sa Online Sexual Abuse or Exploitation of Children (OSAEC) ug Human Trafficking sa ilang mga barangay.

Gipasabot ni Fiscal Jasmin Diaz,Task Force OSAEC Prosecutor ang Republic Act 11930 o ang balaod nga nagsilot sa mga nag gamit og mga bata sa online sexual activity ug pagproduce, pag apod apod ug pagpanag-iya sa mga materyales nga adunay pag-abuso sa mga bata.

Dugang ni Fiscal Diaz nga kinahanglan nila ang tabang sa mga Barangay Officials aron madakpan ang nagbuhat niini nga sala ug maprotektahan ang mga bata, ug aron usab mapaubos ang kaso sa OSAEC cases sa siyudad.

Kahinumduman nga ang Pilipinas ang adunay pinakadako nga kaso sa OSAEC sa tanang nasud sa kalibutan.

Kasamtangan adunay walo ka convicted cases ang Iligan sa OSAEC, walay na dismiss sa mga kaso kalabot niini ug nakumbikto ang mga nakasuhan.

Malampusong natapos ang seminar kalabot sa Online Sexual Abuse or Exploitation of Children alang sa mga opisyal sa Barangay lakip na niini ang mga Sangguniang Kabataan officials.

Duha ka adlaw nga gisayran ang opisyal sa 44 ka barangays sa siyudad niini. Ang unang 22 barangays gipasalmot kagahapong adlawa ug ang laing 22 barangays gipasalmot karong adlawa.

[November 19, 2024 | Janice G. Magsayo]

19/11/2024

𝐀𝐍𝐓𝐈-𝐈𝐋𝐋𝐄𝐆𝐀𝐋 𝐃𝐑𝐔𝐆 𝐎𝐏𝐄𝐑𝐀𝐓𝐈𝐎𝐍𝐒 𝐍𝐆𝐀 𝐃𝐈𝐋𝐈 𝐊𝐀𝐘𝐀 𝐏𝐔𝐍𝐃𝐎𝐇𝐀𝐍 𝐒𝐀 𝐈𝐂𝐏𝐎, 𝐆𝐈-𝐏𝐔𝐍𝐃𝐎𝐇𝐀𝐍 𝐒𝐀 𝐋𝐆𝐔-𝐈𝐋𝐈𝐆𝐀𝐍 --𝐏𝐂𝐎𝐋. 𝐃𝐄𝐋𝐎𝐒 𝐒𝐀𝐍𝐓𝐎𝐒

Mapasalamaton si PCol. Reinante Delos Santos, ang Director sa Iligan City Police Office (ICPO), sa suporta sa LGU-Iligan sa ilang mga anti-illegal drug operations. Gisuportahan sila sa LGU human giwagtang ang anti-drug funds sa mga estasyon tapos sa termino ni Kanhi Pangulo Rodrigo Duterte.

Sumala niya, dako kaayo og tabang ang LGU ug DILG Peace and Order Public Safety Program. Gipunduhan sa LGU ang operations nga dili kaya punduhan sa ICPO.

Sumala ni Delos Santos, ang daghan nga mga nadakpan nga nalambigit sa droga, resulta sa agresibo nila nga operations. Kini tungod gina-evaluate ang performance sa mga pulis.

Matud sab niya, dili angay ibasol sa gobyerno ang daghang kaso sa droga apan kinahanglan ang kooperasyon sa publiko pagsumpo niini.

Gibutyag sab ni Maria Maida Daniot, ang Director sa Department of the Interior and Local Government (DILG) Iligan nga wala gyud nawala ang problema sa droga apan mi-hinay lang kaniadto tungod sa war on drugs kaniadto.

Malaumon siya nga sa tabang gawas sa paningkamot sa LGU, himuon sab sa komunidad ang ilang parte pagsulbad sa problema sa droga. “Sugdan ang intervention sa members of the family--ang awareness isip gamay nga contribution nato sa government,” sumala niya.

Gi-saulog karun ang Drug Awareness, Prevention and Control Week sa pagpamuno sa City Anti-Illegal Drugs Office.

[Nobyembre 19, 2024]

19/11/2024

𝐃𝐈𝐋𝐆: 𝐊𝐈𝐍𝐀𝐇𝐀𝐍𝐆𝐋𝐀𝐍 𝐀𝐍𝐆 𝐊𝐎𝐎𝐏𝐄𝐑𝐀𝐒𝐘𝐎𝐍 𝐒𝐀 𝐌𝐆𝐀 𝐁𝐀𝐑𝐀𝐍𝐆𝐀𝐘 𝐒𝐀 𝐈𝐋𝐈𝐆𝐀𝐍, 𝐒𝐔𝐑𝐑𝐄𝐍𝐃𝐄𝐑𝐄𝐄𝐒 𝐏𝐀𝐆𝐏𝐀-𝐃𝐑𝐔𝐆 𝐂𝐋𝐄𝐀𝐑

Mipasida-an si Maria Maida Daniot, ang Department of the Interior and Local Government Director sa Iligan, sa mga barangay nga padayon nga i-monitor ug siguruhong walay illegal drug activities sa ilang lugar. Kini tungod pwedeng bawi-on o i-revoke ang sertipikasyon nga drug cleared ang barangay.

Sa pagka-karun, 16 na ka barangay sa Iligan ang Drug Cleared, duha ang drug-free.

Gipasabot ni Rowel Rubio, ang Head sa City Anti-Drug Abuse Office, nga kuti ang pagpa-clear sa mga barangay. Sumala niya, kinahanglan nga accounted ang tanang Persons Who Use Drugs (PWUD) ug mga pusher nga naa sa Philippine Drug Enforcement Agency (PDEA) Watchlist kung anaa pa sila sa barangay ug kung unsa nga intervention ang nahatag na kanila. Duna pay aftercare sa mga na-rehabilitar. Kung dunay wala ma-account, dili ma-clear ang barangay.

Dugang basehan sa pag-clear sa barangay ang walay user ug pusher, walay suplay sa droga, walay drug den, walay gahimo ug ga-transact og droga, ingon man aktibo ang Sangguniang Kabataan og mga opisyal sa barangay sa kampanya kontra droga, sumala ni Director Daniot.

Usa sa mga hagit pagpa-clear sa barangay ang interes sa mga drug surrenderees nga magparehabilitar. Sumala ni Dr. Gino Meteoro, ang Community-Based Drug Rehabilitation Program Superivor dinhi, dili mapugos ang mga surrenderees ug kinahanglan boluntaryo sila nga magpa-rehab.

Nakatutok karun ang LGU pinaagi sa City Anti-Drug Abuse Office, Iligan City Police Office, Philippine Drug Enforcement Agency ug DILG sa paghatag og kaalam sa mga estudyante, out of school youth ug barangay labot sa dautang epekto sa droga, pagsiguro nga ga-plano, galihok ug dunay pundo ang Barangay Anti-Drug Abuse Councils, ug walay droga sa mga opisina sa gobyerno ug pribadong sektor aron mawagtang sa demand sa gidiling droga.

[Nobyembre 19, 2024]

19/11/2024

𝐈𝐂𝐏𝐎, 𝐆𝐈-𝐀𝐖𝐇𝐀𝐆 𝐀𝐍𝐆 𝐏𝐔𝐁𝐋𝐈𝐊𝐎 𝐍𝐆𝐀 𝐈-𝐑𝐄𝐏𝐎𝐑𝐓 𝐊𝐔𝐍𝐆 𝐃𝐔𝐍𝐀𝐘 𝐍𝐀𝐇𝐈𝐁𝐀𝐋𝐎-𝐀𝐍 𝐍𝐆𝐀 𝐈𝐋𝐋𝐄𝐆𝐀𝐋 𝐃𝐑𝐔𝐆 𝐀𝐂𝐓𝐈𝐕𝐈𝐓𝐈𝐄𝐒

Gi-awhag ni Iligan City Police Office Director PCol. Reinante Delos Santos ang publiko nga mo-report kanila kung dunay nailhan nga mga nalambigit sa gidili nga droga, bisan pa og pulis kini.

Gipasalig ni Delos Santos nga walay pulis nga protektor og durugista sa Iligan apan bukas sila sa pagdawat og sumbong. Girekognisa ni Delos Santos ang papel sa komunidad sa pagsumpo sa problema sa droga.

“Dili ka-bastabasta [og operate] kung walay report nga nadawat. One way of knowing is by way of reporting,” sumala niya. Gipasalig usab ni Delos Santos nga itago nila ang identity sa gasumbong ug dili usab kinahanglan mo-testigo sa korte. Pa-igo na nila ang impormasyon nga madawat ug sila na ang moberipika.

Sumala niya, isulat lang sa papel ang pangalan sa ilang isumbong ug ibutang sa suggestion box sa ilang estasyon, o kaha itext o tawag. Dugang awhag niya nga dili basulon ang gobyero sa problema sa droga, apan manginlabot sa pagsulbad niini. “Nagkinahanglan ni og holistic approach,” sumala niya.

Si Delos Santos usa sa mga namulong sa paglunsad sa Drug Abuse Prevention and Control Week.
[Nobyembre 19, 2024]

19/11/2024

𝐌𝐆𝐀 𝐄𝐒𝐓𝐃𝐘𝐀𝐍𝐓𝐄 𝐒𝐀 𝐌𝐆𝐀 𝐓𝐔𝐍𝐆𝐇𝐀𝐀𝐍 𝐒𝐀 𝐈𝐋𝐈𝐆𝐀𝐍, 𝐌𝐈𝐏𝐀𝐃𝐔𝐍𝐆𝐎𝐆 𝐒𝐀 𝐈𝐋𝐀𝐍𝐆 𝐁𝐀𝐋𝐀𝐊

Gipadungog sa mga partisipante sa mga tunghaan sa Iligan ang ilang balak nga may mensahe kabahin sa dili maayong epekto sa ilegal nga droga. Kini atol sa Balak Contest nga gipahigayon sa Iligan City Youth Development Offic ug City Anti-Drug Abuse Office alayon sa pagsaulog sa Drug Abuse Prevention and Control o DAPC Week.

Kampyeon si Axel Donaire ug nakuha ang premyong P5,000, gisundan kini Jhen Dhave Cabasag nga nakadawat og P3,000 nga premyo. Nakuha sab ni Kint Bayking ang ikatulong ganti nga P2,000

Ang kompetisyon dunay temang Prioritizing Health- Based Approach In Drug Abuse Prevention and Control.

[Nov. 19, 2024 | via CEC]

18/11/2024

𝟏𝟎𝟎𝟎 𝐒𝐎𝐋𝐎 𝐏𝐀𝐑𝐄𝐍𝐓𝐒, 𝐍𝐀𝐊𝐀𝐃𝐀𝐖𝐀𝐓 𝐎𝐆 𝐅𝐈𝐍𝐀𝐍𝐂𝐈𝐀𝐋 𝐒𝐔𝐁𝐒𝐈𝐃𝐘

Nakadawat og tag sais mil ang 1000 ka Solo Parents sa Iligan gahapon gikan sa LGU. Subay kini sa gipasar nga ordinansa ni Konsehal Queenie Belmonte nga hatagan og P1,000 matag bulan ang mga ginikanan nga nag-inusara pagbuhi sa ilang mga anak aron makatabang sa ilang galastuhon.

Unom ka bulan ang coverage sa maong payout.

Sumala ni Mayor Frederick Siao, makadawat ang solo parent og subsidiya bisan unsa pa ang politikanhong baruganan niini basta pasado lang kini sa requirements ug validation.

Sunod bulan ang ikaduhang hugna sa paghatag sa laing sais mil pesos, dugang sa Mayor.

Gibutyag usab ni Konsehal Rosevie Belmonte, Committee Chairman sa Social Services, nga pinaka-una ang Iligan City sa Region X nga naghatag og subsidy sa mga validated nga Solo Parents.

Sumala pa ni Konsehal Belmonte nga mapasalamaton sila ni Mayor Freddie Siao kauban sa 18th council nga gitugotan ang pag-gahin og pondo alang sa binulan nga subsidy sa mga Solo Parents.

[Nov. 19, 2024 | Janice G. Magsayo]

18/11/2024

𝟓 𝐊𝐀 𝐃𝐑𝐔𝐆 𝐂𝐋𝐄𝐀𝐑𝐄𝐃 𝐁𝐀𝐑𝐀𝐍𝐆𝐀𝐘 𝐒𝐀 𝐈𝐋𝐈𝐆𝐀𝐍, 𝐆𝐈𝐑𝐄𝐊𝐎𝐆𝐍𝐈𝐒𝐀 𝐒𝐀 𝐋𝐎𝐊𝐀𝐋 𝐍𝐆𝐀 𝐊𝐀𝐆𝐀𝐌𝐇𝐀𝐍𝐀𝐍

Gi-rekognisa sa lokal nga kagamhanan sa Iligan ang lima ka drug-cleared barangay sa syudad. Kini ang Mandulog, Upper Tominobo, Sto. Rosario, Sta. Felomina ug Dulag atol sa paglunsad sa Drug Abuse Prevention Control (DAPC) Week.

Sumala ni Ligaya Sandaan, ang Investigator Agent V sa Philippine Drugs Enforcement Agency (PDEA) Provincial Office, Lanao del Norte wala na mibalik sa illegal drug avtivities ang Persons Who Use Drugs niini nga mga barangay.

"Pagkatapos i- clear ang ating mga barangays, ibig sabihin ang ating mga PWUD's ay naka under na ng programs nila until such time, mag start na ang barangay natin to monitor doon sa mga PWUDS natin bumalik ba sila o babalik na sila sa dati. Magpu push ba sila o gagamit sila uli. Kung hindi na, nami maintain ni barangay ang status niya as barangay cleared," dugang ni Sandaan

Ang drug clearing sa mga barangay gisugdan niadtong 2018 hangtud 2024. Pinaagi sa pagpangulo sa Iligan City Anti- Drug Abuse Council kauban ang PDEA, Philippine National Police City Health Office, Barangay Local Government Unit.

[Nov. 18, 2024 | via CEC]

18/11/2024

𝐖𝐀𝐋𝐎 𝐊𝐀 𝐁𝐀𝐑𝐀𝐍𝐆𝐀𝐘 𝐒𝐀 𝐈𝐋𝐈𝐆𝐀𝐍, 𝐎𝐏𝐄𝐍 𝐃𝐄𝐅𝐄𝐂𝐀𝐓𝐈𝐎𝐍 𝐅𝐑𝐄𝐄 𝐍𝐀

Gihatagan og mga signages ang mga barangay sa Tibanga, Maria Cristina, Suarez, Ubaldo Laya, Pugaan, Luinab, Hinaplanon ug Santiago nga Zero Open Defecation nga barangay atol sa pag-obserbar sa World Toilet Day dinhi sa Iligan. Dugang kini sa mga naunang barangay sa syudad nga open defecation free na.

Sumala ni Engr. Evan Lagura, Sanitation Inspector VI sa Environmental Sanitation Section sa City Health Office, ang signages pag-ila sa barangay nga mihimog aksyon nga dunay kasilyas ang matag pamilya ug magshare ug kasilyas sa uban nga wala niini.

Matud ni Lagura, tinuig kini nga pag-obserbar sa United Nations nga pangitaan og paagi ang pagsulbad sa global sanitation crisis. Tema karong tuiga ang sanitation for peace.

Apil sa mga paningkamot sa LGU pinaagi sa City Health Office ang paghatag ug libreng toilet bowl sa mga balay nga walay kasilyas.

Karong tuiga, 150 ka toilet bowl ang gihatag sa mga nanginahanglan hilabi na sa mga sitio sa barangay nga dunay communal toilet.

Sa pag-obserbar sa World Toilet Day, nagmotorkada ang City Health Office nga padayon nanawagan nga importante sa panimalay ang kasilyas sanglit ang human waste o hugaw sa tawo maghatud og makamatay nga sakit sama sa Cholera kung dili mahipos og insakto.

Dunay pay 17 ka barangay sa Iligan nga dunay open defecation status.

[November 18, 2024 l Ronnie Enderes]

18/11/2024

DRUG ABUSE PREVENTION AND CONTROL (DAPC) WEEK CELEBRATION || NOVEMBER 18, 2024

Address

Buhanginan Hills, Pala-o
Iligan City
9200

Website

http://www.iligan.gov.ph/

Alerts

Be the first to know and let us send you an email when Asenso News Iligan City posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Asenso News Iligan City:

Videos

Serbisyong Iliganon Caravan sa Barangay Bunawan

LANTAWA: Bakuna sa pneumonia alang sa mga edaran, pag-apply sa national ID ug libreng alot lakip sa mga serbisyo sa Serbisyong Iliganon Caravan sa Barangay Bunawan. Ang detalye sa report ni Ronnie Enderes.

DRUG ABUSE PREVENTION AND CONTROL (DAPC) WEEK CELEBRATION || NOVEMBER 18, 2024

Serbisyong Iliganon Caravan sa Barangay Hindang

𝐋𝐀𝐍𝐓𝐀𝐖𝐀: Libreng serbisyong medikal, baid sa gabas ug storytelling lakip sa mga serbisyo sa Serbisyong Iliganon Caravan sa Barangay Hindang. Ang detalye sa report ni Ronnie Enderes.

Water Rehabilitation

𝐋𝐀𝐍𝐓𝐀𝐖𝐀: Konstruksyon sa 25 Million pesos nga rehabilitasyon sa Water System 1 sa Iligan City Waterworks System, gisugdan na WDC Builders and Suppliers. Ang detalye sa report ni Charlene Collantes.

ILIGAN MEDIA FORUM || NOVEMBER 05, 2024

LANTAWA: Pag-aghat sa katawhan nga modonar og dugo, libreng konsulta ug libreng tambal lakip sa mga serbisyo nga gidala sa Serbisyong Iliganon Caravan sa Barangay Kabacsanan, Iligan City. Ang detalye sa report ni Ronnie Enderes.

Serbisyong Iliganon Caravan sa Barangay Kalilangan

LANTAWA: Pagbakuna ug ubang serbisyo medikal, gipahigayon sa Serbisyong Iliganon Caravan sa Barangay Kalilangan. Ang detalye sa report ni Ronnie Enderes.

Update sa konstraksyon sa Pala-o Market

LANTAWA: Pagbakbak sa semento ug pagbaklas sa tiles, kini ang kamolong gihimo karon sa pag-usab og konstraksyon sa Pala-o Market. Ang detalye sa report ni Charlene Collantes.

Serbisyoing Iliganon Caravan sa Barangay Dulag

LANTAWA: Libreng konsulta sa doktor, libreng tambal, baid sa gabas ug libreng alot, lakip sa mga serbisyo nga gidala sa mga departamento sa LGU sa Barangay Dulag. Ang detalye sa report ni Ronnie Enderes.