09/01/2023
Kasabay ng selebrasyon ng ika-13 taon ng Minasa Festival ay nagsagawa ngayong araw ang Office of the Vice President’s Disaster Operations Center (OVP-DOC) ng relief operations para sa mga residente na naapektuhan ng pagbaha dito sa probinsya ng Bulacan.
Ang OVP-DOC, katuwang ang Bulacan Provincial Office sa Malolos, Bulacan, Provincial Social Welfare and Development Office (PSWDO) Head Weng Tiongson, at Philippine Coast Guard sa pamumuno ni CG PO2 Patrick Jay Pioquinto, ay naghatid ng 200 sakong bigas upang ipamahagi sa mga apektadong pamilya.
Sa aking mensahe, tiniyak ko na ang gobyerno ay nagtatrabaho upang magbigay ng kinakailangang tulong sa mga apektadong pamilyang Pilipino na dumaranas ng krisis.
Ito ang parte ng aking mensahe: “Sa panahon ng mga emergencies na kagaya nito, hindi po namin kayo iiwan. Sa araw na ito, ang amin pong Disaster Operations Center ay magpapadala ng tulong sa ating local government of Bulacan.”