Asenso News Iligan City

Asenso News Iligan City Welcome to the official news page of the Local Government of Iligan City.
(1)

LALAKING PUNTIRYA SA BUYBUST OPS, MI-ANGKON NGA GA-BALIGYA OG DROGAMokabat ngadto sa duha ka gramo nga droga ang nakumpi...
16/01/2025

LALAKING PUNTIRYA SA BUYBUST OPS, MI-ANGKON NGA GA-BALIGYA OG DROGA

Mokabat ngadto sa duha ka gramo nga droga ang nakumpiska sa kapulisan sa Station 1 atol sa gipahigayong drug buybust operation gahapon sa Purok 3 Barangay Palao, Iligan. Nakuhaan ang suspek og upat ka medium size sachet sa gituohang shabu ug drug paraphernalia.

Napalitan ang suspek og balor P500 nga droga apan mokantidad tanang nakumpiska kaniya og P13,600.

Ang suspek 48 anyos, walay trabaho ug residente sa Barangay Pugaan.

Gi-angkon sa suspek ang mga kontrabando nga nakuha kaniya. Gi-detiner ang suspek sa estasyon sa kapulisan samtang gihikay ang kaso batok niya.

[Enero 15, 2025| Pabs Colance Anoos, Media Center]

EX-CONVICT, SIKOP SA DRUG BUYBUST OPERATIONDakpan ang usa ka lalaki sa gikasa nga drug buybust operation kagahapon sa Pu...
16/01/2025

EX-CONVICT, SIKOP SA DRUG BUYBUST OPERATION

Dakpan ang usa ka lalaki sa gikasa nga drug buybust operation kagahapon sa Purok 6 Barangay Tambacan, Iligan City. Napalitan sa mga operatiba sa Iligan City Police Station 4 ang suspek og P200 nga balor sa shabu. Nakuhaan sab siya og duha ka medium size nga pakete sa gituohang shabu, laing unom ka small size sachet sa sa droga nga motimbang og 0.5 gramos ug balor P3,400. Duna sab mga drug paraphernalia, pusil ug mga bala sa iyang posisyon.

Ang suspek 40 anyos, wala'y trabaho og residente sa maong lugar. Aminado siya nga napriso na kaniadto tungod sa pagpamaligya og shabu. Anaa siya sa kustodiya sa Police Station 4 diin gi-andam sab ang kaso niya nga paglapas sa Section 11 og 5 sa Article 2 sa R.A 9165 og kasong RA 10591 o ilegal nga paghupot og armas.

[Enero 15, 2025 | Pabs Colance Anoos, Media Center]

LANTAWA: Nagpaba-id sa iyang gabas si Robin Zalsos, usa ka panday sa Barangay San Roque, atol sa Serbisyong Iliganon Car...
15/01/2025

LANTAWA:

Nagpaba-id sa iyang gabas si Robin Zalsos, usa ka panday sa Barangay San Roque, atol sa Serbisyong Iliganon Caravan. Kinahanglan niya kini sa iyang panginabuhi-an ug alang niya, magamit kini niya sa ubang panginahanglanon sa pamilya ang nadaginot niya nga bayad sa pagpaba-id sa iyang gamit. Serbisyo kini nga hatud sa opisina ni Konsehal Ramil Emborong.

β€œMapasalamaton kaayo ko hilabi na sa atong gobyerno sa iyang gipa-abot nga tabang tungod niini nakapaba-id ko sa akong mga himan kay gamit kaayo ni sa akong pagpanarbaho. Nagpasalamat pud ko kay naay libreng alot libreng tambal ug uban pa,” matud ni Zalsos. Mipahimulos usab siya sa libreng alot nga hatud sa kasundalohan.

Samtang gipakonsulta ni Arlen Lurino ang gasakit nga apo sa City Health Office. Gi-check up kini sa doktor ug gihatagan og tambal ug mga vitamins.
β€œDako kaayo akong pasalamat sa serbisyo nila labi na sa libreng pakonsulta ug libreng tambal,β€œ sumala ni Lurino.

Midala sa ilang mga serbisyo sa Barangay San Roque ang mga buhatan sa lokal nga kagamhanan, sa Barangay Affairs Office Community Affairs Office, City General Services Office kauban ang AIP barangay base, AIAC, Bureau of Fire Protection sa Iligan, PhilHealth ug uban pa.

Subay kini sa Iligan Development Goal sa administrasyon ni Mayor Frederick Siao nga tabang sa mga katawhan sa barangay ug purok. Karung adlawa, anaa sa Barangay Saray ang Serbisyong Iliganon Caravan.

[January 16, 2024 l Christal Jean Nadera, Intern]

πŒπ†π€ πŒπ€π’π€πŠπˆπ“πŽπ 𝐒𝐀 ππ€π‘π€ππ†π€π˜ π”ππ€π‹πƒπŽ π‹π€π˜π€ π†πˆππˆπ’πˆπ“π€ 𝐒𝐀 πŽππ‹π€π ππˆπ’πˆπ“π€Gibisitahan sa doktor sa City Health Office ang lima ka mg...
15/01/2025

πŒπ†π€ πŒπ€π’π€πŠπˆπ“πŽπ 𝐒𝐀 ππ€π‘π€ππ†π€π˜ π”ππ€π‹πƒπŽ π‹π€π˜π€ π†πˆππˆπ’πˆπ“π€ 𝐒𝐀 πŽππ‹π€π ππˆπ’πˆπ“π€

Gibisitahan sa doktor sa City Health Office ang lima ka mga nagmasakiton sa Barangay Ubaldo Laya, pinaagi sa programang Oplan Bisita, karong adlawa.

Midawat og mga tambal human ma check-up ang mga edaran sa barangay nga na-stroke, bedridden ug dunay hypertension. Ingun man midawat sab sila og tag 10 kilos nga bugas gikan sa City Social Welfare and Development ug sa lokal nga kagamhanan.

Ang Oplan Bisita galibot sa 44 ka barangay sa Iligan aron paghatag og serbisyong medical sa mga masakiton nga walay igong kapasidad nga makapa check-up sa doktor.

Ang Ubaldo Laya ang unang barangay nga nabisitahan sa grupo karong tuiga.

[Enero 15, 2024| via CEC]
πŸ“Έ Joemar Neil AliΓ±o

πˆπ‚π–π’, π†πˆπ’π€π˜π‘π€π 𝐀𝐍𝐆 πŒπ†π€ π‘π„π’πˆπƒπ„ππ“π„ 𝐒𝐀 π•πˆπ’π“π€ π•πˆπ‹π‹π€π†π„ 𝐒𝐀 ππ‘πŽπ’π„π’πŽ 𝐏𝐀𝐆𝐏𝐀𝐓𝐀𝐔𝐃 πŽπ† π‹πˆππ˜π€ 𝐒𝐀 π“π”ππˆπ†Gitudloan sa Iligan City Waterwo...
15/01/2025

πˆπ‚π–π’, π†πˆπ’π€π˜π‘π€π 𝐀𝐍𝐆 πŒπ†π€ π‘π„π’πˆπƒπ„ππ“π„ 𝐒𝐀 π•πˆπ’π“π€ π•πˆπ‹π‹π€π†π„ 𝐒𝐀 ππ‘πŽπ’π„π’πŽ 𝐏𝐀𝐆𝐏𝐀𝐓𝐀𝐔𝐃 πŽπ† π‹πˆππ˜π€ 𝐒𝐀 π“π”ππˆπ†

Gitudloan sa Iligan City Waterworks System (ICWS) ang mga residente sa Vista Village sa pamaagi pagpataud og linya sa tubig.

Kini aron ma-andam ang mga kinahanglanon sa ilang pag-apply. Apil sa gipasabot kanila ang ilang mga responsibilidad ug katungod isip mga konsumante ingon man ilang tulobagon.

Sumala ni Engr. Jaime Sato, ang Head sa ICWS, nga paningkamotan sa buhatan nga maabot na sa kabalayan ang tubig sa labing daling panahon. Sa pagka-karun, napasaka na sa ICWS ang tubig paingon sa mga reservoir sa Vista Village. Kaniadto, walay tubig nga maabot sa mga tangke.

Dako ang pasalamat ni Joel Jarabe, walo na ka-tuig nga nagpuyo sa lugar, nga gihatagan og pagtagad sa administrasyon ni Mayor Freddie Siao ang problema sa tubig nga wala ma-atiman sa kaniadto nga administrasyon.

[Enero 15, 2025| via CEC]

𝐁𝐀𝐆-πŽππ† π‚πˆπ“π˜ 𝐓𝐑𝐄𝐀𝐒𝐔𝐑𝐄𝐑, 𝐌𝐈-𝐀𝐓𝐔𝐁𝐀𝐍𝐆 𝐒𝐀 πŠπŽππ’π„π‡πŽ 𝐒𝐀 πˆπ‹πˆπ†π€πMi-atubang si Atty. Laurentino P. Badelles, ang bag-ong gitudlo n...
15/01/2025

𝐁𝐀𝐆-πŽππ† π‚πˆπ“π˜ 𝐓𝐑𝐄𝐀𝐒𝐔𝐑𝐄𝐑, 𝐌𝐈-𝐀𝐓𝐔𝐁𝐀𝐍𝐆 𝐒𝐀 πŠπŽππ’π„π‡πŽ 𝐒𝐀 πˆπ‹πˆπ†π€π

Mi-atubang si Atty. Laurentino P. Badelles, ang bag-ong gitudlo nga City Treasurer sa siyudad sa 18th Council atol sa session gahapong adlawa. Kini aron ipresenta iyang background, function, iyang trabaho kaniadto ug matubag usab niya ang mga pangutana sa mga sakop sa konseho kalabot sa iyang linya sa trabaho.

Matud ni Atty. Badelles nga karong adlawa lang na turn over sa iya ang libro sa siyudad. Dugang ni Atty. Badelles nga dako iyang panlantaw sa City Treasurer’s Office, usa niini nga mamahimong ISO Certified Office.

Mihangyo ang bag-ong City Treasurer sa konseho nga kung mahimo aduna'y Assistant City Treasurer ang siyudad. Sumala niya, ang Iligan lang sa mga highly urbanized city ang wala'y Assistant City Treasurer.

Gipaabot usab niya nga usa sa problema sa buhatan ang under staffing rason nga dili kumpleto nga mahatud ang serbisyo sa katawhan.

Giklaro ni Atty. Badelles nga dili importante nga dako ang qualification sa mo-apply sa plantilla positions, ang kinahanglan lang ang kagustuhan motrabaho ug andam mo-pailawom og training kung kinahanglanon.

Mi-aging semana, gipahigayon ang ceremonial turn-over sa bag-ong City Treasurer nga gitambongan ni Mayor Frederick W. Siao.

[Enero 15, 2025 | Janice G. Magsayo]

π‹π”π†π–π€π˜ 𝐒𝐀 ππ€π†π‹π”πŠπ€π“ 𝐔𝐆 𝐏𝐀𝐆-𝐑𝐄𝐍𝐄𝐖 𝐒𝐀 ππ”π’πˆππ„π’π’ ππ„π‘πŒπˆπ“, π€ππ‘πŽππ€πƒπŽ 𝐒𝐀 πŠπŽππ’π„π‡πŽAprubado sa konseho ang hangyo ni Reggie D. Punon...
14/01/2025

π‹π”π†π–π€π˜ 𝐒𝐀 ππ€π†π‹π”πŠπ€π“ 𝐔𝐆 𝐏𝐀𝐆-𝐑𝐄𝐍𝐄𝐖 𝐒𝐀 ππ”π’πˆππ„π’π’ ππ„π‘πŒπˆπ“, π€ππ‘πŽππ€πƒπŽ 𝐒𝐀 πŠπŽππ’π„π‡πŽ

Aprubado sa konseho ang hangyo ni Reggie D. Punongbayan, ang Presidente sa Iligan Chamber of Commerce and Industry Foundation, pinaagi sa iyang sulat nga gipaabot sa konseho nga lugwayan ang deadline sa paglukat ug renew sa business permit hangtod March 15, 2025.

Sumala ni Punongbayan nga ilakip usab ang pagwagtang sa penalties ug ipadayon ang Business One Stop Shop o BOSS.

Ang orihinal nga deadline sa paglukat ug renew sa business permits hangtod lang katapusan ning bulana. Aduna'y Satellite BOSS sa Gaisano Mall-Iligan ug Robinsons Place.

[Enero 14, 2025 | Analeah Alquizar, Intern]

14/01/2025

𝐋𝐀𝐍𝐓𝐀𝐖𝐀:

Blood sugar testing, pagpa-enrol sa Philhealth ug pagpang-apud-apod ug semilya sa prutas lakip sa mga serbisyo sa Serbisyong Iliganon Caravan sa Barangay San Roque.

Ang detalye sa report ni Ronnie Enderes.

πŽππ‹π€π ππˆπ’πˆπ“π€, 𝐌𝐎-ππˆπ’πˆπ“π€ 𝐒𝐀 πŒπ†π€ πŒπ€π’π€πŠπˆπ“πŽπ 𝐒𝐀 ππ€π‘π€ππ†π€π˜ π”ππ€π‹πƒπŽ π‹π€π˜π€ π”π†πŒπ€Bisitahon sa Oplan Bisita Team ang mga benepisyaryo...
14/01/2025

πŽππ‹π€π ππˆπ’πˆπ“π€, 𝐌𝐎-ππˆπ’πˆπ“π€ 𝐒𝐀 πŒπ†π€ πŒπ€π’π€πŠπˆπ“πŽπ 𝐒𝐀 ππ€π‘π€ππ†π€π˜ π”ππ€π‹πƒπŽ π‹π€π˜π€ π”π†πŒπ€

Bisitahon sa Oplan Bisita Team ang mga benepisyaryo nga nagmasakiton sa Barangay Ubaldo Laya, ugma Enero 15.

Ihatud sa team sa mismong panimalay ang serbisyong medical sama sa libreng check-up, tambal diin kaabag sab niini ang buhatan sa City Social Welfare and Development, Office of the Senior Citizen, ug ang opisina ni Councilor Huertas nga gahatag og mga assistive devices.

Namugna ang Oplan Bisita sa administrasyon ni Mayor Siao, nga gabisita sa nagmasakiton, pinakalisod ug walay igong kapasidad nga makapa check-up sa doktor.

[Enero 14, 2025 | via CEC]

πŽπŒπšπ‡π‚π‚, 𝐌𝐈-𝐀𝐖𝐇𝐀𝐆 𝐒𝐀 π†π”π’π“πŽππ† πŒπ€π†πŠπ€π’π€π‹ 𝐍𝐆𝐀 πŒπ€π†ππ€-π‘π„π‡πˆπ’π“π‘πŽ 𝐒𝐀 πŠπ€π’π€π‹π€π 𝐍𝐆 ππ€π˜π€π 𝐒𝐀 ππ„ππ‘π„π‘πŽ πŸπŸ’, πŸπŸŽπŸπŸ“Mi-awhag ang Office of th...
13/01/2025

πŽπŒπšπ‡π‚π‚, 𝐌𝐈-𝐀𝐖𝐇𝐀𝐆 𝐒𝐀 π†π”π’π“πŽππ† πŒπ€π†πŠπ€π’π€π‹ 𝐍𝐆𝐀 πŒπ€π†ππ€-π‘π„π‡πˆπ’π“π‘πŽ 𝐒𝐀 πŠπ€π’π€π‹π€π 𝐍𝐆 ππ€π˜π€π 𝐒𝐀 ππ„ππ‘π„π‘πŽ πŸπŸ’, πŸπŸŽπŸπŸ“

Mi-awhag ang Office of the Maranao, Higaunon and Other Cultural Communities (OMaHCC) ngadto sa mga gustong magpakasal nga magrehistro na sa City Civil Registrar Office (CCRO).

Padayon nga gadawat og aplikasyon ang CCRO sa mga gustong mo-avail sa libreng kasal pinaagi sa Kasalan ng Bayan sa Pebrero 14, 2025 sa Robinson's Place Atrium.

Magdala lang niini nga mga resikitos; duha (2) ka kopya sa Birth Certificate ug Valid ID, Barangay Residency, Certificate of Indigency ug CENOMAR. Bukas ang buhatan sa CCRO Lunes hangtud Biyernes sa alas 8:00 AM hangtud 5:00 PM. Ang rehistro mulungtad hangtud sa Enero 31, 2025.

Gi-organisa ang Kasalan ng Bayan sa Office of the Maranao, Higaunon and Other Cultural Communities.

Sumala ni Marecil Timbangan, ang Higaunon Consultant nga mahinungdanon nga sa managti-ayon ilabi na hinterlands barangay nga dunay saktong papel nga gapamatuod nga kasado ang magti-ayon.

Para sa dugang nga pangutana mamahimong mudool sa buhatan sa OMaHCC o kaha sa CCRO.

[Enero 13, 2025 | Fel Andrei Rabago]

πŒπ†π€ 𝐍𝐀𝐆-𝐔𝐍𝐀𝐍𝐆 π’π„π‘ππˆπ’π˜πŽ, 𝐃𝐀𝐃-𝐎𝐍 𝐒𝐀 𝐂𝐀𝐑𝐀𝐕𝐀𝐍 𝐒𝐀 ππ€π‘π€ππ†π€π˜ 𝐒𝐀𝐍 π‘πŽππ”π„ π”π†πŒπ€Mobisita ang Serbisyo Caravan sa Barangay San Roque ...
13/01/2025

πŒπ†π€ 𝐍𝐀𝐆-𝐔𝐍𝐀𝐍𝐆 π’π„π‘ππˆπ’π˜πŽ, 𝐃𝐀𝐃-𝐎𝐍 𝐒𝐀 𝐂𝐀𝐑𝐀𝐕𝐀𝐍 𝐒𝐀 ππ€π‘π€ππ†π€π˜ 𝐒𝐀𝐍 π‘πŽππ”π„ π”π†πŒπ€

Mobisita ang Serbisyo Caravan sa Barangay San Roque ugma, Enero 14 aron paghatud og mga nag-unang serbisyo sa katawhan sa barangay.

Usa niini ang libreng check-up ug tambal sa City Health Office, libreng tuli, rehistro sa national ID sa Philippine Statistic Authority. Anaa sab ang City Civil Registrar nga nagtanyag og late registration adtong wala pa na-rehistro o walay birth certificate ug uban pang mga serbisyo sa mga ahensya sa lokal ug nasyunal nga kagamhanan.

Sa Enero 16, ihatud sab nagdto sa Barangay Saray ang susama nga mga serbisyo.

[Enero 13, 2025| CEC]

𝐂𝐀𝐒𝐇 π€π’π’πˆπ’π“π€ππ‚π„, π†πˆπ‡π€π“π€π† 𝐒𝐀 𝐋𝐆𝐔-πˆπ‹πˆπ†π€π 𝐒𝐀 πŒπ†π€ ππ€πŠπ€π‹πˆππ†πŠπ€π–π€π’ 𝐒𝐀 ππ€π†π˜πŽ 𝐒𝐀 πˆπ‘πˆπ†π€ π‚πˆπ“π˜Mitunol og 1 million cash assistance a...
13/01/2025

𝐂𝐀𝐒𝐇 π€π’π’πˆπ’π“π€ππ‚π„, π†πˆπ‡π€π“π€π† 𝐒𝐀 𝐋𝐆𝐔-πˆπ‹πˆπ†π€π 𝐒𝐀 πŒπ†π€ ππ€πŠπ€π‹πˆππ†πŠπ€π–π€π’ 𝐒𝐀 ππ€π†π˜πŽ 𝐒𝐀 πˆπ‘πˆπ†π€ π‚πˆπ“π˜

Mitunol og 1 million cash assistance ang LGU Iligan pinaagi ni Mayor Frederick W. Siao sa Iriga City, isip tabang aron makabangon sa bagyo nga nasinati sa siyudad miaging tuig.

Personal nga gitunol ni Mayor Siao ang cheke ngadto kang Atty. Maria Sushmita O. Malaya, Assistant City Accountant diin maoy nag representar sa Iriga City sa gipahigayon nga turn over ceremony.

Mapasalamaton ang LGU sa Iriga City ubos sa administrasyon ni Mayor Rex C. Oliva sa gihimong inisyatibo sa LGU Iligan City timaan kini sa pagtinabangay tali sa mga lokal nga kagamhanan panahon sa kalimidad.

Personal usab nga gipaabot ni Mayor Siao ang donasyon para sa probinsiya sa Camarines Sur ngadto kang Vice Governor Sal Fortunato Jr.

[Enero 13, 2025 | Janice G. Magsayo]

𝐋𝐀𝐍𝐓𝐀𝐖𝐀: Dali nga na-respondehan sa Iligan City Water Works System (ICWS) Maintenance Division ang report nga mi-buswak ...
13/01/2025

𝐋𝐀𝐍𝐓𝐀𝐖𝐀:
Dali nga na-respondehan sa Iligan City Water Works System (ICWS) Maintenance Division ang report nga mi-buswak ang fire hydrant sa Barangay Tominobo human mi-bangga niini ang usa ka-jeep, niadtong Enero 12, 2025 sa buntag.

Ang hydrant konektado sa System 1 sa ICWS.

Gikan sa pagkaguba sa hydrant pasado alas 10:00 sa buntag, nahuman kini og ayo pasado alas 12:00 sa udto.

Ang Maintenance Division ga-responde sa mga emerhensya bisan adlaw’ng Sabado ug Dominggo.

[Enero 13, 2025]

πŸ’ πŠπ€-π’π”π’ππ„πŠ 𝐒𝐀 𝐏𝐀𝐆𝐏𝐀𝐍𝐆𝐀𝐖𝐀𝐓 𝐒𝐀 πŽπ‘πŽππ”πˆπ„π“π€ π‚πˆπ“π˜, πƒπ€πŠππ€π 𝐒𝐀 π‚π‡π„π‚πŠππŽπˆππ“ 𝐒𝐀 πˆπ‹πˆπ†π€πWala kalusot sa checkpoint sa may Tominobo, ...
13/01/2025

πŸ’ πŠπ€-π’π”π’ππ„πŠ 𝐒𝐀 𝐏𝐀𝐆𝐏𝐀𝐍𝐆𝐀𝐖𝐀𝐓 𝐒𝐀 πŽπ‘πŽππ”πˆπ„π“π€ π‚πˆπ“π˜, πƒπ€πŠππ€π 𝐒𝐀 π‚π‡π„π‚πŠππŽπˆππ“ 𝐒𝐀 πˆπ‹πˆπ†π€π

Wala kalusot sa checkpoint sa may Tominobo, Iligan City ang upat ka suspek sa pagpangawat sa Oroquieta City human gitawag kanila sa Oroquieta City Police Station ang gisakyan sa mga suspek, Enero 10, 2025 sa gabii.

Gi-hold ang upat ka suspek hangtud sa pag-abot sa mga Pulis sa Oroquieta dinhi sa Iligan. Positibo nga gi-ila ang upat ka suspek. Duha kanila taga Cavite, usa ang taga Manila ug usa ang taga Lipa City, Batangas.

Nakuha gikan sa mga suspek ang daghang mga butang nga gituohang kinawat. Gituohan nga mga myembro sa budol-budol ang mga suspek.

Gidala sila og balik sa Oroquieta diin gihikay ang kaso batok nila.

[Enero 13, 2025 |Dario Obach Navales, Media Center]

ππ”ππƒπŽ 𝐀𝐋𝐀𝐍𝐆 𝐒𝐀 πƒπˆπ†πˆπ“π€π‹πˆπ™π€π“πˆπŽπ 𝐒𝐀 π†π“π‹πŒπ‡, π†πˆ-π†π€πŒπˆπ“ 𝐒𝐀 πˆππ’π€πŠπ“πŽ --𝐃𝐑. ππ„π‘ππ€π‘πƒπŽGi-barugan ni Dr. William Bernardo, ang Focal ...
13/01/2025

ππ”ππƒπŽ 𝐀𝐋𝐀𝐍𝐆 𝐒𝐀 πƒπˆπ†πˆπ“π€π‹πˆπ™π€π“πˆπŽπ 𝐒𝐀 π†π“π‹πŒπ‡, π†πˆ-π†π€πŒπˆπ“ 𝐒𝐀 πˆππ’π€πŠπ“πŽ --𝐃𝐑. ππ„π‘ππ€π‘πƒπŽ

Gi-barugan ni Dr. William Bernardo, ang Focal Person sa Don Gregorio Lluch Memorial Hospital (GTLMH), nga wala hilabti ni Mayor Freddie Siao ang pundo alang sa digitalization sa ospital sama sa gipakatap nga storya.

Dunay sobra 8 Million Pesos nga pundo niadtong 2012 alang sa hospital digitalization apan 5.5 Million nalang ang pundo nga na-abtan sa administrasyon ni Mayor Siao. Sumala niya, posibleng nagamit kaniadto ang parte sa pundo alang sa pagpalit og computers sa ospital. β€œPagsulod ni Mayor (Siao), 5.5 nalang ang nahabilin. It’s next to impossible maka-implement β€˜ta sa 5.5 kay kato gani sa una nga 8 kapin ang budget og barato pa ang unit, halos times two na karun, unya nakulangan pa gyud, so dili gyud siya ma-complete. Taas kaayo ang listahan (sa kinahanglang equipment) so we selected katong mga critical nga item nga masigo sa 5.5,” sumala niya. Consultant sab si Dr. Bernardo sa ospital sa mi-aging administrasyon.

Nakapalit ang ospital karun og mga branded nga computers, licensed software ug Total Transcription Solution nga server aron makatabang sa pag-load sa rekord sa mga pasyente ngadto sa PhilHealth. Duna sab CCTV cameras nga gi-instalar na sa palibot sa ospital ug mga IP phones.

Aminado si Dr. Bernardo nga wala pa niini nakumpleto ang mga kinahanglan nga mga gamit sa digitalization, apan plano nila nga anam-anamon lang og palit ang mga kulang pinaagi sa ilang share nila sa PhilHealth o PhilHealth Trust Fund. Dugang pag-klaro niya nga ulahi sa prayoridad sa Trust Fund ang digitalization tungod una man ang pagpalit og mga tambal. Nagpasabot nga ang mahabilin lang sa Trust Fund ang i-tiwas nila sa digitalization projects.

Gihangyo sab ni Dr. Bernardo ang pagsabot sa mga pasyente tungod anaa pa sa transition period ang mga empleyado sa ospital sa pag-gamit sa bag-ong teknolohiya gikan sa papel nga rekord ug mga transaksyon.

[Enero 13, 2025]

π“π”π‹πŽ πƒπ€πŠππ€π 𝐒𝐀 ππ”π˜ππ”π’π“ πŽππ„π‘π€π“πˆπŽπ, πŸ’πŸŽπŸ–πŠ ππ€π‹πŽπ‘ 𝐒𝐀 πƒπ‘πŽπ†π€ ππ€πŠπ”πŒππˆπ’πŠπ€Gidakop si alyas Jaybee sa Regional Drug Enforcement Uni...
13/01/2025

π“π”π‹πŽ πƒπ€πŠππ€π 𝐒𝐀 ππ”π˜ππ”π’π“ πŽππ„π‘π€π“πˆπŽπ, πŸ’πŸŽπŸ–πŠ ππ€π‹πŽπ‘ 𝐒𝐀 πƒπ‘πŽπ†π€ ππ€πŠπ”πŒππˆπ’πŠπ€

Gidakop si alyas Jaybee sa Regional Drug Enforcement Unit (RDEU) human napaliti og P1,000 nga balor sa shabu sa Purok 6, Barangay Pala-o, Enero 11, 2025 sa gabii. Nakuha kaniya ang tulo ka dagko ug duha ka gagmayng pakete sa gituohang shabu. Gibanabana nga motimbang og 60 gramos ug mokantidad og P408,000 ang droga nga nakumpiska.

Gidakop sab si alyas Jonrey ug nakuha kaniya ang pito ka pakete sa gituohang shabu.

Dakpan sab si alyas Roger nga dunay siyam ka pakete sa gituohang shabu. Miangkon si Jaybee sa sa**ud apan milimud si Jonrey ug Roger nga namaligya sila og droga. Silang tulo gidala sa Presinto 5 diin gi-andam ang kaso batok kanila.

[Enero 13, 2025 |Dario Obach Navales, Media Center]

𝐋𝐀𝐍𝐓𝐀𝐖𝐀:Gipahigayon sa mga Pulis sa Iligan ang ceremonial checkpoint kagahapon, Enero 12, 2025 sa Barangay Dalipuga kaub...
12/01/2025

𝐋𝐀𝐍𝐓𝐀𝐖𝐀:
Gipahigayon sa mga Pulis sa Iligan ang ceremonial checkpoint kagahapon, Enero 12, 2025 sa Barangay Dalipuga kauban si Atty. Analiza Barredo, ang Election Officer dinhi. Gipangulohan ni Police Colonel Jerry Tambis, ang Hepe sa Iligan City Police Office, ang pag-para sa mga sakyanan ug paghimo'g visual search sa bumabyaheng publiko aron masiguro nga walay nagdala og armas niining pagsugod sa election period, gawas na lamang sa mga opisyal sa gobyerno nga exempted sa gun ban ug dunay pagtugot sa Commission on Elections nga modala sila og armas.

Parte kini sa pagsiguro nga malinawon ang eleksyon, sumala ni Police Major Zandrex Panolong, ang Spokesperson sa ICPO.

Hangtud Hunyo 11, 2025 ang gun ban.

[Enero 13, 2025]

πŸ“Έ ICPO

𝐋𝐆𝐔 πˆπ‹πˆπ†π€π, 𝐀𝐖𝐀𝐑𝐃𝐄𝐄 𝐒𝐀 πŸπŸŽπŸπŸ’ π‘π„π†πˆπŽππ€π‹ 𝐀𝐃𝐀𝐂 ππ„π‘π…πŽπ‘πŒπ€ππ‚π„ 𝐀𝐖𝐀𝐑𝐃 Nakuha sa LGU Iligan ang Highly Functional level nga 96% ala...
10/01/2025

𝐋𝐆𝐔 πˆπ‹πˆπ†π€π, 𝐀𝐖𝐀𝐑𝐃𝐄𝐄 𝐒𝐀 πŸπŸŽπŸπŸ’ π‘π„π†πˆπŽππ€π‹ 𝐀𝐃𝐀𝐂 ππ„π‘π…πŽπ‘πŒπ€ππ‚π„ 𝐀𝐖𝐀𝐑𝐃

Nakuha sa LGU Iligan ang Highly Functional level nga 96% alang sa Anti-Trafficking and Violence Against Women and Children sa gihimong 2024 Regional ADAC Performance Award.

Matud ni Evelyn Madrio, Department Head sa City Social Welfare and Development (CSWD) nga usa sa basehan sa award ang aktibo nga pagpahigayon ug meeting sa Local Council on Anti-Trafficking, Violence Against Women and Children (LCAT VAWC),miyembro niini ang DEPED, DILG, CHO, PNP, PPA ug Coastguard. Si Konsehal Rosevie Queenie Belmonte ang Chairperson sa LCAT VAWC.

Lakip usab nga basehan ang updated Gender and Development Code ug ang Violence Against Women and Children (VAWC) Desk nga anaa gibutang sa 44 ka-barangay sa siyudad.

Dugang pa ni Madrio nga mapasalamaton sila sa suporta nga gihatag ni Mayor Frederick Siao ug sa 18th Council ilabi na kang Konsehal Belmonte sa pag gahin ug igong pondo aron mapakusgan ang kampanya batok trafficking ug Violence Against Women and Children.

Gipahigayon sa siyudad sa Cagayan de Oro ang awarding diin si Vice Mayor Marianito Alemania ang midawat sa award alang sa LGU Iligan.

[Enero 10, 2025 | Janice G. Magsayo]

Address

Buhanginan Hills, Pala-o
Iligan City
9200

Website

Alerts

Be the first to know and let us send you an email when Asenso News Iligan City posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Asenso News Iligan City:

Shortcuts

Share

Category