https://www.facebook.com/103845646147030/

Ang Boses

Ang Opisyal na Pampaaralang Publikasyon ng Hilongos National Vocational School

23/07/2024

HNVS Brigada Eskwela Kick Off Ceremony, isinagawa na!

HILONGOS, Leyte— Sinimulan na ang Brigada Eskwela kick-off ceremony sa Hilongos National Vocational School, nitong ika-22 ng Hulyo na may temang “Bayanihan para sa Matatag na Paaralan,” ito ay alinsunod sa DepEd Memorandum Blg. 33 s.2024 na inilabas ni DepEd Undersecretary Michael Wesley Poa nitong ika-sampo ng Hulyo. Ito ay gagawin ngayong taon mula Hulyo 22-29.

Malugod na tinanggap ng mga boluntaryong magulang at estudyante na may dalang kagamitan sa paglilinis tulad ng, bolo, sako at walis sa pamamagitan ng mainit na pagbati.

Mapapansin ang pagiging masipag na pagboluntaryo ng mga mag-aaral at ng mga magulang at ang pagiging tapat nila sa kanilang ginagawa, na binigyang-diin naman ni Dr. Richard A. Gabison sa kanyang talumpati.

Hindi rin nakaligtaang ituro sa mga mag-aaral ang kahalagahan sa pagpapanatili ng kalinisan sa paaralan.

Kalakip nito ang masayahing pagtatanghal ng mga g**o sa iilang mga sayaw ng Ppop-girl-group na BINI.

Opisyal ding nilagdaan ng mga g**o ang "pledge of commitment" na naglalayong mapatatag ng mga g**o ang magkaparehong pagkaunawaan sa gitna ng responsibilidad at pagpapaunlad ng isang positibong kapaligiran sa trabaho.

Kasama sa preperasyon sa paparating na pasukan ang iba't-ibang ahensya gaya ng LGU ng Hilongos, Bureau of Fire Protection at RHU.

“Responsibilidad nating panatilihin ang kalinisan ng paaralan at dapat ding makibahagi ang mga mag-aaral dito. Malaking tulong sa paaralan ang aktibidad ng Brigada Eskwela” sabi ni Gg. Albert R. Agon ang Brigada Eskwela Coordinator.

✍️Giah Mae Alfante, Opisyal na mamamahayag ng Ang Boses
📸 SSLG-HNVS
_________________________________

12/07/2024

BATANG ATLETA | Mga nakuhang litrato sa iginanap na Area VB Athletic Sports Meet noong ika-12-13 ng Enero sa Hilongos National Vocational School.

Kuha ni: Jovannah Mhaye M. Tongzon

23/04/2024

TEKNOYS | Mga nakuhang litrato sa iginanap na Area VB Technolympics noong ika-14 ng Abril sa Hilongos National Vocational Schools.

Kuha ni: Jovannah Mhaye M. Tongzon

13/03/2024

Symposium laban sa teenage Pregnancy, isinulong sa HNVS

Matagumpay na isinagawa ang isang pagpupulong kung saan isinulong ang Prevention on the Teenage Pregnancy na dinaluhan ng mga babaeng mag-aaral sa ika-11 baitang at mga g**o sa departamento ng SHS na pinamumunuan ni Dr. Aurora N. Paran, JHS Assistant Principal ng Hilongos National Vocational School nitong ika-13 ng Marso, taong 2024 sa Erap Sports Complex, Grandstand.

Ibinahagi ni Rev. Fr. Eric John P. Entuna ang kahalagahan ng pagsali sa mga Youth Organizations upang magkaroon ng gabay ang mga kabataan sa mga desisyon na kanilang ginagawa, gayundin ang isinusulong ng simbahan.

“Blessing pa rin ang bata even if it’s made up of curiosity dahil hindi immoral ang pagluwal ng bata at higit sa lahat walang ka alam-alam ang bata sa mga nangyayari. What the church promote is life,” giit ni Fr. Entuna sa kaniyang naging tugon sa tanong ng isang mag-aaral.

Dagdag pa rito, tinalakay din ni Gng. Antonette Villacorte ang pagtataguyod ng komprehensibong edukasyon sa sekswalidad na naglalayong magbigay ng kaalaman sa mga kabataan upang makagawa ng matalinong desisyon.

Ayon pa kay Gng. Villacorte, ang Teenage Pregnancy ay isang kontemporaryong isyung kinakaharap ng bansa at isa sa dahilan nito ay ang impluwensya ng social media sa mga kabataan.

“The Department of Education is committed to help you unlock your full potential in life and while you are in that journey, there are obstacles that are waiting for you to stumble upon, and one of that is the being pregnant at a young age. Please do not normalize the Teenage Pregnancy.” pahayag ni Gng. Villacorte.

Binigyang-diin niya ang kahalagahan ng paggamit ng mga kontraseptibo kagaya ng condoms, birth control pills, at implant birth control, gayundin ang pagsasanay sa ligtas na pakikipagtalik.

Sa pagtatapos ng symposium, ang mga mag-aaral sa grade 11 ay sumumpa na "There shall be no more children bearing children in HNVS," bilang isang pagpapahayag ng kanilang determinasyon na labanan ang teenage pregnancy.

Sulat ni: Julia May L. Remoto
Kuha ni: John Louie T. Bahalia
__________________________________

02/02/2024

Welcome Party Para Sa Bagong Punongg**o ng HNVS, Ipinagdiwang

Mainit na pagtanggap ang sumalubong sa bagong punongg**o ng Hilongos National Vocational School na si Dr. Richard A. Gabison sa idinaos na Welcome Party nitong ika-31 ng Enero sa pangunguna ng Faculty and Staff Association (FSA), magulang, at mga mag-aaral.

"It is a great honor and respect that on behalf of the HNVS family, parents and other stakeholder, I welcome everyone and especially to our incoming school principal, . Dr. Richard A. Gabison", wika ni Dr. Zosimo, pambungad na mensahe.

Naging bahagi ng programa ang pagpapakilala sa mga ulong g**o mula sa iba't ibang departamento na masiglang ipinakilala ni Dr. Aurora N. Paran, HT VI/Asst. SHS Principal, mga g**o, mga Non-teaching Staffs, Faculty and Staff Association Officers, Supreme Student Learner Government, School Publication at PTA Officers.

Nagkaroon din ng seremonya sa Bestowal and Acceptance Of HNVS Key of Responsibility bilang tanda ng pagtatapos ng termino ni Dr. Zosimo at pag-upo ni Dr. Richard A. Gabison sa pagka-punongg**o.

"As the outgoing school principal of HNVS, I am honor to handover the Key of Responsibility which represents your duties as the new principal of Hilongos National Vocational School", wika ni Dr. Zosimo sa kanyang turn over speech.

Samantala, taos puso naman itong tinanggap ni Dr. Gabison. Ayon pa sa kanya "It is a great honor that I accept the Key of Responsibility from you as the incoming principal of Hilongos National Vocational School."

Sa pagtatapos ng programa ay nagkaroon ng pagbibigay ng token of godwill ng mga g**o at munting salo salo.

Sulat ni: Chariza L. Bejaron
Kuha ni: G. Emanuelle Barrientos at John Louie T. Bahalia
__________________________________

01/02/2024

BASAHIN: Ang seremonya ng pagbibigay sa susi ng responsibilidad na idinaos sa welcome party ni Dr. Richard A. Gabison at sa Farewell Party ni Dr. Zosimo R. Cabug-os noong ika-31 ng Enero 2024, alas 3 ng hapon.

Narito ang mga bahagi ng kanilang talumpati.
__________________________________

31/01/2024

PABATID | RADIO SCRIPTWRITING AND BROADCASTING AUDITION

📰🎤 pagsubok sa mikropono… pagsubok sa mikropono … 𝟷,𝟸,𝟹

Magandang araw HNVSians!
Narito na ang mga nagbabagang balita sa oras na ito:

Ang Ang Boses Radio Broadcasting Team ( FILIPINO ) ay magsasagawa ng audition para sa lahat ng radio broadcasting aspirants.

Available Positions:
Male Anchor
News Presenter

Sa pamamagitan ng iyong boses, maging bahagi sa pagpapalaganap ng mahahalagang impormasyon, kaganapan, at makatotohanang balita sa buong paaralan.

𝙲𝚞𝚎 𝚘𝚞𝚝: Ang Boses
𝙼𝚄𝚂𝙸𝙲 𝙿𝙻𝚄𝙶𝚂 𝙸𝙽... 𝙵𝙰𝙳𝙴𝚂 𝙾𝚄𝚃...

Para sa mga gustong magpalista maaaring makipag-ugnayan ni:

Fel Quinneth Ingan: https://www.facebook.com/profile.php?id=100083422995540&mibextid=LQQJ4d
__________________________________

30/01/2024

MAGDIWANG! | Mga mag-aaral na Atleta ng Hilongos National Vocational School na kwalipikado sa Eastern Visayas Regional Athletic Association (EVRAA) Meet 2024.

* Volleyball Secondary (Boys)
* Voleyball Secondary (Girls)
* Lawn Tennis Secondary (Single A Boys)
* Lawn Tennis Secondary (Single A Girls)
* Boxing

Ang inyong tagumpay ay patunay ng kahusayan ng Hilongos National Vocational School sa larangan ng palakasan.

, magdiwang tayo at ipagpatuloy ang pagpapakita ng kahusayan at kabayanihan!

Nawa'y maging inspirasyon kayo sa ibang mag-aaral na sumunod sa inyong yapak at magtagumpay rin sa kanilang mga pangarap at dedikasyon sa paglalaro.

✍️ John Louie T. Bahalia, Pangalawang Patnugot
🧑‍💻 John Louie T. Bahalia, Pangalawang Patnugot

25/01/2024

TINGNAN | LEYTE PROVINCIAL ATHLETIC MEET 2024
📍Burauen Sports Complex
_____________________________________

Voleyball Boys (Secondary)

Area V-B vs Area I

18/01/2024

𝗣𝗶𝘁𝗶𝗸 𝘄𝗶𝘁𝗵 𝗦𝗶𝗿 𝗭: Mga larawang nakuha sa HNVS Gym noong Enero 15 sa Send-off Party ni Dr. Zosimo R. Cabug-os, pununggoro ng HNVS.

Ito ay nagtatampok ng kahulugan ng pasasalamat at pagkakaibigan. Ang makulay na mga performance ng mga mag-aaral, ang pagpapalitan ng mga masusing regalo, ang masiglang usapang hindi kinakailangang itulak, at ang isang makalipasang larawan ng buong komunidad ay nagbibigay buhay sa emosyonal na pagpapaalam.

Bawat litrato ay naglalahad ng isang kwento ng pagpapahalaga at pagkakaisa, at naglilikha ng isang makabuluhang litrato ng natatanging alaala ng impluwensya ni Sir Z sa HNVS.

Kuha nina: G. Emanuelle Barrientos at John Louie T. Bahalia
__________________________________

17/01/2024

𝗔𝗺𝗮 𝗻𝗴 𝗛𝗡𝗩𝗦: 𝗦𝗲𝗻𝗱-𝗼𝗳𝗳 𝗣𝗮𝗿𝘁𝘆 𝗽𝗮𝗿𝗮 𝗸𝗮𝘆 𝗗𝗿. 𝗭𝗼𝘀𝗶𝗺𝗼, 𝗠𝗮𝘁𝗮𝗴𝘂𝗺𝗽𝗮𝘆 𝗻𝗮 𝗜𝘀𝗶𝗻𝗮𝗴𝗮𝘄𝗮 𝘀𝗮 𝗛𝗡𝗩𝗦.

Sa isang makabuluhang pagpapaalam, ipinahayag ng Faculty and Staff ng HNVS ang kanilang taos-pusong pasasalamat kay Dr. Zosimo Cabug-os, ang nagpapakita ng tapat na paglilingkod bilang punong-g**o, sa isang simpleng ngunit masiglang despedida party ngayong hapon, ika-15 ng Enero sa HNVS Gym.

Napuno ang lugar ng mga g**o at iba pang empleyado. Nagbibigay naman ng kanilang nga mensahe ang lahat ng mga pinuno sa iba't-ibang mga departamentl. Sa pagtatapos ng panunungkulan ni Dr. Cabug-os, itinatampok ang kanyang mahusay na pamumuno at dedikasyon sa larangan ng edukasyon.

"Ito ay hindi lamang isang pagpapaalam kundi isang pagdiriwang ng tagumpay at inspirasyon na iniwan ni Dr. Cabug-os sa ating lahat." sabi ni Dr. Aurora Paran

Ang kanyang pamumuno ay nagbibigay inspirasyon, at mananatiling bahagi ng buhay at alaala ng buong HNVS. Ang kwento ni Dr. Cabug-os ay hindi nagtatapos dito; ito'y patuloy na magsisilbing inspirasyon sa lahat.

Kuha ni: G. Emanuelle Barrientos at John Louie T. Bahalia

__________________________________

15/01/2024

Hakbang palabas ng Nakagisnan

'Aim high and hit the mark,' banggit niya habang suot ang maliit na ngiting nakakurba sa mahinahon niyang mukha. Ang kamay niya'y magkahawak, habang ang likod niya nama'y marahang nakasandal sa upuan. Ramdam ang presensya niyang dumadaloy sa bawat sulok ng paaralang kanyang pinamumunuan.

Nagsilbi siyang haligi at pundasyon, dahil sa kanya mas naging matibay at maunlad ang kabuuan ng HNVS. Mula sa pagkakaisa ng mga g**o, hanggang sa pagpapalawak ng lupa at pagpaparami ng mga imprastraktura.

Malinaw na makikita ang pinagbago ng HNVS sa pagdaan ng panahon, ngunit ang hangad niyang mas mapa-unlad pa ang paaralan ay hinding-hindi kailan man mapapalitan. Ngayon ay agad na matatanaw ang magagandang gusali pagtapak sa loob ng paaralan. Iba't-iba ang kulay at laki ngunit maganda at uniporme pagmasdan.

Sa ilalim din nang pamumuno niya ay mas naging kilala ang HNVS sa larangan ng patimpalak, mapa-akademiko man o isports. Pinapakita nito na tunay niyang pinahahalagahan at pinagyayaman ang angking talento ng mga mag-aaral sa tulong na rin ng mga g**o.

Maraming taon na ang nagdaan. Maraming pagsubok na ang kanyang nalampasan. Hindi mabilang ang mga sakripisyong inialay niya sa paaralang tinuring niyang pangalawang tahanan. Ngunit ani niya'y masaya siya, sapagkat lahat nang tinanim niya ay nagbunga.

Kasabay nang kanyang pag-alis ay ang pagtubo ng lungkot at pait sa hangin ng HNVS. Ngunit sa kabila nito, mapagpasalamat na ngiti ang ganti ng kanyang kapamilya. Sapagkat batid nilang sa kanyang paghakbang palayo sa ikalawang tahanan, dala niya ang masasayang ala ala na nakakintal sa kanyang puso at isip, at hinding hindi niya makakalimutan.

Maraming salamat Doctor Zosimo Cabug-os. Naway maging matagumpay at puno nang galak ang iyong paglalakbay.

Sulat ni: Monica Pablo
Disenyo ni: John Louie T. Bahalia
____________________________________

13/01/2024

TINGNAN: Nasungkit ng HNVS Men’s Volleyball Team ang kampyonato kontra Hindang sa ginanap na Area V-B Athletic Sports Meet.

Narito si Jo Thomas Monto at Tristel Zarco ng Radio Broadcasting Team, nagbabalita para sa Ang Boses.

Teknikal Direktor: Fel Quinneth Ingan

( Kuha ni Ann Gelly Cagadas | Ang Boses )

12/01/2024

𝗔𝗥𝗘𝗔 𝗩𝗕 𝗦𝗣𝗢𝗥𝗧𝗦 𝗠𝗘𝗘𝗧, 𝗦𝗜𝗡𝗜𝗠𝗨𝗟𝗔𝗡 𝗡𝗔

Pormal nang sinimulan ngayong araw, ika-12 ng Enero sa Hilongos National Vocational School - Erap Sports Complex ang unang araw ng Area Athletic Sports Meet na kinabibilangan limang delegates, ang Matalom, Bato, Hilongos, Hindang at Inopacan.

Sinimulan ang aktibidad ng munting parada ng mga kahalahok na atleta at mga tagasanay sa lungsod ng Hilongos gayundin ang pagkakaroon ng pambungad na programa kung saan taos pusong tinanggap ni Dr. Zosimo R. Cabug os, punongg**o ng HNVS ang mga atleta.

"Sports not only aims to improve our physical abilities but also help the sense of sportsmanship and to represent our Area V-B to be a champion in the coming Provincial Meet", wika ni Dr. Zosimo sa kaniyang pambungad na mensahe.

Masigla ring ipinakilala at iprenisenta ng mga ulong delegado mula sa limang munisipalidad ang bilang ng kani-kanilang mga kuponan. Para sa Matalom, 229 na bilang ng mga atleta mula sa secondarya at elementarya ang kanilang representibo samantalang 322 naman sa Bato, 297 sa Hilongos, 194 Hindang at 190 sa Inopacan.

Nagkaroon din ng Oath of Amateurism ang mga atleta na pinangunahan ni Remark Z. Bohol, atleta sa boxing ng Palarong Pambansa 2023 at Oath of Officiating Officials. Agad din itong sinundan ng iba pang seremonya tulad ng Lighting of Friendship Urn na isinagawa ni Carlos Tagalog Lusuegro, atleta sa boxing ng Palarong Pambansa 2023, Hoisting of the Area VB Athletic banner at Delegation banner.

Nagtapos ang programa sa pagkaroon ng orientasyon ng mga officiating officials para sa skedyul at lokasyon ng mga larong gaganapin sa mga susunod na dalawang araw.

Ulat ni: Chariza L. Bejaron
Litrato ni: John Louie T. Bahalia at Jovannah Mhaye Tongzon
__________________________________

12/01/2024

TINGNAN: Ang Area VB Athletic Sports Meet ay opisyal na sinimulan ngayong araw, Enero 12, sa Hilongos National Vocational School, Hilongos, Leyte.

Narito si Ann Gelly Cagadas mula sa Ang Boses Radio Broadcasting Team

Teknikal Direktor: Fel Quinneth C. Ingan
____________________________________

11/01/2024

𝗛𝗮𝗿𝗶𝗻𝗮𝘄𝗮'𝘆 𝗺𝗮𝗴𝘄𝗮𝗴𝗶, 𝗮𝘁𝗹𝗲𝘁𝗮 𝗻𝗴 𝗛𝗡𝗩𝗦!

Sa pagharap ninyo sa kompetisyon bukas, nawa'y kayo ay magtagumpay na dala ang lakas, determinasyon, at pagsusumikap na inyong natutunan sa inyong pagsasanay.

Sana'y maging inspirasyon ang inyong mga pagsisikap sa bawat isa. Ang laban na inyong tatahakin ay hindi lamang para sa inyong sarili kundi para sa ating mahal na paaralan, ang HNVS.

Kaya naman, kami sa Ang Boses ay buong pusong ipinaaabot ang aming pagmamahal at pakikiisa sa inyo sa laban na ito. Hindi kayo nag-iisa, kasama ninyo ang buong pamilya ninyo, ang HNVS.

Nawa'y pagpalain kayo ng Poong Maykapal.

Ulat ni: John Louie T. Bahalia
Disenyo ni: John Louie T. Bahalia
__________________________________

01/09/2023

HNVS, NAKIISA SA PAGDIRIWANG SA BUWAN NG WIKANG PAMBANSA 2023!

Bilang pagkilala at pagbibigay halaga sa pambansang wika ng Pilipinas, isinagawa sa Hilongos National Vocational School ang kulminasyon sa pagdiriwang sa buwan ng wika nitong ika-31 ng Agosto na may temang "Filipino at mga Katutubong Wika: Wika ng Kapayapaan, Seguridad at Ingklusibong Pagpapatupad ng Katarungang Panlipunan".

Dito nakilahok ang mga mag-aaral mula sa iba't ibang baitang at mga g**o sa pamamagitan ng pagsusuot ng pambansang kasuotan.

Sinimulan ang programa sa ika-3:30 ng hapon sa pangunguna ni John Louie T. Bahalia, SSLG President at Ann Gelly Cagadas, SSLG chairman. Sinimulan ito ng panalangin, pag-awit ng pambansang awit at pagbibigay parangal sa mga mag-aaral na nagwagi na may pinakamagandang kasuotan.

Sinundan ito ng pagpapakilala ni Gng. Christine D. Gahuman, g**o sa Pilipino ng SHS sa panauhing pandangal at tagapagsalita na si G. Demvir John B. Pedere, g**o sa Pilipino ng SHS.

"Ang bawat salita na lumalabas ay ating labi ay magsisimbulo sa pinagmulan ng ating katutubong lahi, ito ay magsisilbing instrumento sa pagtataguyod ng kapayapaan, seguridad at kapayapaan. Sa bawat komunikasyon at kaganapan na ginagamitan ng ating wika ay nagsasalamin sa ating pagkamaunawain, matulungin, pagka-masunurin at mapagmahal sa ating bansa. Tinuturuan tayo ng ating wika na maging makabansa at tapat sa ating pamahalaan at lugar na ating kinabibilangan." saad ni G. Pedere sa kanyang panauhing talumpati.

Naghandog din ng munting sayaw ang Kislap Mananayaw at awitin. Nagkaroon din ng balagtasan na pinangunahan ni Blessy Grace Serafina, ika-12 na baitang at Tristel Zarco, ika-11 na baitang. Dito nagpalitan ng mga kasagutan ang dalawang mag-aaral sa kung sino ang maituturing na tunay na bayani ng Pilipinas, si Andres Bonifacio o si Dr. Jose Rizal.

Ayon kay Blessy, dugo at pawis ang ibinigay ni Bonifacio sa bayang ito, handa siyang magserbisyo at makipagdigmaan para sa kalayaan kaya karapa't dapat siya ang kilalaning tunay na bayani ng bayan. Ayon din kay Tristel, mas karapa't dapat si Rizal dahil isiniwalat niya ang kaugalian ng mga dayuhan sa pamamagitan ng pagsulat ng nobelang Noli Me Tangere na siyang pumukaw sa mga Pilipino sa kasamaan at di makatarungang pakikitungo sa kanila ng mga dayuhan.

Pagkatapos, sinundan ito ng paggawad ng parangal ni Gng. Rodelyn Traya, ulong g**o sa departamentong Pilipino at Gng. Gahuman sa mga mag-aaral na nagwagi sa paligsahan sa pagsusulat ng sanaysay at tula.

✍️ Chariza L. Bejaron, Patnugot sa Balita
📸 Jovannah Mhaye Tongzon, Patnugot sa Pagkuha ng Larawan

14/08/2023

HNVS BRIGADA ESKWELA KICK-OFF CEREMONY, UMARANGKADA NA!

HILONGOS, Leyte—Tuluyan ng sinimulan ngayon ang Brigada Eskwela kick-off ceremony sa paaralan ng Hilongos National Vocational School alinsunod sa "DepEd Order No. 21 s.2023" na ipanatupad ng kagawaran ng edukasyon. Sa temang: " Bayanihan Para Sa Matatag Na Paaralan", kabilang sa mga nakiisa ay ang mga mag-aaral, magulang, at mga g**o sa iba't ibang departamento na pinamumunuan ng punong g**o ng paaralan, Dr. Zosimo R. Cabug-os, araw ng lunes, ikaw-14 ng Agosto 2023.

" Ayon sa ating DepEd Secretary Sara Duterte, ang brigada eskwela '23 ay may dalawang misyon: Una, everyone is invited to participate in cleaning of our school. Should be bayanihan. Pangalawa, Emphasize the cleaning of classroom barewall. Should be clean inside and outside", saad ni Dr. Aurora N. Paran, Ulong G**o ng Departamento sa SHS sa kaniyang pambungad na talumpati.

Ayon naman ni Dr. Zosimo R. Cabug-os, na nagbigay ng kaniyang mensahe, " Brigada Eskwela is not a requirement for enrollment rather a voluntary act for our teachers and students to have a safe and clean environment".

Taos puso namang naglahad ng isang magandang awitin sina Gng. Aileen Capiral at G. Rowin Saure at HNVS Kislap Mananayaw sa kanilang inihandang presentasyon.

Hindi rin nagpahuli si G. Albert Agon, JH Brigada Coordinator na magpaalala sa lahat na ano mang araw o buwan ay pwedeng pumunta sa paraalan upang maglinis sapagkat ang brigada eskwela: kick-off ceremony ay pang isang taon. Sa paraang ito mas mapanatili ang kalinisan ng paaralan. Ang seremonya ay natapos sa isang "Zumba Dance" na pinangunahan ng mga g**o sa Departamento ng Mapeh.

✍️ Blessy Grace N. Serafina, Opisyal na mamamahayag ng Ang Boses

📸 John Loyie T. Bahalia, Pangalawang Patnugot ng Ang Boses

14/08/2023

HNVS SSLG HALALAN 2023, ISINAGAWA; BAGONG PANGULO, KILALANIN

Hilongos Leyte—Pormal na idiniklara nitong ika-5 ng Hunyo sa Hilongos National Vocational School ang mga bagong opisyales ng Supreme Secondary Leader Government (SSLG) para sa taong 2023-2024 na pinangunahan ni Dr. Zosimo R. Cabug-os, punongg**o ng paaralan.

"It is an honor to present to you our newly elected SSLG officers for the school year 2023-2024. I believe this young leaders will bring joy, improvement and honor to our school.", ani ni Dr. Zosimo.

Matapos ang mahigit isang linggong pangangampanya ng mga kandidato, nakilala narin ang mga bagong batang lider ng paaralan.

Dito ipinakilala ang bagong pangulo ng SSLG, John Louie T. Bahalia, ang siyam na mga bagong opisyales at 20 na represintatibo mula ika-8 hanggang ika-12 na baitang.

"Ang pagiging isang lider ay nakakamit sa pamamagitan ng pagiging isang mabuting miyembro at tagasunod at higit sa lahat handang humarap sa mga hamon, mga oportunidad at tuparin ang mga platapormang aking isinaad sa abot ng aking makakaya.", ani ni Bahalia sa kanyang talumpati.

Kabilang sa mga platapormang binigyang pokus ni Bahalia ay tungkol sa pagpapatupad ng apat na mahahalagang pag-uugali na siyang binbigyang diin nga DepEd, ang Maka-Diyos, Maka-tao, Makakalikasan at Maka-bansa, pagpapaunlad ng paaralan at samahan ng mga mag-aaral.

Mula sa suporta at gabay ni G. Richie T. Benlot, tagapayo ng SSLG at iba pang mga g**o sa paaralan, matagumpay na isinagawa ang halalan.

Ayon din sa mga mag-aaral ng HNVS, sabik na silang makita ang serbisyo ng mga bagong opisyalis ng SSLG at kaunlaran ng kanilang paaralan.

✍️ Chariza L. Bejaron, Opisyal na mamamahayag ng Ang Boses

📸Jovannah Mhaye Tongzon, Opisyal na tagakuha ng litrato ng Ang Boses

09/08/2023

Pambungad na Palatuntunan sa Buwan ng Wikang Pambansa 2023 ng HNVS, Sinimulan na!

Hilongos Leyte—Pormal na sinimulan ngayon ang pakikiisa ng paaralan sa Hilongos National Vocational School ang pagbukas sa Buwan ng Wikang Pambansa na may temang: Filipino at mga Katutubong Wika:Wika ng Kapayapaan, Seguridad, at Ingklusibong Pagpapatupad ng Katarungang Panlipunan. Kabilang sa mga nakilahok ay mga mag-aaral, mga opisyales ng Supreme Secondary Learners Government (SSLG), mga g**o, adiministratibo, mga ulong g**o sa iba't ibang departamento, ulong g**o na ng departamento sa Senior High, na si Dr. Aurora N. Paran at sa pamumuno ng punong g**o ng paaralan na si Dr. Zosimo R. Cabug os. Ang aktibidad ay isinagawa sa HNVS Gym, pasado alas 8 ng umaga, araw ng mirkules, ika-9 ng Agosto.

"Nawa'y nagising na ng inyong almusal ang bawat ugat at nakapag-unat na upang buong handang harapin ang nakaabang na gawain sa atin", saad ni Gng. Marycris P. Losorata, g**o sa Filipino 9 na nagbigay ng pambungad na talumpati.

Dagdag pa niya, "Sa pagdiriwang natin ng buwan ng wika, layunin nitong huwag nating kaligtaan na ang Filipino at mga katutubong wika ang magsisilbing dagta ng kapayapaan at magbubuklod sa ating mga Pilipino at gagabay sa pagpapatupad ng katarungang panlipunan".

Ayon naman kay G. Richie T. Benlot, g**o sa Filipino 10, apat na beses nagpalit ng petsa bilang pagdiriwang sa pagpupugay ng ating pambansang wika at mula sa pambansang wika na tagalog na naging pilipino na ngayo'y filipino na.

Hindi rin nagpahuli na maglahad ng isang makabuluhang awiting makabayan sina Gng. Aileen Clarisa Capiral, g**o sa departamento ng SHS at G. Rowin Saure, g**o sa JH. Sumunod naman si Gng. Roldelyn D. Traya, MT 1 Ulong g**o sa departamento ng Filipino sa pagbigay sa layunin at G. Richie na nagbigay ng trivia na sinagutan ng apat na mga mag-aaral.

Ang aktibidad ay natapos sa pagbibigay ng kriterya sa gaganaping patimpalak (pagsulat ng sanaysay at tula) na gagawin sa susunod na linggo. Ang magwawagi ay paparangalan sa darating na kulminasyon sa kataposan ng buwan ng Agosto.

✍️Blessy Grace N. Serafina, Patnugot sa Balita
📸Jovannah Mhaye Tongzon, Patnugot sa Pagkuha ng Larawan

Address

R. V. Fulache Street
Hilongos
6524

Website

facebook.com

Alerts

Be the first to know and let us send you an email when Ang Boses posts news and promotions. Your email address will not be used for any other purpose, and you can unsubscribe at any time.

Videos

TINGNAN: Nasungkit ng HNVS Men’s Volleyball Team ang kampyonato kontra Hindang sa ginanap na Area V-B Athletic Sports Meet. Narito si Jo Thomas Monto at Tristel Zarco ng Radio Broadcasting Team, nagbabalita para sa Ang Boses. Teknikal Direktor: Fel Quinneth Ingan ( Kuha ni Ann Gelly Cagadas | Ang Boses ) #AngBoses #BosesngHNVS

TINGNAN: Ang Area VB Athletic Sports Meet ay opisyal na sinimulan ngayong araw, Enero 12, sa Hilongos National Vocational School, Hilongos, Leyte. Narito si Ann Gelly Cagadas mula sa Ang Boses Radio Broadcasting Team Teknikal Direktor: Fel Quinneth C. Ingan ____________________________________ #AngBoses #BosesngHNVS