Ang Boses

11/01/2025

07/12/2024

Individual Category

1st Place
Pagsulat ng Isports
-Nathaniel V. Briones
Tagapagsanay: Jenefer V. Cortejos

1st Place
Pagsulat ng Pangulong Tudling
- James M. Malda
Tagapagsanay: Darlene N. Aniga

1st Place
Pagsulat ng Agham at Teknolohiya
- Sharmaine C. Rutor
Tagapagsanay: Marycris P. Losorata

3rd Place
Pagkuha ng Larawang Pampahayagan
- Jovannah Mhaye M. Tongzon
Tagapagsanay: Maribeth A. Villahermosa

4th Place
Pagsulat ng Kolum
- Mary Jane T. Cohitmingao
Tagapagsanay: Darlene N. Aniga

Group Category

1st Place
- Best in News Page
- Best in Sports Page
- Best in Layout
Collaborative Desktop Publishing
- John Henry M. Raagas
- Monica P. Pablo
- Giah Mae C. Alfante
- Rose Dylyn M. Raagas
- Julia Mae P. Remoto
- Yasmine Pearl T. Verano
- Graine N. Otarra
Tagapagsanay: Lilibeth L. Sungahid

1st Place
Online Desktop Publishing
- Lyka M. Vargas
- Kristine Yvonne I. Barrio
- Joseph Eleu C. Flores
- Gil Amber B. Flores
- McNeil Enrico M. Metoda
Tagapagsanay: Lilibeth L. Sungahid

1st Place
- Best News Presenter
- Best Infomercial
- Best Script
Radio Scriptwriting and Broadcasting
DYVS 95.7 kHz, Radyo Alerto
- Sonny Adonis Gerbolingo
- Rhian Jemel S. Braña
- Jefrey R. Caintic
- Juliana Rose P. Villaro
- Jo Thomas T. Monto
- Tristel Q. Zarco
- Fel Quinneth C. Ingan
Tagapagsanay: Grace L. Garan

19/11/2024

ICYMI | Balitang Isports sa iginanap na Area VB Athletic Sports Meet noong Enero 12, 2023.

18/10/2024

Makapigil-hiningang sagupaan ng Hilongos Town Meet 2024, tutukan!

Matira ang matibay! Paaralan ay bigyang pugay!

Tila nagbabaga ang Erap Sports Complex habang ginaganap ang pinakahihintay na labanan ng anim na mahuhusay na distrito ng Hilongos ngayong Oktubre 18, taong 2024.

Kabilang dito ang Hilongos National Vocational School (HNVS), Hilongos Public Secondary Schools Employees Association ( HIPSSEA) , Hilongos Private School Athletics Association (HIPSAA) ,Hilongos South District , Hilongos North District, at Hilongos East District .

Makikita sa mata ng mga atleta ang matinding determinasyon at nag-aalab na kagustuhang makamit ang karangalan at maiuwi ang bandera ng tagumpay para sa kani-kanilang paaralan!

Na may temang: "Nurturing Leyteño Athletes Towards Sports Excellence"

Kuha ni: Ang Boses Radio Broadcasting Team

Teknikal Direktor: Fel Quinneth Ingan at Mark Richard Renomeron

18/10/2024

Pagbubukas ng Hilongos Town Meet 2024, sinimulan na

Pormal na binuksan nitong ika-18 ng Oktubre sa Hilongos National Vocational School Erap Sports Complex ang Town Athletic Meet na dinaluhan ng mga delegado mula sa iba’t ibang distrito ng Hilongos kabilang ang Hilongos South District, Hilongos North District, Hilongos East District, Hilongos National Vocational School (HNVS), Hilongos Public Secondary Schools Employees Association (HIPSSEA), at Hilongos Private School Athletics Association (HIPSAA).

Bago opisyal na simulan ang aktibidad, nagkaroon ng makulay na parada ang mga kalahok na atleta at ang kanilang mga tagasanay sa lungsod ng Hilongos sa pangunguna ng HNVS Band at STSH Drum Corps na agad namang sinundan ng pambungad na programa na may temang “Nurturing Leyteño Athletes Towards Sports Excellence”.

Sinimulan ito ng pag-awit ng pambansang awit, panalangin, panunumpa ng Katapatan sa Watawat ng Pilipinas, pag-awit ng DepEd Leyte Hymn at pambungad na mensahe ni Dr. Richard A. Gabison, punongg**o ng HNVS.

Nagkaroon din ng Oath of Amateurism na pinangunahan ni Francis Hercules Y. Montajes, Palarong Pambansa 2024 qualifier at Oath of Officiating Officials ni G. Rowin Saure at espesyal na mensahe ni Hon. Trinidad Zarate, Municipal SB Member.

"Athletes, your hardwork and dedication to excel in your chosen sports is commendable. Regardless of the rankings of the meet, I want you all to be proud of yourself because representing your schools, that alone is a win.", talumpati ni Gng. Zarate.

Kasunod nito ay pagpresenta ng mga kalahok na delegado sa bawat distrito na pinangunahan ng mga ulong delegante at opisyal na deklarasyon ng pagbubukas ng Town Athletic Meet 2024 na isinagawa ni Diosdado G. Pavo Jr., Public Schools District Supervisor gayundin ang Lighting of the Friendship Urn at Raising of the Banners bilang tanda ng opisyal na pagsisimula ng mga aktibidad.

Sa pagtatapos ng programa ay agad na sinimulan ang tagisan sa isports tulad volleyball, basketball, softball, football, futsal, baseball, archery, sepaktakraw, swimming, lawn tennis, table tennis, badminton, chess, at athletics.

✍️Julia Mae Remoto at Chariza Bejaron, Opisyal na mamamahayag ng Ang Boses
📸 Ang Boses
👩‍💻Precious Ann D. Notarte
_________________________________

10/10/2024

Makabuluhang Pagwawakas ng 2024 Intramural Meet sa HNVS, Ipinagdiwang sa Victory Ball

Naging makasaysayan ang huling araw ng 2024 Intramural Meet ng Hilongos National Vocational School, na ipinagdiwang sa pamamagitan ng Victory Ball na nagtampok ng pagkakaisa ng mga mag-aaral at g**o sa gymnasium ng paaralan nitong hapon, ika-9 ng Oktubre.

Nagsimula ang programa sa isang panalangin mula kay G. Jimmy M. Urgel, na sinundan ng opening talk ni Gng. Roche V. Melgazo, Designated Assistant Principal ng paaralan, na nagbigay-diin sa kahalagahan ng sportsmanship at teamwork sa mga aktibidad ng paaralan.

Matapos ang pambungad na mensahe, inanunsyo ni G. Richie T. Benlot ang mga special awards kung saan nakuha ng Faction 4 - D’ Fighters ang Best in Faction Uniform at Most Clean Faction, habang ang Faction 2 - D’ Mage ay iginawad ng Most Discipline Award dahil sa kanilang dedikasyon at pagsunod sa mga patakaran ng paligsahan.

Sa pangkalahatang resulta ng Intramural Meet, itinanghal na kampeon ang Faction 4 - D’ Fighters dahil sa kanilang natatanging pagganap sa iba’t ibang kategorya, sinundan ng Faction 2 - D’ Mage bilang pangalawa, Faction 1 - D’ Assasin bilang pangatlo, at Faction 3 - D’ Marksman sa huling pwesto.

Bilang pagtatapos ng Intramural Meet, nagbigay ng pormal na deklarasyon si Dr. Richard A. Gabison, ang punong g**o ng HNVS, at sa kanyang mensahe ay ipinaalala niya sa lahat na ang tunay na halaga ng palakasan ay hindi lamang nasa pagkapanalo kundi nasa proseso kung paano mo ito napagtagumpayan at sa mga aral na napulot mula rito.

Ang Victory Ball ay nagtapos sa isang salo-isalo kung saan ang mga mag-aaral at g**o ay nagkaroon ng masasayang oras sa musika at sayawan, na nagpatunay ng pagkakaisa at tagumpay ng buong paaralan.

✍️Julia Mae Remoto, Opisyal na mamamahayag ng Ang Boses
📸 Ang Boses
_________________________________

09/10/2024

HNVS Intrams 2024, matagumpay na iginunita

Matagumpay na idinaos ngayong araw, ika-9 ng Oktubre ang panghuling araw ng Intramurals Meet 2024 na ginanap sa Hilongos National Vocational School Erap Sport Complex.

Bilang pagtatapos ng mga kompetisyon sa isports, nagkaroon ng exhibition game ang mga nakaraang taong atleta ng HNVS sa basketball boys at volleyball girls laban sa mga kampyonado ng nasabing isports. Samantala, isinagawa din ang championship game ng football midget at junior division kung saan nasungkit ng Faction 3 ang gintong medalya.

Pormal naman na idineklara ang mga piling atleta na siyang magsisilbing representatibo at maglalaro para sa gaganaping Inter Town Athletic Meet sa darating na susunod na mga araw.

"Ngayong intramurals ay naglaro kayo para ipaglaban ang inyong mga faction pero dahil tapos na ang intramural meet, hindi na faction ang inyong dadalhin kundi ay ang pangalan at dangal na ng ating paaralan." mensahe ni G. Emmanuel Flores, sports co-ordinator.

Sa pagtatapos ng aktibidad ay nagkaroon ng panapos na palatuntunan kung saan ay ibinaba ang Athletic Banner at Faction Banners bilang simbolo ng pagtatapos ng Intramurals Meet 2024.

✍️Chariza L. Bejaron, Opisyal na mamamahayag ng Ang Boses
📸 Ang Boses
_________________________________

09/10/2024

HNVSians, nakilahok sa tagisan sa isports

Ipinakita ng mga mag-aaral ng Hilongos National Vocational School ang kanilang galing sa larangan ng isports nitong ika-8 ng Oktubre, ikalawang araw ng Intramurals Meet 2024.

Kabilang sa mga aktibidad na iginunita sa araw na ito ay ang iba't ibang uri ng isports tulad ng volleyball, basketball, softball, football, futsal, baseball, archery, sepaktakraw, swimming, lawn tennis, table tennis, badminton, chess, at athletics.

Mahigpit na labanan ang mapapansin sa pagitan ng bawat Faction upang makamtan ang inaasam na kampyonado at gintong trono. Samantala, malakas na hiyawan at palakpakan naman ang hatid ng mga mag-aaral sa bawat faction bilang suporta sa kanilang mga kasamahang atleta na kalahok sa iba't ibang isports.

Alerto namang nagbabantay ang mga medical personnel na pinangunahan ng PULSE Organization at mga First Aiders upang magbigay ng paunang lunas sa mga atletang nakararanas ng injury at mga nahimatay dahil sa tindi ng init.

Ayon pa mga HNVSians, masaya at nasasabik silang maranasan ang pagbabalik ng Intramurals dahil mahigit limang taon na ang nakaraan simula noong huli itong idinaos gayundin ay matagal na nila itong inaasam na mangyaring muli.

✍️Chariza L. Bejaron, Opisyal na mamamahayag ng Ang Boses
📸 Ang Boses
_________________________________

09/10/2024

HNVS Intrams Day-1, umarangkada na

Nakakapanabik na binuksan ngayong araw, ika-7 ng Oktubre sa Hilongos National Vocational School Erap Sports Complex ang unang araw ng Intramurals 2024 na binubuo ng apat na faction, ang Faction A (D'Assasin), Faction B (D'Blue Mage), Faction C (D' Marksman) at Faction D (D'Fighter).

Bilang pormal na simulan ang aktibidad ay nagkaroon ng parada sa ika-8 ng umaga sa lungsod ng Hilongos na pinangunahan ng HNVS Band kung saan nakilahok ang mga mag-aaral at g**o mula sa bawat faction suot ang kanilang mga makukulay na uniporme.

Sinundan ito ng pambukas na palatuntunan na sinimulan ng panalangin, pag-awit ng pambansang at welcome address ni Dr. Aurora N. Paran, ulong g**o sa Senior High School.

"For the past four years, we have not conducted any intramural meet, so we have been longing and we look forward to have this again and finally this is it. This is also very timely because in the month of October, we are celebrating mental health awareness and engaging into sport is one way of caring for our mental health and relaxing our mind from academic stress.", talumpati ni Dr. Paran.

Kasunod nito ay ang raising of the Intramural Banner at Entrance of the Intramural Athletic Flame and Lighting of Friendship Urn na pinangunahan ni Francis Hercules Y Montajes, Palarong Pambansa 2024 Qualifier sa Boxing at iba pang mga atleta sa volleyball.

Masigla ring inirepresenta ng bawat faction manager mula sa bawat faction ang kani- kanilang mga nasasakopan. Para sa faction 1, ito ay binubuo ng 1103 kalahok kabilang na ang mga mag-aaral at mga tagasanay, 1102 naman sa faction 2, 1102 para sa faction 3 at 1103 para sa faction 4. Sinundan ito ng Raising of Faction Banners at inspirational message ng panauhing tagapagsalita na si G. Crimson Rosse P. Inguito.

"Remember that success is not guaranteed but gathered through hard work and determination. The experience I had in sports taught me a valuable lesson. It's not just about mini sports, but about overcoming challenges, pushing past our limits, and accepting defeat. It's about believing in ourselves even when the odds are against us. Let us never forget that even the weak, with the right attitude and determination, anything can be possible." mensahe ni G. Inguito.

Sa pagtatapos ng programa ay nagkaroon ng Athletes' Creed, Oath of Amateurism of Athletes, Meet Officials' Oath gayundin ang pormal na deklarasyon para sa pagbubukas ng 2024 Intramural Athletic Meet na isinagawa ni Dr. Richard A. Gabison, punongg**o ng HNVS.

✍️Chariza L. Bejaron, Opisyal na mamamahayag ng Ang Boses
📸 Ang Boses
_________________________________

09/10/2024

Mr. & Ms. HNVS Pageant, tampok sa Intramurals 2024

Malakas na hiyawan ang sumalubong sa gymnasium ng Hilongos National Vocational School sa isinagawang search for Mr. and Ms. HNVS 2024 gayundin sa tagisan sa pagkanta at pagsayaw ng bawat faction sa ginanap na kompetisyon sa Vocal Solo, Vocal Duet at Pop Dance nitong hapon, ika-7 ng Oktubre.

Kinilala ang mga kalahok na sina Nicole L. Schaer at Lian B. Añora para sa faction 1, Princess Daiza M. Alo at Jo Thomas T. Monto naman sa faction 2, Genevieve Roche Ann V. Melgazo at Jhon Kerby L. Napoles para sa faction 3 at sina Shameeka Kate P. Rizo at Rizen Mar B. Vega naman sa faction 4.

Taas-noong inirampa ng mga kandidata ang kanilang mga naga-gandahang mga kasuotan mula sa production number, sports wear at formal attire gayundin ang kanilang katalinohan sa pagsagot sa Q&A portion.

Sa pagtatapos ng programa ay ginawaran ng parangal ang mga kandidata at mga kalahok na nagwagi sa kompetisyon. Pagbibigay ng sertipiko at regalo para sa mga hurado at mga magulang ng mga kandidata.

Hinirang si G. Jo Thomas T. Monto, mula sa faction 2 at Bb. Genevieve Roche Ann V. Melgazo, mula sa faction 3 bilang nagwagi sa titulong Mr. & Ms. HNVS Intramurals 2024. Samantala, inuwi naman ng faction 4 ang kampyonado sa isinagawang kompetisyon sa vocal solo. Faction 3 naman para sa vocal duet at faction 4 sa Pop Dance.

Tinapos ang nasabing programa sa isang pictorial at pasalamat para sa mga kandidato, hurado, at mga manonood na dumalo at sumoporta sa ginanap na aktibidad.

✍️Chariza L. Bejaron, Opisyal na mamamahayag ng Ang Boses
📸 Ang Boses
_________________________________

09/10/2024

Salamin sa Hiwaga ng Hangarin

"The experience I had in sports taught me a valuable lesson."

Mga salitang lumabas sa kaniyang labi nang hawakan niya ang mikropono, at pormal na tumindig habang suot-suot ang kalmadong ngiti.

Iba't-ibang pares ng mata ang nakatutok sa kaniya habang binibigkas ang mga katagang nagbigay liwanag sa mga palaisipang naglalaro sa isipan ng mga manonood. Mga manonood na tutok at kuryusadong nakikinig sa kung ano ang susunod na mga salitang kaniyang bibitawan, kabilang na rito ang mga manlalaro.

Bata pa lamang ay nakahiligan na niyang maglaro ng football. Nang tumuntong siya sa ikatlong baitang, sinubukan niyang tuklasin ang nakakubling talento at sumali sa isang paligsahan ng mag-sampung taong gulang. Dumating ang panahon ng kaniyang pagbibinata at ang talentong taglay ay mas napahusay.

Pinasok niya ang mga pintong nakabukas para sa kaniya, at nagkaroon siya ng iba't ibang kaibigan mula sa iba't ibang lugar habang binabyahe ang daan tungo sa kaniyang magandang kinabukasan.

Dumating sa puntong nakatuntung siya sa iba't ibang sports meet, katas ng kaniyang pagsisikap na maabot ang pangarap. Nag-uwi siya ng mga gintong medalya na naging susi sa pagbukas ng mas marami pang oportunidad upang maabot niya ang magandang kinabukasan.

Buong-puso at puno ng pasasalamat niyang tinanggap ang mga biyayang inihandog para sa kaniya at tuloy sa paggawa ng mga bagay na ikasasaya niya, ang paglalaro ng football.

Aniya'y ang kaniyang pagiging atleta ay nagturo sa kaniya na ang tagumpay ay hindi garantisado, kundi makukuha sa pamamagitan ng sipag at determinasyon, at ang mga maliliit na hamon ay hindi rason upang sukuan ang isang bagay. Ipinaalala niya sa lahat na kahit na mahina, kapag may sipag at determinasyon, kayang-kayang makamit ang anumang posible.

Paghanga ang namutawi sa kapaligiran, tila preskong hanging humahaplos sa pusong naliwanagan. Paghanga para sa Panauhing Tagapagsalita na si Ginoong Crimson Rosse P. Inguito, at sa kaniyang mga aral na sumasalamin sa hiwaga ng determinasyon at hangarin.

✍️ Monica Pablo at Risha Kate Matas, Opisyal na mamamahayag ng Ang Boses
📷 G. Emanuelle Barrientos
👩‍💻 Precious Ann D. Notarte
____________________________________

09/10/2024

TUTUKAN | INTRAMURALS MEET AT MR.& MS. HNVS 2024

Kung sino ang panalo ,siyang magwawagayway! Labanan ng mga pinakamahusay at pinakamatalinong mandirigma! Anong Kulay kaya ang maghahari sa lahat? Itim, asul, berde o di kaya’y p**a?

Abangan ang naglalagablab na kabanata!
Matira ang Matibay! Para sa Tronong Naghihintay!

Tagapagbalita: Juliana Rose Villaro at Tristel Zarco

Teknikal Direktor: Fel Quinneth Ingan

18/08/2024

Attention‼️

Magkakaroon ng screening ang Radio Scriptwriting and Broadcasting Team (Filipino) para sa kanilang trainee team (non-competing team) ngayong Lunes ika-19 ng Agosto 2024 11:45 hanggang 1:00pm sa Silid Aralan ni Gng. Garan sa SHS Bldg. 3 room 304

Para sa karagdagang detalye pwede kayong mag-message ni Fel Quinneth Ingan

Available positions for g11:
Male Anchor
National News Reporter
Sports News Reporter

Available positions for g10 below:
Male Anchor
Female Anchor
National News Reporter
Sports News Presenter
Showbiz News Presenter

30/07/2024

SULAT-ULAT-MULAT

Kasabay ng muling pagtapak sa lupang nakagisnan ay ang paglisan sa kahapong hinding-hindi na mababalikan. Mga paalam na nakaselya sa pusong dalisay, at mga ngiting tumaga sa isip at mananatili habambuhay.

Bagaman nakaraan na, magpakailanman ko itong babaunin bilang kaban na magsisilbing pagganyak, habang papasok sa lagusan ng panibagong bukas. Bukas na kasama ang aral mula sa nagdaan kalakip ang suporta ng panibagong katuwang.

Kapanabay ng pagpasok ng taong panuruan ay ang muling pagbukas ng pinto ng panibagong oportunidad para maipamalas ng mga mag-aaral ang angking talento. Ito na ang oras upang magamit at maibahagi ang kakayahang nakakubli sa anino at hiya.

Inaanyayahan ang lahat na makilahok sa gaganaping 'screening' ngayong Agosto 2, 2024, na isasagawa sa silid-aralan nina Gng. Lilibeth Sungahid, Rm.57 at Gng. Maribeth Villahermosa, Rm. 55, mula 11:45 hanggang 1:00 ng tanghali.

Pagsulat ng Balita
Pagsulat ng Lathalain
Pagsulat ng Agham at Teknolohiya
Pagsulat ng Isports
Pagsulat ng Kulomn
Pagsulat sa Editoryal
Pagkuha ng Larawan
Pagguhit ng Kartong Pang-editoryal
Taga-anyo (Lay-out Artist)
Pag-uulo ng Balita at Pagwawasto ng Sipi
Radio Broadcasting

Halina't sama-sama nating ibahagi ang prinsipyo ng katapatan.

Boses ng kabataan, hatid ay katotohanan.

Magtala, Gumunita, Lumathala

Sulat ni: Monica P. Pablo
Disenyo ni: Fel Quinneth C. Ingan at Precious Ann D. Notarte
________________________________

23/07/2024

HNVS Brigada Eskwela Kick Off Ceremony, isinagawa na!

HILONGOS, Leyte— Sinimulan na ang Brigada Eskwela kick-off ceremony sa Hilongos National Vocational School, nitong ika-22 ng Hulyo na may temang “Bayanihan para sa Matatag na Paaralan,” ito ay alinsunod sa DepEd Memorandum Blg. 33 s.2024 na inilabas ni DepEd Undersecretary Michael Wesley Poa nitong ika-sampo ng Hulyo. Ito ay gagawin ngayong taon mula Hulyo 22-29.

Malugod na tinanggap ng mga boluntaryong magulang at estudyante na may dalang kagamitan sa paglilinis tulad ng, bolo, sako at walis sa pamamagitan ng mainit na pagbati.

Mapapansin ang pagiging masipag na pagboluntaryo ng mga mag-aaral at ng mga magulang at ang pagiging tapat nila sa kanilang ginagawa, na binigyang-diin naman ni Dr. Richard A. Gabison sa kanyang talumpati.

Hindi rin nakaligtaang ituro sa mga mag-aaral ang kahalagahan sa pagpapanatili ng kalinisan sa paaralan.

Kalakip nito ang masayahing pagtatanghal ng mga g**o sa iilang mga sayaw ng Ppop-girl-group na BINI.

Opisyal ding nilagdaan ng mga g**o ang "pledge of commitment" na naglalayong mapatatag ng mga g**o ang magkaparehong pagkaunawaan sa gitna ng responsibilidad at pagpapaunlad ng isang positibong kapaligiran sa trabaho.

Kasama sa preperasyon sa paparating na pasukan ang iba't-ibang ahensya gaya ng LGU ng Hilongos, Bureau of Fire Protection at RHU.

“Responsibilidad nating panatilihin ang kalinisan ng paaralan at dapat ding makibahagi ang mga mag-aaral dito. Malaking tulong sa paaralan ang aktibidad ng Brigada Eskwela” sabi ni Gg. Albert R. Agon ang Brigada Eskwela Coordinator.

✍️Giah Mae Alfante, Opisyal na mamamahayag ng Ang Boses
📸 SSLG-HNVS
_________________________________

12/07/2024

BATANG ATLETA | Mga nakuhang litrato sa iginanap na Area VB Athletic Sports Meet noong ika-12-13 ng Enero sa Hilongos National Vocational School.

Kuha ni: Jovannah Mhaye M. Tongzon

23/04/2024

TEKNOYS | Mga nakuhang litrato sa iginanap na Area VB Technolympics noong ika-14 ng Abril sa Hilongos National Vocational Schools.

Kuha ni: Jovannah Mhaye M. Tongzon

13/03/2024

Symposium laban sa teenage Pregnancy, isinulong sa HNVS

Matagumpay na isinagawa ang isang pagpupulong kung saan isinulong ang Prevention on the Teenage Pregnancy na dinaluhan ng mga babaeng mag-aaral sa ika-11 baitang at mga g**o sa departamento ng SHS na pinamumunuan ni Dr. Aurora N. Paran, JHS Assistant Principal ng Hilongos National Vocational School nitong ika-13 ng Marso, taong 2024 sa Erap Sports Complex, Grandstand.

Ibinahagi ni Rev. Fr. Eric John P. Entuna ang kahalagahan ng pagsali sa mga Youth Organizations upang magkaroon ng gabay ang mga kabataan sa mga desisyon na kanilang ginagawa, gayundin ang isinusulong ng simbahan.

“Blessing pa rin ang bata even if it’s made up of curiosity dahil hindi immoral ang pagluwal ng bata at higit sa lahat walang ka alam-alam ang bata sa mga nangyayari. What the church promote is life,” giit ni Fr. Entuna sa kaniyang naging tugon sa tanong ng isang mag-aaral.

Dagdag pa rito, tinalakay din ni Gng. Antonette Villacorte ang pagtataguyod ng komprehensibong edukasyon sa sekswalidad na naglalayong magbigay ng kaalaman sa mga kabataan upang makagawa ng matalinong desisyon.

Ayon pa kay Gng. Villacorte, ang Teenage Pregnancy ay isang kontemporaryong isyung kinakaharap ng bansa at isa sa dahilan nito ay ang impluwensya ng social media sa mga kabataan.

“The Department of Education is committed to help you unlock your full potential in life and while you are in that journey, there are obstacles that are waiting for you to stumble upon, and one of that is the being pregnant at a young age. Please do not normalize the Teenage Pregnancy.” pahayag ni Gng. Villacorte.

Binigyang-diin niya ang kahalagahan ng paggamit ng mga kontraseptibo kagaya ng condoms, birth control pills, at implant birth control, gayundin ang pagsasanay sa ligtas na pakikipagtalik.

Sa pagtatapos ng symposium, ang mga mag-aaral sa grade 11 ay sumumpa na "There shall be no more children bearing children in HNVS," bilang isang pagpapahayag ng kanilang determinasyon na labanan ang teenage pregnancy.

Sulat ni: Julia May L. Remoto
Kuha ni: John Louie T. Bahalia
__________________________________